較早有一欉樹仔……

伊足愛一个查甫囡仔。每工查某囡仔攏會走來揣伊，

收集伊的葉仔，共葉仔編成皇冠，扮演樹仔內的國王。

查某囡仔會爬去樹仔，

抓著樹枝幌鞦韆，

吃蘋果。

In 鬥陣耍覕相揣

玩累矣，查某囡仔就佇伊的樹仔跤睏。

查某囡仔真愛這欉樹仔……樹仔嘛真快樂。

日子一工一工過，

查某囡仔長大矣。

樹仔定定足好孤單。

樹仔講：「來啊，囡仔，來， 爬來樹仔頂，扭我的

樹枝幌鞦韆，吃蘋果，佇樹仔跤耍，

愛 快快樂樂喔！」

有一工查某囡仔來到樹跤

「我抑毋是囡仔矣，我無愛爬樹仔佮耍矣。」查某囡仔按呢講。

「我欲買物件來耍，我需要錢。妳敢會使予我一寡仔錢？」

「真歹勢。」樹仔講說「我無錢。我干焦有樹葉仔佮蘋果。囡仔，提我的蘋果去城裡賣。按呢，你就會有錢，你就會快樂矣。」自按呢查某囡仔爬去樹仔頂，挽蘋果，規个挽了了提走。

樹仔足快樂。

查某囡仔足久攏無閣來……樹仔足傷心。

有一工，查某囡仔回來矣，樹仔真歡喜，伊講：「來啊！囡仔，爬來樹仔頂幌鞦韆，愛快快樂樂喔。」

「我足無閒，無時間爬樹仔。」查某囡仔講。「我想欲愛一間厝。」伊講 「我想欲娶某生囝，所以我需要一間厝，妳敢會使予我一厝？

「我無厝。」樹仔講。「樹林就是我的厝，毋過 ，

你會使剉我的樹枝，去起厝，

按呢你就會快樂矣。」

自按呢查某囡仔剉樹枝，提起厝。

樹仔足快樂。

毋過查某囡仔囡仔足久攏無閣轉來矣， 所以當查某囡仔閣再轉來的時陣， 樹仔有夠快樂，快樂佮講袂出話。「來啊！囡仔」伊輕輕仔講過來矣，來玩耍！」

「我閣老閣傷心，耍袂振動矣」查某囡仔按呢講。「我想欲愛一隻船仔，會使載我離開遮。妳敢會使予我一隻船仔？」

「剉我的樹仔提去造一隻船仔！」樹仔講。「按呢你就會使四界去矣……你就會快樂矣。」

自按呢查某囡仔囡仔剉樹仔，去造一隻船仔，坐船走矣。

樹仔足快樂……毋過毋是真的。

過了足久足久，彼个查某囡仔又閣轉來矣。「我真失禮，囡仔。」樹仔講：「我已經無物件予你矣，我的蘋果無矣。」「我的喙齒嘛咬袂振動蘋果矣。」「我的樹枝無矣。」「你袂當佇頂面幌鞦韆矣──」「我傷老矣，袂當佇頂面幌鞦韆。」查某囡仔講。

「我的樹幹無矣。」樹仔講。「你袂當爬──」「我傷累矣，爬袂振動矣。」查某囡仔講。「我真失禮。」樹吐一个大氣。

「我真希望我會當予你啥物……毋過我啥物攏無矣。我干焦賰一塊老樹根。我真失禮……」「我這馬想欲愛的無濟。」查某囡仔講。「干焦想欲愛一个安靜个所在，會使坐咧歇睏。我足累足累。」

「好矣。」樹 uan-na7 講，Uan-na7 拍拚共身軀伸予直。「拄拄仔好，老樹根是上適合坐落來歇睏的。來啊！囡仔，坐落來歇睏。」

查某囡仔坐落來。樹仔足快樂。

記得有閒愛加陪老爸老母開講～

有一欉大樹，春天倚着伊幻想；熱天倚着伊繁茂；秋天倚着伊成熟；寒天倚着伊沉思；這欉大樹就是阿母