Волїш пукнуц од шмиху як пукнуц ментално

Mирко Горняк Коле: Волїш пукнуц од шмиху, як пукнуц ментално

Биоґрафияско

Мирко Горняк - Коле, на вашу вельку жалосц , народзени 21. септембра 1975. року у Вербаше, дзе и жил перши 6 годзини. Истого дня ше селї до Руского Керестура дзе закончує основну школу, потим штредню електротехнїчну, а факултетску диплому ище нє купел. За литературу ше заинтересовал як тинейджер. Бул коавтор часопису Глас Ректума. Ище писал за Руске слово, Мак, Радио НС и РТВ, и од вшадзи є вируцени. Видал кнїжку «Хто остатнї чачи», а видал и народ и отечество. Пише писнї, афоризми и смс-и.

Зберал слички FIFA World Cup Germany 2006, хибели му числа 161 (Frederik Ljungberg) , 252 (Guillermo Franco) , 324 (Fabio Cannavaro) , 370 (Karel Poborsky) , 446 (Shunsuke Nakamura) и 547 (Fernando Morientes). И нєшка жиє кед нє умар.

Дзекуєм дохторови, професорови и його супруги, Ани Римар на предурковйованю текстох, двом Саньом на реклами на радию и Златкови Емейдийови же шицко тото склопел до цалосци. Опасна линия Керестур-Нови Сад-Коцур! Дзекуєм и Николови Теслови, Билови Ґейтсови и гевтому Цукенберґови цо му нє знам мено, же видумали струю и дружтвени мрежи. Без нїх би тота кнїжка нїґда нє вишла на интернету и нє була би задармо/безплатно.

З почитованьом, Коле, Руски Керестур Сити.


4

Гоч ше любов дарує, а нє жича, вшелїяк ю треба врациц.

Кед ци жена нон-стоп бешедує на телефон, нє руцай телефон през облак, алє жену.

Хтори два ствари Воїславови Коштуницови наймилши у квартелю? Дзвери и образ.

Як огньогашец слави Дзень огньогасцох? Вечар гаши жену, рано гаши дзеци.

5


Прецо Серби процив уходу до ЕУ? Думаю ше постаню унияти.

Прецо коло керестурского беґелю вецей нєт лєшик? Пняки порубали древа.

Яка подобносц медзи Новаком Дьоковичом и бизнисменом зоз Сербиї? И єден и други зарабяю зоз рекетом.

Прецо нашо полицає пол роботного часу шедза у карчми, а другу половку спераю авта? У карчми меркую же би вожаче нє пили, а при калдерми меркую же би пиянїци нє вожели.


6

У чим ше Християном розликую стреда и пияток од других дньох? Стреду и пияток нє єдза месо пре пост, а гевти днї прето же нє маю зач купиц.

Цо у Сербиї добра вистка? Добра вистка то кед рано станєш и чуєш лєм єдну подлу вистку.

Кед предсидатель Николич пущи загарештованого, то амнестия. Кед пущи голуба то скандал.

Єст два файти єдзеня. Єдно здраве, а друге смачне.

7


Од чого хорує музичар гипохондер? Од хепатитиса Ц-дур.

Вона на варошу страцела нєвиносц та ше хвалї, а я страцел бутєлар, та ше жалїм.

Нє губи власц людзох, алє людзе губя власц кед до нєй дойду.

Кажде ма право на глупи констатациї.


8

Я нїґда нє одидзем од розума бо сом до ньго ище нє дошол.

Кед би на швеце шицки людзе були далтонисти нє було би расизму.

Хори чловек нє ма проблеми зоз здравйом , алє зоз хороту.

Аж ме жима биє кед подумам на жиму.

9


Скинхеди то особи хтори маю под’єднак и на глави и у глави.

Держава нїч нє чистейша кед ше у нєй райбу пенєжи.

Нє ламце лавочки у парку, бо на ютре нє будзеце мац дзе ходзиц пиц и дроґирац ше.

Рано себе жена попиє кафу, а мужови мозоґ.


10

Як при курох так и при женох-перша и сцегна деликатес.

Нє знам чи на швеце єст вецей подлей музики чи глупей публики хтора ю слуха.

Пол Сербиї жиє без банки у кишенки, а Керестурци жию без банки у валалє.

Нє знам чи у нас анорексия здравствени чи економски проблем.

11


Прецо у Сербиї ище нїхто нє осудзени пре злоставянє животиньох? Анї єдна животиня ище нє поднєсла прияву.

Кеди обачиш же ши попил єден погарик вецей? Теди кед уж позно.

За розлику од латинского язика, язик мержнї нє замре нїґда.

Нє можем найсц андол, анї за лїк.


12

Жалосне же Народни кухнї часц народних обичайох.

Вжиме ше можеш зогривац на углє так же го будзеш витоваряц.

Дараз ше анї на углє нє мож зограц. Углавним дує витор кед длужей стоїш на углє.

Кед нє маце щесца у вязох, залюбце ше до Телекома.

13


У Сербиї нє шицко таке чарне. Маме билу куґу.

Пиянїца то особа хтора од рана до вечара шедзи у карчми. Алкоголичар шедзи од родзеня по шмерц.

Воєни ветеран то чловек хтори цали живот ґняви людзох з приповедками о биткох у хторих нє участвовал.

Побиднїки нє пишу историю, алє рисую ґеоґрафию.


14

Кед купиш кондом з пахом кайси, то хасновани кондом.

Кед це звлада хорота и мушиш лєжац, будз задовольни кед ци ноша помаранчата, а нє квеце.

Хтора найвекша заблуда у Индиї? Тота же Индийци думаю же точка на женовим чолє то тастер з хторим мож виключиц жену кед вельо мудрує.

Подла жена троши вецей як подли авто.

15


Як ше вола колбаса увежена зоз Китаю? Чайна колбаса.

Власц може робиц цо сце, лєм нє може докля сце.

Мой дохтор найлєпши на швеце. Дава ми лїки од шерца.

Хто нє ма у глави, ма медзи ногами.

17


Чарлс Дарвин твердзи же людзе настали зоз маймуна. Моя мац твердзи за мнє же наспак.

Поведз жени же є глупа, тлуста и стара. Менєй болї кед це охаби пре тото, як пре любовнїка.

Питайце ше хорому од AIDS-a чи ше у живоце виплаци буц позитивни.

Шицки женски особи старши од 14 рокох треба загарештовац. Нєт анї єдна нєвина.


18

Купел сом маїцу, да ше змаржнєш.

Абсурдне же глупи людзе мудрую.

Здраве єдзенє нєздраво драге.

Волїш спаднуц до депресиї яґод до ярку.

Скорей освоїм Сиверни як женски пол.

19


Жена з лядовим шерцом ми направела пекло.

Билим медведзом ше чарне пише.

Югославия настала у Яйцу,а закончела у курцу.

Жимска служба нє направела векши чкоди шнїгу хтори нєшка завял драги у нашей жеми.


20

Поврацанє найстарша файта рециклажи.

Пришли на власц на мали дзвери, а направели вельки сраня.

Я будзем жиц доживотно.

Од нєшка ше вецей нє ставям. Шмеш ше ставиц?

21


Глєдам образовану дзивку хтора ме културно воздзвигнє. А може и нєкултурно.

Кед Коле чита на шедзаци, лєбо нє люби стац, лєбо нє може стац.

Заблуда же щивот карта у єдним напряму,живот повратна карта. Вишли зме зоз пизди, у пизди и закончиме.

Живот ми ґадни начисто.


22

Од народней медицини векша заблуда лєм народна музика.

Туриста то чловек хтори на копну розруцує пенєжи, а по морю одпад.

Од моралней потримовки милша ми орална потримовка.

Совит младей студенткинї: Волї це професор звалїц на кавч як на испиту.

23


Дзивка хтори вожи Форд ескорт то ескорт дзивка.

Нє мушиш буц славни же би ци слика вишла у новинох. Досц же биш бул мертви.

На тогорочней Дньовки участвовали млади зоз наших местох и зоз Коцура.

Дараз спала зоз медведжиками, а тераз шпи з медведзами.


24

Волїм мац боль у шерцу як рак на плюцох.

Кед є нє задоволєна та є нєзадовольна.

Най Фифа забранї Олимпийски бависка пре палєнє Олимпийскей баклї.

Кед тримаш у рукох штири дами, лєбо ши покераш лєбо ши макро.

25


Нормално же су цепли браца кед себе топя.

Кед би нє було Николи Тесли, патрели бизме телевизор поцме.

Шицко ма свой конєц лєм людска глупосц безконєчна.

Че Ґевара бул револуционер,а Кастро диктатор. А були соборци.


26

Шлєбодно єдзце салами у посце. У нєй и так нєт меса.

Сербски патриота то чловек хтори слуха турску музику и патри турски сериї.

Як випатра авто фирми хтора предава полїчки? Белаво-билей є фарби и пише на нїм POLICE.

У Сербиї лєм мала часц людзох пожнї на роботу. Векша часц людзох нє пожнї бо су нєзапошлєни.

27


Кед ше шкрабеш за главу, лєбо маш бриґи лєбо уши.

Руснак ци вше на помоци кед ци є нєпотребни.

Нє щипкай древка на подпальку,щипкай дзивчатка.

Даєдни ствари нє можеце купиц з пенєжом. Вельку векшину можеце.


28

Воля ци одбиц з плаци як з покруткох.

Пензия то труна плацена у ратох.

Дзе ту лоґика? Кед роботнїк роби та го хваля, а кед пиянїца пиє та плюваю по нїм.

Моя жена богиня. За шицко ше єй мушим модлїц.

29


У Войводини єст монархистох. Лєм нє знам чи векшина за Карадьордєвичох чи за Габзбурґох.

Кед це палєнка нє досц зограла пробуй з Молотововим коктелом.

Як поданїки поздравяли Наполеона? „‘Де си царе“

„Яки сушед, таки син“, гварела мац.


30

Гражданє Индїї ше волаю Индїянци.

За шицкима успишнима хлопами стоя жени. Стоя у шоре.

Кед ци на телевизору скака слика, лєбо премень телевизор лєбо зменшай алкогол.

Мой рочни одпочивок вецейрочни.


32

Нє розруцуйце шмеце по драже. Руцайце сушедови до двора.

Даремно понагляш кед вожиш у погришним напряму.

Комунистох и четнїкох може помириц лєм Дїдо Мраз. Вон и червени и брадати.

Од шицких пораєньох з найвекшу дзеку очисцим стол, фрижидер и шанк.

33


Нїґда нє позно же биш запожнєл.

Ваша жена вас нє спреведа. Спреведаце ви сами себе кед думаце же тота жена ваша.

Пред судом шицки єднаки. На суду нє.

Нє мушиш буц птица же биш вилєцел зоз Руского Слова.


34

У Сербиї нє богати тоти цо коша зоз комбайном, алє тоти цо коша зоз рафалом.

За твоїх предкох ме болї задок.

Добра комедия добра, а подла комедия шмишна.

Нє пременєл навики та пременєл печинку.

Можеш и до рикверцу вожиц напредок. Лєм питанє як швидко.

35


На Дзивим Заходу бандити з пиштолями окрадали гайзибани. На Дзивим Востоку бандити з лаптопами окрадли цалу желєзнїцу.

З якима словами Святи Оцец закончує Службу Божу у Ватикану? Па-па.

Постоя два файти криминалцох, дробни и вельки. Дробни криминалци потупюю закони, а вельки криминалци пишу закони.

Забраньцє цензуру! Як то глупо звучи!


36

Пребач, алє нє мам ци ше намиру пребачовац.

Ми Руснаци математичаре. Дзелїме ше гоч ше слабо множиме, а викендами ше однїмаме.

Сексам ше на свою руку.

Любов прейґ интернета то залїванє пластичного квеца.

37


Нє треба нам лєжацих полицайцох. Нам транспорт спомалшую дзири на драгох.

Прешло 40 днї жалоби за покойним. Можеце почац огваряц.

Цо остатнє Коле напише за Дньовку? Тестамент.

Дружим ше з палєнку прето же є бистрейша од людзох.


38

Моя сушеда пекарка ма нового типа. Вола ше ТИП-500.

Лєбо нє маш часу, лєбо нє маш пенєжи, лєбо нє маш анї часу, анї пенєжи.

Як ше меняю Шериятски закони? Предкладаю ше амандмани на Куран.

Робинзон Крусо и Петко були перши учашнїки Survivor-a.

39


Таки то и чловек. Умар, а анї на хованє нє волал.

Нїґда ше нє предам бо ми держава наплаци ПДВ.

Од Пиратох з карибох патренши пирати з You Tube-a.

У церкви и у театру перши шори служа же би нащивителє були лепше видзени.


40

Я зоз жену дзелїм роботу по поли. Я шмецим, а вона пораї.

Ти єбеш жену до пизди, а вона тебе до мозґу.

Шефово слово остатнє. Най би му и було остатнє.

Нє уходзме до ЕУ бо будземе гражданє другого шора. Лєпше най останєме гражданє трецого шора.

41


Добре йому, ма исти интересованя зоз супругу. Обидвойо любя жени.

Кед сцеш буц главна у обисцу мушиш пиц вецей од мужа.

Американци, даремни вам пенєж и моц. Нїґда нє войдзеце до ЕУ.

Людзе крадню Богу днї, а церква людзом пенєжи.


42

Ядловцу ше запаля грушочки за Крачун,а даєдним людзом нїґда.

Вецей людзе на драже ше оглядню за голим як за крашнє облєченим.

Унуки ходза бабом до дутяну на хлєба, а баби унуком до апатики на бенседини.

Даєдним женом ше кури на уха, а даєдним ше кури на уста.

43


Нормално же увожиме банани кед маме тельо маймунох.

Обидвої сцекли зоз жеми з куфрами. Лєм єдни у куфре мали шмати,а други пенєжи.

Заєднїцки за старе и нове робовласнїцтво то ланци. Дараз то були ланци зоз желєза, а тераз то ланци хипермаркетох.

Жени гваря же хлопи швинї. Озда ше вец одаваю пре колбасу.


44

Даремни ци здрави зуби кед нє маш цо з нїма жувац.

Од Сербиї баржей охудобнєл лєм ураниюм.

Пийце кафу,а нє пиво. У кафи голєм єст ярцу.

Жена PR ше вола пиарнїца.

45


Док бул на власци та вишел на муре, а кед зишол з власцу та вишел на штранґу.

Валентиново то дзень кед моя дзивка достанє квеце од свойого леґиня.

Метеоролоґове на телевизиї нє обецую яка будзе хвиля, алє проґнозую. А то нє исте.

Найвекши вивозни продукт у Керестуре то людзе.

47


90-их зме прейґ Червеного Чота патрели червеного чорта.

Нє мушиш знац текст гимни же биш могол на ню гвиздац.

Нє знам чи себе и банка сперми бере провизию.

Од шицких спортох, Сиверна Корея найлєпша у штреляню.


48

Пред шмерц, Винсента Ван Ґоґа болєло ухо за шицко.

Цо заєднїцке Дїдови Мразови и ґейови? Обидвоме уходза през комин.

Пасош служи же би ше и вонка з держави шмеяли зоз нас док увидза одкаль зме.

За розлику од олтара, пред штреляцким водом маш остатнє жаданє.

49


Любиш ти свою жену? Господи, ша жена ми є, нормално же нє.

Нєт така добра антена хтора виправи подли ТВ канали.

«Я лєм капка у белавим морю», гварел сомалийски емиґрант хторому потонєла ладя у морю при Лампедузи.

До його шерца успел войсц лєм тромб.


50

Италия здабе на чижму, а Сербия нє здабе нїнач.

Твойого леґиня нє интересує цо на вечар облєчеш, алє цо зоблєчеш.

Нє бриґа ми за твойо бриґи.

«Заш лєм ше обраца», гварел Ґалилео после пейцох пивох.

51


«То найменєй цо можем поробиц за свой народ», гварел предсидатель и нє поробел нїч.

Нє виновати ци Тесла же це потресла струя.

Дзивки падаю на авта, а самозабойнїки падаю под авта.

Воля це родичи вируциц з обисца яґод зоз тестамента.


52

Доґод маш маїцу з длугима рукавами, будзеш мац и чисту хусточку у кишенки.

Волїш наздзивац других як чекац же би тебе наздзивали.

Того року ше Крачунски швета у Керестуре преславели зоз традицийним фамилийним полудзенком под столом.

Нормално же нам дзеци нєвоспитани кед ище як беби добию до устох цицку и фляшку.

53


У Новим Року Северини жадам же би зняла цо вецей филми.

Коалицийни партнере як и малженски, перше ше дакус любя, а вец ше лєм єбу.

Кед би кажде хто ше на ню випендрал заджобнул заставку, здабала би на будинок UN.

Кед ши дараз сцел з Керестура одпутовац на автобусу, мушел ши купиц карту. Тераз мушиш купиц автобус.


54

Кед ци дохтор препоручел шейтанє нє, думал на онанию.

Перше вжала твойо презвиско, а вецка вжала твой маєток.

Рокенрол хити и турбо-фолк цицки ше вично паметаю.

Чловек почнє почитовац инвалидох аж кед сам постанє инвалид.

55


Нїч ши нє векши патриота прето же мержиш други нациї.

Док нє зняла ґачи, нє зняла анї CD.

Предсидатель Влади ше нє вола владар, алє премиєр, цо дакому чежко пада.

Цо параст найволї при женох? Глїбоку бразду.


56

Дараз ю за кару родичи гнали клєчац на кукурици. Тераз за кару клєка добродзечнє.

За чловечество менше зло дуц траву як дуц до труби на Ґучи.

Старлети то богати дзивки хтори нє знаю прецо су богати, а познати су по тим же су познати.

Родичох менєй розгнїваш кед дома деркаш на фиронґу як кед их деркаш же сцеш мобилни за 300Є.

57


Лєбо є одата, лєбо є завжата, лєбо є лезбейка. Лєбо є на надуванє.

Моєй посцелї окрем нєй нїч нє хиби.

Красна сукня нє випросца криви ноги.

Даремна ци красна фризура кед маш криви нос.


58

Предсидатель Николич уклада пенєжи до образованя. Купел себе факултетску диплому.

Руснаци ше ганьбя бешедовац по руски, а Серби ше трудза, а нє знаю.

Волї ци опрез носа махац зоз пиштольом яґод зоз кадилом.

Як новосадски Руснаци меркую на здравє родичох на валалє? Позбераю им шунки и колбаси зоз шпайзу.

59


Кельо тирва ґравидносц при Коцурици? 9 мешаци и 13 днї.

Чом Коцурци ходза голобруха на -15С? Маю погришни календар.

Пременка ушорйовцкей политики зоз подлого новинара нє направи доброго.

Рано пиєш витамин Ц бо ши вечар пил витамин Б.


60

Гоч Михаил Калашнїков умар, глас калашнїкова ше ище длуго будзе чуц.

Як прежиєце паданє авиона? Нє путуйце на авиону хтори спаднє.

Як прежиєце вдеренє грома? Скочце до покриви. Гром нє идзе до покриви.

Жалосне то кед ци ше дзвига лєм прицисок.

61


Як прежиєце леукемию? Нїяк, помирце ше зоз тим.

На свадзби кум до пол ноци скака по столє, а по пол ноци скака по куми.

Цо то мале,чарне славне, мале биле богате, мале банкротиране мертве? Майкл Джексон.

Реґистрациї на автох служа же би хулиґанє нє потрепали свойо авта.


62

После демонстрацийох у Беоґрадзе, демонстрант ше дому враца лєбо боси, лєбо зоз 10 парами патикох.

Таблоиди читанши од других новинох прето же маю през цали бок слику голей жени, а нє слики умартих.

Женевска конвенция ше почитує лєм у Женеви бо Швайцарска нїґда нє була у войни.

До 25 рокох циґанїш же ши попил вецей, од 25 рокох циґанїш же ши попил менєй.

63


До моєй е-кнїжки голєм нїхто нє може утрец риц.

У Сербиї лєм 5% людзох прима мито. 95% людзох дава мито.

Найдрагши ципели нє найлєпши, алє найдрагши.

Менструация ше нє рахує як добродзечнє даванє креви.


64

За Червену гвизду вецей креви преляте на трибинох як у II шветовей войни.

Кед китайски дириґент дириґує зоз палїчку, европски би требал дириґовац зоз ложку або видлїчку.

Кед хакерови умре жена, колеґа му пошлє е-маил сочувствия.

Ветеринар то дохтор од хторого пациєнти нє глєдаю хорованє.

65


Так ми и треба кед сом єй нє патрел до очох алє до цицкох.

Новосадян то чловек зоз Нового Саду, Беоґрадян то чловек зоз Беоґраду, а Смедеревац то файта шпоргету.

Нє пий док вожиш. Перше ше опий, а вецка вож.

Нє мушиме ше вадзиц, лєм припознай же я у праву.


66

Кед нє можеце вирайбац шмати прето же тварда вода, нє купуйце драги детердженти, алє одмаржнїце воду.

Нє знам чи муслиманови може стануц до крижох.

Жадам вам вельо пенєжи, а здравє можеце купиц.

Нашол сом любов свойого живота. Чкода же любов нє нашла мнє.

Волїш пукнуц од шмиху як пукнуц ментално

Documents