你叫我最快樂 你也叫我最心痛

83
X 超級瑪雅人 - 你叫我最快樂 你也叫我最心痛 (1) 真定假 巴打絲打們自己分啦 我係一條文科撚,自從初戀之後就無再拍過拖,仲變成一個毒撚 各位巴打絲打都知文科除左背既野多仲有就係女都係好多 於是我抱住有水唔抽 on99,有女唔溝無賓周既宗旨諗住係呢一班大肆搜掠一番 結果係點? 梗係收左皮啦! 雖然係有個幾靚既女仔坐係隔離,而且過左一排仲幾熟添 但係位靚女就港女到不得了,仲開口埋口你老母 對住佢你真係堐到清明都堐唔到重陽 雖然前後左右都係女性,但一係就朋友妻,一係就樣子唔太好既 本來一個有雄心壯志既青年,見到咁既情況,當然立刻頹哂 於是我就變返以前果個剩係對住部電腦,動漫,psp 既毒撚 當我日日仍然沉醉係毒撚既世界,我既生活慢慢出現左個轉變 我有個老死叫呀貴,由 f1 一入學校門口,就識左呢條友,然後一直 fd 到上黎中四 佢係個副社長,所以識既人自然就比我呢個乜都唔參加既毒撚多 有一晚佢同我講 ( ==) :,仆街仔,你米成日呻無女既,整件比你牙 :係米咁好呀,點既先 :真係架,有個女仔叫 jenny,佢話恨拍拖,咁我米介紹你比佢囉 估唔到佢又話有興趣 咁我米話聽日帶佢黎睇下貨啦 我心諗(無啦啦話有女比我 都唔知條友係真唔係) :係真先好呀你 :得啦,!不過佢大過你架 wor,不過你餓成咁,ok 架啦 :得啦 果一晚我腦海不停不停地 FF d 無聊野 到左第二日 我就係上堂同 FF (唔知巴打們有無試過一路 FF 同某一個人拍拖 跟住諗諗下無啦啦笑左出聲) 而家諗返起我都覺得自己變變地態 就係我意淫緊既時候,我老死呀貴 就擺出一副淫笑既面貌 係我班房門口望住我 然後佢身後面就縮埋左個女仔,我望真 d,原來個女仔就係呀 jenny 呀貴就叫我出去,當我猶疑緊出唔出去既時候 jenny 就係呀貴背後行出黎

Upload: hi-bay-ltd

Post on 13-Jul-2015

2.918 views

Category:

Entertainment & Humor


3 download

TRANSCRIPT

Page 1: 你叫我最快樂 你也叫我最心痛

X 超級瑪雅人 - 你叫我最快樂 你也叫我最心痛 (1)

真定假 巴打絲打們自己分啦

我係一條文科撚,自從初戀之後就無再拍過拖,仲變成一個毒撚

各位巴打絲打都知文科除左背既野多仲有就係女都係好多

於是我抱住有水唔抽 on99,有女唔溝無賓周既宗旨諗住係呢一班大肆搜掠一番

結果係點? 梗係收左皮啦!

雖然係有個幾靚既女仔坐係隔離,而且過左一排仲幾熟添

但係位靚女就港女到不得了,仲開口埋口你老母

對住佢你真係堐到清明都堐唔到重陽

雖然前後左右都係女性,但一係就朋友妻,一係就樣子唔太好既

本來一個有雄心壯志既青年,見到咁既情況,當然立刻頹哂

於是我就變返以前果個剩係對住部電腦,動漫,psp既毒撚

當我日日仍然沉醉係毒撚既世界,我既生活慢慢出現左個轉變

我有個老死叫呀貴,由 f1一入學校門口,就識左呢條友,然後一直 fd到上黎中四

佢係個副社長,所以識既人自然就比我呢個乜都唔參加既毒撚多

有一晚佢同我講 ( =貴 =我)

:喂,仆街仔,你米成日呻無女既,整件比你牙

:係米咁好呀,點既先

:真係架,有個女仔叫 jenny,佢話恨拍拖,咁我米介紹你比佢囉

估唔到佢又話有興趣 咁我米話聽日帶佢黎睇下貨啦

我心諗(無啦啦話有女比我 都唔知條友係真唔係)

:係真先好呀你

:得啦,牙!不過佢大過你架wor,不過你餓成咁,都 ok架啦

:得啦

果一晚我腦海不停不停地 FF d無聊野

到左第二日

我就係上堂同 FF

(唔知巴打們有無試過一路 FF同某一個人拍拖 跟住諗諗下無啦啦笑左出聲)

而家諗返起我都覺得自己變變地態

就係我意淫緊既時候,我老死呀貴 就擺出一副淫笑既面貌 係我班房門口望住我

然後佢身後面就縮埋左個女仔,我望真 d,原來個女仔就係呀 jenny

呀貴就叫我出去,當我猶疑緊出唔出去既時候 jenny就係呀貴背後行出黎

Page 2: 你叫我最快樂 你也叫我最心痛

一出黎先發現原來 jenny好 佢唔算高而且有小小 BABY FAT

但皮膚好白,十足十篠崎愛個死人淫相,仲帶住副眼鏡同紮住個計

係果一刻我就諗.,如果呀貴琴晚係講真,呢個真係諗得過wor

無錯!我認,男人的確係用下半身思考,但係呢個想法只係出現左一刻

之後就比隨之而來既問題遮蔽左,我當時諗我無啦啦同過大個我既人拍拖,人地會點諗

我又唔係真係中意佢,咁就一齊好似唔係幾好

對於呢D問題點都需要解決

因此我決定

同佢慢慢溝通一下先

因此我決定,同佢慢慢溝通一下先

係呢個時候 jenny都走左 但佢臨走前就同呀貴咬左幾句耳仔

見完佢之後既果幾堂,我就諗左更加多既無聊野

除左上一篇提到既果幾個問題之外,我仲係到諗佢覺得我點呀?

佢會唔會嫌我樣衰得濟,跟住諗諗下又覺得無機會,強烈既自卑感就係果幾堂發哂出黎

於是係果日既放學我做左件好 on9既事,返屋企開著部腦等呀貴 on

等呀等,等呀等,等到花兒也謝了,終於見到呀貴條仆街 on

於是我就用快過小明既速度去搵佢

:喂 jenny同你講左 d乜

:無呀 佢話你個樣好柒 佢話做乜介紹個咁既柒頭比佢

:屌你,真架?

:屌你老母昆你咋 毒撚真係毒撚 一 d自信都無

:屌,咁佢講左乜呀?

:佢話你都幾 ok!佢問左我拎你msn,佢等陣會搵你架喇,自己同人傾喇

:下 你唔洗問下我先比佢架?

:你條毒撚餓左咁耐 有女肯搵你就好啦 仲想嫌三嫌四

:哦

過左一陣,果然有個女仔 add我

Page 3: 你叫我最快樂 你也叫我最心痛

無錯喇 大家都估得到個女仔就係 jenny

當我確認左佢之後,我就一直係到等佢 hi我

我等左排我發覺唔對路,有乜理由一個男人老狗去等個女仔搵自己既呢

於是我就主動去 add佢講野

係大家傾計既途中,我發覺同佢好好傾

雖然只係岩岩識,但一傾就傾左成晚

之後既幾晚都一樣係咁傾,大家係到互相講大家以前既經歷

我對佢 有種同病相憐既感覺

唔知係米因為大家上次戀愛既結果都比第三者入侵 所以會有呢種感覺呢

又過左幾日,呀貴淫笑住咁行過黎

佢同我講:威啦你,岩岩識人無耐就晚晚同人傾計,人地而家對你好有興趣,佢而家擺明車馬黎將你軍架喇

我無應佢,因為佢講完之後我又不停彈出前幾日所諗既問題....

於是我就問我既朋友拎意見

最後分左兩派

以呀貴為首既進取派 就叫我唔好理旁人目光 仲同我講,難得而家有機會點解唔好好把握呢

以另一堆 FD 就話我又唔係好了解佢 又唔知佢乜頭乜路 又大過我 又點點 總之就係叫我未撚再理佢啦

當我聽完呢堆意見之後

我都知佢地幫唔到我 d乜

於是我又選擇去了解佢,姐係拖囉

但其實佢都幾慘 除左比第三者入侵之外

佢男朋友對佢都好衰

佢一個女仔係個男仔屋企樓下等個男仔成晚

個男仔唔理佢不凸止 仲係咁叫佢走 又比說話佢聽

我果陣時就當然即刻正義撚上身 係咁話個男仔又衰又盛架啦

佢仲話好多謝我聽佢訴苦添

又係咁過左幾日,我就約左呀貴星期六去睇戲

係睇睇下既途中,我就收到 jenny sd比我既 sms

佢問我係米係鑽石山果頭睇緊戲呢 係的話你睇完去一去果到間m記牙?我有 d野想比你

我由於睇緊戲 我只係手快快咁打左句 哦,好牙 就 close左 file

當我睇完既時候 我就同呀貴講話我要去一去m記搵 jenny,佢有 d野話要比我

Page 4: 你叫我最快樂 你也叫我最心痛

呀貴聽完之後比左個招牌淫笑我之後 就同佢條女去其他地方

當我去到m記既時候,就見到佢企左m記門口喇

佢見到我既時候就走埋黎同我講 我= jenny=

:喂!你陪我返屋企牙,我有 d野想比你呀

:下,哦,好啦 呢到有咩車可以搭返去

:唔要唔要,我唔要搭車,你陪我行返去牙

:行牙?點解既?

:無乜點解架,對住我耐 d唔好咩?你等陣有野做牙?

:咁我又無。

之後佢就二話不說拉左我去行路喇

就係咁 我地就開始左我地既散步活動

係呢一刻佢比我既感覺,完全唔似一個大過我既人。我反而覺得佢好鬼可愛

我同佢一路行都無乜點出過聲

佢突然之間拉停左我 問左我一句

:你行咁快做咩呀?你好趕咩

:下,唔係呀,我想快 d 知你比咩我嘛(事實上係我平路都係咁快)

:都唔知你係米,行慢 d 啦 好唔好呀?

:好呀

又行多一陣去到佢屋企樓下既時候,佢就企左係到同我講

:你將 30分鐘既路程縮左做 20分鐘喇,行咁快做咩wor?唔想見到我咩你

:下,唔係呀?真係好快牙?唔好意思呀

Page 5: 你叫我最快樂 你也叫我最心痛

:算啦,唔緊要啦,不過你認熟條路,唔好等陣唔識行返出去,打電話搵我求救呀,我唔救你架

:你放心wor 我出名認路專家 行一次我就記得架喇

:哼 你衰左唔好搵我呀。拿!比你架。

佢就將一舊硬硬地既野塞左比我,正當我想打開個膠袋睇下既時候。佢忽然禁住我隻眼

:唔準睇,我走左你先可以開,拿,我而家走,你唔準開眼住呀。等我走左先準開

當佢鬆手果刻。我梗會唔會咁聽話啦,我立即打開隻眼。

但我隻手都未入過膠袋入面,就已經聽到佢大叫

:喂,唔得呀,等我走左先呀。

佢講完呢句就跑返入去

呢個時候我就梗係即刻開黎睇下乜黎啦

一打開 原來係一盒枇耙露喉糖

見到盒野我忽然有種好窩心既感覺

因為我只係同佢講過一句 ,我喉嚨唔舒服 有 d痛

佢就走去買左盒野比我 ,跟住我再將盒野反轉,發現佢用支marker 寫住 (Take care =])

一個成年無拍過拖既毒撚,見到一個女仔突然咁關心自己, 當然就係有種特別既感覺啦

於是係果一刻我就決定,我唔理 d人諗 d乜,我想同佢嘗試一下

當我返到屋企既時候,呀貴就問我

:喂 今日點呀,佢比左D乜野你?

:無呀,喉糖喳。

:佢做乜無啦啦比喉糖比你?

:我同佢略略提過下我喉嚨痛咁囉

:WOW 瑪雅人你就好啦 有女錫住你喇

:屌 你米又係有

:okok 咁你而家打算點?

Page 6: 你叫我最快樂 你也叫我最心痛

:我都唔太知自己想點,我想同佢試下,但我又怕人地既目光

:你怕乜撚野呀 人地係女仔都未怕啦 你男人老狗私私縮縮咁,主動 d啦,機會過左就無架喇

:我都知...但係我真係想再有多 d既了解

:我唔知你啦,你因住拖得耐得濟搞到無左

:拿,佢同我講話,佢好驚會唔得,仲叫我如果衰左就要安慰佢,佢希望你呢一兩日比到答覆佢呀

:咁你都比我考慮多陣牙

:好,唔洗急但要快

如是者,果一兩日我都同佢 keep住聯絡同時間我都不停咁諗緊應該點做好

我地兩個經過果次散步之後,係學校既接觸都多左

而係同學之間既閒言閒語都開始多,呢D閒言閒語不外乎話我同佢唔襯

話我地姊弟戀等等

但我知道我要同佢一齊我就要承受得呢種壓力

而且受壓力既唔止我,其實佢都一樣受緊一樣甚至比我更大既壓力

就係之後果晚,我發現左佢msn上面有句唔開心既句子

咁我就走去問佢

:你做咩唔開心呀?

:無呀,我自己搞得掂架喇

:講出黎會舒服 d架

:唔洗啦,我真係無野架喇

:講啦講啦

:你唔洗咁關心我架wor,我又唔係你邊個

係我收到呢句之後我靜左一陣

然後我唔知係邊到黎既衝動令我講左以下既一句

:咩野唔洗關心你,我中意你我就想關心你 你快 d同我講!!

Page 7: 你叫我最快樂 你也叫我最心痛

之後佢都靜左排,跟佢回我

:你係認真既?你考慮清楚未,我地一齊可能會受到唔同既壓力架

我見到個勢咁我梗係打蛇隨棍上

:我係認真,我都考慮清楚,我知只要我地係一齊就可以將所有難關都闖過

:真係既?

:嗯!

就係咁我地成為左一對情侶,之後果晚佢同我講係乜野唔開心事,我已經唔太記得清楚

因為果一晚 我沉醉左係脫毒同有新戀情既歡樂當中

我地拍拖既第一日,我決定同佢一齊行返學,咁亦代表住我要公開呢段關係比所有人知

呢樣野其實好重要,因為可以比到個女仔感覺你肯定佢既地位同時亦可以比佢感覺你重視佢

令佢更加有安全感

於是我約左佢係大約 7點 50分係我屋企附近 7仔等

我既心情其實好緊張,雖然我都唔知緊張 d乜

但往往就係呢 d既時候,心會跳得好快,神經會突然緊張,真係仲緊張過係比賽射十二碼

當我見到佢面帶微笑行過黎既時候,心入面就泛起左一種甜絲絲既感覺

呢種就係所謂拍拖既感覺,當我地一齊既行返去學校既時候

我一路望住佢一路係到笑

佢就問我係到笑乜喇

:我笑係因為覺得呢種感覺好幸福,我好開心

:哈哈,小心你遲 d會由對住我係幸福變成對住我係一場惡夢

:唔會既,我知你會令我成為最幸福既人,係米先

:唔會囉,因為我先係最幸福啵

就係咁樣,大家好甜好甜咁一齊返學

雖然沿途有好多人望住我地,但呢 d目光我地係當時只視為一種妒忌既目光

Page 8: 你叫我最快樂 你也叫我最心痛

就係咁,我新一段戀愛開始左,我慢慢放低以前既陰影

而家日日又 jenny陪住我,一到小息佢就會黎課室搵我

趁無乜人既時候,佢會偷偷咁依偎落我到,隻手就係枱下面緊扣住

放飯我地有時都會一齊出去食,夜晚我地會msn

而從msn既對話我發現一樣好有趣既野

就係原來佢以前嗌佢既男朋友係會叫仆街

於是我係msn打左句

原來我叫仆街瑪雅人

佢以為我知道左呢件事所以嬲,佢就急急腳咁去問呀貴點算

於是呀貴就教佢叫我做老公

就係咁,佢以後就任何時候見到我都叫

老公~

每日溝通見面既時間就係係朝早返學,放學,小息,某 d日子既 lunch time同每晚既msm

雖然唔算多,但我地依然相信我地係最幸福既一對

之後大家一直都好開心

但其實開心係會有期限....

有一日,我同佢去食明將..我問左佢一個問題

你覺得我地會因咩事而分手..

佢靜左一輪之後,好認真咁同我講

:我覺得我地會因為大家既公開考試而忙到分手

:你知唔知牙,我好想同你有將來

:我都好想有架,我地會有架

然後大家又靜左一輪

最後 jenny打破左沉默

:艾也,我地唔好講呢 d話題啦,快 d食啦,食完陪我行行街

:好呀

但係果條問題,唔知係米觸動左佢既某 d神經,因為之後既感覺好似怪怪地咁

係果件事之後 雖然感覺有小小怪

但大家依舊係咁快樂

Page 9: 你叫我最快樂 你也叫我最心痛

就係我地學校既陸運會

果日我約埋同佢一齊返學

係果日既朝早我仲特登早起身去整左個早餐比佢食

等佢有個驚喜牙馬

然而小弟既廚藝唔太好,不幸將塊煙肉整到有小小燶 (我係到強調 成個三文治絕對係食得仲幾好食)

但就因為呢個燶既火腿,就比呀貴係咁話唔食得,好難食 不過 jenny有幫我講說話架,佢話我整乜.都覺得咁好食,

而且除左佢老豆同呀哥之外我就係第一個整野比食既佢男人喇

果日我一直陪住佢,去到佢比賽既時候,我當然去埋打氣啦

等佢跑完我仲即刻遞水添

而我就參加左千五長跑,當我跑完返黎已經得返半條人命

咁岩呢個時候就放飯,全部人都走哂,得返我同 jenny,呀貴同佢女人兩對情侶

呢個時候佢就好細心又幫我抹汗,又幫我潑涼仲用口係咁吹 d風黎添

我就訓左落佢大脾到(好好訓 ),佢就摸住我個頭,我地兩個維持咁既姿勢

直至 d人番黎之後,我地就無再在咁樣痴埋一舊

呢個時候 jenny亦話我知,佢個級都有好多人都有閒言閒語比佢聽。

佢講完之後,我只係做左 d簡單既輔導,例如好廢咁叫佢唔洗理果班人

又例如叫佢唔好介意其他人既睇法。

係當日陸運完左之後,我送佢去搭車

佢不停係話果班話佢既人點衰點衰

係呢個時候我就知道佢同大部份女人一樣

口裡說無事,心裡還是很介意的

所以我都知我係時候要諗諗計,如果唔係將來一定好麻煩

係佢臨上車之前,佢就約左我打牌

地點係我屋企,我心諗呢次仲唔發,於是我就約佢比原定既時間早兩個鐘黎到

當佢黎到之後,就好似發現新大陸一樣。

:嘩,你屋企好靚呀,嘩,呢樣野好得意呀

結果佢參觀同研究我屋企都已經用左一個鐘

我見佢咁興奮當然就唔打擾佢啦,我米返去自己間房開著部電腦上高登囉

Page 10: 你叫我最快樂 你也叫我最心痛

點知我屎忽都未坐定,我就聽到佢大叫。

:呀!瑪雅人你快 d出黎牙。

我以為佢發生左 d咩事,咁我米衝出去囉

點知一出到去見佢拎住我以前幼稚園張畢業相

:個細路仔好趣致wor,比張我得唔得牙

:但我得一張左wor

:黎啦,比我啦,比我啦,老公~~

由於我份人耳仔軟(做死老婆奴)所以比佢氹兩氹就應承左佢喇。

之後我又入返房,想做返頭先未開始做既事。

今次坐都未低,就突然有人衝過黎攬住我

我當時既感覺係 > > >

之後我好溫柔咁問

:做咩呀?

:以前都未有人試過對我咁好架,我愛你呀

聽到自己中意既人咁樣同自己講,種感覺真係好正

:我都係呀

然後我就拎返轉,佢眼望我眼。

之後當然就把握機會,慢慢咁錫落去啦

呢一吻,好長好長

正當我想將佢推到時候,仆佢個街,門鐘響!

我望一望個鐘,發覺原來夠鐘打牌。

於是佢係前我係後咁樣攬住出去開門。

打開門就係我呀 fd 呀樹 同埋 jenny個 fd

當日既打牌活動其實幾無聊

最主要既賣點係 佢不停輸 跟住佢不停話要繼續打

打牌既途中,我地幾個都話佢就快生日,問佢想點過

Page 11: 你叫我最快樂 你也叫我最心痛

jenny諗都唔諗就話

:梗係同老公同埋班 fd 一齊啦

:但我唔識佢地架 bor

:咁牙,你真係唔得牙?

:最好唔好啦,但如果你真係好想,我都 ok既

佢 look大隻眼諗左陣就話

:咁好啦 朝早陪 fd 夜晚陪老公

:都好呀,係wor ,果日我地 30日喇 bor

:哈,又會咁橋既,等我諗下送乜比你啦

:傻既,你生日梗係包係我身上。 一定唔令你失望

於是四個就係咁又傾又笑,

打到咁上下佢地就走喇,臨走前 jenny 仲送左個 good bye kiss 比我添

直至佢生日前兩三日,我一直都係咁幸福...開心

當我差唔多諗好送乜野生日禮物既同時

我亦注意到佢出現左變化

佢慢慢變到就算有唔開心都唔再同我講,佢慢慢變得好多好多既心事

見到自己女朋友係咁,比著你地,你地都會擔心同焦急啦

但佢唔肯同我講,我唯有靠佢 d朋友入手

你要知道,當你係你女朋友上透唔到料既時候,就要靠佢既朋友架喇

於是有一日,我膽粗粗咁走去問上次一齊黎打牌既朋友。

當日佢同我講左好多野。而我聽完果堆野之後,我就知今次我奶左獲大野

Page 12: 你叫我最快樂 你也叫我最心痛

原來從明將事件後,佢心入面就多左條刺

點解有....連佢既朋友都唔知

我估大概可能係我問既問題令佢對呢段感情產生左一種動搖

加上 閒言閒語同壓力等等既一堆野

呢堆積怨令佢走左入一個思想既死胡同

但不論原因係乜,我都知我一定要快,因為佢隨時都會崩憒

但當我仲未可以諗到點安慰佢既時候

佢已經殺左我一個措手不及

就係佢生日前既一晚,佢係msn同我講(佢生日前一晚係我搵完佢朋友之後一日)

:瑪雅人,如果我話要分開,你會唔會嬲我?

我聽到呢句之後,我心情跌左落谷底。眼角滲左一滴淚水出來

心...好似比人練住左一樣,好酸好痛....

:點解?

:我覺得好辛苦

:係唔係我有 d乜野做錯左,做得唔好,所以令你好辛苦

:唔係,你好好,呢個決定係我自私,唔關你事

:點解,你可唔可以考慮清楚 d先,或姐你講個原因比我知牙?

佢靜左一輪之後回我

:你比小小時間我考慮下,我遲多一兩日答你牙?

果一晚,我既心好沉重,我望住一份我簡好左既禮物,寫好左既一張生日卡

我哭了....我同佢時間雖然唔長,但係呢三十日我的而且確好開心好開心

雖然果晚係好灰,但我諗,我一定要做番 d野去拯救呢段感情。

我做或姐有機會,我唔做..就只有等死

就係佢生日果日,我朝早出左去買左個蛋糕

買埋一份禮物。

我慢慢等,慢慢等,等時間一分一秒咁過。

等佢同朋友食完飯,等佢唱完 k

等佢返到屋企....

當佢返左屋企一陣之後,我拎住蛋糕同禮物去到佢屋企樓下

Page 13: 你叫我最快樂 你也叫我最心痛

我叫呀貴既女朋友打比 jenny。呃佢話佢有事搵佢而令佢落黎

而我就係佢樓下將呢個驚喜帶比佢

係佢落黎之前,我就用呢段時間點蠟燭

將蛋糕捧好,剩返要做既就係等佢出現

事情照計劃進行

佢落到黎兩頭望,當然見唔到呀貴女人啦

佢見到我之後 , 佢既反應係 > >

我就拎住個蛋糕慢慢行過去

當我行到過去既時候,我見到佢眼有淚光

於是我放低左蛋糕,打算攬住佢

而佢既反應係..

推開了.....

佢推開左我之後,佢繼續喊

我問佢咩事,佢只係搖搖頭

然後佢拉我坐低,示意我一齊食個蛋糕

由於得一個匙根,所以要你一啖,我一啖咁

如果你問我當時 sweet唔 sweet

我可以答你 一 d都唔 sweet

因為當時我仍然好擔心究竟結果會係點

個蛋糕食到一半既時候

我就拎埋份禮物送比佢,然後我問佢

:你考慮成點?

:我仲未諗好,我聽朝會比個答案你

講完之後,我同佢坐多一陣,就互相返左屋企

係果一晚,我諗返好多野,我地最初點開始

同佢出街,同佢既一點一滴

係等待答案既果晚,我訓唔著

第二朝既時候,我發現佢既 xanga更新左

佢亦係 xanga比左個答案我

Page 14: 你叫我最快樂 你也叫我最心痛

而個答案係...

我知道忘記你是很困難,但我會努力,我會堅強。多謝你給了我愉快的三十日,你以後也要要好過呀

我望到呢到心碎左,而且由始至終我都唔係唔知真正分手個原因係乜

咁岩果排側田出左首歌又係叫三十日,於是我無限 loop左

心情雖然傷心,但佢既然講到咁

我決定尊重佢

可能有人會問我,點解你唔試下追番佢,但我只係覺得佢走一定有佢既理由,最後就算比我勉強一齊返

解決唔到根本性既問題,我地既結果都一定唔會好

過左一排之後,我都好小搵 jenny,因為係果段日子屋企有人過世

我忙住去扮喪事

而係一段日子後

我發覺 我同 jenny只能夠話係一場夢,呢個夢好靚好完美

但去到個夢散左之後,你就要醒,呢個亦係夢既唯一一個缺憾

咁呢個故事係米完左?

岩岩相反,其實個故事岩岩先開始。

係我同 jenny完左之後,我地亦要面對考內既考試又要面對喪親既打擊

所以我同 jenny 亦慢慢疏遠左

雖然 jenny係呢段時間都有安慰我,我亦有問過可唔可以一齊返

但答案如果係可以的話,大家而家都唔會再睇到呢個故

當完左個考試之後,我地成班人決定搞個 camp

雖然我同果一班人唔算太熟

但係我都係想去下郊外地方散散心,所以我決定同佢地一齊去

呢次 camp既地點係塘褔

去既人全部都係同一班,當中都不乏靚女架

我去既目的除左散心之外其實都想同班入面既人混番熟 d

因為我同 jenny一齊既果段時間,我係完全無視哂其他人架

Page 15: 你叫我最快樂 你也叫我最心痛

好!講番個 camp先啦

果日一行 15個人 8個男 7個女

首先就去左買食材先,成班話要自己煮

當佢地話要自己煮既時候,我個心即刻涼左一大截

因為,乜而家 d女仔識煮野食架咩,佢地連公仔面都唔識煮啦!

所以我叫佢地買多盒百佳壽司以防萬一

當大家準備好哂之後,就搭地鐵再搭船入梅窩

然後再搭巴士入塘福。

雖然我地 5點就已經出發

但去到果到再搞埋房,果 d咁既野都已經 8點幾,9點

去到大家當然肚仔餓啦,於是我就話拎盒壽司出黎食住先

而 d女仔就好興奮咁衝入廚房,又話煲湯,又話煮飯

過左一個鐘之後,壽司無哂,但我地既正餐仍然係處於起步階段

班女仔.....佢地連水都未煲到。

原因係,果到個電制係壞架

所以煲極都煲唔到

佢地又話唔知點解搞黎搞都煮唔到送

見到呢個咁恐怖既情況,為左大眾既利益

呢個時候,我同另一個男仔就衝入去幫手啦

雖然佢地一直話唔洗幫,唔洗幫

但係佢地最後都比我趕返出去

因為我地知道,如果我地唔幫,我地既晚餐可能仲會耐過猁拎英超

咁首先我地開好個火,煲返煲水先

然後我地發覺佢地連煲湯既料都未做好

所以我就同個男仔慢慢搞

途中,有個叫小雨既女仔入黎幫手

佢好靚女架

佢個樣就係果 d眼大大,鼻高高既標準靚女黎...而且仲係清純女孩 feel

但由於佢之前存在感過於簿弱

我又同緊 jenny一齊

所以無乜點留意到佢

Page 16: 你叫我最快樂 你也叫我最心痛

咁係我地三個搞多陣之後

一碟意粉加羅宋湯就煮好喇 (都幾好食架,起碼好過比班女仔搞到無得食先啦 )

亦因為呢件事,我開始同呢個叫小雨既女仔玩埋左

係果一晚,大家都無訓覺,我同另一個男仔去買啤酒飲

你地問我地怕唔怕酒後亂性?

我地擺到明係想酒後亂性先走去買酒飲啦

當買完酒返黎,例牌又會玩下啤牌,吹下水,猜下 1520架嘛

當我地玩左半個鐘每人飲完一罐之後,我地想再拎酒既時候

我地先發現,d酒已經無哂,因為 d酒已經全部比一個男仔飲哂

佢飲到醉醉地既時候,又係到自爆,爆爆下又無啦啦自己衝左出間度假屋出面

話要行去塘福沙灘果到,咁大家都驚有佢危險,所以就有一兩個男仔出左去搵佢

係呢個時候,小雨突然話

:唉,成日都係咁,佢真係好鬼煩,完全唔理人感受既

我果陣時心諗,唔通條友同小雨一齊左

但無理由牙,小雨應該唔會同 佢一齊掛

之後我又無理到再繼續同佢地玩

過左一陣,飲醉酒條友就返番黎,番黎之後

大家就開始去沖涼,同一班女仔一齊住

佢地沖完涼之後果一浸香味真係好 (好變態)

當我沖完涼既時候

我一出到黎就見到小雨坐係梳化到,呢個時候佢又望住我

望左幾秒之後,佢忽然向我招手 同我講

:一齊傾下計牙

:你想傾 d咩牙

:um..你而家同 jenny點?

:分左手囉

:你傷唔傷心架,點解見你好似成日都好似好開心咁既

我果陣時,只係苦笑左一下,大概係我唔想再諗起掛

一諗起,就好似有種遺憾咁

Page 17: 你叫我最快樂 你也叫我最心痛

佢見到我咁既反應就繼續問喇

:咁你拍過幾多次拖呀?

:兩次呀

:咁你初戀係點架?

:哈哈,你咁多野問架?

:艾也,講啦,我好想知呀,係點架,你同邊個拍牙?我地班架?

:其實我既初戀就係咁咁咁咁

當我將成個故事講完之後,佢比左個反應我就係

:乜果個女仔咁衰架!邊個黎架。

:下,講出黎好似唔係幾好wor

:講黎聽下啦

呢個時候無啦啦有幾個花生友走埋黎

花生友 1:喂,講啦!!

:果個米呀琪囉

然後成班聽緊故既人就話

花生友 1:下,佢牙?

花生友 2:我都覺得佢係咁既人黎架喇

花生友 3:喂!講多 d牙

小雨:咁你米好傷心囉

於是我係果晚就不停解答佢地既問題

亦我將我自己呢個初戀既故事,講左比小雨同一班花生友聽

當傾到四點幾就五點既時候,我個故都講哂

聽故果班花生友就開始去打牌,吹水

唯獨我同小雨,呢個時候大家都好攰

而由於兩間房都已經比人霸哂,我同佢只好訓梳化

我地既訓法就係一人一邊

Page 18: 你叫我最快樂 你也叫我最心痛

我隻腳伸到去佢個頭到

佢隻腳又係我個頭到

大家都有幾次唔小心踢親大家個頭

而踢親之後我講對唔住

佢既反應就係幪幪龍龍之間講左句

:嗯...唔緊要啦

其實真係幾可愛架

就係咁,我同佢咁樣訓左大約一個鐘到

突然有條女衝出廳話要睇日出,嘈醒哂所有人

我同小雨亦一齊比佢嘈醒埋

於是,成班幪下幪下 就走去果個塘福沙灘

個沙灘就係我地間屋對面

(唔知有無巴打去過)

咁要落去果個沙灘,要經過一個好長而且 ok暗既路

所以路程雖短但就尖叫聲不絕,呢 d尖叫聲不外乎女仔以為碰鬼而發出既叫聲

d燈斬下斬下又嚇到佢地大叫咁樣

於是係尖叫聲伴隨下,我地行左兩三分鐘就到

去到果到,大家無無聊聊咁企左係到

果位飲醉左酒既同學,又自己走左去沙灘既另一邊

自己一個看海

大家今次都有共識

而共識就係

采佢都有味

因為大家企係到太過無聊於是就有人講塘福沙灘既鬼故出黎

係講講下既途中,突然有女仔

講鬼故果個就話:我都未講到重點,做乜咁快就要叫呢

而果位女仔就疾下疾下咁話:你地睇下個海

我地一望,有樣紅紅地黃黃地既野飄下飄下(由於果陣冬天,所以好黑乜都睇唔到)

d女仔全部以為出現靈異事件

呢個時候小雨就縮左係我身後面

Page 19: 你叫我最快樂 你也叫我最心痛

咁既情況,我梗係要扮下護花使者啦

咁我米膽粗粗行近海邊,睇下果隻咩黎架囉

一睇

我挑,漁船黎捉魚喳嘛

我一路行一路大叫

:喂,漁船黎喳嘛!!

跟住大家一齊係到笑,明顯大家都係笑緊大家頭先既白痴行為

但由於之後實在太悶

於是我同小雨,同部份人就返左渡假屋入面

返到入去之後,大家都好攰好攰

我就坐左係個梳化到,而小雨就係我左邊而又有另一個女仔係我隔離

我地三個就蓋住同一張被

前面有張野,咁我就郎左我隻腳上去

忽然之間,我 feel到有 d好冷既野入左掂到我隻腳

我心諗,唔係真係咁撚猛下化

點知小雨就係呢個時候大叫

:嘩!你隻腳好暖牙!

:嘩!你隻腳好冰牙!

跟住小雨又叫埋係我右手邊個女仔黎

:喂!你地都黎牙,佢隻腳暖過暖爐呀

跟住個女仔又真係會攝左隻腳入黎

於是一時之間就有四隻腳放左係我既腳上面

:你真係好暖牙

:哈哈,咁你都真係好凍wor,你攰唔攰牙,攰的話你可以埃住我訓陣wor

:真係架?好呀

Page 20: 你叫我最快樂 你也叫我最心痛

於是小雨將佢個頭放左落我個膊頭到

而我隔離果個亦同時做同一個動作

而佢仲 q住我隻手

但唔知點解亦唔知幾時我同小雨隻手係被入面拖住左一齊

就係咁,我個頭亦順勢埃左落小雨個頭到

兩隻手拖住一齊,拖到出哂汗都無放開

就係咁拖到我地醒返為止

醒左之後,大家決定出去玩

但如果有人去過的話,係知道塘福係無野玩既

於是我地出番去梅窩果頭,去踩單車

係途中,有條友問我係米同小雨一齊左

我話唔係,佢竟然唔信,佢話我地咁既動作好似拍緊拖

其實我去到今時今日我都唔知點解我同小雨點解會咁樣

出到去梅窩,大家搵左間餐廳食完野就去租單車喇

係呢次踩單車之前,其實我已經成年無踩過,因此我好驚會係佢地面前出醜

成班揀好哂車之後,就開始黎料喇

但由於小雨同佢個 fd 呀寶 (都好靚女架,好多人話佢兩個好似樣)都唔太識踩單車

所以佢地就租左架家庭單車

開始踩既時候,成班十下十下咁,唔識路

我地最後先踩左去梅窩沙灘果到,果到因為太多人所以就踩返去碼頭果邊

我地沿住碼頭一路踩一路踩,踩到去工廠(定唔記得乜野廠)果邊

就沿住果段路環迴咁踩

由於果段唔太多車,所以個個男仔忽然拓海上身

扮哂車神咁既樣,咁我當然都唔例外啦

如是者大家爆速爆左一陣之後 就慢返落黎

沿途亦有 d開緊工既工人同我地揮手

再踩多陣有 d人就開始話攰要抖下

而小雨同呀寶兩個就停左係到,小雨拍一拍我膊頭,同我講

Page 21: 你叫我最快樂 你也叫我最心痛

:瑪雅人牙,做下車夫牙,車我地踩返轉啦

:好呀

當我踩上去既時候,我就知中伏喇

因為...原來兩個加埋都幾重下,所以一直踩落去都幾吃力下

一路上佢不停叫我加速

去到最後,我勉強踩完哂全程

但踩完之後成個人差唔多虛脫哂

呢個時候小雨行埋黎

:點呀,你有無事呀?我地係米好重呢

聽到佢呢句我即刻彈返起身扮無事

:傻啦,唔重,一D都唔重,我 ok架

:係米架?唔好死頂wor你

講完呢句之後,佢就走番去搵呀寶喇

而呢個單車活動,去到呢個時候亦差唔多完喇

當大家準備返去既時候,我問左句

:今晚食乜呀

然後班女仔又大叫

梗係自己煮啦

講完就衝左入間恵康定唔知百佳入去買材料

此時此刻我同我朋友亦同時講左句

holy shit喇呢鋪

返到去度假屋,班女仔又開始準備果 d野食

今日好小小,我地可以用 bbq爐起火

唔洗用入面果個好弱好弱既石油氣爐起火

但問題係,班女仔剩係掛住煮飯

佢地買既送,整都無整過

呢 d咁既時候,當然又係靠班男仔出手

我發覺我果班既男仔有好多野煮野食都好叻

相反 d 女仔就雞手鴨腳,見到佢地點整你真係唔會有胃口食

Page 22: 你叫我最快樂 你也叫我最心痛

當我地係出面煮好哂送既時候

我地男仔們都感歎,終於都唔洗再好似琴日咁。

呢一餐大家都食得好開心

小雨坐我隔離,食食下既時候,佢問左一個問題

:今晚仲一唔一齊訓呀?

:你想牙

佢笑左笑,然後笑住同我講

:想架,你暖牙馬

於是我地又一齊繼續食

大家見到我地咁樣,都以為我地拍緊拖

就算我點同班花生友否認

佢地都唔信我

呢鋪真係水洗都唔清喇

因為今日好攰,所以食完飯再玩多陣。大家就已經有睡意

果一晚我地就繼續係我地既專用位到訓

而我地既睡姿,就由琴日既拖手埃住,變左做我攬住左佢...

佢呢晚訓得好林,我亦埃住佢個頭

呢一晚識哂燈,週圍都好黑

我望住佢個頭頂,唔知係因為空虛定其他原因

我好輕好輕咁掃佢個頭

我摸住佢個頭就好似我當時摸住 jenny一樣

同時我亦攬得佢好實

但亦唔知係米因為攬得太實既關係,佢突然之間醒左,又用果種幪幪龍龍既語氣問我

:你好凍牙?定係訓得唔舒服牙

:無野呀,唔係呀

:咁繼續訓啦

之後佢又繼續比我攬住

係果一刻我完全將佢當左係我既女朋友

但果一刻我其實係米將佢當左做 jenny,我到而家都唔知

我只係知我好享受果一晚既感覺

Page 23: 你叫我最快樂 你也叫我最心痛

係果一晚之後,我覺得好奇怪

點解我會無啦啦同一個我本身完全唔熟既女性,突然發展到咁

係佢醒返之後,我亦都走返入男仔房執返好我 d野

當我一入到房既時候

成班男性起哄

男性 1:喂,返番出去訓覺啦

男性 2:唔好阻住哂啦你,威哂啦

等等既說話,無錯呢D就係妒忌

當大家起哄完一輪既時候

都係時候離開喇

當大家都上到船既時候,男仔坐哂係下層

但我去到既時候已經無哂位,唯有上上層

一大堆女仔坐哂去後面話要睇浪(果種船係後面係露露地天果隻黎)

正當我都打算去露天果邊既時候

我忽然見到小雨,佢自己一個坐左係到

而我同佢就好似第一晚咁四目交投

之後佢又揮揮手,問我過唔過黎同佢坐

當然啦,既然佢主動問到,我當然會同佢一齊坐啦

呢個時候佢又話眼訓,所以佢又埃住我訓

但架船搖多兩搖佢就話訓唔到喇

呢個時候,我問佢

:不如等陣一齊搭巴士走牙

:好牙

:係呢,你有無拍過拖?

:無呀

:下 估唔到你無拍過拖wor

:車,好出奇咩,無岩既對像米唔拍囉

我當時有種好奇怪既感覺,但我可以肯定果時既感覺唔係愛

可能係有趣掛,可能因為我未試過同一個未拍過拖既女仔有咁親密既接觸啦

於是大家就係咁傾下傾下,傾到落船

Page 24: 你叫我最快樂 你也叫我最心痛

落到船之後,我就同其他人講話我要同小雨一齊搭巴士走

其他人用一股淫邪既目光目送我地離去

係行去巴士站既途中

我同佢傾左好多野,例如佢屋企既事我屋企既事

傾傾下,先知道原來佢呀媽管得佢好嚴好嚴

我相信呢個亦都係佢一直無拖拍既原因

當我地上到巴士既時候

佢同我講

:我又想訓呀,可唔可以又比我埃住訓呀?

:嘩,乜而家 d女仔咁懶訓既

:咁攰就要訓架啦嘛

:咁我洗唔洗又比隻手你拖住黎取暖呀

:你而家好想拖咩?唔比你拖wor

係果一個moment,我承認我柒左

佢每一次訓覺都真係訓得好林,呢次都唔例外

佢埃係我個膊頭到,埃到去總站,去到總站既時候依然唔識醒

見住佢訓嘟嘴果個樣又唔係好忍心去嘈佢

不過唔忍心都要嘈醒架喇

我拍一拍佢個頭

:喂,醒喇

拍一下,唔醒,拍多兩下都唔醒

最後我發覺,輕輕拍佢係佢無用架

於是,我搣左佢塊面一下,搣完之後,佢又去番個幪龍既狀態

: e......到左拿,你做乜唔叫醒我呀?

:落番車先講啦,比人鬧喇我地

呢個時候,果然有個執垃圾鬧我地點解咁耐都唔走

我就

呢個時候,果然有個執垃圾鬧我地點解咁耐都唔走

我就唯有係咁同佢講唔好意思

Page 25: 你叫我最快樂 你也叫我最心痛

落到去之後

:你頭先做乜唔叫醒我呀

我心諗 ,小姐唔係我唔想叫醒你,而係我叫你唔醒牙馬

:算啦算啦,訓完都係好攰呀,快 d返屋企再訓過啦

又訓

於是,我同佢一齊行返去

行返佢既時候,佢問我

:瑪雅人,你有無諗過點解我地會變成咁?

:我都唔知呀,你有無諗過牙咁?

:哈,我本身同你一D都唔熟,但兩晚之後就變到好似好熟咁,仲同你訓埋一齊

:咁可能因為我比你印像可靠,你信得過我

:你鬼係可靠牙,成日口花花咁,鬼信你

:唔信我你頭先又訓到成隻豬咁

:我攰得濟喳嘛

:唔係,你係懶訓豬

:唔係囉 但我對你既感覺好似好一見如故咁

:一見如故?

:係呀,姐係一見到你就有好熟悉感覺

:我明點解,但你會唔會其實係對我一見鐘情呀

:痴線啦你,可能係你對我咁就真

講到呢到既時候,我地都差唔多到

:我係呢到返去得喇。

:好啦,我比我msn同電話你牙 xxxxxxx@xxxxxxxx 同 xxxxxxxx

我地兩個就各自慢我慢慢行返去自己既屋企

我地大家大約每行二十步到就會拎返轉個頭,然後一齊向大家揮一揮手 (唔係夾埋)

就係咁樣,到大家都望唔見大家既時候,呢個動作就停左喇

當呢個動作完左之後,我唔知點解無啦啦笑起上黎

當上到樓既時候,由於太攰太攰,沖完個涼之後

Page 26: 你叫我最快樂 你也叫我最心痛

我連電腦都無開,就走左去訓

第二朝,當我開番電腦既時候

我發現有人加左我,原來係小雨,當我確認左之後

小雨即刻搵我

:hi,你係米瑪雅人呀

:係呀

:我仲以為加你唔到添,你同呀邊個邊個個名咁似既

:下,係咩?e,你琴晚訓得好唔好呀

:好好呀!

:下,我仲以為你無左我係你隔離會訓得唔好添

:車,你米仲遲起身過我

:我遲起身係因為無左你係隔離,搞到好夜先訓到

:鬼信你呀,成日口花花

:聽日你出唔出得黎呀

:得掛,做咩呀?

:去海洋公園牙不如

:得你同我喳?

:係呀,好唔好呀?

:好呀,我都好耐未去過喇

之後我就約佢第二日係鑽石山地鐵站等喇

果一程既地鐵,我同佢都係講埋 d無聊野

講下佢中意過 d咩人,又講下佢自己既事

講講下既時候,佢忽然問左我一個好有趣既問題

:喂,瑪雅人。你估下 2012係米真係會世界末日牙拿?

:你怕牙?

:我唔係怕呀,我只係覺得好似有好多野未做過咁

Page 27: 你叫我最快樂 你也叫我最心痛

:例如呢

:拍拖囉

:你知唔知呀,其實我細細個都試過係生死邊緣徘徊過

:下 點解?

:因為我一出世我就有心臟病牙

:下,真架

:係呀,不過而家無乜事喇,定期返去睇下醫生就得喇

唔知點解對住呢種女仔,我就會突然好想去保護佢,照顧佢

呢個時候我亦諗起一個問題

:咁你米唔玩得機動遊戲?

:呢樣係我其中一樣想係世界末日之前做既事

我心諗,小姐你等陣玩玩下無啦啦心臟病發咁點算呀

:下,你真係得

:得架喇,得架喇

又係咁傾下傾下,傾到去金鐘

我地跟住轉搭巴士

上到巴士,佢同我講

:其實我中意去迪士尼多 d架,我中意童話故事!

:咁你想做白雪公主定睡美人呢?

:錯哂! 我中意灰姑娘 ,下次去迪士尼牙

:你約我牙?我要問下我秘書先wor

:你去死啦,邊個話一定係約你去架

:因為你想我陪你囉

佢聽完呢句之後,佢將佢個手袋入面包紙巾飛左過黎

我由於發夢都估唔到佢會咁做,我當然食到應一應啦

Page 28: 你叫我最快樂 你也叫我最心痛

我之後 hold左係到,佢走左過黎我身邊細細聲問我

:你無事牙馬

我係呢個時候拎番開包紙巾一野掉返佢

:你而家咁樣米知我有無事啦

於是我地就將一包紙巾掉黎掉去

我地就係咁掉足成程

我地落左車當然係去買飛

之後我地就打算去玩佢人生既第一個機動遊戲

佢去到,本來打算一黎就開到最盡去玩跳樓機

當佢行到埋去既時候

我同佢講左句

:你真係無問題?

:無問題

好喇,咁我地就行入去排隊果到

由於果日係閒日,而且又唔知點解無乜自由行

所以條隊一 d都唔長

但當就到我地既時候,佢拉住我走番出去

:你驚牙?

:我先唔驚,只係我人生既第一次就比 d咁高難度既野....

:咁唔好咩,咁先夠深刻嘛

:都係玩過第二樣先啦

於是佢又揀呀揀,揀呀揀

揀左一輪之後,佢揀左個最低難度既遊戲

無錯!就係海盜船喇

當佢揀左呢個之後,我用一副無奈既表情望住佢

但佢就笑笑口咁同我講

:呢 d梗係由易玩上去架啦

之後佢衝左入去排隊喇

佢入左去之後

Page 29: 你叫我最快樂 你也叫我最心痛

笑住咁同我揮手叫我快 d入黎陪佢

就係呢個時候,呀貴打左比我

:喂!仆街仔,得唔得閒呀

:我係海洋公園

:你係海洋公園做乜

:我同緊女一齊

:下!你溝返 jenny拿

:唔係呀

:咁你同邊個

:小雨囉

:下,你講真架?小雨wor

:係呀,真架

:痴線,佢點會無啦啦同你咁熟既

:我番到屋企再話你知啦

:你真係痴線架,係咁啦

當我傾完既時候,小雨問我

:邊個黎架

:呀貴囉

:你同佢講我同你一齊牙?

:咁佢米實以為我地拍緊拖

:係掛,不過我番去會講清楚架喇

:哦哦

講講下就到我地喇

海盜船大家都知點玩架啦

我就同佢講坐最後果排啦

一坐低之後,我細細聲同佢講

Page 30: 你叫我最快樂 你也叫我最心痛

:呢個位最刺激架,希望你唔好頂唔順啦

佢聽完我講呢句之後

佢既反應係 之後佢就好大力搣左我一下

係我大叫既同時,咁岩架船沖落去

所以所有人都以為我係因為興奮而大叫

事實上其實我係痛到大叫

但由於佢驚既關係佢 q得我好實

隻眼完全唔敢打開,佢就係好大力咁 q實我

然後連個頭都埃埋落黎

玩之前話自己無問題無問題

一玩既時候就

玩完之後,佢既反應係

:我都係唔玩其他機動遊戲喇

我果刻忍笑真係忍得好辛苦

最後我勉強講左句

:真係唔玩牙,其他果 d好好玩架wor

:唔洗喇唔洗喇

然後佢即刻擺出佢副招牌笑容,去掩飾自己唔夠膽玩既事實

但女人可愛既地方其實就係可愛在呢到

就係呢個時候,佢好神秘咁拎住部電話走左去一個好靜既位傾

佢傾完一輪之後,就返番黎,我就問佢

:邊個黎架

:我媽咪呀

:哦,咁點解你要傾到咁鬼鼠既

:佢唔知我黎海洋公園架,我頭先呃佢話我係圖書館喳

:點解要呃佢呀

:唔知呢

我仲未 get得明佢既意思既時候

佢就已經拉左我入去水族館睇魚

Page 31: 你叫我最快樂 你也叫我最心痛

睇完魚之後,佢問我有咩做

大家知道水族館一出黎就係摩天輪

於是我提議不如去坐摩天輪

:好呀好呀,摩天輪好呀,我都想坐呀

其實我咁大個,第一次單獨同女仔坐摩天輪

上到去既時候,佢坐係我既對面,佢就叫放好隻腳要同佢平排

:做乜呀

:你放好先啦

我放好左之後,佢拎佢部手機出黎

:我今次係第一次同男仔單獨出街喳,比我影番張相留念啦

:好呀

當佢影完隻腳之後,我就示意佢坐過黎

:要影不如影番張合照啦

:好呀

於是我同佢頭貼頭咁影左我地兩個既第一張相

之後我地落番地下之後,行下食下玩下

就係咁樣過左呢一日,雖然呢一日,睇落去無乜特別

但我同佢既故事,可以話係由果一日正式開始

果陣時已經係十二月尾

自從海洋公園之後,我感覺到同佢更熟絡

大家之間亦比以前更曖昧 (雖然一開始就已經好曖昧)

果一年既平安夜,佢雖然出唔到黎,而我亦同左呀樹佢地一班人出左黎

但係我部手機無停過(但佢果陣時仲係3台)

:又一年聖誕喇,今年又係同男人過

:哈哈,同成班男人有乜所謂 bor,好過我出都無得出先啦

Page 32: 你叫我最快樂 你也叫我最心痛

:係囉,最衰你無得出喇,如果唔係,我一定同你過架

:但我出先唔到黎嘛

:咁我約實你啦,下年一定要陪我過呀

:你好想我陪你過咩

:想呀!

:點解呀?

:唔知呢

:瑪雅人牙,如果2012真係末日,你又會唔會陪住我?

:會牙

:哈哈,只要你肯我都會陪你

雖然只係隔住電話,但我第一次見到呢 d sms 而會心微笑左

就係咁樣除夕,我同佢都係咁過

我地仲因為怕12點既時候 sd唔到訊息比對方

而提早左十五分鐘 sd比大家

隨住煙花既升起,亦代表我呢個假期接近尾聲

要諗要解決既,唔再係私人感情問題

而係一大堆做都未做過既功課

假期完結,學亦要開始返喇

由於一個 camp令我同小雨既關係變得好親密

Page 33: 你叫我最快樂 你也叫我最心痛

所以返到學校,我地既接觸亦都多左

當然大量既花生友就會走黎追問究竟我地既關係係乜

我地既回答亦只係好朋友

係我同小雨既關係越黎越好之際,jenny突然搵我

:瑪雅人,你呢排點呀?

:無呀,米又係咁

然後大家又係靜左一輪

呢個時候既我,又出現無限既 FF

究竟佢搵返我既目的係乜,佢係米對我仲有意思,定還是佢想點呢

:對唔住呀之前,你會唔會嬲我

我諗左陣,然後答左一句

:Just let it go

之後大家都無乜點傾

就算傾,都係一 d好學術既野

果兩三晚,雖然有種天人交戰既感覺

但每次當我見到,小雨 sd比我既 sms

佢比我既安慰同鼓勵,每次我都會開心返,平靜番

而且小雨比我既感覺係有別於 jenny

果種感覺我自己都唔識形容

我只係知我每日都好想同佢玩,同佢傾計,同佢一齊,同佢做所有所有既事

基本上,只要就係佢陪住我

我做乜都肯!

點解我會咁?

Page 34: 你叫我最快樂 你也叫我最心痛

因為我發覺我已經忘記唔到佢果個殺死人既招牌笑容

講返 jenny

其實佢搵返我既時候

雖然我係有諗過,我應唔應該再去追番佢

我亦認我曾經有一刻既心動。

但我諗深一層,當初佢咁易放棄左我

其實佢又對呢段愛情有幾認真?

我同佢就只係 eason 既一首歌入面既歌詞

流水很清楚惜花這個責任,真的身份不過送運

這這趟旅行若算開心,亦是無負這一生

佢只係我生命入既其中一個過客

我同佢既然而家只係帶小小遺憾

咁點解我要比機會將呢個遺憾擴大呢

所以我知道我同佢既旅程,就只係去到佢話完結既時候就真係完結

但我亦要多謝 jenny呢個突如其來既舉動!

因為佢令我清楚其實我想要,想保護既人究竟係邊個...

經過 jenny呢件事之後

我忽然發現其實原來自己對小雨係存在住一種咁既感情

但我無採取 d乜野行動

原因係...我怕

我怕再重複犯錯,但我更怕既係,其實我只係一箱情願

係學校入面,我地成日一齊玩,成日一齊傾計

呢種曖昧既感覺,其實好好

而係學校調位入面,我亦選擇左同佢一齊坐

而呢 d係班上面既傳言當然就越傳越盛

好彩,小雨無因為咁而同我疏遠

反而,我地之間既關係無論私底下定係學校都更似一對情侶

佢仲會得閒整下野比我食(識煮野食既女仔係香港都幾難搵到喇)

有一日,佢上左黎我屋企

Page 35: 你叫我最快樂 你也叫我最心痛

我同佢一齊睇不能說的秘密

唔知點解,我識親 d女仔睇親呢套戲都一定會喊

當然小雨都唔會例外啦

睇到去周杰倫,係張枱上面用塗改液畫個心心出黎果幕

我發覺到佢塊面已經開始有 d淚痕

去到周杰倫彈最後一首歌既時候,佢更加喊到收唔到聲

呢個時候,我就去左個鋼琴隔離彈番一次首歌出黎

彈到一半既時候,佢走埋黎同我講

:點解你識彈琴架,我識你咁耐都唔知你識?.

:這是一個 不能說的秘密啊

:車,好叻咩

:你岩岩喊到收唔到聲wor

:咁感動牙馬。

:姐係其實你都係一個喊包啦

佢既表情就變成咁樣 >

之後佢就追住我黎打。

就係咁樣打左成日

如是者,我同佢又咁就過左一日

第二日,我岩岩入學校門口

忽然有人拍拍我

我以為又有 d 濕尻訓導叫我剪頭髮

咁我米拎轉求其應左佢米算囉

點知一拎轉既時候,就有一隻手指督住我塊面

我相信大家都知果個係邊個喇

大佬,點解個個女仔睇完套戲之後都要路小雨上身呢?

佢督完我塊面之後,就走左去

佢之後幾次又嘗試過想督我

Page 36: 你叫我最快樂 你也叫我最心痛

我奶過一次野,當然就唔會奶第二次

但係係呢 d時候,佢就會唔理我拎唔拎轉個頭

佢直接伸長佢既手,一下又一下咁督落我塊面到

其實我比佢督既時候,我係幾享受

因為我真係覺得佢好可愛

我每一日就係咁樣比佢督下督下過日晨

而我地遲 d亦有個機會返大陸進行三日兩夜交流活動

有一日,佢突然問我

:你中意咩色呀

:做咩無啦啦咁問呀?

:答左我先啦

:你講左要做 d咩先,我點知你會唔會搞 d咩出黎架

:你而家 講 定 唔講呀

:黑白灰藍啦,我睇蘇文峰佢話呢 d色今年利我

:你係米仲要玩野呀

始終我都係屈服左係佢呢種霸氣之下

:黑色啦咁,簡簡單單

:你話架!

由於我果陣時唔知佢想點所以我係好驚唔知會搞出 d咩事出黎

日子過得好快

去到一月尾既時候

就係我地去大陸進行三日兩夜交流活動

以我地而家咁既關係,當然就係一齊出入架啦

但係旅遊巴上面,我唔係同佢一齊坐架

因為佢一早就已經比人捉走左

我坐左係佢後面好遠既位置

但佢會不時回頭望過黎

同我揮揮手,伸下利咁

但由於上去既時間係好耐

所以佢做左一陣又走左去訓覺

而我就拎部 psp同其他人 連線玩 勝利十一人

當我打到唔知連勝第幾多鋪既時候

Page 37: 你叫我最快樂 你也叫我最心痛

我眼尾哨一哨到佢佢,原來佢已經醒左

仲用呢個表情 望住我

佢督完我塊面之後,就走左去

佢之後幾次又嘗試過想督我

我奶過一次野,當然就唔會奶第二次

但係係呢 d時候,佢就會唔理我拎唔拎轉個頭

佢直接伸長佢既手,一下又一下咁督落我塊面到

其實我比佢督既時候,我係幾享受

因為我真係覺得佢好可愛

我每一日就係咁樣比佢督下督下過日晨

而我地遲 d亦有個機會返大陸進行三日兩夜交流活動

有一日,佢突然問我

:你中意咩色呀

:做咩無啦啦咁問呀?

:答左我先啦

:你講左要做 d咩先,我點知你會唔會搞 d咩出黎架

:你而家 講 定 唔講呀

:黑白灰藍啦,我睇蘇文峰佢話呢 d色今年利我

:你係米仲要玩野呀

始終我都係屈服左係佢呢種霸氣之下

:黑色啦咁,簡簡單單

:你話架!

由於我果陣時唔知佢想點所以我係好驚唔知會搞出 d咩事出黎

日子過得好快

去到一月尾既時候

就係我地去大陸進行三日兩夜交流活動

以我地而家咁既關係,當然就係一齊出入架啦

Page 38: 你叫我最快樂 你也叫我最心痛

但係旅遊巴上面,我唔係同佢一齊坐架

因為佢一早就已經比人捉走左

我坐左係佢後面好遠既位置

但佢會不時回頭望過黎

同我揮揮手 伸下利咁

但由於上去既時間係好耐

所以佢做左一陣又走左去訓覺

而我就拎部 psp同其他人 連線玩 勝利十一人

當我打到唔知連勝第幾多鋪既時候

我眼尾哨一哨到佢佢,原來佢已經醒左

仲用呢個表情 望住我

當見到呢個表情既時候,代表 d乜

唔單只 係代表一個女仔佢嬲你,

更甚既係呢個樣代表佢在乎你

但我見到佢果一刻既表情,我只係諗到前者

佢呢個表情令到我騰哂雞 當佢見到我望到佢既時候

佢就以快過小明既速度拎返轉個頭

係果一刻,我已經唔再想打機,因為我個腦入面就只係有

焦急同不安

究竟發生乜野事呢,我做錯左 d咩野會搞到咁呢

唔通佢因為嬲我掛住打機唔理佢

但係係佢去訓覺先架 bor

我個腦就係不停沖斥住呢 d無限既可能性

結果就係果場,我既連勝紀錄終了

而個一程車,由個一刻開始我就搭得十分不安

雖然佢之後都仲有望過下我

但佢既神情依然係咁憤怒

Page 39: 你叫我最快樂 你也叫我最心痛

好唔容易我先搭哂果程車

一落到第一個景點既時候

我立刻沖過去想了解一下發生咩事

我一行埋去,佢就擰[咩] (唔識打)塊面

見到咁,我真係驚到爆

於是就好心急咁問佢

:你做咩事呀?做乜無啦啦咁嬲咁既

佢依然擰咩塊面

:講啦,係米我掛住打機,所以你嬲我呀?

依然唔理我

:唔好嬲啦,嬲爆爆咁既樣邊到靚架

就係呢個時候佢忽擰返轉同我講

Page 40: 你叫我最快樂 你也叫我最心痛

:我嚇你喳!傻佬

真係心血小 d都比佢嚇死

聽完呢句之後,我比唔到反應佢,因為我只係識企係到傻笑

當聽完呢句之後,當然即刻鬆返一口氣啦

之後佢又扮路小雨咁拍一拍我膊頭

然後走去另一邊準備督我塊面

佢拍我膊頭果下我無擰去佢拍我果邊

但我下意識將個頭轉去擰一邊時候

我又比佢督中左喇

:我又中喇 你頭先做乜咁驚青呀

:驚你唔知嬲乜牙馬

:驚我嬲你打機唔理我牙

Page 41: 你叫我最快樂 你也叫我最心痛

:都係架

:我係你眼中原來係咁小氣既,但點解你要驚我嬲你呀

我 於是我決定避左佢後面條問題

:梗係唔係啦,你係我心入面好大量架.

:搵鬼信你呀

大家都知道其實呢 d所謂既交流活動

日間既行程係點其實一 d都唔重要

因為大家都會當佢係死既

重點係夜晚,夜晚既時候,唔同既人會去唔同既房

有女既當然係會去條女間房啪啪啪啦

毒撚既自然會圍埋一堆傾心事

自閉既通常會自己留係房訓覺

而我準備同朋友過房玩既時候

部房間電話突然響起上黎

搵得我既,當然只得佢一個啦

:瑪雅人牙,你可唔可以而家過黎我到呀?

:而家牙?

:係呀,佢地成班走哂去玩,我又唔想出去,所以就得番我一個喇

你過黎陪下我得唔得,我..我有小小驚牙

我望一望我位朋友,佢就即刻好識做地自己走左

:好牙,無問題

呢個時候我就自己走左去佢間房到喇

當我去到佢間房臨入去之前果一下

我好緊張,雖然,大家手又拖過

攬又攬過,甚至連屋企都上過

但係,我硬係覺得,今次既性質係有唔同(雖然我唔知呢次既性質係有乜唔同)

而呢種性質上既轉變,令我有 d不知所措

於是我就企左係個門口到唔知做乜

Page 42: 你叫我最快樂 你也叫我最心痛

正當我仲係到唔知做乜尻既時候

小雨突然開門

:瑪雅人,你傻下傻下係到做乜

:我....

:你入左黎先啦,間房好似好陰陰深深咁呀

聽到佢呢句,我當堂即刻醒返哂咁

:有幾恐怖呀??米又係酒店房一間

:咁我女仔黎架嘛

:你肯定你呢句講得岩?

之後佢個樣又 >

打打下突然之間

佢叫我咪埋對眼

:拿,你唔好(猛)大呀

之後我聽到一 d搵野既聲,於我是輕輕開左小小眼

但當我仲未睇清楚發生乜事既時候

已經有個枕頭飛到去我個頭到

:叫你唔好睇呀

為左唔想令自己既身體受罰

我唯有乖乖地咪埋對自己對眼

過左一陣之後,佢同我講

:你可以打開眼喇

我一打開隻眼,就係一條黑色既頸巾係我前面,然後就係佢個樣

(無錯,前面有巴打定絲打估中左喇 )

諗衰野果個自己反省一下

果一刻,我感動到唔識講野

因為連我老母都未曾親手織過一條頸巾比我

如今,佢係第一個女仔親手織左條頸巾比我

Page 43: 你叫我最快樂 你也叫我最心痛

望住佢個樣 發覺佢黑眼圈大左

我再望下呢條頸巾,我忽然發現自己隻眼濕左小小

就係呢個時候,佢見到我咁既樣,佢以為我唔中意

於是就嘟起個嘴問我

:你係米唔中意牙,我都知我織得唔好架喇,我第一次織架喳

:唔係呀,好靚呀,我好中意呀

:真係既

:嗯,係呀,真係好中意

之後個傻妹就立即比番果個笑容比我

:試下帶下牙

之後佢就幫我帶上去

佢幫我帶好之後,就用力一索!!!!

我當堂就變呢個表情

佢都意識到佢呢一下太大力

所以即刻好緊張咁,幫我鬆返開條頸巾

:你有無事呀?

我望住佢 笑一笑擰一擰頭

:條頸巾你織左幾耐呀

:一個星期到啦

:咁你米好攰囉

:梗係攰啦,你唔好整污糟,整唔見呀,我殺左你架

Page 44: 你叫我最快樂 你也叫我最心痛

:嗯,知道知道

當時我唔太識形容自己果一刻既情緒,

係果一刻,我只係好想好想攬住佢

:你做咩呀?

:無野呀

佢見我個樣怪怪地,佢就追問落去喇

:你做咩收完條頸巾之後你就變成咁呀

:其實點解你要花咁多時間織條頸巾比我啦

之後佢靜左落黎,塊面亦都開始紅

係果一刻,我唔理自己係米自作多情

我乜都無理到就咁攬左落去

佢呆左陣,然後講左句

:你做咩呀?

:我....對唔住呀..我太衝動喇...

:唔係呀,你攬到我太實,我好痛呀

然後佢係我耳邊細細聲講左句

:點解我要織,你咁都唔知?

然後我地就啪啪啪啪啪啪啪啪啪啪啪啪啪啪

我講笑姐

果一刻,我諗真係乜人都明佢講乜啦

果陣時大家企左係到

Page 45: 你叫我最快樂 你也叫我最心痛

你眼望我眼,就好似第一次大家對望一樣

雖然果一刻,大家都無講野

但其實大家都知道心入面諗乜野

:岩岩攬你果一下鬆左手,比你走開左

不過呢次唔會喇

我再一次攬住左佢,

:邊個話比你攬呀,我而家就走

然後我就用果一條頸巾,cool 住左我同佢

:咁你米走唔甩囉

之後大家就攬埋左一齊

攬攬下就攬左上床

然後我就慢慢將個頭靠埋去

佢咪埋左對眼,個樣好似好緊張咁

然後我就慢慢錫左落去

當然呢一個吻,唔係各位巴打期待既果一種熱吻

錫完就會啪啪啪果種

呢一個吻,反而係輕輕點左一下

簡單但完美

錫完之後佢怕怕醜醜咁講左句

:邊個話比你錫wor,問都唔問人就拎左人初吻

:咁而家都錫左喇,你後悔牙?

:無呀,唔係呀,但點解你錫人錫得咁純熟咁自然架

然後我地兩個就係咁樣攬左成晚

攬下攬下,個傻婆就係咁樣訓著左

至於我,我無訓到 我成晚就係咁望住訓左係我隔離既呢個女人

望住佢訓覺個樣,我真係覺得好可愛好得意

可以陪住望住自己中意既人訓覺,真係好幸福架

係第二朝

Page 46: 你叫我最快樂 你也叫我最心痛

我臨返番落去之前,係佢既額頭錫左一啖,而我呢個舉動亦嘈醒左佢,佢就幪幪龍龍問我

:你走拿

:係呀,等陣見啦

之後佢都錫左我一啖之後,我就走左

我出到去之後,搣左自己一下,確定左呢件事唔係發夢同 FF之後

就笑住咁番返去自己間房喇

經過果一晚之後,我同佢既關係就由,曖昧變成情侶

係果一晚之後,

我同佢關係亦昇華到一個新既境界

但我地既相處方式就無乜點變

可能因為大家本身既相處方式

就已經十分似一對情侶

之後係大陸既兩日,我每晚都潛入去佢間房到

同佢一覺訓天光,但雖然係一齊訓

但每晚最刺激既都只係攬下同錫下

當呢個旅程完左

其實我同佢既故事先岩岩正式開始

返到落黎香港既時候

我地就以戀人既姿態出現

當呀貴同我班 FD 知道左呢件事之後

大家比既反應就係

你地有無咁童話呀?

無錯,

當我諗返起我同小雨點解會熟

點解會一齊拖住手訓,到最後點解一齊既時候

我都覺得呢段經歷奇幻過迪士尼,童話過白雪公主

Page 47: 你叫我最快樂 你也叫我最心痛

大概係天注定左呢一段感情

當我失去左 jenny同某一家中成員既時候

上天賜左小雨比我

我亦相信呢 d係所謂既緣份

而佢既初吻,小雨自己亦比左個名佢

佢話因為我係佢既 true love

所以話要叫果吻做 true love kiss wor

我問佢真係咁 True love ?

:無錯,你一定係我既 true love ,因為你係我既初戀

耶穌同孔子都講過初戀無限美呀

我心諗,關咩事

不過有時呢 d無厘頭既對答,往往係生活中最快樂既片段之一

而呢個名亦都係取材自一套迪士尼既戲

我唔記得左叫乜名

總之有條去係公主由童話世界走左去 NEWYORK 果套啦

我地每日一定會 SD 好多好個 SMS

有一晚佢 SD左一個 SMS比我

:如果當初我無遇到你,如果果日我地唔係一齊

如果我當初無選擇到同你一齊,我知我一定會後悔

:咁其實點解你會選擇同我一齊

:無他架,因為我比你講中左,我對你一見鐘情囉

見到呢D SMS,真係有股由心入甜出黎既感覺

我亦知道佢將會係我最愛既女仔

而之後既生活,都頗算係十分多姿多彩既

每日朝早,佢會黎我樓下同我一齊返學

而係每日返學之前我都會送佢一粒士多啤利奶既珍寶珠

點解?因為佢中意食,而且佢話希望我每一朝起身都會為佢做一件事wor

每日放學,我都會送佢返屋企

或姐去一 d地方享受一下我地既二人世界

Page 48: 你叫我最快樂 你也叫我最心痛

我地係學校,每個小息就一齊

上堂既時候佢會擰轉個頭同我

我地果陣時連冷衫都會兩份著

一人著住一邊袖

然後大家就會埃得好埋

呢種咁既動作真係會葡萄死好多人

有一日,有個老師見到我就同我講

佢同我講左句

:喂,細佬,你係米拍拖喇,拿!點都唔緊要,唔好影響學業就得喇

我聽佢講完之後既反應係

holy shit!

點解傳下傳下就會傳到去老師到呢

不過之後我同小雨依然我行我素,無視他人既目光

我地就係咁樣甜下甜下,甜到去一個重要既日子

情人節

早係情人節既一個星期之前

我就已經諗定哂,送 d乜野比呢個傻婆

話哂我都係第一次同女朋友過情人節

我緊係希望樣樣野盡善盡美啦

於是我去到mk既一間大型書局

買左一大堆手工紙,同一本教摺紙玫瑰既書

買左一條頸鍊同寫左一封好多左張紙既信

頸鍊同信都唔係一個大問題

問題係摺玫瑰真係好鬼難

各位巴打要嘗試摺的話 請三思

因此我摺完果次之後到而家都無再接過

然後再將 d禮物整到靚一靚,希望小雨會中意我送比佢既第一份禮物

到左情人節既前一日

因為正日出,佢怕比佢媽媽察覺

Page 49: 你叫我最快樂 你也叫我最心痛

所以小雨約左我果日出黎

果日出到黎,佢手入面拎住一揪二袋

我心諗,唔通呢 d全部都係送比我既野?

:喂喂,咩黎架

:廢物黎喳馬,唔要架喇

我心諗,個衰妹又想玩我

:比我睇下

:廢物有咩好睇呀

:我要睇

:廢物都要睇,唉,比你睇喇

我一打開

原來真係廢物黎

係果刻真係覺得自己柒到核爆

:你唔係以為呢 d會係你既禮物黎下化

:唔係,唔係!梗係唔係啦

佢個樣忽然變到好衰咁望住我

:真係唔係?

:梗係啦!我想睇下咩廢物黎喳嘛

:哈哈,不如陪我一齊拎去掉左佢牙

Page 50: 你叫我最快樂 你也叫我最心痛

當然,我梗係唔忍心佢拎住咁大揪野週圍走啦

所以我就幫佢拎果袋野去垃圾站喇

拎到去既時候,明明果陣係冬天都身水身汗咁

呢個時候佢就拎左佢包紙巾出黎幫我抹汗

:點呀,傻佬攰唔攰呀?

其實小雨都會有佢細心溫柔既一面

之後我地就去左附近一個公園坐

呢個時候,我就拎左我份禮物出黎

送左比佢,但我叫佢返到屋企先拆

本來佢想即時拆,不過就比我阻止左

呢個時候,佢突然話

:見你頭先咁辛苦,送份禮物比你啦

之後佢就拎左一樽朱古力同一樽心心出黎

:我唔知送 d乜野比你,所以我就摺左樽心心出黎喳

仲有呀,你試下 d朱古力牙,我好比心機整架,全部都心形黎架

我將朱古力拎上手,橫睇點睇都唔似一個心形

雖然外形唔討好,但食落真好好食

之後大家就坐係公園到,你一啖我一啖咁樣互喂 d朱古力喇

雖然佢送比我既情人節禮物,唔係 d乜野好珍貴,好貴既野

但係我心目中其實佢既心意比一切都還要重要

我地大家將 d朱古力食左一半既時候

我同佢講

:不如將呢一半留番比我返屋企慢慢食牙

:好啦,但你要晚晚都食一塊

之後佢係到慢慢數入面有幾多塊野

然後佢就拎住樽野同我講

:呢到仲有 14塊朱古力,我兩個星期後上黎你到見到入面仲有野的話,你就死得

:係,我一定會好好咁食哂佢既

之後我同佢行左去睇戲

Page 51: 你叫我最快樂 你也叫我最心痛

我都唔係好記得果套乜野戲(但一定唔係港產片)

反正情侶去睇戲既重點,都唔會係 係套戲到架啦

我地入到去既時候,我問佢食唔食爆谷果 d咁既野

:唔要呀,肥呀

既然佢唔要,咁我地就入去喇

睇睇下既時候,我就望住佢

呢個時佢亦發現到我望住佢

:做咩呀,專心 d睇戲啦

:你係我隔離,我好難分到心去睇戲架wor

:咁我下次唔陪你睇喇

:但你唔陪我,我又唔想睇wor

:係呀係呀,成日口花花搵鬼信你呀

呢個時候,我突然錫左落去

唔知點解,戲院黑媽媽,攬攬錫錫真係特別好 feel d

呢次係我地第一次法式濕吻

錫完之後,佢好似好怕醜咁無出聲

佢呢個咁怕醜既樣,我都係第一見

:做咩唔出聲咁呀?

:咁我都係第一次係公眾場所咁做,咁我都係女仔黎架嘛

之後成場戲 ,我就係咁樣玩下佢

所以大家知點解,我會對套戲無乜印像啦

睇完之後,我同佢都未想返屋企

:你想去邊到呢

:唔知呀,不如搵個地方坐下牙

我就係到諗無理由又去公園坐架

佢呢個時候笑住咁我講

:不如去食甜品牙

:你唔係話怕肥咩

Page 52: 你叫我最快樂 你也叫我最心痛

:乜無人同你講過女人其實有 23456個胃都係用黎放甜品架咩?

:係全部女人牙定係你一個喳,因住肥死你無人要呀

:咁如果我真係肥左,你係米真係唔要我牙,瑪雅人

:咁梗唔係啦

於是我地就十指緊扣咁行去糖水鋪喇

去到第一間糖水鋪既時候

佢望左好耐,然後同我講左句

:呢到都無既,去下一間睇下牙

:你想搵咩呀?

:個甜品做到成塊樹皮咁既囉

由於我不嬲都係唔太好甜品

所以我完全唔知佢所指既係乜野

亦因為咁我就唯有慢慢跟住佢行

佢行左幾間,都無佢想既果隻唔知乜鬼野

佢見到我行到有小小攰,佢問左我一句

:你 o唔 ok呀,唔得就算喇

:ok,我得架

結果我地一路搵到去朗豪坊

結果係朗豪坊間甜品鋪

終於比佢搵到要搵既野

由呢件事我亦了解到一件事

就係女人對 shopping 同 甜品既執著,真係好犀利

為左呢 d野佢地不惜負上一整日既時間

去達到佢地既目的

我地入到去之後

佢望住份餐牌

:瑪雅人牙,我有好多野都好想食呀

Page 53: 你叫我最快樂 你也叫我最心痛

:你雖然 6個胃姐,但你真係放得哂

:就係放唔哂,先叫你幫我揀牙馬

:好啦,就樹皮果個啦,你為左佢行左咁多路

:但呢個班 cake又好似好好味wor

咁我叫呢個班 cake,你叫個樹皮啦

:但楊枝金露我又想食

:我地叫左呢兩個先啦

:但我真係想食埋wor,點算呀,點算呀?

:食完唔夠先再叫啦

佢聽到呢句之後即刻收左聲,仲同我講左句

:你話架

之後當佢個樹皮到既時候

我就發現自己好似睇生態紀錄片咁

因為當時有一隻獅子已經望到佢既獵物實一實

佢一路食,一路話

:嘩,真係好好食呀

我既反應係

之後佢又食左我一啖果 d班 cake

Page 54: 你叫我最快樂 你也叫我最心痛

:嘩,你果個都好好食

我既反應仲係

正如我所講,我真係唔太中意食甜品

所以我食剩左半個既時候,我比埋佢

當佢將成塊樹皮同半個班 cake食完之後

佢用一種好誠懇既眼神望住我

所以我就大叫

:伙計

埋單啦!!

之後,佢就打左我一下

:唔係呀,我地要多個楊枝金露

小姐,你一早就想叫,咁又洗乜望住我呢

:你而家係米玩野先

:你係米真係得架?

:得架喇,得架喇

:食唔哂咁點算呀

:得架喇,我得架喇,食得哂架喇

結果,個楊枝金露佢食左一半就話飽

剩低果一半就由我食埋佢

Page 55: 你叫我最快樂 你也叫我最心痛

之後我送佢返屋企,係我自己返番屋企既時候收到個 sms

:瑪雅人,d花你褶左幾耐呀,封信我好感動呀,條頸鍊好靚呀.,我成份禮物都好中意呀

多謝你比左個咁好咁難忘既情人節牙

:d花褶左一個禮拜到啦,你中意就得啦,我今日都好開心

:我好中意牙,我愛你牙

: 我都愛你

之後一直都保持住呢種咁 true,咁 pure 既戀愛

我同佢一直都好開心好開心

但一對情侶拍拖點都會有 d小風波既

有一次,

我同小雨傾傾下計

我唱左兩句歌詞出黎

人人初戀得一次,太回味那時

之後佢靜左落黎

我就知出左事啦

:你而家好回味你初戀咩?點解你既初戀唔係我

大佬我當時都未識你,我更唔會知會同你一齊架嘛

:唔係呀,點會呢

:咁你岩岩做乜咁唱牙,你係米有咩含意

:無呀,姐係個意思我想講話係我地一齊得好好喳嘛

:咁咩野太回味那時,咁你唔係懷念呀琪,姐係我地會分開啦

:唔係呢,你誤會左喇

事實上,我唱出黎根本乜意思都無

:我一直都覺得,你對呀琪好過對我呀

:點會呢

:你就又就佢多 d,錫又錫佢多 d,你連初吻都比埋佢,唔公平呀

Page 56: 你叫我最快樂 你也叫我最心痛

:唔係呢,我對你先係最好果個

就係不停地重複呢 d對話

我解決左呢個小風波

但.....女人既神經真係好敏感

自此之後,我都唔敢亂佢面前唱歌

又有一次,我剪左頭返去

佢好朋友呀寶同我講

:你剪完個頭好似好樣左咁

呢個時候

佢條神經線又比人觸動左

見佢悶悶不落咁,我米去問佢做乜

:做咩事呀

:你覺得呢,有無其他女仔中意你?

:無呀,點會有

:我覺得有呀

:下,係邊個呀

:呀寶囉

大佬佢係你個好朋友黎架wor 點會呀

於是就佢話

:佢讚你囉

我.....

於是又用一大輪口水去慢慢糾正返佢既思維

大家可能會諗,點解咁離奇既

我都答大家唔到,因為呢個就係小雨既思考方式

但其實有呢 d咁既事出黎,其實我有小小開心

因為有呢種反應,證明佢係真係真心咁愛上左你

亦因為佢愛你,所以佢先會變得神經質

Page 57: 你叫我最快樂 你也叫我最心痛

日子都係咁過

除左一 d普通既小風波之外

我地一次大既交都無鬧過

其實呢樣野係好可貴

亦都係我同小雨一齊得咁舒服既原因

每日既生活就不停既打打罵罵

佢玩下我,我玩下佢咁

直至有一日,佢黎搵我返學

佢個樣好奇怪咁走埋黎

:你做咩野呀

佢望一望我,好似好多野想同我講咁

但佢之後佢又只係擰一擰頭,表示佢無野

果一日,佢成日就係咁既狀態

平時,佢點嬲都好

都會鬧下我,打下我

一定唔會咁樣自己收收埋埋

見到佢咁既樣,我忽然諗起一個人.............

jenny

大家都知道,我同 jenny臨分手之前

狀態同小雨又係一模一樣

由於之前已經犯過一次錯

所以我好擔心,會黎多次

所以又係果日諗左好多野

但今次唔同

因為我下定決定心,無論發生乜野事

無論要我用咩手段

我都絕對唔會比小雨離開我

所以我都決定係放學既時候

捉住小雨問清楚佢究竟發生咩事

Page 58: 你叫我最快樂 你也叫我最心痛

放學既時候

:你今日究竟做咩事呀

:我無事呀,真係無呀

:你講啦,你唔講清楚我唔會比你走

:我講左比你聽都無用,你都幫我唔到

:咁你講出黎我起馬可以幫你分擔下牙馬

:唉,好啦..其實..

我聽完既反應係

仆街喇呢鋪

:點解你呀媽會知架

:我都唔知點解呀,佢話今晚返黎先同我傾

但佢個樣好似好嬲咁

而家點算呀

:我都唔知,如果你呀媽唔比你同我一齊

你會唔會同我分手

佢 dup低個頭.

:我都唔知呀,對唔住牙 .....不過或姐佢唔反對呢

佢勉強擠左呢個笑容出黎

我知小雨呢句其實係安慰緊我

但我亦知發生呢件事既機會,係十分渺茫

所以知道左呢件事之後

我個心情好沉重

因為我知小雨由細到大都好聽佢呀媽話

Page 59: 你叫我最快樂 你也叫我最心痛

所以如果佢呀媽係反對的話

我基本上可以打定輸數...

而且小雨曾經同我講過

家人永遠都係第一位

男朋友就算幾開心都好,未必會一生一世,

但親人就唔係,一生出黎就已經注定左

所以親人永遠係第一位

亦說明左,我呢位男朋友

係絕對無可能同佢媽鬥到

就係咁,我聽完之後只可以同佢講

:希望你呀媽唔反對啦

:希望啦

:我相信我地一定無事既

:嗯

但事實上邊有老母咁開通會比自己個女係求學時期拍拖架

最後我攬住左佢,輕輕咁摸下佢個頭

攬左一陣

我懷住好沉重既心情,返屋企等消息(仆佢個街,又係等答案)

我好怕呢一抱,會係我地既最後一抱

但係我知小雨比我更難受

一個係佢呀媽,一個係佢初戀男朋友

佢心入面既感覺係果一刻絕對比我難受

返到屋企,訓左係張床到

我發現朱古力得返最後一塊

係食呢塊朱古力既同時

我諗返呢兩個月黎發生既事

果陣時既感覺就係笑中帶淚

因為我真係好唔捨得佢

Page 60: 你叫我最快樂 你也叫我最心痛

諗返起 d事..訓唔著...打多篇

當時我諗下諗下,我竟然諗到訓著左

一醒返既時候

我部手機有個新既 sms

我一睇

屌...

:呀媽返左黎喇,佢話係見到你送我返屋企所以佢知道左

佢叫我考慮一下同你分手,但我會抗爭一下,

唔會咁輕易放棄呢段感情架,記住呀,我愛你架

我果陣時心情好複雜..

可以話係悲喜交集

喜係因為佢為左我而決定同佢呀媽進行抗爭

悲係因為我知道抗爭既成功既機會好低

果一晚,一直都無乜回音,直至我臨訓前既一刻

:我聽日唔過黎喇,返到學校再見啦

我望呢個 sms,我心情連最尾果小小既喜都無埋

我忽然覺得所有野都好絕望

到第二日返到學校既時候

:琴晚點呀?

:傾左好耐,佢問左我你住係邊,成績點樣,一齊左幾耐呢 d野

之後佢話,希望我地會考完左先再一齊

:會考完先再一齊,姐係想我地分左手先

:嗯

我知道如果果刻放棄左,到會考完左之後就會乜都無

因為一段感情空置咁耐之後

大家一定會淡哂

所以我同佢講

Page 61: 你叫我最快樂 你也叫我最心痛

:唔得,我唔可以放棄你,我好唔捨得你呀

:瑪雅人,我都好唔捨得你架,但你知,我係會將屋企人放係第一架

其實果一刻,

我都知道如果去到最後要佢二擇其一的

佢一定揀屋企人

但我由於諗唔到乜野方法,所以我只好拖

:不如你再同佢傾下,睇下可唔可以搵到一個共存既方法牙

:嗯,我會試下架喇,你唔好唔開心啦,你講過架,我地最後一定會無事架嘛,係米?

:嗯,一定係

果一日我好慚愧,因為我要佢背負住呢個咁重既壓力之如

仲要佢安慰埋我

我真係無撚用

就係果幾日

我地既生活唔同左

小左幾分平日既歡笑,多左幾分擔憂同愁緒

但係愛情,係要經得起考驗,先可以長久

雖然果幾日,我地都悶悶不樂

:瑪雅人,你做咩成日粒聲都唔出呀

:無呀,諗緊我地究竟涯唔涯得過呢件事

:一定得既

:你又知得?

:因為希望在明天牙馬

呢個時候,佢都仲識搞下爛 GAG

緩和一下大家既情緒

但我知其實佢仲煩過我

Page 62: 你叫我最快樂 你也叫我最心痛

如是者

之後既幾日,佢就不停地同伯母進行談判

事實上..佢能夠撐到咁耐,其實已經超出我預期

每一日見佢返到黎

隻眼就越黎越腫

每次係我面前要扮佢自己解決到件事

扮開心扮無野

每一次見到呢D情況,我個心都好痛

但奈何我真係幫唔到佢D乜野

所以我有時會諗

如果我離開,其實會唔會令佢無咁煩惱

但呢個一直只係一個想法

因為我覺得,走係逃避問題

係懦夫既行為

我已經要佢自己一個應付呢個難關

如果而家呢個時候,我仲離佢而去

我仲係男人黎既??

況且,如果我地可以涯得過

對我地既感情絕對有極大既增長

所以我下定左決心,要同佢去一齊面對呢個難關

雖然我幫唔到佢乜野,但起馬我可以支持同鼓勵一下佢嘛

而且我地都相信只要我地兩個互相支持

無野係解決唔到

但幻想同現實始終有段距離

當出事之後,我地相信只要我地一齊就可以解決到

但事實係,無論佢企到幾硬

呀伯母都一樣係企得咁硬

其實要一個平時好聽呀媽話既乖乖女

Page 63: 你叫我最快樂 你也叫我最心痛

去反抗佢呀媽係好難既事

而且佢仲要一直都係灰姑娘

連夜街都未出得

就已經無啦啦要佢一破就破咁高難度既關口

呢個其實已經係一個無可能的任務

當時令我更灰既係

佢老豆係呢個時候突然發表佢既意見

同佢講話

:細細個拍乜鬼野拖

我果陣時除左絕望之外,都無哂其他感覺

於是我搵呀貴同佢傾

呀貴比我既回應係

你地聽天由命吧啦,你唔怪得佢地既,

做人老豆老母都驚自己個女隻豬比人呃蝦條架啦

你第時做人老豆老母米又係咁

雖然呢句好廢,但呢句亦係事實

戀愛從來唔係兩個人既事

當中一定有好多外來既因素影響到一段感情既進行

果幾日,大家既 sms 小左好多

大概係因為佢呀媽睇得佢好緊

但每晚既十二點到

總會收到佢既一個 sms

佢會講下究竟今日傾成點

世伯又點講伯母又點講

但每晚講既野都係一樣

每晚都不停地不停地幫佢洗腦

我真係好怕有一日

佢會比人洗腦成功

我好怕有一日,我會無得再見到佢呢個笑容

係果幾日入面,我不停回憶我地之間既事

Page 64: 你叫我最快樂 你也叫我最心痛

例如佢點樣掉我,打我,串我

我地點熟

點拖手

點一齊訓

點樣一齊,情人節點過,佢點樣嬲,點樣呷醋

每一樣野,都會係夜深既時候全部湧哂出黎

至於有巴打話點解唔直接搵伯母傾

其實我有諗過,我亦有問過小雨咁做好唔好

佢當然係唔肯啦

:萬一你同佢嘈起上黎,咁我點算呀?

我答唔到佢呢個問題,

因為我無理由叫佢同我一齊同佢呀媽鬧交

但我亦唔會主動送佢返去伯母到

所以,最後都係

等消息

等左幾日之後

事情就出現左微妙既變化

經過佢晚晚眼淚既洗禮

佢呀媽好似比佢感化左咁

佢呀媽都無乜再點幫佢洗腦

只係同佢講左句,唔好掛住拍拖唔讀書

其實點解會咁我都唔太清楚

根據小雨之後同我講返既講法就係

:果一晚,我地鬧交鬧得好勁

鬧鬧下,呀媽就同我講左好多野

咁我就喊左出黎囉 之後我又講我自己既感受出黎

講講下就兩母女一齊喊左出黎喇

幾感人呀

我心諗,咁似 CCTVB 既師奶劇架

Page 65: 你叫我最快樂 你也叫我最心痛

:估唔到我地涯得過呢件事

:果陣時又係你自己話我地一齊就乜野難關都解決到既

:咁你乖乖女黎架嘛,而且果陣時你呀媽又咁反對

:其實我都好驚架

:好彩佢最後都 ok左

:如果我真係同你講會考後先再一齊,你會唔會等我呀?

:會呀,我怕你唔等我喳

:呢個係我地第一個一齊面對既難關呀

:你都知呢,心血小 d 都分分鐘心臟病死啦

:係死都係我死先啦衰人

之後我望住佢

:唔理點都好,以後無論發生乜野事,都唔好離開我,大家有 d乜野事都一齊去面對啦

佢聽完我呢句之後

唔知點解有 d眼濕濕

:嗯,一定唔會離開你

之後佢申左隻手指尾出黎,叫我同佢勾

佢最後仲要打埋印

我心諗 乜而家仲興架咩

:你信呢 d架?

:信架,越童真既野就越真

經過呢件事之後,我發現女人既眼淚真係佢地最大既武器

而且我覺得我地之間既感情更加堅固,真係有種打風都吹唔甩既感覺

不過其實呀世伯仍然好唔中意我

於是我地既生活又回復返正常

以後既每一日,我終於可以光明正大咁

Page 66: 你叫我最快樂 你也叫我最心痛

送佢返屋企,同佢一齊做任何事

就係咁我地又要應付我地既考試喇

考試前兩個星期

我地班中既有位同學講左句

:係今個考試之後,我地會多次 camp,有意者唔該係張紙寫低個名

小雨即刻比左個眼色我,問我去唔去

我當比返個眼色佢同佢講

你去我米去囉

去到小息既時候

:點呀,你去唔去呀?

:梗係去啦。

:呢 d camp對我地黎講,有特別意義架嘛,不如以後佢地搞親我地都去啦。

:傻佬

於是我地就齊齊報名去呢個 camp喇

但係係去 camp之前,我地就要努力應付考試

一黎係為左要證明比世伯伯母睇,拍拖係唔會令成績差

二黎係 如果考得唔好,佢驚世伯伯母會唔肯比佢去

所以係考試之前,我同聯絡減小左

雖然係減小左,但係絕對唔會令我地之間感情變淡

正所謂小別勝新婚,

我同佢都會得閒就 sd 一 d 好窩心既 sms比對方

講下大家有幾掛住大家

大家都知,中學考試考完就可以早放

於是佢考完一科之後就會上去我果到

一齊溫下一科既野

每一次溫書我都係訓係大脾到溫

佢溫溫下就會叫我聽佢背書

有一次我聽聽下

Page 67: 你叫我最快樂 你也叫我最心痛

我訓著左

之後佢就搣我塊面,整返醒我

當我有返小小意識既時候,佢就 啪 一聲

將本書拍落我塊面到

又有一日,我同佢一齊研習世史

我溫溫下既時候,突然放軟哂手腳

佢問我

:你做咩唔溫書呀

:你個大脾好訓牙馬

:掛住訓,唔比你訓呀

之後佢就一腳伸開左我 ,然後擺左個咁既表情比我 [ ]

最後我地就係咁樣完左我地呢個考試

但由於我學利記咁留力到下季

成績梗係比小雨拋開幾條街啦

係考試完左之後,我地就著手去 camp既事喇

呢個 camp既目的地,係去長洲

而個 camp又係三日兩夜既

搞呢次 camp其實幾煩

因為今次人數比上一次多

所以要 book兩間房,而且仲要注意係米發生過凶案

我同搞手本身以為女仔先會驚姐

點知

成班麻甩佬仲驚過班女仔

係果一個 camp入面,我同小雨一間房

其他人?我理得佢地死牙

Page 68: 你叫我最快樂 你也叫我最心痛

有小雨陪住我就得啦

去到既時候,大家先去東提果邊放低哂 d行李

然後班女仔話要一齊去行街

呢 d時候,小雨既女人天性當然立刻爆哂出黎

佢一手掉低 d野跟住就用佢最快既速度

跟佢成班姊妹衝出去掃貨

而成班麻甩佬(包括我)

就係到打 psp 執下野 吹下水咁

過左一陣之後

個天無啦啦黑哂

之後仲落起雨黎

呢個時候我就打算衝出去落把遮比小雨喇

正當我衝出去之際

我就見到隻濕水鴨仔返黎喇

見佢咁樣我緊係驚佢冷親啦

於是拿拿臨 叫佢換哂去

佢對鞋又濕哂

長洲咁大,無理由行到邊都剩係著住對拖鞋架嘛

於是我就拎住個風筒幫佢吹返乾佢

當我連鞋都未幫佢吹返好既時候

個天突然光返哂 仲出埋太陽添

於是就有人提議不如落去沙灘玩下

係落去沙灘既時候

有一班女仔又提議去行多次(明顯呢班友岩岩殺得性起,仲未夠喉)

班女仔就問多次小雨去唔去

佢望一望我,之後就話唔去喇

:你做咩唔同佢地落去呀,你唔係好中意 shopping架咩

:咁難得可以同到你去沙灘,緊係陪你架啦

:傻婆

Page 69: 你叫我最快樂 你也叫我最心痛

呢 d咁好既女朋友點搵牙

跟住我地就各自換衫喇

臨落去之前,小雨哄個頭埋去

:喂,瑪雅人,想唔想睇我著泳衣果樣呢

正當我仲想答佢想既時候

佢就已經好似估到我答乜咁

:發夢啦你

之後佢就踢住對拖行落去沙灘喇

我諗多兩諗先發覺有唔妥

如果佢真係著左落去的話

米比成班咸濕仔睇哂

落到去沙灘既時候,

我地一件著三點式既女仔都無

但沙灘到就有好多女仔係著三點式

雖然係多

只可惜靚既永遠唔會著

之後我地就去玩馬嬲搶波

本身我地玩果個呢係普通既要吹果 d波

但玩玩下,無啦啦爆左

呢個時候,成班十幾人呆左咁望住個波

大家果時應該個心一齊諗緊

個波應該係強國貨黎

如果唔係點會無啦啦爆架

於是我地之後就夾錢去租個排球番黎

租左返黎之後,又繼續我地既遊戲

由於小雨係果種一玩呢D遊戲就會變到笨手笨腳既女仔黎

唔知D人係米睇中佢呢樣弱點

所以就係咁交個波比佢

結果呢,當然係我受罪啦

佢交既波唔單止交唔到比我,而且仲十分之咁慢

Page 70: 你叫我最快樂 你也叫我最心痛

所以好多時佢都比人罰做

咁我無理由睇住佢比人罰而唔幫手架嘛

所以最後就由我代做

有時人地傳波比佢,佢接唔到

我更加要用快過小明既速度去踢走,執走等等既方法

去阻止隻馬嬲搶走個波

玩完果一陣之後

我真係成個攰到虛脫

係玩完既時候

小雨走埋黎我身邊

:傻佬,攰唔攰呀

我攤屍咁攤係D沙到同佢講

:如果我話唔攰,你信唔信牙

佢笑左笑之後,坐左係我隔離

於是我就訓返上佢大脾到

佢摸住我個頭同我講

:你真係白痴黎

:下!點解呀

:你米比我做下囉,接唔到波米出去做下喳嘛,咁搏命做咩

:如果你出去做,我驚玩到而家都係你做緊喳

聽完之後

佢就將一喳沙掉係我塊面到

之後我就叫佢拉番我起身

我起番身之後

:想唔想我咩你呢

:你而家仲得唔得牙

:無問題

Page 71: 你叫我最快樂 你也叫我最心痛

之後我就咩起佢

然後我地就係個沙灘拔足狂奔

如果大家有見過一個男仔咩住一個女仔

好似傻左咁係東提沙灘到跑的話

相信各位見到既就係我地

係跑既時候,我地完全無視哂所有人

不過跑既時候我真係用盡食奶既力去跑

跑完其實真係好暈架

玩完一輪之後,我地都決定返去間度假屋入面

我地大家休息左一陣

就話出去食飯

我同小雨決定出去掃街

於是我地去左買剪釀三寶

買完之後,我地行返去沙灘果便坐低係到食

個 FEEL好特別,望住一望無際既大海

身邊係自己最愛既女人,聽住沙沙既海浪聲

大家又係到互喂

:瑪雅人牙,我好想日日都過 d咁既生活呀

:我都好想呀,日日都無憂無慮

:你對我好好呀,點解對我咁好呀

:因為我愛你囉

佢之後比左個咁既樣比我 [ ]

係果一刻我又錫左落去

之後大家係到傾心事,攬下

憧憬一下將來既美好

Page 72: 你叫我最快樂 你也叫我最心痛

你知道嗎,你的確叫我最快樂

camp既第二日

又係踩單車

由於小雨唔識踩單車,

所以佢又繼續去同佢班姊妹,繼續去 shopping

其實我都唔知有乜好 shop,大概 shopping就係女人既最大樂趣

咁我就同大家一齊去踩啦

踩既時候其實一直都好掛住佢

好想快 d 踩完,因為踩完又可以見返佢

當我地踩左一陣之後

我地就去左長洲間廟既前面休息

呢個時候,小雨黎左搵我

佢一見到我既第一句說話係

:教我踩

於是我就好似教小朋友咁教佢踩

而我亦明白左當年老豆教我踩單車既感覺

又想教識佢踩,但又驚佢跌親

跌親會心痛,呢種感覺真係奇妙

教下教下,佢終於識左踩直線

但唔識剎車同轉灣

搞到我要跑去佢架車前面一手禁停佢

禁停佢既時候,佢個頭同我個頭仲撞埋一齊

:痛死我喇

Page 73: 你叫我最快樂 你也叫我最心痛

:你有無事

:呵返我就會無事喇

之後我就係佢頭到吹 d風

:仲痛唔痛呀

:仲痛呀

之後我用左一種好低能既方法

我摸住佢個頭,跟住同佢講

:痛楚痛楚飛走哂

然後係佢額頭錫左啖

但係佢聽到我果句白痴既說話

佢已經笑到收唔到聲

:唔痛喇,你個白痴仔

我今日買比你架

你好好掛係電話到牙

佢送左個玻璃樽比我,入面有塊紙寫住 i love u

自此之後

呢個樽就一直跟係我身邊喇

:喂!快D教埋我轉彎同剎車呀

就係咁樣,經過左個幾鐘既努力,佢終於學識左點踩

夜晚訓覺既時候

我又吱下佢,佢又搞下我

結果,我地兩個都無乜點訓過

第二朝,兩個都變左國寶

Page 74: 你叫我最快樂 你也叫我最心痛

之後成班友,仲話要打牌

由於果班爛賭友差隻腳

所以就叫小雨出去一齊打

但小雨唔太識打

所以又叫我出去幫手幫下佢

出到去

搞手,呀寶同呀沁

三個坐定定咁等我地

打打下既時候

我問小雨,你識做 d咩牌

:我剩係識做雞架喳

佢講完呢句之後

全場靜哂

然後就恥笑開始

係爆笑之後佢先意識到自己講錯野

塊面紅到變蕃茄 之佢就係咁打我(其實關我咩事呢 )

之後由於呀寶同呀沁兩隻爛賭精

要求繼續打,所以我地就打到退房

我地返番出去之後

我地決定行多次以前行過既路

搭巴士既時候,佢好似幾個月前咁

訓到唔識落車

然後我地又一齊行上去

但係今次我地無再係分叉位講

因為身份男朋友既我當然會送埋佢上去啦

臨走前仲會送多個 goodbye kiss比佢添

當完左個 camp之後

Page 75: 你叫我最快樂 你也叫我最心痛

就去到我生日既日子

係我生日前一兩個星期,小雨問我

:你中意咩禮物呀?

:無所謂啦,你送既我都中意架啦

:認真 d

:我好認真架,我真係無所謂 bor

結果

當然就係好似乜都無講過

份禮物依然係由佢自己去諗

到左生日正日

:喂,傻佬,生日快樂 bor,你今日想去邊玩呢

:我想去........乜唔係應該你諗埋既咩

:咁我諗唔到牙馬

:去唱 k啦不如,一齊咁耐都未試過同你去唱 k

:你生日你大哂

於是我地開始我地第一次唱 k之旅

由於第一次同佢唱歌

而且我唱歌又唔係好聽

難免有小小緊張

但唱 kd 二人房真係細到他媽的

一入到去,佢已經點左幾首歌

咁岩佢點既果首 陰天假期

我又識唱wor

咁我米同佢一齊唱囉

唱左第一二句,佢用個咁既樣 望住我

Page 76: 你叫我最快樂 你也叫我最心痛

我個心打左個突

:做咩呀?好難聽牙(因為呀貴成日話我唔知唱乜尻 )

:唔係呀,我覺得你唱得好認真

其實到而家我都唔明,乜野叫唱得好認真

之後我就同佢繼續唱落去

唱左一兩首之後,我見佢好似接受到我既歌喉

咁我就打算唱多幾首冧 d既情歌喇

於是我對住佢唱左

二等天使

滄海遺珠

約定

甜甜的

但偏偏唱情歌..佢係無反應

係要唱 d 灰歌佢既反應先會越黎越大

我唱周杰倫既楓 既時候

佢先慢慢大反應

緩緩掉落的楓葉像思念

為何挽回要趕在冬天來之前

愛你穿越時間 兩行來自秋末的眼淚

讓愛滲透了地面 我要的只是妳在我身邊

唱到呢到既時候

佢無啦啦攬住我,跟住係純音樂既伴隨之下

我問佢

:做咩呀?

:我一定會一直係你身邊架

Page 77: 你叫我最快樂 你也叫我最心痛

:知喇,傻妹

之後佢拎左份禮物出黎

份禮物係一個銀包,一封信加一個心形鎖匙扣

:我唔知你中唔中意呀,希望你岩用啦,我見你個銀包都爛爛地喇(真細心 )

:我中意呀

:封信返屋企先準睇呀

我梗係想即刻開黎睇下佢左 d乜骨痺野啦

呢個時候,佢又一個枕頭飛埋黎

:成日都係咁,唔鬼彩你喇

之後佢就繼續去唱歌喇

而我就立即將個鎖匙扣換上去

一直用到而家....

生日完左之後

之後都係咁過,我同呀貴有時去打波

佢都會跟埋上黎

之後我地兩對情侶會一齊射下波咁

有一日

小雨走埋黎同我講

:我遲D小學有個聚會呀

:哦,咁點呀

:咁我去唔去得呀?

:點解唔去得?

:因為我第一個中意既人都會去呀

當時雖然個心好似有 d唔知點咁

但我信小雨所以我同佢講

:去啦,點解唔去得,如果你咁易中意返佢,咁你都唔係好愛我姐

Page 78: 你叫我最快樂 你也叫我最心痛

:你又岩 bor,好啦,果日你有咩做呀

:無呀,去同呀貴打波囉

:咁我上黎搵你牙

:好牙

係果一日,我同呀貴打緊波既時候

小雨打比我

:對唔住呀,我黎唔到見你喇

:點解呀

:趕唔切喇

:哦

:你唔開心牙

:唔係呀

:聽你把聲就知你係啦

:傻佬你望下後面先啦

一望去後面

小雨wor

但點解佢著到又低胸又短裙架喂

佢行到埋黎

:有無嚇一跳呢

我當時仲諗緊佢著到咁靚做乜既時候

:喂,做咩呀你

:你著到咁靚做咩呀

:下,好靚咩

:又低胸又超短裙,同我出街都無著到咁靚

Page 79: 你叫我最快樂 你也叫我最心痛

:邊係姐,熱喳嘛

講多兩講,佢就趕去佢既小學聚會

佢走左之後

呀貴行返埋黎

:嘩,咁小布既喂,你仆街喇,今次佢仲唔紅杏出牆

:唔會既,佢愛我架嘛,係米,如果咁易就中意返果條友

:唔知喇,但佢之前有無咁著過

:咁又無

:姐係佢特登為左呢次約會而著到咁靚既衫

:係掛

:可能佢今晚就同人一齊返,到時就唔要你

:屌,唔會既,你米撚嚇我啦

:唔知,如果唔係點會無啦啦著成咁,你因住又帶綠帽呀

:唔會既,打波啦

雖然把口話唔會唔會

但事實上,我內心好驚

我唔希望呀貴把死人烏鴉口會中

第二日

小雨好似無乜異樣,我個心都定返小小

點知上上下堂既時候

佢有一個坐係我隔離位既 fd同我講

:大獲喇大獲喇

:咩大獲呀?

:小雨囉

:有咩咁大獲呀?

:佢琴日出左 d事

聽到佢咁講,我都知道大獲架喇

:咁究竟發生乜野事

:但我講出黎,好似出賣左佢咁,佢叫我唔好話你知架

Page 80: 你叫我最快樂 你也叫我最心痛

:你講啦

:佢琴日同我講話,佢好似中意番佢

我當時既心情,真係唔識用咩形容

心好似比人練到實一實

但我仍然安慰自己

其實只係佢聽錯姐

一到小息,我慢慢行去佢個位到..

:呀邊個講既事係米真架

:咩事呀

:佢話你中意番佢係米真

:er.....係有小小中意既感覺囉

:姐係係真架啦

:er...係掛

我聽完果句野之後,我衝左出課室

我仲記得,果一日之前我同佢講

如果你咁易中意番佢,你愛我又有幾深姐

呢一句說話言猶在耳

但係今日,你同我講你可能愛上返佢

咁其實你係米又真係唔係愛我好深呢

我唔知..到呢刻..都唔知

而你亦永遠唔會明白,我係果一刻既感受...

我衝左出課室之後,我好亂,成個腦都好亂

究竟件事會點,我都唔知

人係米真係可以變得咁快,我都唔知

我只係知

前一日你話好愛好愛

Page 81: 你叫我最快樂 你也叫我最心痛

第二日,你同我講我你好似重新中意返佢

當我冷靜完一輪之後,我返番入課室

小雨走埋黎同我講

:我唔係真係中意返佢呀

我只係見返佢,有種特別既感覺

我聽到呢句特別既感覺

我真係 > >

:乜野係特別既感覺

:我都唔知牙,奇奇怪怪咁,應該只係好感姐

好感..

世界上有種現像叫

越描越黑

而當時佢比我既感覺就係

佢不停地掩飾緊

:不過佢問左我拎電話

:咁你有無比

:比左

我...

:咁你叫我點信你,其實你同佢無野,佢搵你咁你點

:最多佢搵我,我唔理佢啦,好無?

:你得咩?

:得呀,信我啦

最後我相信左你

但你永遠唔會知

你係我心入面留左一條好深好深既刺

而呢件事之後

我地唔再好似以前咁開心

呢件事..成為左我同佢之間既一個轉捩點..

Page 82: 你叫我最快樂 你也叫我最心痛

呢件事之後

我慢慢嘗試令自己去忘記發生過一件咁既事

而呢位小學初戀情人

我地亦慢慢將佢拋之腦後

去到7月既某一個星期

我同呀貴同一位簡稱做廚神既朋友

玩煮飯仔

廚神教我地兩個點樣炒一碟靚既滑蛋蝦仁

而果日我地煮完出黎既送有

滑蛋蝦仁

火腿奄烈

滑蛋同漢堡扒

果餐飯我認為真係好好食

我原本諗住將呢 d學到既送煮一次比小雨食

點知....

我食食下既時候,電話響

:佢搵我呀

我心入面立即

:佢話佢中意我,想同我一齊,佢仲叫我飛左你呀

我聽到呢句即刻把撚火

:咁你米拒絕佢囉

:佢知我有男朋友架喇

:咁你米講絕 d囉

:但咁樣好似唔係幾好wor

:咁你係米想同佢一齊牙

:唔係呀

之後由於我同佢傾唔落去

於是呀貴就話幫我同佢傾

傾左一大輪既結果係

Page 83: 你叫我最快樂 你也叫我最心痛

:我會慢慢再同佢講下架喇

:點解你係唔肯絕 d呢

:總之唔係幾好啦,我會搞掂架喇