Սուրահ Ասրա - hy.yerevan.icro.irhy.yerevan.icro.ir/uploads/017-asra.pdf · 12....
TRANSCRIPT
1
Սուրահ «Ասրա»
Հանուն ողորմած և բարեգութ Աստծո
1. Գովյալ է Աստված, որ գիշերով իր ծառային տեղափոխեց Մեքքայի
նվիրական տաճարից Երուսաղեմի հեռավոր տաճարը, որի շրջապատը
օրհնեցինք, որպեսզի նրան այնտեղ ցույց տանք Մեր նշանները: Աստված
լսում է և տեսնում ամեն բան:
2. Մենք Մովսեսին տվեցինք Հնգամատյանը, որպեսզի առաջնորդի Իսրայելի
զավակներին: Եվ մենք նրանց արգելեցինք Աստծուց բացի մեկ ուրիշից
պաշտպանություն խնդրել:
3. Նոյին և իր սերնդին տարանք (տապանի մեջ): Նոյը երախտապարտ ծառա
եղավ Աստծո համար:
4. Նվիրական մատյանների մեջ հրեաներին նախապես ասացինք, որ
աշխարհի վրա երկու անգամ անօրենություն պիտի գործեն և ահռելի
անասաստություն պիտի անեն:
5. Երբ գա առաջին սպառնալիքի գործադրման ժամանակը, ձեր դեմ
կուղարկենք մեր ծառաներին, ովքեր վիթխարի ուժ ունեն: Նրանք
կխուզարկեն տները, և սա անկասելի սպառնալիք է:
6. (Այս աղետից) հետո թույլ կտանք, որ հաղթեք նրանց: Մենք կմեծացնենք
ձեր զորությունը և ձեր զավակների թիվն ու ձեր ազգը բազմամարդ
կդարձնենք:
7. Ինչ բարիք և չարիք որ գործեք՝ ինքներդ ձեզ կանեք: Երբ մեր վերջին
սպառնալիքի գործադրման ժամանակը գա, (ձեր թշնամիները) ահ ու
սարսափ կտարածեն ձեր մեջ։ Նրանք կմտնեն տաճարի մեջ և, ինչպես
առաջին անգամ, կքանդեն այն:
2
8. Աստված գուցե կրկին ների ձեզ, բայց եթե դարձյալ վերադառնաք (ոճիր
գործելու համար), մենք էլ կվերադառնանք: Դժոխքը պիտի դառնա
անհավատների բանտը:
9. Ղուրանն առաջնորդում է դեպի ամենաապահով ճանապարհը և այն
հավատացյալներին, ովքեր բարիք են գործում, փառավոր
վարձատրութուն է ավետում:
10. Ահավոր պատիժներ ենք սահմանել նրանց համար, ովքեր չեն հավատում
հանդերձյալ կյանքին:
11. Մարդիկ ցանկանոմ են ավելի շատ վատ բաներ, քան` լավ: Մարդը
մշտապես աճապարող է եղել:
12. Գիշերն ու ցերեկը ապացույցներն են մեր զորության. մենք գիշերը
ծածկեցինք քողով, իսկ ցերեկվա դեմքը լուսավորեցինք ու տեսանելի
դարձրինք, որպեսզի դուք ստանաք Աստծո առատաձեռնության
շնորհները և կարողանաք հաշվել տարիներն ու ժամանակը: Ամենուրեք
փայլում է մեր իմաստնության դրոշմը:
13. Յուրաքանչյոր մարդու ճակատագիրն իր հետ է: Հարության օրը մենք
նրան մի գիրք ենք ցույց տալու՝ բացված:
14. Այդ ժամանակ ասելու ենք նրան. «կարդա գրքիդ մեջ, և այսօր ինքդ
պարզիր քո հաշիվը, (որ պիտի տաս քո Արարչի առջև)» :
15. Ով հետևի ճիշտ ճանապարհին՝ ինքն իրեն կօգնի, ով մոլորվի՝ ինքն իրեն
կվնասի: Ամեն մարդ իր հոգու բեռը պիտի կրի միայնակ: Մենք ոչ մի
ժողովրդի չենք պատժել՝ առանց մեր մարգարեների միջոցով
զգուշացնելու:
16. Երբ ցանկանանք մի քաղաք բնաջնջել, նախ կզգուշացնենք ցոփ կյանք
վարողներին: Բայց նրանք եթե շարունակեն մնալ իրենց մոլորության մեջ:
Այդ ժամանակ վճիռ կարձակենք և քաղաքը ավերակների կվերածենք:
17. Նոյից հետո որքան ազգեր բնաջնջեցինք: Հավիտենականը գիտի և
տեսնում է մահկանացուների բոլոր մեղքերը:
3
18. Ով որ ցանկանա ստանալ (երկրային) վայելքները, Մենք կբաշխենք
անմիջապես՝ ում որ ցանկանանք: Այնուհետև նրան պիտի նետենք
դժոխքի մեջ, որտեղ նա պիտի լինի ստորացած ու լքված:
19. Իսկ նա, ով ապրում է հանդերձյալ կյանքի փափագով և հանուն դրա ջանք
ու եռանդ չի խնայում,եթե հավատացյալ լինի նրա ջանքն ու եռանդը
(Աստծո կողմից) վարձատրվելու է:
20. Արարչի գթությունը շնորհելու ենք երկու խմբին էլ: Եվ Նրա շնորհը չի
արգելվի ոչ մեկի համար:
21. Տե՛ս, թե ինչպես այս աշխարհում աստիճաններ հաստատեցինք
մարդկանց միջև: Բայց հանդերձյալ կյանքի աստիճաններն ավելի
փառավոր են լինելու:
22. Ոչ մի կուռքի Աստծուն հավասար մի դասեք, այլապես ամոթով ու
նախատինքով եք ծածկվելու:
23. Աստված քեզ հրամայում է միայն Իրեն պաշտել: Քեզ պատվիրում է բարիք
գործել ծնողներիդ հանդեպ, եթե նրանք (կամ նրանցից մեկը) ծերացել են:
Չպետք է նրանց արհամարհես կամ մեղադրես: Հարգանքով խոսիր նրանց
հետ:
24. Նրանց նկատմամբ քաղցր ու հնազանդ եղիր: Եվ Աստծուն ուղղիր այս
աղոթքը. «Տե՛ր, գթա նրանց, ովքեր գթացին ինձ և իմ մակության օրերին
սնեցին ինձ»:
25. Աստված կարդում է ձեր սրտերի խորքը և գիտի՝ արդա՞ր եք, թե՞ ոչ: Նա
ներելու է բոլոր նրանց, ովքեր դեպի Իրեն են վերադառնալու:
26. Քո մերձավորներին վերադարձրու այն, ինչ նրանց պարտական ես:
Ողորմություն տուր աղքատներին, ճամփորդներին և հարստությունդ
երբեք մի մսխիր:
27. Մսխողները սատանայի եղբայրներն են: Սատանան ապերախտ եղավ
Աստծու հանդեպ:
4
28. Եթե դու ինքդ Աստծո օգնության կարիքն ունենալով չկարողանաս
աղքատներին ողորմություն տալ, գոնե քաղցրությամբ խոսիր նրանց հետ:
29. Թևդ վզիդ մի կապիր, բայց և շատ էլ մի բացիր այն: Կամ նախատվես կամ
էլ՝ մուրացկան կդառնաս:
30. Աստված երբեմն լիառատ է բաշխում Իր շնորհները և երբեմն` հաշվելով:
Նա տեսնում է իր ծառաներին ու տեղյակ է նրանց արարքներին:
31. Հանկարծ չսպանեք ձեր զավակներին՝ վախենալով աղքատությունից:
Մենք թե ձեր և թե նրանց համար սնունդ կհայթայթենք: Եթե սպանեք
նրանց, սոսկալի արարք կգործեք:
32. Անհավատարմություն մի արեք, որովհետև դա ոճիր է և տանում է դեպի
դժոխքի ճանապարհը:
33. Մարդկային էակի արյուն երբեք մի թափեք: Աստված արգելում է դա:
Սակայն այլ բան է, եթե արդարության համար դա անեք:
Անարդարությամբ սպանվածի հարազատներին մարդասպանի վրա
իշխելու իրավունք ենք տվել։ Սակայն սահմանված պատվերներից չի
կարելի անցնել և պահանջել նրա մահը: Որովհետև (օրենքը)
պաշտպանության տակ է առնում նրան:
34. Ձեռք մի տվեք որբերի ունեցվածքին: Այլ բան է, սակայն, եթե ցանկանում
եք այն արդյունավորել: Մինչև որբերը չափահաս դառնան, հարգեք ձեր
հանձնառությունները, որովհետև ձեզանից հաշիվ է պահանջվելու:
35. Գրիվ անելիս եղածն ամբողջությամբ տվեք : Ճշգրիտ կշեռքով կշռեք: Այս
կերպ ավելի լավ է ձեզ համար, և վերջն էլ բարի է լինելու:
36. Մի հետևիր այն բանին, ինչի մասին գաղափար չունես, որովհետև և
ականջդ, և աչքդ, և սիրտդ քննվելու են:
37. Աշխարհի վրա մի քայլիր գոռոզաբար։ Ոչ կարող ես երկու մասի բաժանել
աշխարհը և ոչ էլ հասնել դրա լեռների բաձրությանը:
5
38. Նման արարքները դատապարտելի են Աստծո կողմից:
39. Աստված այս վարդապետությունը Իմաստնության գրքից քաղեց և
հայտնեց քեզ: Հանկարծ կուռքերին Աստծուն հավասար չդասես, քանզի
գեհենի մեջ կնետվես ու նախատինքով կծածկվես:
40. Մի՞թե (մտածեցում եք), թե Աստված ձեզ վերապահել է (ունենալ) տղաներ,
և Ինքն աղջիկների միջից ընտրել է հրեշտակներին: Մեծ սրբապղծություն
կգործեք, եթե այդպես մտածեք:
41. Մենք ցանկացանք Ղուրանի միջոցով մարդկանց բացատրել նրանց
պարտականությունները, բայց միայն նրանց ատելությունն է ավելանում:
42. Ասա նրանց. «Եթե Բարձրյալին հավասար ուրիշ աստվածներ լինեին,
նրանք պիտի փորձեին տիրանալ Աստծո գահին»:
43. Փառք Աստծո, Նա այս նախատինքից անսահման բարձր է:
44. Յոթ երկինքները նրան գովաբանում են, աշխարհը կրկնում է այս
գովաբանությունները: Այն ամենը ինչ որ կա տիեզերքում, Աստծո
գովեստն է անում: Սակայն դուք չեք հասկանում այդ գովքը:
Ամենակարողը համբերատար և գթած է:
45. Ղուրանը կարդալու ժամանակ քո և հանդերձյալ կյանքին
չհավատացողների միջև անտեսանելի քող կփռենք:
46. Նրանց սիրտը պիտի փակենք, որպեսզի չկարողանան որևէ բան
հասկանալ: Նրանց ականջը պիտի ծանրացնենք: Երբ Ղուրանի մեջ միակ
Աստծո անունը փառաբանես, նրանք ատելությամբ երես կթեքեն:
47. Մենք լավ գիտենք, թե ինչ նպատակով են գալիս քեզ լսելու և ինչ են
շշնջում, երբ չարագործներն ասում են.«Դուք միայն կախարդի եք
հետևում»:
48. Տես, թե ինչի են նմանեցնում քեզ: Բայց նրանք մոլորվել են և այլևս երբեք
չեն գտնելու ճշմարտությունը:
6
49. Անհավատներն ասում են. «Ինչպես է հնարավոր, որ ոսկոր ու փոշի
դառնալուց հետո նորից կենդանանանք»:
50. Ասա.՝ քարից լինեք, թե երկաթից...
51. Կամ որևէ այլ խիստ բանից պատրաստված լինեք, (կրկին պիտի
հարություն առնեք): Նրանք շուտով կհարցնեն. «Ո՞վ պիտի կյանք տա մեզ»:
Պատասխանիր. «Նա, Ով առաջին անգամ ձեզ կյանք տվեց»: Նրանք
գլուխները կշարժեն և կհարցնեն, թե դա ե՞րբ պետք է տեղի ունենա:
Պատասխանիր.«Թերևս այդ օրը շատ հեռու չէ»:
52. Մի օր Աստված ձեզ կանչելու է գերեզմաններից: Դուք Նրան պիտի
գովեստով պատասխանեք: Ձեզ կթվա, թե հազիվ մի վայրկյան եք բնակվել
այնտեղ:
53. Իմ ծառաներին հանձնարարիր, որ պարկեշտությամբ խոսեն քանի որ
սատանան կարող է նրանց մեջ անհամաձայնություն սերմանել:
Սատանան մարդկության թշնամին է:
54. Աստված ծանոթ է ձեր սրտի խոսքին: Իր կամքով կարող է ներել կամ
պատժել ձեզ: Մենք քեզ չենք ուղարկել, որ նրանց հսկիչը լինես:
55. Քո Տերն ամենից ավելի լավ գիտի, թե ինչ կա երկինքներում ու երկրի վրա:
Մենք մարգարեներին մեկը մյուսից ավելի վեր բարձրացրինք: Դավթին
տվեցինք Սաղմոսագիրքը:
56. Ասա նրանց. «Օգնության կանչեք ձեր աստվածներին: Նրանք չեն
կարողանա ոչ փարատել և ոչ էլ փոխել ձեր դժբախտությունը»:
57. Նրանք ում ուղղում են իրենց ցանկությունները, իրենք էլ ջանում են
մերձենալ Բարձրյալին: Նրանք սպասում են աստվածային գթության և
վախենում են Նրա պատիժներից: Քանզի Արարչի պատիժը մշտապես
երկյուղածլի ու սարսափելի է:
58. Մենք, հարության օրը դեռ չեկած, բնաջնջելու կամ պատժելու ենք բոլոր
քաղաքներին: Այս վճիռը գրված է Հավիտենական գրքում:
7
59. Սամուդականները մի՞թե բռնության չգործադրեցին (չսպանեցին)
հրաշագործ էգ ուղտին, որ ուղարկել էինք իրենց: Մենք հրաշքներ
գործեցինք միմիայն սոսկում սփռելու համար:
60. Մենք քեզ արդեն ասել ենք, որ աստվածային հրաշագործությունը
ընդգրկում է բոլոր մարդկային էակներին: Այն տեսիլքը, որ քեզ
շնորհեցինք, փորձության առարկա պիտի դառնա, ինչպես նաև այն
անիծյալ ծառը, որի մասին խոսվում է Ղուրանում: Մենք նրանց
վախեցնելու ենք, բայց նրանք ավելի անհնազանդ են դառնալու:
61. Հրեշտակներին հրամայեցինք, որ խոնարհվեն Ադամի առջև: Բոլորը Նրա
առջև խոնարհվեցին: Միայն սատանան ըմբոստացավ և
անհնազանդությամբ ասաց. «Ես ինչու՞ պիտի պաշտեմ հողից ստեղծված
մի էակի»:
62. Հետո Աստծուն ասաց. Եթե իմ պատիժը հետաձգես մինչև հարության օրը,
ես կբնաջնջեմ նրա սերունդը, ում ինձանից վեր բարձրացրիր: Քչեին
կհաջողվի փրկվել իմ թակարդներից»։
63. Աստված պատասխանեց. «Կորի՛ր, քեզ հետևողները դժոխք պիտի գնան
քեզ հետ միասին: Նրանց այս կերպ պիտի հատուցվի»:
Եվ (ոչինչ) Մեզ հրաշքներ ուղարկելուց հրաժարվեց բացի այն
հանգամանքից, որ նրանց նախորդները իրանք սուտ հռչակեցին։
64. Մարդկանց դեպի քեզ հրավիրիր խոսքով: Նրանց վրա արձակիր քո
հետևակ և ձիավոր զինվորներին: Մասնակից եղիր նրանց հետ
հարստության և զավակներին: Քաղցր հույսերով օրորիր նրանց:
Սատանան մարդկանց միայն սուտ խոստումներ է տալիս:
65. Դու իմ (հավատարիմ) ծառաների վրա որևէ իշխանություն չես ունենա:
Արարչիդ պաշտպանությունը բավական է:
66. Ձեր Աստվածը Նա է, ով բոլոր նավերին նավարկել է տալիս ծովերի վրա,
որպեսզի իր հարստության գանձերն ստանաք: Նա ձեր նկատմամբ
բարությամբ է լցված:
8
67. Ծովում գտնված ժամանակ, երբ ձեզ դժբախտություն պատահի, ձեր
կուռքերը ձեզանից հեռու պիտի փախչեն: Ու երբ Նա ձեզ ազատի վտանգից
և ձեզ վերադարձնի ցամաք, կրկին լքելու եք նրան, քանի որ մարդիկ
ապերախտ են:
68. Կարծում եք զե՞րծ եք Նրա հարվածներից: Չե՞ք կարծում արդյոք, որ
Աստված կարող է ձեր ոտքերի տակ մի հոր բացել կամ ձեր գլխին տեղալ
քարե անձրև: Այդ ժամանակ որտե՞ղ եք ապաստանելու:
69. Վստա՞հ եք, որ Աստված ձեզ կրկին դեպի ծով չի ուղարկելու և բուռն
փոթորիկ չի հանելու ձեր դեմ, որպես պատիժ ապերախտության, մի
փոթորիկ, որ ձեզ ծովի հատակը կուղարկի: Այն ժամանակ ձեզ ոչ ոք չի
պաշտպանի:
70. Ադամի որդիներին պատվեցինք. նրանց տարանք ցամաքների ու ծովերի
վրա, նրանց տվեցինք մաքուր սնունդ և բարձրացրինք շատ արարածներից
ավելի վեր:
71. Մի օր բոլոր ազգերին իրենց առաջնորդների հետ պիտի հավաքեմ: Նրանք
բոլորը պիտի կանգնեն Իմ առաջ: Նրանք, ովքեր իրենց գիրքը բռնել են աջ
ձեռքում, պիտի կարդան այն և երբեք ամենաչնչին անօրենության զոհ չեն
դառնա:
72. Ով աշխարհում կույր մնա, հանդերձյալ կյանքում էլ կույր է լինելու :
Ճշմարտության ճանապարհից մոլորվելու է նա:
73. Քիչ էր մնացել, որ անհավատներն իրենց փորձություններով քեզ
հեռացնին մեր կրոնից և փոխեին մեր պատվերները: Այն ժամանակ, երբ
դու կատարես նրանց ասածը, նրանց բարեկամը կդառնաս։
74. Եթե քո հավատքը չամրապնդեինք, (դու տեղի կտայիր), որովհետև դու
արդեն հակվել էիր նրանց կողմը:
75. Եթե նրանց հետևեիր, քեզ պիտի կրել տայինք կյանքի ու մահվան
դժբախտությունները կրկնակի, և դու չէիր ազատվելու մեր զայրույթից:
9
76. Քիչ էր մնացել, որ անհավատները սոսկումով լցնեին հոգիդ և քեզ
փախցնեին այս երկրից: Բայց այդ դեպքում նրանք էլ երկար չէին մնա:
77. Համաձայն այն օրենքի, որին հետևել են քեզանից առաջ եկած
մարգարեները, համաձայն այդ անփոփոխ օրենքի:
78. Աղոթիր արևի մայր մտնելուց սկսած մինչև մութն ընկնելը և աղոթիր
արշալույսին, հրեշտակները ներկա են լինում քո արշալույսի աղոթքին:
79. Գիշերվա մի մասն էլ հատկացրու Ղուրանի ընթերցմանը: Հնարավոր է, որ
Աստված քեզ մի փառավոր տեղ բարձրացնի:
80. Ասա. «Տե՛ր, այնպես արա, որ ճշմարտությունն իշխի իմ մուտքի ու ելքի
վրա: Ծածկիր ինձ Քո զորության վահանով»:
81. Ասա նրանց. «Ճշմարտությունը երևաց, և սուտն անհետացավ: Այո սուտը
արժանի է ոչնչացման»:
82. Հավատացյալները Ղուրանի մեջ գտնելու են իրենց ցավերի դարմանը և
աստվածային շնորհները: (Իսկ) չարագործներին վնասից բացի այլ բան չի
ավելանալու:
83. Մեր շնորհներով ողողված մարդը երես է դարձնում մեզանից: Բայց երբ
դժբախտության մեջ է հայտնվում, հուսահատության է մատնվում:
84. Ասա՝. ամեն մարդ իր ցանկություններով ինքն իր համար օրենք է
սահմանում: Բայց Աստված գիտի, թե ով է ընթանում ճշմարտության
ճանապարհով:
85. Քեզ հարց են ուղղելու հոգու մասին: Պատասխանիր. «Աստված Իրեն է
վերապահել դրա մասին գիտությունը և մեզ շատ քիչ տեղեկություն է տվել
այդ մասին:
86. Եթե ցանկանանք, կարող ենք ետ առնել այն ամենը, ինչ հայտնեցինք քեզ:
Դու չես կարող որևէ պաշտպան գտնել որը պաշտպանի ընդդեմ մեզ:
10
87. Աստվածային գթությունը քո միակ ապաստանն է: Աստված Իր
շնորհներով ողողեց քեզ:
88. Ասա՝. եթե նույնիսկ ջինը միանար մարդու, Ղուրանի նման մի գիրք
արտագրելու համար, երբեք չէր հաջողվի, թեկուզ համագործակցեին իրար
հետ:
89. Մենք Ղուրանի միջոցով պատվերներ տվեցինք իրենց բոլոր
պարտականությունների մասին: Բայց նրանք համառ եղան իրենց
անհավատության մեջ և շարունակեցին մերժել:
90. Անհավատներն ասում են՝. մենք երբեք չենք հավատալու քո
առաքելությանը, եթե ջրի աղբյուր չբխեցնես գետնից:
91. Եվ կամ եթե արմավենիներով, որթատունկերով լցված պարտեզների մեջ
գետեր չհոսեցնես:
92. Կամ եթե մեզ վրա չխոնարհես երկնային կամարը, ինչպես ապարդյուն
խոստացար մեզ, և եթե մեզ բացեիբաց ցույց չտաս Աստծուն և
հրեշտակներին՝ իբրև քո խոսքերի ապացույց:
93. Կամ գոնե մի ոսկեղեն տուն չկառուցես, կամ երկինք չբարձրանաս
սանդուղքով. և նորից չենք հավատալու, որ երկինք ես բարձրացել, մինչև
այնտեղից մեզ մի գիրք չուղարկես, որը կարողանանք կարդալ:
Պատասխանիր նրանց. «Գովյալ է Աստված: Ես լոկ մի մարդ եմ, ով
ուղարկված է դեպի ձեզ»:
94. Մարդիկ երբեք չհավատացին, եբր ճշմարիտ կրոնը հայտնվեց նրանց,
որովհետև ասացին. «Մի՞թե Աստված Իր կամքը կատարելու համար
ընտրում է մի մահկանացուի»:
95. Պատասխանիր նրանց. «Եթե հրեշտակները բնակվեին աշխարհի վրա,
եթե խոսեին ձեզ հետ, այն ժամանակ որպես մարգարե մի հրեշտակ պիտի
ուղարկեինք ձեզ»:
96. Ասա նրանց. «Աստծո վկայությունը բավական է ինձ նրանց դեմ: Նա գիտի
և տեղյակ է Իր արարածների վիճակի մասին»:
11
97. Միայն Աստծո ձեռքով առաջնորդվողն է ընթանում ուղիղ ճանապարհով:
Նա, ում Աստված մոլորեցնում է, փրկվի Իր վրեժխնդրությունից:
Հարության օրը մենք նրանց բոլորին պիտի հավաքենք. կույր, համր և խուլ
լինելով՝ նրանք երեսի վրա ընկած պիտի լինեն: Գեհենը պիտի լինի
իրենցը: Ամեն անգամ որ կրակը մարի, մենք պիտի վառենք այն և
թեժացնենք:
98. Նրանք պիտի կրեն այս չարչարանքները, որովհետև հավատքի կոչի դեմ
անհնազանդ լինելով՝ ասացին. «Հնարավո՞ր է, որ ոսկորի և հողի
վերածվելուց հետո կրկին կյանք ստանանք նոր ձևի մեջ»:
99. Մի՞թե չեն տեսնում նրանք, որ երկինքների ու երկրի Արարիչը կարող է
ստեղծել իրենց նման ուրիշ էակներ և նշանակել նրանց կյանքի ժամկետը:
Սա անվիճելի ճշմարտություն է, բայց անհավատները համառորեն
մերժում են հավատալ իրականությանը:
100. Ասա նրանց՝ եթե աստվածային գթությունը ձեզ գանձեր տված լիներ, դուք
չպետք է համարձակվեիք դիպչել դրանց, որովհետև մարդիկ ագահ են:
101. Մենք Մովսեսին տվեցինք ինը հրաշք գործելու կարողություն: Հարցրու
Իսրայելի զավակներին, որոնց առաջնորդը եղավ նա: Երբ Մովսեսը
կանգնեց փարավոնի առջև, նա ասաց. «Մովսե՛ս, դու գտնվում ես
կախարդների ազդեցության տակ»:
102. Մովսեսը պատասխանեց. դու շատ լավ գիտես, որ այս հրաշքները
երկինքների ու երկրի վեհապետների գործերն են: Դրանք ակնհայտ
նշաններ են: Ո՛վ փարավոն, դու կորստյան ես դատապարտվելու»:
103. Փարավոնը ցանկանում էր նրանց վտարել (Եգիպտոսից), և Մենք նրան ու
իր հետևորդներին սուզեցինք ծովի հատակը:
104. Այնուհետև ասացինք Իսրայելի զավակներին. «Բնակվեցեք այս երկրում.
երբ հանդերձյալ կյանքի ժամը գա, ձեզ ամենքիդ պիտի հավաքենք»:
12
105. Մենք Ղուրանն ուղարկեցինք, և այն իսկապես իջավ երկնքից: (Եվ, ո՛վ
մարգարե), քեզ ընտրեցինք, որպեսզի մարդկանց հայտնես մեր
վարձատրությունների ու սպառնալիքների մասին։
106. Ղուրանը մասերի բաժանեցինք, որպեսզի կարողանաս կարդալ
մարդկանց համար մաս- մաս: Մենք այն ուղարկեցինք գլուխների
բաժանած:
107. Ասա նրանց. «Հավատաք նրան թե ոչ, նրանք, որ նրանից առաջ
լուսավորված էին, երկրպագություն կանեն, երբ այն կարդաք նրանց
ներկայությամբ:
108. Նրանք կգոչեն: «Օրհնյալ է Աստված, որ իրականացնում է Իր
խոստումները»:
109. Նրանք կընկնեն երեսի վրա, արցունք կթափեն և ավելի հնազանդ կլինեն
(Աստծուն):
110. Ասա. «Կոչեք Աստված կամ կոչեք Ողորմած: Երկուսն էլ հավասարապես
գեղեցիկ են»: Ոչ շատ ցածր և ոչ էլ շատ բարձր ձայնով աղոթեցեք: Երկուսի
մեջտեղում փնտրեք (չափավոր) ձև:
111. Ասա. «Գովյալ է Աստված, Նա զավակ չունի, իշխում է տիեզերքի վրա և
որևէ օգնության կարիք չունի: Փառավորիր Աստծուն՝ փառաբանելով Նրա
մեծությունը: