ვ ლ ა დ ი მ ე რ ს ვ ა ნ ა ძ ე

1/3

პარიზის ტერაქტი და ახალი გამოწვევები კიბერსივრცეში

პარიზში, 7 იანვარს ფრანგულ სატირულ ყოველკვირეულ ჟურნალზე Charlie Hebdo

- ზე განხორციელებულ ტერაქტს წინ უძღოდა საკმაოდ მასირებული ჰაკერული

კიბერშეტევების სერია ფრანგულ კიბერსივრცეზე. ჰაკერების მხრიდან შეტევის

ობიექტები გახდნენ როგორც სახელმწიფო ისე კერძო სექტორის და ასევე იმ უცხოური

კომპანიების ვებ - გვერდები, რომელთა საქმიანობა სხვადასხვა ფორმით უკავშირდება

საფრანგეთსა და ფრანგულ კომპანიებს. კიბერშეტევების რიცხვი კიდევ უფრო გაიზარდა

ტერაქტის შემდეგ. კერძოდ, 15 იანვარს abc NEWS, ფრანგი ოფიციალური პირების

განცხადებებზე დაყრდნობით, ავრცელებს ინფორმაციას, რომ 7 იანვრის შემდეგ

ჰაკერული თავდასხმა განხორციელდა 19, 000 ფრანგულ ვებ - გვერდზე, რაც არ მომხდარა

არასდროს და არის პირველი შემთხვევა საფრანგეთის ისტორიაში. იგივე abc NEWS - ის

ინფორმაციით, მხოლოდ ბოლო 24 საათის განმავლობაში განხორციელდა დაახლოებით

1, 000 - ზე მეტი შეტევა. ფრანგული ოფიციოზის განცხადებით, ჰაკერულ თავდასხმაში

ეჭვმიტანილ ჰაკერულ დაჯგუფებებს შორის არიან: „ახლო აღმოსავლეთის კიბერ არმია“

(the Middle Eastern Cyber Army - MECA), Fallaga Hackers Team და Cyber Caliphate.

აღსანიშნავია, რომ ამ უკანასკნელმა 12 იანვარს ერთმანეთის მიყოლებით განახორციელა

რამოდენიმე კიბერშეტევა აშშ - ს ცენტრალური სარდლობის Twitter - ისა და YouTube - ს

ანგარიშებზე.

აღსანიშნავია, რომ საქართველოს ინტერნეტ - სივრცეც და ქართული დომეინიც

იქცნენ ჰაკერების შეტევის ობიექტებად. კერძოდ, 10 იანვარს ფრანგული ჰიპერმარკეტის

Carrefour - ის ოფიციალური ვებ - გვერდი http://carrefour.com.ge/ დაჰაკერებული იქნა

„ახლო აღმოსავლეთის კიბერ არმიის“ (the Middle Eastern Cyber Army - MECA) მიერ. ვებ -

გვერდის გატეხვასთან დაკავშირებით შსს-მ გამოძიება სისხლის სამართლის კოდექსის

284-ე მუხლის 1-ელი ნაწილით დაიწყო, რაც კომპიუტერულ ინფორმაციასთან

არამართლზომიერ შეღწევას გულისხმობს. აქვე შეიძლება ავღნიშნოთ, რომ საქართველოს

კანონმდებლობა კერძო კომპანიებს არ ავალდებულებს ითანამშრომლონ სახელმწიფოს

შესაბამის უწყებებთან, ამ შემთხვევაში იუსტიციის სამინისტროს „სსიპ მონაცემთა

გაცვლის სააგენტოსთან“, ინტერნეტ - სივრცის დაცვის საკითხებში, ეს არის მხოლოდ

ნებაყოფლობითი კერძო კომპანიების მხრიდან სურვილის შემთხვევაში, რაც არის

ყოვლად მიუღებელი, გამომდინარე, რომ რისკის ქვეშ დგება ქვეყნის კრიტიკული

ინფრასტრუქტურა, ობიექტები და ინტერნეტის ნებისმიერი მომხმარებელი. ეს კი

პირდაპირ კავშირშია ქვეყნის ეროვნული უსაფრთხოების სენსიტიურ საკითხებთან.

ბოლო წლებში, განსაკუთრებით სირიაში საომარი მოქმედებებისა და ახლო

აღმოსავლეთში ე. წ. „ისლამური სახელმწიფოს“ (ISIS) ასპარეზზე გამოსვლის შემდეგ,

ერთი - ორად გაიზარდა კიბერშეტევების რიცხვი. ამ მიმართულებით, განსაკუთრებით

ვ ლ ა დ ი მ ე რ ს ვ ა ნ ა ძ ე

2/3

აქტიურობენ ზემოთ მოცემული ჰაკერული დაჯგუფებები „ახლო აღმოსავლეთის კიბერ

არმია“ (the Middle Eastern Cyber Army - MECA), Fallaga Hackers Team და Cyber Caliphate,

ასევე „სირიის ელექტრონული არმია“ (SEA).

„სირიის ელექტრონული არმია“ (the Syrian Electronic Army SEA), რომელსაც ასევე

ხშირად უწოდებენ „სირიის კიბერ არმიას“ (the Syrian Cyber Army) სირიის პრეზიდენტის

ბაშარ ალ - ასადის მხარდაჭერით სარგებლობს. ეს არის არაბულ სამყაროში პირველი

ვირტუალური საჯარო არმია (http://sea.sy/index/en), რომლის სამიზნეებია ქვეყნის

პოლიტიკური ოპოზიციის წარმომადგენლებისა და დასავლური ვებ - გვერდები. „სირიის

ელექტრონული არმიის“ (the Syrian Electronic Army SEA) ჰაკერული თავდასხმის

ობიექტები არის BBC News, the Associated Press, National Public Radio, CBC News, Al Jazeera,

Financial Times, The Daily Telegraph, The Washington Post, სირიის სატელიტური

მაუწყებელი Orient TV და al-Arabia TV. ასევე მობილურის სხვადასხვა VoIP აპლიკაციები,

მათშორის Viber და Tango. აღსანიშნავია ისიც, რომ „არმიამ“ განახორციელა არაერთი

კიბერშეტევა აშშ - ს პრეზიდენტის ბარაქ ობამასა და თეთრი სახლის, ასევე Human Rights

Watch - ის ვებ - გვერდებზე. „სირიის ელექტრონული არმია“ (the Syrian Electronic Army

SEA) ამ ეტაპზეც აგრძელებს აქტიურ ჰაკერულ საქმიანობას.

სრულიად უცნობ ჰაკერულ დაჯგუფებას წარმოადგენს „ახლო აღმოსავლეთის

კიბერ არმია“ (the Middle Eastern Cyber Army - MECA), რომელიც ასპარეზზე გამოჩნდა

გასული 2014 წლის 23 სექტემბერს, როცა მან განახორციელა ჰაკერული თავდასხმები აშშ

- ს კიბერსივრცეზე. არ არსებობს არავითარი ინფორმაცია იმის შესახებ, თუ ვინ შეიძლება

იდგეს MECA - ს უკან. თუმცა შეიძლება ითქვას, რომ ეს შეიძლება იყოს როგორც

რომელიმე ტერორისტული დაჯგუფება ან სახელმწიფო, ისე კერძო პირი. 15 იანვრის

მონაცემებით, „ახლო აღმოსავლეთის კიბერ არმიამ“ (the Middle Eastern Cyber Army -

MECA) განახორციელა მასიური შეტევა ნიდერლანდების ვებ - გვერდებზე.

The National Interest - ის ინფორმაციით, Cyber Caliphate უკავშირდება ე. წ.

„ისლამური სახელმწიფოს“ (ISIS). თუმცა მის შესახებ ბევრი რამ ცნობილი არ არის. მაგრამ

ზოგიერთის ვარაუდით, მოცემული ჰაკერული დაჯგუფების ერთერთი ლიდერი არის

ბრიტანელი Junaid Hussain, რომელიც ერთხელ იყო უკვე დაპატიმრებული

გაერთიანებული სამეფოს ყოფილი პრემიერ - მინისტრის ტონი ბლერის Gmail - ის

ანგარიშის დაჰაკერების გამო. ის ასევე დაკავშირებული იყო ჰაკერთა ჯგუფთან Team

Poison, რომელთა მტკიცებით, მათ აქვთ არასანქცირებული წვდომა Blackberry - სა და

NATO - ს ქსელებთან, ასევე გაერთიანებული არიან “Anonymous” - თან, საბანკო

ანგარიშებზე შეღწევის მიზნით. სხვა წყაროების მიხედვით, Junaid Hussain ახორციელებს

ციფრული სფეროს ექსპერტების გადაბირებას სირიისა და ე. წ. „ისლამური

სახელმწიფოსთვის“ (ISIS). მოცემული მიმართულების ანალიზი ნათლად აჩვენებს, რომ

Cyber Caliphate არის სწრაფად მზარდი ჰაკერული ორგანიზაცია და ექპერტებს მიაჩნიათ,

რომ მისი შესაძლებლობები უახლოეს მომავალში გაცილებით დიდი იქნება. ბოლო ერთ

ვ ლ ა დ ი მ ე რ ს ვ ა ნ ა ძ ე

3/3

თვეში Cyber Caliphate - მა ორჯერ დააჰაკერა Albuquerque Journal - ის, New Mexico’s

Mountain View Telegraph - ისა და მერილანდის WBOC 16 TV - ს ვებ - გვერდები, ასევე

Twitter. როგორც ზემოთ იყო აღნიშნული, Cyber Caliphate - მა 12 იანვარს ერთმანეთის

მიყოლებით განახორციელა რამოდენიმე კიბერშეტევა აშშ - ს ცენტრალური სარდლობის

Twitter - ისა და YouTube - ს ანგარიშებზე.

ბოლო დროს კიბერსივრცეში განვითარებული მოვლენები ნათლად აჩვენებს, რომ

სულ უფრო აქტიურად ხდება ჰაკერული დაჯგუფებების გამოყენება ტერორისტული

ორგანიზაციებისა და მათთან ასოცირებული კერძო პირების მიერ, წარმოებს მათი

არასანქცირებული შეღწევა და ჰაკერული თავდასხმები სახელმწიფო თუ კერძო

სექტორის ვებ - გვერდებზე, რაც პირდაპირ საფრთხეს უქმნის როგორც ცალკეულ

ორგანიზაციებსა და მომხმარებლებს, ისე მთლიანად საერთაშორისო, რეგიონალურ თუ

ეროვნულ უსაფრთხოებას. ვითარებას კიდევ უფრო ართულებს ის გარემოება, რომ

დანაშაულებრივ ქმედებებში გამოიყენება უახლესი კომპიუტერული და პროგრამული

ტექნოლოგიების მიღწევები.

ერთი - ორი სიტყვით, Charlie Hebdo არის ფრანგული სატირული ყოველკვირეული

ჟურნალი, რომელიც ასახავს კარიკატურებს, რეპორტაჟებს, პოლემიკებსა და ხუმრობებს,

რომელთაც ნონ - კონფორმისტული სტილი აქვთ. აქვეყნებს სტატიებს რელიგიის,

პოლიტიკის, კულტურისა და სხვა საკითხების შესახებ. ჟურნალი დაარსდა 1970 წელს

როგორც ჟურნალ „ჰარა-კირის“ მემკვიდრე, რომელიც საფრანგეთის მთავრობამ 1969

წელს დახურა შარლ დე გოლის შესახებ უხამსი კარიკატურების ბეჭვდის გამო. ჟურნალი

გამოდის ყოველ ოთხშაბათს და მისი ტირაჟი შეადგენდა დაახლოებით 50 ათას

ეგზემპლარს. ჟურნალი ცნობილი გახდა წინასწარმეტყველ მუჰამედის კარიკატურებთან

დაკავშირებული სკანდალით 2006 წელს, როდესაც იმავე წლის თებერვალში გამოქვეყნდა

მუჰამედის კარიკატურები, რომელმაც ფართო პროტესტი გამოიწვია მუსლიმურ

სამყაროში. ამის შემდეგ რედაქცია მუდმივად ღებულობდა თავისი მისამართით მუქარას.

თუმცა ყველაფრის მიუხედავად, გამომცემლობის ყველაზე ცნობილი კარიკატურისტები

აგრძელებდნენ თავიანთი ნახატების გამოქვეყნებას, რომელიც მიმართული იყო

მსოფლიოს სხვადასხვა ადგილებში მოღვაწე რელიგიური ფანატიკოსების წინააღმდეგ.

პირველი ტერორისტული შეტევა გამომცემლობაზე განხორციელდა 2011 წელს, როცა

ნოემბერში ჟურნალმა „შარლი ებდომ“ გამოუშვა ნომერი სახელწოდებით „შარიათ ებდო“.

ჟურნალის ეს ნომერი გავრცელდა 400, 000 ეგზემპლარით და ტუნისელი ისლამისტების

გამარჯვებას მიეძღვნა. ნომრის გამოსვლისთანავე ღამით რედაქციის შენობა მთლიანად

დაიწვა, ვინაიდან უცნობმა პირებმა შენობას დაუშინეს ბოთლები ცეცხლგამჩენ

ნივთიერებებთან ერთად. ინციდენტის შედეგად არავინ არ დაშავებულა.