Газеталöн номерыс лöсьöтöм Пермскöй крайись народдэзлöн национальнöй йитöттэз зорöтöм понда целевöй Программалöн рамкаэзын.

июнь 18 лун 2015год №24(246)

КОМИ-ПЕРМЯККЕЗЛÖН ОКРУЖНÖЙ ГАЗЕТА

Газеталöн медодзза номер петiс светö февраль 19 лунö 2010 годö.

Россиялöн вежалунö Кочёво посадiсь паркын, округись гижиссезлö памятник дынын, Кудымкарскöй районлöн

Верх-Иньваись коллектив гажöтö сьыланкыввезöн посадiсь олiссезöс.

нёльöт листбок вылын

мöдöдз листбок вылын

куимöт листбок вылын

ОБРЯДОВÖЙ КУЛЬТУРА – НАРОДЛÖН АССЯМА ВИЗЬ

лтаын май 26 лунсянь май 30 лунöдз чулалiс народнöй твор-чество сфераись методическöй службаэзöн веськöтлiссезлöн

Всероссийскöй чукöр. Чукöр вылас öксьывлiсö быдöс Россияын народнöй творчестволöн центррезiсь да керкуэзiсь веськöтлiссез, ны коласын – ГРДНТ «Финно-угорский культурный центр Рос-сийской Федерации» филиалöн юралiсь Татьяна Барахова.

Эта годö Россияись народнöй творчестволöн медпöрись учреж-деннё – народнöй творчестволöн Государственнöй Российскöй керку – порйöтö ассис 100-годся юбилей. Мероприятиеэз йылiсь, кöдна пондасö чулöтсьыны эта событие сьöртi, да мог-гез йылiсь, кöдна сулалöны керкуэз да центррез одзын юбилейнöй год костаö, висьтасис народнöй творчестволöн государственнöй Российскöй керкуöн веськöтлiсь Тамара Пуртова. «Колiс бы, мед миян тiянкöт вöлi ыджытжык инициа-

тива, унажык виль проекттэз, интереснöй идеяэз эта уджын, кöда öнi медöддьöн колана да актуальнöй государственнöй культурнöй политикаын», – висьталiс Тамара Валентиновна. Сiдз жö сiя содтiс, что быд народнöй творчестволöн региональнöй керку должен чулöтны кöть бы öтiк культурнöй акция, кöда вермис бы корсьына бренд ним вылö, регионлöн визитнöй карточка вылö, и мед вöлi бы тöдсаöн Россиялöн мöдiк территорияэзын. Тамара Пуртова шуис, что талун государственнöй культурнöй политика туйдöтöм социальнöй сфе-ра вылö: патриотизм воспитаннё вылö, проекттэз вылö, кöдна чулöтсьöны инва-лиддэз понда, челядь-сиротаэз понда да мöдiк социальнöй группаэзiсь предста-вителлез понда, кöдналö ковсьö торья вниманнё.

Темасö нуöтiс одзлань ГРДНТ-ись юралiсьöс медодзза вежись Мери Русанова, кöда висьталiс, что эта туйдöтлö долженöсь лöсявны и про-

екттэз, кöдна сетсьöны федеральнöй целевöй программаö «Культура России (2012 – 2018 годы)». Одзлань ГРДНТ-лöн юралiсьöс вежиссянь, Людмила Докучаевасянь, öксьöм отир тöдiсö законодательнöй базаын виль йылiсь, кöда регулируйтö культурно-досуговöй уджöн да народнöй творчествоöн.

Республика Крымлöн любительскöй искусство дорйöм да зорöтöм сьöртi медтöдчана моггесö юöртiс Наталья Жинкина, культура сьöртi Крымскöй республиканскöй научно-методическöй центрись юралiсь. Чукöртчöмыс ко-ста юралiссес участвуйтiсö властьлöн региональнöй да муниципальнöй органнэз понда Всероссийскöй конференциялöн пленарнöй заседаннё-ын «Поддержка национальных культур как залог социальной стабильности» да выезднöй секциялöн уджын «Роль домов (центров) народного творчества в сохранении и популяризации нацио-нальных культур народов России» Се-

вастопольын.Чукöрын участвуйтiссес тöдсасисö

Крымын уналö тöдса культурнöй да туристическöй объекттэзлöн уджкöт, кöдна коласын челядь понда Международнöй центр «Артек», Се-вастополь карлöн информационно-культурнöй центр, Севастопольöс героическöй дорйиссезлö музейнöй историко-мемориальнöй комплекс «35-я береговая батарея».

Чукöрыс чулалiс «Культура Рос-сии (2012 – 2018 годы)» федеральнöй целевöй программа сьöртi, да Государственнöй Российскöй керкулöн 100-годся юбилей порйöтöмсö лöсьöтöм да чулöтöм сьöртi öтласа планын.

Информационнöй центр «Финноугория. Е-mail:fucult@finnougoria.ru,

finnougoria@mail.ruВКонтакте: vk.com/fucentr_ru

Facebook: www.facedook.com/infucentr

Роч кыв вылiсь вуджöтiс Лада Созонова.

нёльöт листбок вылын

КАМА кытшынE-mail: kytshyn@mail.ru

ВАЛÖН ВЕЖАРЫТТЭЗ

Я

ПУКСЬЫ ДА ВАКСЬЫФИННО-УГОРСКÖЙ ПРЕССАЛÖН VII

ВСЕРОССИЙСКÖЙ ФЕСТИВАЛЬ

ОБРЯДОВÖЙ КУЛЬТУРА – НАРОДЛÖН АССЯМА ВИЗЬ

Быдöс Россия пасьта народнöй творчестволöн керкуэзбöрйисö юбилейнöй годся уджлiсь план

Кама кытшыниюнь 18 лун 2015

№24 (246)2

Кочёвскöй район

Обрядовöй культура – народлöн ассяма визь

Ыджыт Коча лыддиссьö округын обрядовöй культуралöн центрöн. Ыждыт вниманнё увтын коллективвезлöн томмезöс (челядьöс) важся-важ сьылöмлöн

приёммезö да йöктыны велöтöм

Июнь 11 лунö Кочёво поса-дын чулалiс Пермскöй край-ись Коми-Пермяцкöй округ делоэз сьöртi Министерство бердын коми-пермяцкöй кыв да культура дорйöм да зорöтöм йылiсь вопроссэз сьöртi координационнöй советлöн заседаннё «Обря-довая культура как важная составляющая этнической идентичности народа» тема вылö.

Лада Созонова

Колö висьтавны, эттшöм за-седаннёэс овлöны не только Ми-нистерствоын (Кудымкарас), но и чулöтсьöны районнэзын (эта вотöдз заседаннёыс вöлi Кудымкарскöй районiсь Верх-Иньва посадын). За-седаннё вылö ветлiсö Советлöн пырся членнэз.

Советлiсь членнэсö приветствуйтiс Алексей Нико-лаевич Пыстогов, Кочёвскöй муниципальнöй районлöн юралiсь, кöда висьталiс, что районыс округас аслас уджöн культура дорйöмын да зорöтöмын лоö медассямаöн: бура уджалöны коллективвез, участвуйтöны и крайись, и Россия пасьта да и граница сайын ыджыт мероприятиеэзын. Казьмöтiс и районлöн экономическöй зоралöм йылiсь. Помассис Кочёво посадын стадион строитöм; строитсьöны детсад (Кочёвоын), фап да школа Ыджыт Кочаын, а эшö ыджыттэз понда спортзал; пондасö строит-сьыны клуббез Маратыын да Юк-сеевоын.

Асланыс удж йылiсь

Координационнöй советлöн могнас вöлi видзöтны опыт, кöда эм культура дорйöм да зоралöм сьöртi Кочёвскöй районын. Асланыс удж йылiсь висьтасис Т.И. Брызгалина, культура управленнёлöн главнöй специалист. Сiя баитiс этнокульту-ра сьöртi мероприятиеэз чулöтöм йылiсь. Районас эм программа «Сохранение исторического и культурного наследия (2013 – 2015 гг.). Ыджыт удж чулöтсьö быдкодь народнöй обрядовöй календарнöй

вежалуннэз сьöртi. Быдöсын эта-ын Ыджыт Коча лыддиссьö окру-гын обрядовöй культуралöн центрöн. Ыждыт вниманнё ув-тын коллективвезлöн томмезöс (челядьöс) важся-важ сьылöмлöн приёммезö да йöктыны велöтöм (эд быд деревняын йöктöм-сьылöмлöн кольччисö ассяма элементтэз, рочöн шуанöн, манера исполнения). Брендовöйезöн ни лоисö район понда «Турун вежан лун» да «Быкобой» обрядовöй ве-жалуннэз.

Отирлöн обряддэз сьöртi

Н.И.Чугайнова, Кукушка дерев-няись народнöй этнографическöй ансамбльлöн художественöй руко-водитель, висьтасис аслас докла-дын том поколеннёэзöс обрядовöй культуракöт тöдсöтöм йылiсь да нiйö этана процессэзö пыртöм йылiсь. Быдкодь возраста челядь (уналöн ны коласiсь баббез да маммез – коллективлöн участниккез куимöт да нёльöт поколен-нёэзын) велöтчöны пöрисьжыккезсянь сьывны роч да к о м и - п е р м я ц к ö й народнöй сьылан-кыввез. 2007 годö аркмис ансамбль «Шондiок», кöда ветлöтö концерттэз да мероприятиеэз вылö öтлаын

ыджыттэзкöт. Уджлöн результатöн лоисö лöсьöтöм народнöй сьыланкыввезöн диск да буклет. Коллективлöн членнэз экспеди-

цияэзын нёль год сьöрна öктiсö материал коми-пермяцкöй свадьба йылiсь, да и чулöтiсö сiйö народнöй

обряддэз сьöртi. Ансамбльöн юралiсь юöртiс, что зоныс тöдсасис «Камва» мероприятиеэз коста удмурткакöт да и гöтрасис сы вы-

лын. Тöдчана уджöн лоö Кукушкаись сьылiсь-йöктiссезлöн К о м и - П е р м я ц к ö й д р а м а т и ч е с к ö й театрлö отсöт спек-такль музыкальнöя оформитöмын: öтлаын артисттэзкöт нiя ветлiсö Уржа деревняö,

мед адззывны обрядовöй сьылöм-герьялöм касьтiсьöм ко-ста. Эта отсöтыс вöлi öддьöн колана артисттэзлö, мед тыр-тны спектакльлiсь содержаннёсö неыджыт деталлезöн, кöдна богатсьöтöны, керöны действиесö оланкöт вачкисьланаöн.

Шудаöсь

Торьясис опытöн и А.И. Тепло-ухова, «Мича асыв» ансамбльлöн юралiсь, кöда сёрнисö нуöтiс Большекочинскöй сельскöй посе-леннёын коми-пермяккезлiсь обы-чайез да обряддэз дорйöм да ви-лись лöсьöтöм сьöртi удж йылiсь. Ансамбльсö чужтöмын, казьмöтiс сiя, пуктiс ассис пай велöтiсь Нина Фёдоровна Бузинова, сэсся од-злань öктiс материал да уджалiс Андрей Гагарин. Öнi веськöтлö Анна Ивановнаыс. Сiя висьталiс, что сылö уджас отсалö велöтiсьлöн

образованнё, а одзлань керис признаннё, что нiя шудаöсь, сiдз кыдз чужисö Ыджыт Коча му вы-лын. Басöк обряддэзiсь öксьöны басöк традицияэз, а ны ансамбль понда быдöс эта быдлунся олан. 2016 годö ансамбльлö тырас 30 год. Сiя матына уджалö школакöт, музейкöт, мед не öштыны йитöттэз важкöт.

Анна Ивановна висьталiс, что сотрудничайтöны учёнöйезкöт. Наблюдайтчö ыджыт интерес рай-он дынö мöдiк территорияэзiсь отирлöн.

Томпöлöс понда фестиваллез

Докладдэз бöрын вöлiсö во-проссэз докладчиккез дынö. Вöлi висьталöм, что томпöлöс понда фестиваллез колiс бы чулöтны быд районын ассиныс. Г.П. Си-манова, Кудымкарскöй районiсь главаöс вежись, керис замечан-нё, что быд чулöтöм мероприятие бöрын, колiс бы, мед кольччис тöдчана визь эта йылiсь (описан-нё, диск, буклет да мöд.), и мед вермисö босьтны этö опытсö асла-ныс удж понда мöдiк районнэз. Сiя висьталiс, что сьылöны, йöкöны не-етша, а вот кывсö оз велöтö.

Юкасьны опытöн

Координационнöй со-вет решитiс: Кочёвскöй районлiсь опытсö рекомен-дуйтны тöдсасьöм да удж пон-да культура учрежденнёэзлö, муниципальнöй образованнёэзлöн управленнё органнэзлö. Йитны удж Этнокультурнöй центркöт, велöтiссезöс усовершенствуй-тан институткöт; гижны чулöтöм мероприятиеэсö да юкасьны опытнас öтамöдкöт округись районнэзлö, зорöтны туризм важ обрядовöй местаэзöт, быд год нуöтны öтласа календарь обрядовöй вежалуннэз сьöртi, велöтны Кочёвскöй районiсь шко-лаэзын коми-пермяцкöй кыв.

» Районын эмöсь местаэз: Курöгкар, Ош-кар, Урьинскöй могильник (шойнаыб), Важ важжез, кöдна «корöны» дынаныс асланыс тайнаэзöн, сетöны материал, мед не öштыны йитöттэз, чулöтны важ основа вылын вились лöсьöтöм обряддэз.

Координационнöй советлöн членнэз заседаннё удж коста

Ыджыт Кочаись «Мича асыв» ансамбль

Керöм удж йылiсь висьтасьö Н.И. Чугайнова, Кукушка деревняись народнöй этнографическöй ансамбльлöн юралiсь

Кама кытшыниюнь 18 лун 2015

№24 (246)3

Финно-угорскöй прессалöн VII Всероссийскöй фестивальИюнь 10-11 луннэзö сизимöтпыр Ижевск карын öтлаын öксьылiсö журналисттэз,

киннэз чужтöны асланыс кыв вылын газетаэз да журналлэз.

Пырис ни традицияö фестиваллезсö чулöтны финно-угорскöй регионнэзлöн шöрись каррезын, кöдна меститчöмась Россиялöн уна пельöссэзын. Ны коласын, Ижевск, Саранск, Йошкар-Ола, Ханты-Мансийск, Сыктывкар, Салехард. Финно-угорскöй журналисттэз коласын сёрни мунö и Кудымкар йылiсь. Миян карын сэтшöм фестиваллез эшö эз вöлö, но журналисттэз корсьöны, и кык-куим год бöртi, натьтö, öксясö и миян Пармаын.

Елена Коньшина

Финно-угорскöй мирись нёльöт властьöс Ижевск таво öктiс удмуртскöй кыв вылын «Удмурт дунне» газетлöн 100 годся юбилей кежö. Редак-ция ыджыт юбилейлö козьналöм быдкодь мероприятиеэз: финно-угорскöй фотограффезлiсь семи-нар, лыддьöтiссезлiсь Фестиваль, томмез понда концерт, удмуртскöй кыв велöтöмлö мастер-класс да сiдз одзлань. Эта ыджыт даталö вöлi козьналöм и финно-угорскöй фестива-льыс.

Вежсьöммез

Ыджыт форум пондöтiкö сэк жö висьталiсö вежсьöммез йылiсь. Сiдз, вежсьöм ним финно-угорскöй журна-листтэз Ассоциациялöн: öнi шусьö «Финно-угорскöй журналисттэзлöн со-дружество». Уна годдэз татöн юралiс Александр Абдулович Саликов, «Марий Эл» газетлöн главнöй редактор (Респу-блика Марий Эл). Öнi Содружестволöн лоöм виль веськöтлiсь Николай Ивано-вич Ишуткин, «Чилисема» журналлöн главнöй редактор (Республика Мордо-вия). Керöмась и виль сайт. Одзза фе-стиваллез вылын эз вöвлö граница сай-ись представителлез. Öнi жö Ижевскö вöлi локтöм Эстонияись журналист.

Газеттэзлöн проблемаэз вачкисьöны

Журналисттэзлöн сизимöт финно-угорскöй Фестиваль вылын басни мунiс чужан кыввез вылын газетаэзлöн öння олан йылiсь. Уналöн проблемаэз

вачкисьöны: отир вунöтö кыв, том по-коленнё оз бы лыддьöт аслас кыв вы-лын, етша подписчиккез, газетаэзлö абу отсöт государствосянь, редакцияэзын уджалöны етша морттэзöн и сiдз од-злань. Быд редактор тöждö подписка понда, аслас лыддьöтiсь понда. Патри-оттэз, нiя не сiдз и уна, мед газета олiс и вермис вердны нiйö, кин уджалö сы вы-лын. Öтiк öмись баитiсö, что колö отсöт государствосянь. Эмöсь регионнэз, кытöн национальнöй газетсö вузалöны союзпечаттезын, но не быдлаын. Эта-сянь вились öшö лыддьöтiсь, нето оз адззись виль. Эшö öтiк вачкисян про-блема – этö почталöн кабала, кöдаö сiя пыртiс быд изданнё. Кыдз и роч кыв вылын, сiдз и национальнöй кыв вы-лын печатнöй изданнёэз видзчисьöны

государстволiсь веськыт (правильнöй) решеннё.

Эстонияись гöсь газет лыддьöтö дзир ас кыв вылын

Быдöнныслö гленитчис Эстонияись гижись, жур-налист Яак Прозеслöн вы-ступленнё. Сiя ошкис ассис лыддьöтiсьöс да ошшасис: некин оз мун удж вылö почтовöй ящик видзöтöм вотöдз, кытöн обязательно куйлö газет эстонскöй кыв вылын. «Менам прадедö, дедö, айö, лыддьöтiсö эстонскöй кыв вылын, и эта бöрын ме разь лысьта не лыддьöтны? Ог лысьты! И эттшöм мненнёöн ас кыв вылын газет йылiсь олö быд эстонец. Сысянь и тиражыс печатнöй изданнёлöн дас тысячася унажык». Эсто-нияын газеттэзлöн деньга шедтöмыс ассяма. Татöн эм «Капитал культуры» нима чукöр, кытчö öктöны на-логгез алкоголь да куритан вузалöмсянь, орсаннэзсянь. А öктöм деньгаыс отсöтöн мунö журналисттэзлö, гижиссезлö, архивын уджалiссезлö. Эстöн Нико-лай Ишуткин шуыштiс: «Ме эттшöм идеясö висьталi вы-лын веськöтлiссезлö, дак эз и пондö кывзыны».

«Иднакар» керöны энтузиасттэз

Если эстонец уджалö и тöдö – удж понда сетасö сьöм (деньга), то Удмуртияын петö светö «Иднакар» журнал (главнöй редактор Алексей Коробейников), кöдö керöны учёнöйез-энтузиасттэз. Быдöсыс 100 экземпляр. Öтiк журналыслöн доныс пö 12000 руб. «Иднакарлöн» эм аслас лыддьöтiсь. Ны отсöтöн и петö журналыс светö. Медодз журналсянь лэдзöмась кыкдас сизим номер, 400 научнöй статья гöгöр.

Кык номер отсалöм лэдзны Финляндия. Таво год конецöдз петасö эшö кык номер. «А мый вылö тiйö олат, если деньгаыс журнал керöмсянь оз шед?» – юалöны залсянь. «Миян эм пенсия, кинкö инва-лидность вылын и сiдз одзлань». Колiс бы эттшöм энтузиасттэзлö, мам кыв радейтiссезлö отсöт Государствосянь, но кöр сiя абу, а лов кöсйö пуктыны пай аслат горт зорöтöмлö, шуам рочöн «честь и хвала» сэтшöм морттэзлö.

Резолюцияö пыртiсö корöммез и кöсйöммез

Фестивальлöн участ-никкез гижисö резо-люцияын: эттшöм фо-руммез отсöтöн ыждö межнациональнöй сёр-ни, öддьöнжык крепамö Российскöй Федераци-яись финно-угорскöй регионнэзлöн ёртасьöм. Одзлань колö, мед финно-угорскöй газеттэзлö вöлi отсöт государствосянь, мед профессиональнöя позис велöтны журналисттэзöс. Журналисттэз мöдöны петны корöмöн Российскöй Федерациялöн Государственнöй Дума вылö, мед керисö вежöммез «О средствах массовой информации» Законö. Сiдзжö Резолюцияö пыртiсö национальнöй печатнöй изданнёэзлöн сайттэз вылын одзланься удж йылiсь. Планируйтöм лэдзны светö газеттэзлiсь öтласа номеррез, кöдна козьналöмась финно-угорскöй регионнэзлö. СФУЖлöн Секретариат мöдö чулöтлыны финно-угорскöй журналисттэз понда велöтан семинаррез. Финно-угорскöй прессалiсь кыкьямысöт Всероссийскöй фестиваль мöдöны чулöтны 2017 годö Ханты-Мансийскын.

Пуктöны ассиныс пай уджлö, кывлö, гортлö

» Финно-угорскöй кыв вылын мукöд печатнöй изданнёэз

Коми Республика«Коми му», петö куимись неделя вылын, кыкьямыс листбок.«Йöлöга» («Эхо»), томмез понда, петö öтпыр неделя вы-лын, дасквать листбок.

Республика Марий ЭлКыкдас куим печатнöй изданнё петöны марийскöй кыв вылын. «Марий Эл» газета лэдзöны неделя вылын кыкись кык-дас листбокöн, редакцияын уджалöны куимдас вит морт.

Башкирияын неделя вылын öтпыр петö марийскöй кыв вылын «Чолман» («Кама») газета. Таво газеталöн тырöм кыкдас нёль год. Редакцияын уджалöны куим морт.

Республика Мордовия«Эрзянь правда» да «Мокшень правда», петöны не-деля вылас öтпыр дасквать листбок вылын.

Удмуртскöй Республика«Удмурт дунне», петö кыкись неделя вылас, кыкдас нёль листбок вылын, тиражöн – нёль тысяча экземпляр.

Ханты-Мансийскöй автономнöй округ«Ханты ясанг» («Хантыйское слово»), хантыйскöй кыв вылын, «Луима сэрипос», месяц коста петöны кыкись, да-сквать листбок вылын.

Коми-пермяцкöй журналисттэз: Ирина Дульцева, Людмила Войлокова, Елена Коньшина «Кизили» журналлöн главнöй

редактор Ульфат Бадретдиновкöт

Финно-угорскöй журналисттэз «Удмурт дунне» энциклопедиялöн презентация вылын

«Кама кытшын» (В окружении Камы)-Коми-Пермяцкöй округлöн газета.Учредитель и лэдзись - Коньшина Елена Ивановна. Телефон - 4-43-13,

адрес: Кудымкарскöй район, Дёмина деревня, ул. Мира, 5.Регистрация йылiсь свидетельство – ПИ №ТУ 59 – 0412 сетöм Пермскöй крайöт массовöйкоммуникацияэзлöн да информационнöй технологияэз связьлöн сфераын надзор сьöртi

Федеральнöй службалöн Управленнёöн. Газеталöн индекс: 53324

Редакциялöн адрес: 619000, г. Кудымкар, ул. Пермяцкая, 47.

Газеталöн номер кырымпасалöм 17.06.2015 г.Печатьö кырымпаслöн кад: 12.00. график сьöртi 12:00, 17.06.2015 г.

факт сьöртi 12-00, 17.06.2015 г.

Газета петö öтпырись неделя вылын.Редакциялöн да гижиссезлöн мненнёыс

не пыр вермас вачкисьны.Главнöй редактор Елена Коньшина.

Печатайтöм: ООО «Печатник»,Верещагино карын,

Октябрьская нима улица, 61.Газета ыжданас: кык печ. лист.Заказ №3405 Тираж 2000 экз.

4

6+

Öктiс да коми-пермяцкöй кыв вылын лöсьöтiс Аркадий Мошегов, Шерья посад.

Н. Грима, Кудымкар

аво Саша гожйö дед-бабыс ор-дын. Зоночкалö арнас тырас дзир куим год, но учöтыс уна ни вежöртö, тöдö и кужö. Сiдз, тöвнас Саша мамыскöт быд

неделя ветлöтiс бассейнö и невна велалiс уявны ни. Зоночка öддьöн радейтö книга-эз. Не весь дедыс гöгаписö** ласкова шуö: «Миян ылöса морток».

Гожумыс жар. Луннас шондiыс сiдз сотö, нельки садын пуись лабичок пымзьö, кыдз кöрт, – киöн оз туй павкöтны.

Гожся луныс кузь, но Сашалö кадыс мукöдпыр оз и тырмы. Быд лун колö вет-лыны дедыскöт магазинö няньла да йöвла, колö отсасьны бабыслö, колö рисуйтчы-ны, колö лыддьöтны, колö любитышны каньпиянöс, колö орсны песочникын.

Радейтö Саша лэдзчывны и пруд вылö, кытöн нiя бабыскöт песлалöны половиккез да тöвся паськöм. Öтлаын пöрисьыскöт зонкаок тульöтчö ваын, матегалö-зыртö паськöм. Йöр вылын песлалöмсö косьтöм коста баба-внучека ветлöтöны берег кузя, видзöтöны, кыдз сук турунын гажöтчöны бабыввез, ва весьтын лэбалöны юрсигус-сез, вылын эжöрись (осокаись) уйыштлö утка аслас пияннэзкöт. Кайез отирсис немымда оз полö, локтöны матö берег дорас. Саша бабыскöт чапкалöны нылö натодиль заптöм няньтороккез. Уткаэз сунгисьöны ваас, öктöны няньсö, а кöр пöтыштасö, лайкытика да кокнита, кыдз гижöтiсь пыжоккез, уйыштöны бöр туру-нас.

Пруд вывсянь учöт да пöрись, невна мыдзыштöмöсь, кайöны гортö.

Öнi лоас чöскыт öбед. Саша радейтö яя шыд да огуреццезiсь салат, а эшö – сэтöра-öмидза чöскыт компот.

Öбедайтöм бöрсянь быдöнныс водöны шоччисьны.

Лунся узьöм бöрсянь Саша частожык дедыскöт лыддьöтöны, нето рисуйтчöны, нето мыйкö тэчöны-лöсьöтöны. Зоночкалö эшö одз тöдны букваэз, но сiя видзö тöдвылын ни дженытик кывбуррез да сказ-каэз. Дедыс кö абу, Саша нельки öтнас вермö дыркодь пукавны книгаэз сайын да горöн «лыддьöтны». Кöр мылаокыс бы-

рыштас, зонкаок кутчö орсны машинкаэзöн. Нiя сылöн не öтiк, но мед ни ёна Саша радейтö пуись чача, кöдö керисö нiя дедыскöт. Машинкасö öктiсö-лöсьöтiсö не öтiк лун, а сэс-ся эшö и краситiсö. Артмис бытшöм чача: туйö и песок кы-скавны, и быдкодь мöдiк груз.

Сiдз и чулалö гожся луныс. Рытланяс шондiыс öдсö чинтö.

Удж вывсянь бертö Сашалöн дядьыс. Саша тöдö дядьыслiсь нельки оськöввесö. Зоночка радöн панталö дядьсö, кутчисьö бердас да ёна жмитчö. Дядьыс шыннялöмöн жмитö ас бердас племянниксö да гажöн юалö:

– Но, кыдз чулöтiн лунсö, морток?

– Бура! – горöн видзö ответ Саша.

Дядьыс миссьö, и нiя пуксьöны сёйны.

Ужнайтöм бöрын дядьыс заводитö югыт рöма машина, пуксьöтö Сашасö бабыскöт, и нiя куимöн мунöны город сайись сöстöм юок дорö, кытöн эм неыджыт карчйöр.

Карчйöрын мыйыс только оз и быд-мы: быдкодь карч, мича рöма дзоридззез, öмидз да сэтöр кусттэз, кытшöмкö турун-нэз.

Саша радейтö киськавны гöрд-веж лейкаокись огуреццезлiсь гöна кодь куст-тэз, кöдна паськыта поздiсьöны гряд вы-лын. Ыджыт зелёнöй листтэз увтын нет-нет да и пантасьöны кузьмöса чöскыт дука огуреццез. Бабыс öктö нiйö кокнитик корзинаö, кöда сьöкытсялö и сьöкытсялö, и зоночка оз ни вермы нельки вöрзьöтны сiйö.

Гленитчö Сашалö ветлöтны быдкодь рöма да чöскыт дука дзоридззез коласын. Сiя, кыдз мош, сюйыштö чангыля ныроксö быд дзоридзокö, пыдына вишкыштö и быдпыр ыджыт морт моз шувлö: «Ой, кытшöм чöскыт дукыт тэнат, дзоридзок!»

Кытчöдз бабыс ягöдалö öмидз кусттэ-

зын, Саша дядьыскöт кайöтлöны ва, мед-бы сiя шоналiс ашын кежö.

Но вот удж керсис, öнi позьö и шоччи-сьыштны. Быдöнныс лэдзчöны юок дорö.

Саша дядьыскöт öктöны учöтик гöгрöса изоккез и сьöрсьöн-бöрсьöн чапкалöны ваас. Изокыс перво кыдз бы котöртö ваыс кузя, а сэсся сунгисьö и ас бöрсяняс кольö ва вевдöрас аскодь сер. Ваыс асыкасьö-артмöтö перво неыджытöсь, а сэсся сё ыджытжык и ыджытжык кытшшез, нiя паськалöны и жагвыв öшöны. Зонкаок ра-дувья гажöн кивзö, но сылöн эшö оз артмы сiдз, и сiя корö дядьсö эшö и эшö чапкав-ны изоккесö. Учöт и ыджыттэз дыркодь видзöтöны, кыдз гыасьö-асыкасьö ваыс.

Изоккезöн орсöм бöрын Саша дядьыскöт керöны песокись йöртассэз, кытчö игрушечнöй ведраокöн кисьлöны-öктöны ва. Кöр йöртасыс тырö, ваыс кырöтö боксö, мезмö и гажöн котöртö-лэдзчö юокас.

Öтiк местын юокас эм лажмытiн, кытöн ваыс только кокдзулькаöдз. Сэтчö дядьыс

кöз да ньыв уввезись кыйис йöрдан. Ваыс дыркодь вартчö казявтöм тымöд ** бердö, жаг-выв öксьö, а сэсся неыджыт водопадöн горöн киссьö йöрдан вевдöрöт. Тюрöбöн лэдзчан ваыс вынöнкодь вартö лажмыт ваас и чочком гырись поллез потласьöны-резсьöны быд ладорö.

Но медöддьöн Саша радейтö, кöр дядьыс керö водопаддэсö васö ведраись коялöмöн. Ваыс вылына кайö, дзар керöм мымда видзсьö ыр-кыт руас, а сэсся гажöн мича енöшкаöн киссьö юокас. Кöр вывсянь тюрöбöн лэдзчан ваыс öтлаасьö юокыс вевдöркöт, артмöны неыджыт фонтаннэз, кöдна кайыштöны вылö и уси-кас бöра жö пöрмöны учöтик енöшкаэзö. Öтмöдöрö рез-сян вавоттез быдкодь рöмöн пежьялöны пуксян шондi югöррезын. Веж, гöрд, югыт-лöз поллез горöн да гажöн

потласьöны, кыдз бытьтö ваыс вежöртö да радуйтчö, что отирыс керисö удж и öнi вермасö шоччисьыштны. Учöтик мортокыс оз орöт син адззывтöм картина бердiсь и корö дядьсö эшö артмöтны сингусялан енöшкасö, но шондi саясьö ни вöр сайö, кыдз бы тшöктö лöсьöтчыны отирлö гортö.

Гортын Сашаöс видзчисьö ни дедыс, юалö гöгаписö: «Но мый, ылöса морток, от-сасин бöра бабытлö?», ошкö уджалiссесö, отсалö пыртны карчöн да ягöдöн сьöкыт доззэсö.

Бабыс тульöтö гöгаписö учöтик ванна-ын, юкталö шоныт пöжöм йöлöн, ольсасьö и чожа мыйись Саша вöтасьö ни руд гöна рам уткаэзöс, ва вевдöрись шучтыдалан борда юрсигуссезöс, ваись артмöм быд-кодь рöма енöшкаöс да тюрöбöн лэдзчан ва, …

Чöскыт онöн узьö учöт морт, а ашын бöра лоас быдкодь удж да ваыслöн вежа-рыт.

– Сьöлöмшöр, мыйöн этö тэ дынсянь сэтшöм бура вачкö?

– Духинас, кöдö тэ меным тöн 8 март вылö козьналiн!

– Но ме тэныт некытшöм духиэз эг козьнав!– Козьналiн, козьналiн! Видзöтышт кошелё-

кат.

***Медбур лекарство быд шогöтсянь – очередь по-

ликлиникаын врач дынö.

***

Мужик автомобиллез сулалан местаись мунiкö колис картонка вылын гижöток: «Местасö не занимайтны, шинаэз бытшкала». Локтö бöр – сы местаын асфальт гладитан каток, а ордчöн шило и сылöн картонкаыс содтöтöн: «Успеххез!»

***– Быдöннытлö сулавны и не вöрöтчыны!– Этö грабитöм?– Не-е-е, блин! Öтласа фото!

июнь 18 лун 2015 №24 (246)

Кама кытшын

Т

ПУКСЬЫ ДА ВАКСЬЫАНЕКДОТТЭЗ

Валöн вежарыттэз

К Ö В Д Ö М О К