個人獎項：     96 年第二屆大漢清韻河洛語朗誦吟唱大賽社會古文朗 誦組第四名                        96 年第二屆大漢清韻河洛語朗誦吟唱大賽社會宋詞吟 唱組優選。     96 年台中市大墩盃歌仔戲曲調吟唱比賽長青組第一名。 97 年第三屆大漢清韻河洛語朗誦吟唱大賽社會宋詞吟 唱組第三名。     97 年第三屆大漢清韻河洛語朗誦吟唱大賽社會古文朗 誦組第一名。

98 年第四屆大漢清韻河洛語朗誦吟唱大賽教師宋詞吟唱組第二名

98 年第四屆大漢清韻河洛語朗誦吟唱大賽社會古文朗誦組第一名。

94 年嶺東科技大學廣播人才培訓 ( 含台語文 )240 小時結業 國立彰化社會教育館「優雅的台語」初級研習結業。 台中市五權社區大學「優雅的台語」進階研習結業。 95 年台中市海台會台語文初階第一期結業。 台中市海台會台語文中階第一、二期結業。 95 年李江却台語文教基金會「中、彰、投」地區台羅拼音及台語 教學師資培訓營第一梯次結業。 95 年李江却台語文教基金會「中、彰、投」地區台羅拼音及台語 教學師資培訓營第二梯次結業。 95 學年度第二學期國中生台語教材研習講師。 96 學年度第一學期國中生台語教材研習講師。 96 年台灣教師聯盟閩南語羅馬字種子教師培訓結業。 97 年國立成功大學台灣母語教學師資培訓碩士學分班研習結業。 97 年彰化縣政府教育局鄉土語言支援教師認證通過。 94-97 台中市南屯區文昌公廟古詩、詞研習會員。  95-97 台中市大墩台語推展學會會員。 96-98 台中市大墩台語推展學會常務監事。 97 年擔任台灣閩南語羅馬拼音種子教師訓練營講師。

台語演說佮經驗交流 教學模擬佮教學觀摩 囡仔詩賞析佮創作 雨霖鈴 柳永 八聲甘州 柳永 登金陵鳳凰台 李白 出師表 諸葛亮

閩南語對一般的學生來講， kan nā 欲叫伊開喙，道有一點仔困難，即馬又閣欲來練習「演」、「說」，當然是無容易，嘛無赫﹝ hiah﹞簡單。對一般的老師佮大人來講，仝款嘛有淡薄仔﹝ tām poh á ﹞困難。即馬，咱 (lán ) 逐家共同來對「閩南語演說實務」作一个﹝ ê﹞探討：

一、【時間】的掌握： 二、【內容】袂﹝ bē﹞使離開【主題】： 三、按怎使用【孽譎﹝ gia�t-khiat﹞仔話】 ( 俗語、

俚 語﹝ lí-gú﹞、諺語﹝ gān-gú )﹞ ： 四、具備【內容】、【感情】佮【動作】： 五、【台風】佮【穿插】： 六、【呼音】的正確性： 七、【人選】： 八：整體表現： ( 結論 )

﹝ 演說﹞的時間，普通攏有規定。年級的差別、 kap 種類的無仝、道有無仝的時間規定。普通﹝演、說﹞時間的限制攏是 4-5 分鐘；毋閣對低﹝ kē﹞年級的小朋友或者是幼稚園的小、小朋友，差不多 2-3 分鐘嘛會使。演講的時，那講﹝ kóng﹞超過時間，會扣分。講﹝ kóng﹞了後、時間無夠嘛仝款會扣分。這佇拄﹝ tú﹞開始 te寫「演說稿」的時陣，道愛特別注意，按呢就袂﹝ bē hōo-lâng﹞ 扣分。以一般人的速度來講﹝ kóng﹞，一分鐘大概會當講 180 字左右，但是，嘛有特別的個案。這个﹝ tsit-ê﹞建議只是提供予寫稿的人做參考。

欲「演說」，一定愛有主要的題目。了解主題了後，道會使開始揣﹝ tshuē﹞資料，針對題目去準備。嘛愛注意各年級、各階層的無仝。有一寡文章的內容，確實真好。但是並無適合小朋友來「演說」。假使﹝ ká-sú﹞硬欲叫小朋友來講，那按呢會變成是叫小朋友「死背」，予亻因 無法度發揮。道假若叫小朋友唱「情歌」仝款。所以，內容應該愛以「演講」的人、亻因 的年歲、程度，來寫演說稿。若是囝仔欲講，道愛針對囝仔的心情體會、了解囝仔的心理感覺來寫，閣較愛注意用小朋友的口語化佮生活化，更加閣較愛有感情的變化。若會當有押韻，猶 (iáu)閣較好。

閩南語流傳到今﹝ kàu-tann﹞，有規也百年的時間，粒積真濟 ê 俗語 ( 俚語、諺語 )。咱會當加減用。欲用置演說的文章，建議：有爭議性、較無正確、抑是欲人聽較無的文字、俗語較生份、較少用。使用俗語 ê 比率，袂使傷懸。佮別人傷濟相仝的嘛愛注意。比如講：一般人較捷用的→賣花講花紅、賣茶講茶芳；龍交龍、鳳交鳳，隱痀 (ku)交侗憨；拍斷手骨顛倒勇… …。

演說的時陣，愛有豐富 ê 內容、佮感情的投入、適當ê 動作嘛真重要，袂 使無；但是嘛袂 使傷﹝ siunn﹞膨風、﹝ phòng-hong﹞、傷超過，只要會當吸收觀眾的視線，道已經成功一半。

看題目的涵意，做適當的打扮。超過，抑是無夠，攏是無適當。當然嘛愛注意台風。只要佮平常的表現相仝，道是自然，袂 使佇舞台頂走來走去，亂亂蹤﹝ tsông﹞；而且傢俬準備甲 (kah) 一大堆，會傷過複雜。

閩南語有真濟種發音，相仝的一句話，或者是相仝的一个語辭，佇無仝的所在，攏有無仝的發音，比如：【煮飯→ tsí-pn.g； tsú-pn.g 】。【大頭拇→ tuā-thâu-bó； tuā-ku-ong 】。【蟮蟲仔→ siān-thâng-á； piah-hóo 】。【茶箍→ tê-khoo；sap-bûn 】。【乞食→ khit-tsia�h； lo�k-á 】。所以咱愛尊重各地方的語言。對一寡較歹呼的音，嘛愛特別注意。比如：黃金 (kim)ê(金 )，心 (sim)中 ê(心 )，阿嬸 (tsím)ê(嬸 )，致蔭 (ìm)ê(蔭 )，我(guá)的 ê(我 )，孽譎 (gia�t-khiat) 。，缺席(khuat-si̍ �k) ，垃圾 (lah-sap)... ... 。

【適當】的人選嘛真重要。除了愛注意音色、音質、音量、台風。當然對「演說」有興趣的人，嘛是人選的基本條件之一。

【演說】當然愛活潑、趣味，更加愛予人看著有清爽的感覺，毋通﹝m. -thang﹞﹝身軀﹞穿古裝衫、﹝跤﹞穿球鞋。嘛毋通共衫穿甲傷﹝ sionn﹞長、傷短、抑是傷闊，按呢道袂 合軀﹝ hah-su﹞。嘛無好看。若有幫助﹝ pang-tsān﹞演出的道具，更加愛注意位置佮角度，愛﹝ khǹg﹞置適當的所在，予逐家攏看會著。其實，只要整體順序﹝ sūn-sū﹞、順眼，道是上好的表現。

台灣好！台灣好！人講台灣是寶島。台灣是一个現代化 的民主國家，是一个由真濟無仝的族群，無仝的語言，所形成的大海洋文化。這道是咱上蓋多元，上蓋寶貴的資產。

台灣是太平洋上的一塊島嶼，雖然是小小的一塊，毋閣伊優美的景緻滿四界 (sì kuè) ，當然這是咱骨力、拍拼的代價。規年迵 (thàng)天，咱會當看著【媠媠媠】的花，【青青青】的樹仔，是一個多彩又多姿的花花世界。台灣真正好，伊是咱的寶，嘛值得人呵咾【 o- ló 】。

台灣島內的交通真發達，大樓起佮實實﹝ tsa�t﹞，來來去去 的人窒窒窒﹝ that﹞。島民勤儉佮骨力。台灣的四邊攏是海，海岸的景色通人知。你那不信，共 (kā) 台灣踅 (she) 一輾(lìn) 試看嘜，保證你滿意佮笑咍咍 (hai hai) 。這個寶島，好山、好水、好地氣、好種作閣好地理，人人順序作生理，大家平安有賺錢，國家閣有齊全的社會福利。真正是島民的福氣，加﹝ ka﹞上咱嘛有「頂港有名聲，下港上出名」的電子科技，更加予人滿意。佇國際上，不是咱 te臭屁，真正是無人會當比。

台灣確實是寶島。四季如春、啥物 (mi̍ �h) 攏總有。你看；旗山的芎蕉﹝ kin-tsio﹞銷日本；玉井的檨 (suāinn) 仔紅粉粉 ；竹山的番薯會當做飯頓，龍眼、荔枝有肉閣好舌允﹝ tshńg﹞。麻豆的特產是文旦、林邊的蓮霧有夠讚；瓜仔無子是真稀罕。島民做較濟嘛勿會﹝ buā﹞喝懶﹝ huah-lán﹞，梨山的梨子滿山坪。後山的釋迦上出名，咱有付出、有拍拼就會贏。山產濟濟濟，有飼有種就是咱的。海產濟閣鮮﹝ tshinn﹞，愛食不免共人爭 (cenn) 。

古早人有一句話講：「果子甜、五榖芳，咱的後代吃勿 會 空」。所以咱愛認同這个台灣，疼惜這个台灣，嘛愛知影「知恩報本」。俗語講：「吃果子拜樹頭，吃米飯拜田頭。」一點阿道無毋對。

台灣的族群是古錐又可愛；有真濟好聽的孽譎(gia�t –khiat) 仔話。相信咱攏有聽過，親像：「馬瘦無力，人散﹝ sàn﹞白賊」、「外﹝ guē﹞甥食母舅，若 te 食豆腐」、「勸人做好代，較﹝ khah﹞贏 te食早齋」。「打虎、掠﹝ lia�h﹞賊親兄弟」。

「會呼雞﹝ khoo-ke﹞、袂﹝ bē﹞歕火﹝ pûn-hué﹞」。「三代粒積﹝ lia�p-tsik﹞，一﹝ it﹞代虧空﹝ khong﹞」。「做官若清廉，食飯道愛攪﹝kiáu﹞鹽」… … 。嘛閣有成濟﹝ tsiânn-tsē﹞真好耍、閣真趣味的十二生肖諺語﹝ gān-gú﹞：【一鼠，賊仔名】；【二牛，駛犁兄】；【三虎，足 百 ﹝ peh ﹞ 山坪】；【四兔，遊東京】；【五龍，皇帝命】；【六蛇，人人驚】；【七馬，走兵營】；【八羊，吃草嶺】；【九猴，足百 ﹝ peh﹞樹頭】；【十雞，啼三聲】；

【十一隻狗仔，顧門埕】；【十二隻豬仔，菜刀命 ………】 。你看，這款的台灣，心適﹝ sim-sik﹞、閣有活力、嘛有你、咱逐家的希望！所以講：【台一灣一是一寶一島】、【台一灣一是一寶一島】。

這个所在，是咱每一個人的故鄉，嘛是咱每一個人一生的向望 (ǹg-bāng) 。佇遮每一寸的土地，攏 (lóng) 有咱的祖先行 (kiânn) 過，甚至是辛苦種作 (tsìng-tsoh) 過的跤跡 (kha-jiah) 。咱大家攏佮 (kap)這(tsit)片土地，有非常密切，而且 (jî- tshiánn) 嘛毋當 (bē –táng) 分割的關係。這爾 (tsiah—nih) 深、閣這爾 (tsia—līnn) 厚的感情，咱應該攏無人毋 (m. ) 知吧！伊就是咱的寶島──台灣──。

台灣四面攏是海，是亞熱帶的氣候，氣溫柔和，袂 界澹濕 (tâm-sip) 閣涼爽，用一句較適當的話來講，道是「四季如春」。大自然的美景，講袂 (bē)完嘛說 (sueh)袂盡， bat 來過 台灣的外國人，嘛攏非常的呵咾，道按呢，毋才有「美麗寶島」， tsia 爾芳的名號。台灣的中央山脈 (suann-be�h) uì 南到北，縱貫全島，是台灣的龍骨 (liông-tsit )，毋過 (m. -ko) 嘛因為按呢，卻造成台灣一分作二，交通非常的無方便，致使 kah 東部的建設佮交通、文化、人口等等，攏逮 (tuè)西部沿海袂 著 (bē- tio�h) 。雖然是按呢，但是咱的政府， tī tsit 幾 (kuí)十年來，用心

建設之下，無論是航空、鐵路、甚至是公路，攏有想未 (bē) 到的發展佮進步，沿路的景觀是非常媠 (suí) ，觀光事業真成功。各種資源足豐富。大部份的原住民，攏佇遮 (tsia) 生活，足濟古早的風俗佮(kah) 優美的文化，嘛攏有好好保存落來，這攏嘛是特別閣可愛的─台灣文化─。

台灣的文化是多元的，包含，本土文化、原住民文化、客家文化以及移民文化等，佇這个大環境中，互相結合佮交流，無分你佮我，大家生活佇這塊美麗的土地，共同來拍拼，發揮祖先留予咱「刻苦耐勞」 kah 「骨力拍拼」的傳統精神。咱雖然是蹛 (tuà)佇這个 (tsit ê)小島，但是咱的經濟，過去嘛是無人敢看咱無的，所以有「台灣奇蹟」的稱號。原住民文化雖然有較弱勢，但是亻因 (in) 的環保佮熱愛這塊土地的精神，是值得咱其他的族群來學習的。台灣的宗教嘛仝款，這塊島上的宗教種類真濟，逐家攏會當互相包容，袂干涉其他人的宗教信仰，這是社會安定的最大原因。所有的宗教，攏是宣揚善良道德觀，致使台灣這塊土地，處處充滿關懷，整個的社會充滿溫暖的氣氛。

台灣地小人濟，嘛因為自然地形的阻礙，造成台灣早期的發展真慢，大部份百姓生活攏非常清苦，嘛真散食 (sàn- tsia�h) ，經過久年來政府有為的施政，配合人民奮鬥、打拼佮勤儉的精神，即馬的社會佮以早是大不相同，不但繁榮、富裕、人和，人民的生活水準，嘛提懸真濟。因為自然環境優美加上多元的文化，台灣確實是一个寶庫，莫怪大家攏講─台灣是寶島─。

各位評判老師，各位同學，逐家好： 今仔日，我所欲演講的題目是：「我上界尊重，嘛上界敬愛的人。我上界尊重，嘛上界敬愛的人」。

佇我的心目中，有一个我真正尊重，嘛真正敬愛的人。彼个人﹝ hit-ê lâng ─﹞ 是什麼人呢？請您慢慢仔聽我來講詳細：

【伊】生做無懸嘛無矮，標準的身材，是好體格。無大箍嘛無瘦。個性，修養真正讚。烏甜的面肉攏無斑﹝ pan﹞，做較濟的工課 (khang-khuè) ，嘛 勿會 喝 (huah)懶，ㄔ奇 ﹝ khiā﹞家的四邊攏是伊的地，厝邊頭尾上界愛找伊來開講兼泡茶。【伊】有一托拉庫的趣味代，我來紹介予恁知：

透早，伊上愛去公園比兩步啊： (打太極拳的動作 )一粒大西瓜，切做兩爿 (pîng). ，一 爿 (pîng)送予你，一爿 (pîng)送予伊 ......... 。看伊遐爾仔認真的形，實在是無底比。【伊】是一个辦學家，有愛心，閣有耐心，不是我 té臭彈，關心學生的話，﹝喙﹞是講 kah強欲爛。一年三百六十五工，無歇寒閣無歇熱

，嘛無想要 ka工課 (khang-khuè)換，對綴透早做到晚暝，伊嘛做 kah真歡喜，一點 啊 道袂受氣，厝內的代誌，伊嘛處理 kah順序順序，遮呢啊有理智閣愛清氣，實在是無人會當比。人講：人生七十才 (tsiah) 開始，伊的快樂是退休了後才 (tsiah) 開始。【伊】學唱歌、學跳舞、閣學欲ka菜按怎煮？伊真正是多才 (tsâi) 又多藝，活到老、學到老。這陣閣 té學騎﹝ khiâ﹞車。有一工，伊欲去騎鐵馬。忽然間，伊想到鐵馬的輪仔【 lián á 】無風，道 ka我講：阿雯啊！去替我灌風，「後風無輪啦！」；「後風無輪？」哦！妳嘛「幫幫忙」，是「後輪無風」啦！

【伊】是我上界尊重，嘛上界敬愛的人。但是各位在座的老師，【恁】，才 (tsiah)是【伊】上界尊重，嘛上界敬愛的人呢！因為自少年開始，伊就真欣羨【 him-siān 】人做老師。即馬，伊尚快樂的代誌，道是每禮拜日去「社區大學」教日語，聽到學生叫她一聲「 sian-sénn (先生、老師 )」伊道「 khi-moo-tsih í-- lē sù (真歡喜 )」。講到遮，大家臆到袂？這位健康，快樂又閣充滿活力的人，是誰人呢 (ngenn)？【伊】就是我的阿嬷，我上界尊重，嘛上界敬愛的阿嬷。我的演講到遮結束，多謝逐家。

暗暗 ê 四邊，一點 á 光線道無。伸手，看無指頭﹝ tsíng-thâuá﹞，暗 摸摸﹝ bong- bong﹞。 恬恬 ê 四邊，一點 á 聲音 lóng 無，伸跤共 踢一下﹝ that - tsit –ē﹞， bā 攏聽無聲。 suà 落來，伸手閣共揍一下﹝ bok - tsit –ē 」， bā 是無聽著聲。足奇怪，我蹛佇 這个﹝ tsit ê ﹞環境內底，竟然 bē 驚，嘛 bē 緊張。恁﹝ lín﹞知影﹝ tsai- iánn﹞為 啥乜﹝ siánn –mi̍ �h﹞？原來這个﹝ tsit ê ﹞主人予我 ū 安全感，予我 ū想要一直蹛落來 ê 感覺，予我一直無想麥離開。伊對我 ê 關心佮照顧，我已經安心仔安心，快快樂樂，無煩無惱，過 liáu káu kò guā 月，抑道是講，我 iah 未滿一歲 lah！

恁知 iánn guá 蹛佇叨位否？ kî 實，連我家己嘛不知 iánn， guá 即馬蹛佇叨位？一直到有 tsit 工，對成遠 ê 所在， thuân 來 tsit 陣 ê 聲音 。 Tsit ê 查 po 人塊講：「你愛 ke 食 kuà- -á án ne 小 pó pó 才會大漢，才會勇壯，才會白泡泡，嘛才會細綿綿」。講完，我 ê 頭殻頂有一陣燒燒 ê 感覺。哦！原來是伊 té 摸我 ê 頭。我感覺真奇怪， hit ê 人是按怎

欲摸我 ê 頭？我 tō 足想欲共看一下，誰知 iá我愈想欲目目周 煞 peh 未開，目目周 皮 ká 若黏到 kôo 仔 peh 未開，我愈出 la�t 伊看， liâm 愈 ân。……煞煞去 - -á ，無愛看 - - á 。管 thài 伊是什物碗糕。無 guā 久，格聽到有 tsit ê 查某人應聲講：「 tse 哪道你交代，你免講我嘛知，伊蹛佇 lán tau 已經 káu kó guā 月 lah ，我當然嘛知 iánn ，欲按怎照顧伊」講完，我又閣有一陣燒燒 ê 感覺，原來是 tsit ê 查某人 té 摸我 ê 身軀， tsit ê 時陣又閣聽到有人 tē 講話：「恭喜哦！你欲做爸爸 á，嘛恭喜你欲做老母 - - á！愛閣 guā 久，小 pó pó 才會出來佮 lán 見面？」

原來摸我 ê 頭，摸我 ê 身軀 ê 人， tsit ê 是我 ê老爸， tsit ê 是我 ê 老母。逐工，聽到 in ê 聲， suà看無 in ê 影。以前，啥 mih lóng m. 知，道 gōng gōng- -á 過，即馬，我煞無法度格恬恬蹛落去嘛 bē 使閣恬恬無出聲，更加 bē 使閣看無 iánn 。我一定愛爭取我 ê 自由，我一定欲出去……「 uânn… uânn… uânn 」啥mi̍ �h 人拍我 ê 尻川﹝ kha-tshng﹞。

Top

教學 { kau-ha�k } 講 ê 是做教師， té 教冊 ê 人。

教學 { kàu- ha�k } 講 ê 是 對學科 ê 教授佮學習。相仝 ê 字、無仝 ê 讀音，就有無仝 ê 意思。置教學上有一寡比較較{kha}理想 ê 教學原則，提出來共逐家分享：

一、理想的教學原則 二、教學的過程 三、活用教學評量 四 、教學模擬 五 、教學觀摩 模 擬 教 學 單 元 設 計

1. 對主題的講解：愛把握重點，正確性嘛愛重視。2. 對教材內容的編排：愛活潑，應該盡量應用淺、顯，容易了解的方式編寫。

3. 安插一寡其他的輔助資料：準備課程以外，用會著的訂相關資料，交替使用。

4. 隨時觀察學生的學習態度：學生聽課的情緒不一定，有的小朋友完全攏無 té聽，愛隨時注意共亻因 提醒。這个時陣，會當講一个笑話抑是做一个律動。

5. 講課聲調懸低愛掌握：攏用無懸無低的「平聲」調講課，效果應該無好，所以咱講課的時陣，除了愛注意聲調以外，速度的「緊」「慢」嘛愛注意。若會當閣加上「手勢」的語言，應該猶閣較好。

6. 創新加強記憶的方法：上課的時陣，無欲求了解，干那死背冊，是上禾黑 的步數，毋免外久，隨時就會袂記个，應該多用媒體教學，嘛是一種真好的方法。

7. 技巧性多種語言交換使用：會當的話，臺語、華語、客語甚至外國語言變換使用，嘛真心適。就像即馬的台語課，有時嘛愛用華語來對照、來解釋。

8. 適當鼓勵：對認真的學生，佇適當的時間，愛適時共伊鼓勵。按呢，會當提懸學習的意願。

1. 充實教學的內容： 無論是共同科目，抑是所有的專業科目，內容是不是充實，

是一件真重要的事誌，編排的過程，愛多方面的思考、收集資料，設計一个有系統的教學課程，閣配合活潑的教學方法，若按呢，欲達成目標，道無困難。

2. 講究教學的方法： 每一個人的教學方法，攏無一定相同，無論是來自其他的

老師、新聞媒體、科學根據，抑是網路……等等，經過整合思考了後，用另外一種活潑、趣味的方式表現出來，絕對會增加學習的效果。比如講：用簡單好耍的活動佮講故事的方式，抑是做一个無界複雜的實驗，予所有的學生恬恬觀察、分析，按呢嘛會提懸學生囝仔 ê學習興趣。

3. 培養教學的氣氛： 學生的學習氣氛低落，是教學上的困難之一。講課

毋通相嚴肅，假使若有 1/3以上的學生，有聽毋落去的情形，道愛想辦法改善。每一个教育者，攏有伊的方法。比如講：隨時安插一个笑話、做一个謎猜、設計一個簡單的收心操，逐家動一下，這攏是袂禾黑 的方法，應該會當增加學習效果

教學評量會使講是「成果驗收」，所有的教學活動的每一個單元，佇學習結束甚至中途，攏會使用。這個動作是測量學生的學習效果，吸收的程度「好」、 [禾黑 ] ，佇「評量」了後，道會知影。「評量」其實就是「考試」的一種，伊的應用應該是「多元」的。比如講：看圖說故事、聽寫、 [理解佮分析 ]‧‧‧ 嘛會使─用演話劇的方式來演出。愛注意的一點，就是袂使「超出範圍」；因為「超出範圍」的評量，不但無公平，嘛袂當測出學生真正的程度，更加無法度測出，學生聽課是 m. 是有認真？是 m. 是有了解？應該愛參考教育部公佈的「閩南語能力指標」來做評量。

[ 模擬 ] 閩南語讀作 {bôo-gí} ，置 tsit 个所在 ê [模 ] 是 模仿 ê 意思、 [擬 ] 是擬作 ê 意思 。 [ 擬作 ]就是仿造 ê 意思。所以 [ 模擬 ] 就是模仿佮擬作。簡單講就是：學別人的做法；抑是有計畫的作為。

[觀摩 ] 就是觀察別人 ê 好處佮優點，多加學習、利用；甚至會當閣較 [kha] 深入去研究、去瞭解；嘛會使加入家己 ê 看法、理念，做一个 統整佮編排，若按呢就會達到咱所欲向望 ê 效果。

教學科目 閩南語 相關領域 生活習性

教學單元 囡仔詩創作 教學來源 自編創作

教學年級 國小 (5-6)年級 教學日期

教學節數 4 節（ 200分鐘）

教學節次 第一～四節

能力指標

一 .

二 .

三 .

四 .

五 .

六 .

七 .

八 .

培養、觀察四周圍的事、物。了解家己的生活環境佮習性。培養會曉聽、會曉分辨閩南語的語言節奏 [高、低、慢、急、抑、揚、頓、挫佮輕、重 ]。掠會著主題，掌握重點。了解佇寫詩的中間，所欲用的感情聲嗽。佇無仝的文字佮無仝的語詞中間，會曉變換使用。進一步了解寫詩時，韻跤的應用。培養出寫詩的興趣，同學之間會當互相分享。

出世囝仔 田庄囝仔 海口囝仔 山頂囝仔

出 世 囡 仔 紅 記 記tshuh sì gīn á âng kì

kì親 晟 朋 友 四 邊 圍tshin tsiânn pîng iú sì pinn

uî 目 一 个 暱 過 一 暝ba�k tsit ê ni̍ �h kuè tsit

bin 親 像 灌 風 真 肨 乳tshin tshiūnn kuàn hong tsin hàng

ning 

喙 笑 目 笑 誠 古 錐tshuì tshiò ba�k tshiò tsiânn kóo tsui

阿 公 阿 媽 愛 創 治a kong a bann ài tshòng tī

捏 面 癢 知 上 趣 味liàm bīn ngiau ti siōng tshù bī

逐 家 耍 佮 真 歡 喜ta�k ke sńg ka�h tsing huann hí

寄調：世上只有媽媽好

囡 仔 囡 仔 招 囡 仔 伴 gīn á gīn á tsio gīn á phuā 欲 去 田 岸 耍 水 泉 beh khì tshân huānn sńg tsuí

tsuânn 逐 家 耍 甲 晏 晏 晏 ta�k ke sńg kah uànn uànn

uànn 阿 媽 緊 張 走 去 看 a má kín tiunn tsáu khì

khuànn 阿 母 櫸 柴 大 聲 喝 a bú giâ tshâ tuā siann huah 轉 來 無 拍 氣 袂 煞 tńg âi bô phah khì bē suah

寄調：小星星

囡 仔 囡 仔 招 阿 爸 gin á gin á tsio a pa 欲 去 海 邊 耍 塗 沙 be khì hái pinn sńg thôo sua 逐 家 耍 甲 烏 鬼 鬼 ta�k ke sńg ka�h hoo kuí kuí 阿 母 手 捧 一 桶 水 a bú tshiú phâng tsit tháng tsuí 共 伊 洗 甲 媠 媠 媠 ka�h i sé kah suí suí suí 阿 公 看 甲 誠 歡 喜 a kong khuànn kah tsiânn huann hí 阿 媽 看 甲 真 受 氣 a bá khuànn kah tsin siū khì 伊 講 欲 迫 迌 哪 會 i kóng bē tshī thô lā ē 無 招 伊 bô tsio I

寄調：白浪淘淘

山 頂 囡 仔 山 頂 囡 仔suann tíng gin á suann tíng gin

á 睏 袂 晏khùnn bē uànn 招 規 摜 足百 山 坪tsio kui kuānn peh suann

phiânn 直 流 汗 tih lâu kuānn 毋 認 輸 攏 欲 贏 m̄" jīn su long beh iânn 摔 落 山 跤siak lo�h suann kha 叫 阿 娘 啊 叫 阿 娘 kiò a liânn ah kiò a

liânn 寄調：火車快飛

Top

寒蟬淒切 對長亭晚 驟雨初歇 都門帳飲無緒方留戀處 蘭舟催發 執手相看淚眼 竟無語凝咽 念去去千里煙波 暮靄沉沉楚天闊 多情自古傷離別 更那堪 冷落清秋節 今宵酒醒何處 楊柳岸曉風殘月 此去經年 應是良辰好景虛設 便縱有千種風情 更與何人說

Top

對瀟瀟暮雨灑江天，一番洗清秋。漸霜風淒緊，關河冷落，殘照當樓。是處紅衰綠減，苒苒物華休。唯有長江水，無語東流。 不忍登高臨遠，望故鄉渺邈，歸思難收。嘆年來蹤跡，何事苦淹流？想佳人妝樓顒望，誤幾回天際識歸舟？爭知我，倚闌干處，正恁凝愁！

Top

鳳 凰 臺 上 鳳 凰 遊，鳳 去 臺 空 江 自 流。吳 宮 花 草 埋 幽 徑，晉 代 衣 冠 成 古 丘。三 山 半 落 青 天 外， 二 水 中 分 白 鷺 洲。總 為 浮 雲 能 蔽 日，長 安 不 見 使 人 愁。

Top

臣本布衣，躬耕南陽，苟全性命於亂世，不求聞達於諸侯。先帝不以臣卑鄙，猥自枉屈，三顧臣於草廬之中，諮臣以當世之事，由是感激，遂許先帝以驅馳。後值傾覆，受任於敗軍之際，奉命於危難之間：爾來二十有一年矣。先帝知臣謹慎，故臨崩寄臣以大事也。受命以來，夙夜憂勤，恐付託不效，以傷先帝之明；故五月渡瀘，深入不毛。今南方已定，甲兵已足

當獎率三軍，北定中原，庶竭駑鈍，攘除奸兇，興復漢室，還於舊都：此臣所以報先帝而忠陛下之職分也。至於斟酌損益，進盡忠言，則攸之、一、允等之任也。願陛下托臣以討賊興復之效，不效則治臣之罪，以告先帝之靈；若無興復之言，則責攸之、依、允等之咎，以彰其慢。陛下亦宜自謀，以諮諏善道，察納雅言，深追先帝遺詔。臣不勝受恩感激！今當遠離，臨表涕泣，不知所云。

Top