ዐውል 1.00 ነቅፈሳድስ ሰነት ዕልብ 25 አርቡዕ 12 ጁን 2013

ርኢስ ኢሳይያስ ኣፈወርቂ፡ ዮም 7 ዩንዮ ዲብ መብነ ሃገር ዲበ ገብአት ዓደት ሰለሞት፡ ውራቅ ሽቅል 4 ሰፊር ትከበተ፣ህቶም ህዬ፡-ሰፊረት ፊንላንድ ሚስስ

ኣነ ብሪተ ሶፊ፤

ዲብ መዲነት ባጽዕ ለህሌት ኩልየት ዕሉም ወቲክኖሎጂ በሐር፡ ዲብ ዮም 7 ዩንዮ መጃላት ሐርስ በሐር፡ ርዝቅ ዓሰ፡ ባዮቴክኖሎጂ በሐር ወሀንደሰት በሐር ለአድረሰቶም 75 እብ ዲግሪ ወ73 እብ ዲፕሎመ፡ እብ ዓመት 148 ደረሳይ አድሐረት፣ዲበ ውቁላም ሰብሰልጠት

ሕኩመት ወዋልዴን ለሐድረወ መድሐራት፡ ወዚር ርዝቅ በሐር አሰይድ ተወልዴ ቀላቲ ዲበ ቀደመየ ከሊመት፡ ሕኩመት ኤረትርየ አምር ወምህነት ለጾረው መዋጥኒን እግል ተአፍሬ ዲብ መጃል ተዐሊም ርአስማለ ትከስእ ክም ጸንሐት ወህሌት እንዴ ሐበረ፡ ለትደሐረው አርዛቅ በሐርነ እብ

ዋጅብ እንዴ ትጀለበ ዲብ መንፍዐት ሸዐብ ወወጠን እግል ልወዐል መስኡልየት እበ ተአረፍዕ ምህነት ልትደሐሮ ክም ህለው እንዴ አትፋቀደ፡ ዲብ ሽቅል ክም ትፈረረው ምህነቶም እግል ልጠውሮ ወሸዐቦብ ወወጠኖም እግል ልክደሞ ጅህድ እግል ሊደው ክም ወጅብ ትወሰ፣ዐሚድ ኩልየት ዕሉም

ወቴክኖሎጂ በሐር ዶክተር ዘከርየ ዐብደልከሪም እብ ጅሀቱ፡ መሻረከት አንሳት ዲበ ኩልየት እብ 13% ክም ዐቤት እንዴ ሐበረ፡ ለኩልየት ለለአትሐዝየ ኣላት እግል ልትመም፡ ዲብ ብዝሔ ወበቃዐት

ኤረትርዪን ስካን ሰዋክን አቅሊም በሐር ቀየሕ ሱዳን እተ ልትሰርገል ለሀለ በራምጅ ዐማር ወእት መናበረት ሸዐብ ትመጺእ ለሀሌት መርሀዮ ዲብ ለሐምዶ ዮም’መ ክምለ እት በዲሮም መጦር ሸዐቦም ወሕኩመቶም እንዴ ተዐንደቀው እት ዐወቶት ዳይ ወጠን ምኖም ለትጠለብ ክም ለአገዱ አከደው፣እሎም መዋጥኒን እሊ

ለአክደው፡ እት መናሰበት 22ይ ዒድ ሕርየት እት ዮም 31 ማዮ እተ ወደወ እብ ዕፌ ዓዳት ለገምለት ሄሰትቱ፣ ምን ስካን ሰዋክን

ርኢስ ኢሰያስ አፈወርቂ ውራቅ ሽቅል አርበዕ ሰፊር ትከበተ

ሰፊረት ሽዌደን ሚስ ኣኒከ ሞሊን ሄልግረን፤ሰፊር ታይላንድ ሚስተር

ኢቲፖርን ቡንፕራኮንግ፤እተ ክምሰልሁመ ሰፊር

እስራኤል ሚስተር ኢላይ ኣንቴቢ ቶም፣ለሱፈራእ ዲበ መናሰበት

ዕላቃት ዐዶም ምስል ኤረትርየ እንዴ አደቀበው እግል ዐቦትሽርከት ወፋኢደት ክልኤ ለጅሀት ክም ከድሞ ሸርሐው፣ሱፈራእ ፊንላንድ

ወሽወደን እግል ኤሪነ ዲበ ሀበያሀ ሐብሬ፡ ምስል ርኢስ ኢሳይያስ ኣፈወርቂ፡ ዲብ ናይ መንጠቀት ዐቦት ለረከዘ ህድግ ክም ወደየ፡ ርኢስ ኢሳይያስ እበ ሀበየንቱ ተውድሕ ክም አግነዐየ ወድሐየ፣ሱፈራእ እስራኤል

ወታይላንድ እብ ጀሀቶም፡ ዐዶታቶም ምስል ኤረትርየ ለበንተ ዕላቀት ዲበ ትወቀለት ደረጀት እግል ትብጻሕ ክም ሸቁ አከደው፣

ሰፊረት ሽዌደን ሚስ ኣኒከ ሞሊን

ገለድ ኤረትርዪን ስካን ሰዋክን፡ እት ዐማር ወጠን

አሰይድ ሕመዲን መሐመድ ዐሊ፡ አሰይድ ሳሌሕ ዑስማን ወአሰይደ ሉችየ ተስፋሁነይ እተ ሀበዎ ረአይ፡ ክምለ እት እያም ግድለ እብ ስላሕ ለአርአዎ መትሰባል አዜመ እት ንዳል ዐማር መትነዛሞም እንዴ አስነው እት ኩሉ መጃላት እግል ልሻርኮ እብ ቀልቦም ከድሞ ክም ሀለው አከደው፣ ርኢስ ጃልየት ኤረትርዪን

ውላየት በሐርቀየሕ ሱዳን አሰይድ ዐንዴብርሃን ወልዴሚካኤል እብ ጀሀቱ፡ ሰዋክን እት መደት ንዳል ሕርየት ድጌ ሰውረት

ኤረትርየ እንዴ ገብአት፡ ዐውቴታት ዴሽ ሸዕቢ ዲብ አረሸዶት ሐዞት ውቅል ክም ዐለት እለ እት ፈቅድ፡ ዮ’መ እት ሐንቴ ጽላል ጃልየት ኤረትርዪን ለትፈናተ ወራታት ገቢእ ዲበ ክም ሀለ አፍሀመ፣

ሱዳኒ አሰይድ አ ሕ መ ድ መሐመድ እብ ተረቱ፡ እለ ዮም ሸዐብ ኤረትርየ ልትመተዕ እበ ለሀለ ሕርየት ፍሬለ ናይለ እሉ ሓልፈ ንዳል መሪር ወለ እሉ ደፍዐ እስትሽሃድ ክምቱ እንዴ ሐበረ፡ እግል ሸዐብ ወሕኩመት ኤ ረ ት ር የ አ ሰ ና ይ ኩ ም ቤለ፣

መድሐራት ኩልየት ዕሉም ወቴክኖሎጂ በሐር

ሙደርሲን ጅህድ ገብእ ክም ሀለ፡ ሙድርሲን ወሴድየት ሙድርሲን ዲብ ዐድ ወካርጅ ናይ ግረ መድሐራት ድራሰቶም ታብዖ ክም ህለው እንዴ አሸረ፡ ዲበ መጽእ ወክድ መጃላት ጀዲድ እግል ለአምብቶ በርናምጅ ክም ሀለ ወድሐ፣ዶክተር ዘከርየ ዲብ

ደንጎበ፡ ለትደሐረው ራክባሙ ለህለው አምር ዐዶም ወሸዐቦም እብ መትሰባል እግል ልክድሞ እቡ፡ አግደ ህዬ ዲብ አከዶት ደማነት ነብረ እተ ገብእ ለሀለ ጅህድ ዶሮም እግል ልቀድሞ አትፋቀደ፣‘’ ካስባሙ ለህሌነ

አምር አሳስ እግለ መጽእ መራሕል ሓያትናቱ’’ ለቤለ ወኪለ ትድሐረው፡ ሕኩመት መዋጥኒን

ለትሳወ አብካት እግል ልርከቦ አውለውየት እንዴ ሀበት ትከድም ሰበት ህሌት፡ ሸባባት ራክባሙ ለህለው በክት እብ ዋጅብ እግል ልትነፍዖ እቡ እንዴ ትፋነ፡ ዲብ እለ ደረጀት እግለ አብጽሐዎም ሸዐቦም ወሕኩመቶም እብ ቀልብ ናስሕ እግል ልክደሞ ዱልያም ክም ህለው አከደ፣እግል ሳድሳይት ኢነተ

ተአድሕር ለህሌት ኩልየት ዕሉም ወቴክኖሎጂ በሐር፡ ዲብ እሊ ወክድ እሊ 65 ደረሳይ እንዴ ትከበተት፡ አርበዕ መጃላት ተአደርስ ክም ህሌት ወሳይቀ ለሐብር፣

12 ጁን 2013 2

ክል አርቡዕ ለትጠ’በዕ ጀሪደት

መዳልያይ። መሐመድ እድሪስ መሐመድ

ናይብ መዳልያይ። ኣድም ሳልሕ (አቡሐሪሽ)

ለይ-ኣውት። ነጃሕ ዐብደላ

ተለፎን። 121797 ፋክስ። 127749። ዕ.ሰ.ቡ። 247

ተውዝዕ ጀሪደት።ተለፎን። 125394አትአመሮት።

ተለፎን። 125013። ዕ.ሰ.ቡ። 1284E-Mail: tigreit@zena.gov.er

ተቅሪር“መህረጃን ኤረትርየ ምን አየ አስክ አየ”“መህረጃን ኤረትርየ ምን አየ አስክ አየ”ኣድም አቡሐሪሽ

ገሌ ምን አህዳፍ እሊ ወዕለ እግል እዝከር።- ሀ/ ቀደም እለ እት

ቀበት ዐድ ወካርጅ ገብእ ለዐለ መህረጃናት ወጠን፡ ፈርያቱ እግል ዕቅበትለ/ ሰኒ ወእኩይ አሽናክ

መህረጃናትነ እንዴ ቀየምከ፡ ተጃርብ እግል ልትነሰእ ምኑሐ/ ፍንቲት ተረት አንሳት

እት መህረጃናት እንዴ ትፈረገት ወትቀየመት፡ ዝያደት እግል አደቃበመ/ መአሰሳት ተእሂል-

ፍኑን፡ እት ረዘቆት ፈርያት ፈን ለበን ቱ ዶር እግል ልትቀየም ወልትአ’መርረ/ መህረጃናትለ ድወል

ለብዕድ፡ ምኑ ደርስ ወተጃርብ እግል ከሲብሰ/ በርከት ዐዋዲ

ኤረትርየ እንዴ ትሌሌት፡ እት ስያሐት ሐዞተ ለትትወቀል እቡ አግቡይ ባሰሮት ወብዕድ ለልብል ቱ፣እትሊ ወዕለ ዝያድ ሰማን

ውራቅ ብሑስ እተ ምዕል ሰልፍ ልትቀደመ እት ህለየ፡ “ሐዞት መህረጃን እት ዐማር ወጠን” እብ አሰይድ ክፍሎም ሚክኤል፡ “መህረጃን ኤረትርየ እት

ዲብ ገጽ 9 ልተላሌ

እግል መደት 20 ሰነት እት አስመረ ለገብአ መህረጃናት ወጠን ለቀይም ወዕለ ምን ዮም 6-7 ጁን እት አስመረ (ሐረት ኤክስፖ) ገብአ፣ ዮም 6 ጁን አክል ሕድ ሳዐት 8፡00 አስቡሕ እብ ዝክረት ሹሀደእ ለአስተብደ ወዕለ፡

ምን ኩሉ አቃሊም ዐድነ ለትወከለው ዲብ ዓዳት ወኩሉ መጃላት ፈን መቅደረት ለቦም፡ ዳርሳም ወእዩሳም ሓድራም እቱ ዐለው፣ እተ ውዘረእ፡ ውቁላም ሰብ ሰልጠት ሕኩመት ወጀብሀት፡ ቅያደት ዴሽ፡ ሜርሐት

ደያናት ወብዕዳም ዐዙመት ለገብአት እሎም ጋሸ ለሐድረወ መናሰበት፡ እሰልፍ ከሊመት መመቅረሓይት ልጅነት እብ አሰይድ ሰለሙን ጸሃዬ ትቀደመት፣ አሰይድ ሰለሞን እተ ከሊመቱ፡ እብ ዓመት ሀደፍለ ወዕለ ሚ ክም ቱ፡ አክል አዪ ውራቅ ብሑስ እግል ልትቀደም ክም ቱ ወዲብ ሚ መዋድዕ ለረከዘ ንቃሽ እግል ልግበእ ክም ቱ ለትሐብር ዐለት፣

ሐቆሁ ርኢስ ኢሰያስ አፍወርቂ፡ እለ ለተሌ ከሊመት ቀደመ፣

ሓይሳም ወሓይሳት መሻርከት ወዕለእሰልፍ እግል መነዝመት

ወምሽተርከት እሊ ወዕለ ሐምድ፣ መህረጃናት እት ኤረትርየ፡ ክ’መ እት ብዕድ እንዴ ኢገብእ፡ ናይ ኖሱ ፍንቲት-ቃነ ወእትጀህ ቡ፣ እት መደት ንዳል ለዐለት እግሉ አካን ውቅል ወሐዞት ወእት ብንየት ወጠን ዲበ ሐልፈየ 22 ሰነት ተሕሪር ለአግደዩ ዶር ህዬ፡ እለ ፍንቲት እለ ለልአክድ ጋር ቱ፣መህረጃናት ክም አርደት

ወመርሐለት፡ ተኣምርተ ደቅብ ምርወትነ እት መዳፍዐት እግል ፈርያት ወጠን፡ ሩእየት፡ ሸንሀት ወጸብሬ ገቢል፡ ውሕደት ወመትሓባር መዋጥኒን፡ እት አትፋዝዖት

ወዐንደቆት፡ ዐቦት ወተጠውር ናይ ለትፈናተ መጃላት ወአቃሊም፡ ርዝቅ ወሒለት-በርኮታት፡ እበ ቤንያይ አብካቱ፡ ሕሽሞታት እጅትማዕየት ወእቅትሳድ፡ ራሐት ወለውቀት መጅተመዕ ለልአርኤ ቱ፣ እሊ ኩሉ መዓኒ እት

ሽርሐት ለሸቀው ሰብ ብስር፡ እብ ክቱብ፡ ሙሲቀት፡ ድራመ፡ ሽዕር፡ ረስም ወስወር፡ አሽካል፡ ስስዒት፡ እብ ሰይፍ፡ ገለብ ወኮናት ለአርእዎ ለጸንሐው ለኢበጥር (ዳይናሚካይ) ተጠውር ወምህዞ ህዬ፡ ለረይሕ ወመትዐጃብ ለሐድገ ሐምዴ ዛይደት ለልአስትህል ፈርያት ሽቅል ቱ፣እብ ሕ’ዱድ ርዝቅ

ልትሸገብ እቱ ለጸንሐ ጸገም ወሽቅል ላኪን፡ ለኢተአትካርም ዐቦት ወተጠውር እግል ለአምጽእ ሰበት ቡ ላኪን፡ እብ ጅንስ፡ ቅያስ ወመትመዳድ፡ ለሔሰ ወለትደቀበ አግቡይ ነዘሞት ሰበት ለሐዜ፡ እሊ ወዕለ እሊ፡ እብ ለልአደሜዕ አፍካር ወፊናታት እግል ለአክትም እተምኔ፣

ዐውቴ እግል ገቢል!

ሕኩመት ኤረትርየ ወሕኩመት ጀምሁርየት ቻይነ እብ አሳስለ ወደያሀ እትፋቅየት፡ መድረሰት ህግየ ወዓዳት ቻይነ ዲብ ኤረትርየ ትከሰተ፣ዲብ ዮም 5 ዩንዮ

ዲብ አስመረ ፍንዱቅ አስመረ ፓላስ ዲበ ገብአ ዓደት፡ ውዘራእ ወብዕዳም ሰብሰልጠት ሕኩመት ኤረትርየ፡ ወርኢስ ጃምዐት ‘ጉዝሁ’ ናይ ቻይነ ዶክተር ቾን ህዪ፡ ሰፊር ቻይነ ዲብ ኤረትርየ ንዩ ኵያንግ ወብዕዳም ዲበ ሐድረወ ሐፍለት መክሰቲ፡ ወዚር ተዐሊም አሰይድ ሰመሬ ርእሶም ዲብለ አስምዐየ

መድረሰት ህግየ ወዓዳት ቻይነ ዲብ ኤረትርየከሊመት፡ ዲብ ፍንጌ ኤረትርየ ወቻይነ ለሀለ ናይ ዓዳት ወተዐሊም ዕላቃት ተቅዪር ለመጽእ ክም ሀለ ወድሐ፣እንዴ አትለ ህዬ ወዚር

ሰመሬ፡ መሻረከት ኤረትርየ ዲበ እብ መአሰሳት ቻይነ ለልትነዘም እድንያይ ናይ ዓዳት ወፈን ዕፌ፡ ዲብ መትባዳል ተጃርብ ወታሪክ ክልኤ ለደውለት ለቡቱ ዶር ዐቢ ክም ቱ እንዴ አሸረ፡ ብዝሔ ናይለ እግል ተዐሊም ውቁል ቻይነ ለገይሶ ኤረትርዪን ሸባባት፡ ተኣምርተ ናይለ ዲብ ተዐቤ ትመጽእ ለህሌት

ዕላቀት ክልኤ ለደውለት ክም ቱ እንዴ አሸረ፡ መትከሳት መድረሰት ህግየ ወዓዳት ቻይነ ለዲብ ትደቀብ ተመጽእ ህሌት ዕላቀት ሽዑብ ለረሽድ ክም ቱ ሸርሐ፣ወፍድ ሕኩመት ቻይነ

እንዴ መርሐ ለመጽአ ርኢስ ጃምዐት ግዝሁ ዶክተር ቸን ሆዪ እብ ጀሀቱ፡ ታሪክ ወዕላቀት ኤረትርየ ወጅምሁርየት ቻይነ እንዴ እሊ ዲብ እያም 20 ሰነት መትአሳስ ዕላቀት ዲፕሎማስየት ክልኤ ለደውለት ትትከሰት ለህሌት መአሰሰት ተዐሊም፣ ለዲብ ፍንጌሀን ለህሌት

ዕላቀት ዲበ ትወቀለት ደረጀት ለለአበጽሕ እግል ልግባእ ሰአየቱ ሸርሐ፣ሙዲር ልጅነት ለዓሊት

ተዐሊም ውቁል ኤረትርየ ዶክተር ታደሴ ምሓሪ እብ ጀሀቱ፡ መትከሳትለ መድረሰት ለእብ ጀሀት ክልኤ ለደውለት ለገብእ ልቃእ እብ ዋጅብ እት መንፍዐት እግል ልውዐል ለሰዴ ክም ቱ ወድሐ፣ሰፊር ኤረትርየ ዲብ

ቻይነ ሚስተር ንዩ ኵያንግ ህዬ፡ ለዲብ ኤረትርየ ክስትት ህሌት መድረሰት ህግየ ወዓዳት ቻይነ፡ ለዲብ ትጠወር ትመጽእ ለህሌት ዕላቀት ክልኤ ለጀሀት

ዲብ አደቀቦት ወሸዐብ ኤረትርየ ወቻይነ ዝያድ እግል ልትቃረብ ለባቱ ዶር ቀሊል ክም ኢኮን ሸርሐ፣ኩልየት ውቅል

ኮንፊሽየስ’ እንዴ ወከለት ከ ሊ መ ት ለ አ ስ ም ዐ ት ዶክቶረት ዋንግ ዥያሆህዋ እብ ጀሀተ፡ ክስትት ለህሌት መድረሰት ለመካሪት ጆኦግራፍየት ለኢከርዐ ዕላቀት ክልኤ ለደውለት ክም ተአደቅብ ዳምነት ክም ተ አፍሀመት፣ዲበ ዓደት፡ ኤረትርዪን

ደረሰ ህግየ ቻይነ ፍገሪቶም ለሸርሕ አናሺድ እብ ማዳሪን ቀደመው፣

12 ጁን 2013 3

እተ ሐልፈ ሓምሳይ ክፈል ሼክ ዐሊ እት ለአሰርብብ ሀለዮትለ ምሔርበት እት ሸክ ለኢወዴ ከበር ምን ኦሮ ገቤራይ ራክብ ክም ዐለ ወሰእየቱ ዛይደት ክም ዐለት ረኤነ፣ሐቆሁ ለሀለ ጸገሙ ንቅረእ፣ “ኦሮ መሓዝ እተ ለዓሉ

ህለው ቤለው ላኪን እብ ዕንቼ ኢረኤኮ’’ ቤለዩ፣ ወእግለ ገመሉ ዲብ ሸልግጥ ቀደም ማሲ ምድር ምነ አካን ተሀርበበ፣ እሊ ከበር እሊ እግል ሼክ ዐሊ ከበር ሰኒቱ፣ ገጹ ፈርሐ ለለሐዝዮም ዐለ ምሔርበት ህዬ ለረክበዮም መስለ እቱ፣ ፋርሕ ወርዩሕ ዲብ እንቱ ህዬ ደርቡ አተላለ፣ ምነ አካኑ አስክ ማሲ ምድር ሄረረ፣ ተዐብ ጽምእ ወኦፈ ለሀይ ከምን ለሀይ ምንመ አከ እቱ ኢተሐለለ፣ አርሓት እገሩ ነቅዕ ወደ ከትለሀፈ፣ አብራኩ እብ ተዐበት ዲብ ልትሀላበእ ህዬ አስክ ምድር ጸልምት እቱ ገይስ አምሰ፣ ሐቆ ከም ግያስ ለድምር ክምሰል ጸልመተ ዲብ ባካት ኦሮ እብ አድብር ለትከለለ ሕሊል ሸአገ፣ ምድር ሰበት መሰ እቱ ህዬ ላሊ ዲብ ኦሮ ዕንክላይ እንዴ ፈግረ ትመየ፣ ለባካት አዳም ሰበት ኢዐለ እቱ ህዬ ክለ ለላሊ ዲበ ረአስ ዕንክላዩ ዴደማን ጋብእ ትመየ፣ ለባካት አምበለ ልሰመዕ አጭፋር ወምን ቃብል ልሰመዕ ንቃይ ከረች ብዕድ ሐቴ ለትትረኤ አለቡ፣ ሼክ ዐሊ

ለመጽአት ትምጸእ ሰበት ቤለ ህዬ እብ ርሑ

ሹቁል ይዐለ፣ ለ ም ድ ር

ከበር ሕርየት ወለስድት ገበዩ 6ይ ወናይ ደንጎበ ክፋልጽልመት ወለድዋራት አምበለ ምን ቃብል ልሰመዕ ለዐለ ንቃይ አከሪት ሃድእቱ ለዐለ፣ ይአምር ጽልመት አምዕልቱ ዲኢኮን ምነ ባካቱ ሑድ ምን ልሄርር አዳም ወይሐግለ፣ ምስለ ዐለ እቱ ተዐብ ህዬ እምነቲት እንዴ ከ’በ ዲበ ክመ ንኡሻይ ሕርግዕ ክም ወደ ቀሸው ቤለ፣ ዙለ ወድዋራተ ወእግል

ክሉ እት ጋድሞታት ምፍጋር ጸሓይ ለነብር ሸዐብ እግለ ምን እሊ ድዋራት እሊ ለአግረሀዩ እሎም ከበር ሰኒ እንዴ ጸብጠ ክምሰል ጌሰ፡ እግለ ግራሁ ሓድጎም ለዐለ ውላድ ዐዱ እግል ልበሽር አዜመ እግል ዓርፍ ወእትገሴ እንዴ ኢልብል ምን ሰፈር እት ሰፈር ወምን ሄራር እት ሄራር ገብአ፣ ለሐዲስ ሄራር እብ ግንራሪብ በሐር አምበተዩ፣ ሐቆ ሰማን አምዕል ወላሊ ህዬ አመት እንዴ አለቡ ዲበ ለአምረ ዝለ ጠበሽ ቤለ፣ ሀንደጎት ልቡ ዝያደት ወሰከ እንዴ ተአከበ ልጸበሩ ወእብ ከበር ሕርየት ወምሔርበት እግል ልምጸኦም ልታከው ለዐለው ስካን ዝለ ዲብ ልሳረሮ ወለዐልሎ ወህቱ እግለ ውጅህት ብሸራቱ እንዴ ተሆገለ አስክለ ጅሙዕ ለዐለ ሸዐብ ዝለ ዲብ ለአሳድር። ምነ ቀሸው ብህል እተ ለዐለ አካን ፍርግጽ ቤለ፣ እስታቅፍር እላሂልዐዚም ቤለ ወምነ ስካቡ ሐሶሰ። ክምሰል ሐሶሰ እበ ልትሐለሙ ለዐለ ሕልም ርዩሕ ወፋርሕ ዲብ እንቱ ህዬ ገጽ ቀደም አሳደረ፣አማንቱ ሕልም ሕልም

ምንማቱ ሕልም ሰኒ ላተ ሰኒቱ፣ ፋል ሰኒ ሰበት ገብአ ህዬ ሰእየት ለሀይብ ወደሚር ረይሕ፣ ሼክ ዐሊ እት ስካብ ወሕልም ዲብ እንቱ ላመ ምድር በር. . እብ ጽብሐት ሰበት ወደ እስእኑ እንዴ ላወሸ አዜመ ለልሰዕ ዐለ ሰፈሩ አተላለ፣ ምነ ዕንክለት ዲበ ዐሪብ ወምነ ዐሪብ ዲበ ሕሊል ትከረ፣ እበ ሸምሸም እገሩ ሸፈሕ እት

ልብል ወዶልዶል ድማን አው ድገለብ ናይለ ሕሊል ዲብ ልትዐዴ እበ ምሴት ቀዳሚት ነፈር ሕቡሩቱ ለዐለ እትጀህ ሄረረ፣ ለምድር አምበለ ኣሱርለ ንዋይ ወኣሱርለ ላሊ ካይዱ ለዐለ አከሪት ብዕድ ሐቴ ይዐለት እቱ፣ ምነ አካኑ ገበይ ሰዐት ክምሰል ጌሳቱ ህዬ ድማን ወድግለብ እንዴ ትዋለበ ዲበ አካኑ ተወው ለቤለ፣ ጀለጀላሉ እንብዕ እት ወክድ ፈርሐትመ ክምሰል ትትከዔ ለወክድ ለሀይቱ ለትየቀነ፣ ለአካን ለእለ ባጽሕ ዐለ ገረግር ሱዳን ክምተ ኣምር ዐለ፣ መጋውሕቱ ጸሓይ እብ መሸንገ’ለ አድብር ሻበት ዐለት፣ ሼክ ዐሊ እብ ሀጋይኑ ወሰፈላሉ እት ሓላት ጋብእ ዐለ፣ ምን ክትረተ ስርቤብ ህዬ ለከይዱ አካናት ደሌ ይዐለ፣እት ክእነ ሓለት ዲብ

እንቱ ወእበ ሕሊል ገጹ ለዐል ዲብ በይእ ምን ቅብላት ቀበትለ ሻፍቅ ድበዕ ሓዩት እትሸለሽል ለመስሎ ሽባን ቀበትለ ድበዕ ወሰሮም ዲበ መሓዝ ሬግ ዲብ ልብሎ አንጸረ፣ አሰልፍ እተ አካኑ ቀሰ ወሐር ሸንከትለ ምሔርበት አሳደረ፣ ኣቤ ለእሉ ፈቴ አውጀሀት ረአ፡ እብ ፈርሐት እት ሓላት ገብአ፣ ለእለ ልብል ወእለ ለሐድግ በዴት ምኑ፣ ክምሰል መጅኑን ድማን ወድገለብ ዲብ ለአትቃምት ህዬ አስክለ ሙናድሊን ሰዐ ወአሳደረ፣ ለሐቴ ብትከቶም ሸገሪት መናጥሊን ወከማይሽ ላብሳም ለዐለው ሰብ ደገድግ ወዝናር ህዬ ሼክ ዐሊ ክምሰል ረአው ህቶምመ ትወሀመው፣ ለብዲር ዲብ ድጌ ዝለ ሓ ድ ጋ ሙ ለ ዐ ለ ው

ነፈርቱ ሚ ብዕድ ህቱ ምን ገብእ ህዬ እትሊ ምድር እሊ ከፎ መጽአ ትቀወ እቶም፣ ሼክ ዐሊ ላተ ምነ አካኑ ክመ ህመም ግርጉር ዲበ ወራይዶም ኪተት ገብአ እሎም፣ ለሙናድሊን ከረ ሽሂድ ኢብራሂም ዓፈ፡ሽሂድ ዐሊ ሰይድ ዐብደለ መሐመድዐሊ ዕመሩ፡ አድሐነ፡ ህላል ወብዕዳም አሌለ ምኖም፣ ሼክ ዐሊ እብ ፈርሐት ልቡ ሀንደገ፡ ዕንታቱ ነብዐ ወጅሁ ትነወረ ወዝያደት ክሉ ህዬ ደሚሩ ትረይሐ ወዓረፈ፣ ለዝያድ ሰለስ ወርሕ ዲብ ደብር ገደም፡ ዲብ አስመረ ወከረን፡ በርከ ጋሽ ወሴቲት ወዲብ ሱዳን ለአተንትን እቦም ወለሐዝዮም ለዐለ ምሔርበት ሕርየት ረአሶም እተ ናይ ቅብለት አድብር ወእብ ፍንቱይ እት ገረግር ሱዳን ረክበዩ፣ ለሙድሊን እንዴ ወሽዐው ወእንዴ ገምለው እግለ መሓዝ ማልኣሙ ዐለው፣ እብ ለህበት አስክ ልትሐጸብ ህዬ እግል ክሎም ሰዐመዮም ወምን ናቅስ ምኖም ክምሰል ሀለ ክመ በዐለ ዓርባይት ጋንሐዮም፣ሼክ ዐሊ ከበር ናይለ

ምሔርበት ሕርየት እግል ለአምጽእ እሊ ክሉ አግቡይ ጉዱድ ምንመ ዐለ፡ ምን ገረግር ሱዳን ላተ እት ዝለ እግል ለአቅብል ወምነ ፍራስ ምሔርበት እት ሽፍር ድጌሁ እግል ለአንጎጌ ኢረደ ወኢሐረ፣ ምስለ ሙናድሊን ህቱመ ለእግል ሕርየት ልጠለብ ምኑ እግል ለአትምም ህዬ እት መሕበሮም ተዐገለ፣ ለግራሁ ሓድጎም ዐለ ዐዱ ወሸዕቡ ላኪን እሊ ከበር እሊ

እግል ለኣሙሩ ቦም፣ ምናተ ሼክ ዐሊ ላተ በ ታ ተ ን

ግረ ይአቀብል ቤለ፣ ለሙናድሊን ሕርየት ላኪን እግል ሼክ ዐሊ አሰልፍ ዐዱ እግል ሊጊስ ወሐር እግል ለዐሬ ምንመ አትሓለው ህቱ ላተ ‘’ሕርየት ናይ ኦሮ ክልኦት መስኡልየት ኢኮን አናመ ምንኩም ይእትፈደል እግል እናድልቱ እግል ኢሙትቱ እግል እቅተልቱ’’ ለልብል ሽዑር ዝያደት ደሚሩ በጭበጨ ወእቅባለት ግረ ህዬ ዔብ መስለት እቱ፣ሐቆ ከም ሓይል ማይል

ወጎማት ሼክ ዐሊ አሰልፍ አስክ ዐዱ ዝለ እግል ለአቅብል ወሸዐብ ሹቁል እቡ ለዐለ ቴለለ ምሔርበት እግል ለአስእሎም ወሐቆሁ እብ ብሼሹ ዲብ ዐድ ልግበእ ውዲብ ከደን ምኑ ለትጠለብ መስኡልየት ወጠን እግል ለአግዴ ምስለ ምሔርበት ትዋፈቀ፣ ህቶ’መ ግራሁ ምነ ዐለው እቱ ሕዱድ ሱዳን ዲብ ምድሮም እግል ልእተው ወዲብ ቅብለት ሳሕል እንዴ ገብአው ህዬ ለናይ ሕርየት ሀደፎም እግል ልሰርግሎ ንዳሎም እግል ለአተላሉ ክምቱ ሐብረው፣ ሐቆ እለ ህቱመ ለብጉስ እሉ ዐለ ከበር ምሔርበት ሕርየት እንዴ አግረሀ አስክ ዙለ እግል ልትበገስ ዋፈቀ፣ ወእብላሁ ምን ገረግር ሱዳን አስክ ዙለ ምስለ ምድር ለለአምሮ ጀማለ ትበገሰ፣ ወእግል ሸዐብ ዝለ ከበር ተሕሪር ወለስድት ገበዩ ፌረቀ እሎም፣ ላመ ሸዐብ ሰኒ ትረይሐ አንበሰጠ፣ ጉጉ ሰክበ ወደሚሩ ትረይሐ፣

12 ጁን 2013 4

ኣድም አብሐሪሽ

እት ኤረትርየ ለነብር ገቢል፡ ሴዕ ቆምየት ምንመ ገብእ፡ ለትጀምዑ ወጠን፡ ደያናት፡ ዓዳት ወነባሪ ሰበት ቡ፡ ዲመ ሕድ እት ለሐሽም ወምስል እት ነብር ለጸንሐ ገቢል ቱ፣ ክል ቆምየት ህዬ ናየ ዓዳት ፍንቱይ ሰበት በ፡ ዓዳት ኤረትርየ እብ ዓመት በርኮታት ብዝሔ ወመትፈናታይ ህለ እቱ፣ ክምሰልሁ ሰበት ገብአ፡ እለ በርከት ብዝሔ ምን ሰነት 1992 እንዴ አንበተ፡ እት ሐቴ ሐረት ኤክስፖ እት አውረሐት ከረም ምን ጁላይ አስክ ኦገስት እተ ህሌት መደት፡ ለእግል ኩለን ቆምያትነ፡ ዓዳተን ወገበይ መንበረተን ለሸሬሕ መህረጃን ወጠን ገብእ ነብረ፣ እትሊ ክልኦት ዐቅድ ለገብአ ሰኔታት፡ መህረጃናትነ ሚ ሰኔት ወሚ እኪት ዐለየ ዲቡ ለቀይም፡ “ መህረጃን ኤረትርየ ምን አየ አስክ አየ” ለልብል ወዕለ ምን ዮም 6-7 ጁን እት ኤክስፖ ገብአ፣ ከምስተርከትለ መህረጃን ሚ ልብሎ ዐለው፡ ምስሎም ለወዴናሀ ህጅክ ንርኤ፣

ፍሰሃዬ ደበሳይ (ወድ ከረን)፡ ምን መክተብ መርከዚ ጀብሀት ሸዕብየት - ሽዕበት ዓዳት ቱ፣ ከዲበ መህረጃን ረአዩ እግል ለሀበነ እትሁግያሙ ዐልነ፣ ፍሰሃዬ፡ “እሰልፍ መህረጃን እግል ሸዐብነ፡ ምሕል ጅንስየቱ ለልአምር፡ ለልአክብ ወለልአርኤ እቱ ቱ፣ ዐድ እግል ተሀሌ እግልከ ሐቆመ ገብአት፡ ዓዳት እግል ለሀሌ እከ ቡ፣ ለዓዳትከ ሐቆ ተአመረ፡ ዲበ እለ ጊስከ ጊስ፡ ለዲቡ ሑቡር ህሌከ መጅተመዕ ብዕድ፡ ሚ ጅንስ እንተ (ኤረትሪ፡ እሱቢ፡ ሱዳኒ፡ አምሪኪ፡ ብሪጣኒ…) እበ ዓዳትከ ፈርገከ፣ ላኪን እንተ ምን ቀዳምከ፡ ለዓዳትከ እብ ሕበር እንዴ ሸገብካሁ እትኡሙሩ ቱ እግል ትጽነሕ ብከ፣ እሊ አዜ ለወዴናሁ ወዕለ ተቅዪም መህረጃናትነ ህዬ፡ ንጻፍ እግለ መጽእ ተጠውራት ዓዳት ወአጅያል ቱ፣ ምናተ ለተቅዪም አዜ እንወድዩ ህሌነ፡ ከተአከርነ እብል፣ ተቅዪም ሬመ ምን ገብእ፡ ምን ሰል-ሰለስ ሰነት እግል ትቀይም ወሚ ህሌነ (እኩይ ወሰኒ) እግል ቲበል ብከ፣ ለመልእክ እበ ዓዳትነ ነአበጽሑ ወሰኒ እንሸርሑ ህሌነ መ ኢፋሉ? ለመጅተመዕ ህዬ፡ ለእሉ

መህረጃናትነ፡ ደሎ ውርስነመህረጃናትነ፡ ደሎ ውርስነለሐዜ ዐዋዲሁ ረክቡ ሀለ? ኩሉ ፈርያት ፈን ህዬ ከፎ ለሄርር ሀለ? እግል ንቀይሙ ብነ” ልብል፣ፈናን ፍሰሃዬ ደበሳይ፡

“መህረጃናትነ እት አቃሊም ልግበእ መሐረት ኤክስፖ” እተ ልብል ሰኣል እንዴ ወድሕ፡ “መህረጃናትነ እት አቃሊም እብ ተር-ተረት እግል ልግበእ ቡ፡ ሰበቡ ህዬ፡ እለ ኤክስፖ በዲር ሽቂት ወጣፍሐት ጸንሐት፡ ግረ እላመ ለአቃሊም ኖሰን መህረጃን ለአዳልየ እት ህለየ፡ ሐረቱ እግል ልብነየ ወሊደየ እሉ ቀድረ፣ እምበልሁመ ለአቅሊም አርዛቁ ምን ቅሩብ፡ ሓለት ጀዉ ዐዱ ወመካሪት ምድረ ምን ቅሩብ ሰበት ለአትአምረከ፡ ለአቅሊም እግል ኖሱ ለመጽእዉ ጋሾታት እቦም ለመአሰሳቱ እግል ለሐሶሴ ወልሽቄ ቀድር፣ ለውላድ ካርጅ ምን ገብኦ ወእት ካርጅ ለነብሮ መዋጥኒን፡ በዲር ኤክስፖ ሌጠ ለአምሮ ለዐለው፡ ግረ እለ አቃሊሞም ለአምሮ፣ ከዲበ አቃሊም ወዴካሁ ምን ገብእ፡ እት ስያሐት፡ እቅትሳድ ወሐረከት እግል ተሀሌ፡ መህረጃን በረ ምን አስመረ ለገብእ እቡ አብሳር እግል ልትሐዜ ብዙሕ ለናቀሽነ ዲቡ ጋር ዐለ፣ “መህረጃን እት ኤክስፖ እግል ልግበእ ቡ፡ ሰበቡ ህዬ መሳክብ እግለ መሻርከት ለበ አርደት አስመረ ሰበት ገብአት!” ለልብሎ አንፋር ዐለው፡ ላኪን፡ እት ኤክስፖ እበ ፈርያት መህረጃን ለመጽእ አዳም ናይለ ስስ አቅሊም፡ እት መዳርስ ቱ ሰክብ ለጸንሐ ወላመ መትዛይረት ህዬ ለበዝሐው ምኖም ምስል አዳሞም ወሑዳም ማል ለቦም ህዬ እት ሆቴላት ለሓሉፈን ዐለው” ልብል ፈናን ፍሰሃዬ ደበሳይ፣ ሰበት እሊ መህረጃናትነ እታመ ብዕድ አቃሊም፡ ብንየት ትሕትየት ረክበ ምን ገብእ፡ ምን ሕድርኖት መስከብ ወብለዕ ወስታይ ለትአፈርህ

ጋሪት ክም ይህሌት ምሽተርከት ለረከዘው ዲበ ንቅጠት ዐለት፣ “ዮም ዓመት እት አቅሊም

ግብለት እግል ልግበእ ሕሩይ ሀለ፣ እለ ከጥወት እለ ረዴክወ፡ ሰበቡ ህዬ፡ ለተጅርበት እብ አቅሊም ግብለት አስተብደዮተ፡ እንሻለህ ህቶም ዮም ዓመት ነጅሖ ዲቡ ለመህረጃን ከሰኒ ለአትፋጉሩ ወሐቆሀ እግለ ብዕድ አቃሊም ተጅርበት ትገብእ፡ ወዲብ ስያሐትመ ለአቅሊም ሰኒ እግል ሊጊስ ቀድር” ወስክ ወድ ከረን፣

አልጋኔሽ ኪዳኔ (ዓ’ማ)

እት ቅስም ተጃረት አቅሊም ግብለት ለትሸቄ መናደለት ገዲመት ተ፣ እትሊ “መህረጃናትነ ምን አየ አስክ አየ?” ለልብል ወዕለ ሹርክት ዐለት፣ ከዲበ መካስብ ናይለ ወዕለ ጌማም መህረጃናት እት ትትሃጌ፡ “እሊ ወዕለ ለሸዓሩ፡ ‘መህረጃናትነ፡ ደሎ ውርስነ’ ልብል፣ እለ እግል ኖሰ ልእከት በ፣ ክ’መ ገርሀት ለእብ መስኖ አው ደሎ እግል ተአፍሬ እግልከ ለትአሰትየ፡ መህረጃናትናመ እግለ ዓዳትነ ወዐደዮቱ ዲበ አጅያል ዶር ውቁል ሰበት ቡ ቱ፣ እትሊ ናይ መጃሜዕ መክሐዳታት እንወድዩ ለዐልናመ፡ ክል መሻርካይ እምበል ሓብዖት ናዩተ ቤለ ወሀደግነ ዲቡ፣ ልጅነት ዓያድ ወጠን ህዬ፡ እሊ አዜ ለወዴቱ ዋዕላ ተቅዪም፡ እግለ ግረ እለ ለመጽእ

ተጠውራት መህረጃ’ነ ሴድያይ ሰበት ቱ፡ እት አውካድ ሐጪር እግል ትቀይሙ ወተአተላልዩ ወጅብ እብል፣ ቀደም እለ እት አቅሊም ምግብ ገብእ ለዐለ ጅግራታት መህረጃን፡ ግረ እለ እት አቃሊም እግል ልግበእ ሕሱብ ሀለ፣ እሊ ህዬ መካስቡ ብዙሕ ቱ፣ እሰልፍ እግለ አቅሊም ለልትሐረክ ወለኢልትሐረክ ኣሳሩ እንዴ ጀምዐ ምን ቅሩብ እብ ተካሊፍ ሑድ ለአርኤ፣ እብ እቅትሳድ ከስብ፡ እብ ስያሐትመ እተ ክምሰልሀ፡ መሻርከትለ መህረጃን ህዬ፡ ሕኔት ኦሮት ምድር ሌጠ ለአምሮ፡ አቅሊም ግብለት፡ ጋሽ-በርከ፡ ዐንሰበ፡ ቅብለት ወግብለት በሐር ቀየሕ እት ገይሶ፡ ኩሉ መካሪት ዐዶም፡ ሓለት ጀው ወአርዛቅ ለአምሮ፣ እሊ ህዬ እብ ሰላዲ ለኢልተ’መን መካስብ ቱ” ትብል አልጋኔሽ፣

ፈናን ኦሃጅ እድሪስ ዑስማን ልቡሉ፣ ምን አቅሊም ጋሽበርከ እተ መሕበር ጎማት እግል ልሻርክ ማጽእ ዐለ፣ “መህረጃን ለገብእ እሉ ሀደፍ፡ ዓዳት እግል ልትዐቀብ ወልትሐንፈል እቡ፡ ለስዕ ለቆምየት ህዬ፡ እት ሐቴ ሐረት እንዴ ትጀመዐየ ሕድ ለልአምረ እተ መናሰበት ዐለ፡ ደዓም መህረጃን አቅሊም ምግብ ጋብእ ዐለ፡ እለ ሐቴ ሰነት ምስል ምን ኢወዴናሀ፡ ለአቃሊም ምን ሕድ ትራየመ፣ በዲር አዳም እግለ ነስኡ ጀዋእዝ ሕበር ፈርሕ ወእግለ አምዕለ አትመሞት ህዬ፡ አምዕል ፍንቲት ሰበት ተ፡ ለአብየ ዐለ፣ ከአዜመ መህረጃን ናይ ጅግረ ወክ’መ በዲር ዐለየ እት ኤክስፖ እግል ልግበእ ቡ እብል፣ እት አስመረ ግብአቱ ምነ መሳክብ ወኬንመ ብዕድ መሳልሕ ብዕድቡ፡ ለዲብሎማስዪን ውላድ ካርጅ እት አስመረ

ሰበት ነብሮ፡ ምን ቅሩብ ልርእዎ እግልከ ወእት ዓዳትነ ልትሐሰሮ፡ ከህረበት 24 ሳዐት ሰበት ተ፡ ለመትፈርጀት እብ ዕንቶም ለኢረአዎ ነሻጣትለ መህረጃን፡ እብ ተለፍዝዮት ወራድዮ እግል ልታብዕዉ አብካት ብዙሕ ሀለ፣ ሐሬ ለአቃሊም ኩሉ ለልአትሐዜ አሽየእ ክም አትመመየ፡ ክል አቅሊም መህረጃኑ እግል ለአዳሌ ቀድር፣ ላኪን መህረጃን ደውለት እተ ዓሲመት ምን ገብእ ወሔሰ መስል እቼ፣ ካልእ፡ ክል ፈናን እንሰር

ሸቄ ለሀለ (ሰሕፊ ልግበእ፡ ሔልያይ፡ ሙሲቃር፡ ሙመስል፡ኬትባይ …)፡ እግል መስለሐት ገቢል እንሸቄ ሰበት ሀሌነ፡ ክሊነ ምስል እንዴ በጠርነ፡ ኦሮትከ እበ ፈን ለእቱ ክሱእ እግል ንትዓወን፡ ወናቅሰት ሕድ እግል ነአትምም ወጅበነ፣ መሰለን ክል ሰነት እት አስመረ እንዴ ነአርኤ፡ ናይ ሚክሰር ምሽክለት ትሳድፈነ ዐለት፡ ሐትሐቴ ዶልመ ነዋቅስ ሳድፈከ፡ ለፈናን ህዬ ሓጀት ሐቆ ትነቅስ ምኑ፡ ልጠርጠሽ፣ ከእሊ ሚክሰር ምን ልትቀ’ደር፡ ክል አቅሊም ናዩ እት እዴሁ እግል ልምለክ ወጅብ፣ ለስዕ ቆምየትነ ህዬ ለዓዳተን መካድን ቱ ኢልትወሔ፡ ለቀድረ እግል ልንሰእ ምኑ ቱ ወዕምር ለሀበዩመ እተ እለ ዐ’ረ ሐዞቱ ነስእ ምኑ” እት ልብል ህግያሁ ለአተምም፣

ፈናን ኦሃጅ እድሪስ ዑስማን

አልጋኔሽ ኪዳኔ (ዓ’ማ)

ፍሰሃዬ ደበሳይ (ወድ ከረን)

ምን መጃምዕ ንቃሽ

12 ጁን 2013 5

መሐመድ እድሪስ

እተ ሐልፈ ክፈል ክምሰለ ቀርአኩሙ፡ ምስል ነፈር ማሕበር ወጠን ምስኩናም ሐርብ መሔርበት ኤረትርየ ሙናድል ኢብራሂም ሳልም መለሀይነ መሐመድ እድሪስ መሐመድ ለወደየ መቃበለት 9ይ ክፋለ ቅዱማም እግልኩም ዐልነ፣ ክምሰለ ህቱ ለዳገመዩ እግልነ ህዬ። ለዲብ ሰነት 1979 በርሶዳን ለአተው ምስኩናም ሐርብ ሙናድሊን። ክልኤ እግሮም አው ሐቴ እግሩ ወሐቴ እዴሁ ለትቃረጨው። ዕንታቶም ለዖረ። ምስል ዐወር ዕንታትመ እዘኖም ለጸመው ወአፉሆም ለትለገመ። ሐንግሎም ወታክያት ዔጻቶም እንዴ ትዘበጠው እብ ሸለል ምን ምትክራሮም ለኢቀንጾ አዳም ለበልሶም። ለለአበልዖም ወለለአሰትዮም። ዲብ ቀይቡበት ለነብሮ። ወብዕዳም ፍራስ ክም ዐለው። ወለምስኩናም መሔርበት ኖስ-ኖሶም ሕድ ሰዱ ወለአትሓጥሮ ክም ዐለው ሻሬሕ እግልነ ዐለ፣ ዮም ህዬ ዓስራይ ወናይ ደንጎበ ክፈ’ለ መቃበለት ትተላሌ፦ክምሰለ መሔርባይ

ኢብራሂም ሳልም ዳግሙ እግልነ ለዐለ። ዲብ ሐረት እሎም እት መደት ግድለ ታሕሪር ዲብ በር-ሶዳን ለዐለው ወዮም ጽባበቶም ዲብ መዐስከር ደንደን አስመረ ለህሌት ፍራስ ምስኩናም ሐርብ ኤረትርየ ዶል ተአቴ። ብዞሕ ትርኤ፣ ረአይ ሌጠ እንዴ ኢገብእ መጥመጦርለ ረአይለ ዕንታትከ እዘንካመ ብዞሕ ሰሜዕ፣ እብ ሰበብለ ዲብ ገሮቦም ራፍዓሙ ለህለው ተረርፍ ሐጻይን እብ ወጃዕ ዓሳብ (ነርቭ) ለልትዐዘቦ። ለኢተአትካርም መጺጸት እበ ኩሉ ገሮቦም ለለአርዐዴ። ዲብ ረአስ ዐጀላት ለትገሰው ምን ትርኤ ታማም መስሉከ፡ ምን ምተሐት ላኪን ገሮብ ሓቅቅ። አርወሐት ሰርሰሮ። ለኢልርኡ እብ አዳም ለልትመርሖ። ሰልሲቱ በህለት ናይ ስ’ማዕ። ህግየ ወረአይ ከፈፍል ገሮቦም ለሐግለው። እብ ዐላይም ተማታም ወሕሩፋት ሌጠ ለልትፋሀሞ። ዲብ ሐርብ ታሕሪር ልግብእ ወሐርብ ሕፍዘት ስያደት ወጠን ምነ ለትዘበጠው ዲበ አምዕል አስክ እለ ምን ምትክራሮም ለኢቀንጾ። ዲብ ቅያብ ለነብሮ። ሐነግል ሁጉፍ

36 ሰነት። እት ኩርሲ ዐጀለት

(10ይ ወናይድ ደንጎበ)

ወብዕድ ትርኤ፣ ቅ ብ ላ ት ለ ረአይለ ዕንታትከ ላኪን። እበ ለጀረ ዲቦም ምስክነ ድቁብ ለኢባሉ ፍራስ። ክል ዶል ማሕበር ሰሓቅ ወትልህየ። ድግም ፊቃዶ ለ ሐ ል ፈ ሕሩባት ተሕሪር ወ ዝ ክ ር ያ ቱ ። ኤማን ሳብት ወቀልብ ሓድር። እብ ምስክናሁ

ለሸንን ወለልትሐበን አፍካር ወታሪክ እንዴ ዳግሞ ትሰምዖም፣ እተ ሐረት ምስል ለነብሮ ፍራስ። መስኡልየት ራፍዓም ለዐለው ሜርሐት። መርሕዎም ለዐለው ጅኑድ። ነኣይሽ ወዐባዪ። አንሳት ወተብዕን። ውላድ ኩለን ቀውምያትነ ወድያናትነ። ዲብ ዴሽ እገር። ቅወት ረሻሻት። ቅወት መዳፌዕ ክቡድ። ዲብ ሀንደሰት ዐስከርየት። ሰዋጌን ደ ባ ባ ት ።መድፋ ዕጅያት መዳፌዕ ወሞርታራት ልትረከቦ ዲቦም፣ ክምሰለ ምን አጅል ኦሮት ሀደፍ ዓድል ለትሰየፈወ አዜመ እብ ሕበር ዲብ ሐቴ ጢሾ ዕጉላም ዶል ትርእዮም። እምበል ሸክ ለኢተምተመት ምናተ ለኢትነፈዐናበ ከዝነት ታሪክ ክም ብነ ትትአከድ፣ ለዐቤት ለተአስፈከ ጋሪት ምን ተሀሌ ህዬ። ለበዝሐው ምነ ለመስከነው ፍራስ። አጥዋጥ ዔጻቶም። አስግደቶም ወሐንግልቶም ለዝቡጣም መሔርበት። በክት ውላድ ኢረኪቦምቱ፣ እግልሚ ለዘርእ ውላድ ለለአፈሬ ከፈፍል ገሮቦም ሰበት መስከነ፣ ምስል እሊመ ኦሮት እግል ኖሱ ሰዳይት ለተአትሐዝዩ ምስኩን እበ ለቡተ ሒለት እግለ ለለሐምቁ እንዴ ለዓውን ዶል ትርእዩ። “ሕነ ለሕያያም ወርበዓም ህዬ ሚተ ተረትነ” ለልብል ሰኣል ዲብ ደሚርከ ቆቅሰከ፣ ምስኩናም ሐርብ። ክምሰለ

እተ ለሐልፈ ታስዓይ ክፋል መሔርባይ ኢብራሂም ሳልም ለሸርሐዩ እግልነ። ክም

ምስኩናም ዲብ ሐቴ አካን ምን ልትከምከሞ አስክ እለ ዮም። ለሀይከ እግል ለሀይ እንዴ ሰዱቶም ለነብሮ፣ መሰለን። ዲብ ቀበት ሐረት ምስኩናም ሐርብ መሔርበት ዲብ መደት ግድለ ታሕሪር ልግበእ ወአዜ ተስፋይ ብርሃነ ክም አብ። እም። ሜክራይ። ኤማን ለለአሰይፍ ወለለሐርብ። እብ መቅደረቱ ምን ሰዳይት ብዕዳም መልህያሙ ሐር ለኢልብል ክምሰልቱ ሻሬሕ እግልነ ዐለ፣ ክምሰሌሁ ለመስሎ ብዕዳም ስቡላም ወሰአየት ለኢበትኮመ ሀለው፣ ለህለው ባኮም መልህያሞም ናይ መብዳእ መልህያሞም ሰበት ገብአው። እት ቀበቶም ምስክነ ክቡድ ለቦም ክም ከራለ ለትዘከረ ሽሂድ ማሕሙድ ወለመስሉ ረፈዖ ወራዑ፣ ምለዐል ኩሉ ላኪን። ለበክት ረአይ። ስማዕ ወህግየ ለሐግለው ፍራስ እብ ከአፎ ክም ልፍህሞ ወለአፍህሞ ድቁብቱ፣ ከሙናድል ኢብራሂም እብ ክሱስ እሊ እንዴ ለሓኬ።- “ ፍንቲት ሚሀሌት። ገሌ

መሻክል ሳደፌከ ምን ገብእ ለመሻክል ሐቆመ ትከበትካሁ ብስር ሀለ፡ ከአፎ ክም ትገይስ እበ። አው ከማን ከፎ እግል አዕማል ዮምየ ናይከ አው ከማን ለሀሌከ እተ ውቀት ከአፎ እግል ተሓልፈ ከምሰል ብከ ትባስር፣ አዜ ተስፋይ እብለከ ህሌኮ ሰነት 1976 ዲብ ድባርወ ጅሩሕቱ፣ ሰበር ቀጤ እንዴ ህሌነ እብ አፍ ልቡ እንዴ ሰክበ ጆዝ መጀርሒን ለልትሰፈፎ እቡ እግሉ ቃርጭ እግሎም ዐለ እግለ ሐካይም፣ ባሬላት ለትሸጠጠ ሀለ ምን ገብእ እግሉ ካይጥ እግሎም፣ አዜ ምን በዲሩመ ያዕኒ በዐል ምርወትቱ ወበዐል ምህነትቱ በሀለትቱ፣ አዜ ለምህነት መምክን አይ ሽእ ለሀለ እብ አብሳር እንዴ ወዴከ ለትሸቄ እቡ ክም እለ ለአዜ ሸቁ እበ ገአው ምን ገብእ ክም ብስር አሊ ክም ምህነትመ እግል ትትነሰእ ትቀድር፣ አዜ አክር እሊ ጅልድ አምጸአ ተስፋይ፣ ወፍዴላት ናይ

ትግርኘ ወደ እቱ፣ አዜ እሊ ፍዴላት እሊ። ለአጸብጡቱ፡ ወእበ እንክሩ ኦሮ ኣርቃም ወደ እቱ፣ እብለ እብ ፍዴላት ሐጀት ለስመ እግል ልዝከር እግሉ። እብለ ሄኒ አሳሚ እግል ልዝከር እቡ። ዓመተን ሄኒ እግል ልትፋሀም እ’በ ለወደየ እግሉ ብስርቱ እሊ፣ ዲቡ እብ ኮለ እንዴ አልጠአየ እግሉ ለፍዴላት እቡ ያዕኒ ክም ልትፋሀም ወደዩ፣ ምን ማሕሙድ አዜ ተርፍ ዐለት ለእብለ አለብዬኒ እግልሚ። እሊ ፍዴላት እሊ ሐቆለ ወደ እግሉ ማሕሙድ ኖሱ ልትሰአለከ ያዕኒ እግል እስትፍሳራት ኖሱ እግል ልውዴ ሐዜ፣ ያዕኒ እግል ለኣምር ሐዜ። ሚሀለ ልብለከ፣ መሰለን እጅትማዕ ሀለ ገብአ ምን ገብእ ሚቤለው ብኹሱስ እጅትማዕ ልብለከ፣ ወዴዕ ናይ ዐድነ ከአፎ ትገይስ ህሌት ለአስእለከ፣ ያዕኒ ልትሰአለከ እቡ ወአፍሀሞት ለሐዜ፣ አዪ ሽእ ዛቱ ክእነ ገብአኮ እንዴ ቤለ ማሕሙድ ሳክብ ኢኮንኒ፣ ፈልዘ እሊ ለህሌነ እቱ አካን። ምነ ቤቱ ፈግረ ምን ገብእ እተ ሐዘ አካን በጼሕ ዐለ ማሕሙድ፣ ኩርሲሁ ረፌዕ ጸሓይ አስቦሕ እግለ ልጻሌ፡ ሐረከት ወዴ። ክለብ ናዲ ሀለ እግልነ ዲቡ በጼሕ። ምስል አዳም ልትራከብ ምስል ጀማዐት። አካን ቤቱ ለአቀብል። ነዳፈት አውለውየት እግሉ ሀይበ አነ፣ ምን ሐማም እንዴ ፈግረ ክእነ ቤልካቡ ምን ገብእ እበ ሐሩቀት እግል ልዝበጠከ ሐዜ፣ እብሚ ነዳፈትተ፣ ወለ እበ እዴሁ ያዕኒ ስድፈተን ጸበጥካሁ እበ ምን ገብእ ኢረድያኒ፣ እንሳን ነዲፍ ዐለ። ርያዲ ዐለ። ፋህም ዐለ እግል ኢበልመ እቀድር ያዕኒ፣ ህቱ በስ ክመ ናዩ እንዴ ነስአ ለሓለት ገይስ እበ ዐለ፣ አዜ ለአዳም ምን በረ ዶል ልርእዩ ላኪን። ወአማንተ ሄኒ፡ ጽሙም ዎዕውር ከአሆ ነብር ሀለ? እግል ሊበል ቀድር፣ እሊ ቀደም ዐስር ሰነትቱ ወለ መምክን እግል ይክለጥ እተ ተዋሪኽ አልምህም። ሃዲ ዐለ፣ ወለእግለ ሀደው እግሉ ሀዬኒ

ይአተፈቀት ባኩኒ፣ ወለት ሽውየ ሕ’ምት ዐለት፡ፍነሃየ ላኪን ብዕደት እግለ ሀደ ወምነ ክልኤ ውላድ ሐድገ በህለትቱ ማሕሙድ”፣ መሔርባይ ኢብራሂም

ሳልም። ለታሪክ ብዞሕ ወረዪምቱ፣ እብ ሑድ-ሑድ ምን ኢገብእ። ኩሉ ሐቴ ዶል እግል ልትሸረሕ ለቀድርመ ኢኮን፣ ከዲብ ደንጎበ። ምንእነ ለተርፈት ወእግል ትትበሀልበ ለትብለ ምን ተሀሌ? “አነ ክ’መ እግለ ዘከርካተ፡

እተ ዓ’ምየት ናይለ ታሪክ መጽአነ ምን ገብእ ምን ሰነት 1976 እምቤ። አስክ እትለ ውቀት እለ ለመስናሁ፣ ማይቃርብ ዐን ከምሰ ወተላቲን ስተ ወተላቲን ሰነትቱ እንዘክሩ ለህሌነ፣ ከመ እግለ ቤልከ እብሊ ለተሌ ኢኮንኒ፣ የምክን ፊማበዐድ እሊ ናዬ ልግብእ ናይ ብዕድ ልግባእ ዲብ ሕድ እንዴ ትለመመ ያዕኒ እግል አጅያል አው ክም ታሪክ እንዴ ገብአ ሳብት እንዴ ገብአ ምን ገይስ ለሔሰትተ እብል”፣ሐቴ ለእትፋነየ ወክልዶል

አዪ እንሳን ለልብለ ገብአ ምን ገብእ፡ የም አለቡ ታሪክ ብነ ዓ’መተን እንረኤ እንዴ ህሌነ፣ እት ሸዐብ ኤረትርየ አው ዲብ ኤረትርየ ዓ’መተን ወእትለ ቤት ገብአ ምን ገብእ ሀዬኒ። ለኢከስሐ አዳምቱ ዲብ እለ አካን ለሀለ እግል ኢበል እቀድር የዕኒ አው ከማን። ብዕድ ሽእ መስለሐት እንዴ ጸብጠቱ ያዕኒ እት መስለሐቱ ለኢጌሰ አዳምቱ። አፍካሩ ልግባእ ወዐመሉ ብዞሕ እግል ሊበል ለቀድር ወእግል ልሽረሕ ልቀድር አዳምቱ ዲብ እለ ለሀለ፣ ወመምክን እቱ ሽውየ ጀሀት አው ያዕኒ ረኪዘት እግል ለሀሌ ብዲቡ፣ወእሊ ረኤከ ምን ገብእ ምን ቅዋት አታሕሪር አሸዐብየ ለዐለ አስክ እሊ መዓርክ ናይ ወያኔ ለዐለ ናይ ስያደት ዲቡ ለገብአ ጀሬሕ ምኑ ለሀለው እግልነ ሀለው፣ መምክን እሎም ጀማዐት እሎም ምነ ዲቡ ለዐለው ምን መክተለፍ ቅዋት ከታይብ። ልውኣት። ፍረቅ አስክ እለ አዜ ምኖም አፍራድ እንዴ ነስአከ እንዴ አትገሴከ ወጀመዕካሁ ምን ገብእ። ታሪክ ናይ ቅዋት ታሕሪር አሸዐብየ። አው ናይ ጀብሀት ሸዐብየት አው ናይ ሸዐብ አሪትርየ ዓ’መተን እግል ለአትገስው እግልከ ቀድሮ”፣

12 ጁን 2013 6

ፈረጅ ልቡ እበ ከሊማት ናይለ እሲቱ ትሰለበ ምኑ፣ “ሓይሰት ወውጅህት ወዓቅለት እሲቼ። እንቲ ላበት እንቲ፣ አነ ህዬ አድግኪ ወገመልኪ እግል እግበእ ናዊ ህሌኮ፣ ደለ

አውኪር። አቦትነ ዳፍአት ከአፎ አስመንኪ? ዳፍአት። መርሐባቦም

አውኪራም። እንትም ከአፎ አስመንኩም? ቀደም በሎ እብለ ትገሰው፣አውኪር። ሕነ ዮም ሰብ

ግሳየት ይህሌነ፣ ዲበ ሐልፈ ሳምኖታት እንቲ ወቀይ ትሩድ ናይ ዒድ ሕርየት ዲቡ አስመንኪ፣ ወሕነ ዲብ እሊ እስቡዕ እሊ ዲብ ወቀይ ትሩድ ህሌነ፣ዳፍአት። ሚ ወቀይ ቱ

እንትም ህዬ ፍንጌ ክልኦት ዒድ መጸ’ክም?አውኪር። ክልኦት

እምትሓን ምስል መጸውነ፣ እምትሓን ጀነራል ወእምትሓን ኣክር ሰነት፣ አዜመ ምነ እምትሓን ክም ፈገርነ፡ አቦትነ ሰኒ ውዕለት ኒበለ ከንሕለፍ እንቤ ከእበ ትጠዌነ ዲብኪ፣ ዳፍአት። ዐቢ እለ! ሰነት

ድራሰት ገድም ዲብ ተሚመ በጽሐት፣ ረቢ ልስዴኩም እንሻለ፣ ከእምትሓን ለቀደም እለ ወዴኩሙ ከአፎ ዐለ። ትነጅሖ ህሌክም ማሚ? አውኪር። ሰኒ ዐለ አስክ

እለ ላቱ፣ዳፍአት። እንተ ዕመር

ደዓም ዲበ እምትሓ’ነ ጀነራል ታርፍ ዐልከ፣ ዮም ዓመት ህዬ ሚ መትዳላይ ወዴከ ወከአፎ እንቡት ህሌከ። እንዴ ገሌ ምነ

አጥዐሚቶመደት ሐቴ ምደርስ እግል ዐባዪ ዋልዴን እንዴ

ለአደርስ። ዐዶታት (ድወል) ዲብ አየ ክምሰል ልትረከበ ልትሰአሎም ዐለ፣ አምዕል ሐቴ ለምደርስ ምነ እሎም ለአደርስ ዐባዪ እግል ዎሮት ዐቢ እናስ ሐቴ ሰኣል ትሰአለዩ፣ ለሰኣል ህዬ፡ “ኤረትርየ ዲብ አየ ትትረከብ” ለትብል ዐለት፣ ለእናስ ለሰኣል ሰበት ኢትፈሀመት እግሉ ዲብ ለሐስብ መደት ጸንሐ፣ ሐቆሀ ለምደርስ እግል ልብለስ እግሉ ካልእ ዶል ክምሰል ትሰአለዩ። ረአሱ ዲብ ጣስስ “መልሀይ። አነ ዛቱ ክሉ ረአሱ ከ በ ር ለ በዳሀ ከማን ዳ ሊ ሁ የ ዐ ል ኮ ፣ ሚ ዶል ባ ድ የ ት ዐ ለት? ” ዲ ብ ል ብ ል ለ ሰ ኣ ል ዲ በ ም ደ ር ስ በ ል ሰ ዩ

ልትበሀል፣

ድሩስ እግል አምርድሩስ እግል አምርዳፍአት ወአውኪርለወዴካሁ መዳሊት

ዳግም እግልነ፣ እሎም ሐውከ ለአዜ ለ አ ም ት ሕ ኖ ህለው ምነ ተጃርብከ እግል ልድረሶ፣ዕመር። አነ ደዓም

አሰናይ ተረፍኮ። ተ ር ጀ መ ት መድረሰት አዜ ት ፈ ሀ መ ተ ኒ ፣ ደዓም ተረፍከ ዶል ትበሀልኮ። ዐገብዬ እንክር እንዴ ከሬክዉ ምደርሲን ሐሜ ዐልኮ፣ ዶል ሐቴ ሰኒ የአድረሰውኒ እብል ወዶል ሐቴመ ዲብ ሰይሖ ከልጠው ከ አ ት ረ ፈ ው ኒ እብል ዐልኮ፣ ሐሬ ላኪን ፈስል ክምሰል ደገምኮ ክሉ በዲር ፍሁምዬ ለየዐለ አዜ ሰኒ ትፈሀሜኒ፣ዳፍአት። አሰናይ ተረፍኮ

ላቱ ኢቲበለ ሕልብዬ፣ ዋልዴንከ ወምደርሲንከ እግል ትትረፍ ለአደርሱከ ሚ ህለው፣ ሐሬ ህዬ ሚ ተ ምን ስናትከ ለሓመቀተከ። እብ ሚ ሰበብ ተረፍከ?ዕመር። አማንኪቱ አቦቶ፡

ተሪፍ ጀህ ሚቱ ከልትፋወሾ

እቡ፣ አናመ ለምን ስናቼ ተሪፍቱ ለእክጁልዬ ዐለ፣ ላኪን ክሉ ሰበብለ ተሪፍ ኖሼ ሰበት አምጸአኵኦ፡ እኩይ እት አነ ከሀልክው፣ ወለሰበብ ህዬ ትልህየ ሌጣ ተ፣ አስክ መድረሰት ዲብ እገይስ ደለ ኩረት ልተልሄ ጸንሔኒ ምስሉ እት እተልሄ፡ ፈስል ለአቱ ምንዬ ከእትጃዜ፣ ክምሰል

ትፈደስኮመ ዲብ እተልሄ ጸብሕ ይእርኤ ወሕፍዝ

አው ሽቅል ቤት ይእሸቄ፣ ዲብ ኣክር ህዬ መፍቶ ተሪፍ ገብአኮ፣ አዜ ህዬ ምነ ቀዳሚቼ

እንዴ ደረስኮ ክሉ ልብዬ ወሀመቼ ዲብ መድረሰቼ ወዴክው፣ ዲብ ፈስል ዲብ ወቅቼ እመጽእ ወእብ ዋጅብ ምደርስ ለልብለ እግለ ልብ እከሬ፣ እብ አማን ህዬ ምነ ዲብ ቤት ለሐፍዙ ዲብ ፈስል ምደርስ ለልብለ እንዴ ሰምዐኮ ለእፍህመ ትዘይድ፣ ምደርስ ምን ለአነብት አስክ ለአከልስ፡ ህቱ ለልብሉ ወከትቡ እግልነ እቱ እብ ዋጅብ ልብ ሐቆ ከሬከ፡ ሐሬ ዲብ ቤትከ መትፋቀዲ ሌጠ ለአትሐዜከ፣ አናመ ደዓም መፍቶ

ተሪፍ ለወዴተኒ ትልህየ ወኢመትሐሳር ክም ሐደግኮ። ዮም ዓመት ውላድ ፈስልዬ ዲብ አትሐፍዝ፡ እለ አነ አዜ እምትሓን ጀነራል ለአቤት እግልዬ ሰኣል የዐለት ዲቡ፣ ወአልሐምድለ ግረ እላመ ሀመቼ ሀመት ድሩስዬ እግል እውደየ ናዊ ህሌኮ፣ዳፍአት። አሰናይ ምን

ከለጥከ እንዴ ትሰየሕከ።

መልህያምከ እግል ተአፍህም ቀደርከ፣ ለትወድዩ ከለጥ ምኑ እንዴ ደረስከ ከዲብ መንፈዐትከ ዶል ተአውዕሉ በክት ዐቢቱ፣ ከእንትም አውኪር እለ ዕመር ሑኩም ለሐብረኩም ተ ለዐለ። ዐባይ ድራሰት ተ፣ ዕመር ድሩስ ምን ሰልፉ ምን ኢተሐሰረ ዲቡ እት ኣክር ዘርኡ በትከ፣ ዮም ዓመት ህዬ ምነ እተይ ደዓም እንዴ ደርሰ። ፍሬ ብዕድ ልትጸበር ሀለ፣ አነ ለእብለክምተ ምክር

ህዬ። ሕፍዝ እግል እምትሓን እንዴ ኢገብእ፡ ሕፍዝ እግል አምር እግል ትሕፈዞ ሀለ እግልኩም፣ እምትሓን እግል ሑዳት አምዔላት ቱ፣ አምር ላኪን እግል ዲመ፣ እግል እምትሓን እንዴ ትበው ዶል እምትሓን ሌጠ ሐቆ ሐፈዝክም፡ አምርክም እግል ዶሉ ቱ፣ ምን ሰልፍክም ዲብ ተሐፍዞ ወትዛክሮ ተአተላሉ ሐቆ ጸንሐክም ዶል እምትሓን ሑድ ሌጠ ተሐፍዞ ወህቱመ እግል መትፋቀዲ፣ ሰበት እሊ በደል ሕፍዝ እግል እምትሓን። ሕፍዝ እግል አምር ሕፈዞ ውላጄ ፈዳብያም፣ ከግድም እተ ታርፍኩም ለሀለ እምትሓናት ረቢ ልስዴኩም እንሻለሀ!አውኪር፡ ኣሚን አቦቶ፡

ረቢ ልቅበለ ምንኪ፣

ገለድ 5ይ ክፋል

እኪ ትረይሕ እግል እውዴ ገለድ እበይእ እግልኪ” ቤለየ፣ ለመልከት ለቴለካቱ

ኢትትረሰዕ። “ዲብ ገለትድከ ስበት!” ዲብ ገለድከ እግል ትስበት ቱ?

“ሰኒ ዲብ ገለድዬ እሰብት፣ ወእግልዬመ ለሔሰት ህታተ” በልሰ ፈረጅ፣ እሲቱ ዲቡ ቀርበት ከእንዴ

ሰዐመቱ። “አነ ክሉ እገብእ እግልከ። ግርም ወላበት፣ ምነ መልከት ወለዐል ለገረመት

እሲት ኢገብአኮ እግልከ ምን ገብእ፡ ፈጅር ምራድከ ፍረደኒ” ቴለቱ እሲቱ ዕንቴታተ ዲብ ባልስ፣ ፈረጅ እብ እንክሩ ሕቅፍ

እንዴ አበለ ዶል ሰዐመየ። ዕንታቱ ቅያስ ኢለአምን ዲብ ሸክ አተ፣ ልስዕመ ለዐለ ወሌተት ሽምብሬብ። ወእበ ግርመት ምን ክለ ለእዲነ ልትዓደለ ለአለቡ ሉለት ክሪት እንዴ ትቀየረት ጸንሐቱ፣ ኣቤ። ለክፍእት እሲት ሳሕረት ተ ለዐለት፣ ፈረጅ ቅያስ አክል አዪ ዲብ ቆሉ ሰብት

እግል ትምዘኑ እንዴ ትቤ እብ ስሕር ትትቀላበሽ እግሉ ዐለት፣ ወእት ኣክር ምስል ክል ክፍኤሀ። ለባበት ፍክረ ሰበት ትከበተ ወዲብ ቆሉ እግል ልስበት እንዴ ቤለ እግል ልህደየ ክምሰል ቀረረ ወፈተየ ዶል ተአከደት ምኑ። ዲበ ቀዳሚተ አቅበለት እግሉ፣ ወምን ለገብአ ወቅት ወለዐል ፋርሕ ዲብ እንቱ ህቱ ወእሲቱ እግል ዲመ ልውቃም ዲብ እንቶም ነብረው፣

“ተመት”

12 ጁን 2013 7

ዒድ ሕ

ርየትነ

እት

ሱዳን

12 ጁን 2013 8

ደክቶር ዮም አነ ወባምቡለቼ ደካትረ እግል

ንግበእ ነሐዜ ህሌነ

ነጀሕ ዐብደለ

እለ ሰፍሐት እለ ዓፍየት ሙጅተመዕ ለትከስስ እት ገብእ፡ እግል አግሩዝ ወእማት

እብ ዝያድ ክምሰልሁመ ብዕድ አትሐዘዮት ለቡ ሐብሬታት እንዴ ጸብጠት ትዳሌ።

ዔማተ ህዬ ለትፈናተ ክቱብ ዓፍየት ወሰብ መቅደረት ቶም።እብ ብዝሔ እት ሙጅተመዕነ ለልትረኤ መታክል ዓፍየት ለባልሕ ጽበጥ ህዬ ተአዳሌ።

ኮሊስትሮል ሚቱ እንዴ ይእንብል አሰልፍ ለትመዛዘነት ሙነት ሚተ እግል ነኣምር ወጅበነ፣ እት ገሮብነ እብ ስርዐት ሓቀቆት ነብረ እንዴ ሐቀው እብ ሸፋግ እት መንፈዐት እግል ልውዐሎ ለቀድሮ ስስ (6) ጅንስ ለትመዛዘነው ሙናት ብነ ህቶም ህዬ፡- ካርቦ ሃይድሬት ዜድ (ሽቤሕ) ፕሮቲንመዓድንቫይታሚናትወማይ ቶምለናይ ሰልፍ ሰለስ (3)

(ካርቦ ሃይድሬት፡ ዜድ ወፕሮቲን) ምስለ ሓርያም 3 ዶል እንርእዮም አምዕላይ ዛይድ ጠለብ ቦም፣ ተረቶም እት አምዕላይ ሽቅል ህዬ

ኮሊስትሮል ሚቱ? ወእብ ከፎ ገበይ እግለ ትፋናተ ሕማም መትከብተት እግል ሊዴነ ቀድር?

ዔማት ጣቀትአዳበሮት ገሮብዐቦት ገሮብእግል ንዛም

ዳፍዖት ምን አ ም ራ ድ ወ ብ ዕ ድ እት መዓል ለአውዕሎእ ግ ል

እለን ሰለስ

ለትመዛዘነየ ሙናት ለከውኖ ሓጃት፡-ካርቦን፡ ኦክስጅን፡

ሃይድሮጂን፡ እት ካርቦ ሃይድሬት፡ ዜድ ወፕሮቲን ዶል ልትረከቦ። ፕሮቲን

ላኪን እብ ተውሳክ ሳልፈር፡ ናይትሮጅን ፎስፎረስ ልትረከብ እቱ፣እግል ካርቦ

ሃ ይ ድ ሬ ት ወዜድ ለከውኖ ለልትመሳሰሎመ

ምን ገብኡ እት ፍንጌ ክ ል ኤ ሆ ም ነ በ ሪ ት ለ ህ ሌ ት ፍ ን ቲ ት ፍ ን ጌ እ ሎ ም ሓ ጃ ት ለ ሀ ለ

ዕላቃት ምስሉ ለትጻበጠት ተ፣ እሊ በህለት እት ካርቦ ሃይድሬት እት ፍንጌ ሃይድሮጅን ወኦክስጅን ለሀሌት ዕላቀት 2፡1 ዶል ገብእ፡ እት ዜድ ህዬ ቅያስ ዕላቀት ሃይድሮጂን ምስል ኦክስጅን ፍንቲት ዐባይ በ፣ እብሊ ሰብብ እሊ ቱ ህዬ ዜድ ውቅል ጣቀት

እግል ልክዘን ለቀድረ፣ ኣምዕላይ ሙነትነ ነብረ

ምን አፉነ እንዴ አንበተ እት ተ ሓ ቀ ቆ ቱ ደ ን ጎ ባ ሁ ህዬ እት

አ ም ዓ ይ ት ነ ለአተምም፣ ምኑ ህዬ እት ስርዓት ደዊር ደም ልትሓበር፡ እብ ልብ እንዴ ልትጨንጋዕ ህዬ እት ኩሉ ለገሮብነ ልትባጻሕ፣ ገሌ ምነ ዲብ

ደዊር ደም ለትሓበረ ክፈል ንዝምት ሙነት ምስለ እቱ ህለ ፌሻይ እንዴ ትሓበረ እምበል ሰዳይት እግል ልትመደድ

ወልትወዛዕ እቡ እንዴ አበለ ህዬ

ከ ም

መ ን ኮ ር ኮ ር ለከድም አስክ

ኩሉ ክፈል ገሮብነ እግል ልብጸሕ ለሰዴ መሳለጥያ ለለአትሐዝዮ ቱ፣ ኦሮት ምነ እት መዐለ ለልውዕሉ መሳለጥያ መትሐርካይ ወሴድያይ ለለእትሐዝዮም ዐይነት ሙነት ህዬ ኮሊስትሮል ቱልተላሌ. . .

12 ጁን 2013 9

“መህረጃን ኤረትርየ ምን አየ. . .“መህረጃን ኤረትርየ ምን አየ. . .ምን ገጽ 2 ለአተላለ

መደት እስትዕማር አቶብየ” እብ አሰይድ ዳዊት ዮውሃንስ (ወድ ጆን)፡ “መህረጃን ኤረትርየ እብ መጆብ ተጃርብ ድወል ብዕድ” እብ አሰይድ ዳዊት ምሕረትኣብ፡ “ዶር አንሳት እት ሰርገል መህረጃናት” እብ መስኡለት ተዕሊም አቅሊም ምግብ መምህር ሐሊማ መሐመድ፡ “መህረጃን ሳሕን” እብ አሰይድ መኮነን ኪዳኔ (ሻባይ)፡ “ሐዞት መራክዝ ተእሂል ምህነት ፈን እት መህረጃን” እብ ምደርስ ሙሲቀት ላቱ መምህር ኤልያስ ወ/ገብሪኤል፡ “መህረጃን ኤረትርየ እት ድወል ካርጅ” እብ አሰይድ ዮናስ ገ/ሂወት፡ “ዶር መህረጃን እት ስያሐት” እብ ፍጹም እምሃ፡ ለልብለ ዐለየ፣ ክል ወረቀት ህዬ፡ ጽበጠ እት ቀበት 15

ደቂቀት እግል ምሽተርከት ትቀደመ፣ እተ 1ይት ምዕል ምሽተርከት እት መጃሜዕ እንዴ ትካፈለው ሽሙይ ዲ’በ ውራቅ ናቀሸው ወተሐይስ-ተሐምቅ ቤለው እቱ፣ምን ገጽ ምሴ ህዬ ክል

አቅሊም እተ ሐለፍየ 20 ሰነት ዲብ መህረጃናት ለዐለ እሉ ተጃርብ እብ መጆብ ተቅሪር ቀደመ፣ ተቅሪር መህረጃናት አቅሊም ግብለት እብ አሰይድ አብረሃም ዮውሃንስ (እብር)፡ ተቅዪም መህረጃን አቅሊም ግብለት በሐር ቀየሕ እብ አሰይድ ኢብራሂም ደርደር፡ ተቅዪም መህረጃን አቅሊም ምግብ እብ አሰይድ አስመሮም ጸጋብርሃን፡ ተቅዪም መህረጃን አቅሊም ዐንሰበ እብ አሰይድ ሀብቴስላሴ ክብረኣብ፡ ተቅዪም

መህረጃን አቅሊም ቅብለት በሐር ቀየሕ እብ አሰይድ ዮውሃንስ ገብሬዬሱስ ወተቅዪም መህረጃናት አቅሊም ጋሽ-በርከ እብ ሻብ ዘርእሰናይ ተስፋይ ትቀደመ ወህቱመ ንቃሽ ገብአ ዲቡ፣እተ ካልእ ምዕል (7

ጁን ገጽ አስቡሕ)መ፡ አርበዕ ውራቅ ትቀደመ፣ “ስስዒት ዓዳት ወሙሲቀት እት መህረጃናት” እብ ኬትባይ ሰለሙን ድራር፡ “ቀወሺ አቃሊም እት መህረጃን” እብ አሰይድ ዳውድ አቡሹሽ፡ “ርያደት-ነባሪ እት መህረጃን ወጠን” እብ አሰይድ አስመሮም ጸጋብርሃን ወ “ትልተል ወሽዕር አፈች እት መህረጃናትነ” እብ መኮነን ኪዳኔ ትቀደመ ወንቃሽ ገብአ ዲቡ፣ምን ገጽ ምሴ ህዬ፡

ኩሎም ሙሽተርከትለ ወዕለ እት ስስ መጅሙዐት እንዴ ትካፈለው፡ “ዔማት ማልየት መህረጃናት ምን አየ ልግበእ?፡ መህረጃን እብ ጅግረ ልግበእ መእምበል ጅግረ?፡ መህረጃን እተየ ወምን ከም ሰነት ልግበእ? መህረጃን እት ዎሮ መጃል

(Thematic) ልግበእ መ ለትፈናተ መጃላት ልሽመል? ወብዕድ ለልብል አርእስ እሉ እንዴ ሀረሰው ሀድገው እቱ፣ እት ደንጎበ ህዬ፡ ክል መጅሙዐት እት 7 ደቂቀት ለጨ’መቱ ረአየ እግለ ሓድራም ቀደመት፣ ምን ጭመም ንቃጥ

ናይለ መጃሜዕ ህዬ፡-መህረጃን ሕኔት እብ

ኦሮት መጃል ለሀድግ፡ ለትፈናተ መጃላት እግል ልትቀደም እቱእት ክል ሰነት እግል

ልግበእክም መፈውድየት

መስኡልየቱ ወማሉ እቡ ለትቀይም ጀሀት እግል ተሀሌ እሉአቃሊም ናየን መህረጃን

እግል ሊደየ ወመህረጃን ወጠን ላኪን እት አስመረ እግል ልግበእመብዝሖም ከፈፍል

መጅተመዕነ ክምሰልሁመ ጃልያት ኤረትርዪን እት ካርጅ፡ ወቅት ከረም ሰበት ለዓርፈ፡ መህረጃን ክ’መ

ዐለየ እት ሒን ከረም እግል ልግበእ፡ መህረጃናትነ መደቅባይ

ውሕደትነ ወሒለትነ ረቃቅ ሰበት ቱ፡ አተላላዩ እግል ልትደ’መንልጅነት ዓያድ ወአቃሊም

እት ማልየት መህረጃን ሐዞት ውቅል እግል ለአግዱ ኩሉ ጅግራታት ለሸምል

እግል ልግበእጀዋእዝ አፍራድ

ወመአሰሳት፡ ክምሰልሁመ ጃእዘት አቅሊም እግል ልትፈናቴ ለልብል ወብዕድ ቤንያይ አረእ፡ ምን መሻርከት ወዕለ ለትረከበ ንቃጥ ዐለ፣ ወእብሊ ለእግል ክልኤ

ምዕል እት ሐረት ኤክስፖ ለገብአ ወዕለ “መህረጃናትነ ምን አየ አስክ አየ” እብ ነያረት እንዴ ተመ፡ ላሊ ጅምዐት እት ሰንበት ንኢሽ ጸቤሕ፡ እት ሄሰት ወዕፌ ዓዳት እብ ፍርቀት ቀይሕ መሬት እት ለውቀት አምሰ ወእብ ለውቀት ትሳርሐ፣

12 ጁን 2013 10

መጅልስ ውዘረእ ኤረትርየ እት ዮም 16 ማዮ እተ ወደዩ እጅምዑ፡ እግል ከረም ዮም ዓመት እብ ክሱስለ ገብእ ለሀለ መዳሊት እብ ፋይሕ ኑቁሽ ክም ዐለ ልትፈቀድ፣ እብ ክሱስ እሊ መዳሊት እሊ ወለሀለ አብካት ወጸብሬ ከረም፡ ወዚር ሐርስ አሰይድ አረፋይኔ በርሄ ምስል ተለፍዝዮን ኤረትርየ መቃበለት ዋዲ ሀለ፡ ከዲብ እለ ጥብዐት እለ 2ይ ክፋለ ነአፈግር እኩም፣ ሰኣል። ሕሩይ ዘርእ

ወሽፍር እብለ ከስስ ውዛረት ሐርስ እብ ከፎ ጻብጠቱ ህሌት?በሊስ። ዲብ ዐድነ

ለዝያደት ንሸረፉ እክል ዲብ አውለውየት ደረጀት ማሼለ ወዲብ ካልኣይት ደረጀት ብልቱብ ወሐቆሁ ሽንራይ፡ ሽዒር ወዕፉን ቱ፣ ከረ ማሼለ ወብልቱብ ቀደም እለ ሕሩይ አዝረአት እንዴ ትበሀለው እብ ፋይሕ ልትከደም ሰበት ዐለ እት ክል ሰነት እሎም ኣትኣማር ኢለትሐዜ፣ ሐቆ ሰለስ አርበዕ አው ሐምስ ሰነት ላኪን ኣብ በሐስ፡ እብ እተይ ወእብ ከህላት ጀሐር ወሕማማት ወለመስሉ ለሔሰ ዘርእ ምን መጽእ፡ ለቀደም እለ ህዩብ ለዐለ አዝረአት ዝያደት እግል አትሓያስ እንዴ ትበሀለ ልትነሸር፣ ክምሰሉሁመ ዲብለ ሐልፈ ክልኤ ሰለስ ሰነት ቀደም እለ ነሀይቡ ለዐልነ ሽንራይ እተዩ እብ ወግም እንዴ አተ፡ ሰኔት ሓለት ሰበት ህሌት እብ ትሉሉይ ለዘረእ ህለ፣ ሽንራይ ማይ ረክበ ምንገብእ፡ ዲብ ሄክታር

መቃበለት ምስል ወዚር ሐርስ አሰይድ አረፋይኔ በርሄ

(2ይ ክፋል)

ምን 20 አስክ 30 ኩንታል ልትጀቀፍ ምኑ ዐለ፣ ዲብ እለን ክልኤ ሰነት ነሀይቡ እንዘርኡ ለህሌነ ሽንራይ ላኪን ማይ ረክበ ምንገብእ ምን ሄክታር አስክ 50 ኩንታል ወእት ሰሩመ ምኑ ወለዐዕ እግል ላቴ ቀድር፣ አስክ እለ እሊ ልትነፈዕ እቡ ለህሌነ ሽንራይ ዲብ አቃሊም ምግብ፡ ግብለት ወዐንሰባቱ ልዘረእ ለህለ፣ ሰበቡ እሊ አቃሊም እሊ ውቁል ረወሪት ሰበት ቡ፡ ዲብ መደት ብርድ በህለት ምን ወርሕ 11 አስክ ወርሕ 2 ሰኒ እግል ለአፍሩ ሰበት ቀድሮ፡ ዲብ ቀላቅልመ ዲብ ከረ ገርሰት ጅሩብ ህለ፣ እምበል እሊ ዲብ ሕዱድ አካናት ንሹር ለህለ ክምሰል ከረ አዳግረ ወናይ ዜድ ላቱ አድርመ፡ ምን ዮም ዓመት እንዴ አምበተ ለቅያስ ዘርእ ዲብ ነአዘይዱ እንገይስ ሰበት ህሌነ እብ ፋይሕ እግል ነአልምዱቱ፣ ሰኒ እተይ ለለግሀይብ ዕፉንመ ዲብ ክለ ዐድ ልወዘዕ ህለ፣

ሰኣል። ሰር ገሌ ሐረስቶት መደረቱ እንዴ ኢደሉ ሕሩይ ዘርእ ወሽፍር እንዴ ቤለው ምን ካርጅ እንዴ ኣተው ዘረኦ ህለው፣ መሻክል ህዬ ሳድፎም ህለ፣ ክምሰለ ልትአመር ዘርእ ሕማም እግል ለአምጽእ ወእግለ ትርበትመ ዲብ ጬወት እግል ልበአድለ ሰበት ቀድር ወዛረት ሐርስ እግል እሊ እብ ከፎ ጻብጠቱ ህሌት? በሊስ፡ እለ ምነ ዝያደት

ለነህድግ ወእናቅሽ እተ እግል ሐረስቶት ልግበእ

ወእዳራት ሐብሬ ለነሀይብ እታ መስአለት ተ፣ ሰበቡ ኢኮን ለገብአ ነፈር ዘርእ እንዴ ሐብዐ እግል ለኣቴ እግል በሐስመ ዘርእ ለአመጽእ ዲብ ህለ አሰልፍ ዲብ ሕዱድ አካናት ቱ ለእንጀርቡ፣ እግልሚ ጠቢዐትለ ዘርእ ሰበት ኢተአምሩ እግል ትብሐሱ ወትድረሱ ላዝምቱ፣ እብሊ ህዬ፡ ለዘርእ ነጅሐ ምንገብእ እት ክሉ ተአበጽሑ ወለትሰረረተ ተአሰርቱ፣ ዘርእ ልግበእ ወሽፍር አውመ ብዕድ ቀመማት ወስራይ ዲብ ድዋራት ብዙሕ ናይ ዓለም መደረት ዐባይ ለአጀሬ ለህላቱ፣ ሰበት እሊ ለገብአ ሐረስታይ ዘርእ ረከብኮ እንዴ ቤለ ሕኔት ለአትርብ አሰልፍ እግል ርሑ ወድዋሩ ለአዜ ክምሰል ህለ እግል ልፍሀም ለአስትህል፣ እብሊቱ ህዬ ውዛረት ሐርስ እግል እሊ ሌጠ ለትራቅብ ጀሀት ዋድየት ለህሌት፣ አሰልፍ ዘርእ እብ ገበይ እግል ልምጸእ ቡ። መጽአ ምንገብእ ልትመርመር። ሐቆሁ ዓፍየቱ ወመንፈዐቱ ልትበሐስ፡ ሐቆ እሊ እብ ዐመልየት በሐስ እንዴ ትጀረበ ክምሰል ሐልፈ ዲብ ሐረስቶት ልትወዘዕ፣ ሰበት እሊ። ምን እሊ ወኬን ለገብእ አምጸኦት ዘርእ ልግበእ ወብዕድ እተይ ሐርስ ሰኒ መብቅያይ ወዴራይ ክምቱ እግል ልትአመር ቡ፣ ሕናመ እበ ትትቀደረነ እግል እለ ሐብሬ እለ ክሉ ጀላብ እግል ለኣመረ ንጻገም ህሌነ፣ሰኣል፡ ውዛረት ሐርስ

እግል ከረም 2013 እብ

ሰበት ሕሩይ ዘርእ ወሽፍር ክምሰልሁመ ስራይ ዱሊት ህሌት? ዲበ ሐልፈ ስኒን ዲብ እዳርተ ልግበእ ወብዕድ ሳድፍ ለዐለ መታክል እግል ልትሀወን ህዬ ሚ ለተሐሰበ ህለ?በሊስ፡ ሽፍር እት ኩሉ

ልትባጸሕ ሀለ እግል ኒበል ይእንቀድር፣ እግል ልትባጸሕ ቡ መ ኢፋሉመ ብዕድ ጋር ቱ፣ ሰበቡ ህዬ፡ ሽፍር ማይ ካፊ እተ ቡ ግረህ እግል ልግበእ ቡ፣ እብ ፍንቱይ ሰልፋይ ሽፍር እት ዝላም ብዝሕት ለረክብ ግረህ ኢገብአ ምን ገብእ፡ እት ዝላም ለአለቡ አካናት ሐቆ ትነስነሰ፡ እግለ ብቅል ለአነድዱ፣ ሰበት እሊ ውዛረት ሐርስ ሽፍር እት ኩሉ እግል ተአትባጽሕ ኢትቀድር፣ ለዝላም ብዝሕት ረክብ አማክን ህዬ ዘርእ ሕሩይ እግል ልትባጽሑ ወእሉ እግል ለአትባዝሖ ቦም፣ ሰበቡ ዘርእ ሕሩይ ሐቆ ሀብነ እግል ልትባዘሕ ሰበት ቡ፡ ምስሉ ለገይስ ሽፍር በሰር ልትሀየብ፣ እተ ደማነት ማይ መስኖ ለብእቱ ምድር ሐርስመ፡ ምስሉ ለናስብ ሽፍር ልትዳሌ እሉ፣ ምናተ፡ ሐረስቶት ዲባመ ደማን ማይ ለአለቡ ግረህ፡ ሽፍር-በሰር ለሐዙ፣ እተ ማይ ለአለቡ አማክን ሽፍር እግል ኢልትነፍዖ እንመክሮም’መ ምን ነሀሌ፡ ሽፍር ክም ምራዶም እግል ኢልትነፍዖ፡ ኖሱ ለሽፍር ኢልትረከብ፣ ሰበት እሊ ውዛረት

ሐርስ እግለ ዲብ ደማነት ማይ ለቡ አማክን ለበቅል ወእተይ ብርኩት ለልሀይብ

አዝረአት ሕሩይ፡ እብ ትሉሉይ ሕፍዝ እት ወዴ እቶም፡ ምስሎም ሽፍር-በሰር ክም ልትወዘዕ ወዴ ህሌት፣ አድውየት ህዬ እት

ክልኤ ቱ ለልትከ’ፈል - ናይ ሐምሌ ወፍሬታት ወናይ ንዋይ፣ ሰበት እሊ ሐምሌ ወፍሬታት ለዘርኦ ሐረስቶት ባልዒን ወአምራድ ብቅል እግል ልዋጅሆም ሰበት ቀድር፡ እት ክል ምዴርየት ናይ ዝቤ ወሰሉፍ ሸበካት ሰበት ሀለ፡ እተ ለአትሐዝዮም ዲቡ አውካድ ምኑ እንዴ ትዛበው ቱ ለልትነፍዖ፣ እብ ዓመት ላኪን፡ እትሊ ዋድሐት ምሽክለት ህሌት እነ እግል ኒበል ይእንቀድር፣ እተ ደወ ንዋይ ከማን፡ እተ ሐልፈየ ክልኤ-ሰለስ ሰነት፡ ናቅስ-ዛይድ አዋይን ልትረኤ ዲቡ ዐለ፣ ምስል እሊ እበ ወዴናሁ መዳሊት ላኪን፡ ሸበህ ሐል እት ረክብ ገይስ ሀለ፣

ሰኣል፡ ከረም ትሽእግ ሰበት ህሌት፡ ቀድየት ትራክተራት ህዬ ከአፎ ጽብጥት ህሌት? ሰበቡ ሸዐብ እተ ኢነት ሐርስ፡ መፍቶት ትራክተራት ብሕተ እንገብእ ህሌነ፡ ሕኩመት ሐል ትባስር እግልነ ልብሎ፣ ምስለ ክል ሰነት መጽእ ለሀለ ትራክተራት ሐዲስ፡ ውዛረት ሐርስ እብ ከአፎ እትምቁርሕቱ ህሌት? በሊስ፡ ሕኩመት

ምን ወክድ እት ወክድ ትራክተራት ብዙሕ ምን ካርጅ ተአመጽእ ሰበት ህሌት፡ እት ሐርስ መሻክል ሀለ ይእብል አነ፣ ለምሽክለት እተያ ተ መስለከ - አርበዕ-ሐምስ ወሬሕ ለሸዐግካሁ ምድር እት ቀበት ክልኤ ሳምን እግል ትዝርኡ ሰበት ብካቱ፣ ሰበቡ ወክድለ ዘርእ (ምውስም) ለተአትራይሙ ሰበት ኢኮን፣ ኖሱ ምን ልትቀደር እት ቀበት ሐቴ ሳምን እግል ልትዘረእ ወጅቡ፣ እብሊ አስባብ እሊ፡ እግል ኩሉ አርድ ለልሐርስ ትራክተራት እግል ትርከብ ስዱድ ቱ፣ ካልእ ህዬ ምሽክለትነ እት ትራክተራት እንዴ ኢትገብእ፡ እትለን ለልአከይደ ናይ ወቄዕ መካይን ድዕፍ ሀለ እግልነ፣ እለንመ ሕኩመት እተ መጽእ አውካድ እግል ትወስከን ጅህድ ትወዴ ህሌት፣ እት አትመቃርሖተን ህዬ፡ ምነ ሐልፈ ተጃርብ ደርስ ንሱእ ሰበት ሀለ፡ ውዛረት ሐርስ፡ እዳራት፡ መርከዝ ክዳማት ቴክኒክ ምስል ሸቅያሁ ህለየ፣ ሰበት እሊ ምን ዘርእ አስክ በቲክ እብ ማሽናት እግል ልግበእ ልትሐሰብ ሰበት ሀለ፡ ለዕረጎ-ትከረዮታት እት ልትሓየስ መጽእ ሀለ፣ ልተላሌ

12 ጁን 2013 11

መሐመድ አቡበከር

ናይ በዲር ሙደርብ ፈሪቅ ቼልሲ ናይ እንግሊዝ ለዐለ ወድ ፖርቱጋል ጆሲ ሞሪኖ አዜመ ክም ሐዲስ አስክ እንግሊዝ እንዴ አቅበለ እት ፕሪመርሊግ እግል ቼልሲ ልደርብ አርበዕ ሰነት ለተአጸንሕ እትፋቅየት ፍሩም ህለ።፡ እት ሰብተምበር ሰነት

2007፡ ምስል ሜልካይ ፈሪቅ ቼልሲ ሚልዮነር ወድ ሩስየ ኢብራሂሞቪች ሰበት ኢትፋሀመ ለምስል ቼልሲ ለዐለት እግሉ እትፋቅየት ልሳዕ ዝያድ ክልኤ ሰነት ታርፈ እት እንቱ ስታድዩም ስታምፎርድ ብሪጅ እንዴ ሐድገ አስክ ኢጣልየ ለተዐደ ወድ ፖርቱጋል ጆሲ ሞሪኖ፡ እትሊ ወቅት እሊ ኩሉ ለምስል ሜልካይ ቼልሲ ለዐለ እግሉ አከይ መቅርሕ እት አካኑ እት ህለ፡ እት ቼልሲ አቅበሎቱ፡ ብዝሓም ሙሐልሊን ሞሪኖ አፎ

ፈደሬሽን አትሌቲክስ ኤረትርየ ዮም ዓመት 21 ጅግረ አትሌቲክስ ትራክ-ፊልድ ሻምፕዮን-ሺፕ ናይ ውላድ ወአዋልድ እት ስታድዩም አስመረ እተ ሐልፈት ሳምን ክም ሰርገለ ሐበረ።፡እሊ ምን ኩሎም አቃሊም

ዐድነ ወውዛረት ድፋዕ ለመጽአው አትሌታት ለሻረከው እቱ ጅግረ

ሕሩይ ፈሪቅ ኩረት እገር እንግሊዝ ዕምር 21 ነሰት ምን ትልህየ ካስ ኤውሮጳ ምን ተሐት 21 ሰነት እት ናይ መጃምዕ ተርፈ።፡ እሊ ፈሪቅ እሊ እት 1ይት

እት ዘመን ፋብሪከት መተልህየት ኩረት እገር እንዴ ትበህለት ክናየት ለተህየበተ ብራዚል እትሊ ወቅት እሊ ደረጀት ሕሩይ ፈሪቀ ክም ሸንገመል ገጽ ሐር እቅብልት ህለት።፡ ምን ኩሉመ ሐቆ ሰነት ካስ ዐለም እግል ትትሐ’ደር ትዳሌ እቱ ለህሌት ወቅት፡ እሊ መሻርክ እሊ እግል ልሳድፈ ለለአከ’ጅል ቱ።፡ ቀደም እለ እግል ካስ ዐለም ሐምስ ዶል ለተዐወተ እቱ ፈሪቅ ብራዚል እትሊ ወቅት እሊ ደረጀቱ 22 ባጽሕ ህለ።፡ መትጃግረቱ ህዬ ስፐይን፡

ጅግረ አትሌቲክስ (ትራክ-ፊልድ) ሲነርለልትሐመድ ክም ዐለ ወምነ ናይ ቀድም እለ ለትፈንትዩ ድቁባም ወፕሮፌሽናል አትሌታት ክም ሻረከው እቱ ዕላቃት ዓመ ናይለ ፈደሬሽን ወደሐ።፡ዲበ ሰንበት ዐባይ ለተመ

ጅግረ እት ናይ 100 ምትር ምን አዋልድ ሩተ ምሕረትኣብ ምን አቅሊም ምግብ፡ ፍዮሪ ሙሴ ምን አቅሊም ጋሸ-በርከ ወሜድያን

ሙልጌተ ምን አቅሊም ምግብ እት ልትዐወተ፡ እት ናይ 400 ምትር ህዬ ልዋም ተስፋማርያም ምን አቅሊም ምግብ፡ ዮሃነ መሓሪ ምን አቅሊም ምግብ ወሳሊነ ትካቦ ምን አቅሊም ጋሽ-በርከ ተዐወተየ።፡ እት ናይ 1,500 ምትር ህዬ ናዝሬት ወልዱ ምን አቅሊም ጋሽ-በርከ፡ እግል ኮከብ ተስፋጋብር ናይ አቅሊም

ምግብ እንዴ በድረት 1ይ እት ትትዐወት፡ ናይ አቅሊም ጋሽ-በርከ ኪዳኑ ተሾሜ 3ይት ፈግረት።፡ እትለ መሳፈት እለ ምን ውላድ ግርማይ ዮውሃስ ምን ውዛረት ድፋዕ፡ ተስፉ ተወልዴ ምን አቅሊም ግብለት ወስቅኤል ተወልዴ ምን ፈሪቅ ደንደን(ውዛረት ድፈዕ) ተዐወተው።፡እት ናይ 400 ምትር

ናይ ውላድ ዐብዱልከሪም መሐመድ ምን አቅሊም ዐንሰበ፡ ዮናስ አማንኤል ምን አቅሊም ጋሸ-በርከ ወፈረጅ መሐመድ ምን አቅሊም ጋሽ-በርከ እት ልትዐወቶ፡ እት ናይ 10,000 ምትር ናይ ውላድ ንጉሴ አምለሶም ምን ደንደን፡ አብረሃም ሀብቴ ወሮቤል ፍሰሃዬ ክልኢቶም ምን አቅሊም ግብለት ተዐወተው።፡

እንግሊዝ ምን ካስ ኤውሮጳ ተርፈ

ትልህያሁ እብ ኢጣልየ 1-0 እት ልትቀለብ፡ እተ ሐልፈት ሰንበት ዓባይ እብ ነርወይ 3-1 ሰበት ትቀለበ፡ ምነ ጅግረ ሓዝን እት እንቱ ፋግር ህለ፣

ብራዚል ክም ሽን ገመል..ጀርመን፡ አርጀንቲነ፡ ክሮኤሽየ፡ ሆላንድ፡ፖርቱጋል፡ ኮሎምብየ፡ ኢጣልየ፡ እንግሊዝ ወኤኳዶር ለአወላያት 10 ጋብኣት ህለየ።፡ እሊ መሻክል እሊ ህዬ፡

እተ ሐልፈየ አርበዕ ትልህየ እብ ተዓዱል ሰበት ፈናቴት ቱ።፡ ምናተ ብራዚል መትሐድራይት ደውለት ካስ ዓለም ሰነት 2014 ሰበት ገአት፡ እት ካስ ዓለም እምበል መታክል እግል ትሕለፍ ቱ።፡ ምን አፍሪቀ ህዬ ፈሪቅ ኣይቮሪኮስት እት መርሕ፡ ምን ዐለም ህዬ 13ይ ህለ።፡

አዜመ ቼልሲ ጽምኡ እግል ትርዌቱ! ‘ሞሪኖ’ክም ሽን ገመል ሐር አቅበለ ምንመ ቤለዎ፡ ህቱ ላተ፡ “አዜመ እግል ቼልሲ ለእግሉ ጽሙእ ህለ ካስ ሻምፕዮንስሊግ እግል እሰርግዮቱ” እት ልብል በሊስ ሃይብ ህለ።፡ ሞሪኖ እሰልፍ ፈሪቅ

ፖርቶ ናይ ፖርቱጋል ደርብ እንዴ ዐለ፡ እት ሰነት 2004 እት ቼልሲ ክም ተዐደ፡ እግል ፈሪቅ ቼልሲ ክልኤ ወቅት ካስ ፕሪመርሊግ፡ ሐቴ

ዶል FACUP፡ ክልኤ ዶል ካርሊንግ ካፕ፡ ወሐቴ ዶል ካስ ኮሚኒቲ ሺልድ ለተዐወተ ወእብ ሙአይደት እሊ ፈሪቅ ፍቱይ ለዐለ ሙደርብ ቱ።፡ ምናተ ሜልካይ ፈሪቅ ቼልሲ ላቱ ኢብራሂሞቪች እግል ሞሪኖ፡ “አነ ለእብለካተ ውዴ” ሰበት ቤለዩ፡ እት መፋሀመት ክም ኢበጽሐው ምነ ፈሪቅ ክም ጠርዘዩ ልትፈ’ቀድ።፡እተ ሐልፈ

ሰነብት ሞሪኖ ወ እ ብራ ሂሞቪች ገጽ ወገጽ እንዴ ትዋጀሀው እተ ለወደወ ጀልሰት፡ ሞቪች እግል ሞሪኖ ሐቴ ህግየ ሌጣ ቤለዩ፡ “እግል እሊ ፈሪቅ እተ ናይ በዲሩ ምን ሰበት 2004-2007 ለዐለት እግሉ ደረጀት እግል እርኤ ሐዜ ህሌ” ቤለዩ።፡ እሊ

በህለት ህዬ ሞሪኖ እትሊ ወቅት እሊ እግል ገዳይም መተልህየት ወአዜ ሐዳይስ እትሊ ፈሪቅ እሊ ለህለው እንዴ መዘንከ ወደለ ድዒፍ እንዴ አፍገርከ፡ ሐዳይስ መተልህየት እግል ትዛቤ ህለ እግልከ እት ልብል ትፋነዩ።፡ምናተ ምን ሐብሬ

ገለ ሸበካት ርያደት እት እንግሊዝ፡ ሞሪኖ ክም ምራዱ እግል ልሽቄ ቀድር ኢመስልኒ፡ እግል ሚ፡ እት ስፐይን ወእግል ከረ ካሲያስ ወብዕዳም እግሉ ለመስሎ ሰብ ተጃርብ እንዴ አዝመ ምኖም፡ እብ ብዕዳም መተልህየት ልተልሄ ዐለ፣ ወደላመ አደብ ለኢወደ ወምስሉ ለይአተፈቀ፡ እት አካን ቅያር ከፍ ለአብሎ ዐለ፣ እት እንግሊዝ ላኪን ክእኒ እግል ሊዴ ቀድር ገብእ? እት ልብሎ ፈርሀቶም ሸርሖ ህለው፣

12 ጁን 2013 12

ረመዳን መ/ኑር ታይብ

በሊስ ተክተት 11/2013

13መ

1ቴ

14ለ

15ል

16እ

17ኩ

18ይ

2ስ ቡ ል

3ስ ም ፋ ር ስ ነ

ደ ስ

4ድ ረ መ

19እ

20ብ

21ኦ

5ስ ቁ

22መ

23ሚ

6ም ት ድ

24ደ

7ዶ ም

8ሽ ቱ ም

9ሰ ር

25ዐ

10ሃ ጅ

26ም ሒ

ጭ11ድ ራ ር

27ከ ታ

ም12ነ ስ ካ ር ት

እብ ረመዳን ታይብ

እት ም ጅ ተ መ ዐ ነ እማት ሐቆለ ወልደ እግለ ዐ ል ቀ ተ ን ምስለን እንዴ ወ ደ ያ ሃ ተ ን ለሰክበ፡ እት ገሌ ም ጅ ት መ ዓ ት እዲነ ላኪን እግል ዓሉቅ ለገብእ ዐራታት እንዴ አትዳለየ ዐሉቀን ምን ቅሩብ ራቅበ ወለተአትሐዝየ ሓጀት ለአዳልየ እ ግ ለ ን ልትረአየ፣ እሊ በሰር

እማትነ ላኪን ም ን ቅ ሩ ብ ዐልቀተን እግል ልርአየ፡ ለሓፍዘ ወ ሸ ’ መ ት እማተን እግል ልርከበ እንዴ ቤለየ ለወድያሁ አብሳር እት እንቱ እንረክቡ፣ እሊ እብ እማትነ እግል ዐልቀት ለገብእ ከባካብ፡ እብ እማት ገባይል ብዕድመ እግል ዐልቀተን እንዴ ቤለየ ነፍሰን ለረይሐ እተ ዐራት በይን እት ለአዳልየ ልትረአየ፡እሊ ወለ እብ እማትነ ለገብእ ሐባሓብ ናይ ምን ቱ እብ ገበይ ዕልምየት ለልትሐሬ እግል ንድሌ አልቁብ እንተርኔት ባይኣም ህሌነ፣ ገበይ ዕልምየት እንዴ

ተሌት ለገብአት ድራሰት ክምሰለ ተሐብሩ፡ እም ምስል ዐልቀት እብ ፍንቲት ለዐልቀት ዕምረ ምትሓት ሰነት ሐቆለ ትገብእ፡ ሞተ እብ ብቆት እግል ትግበእ እዴ ዛይደት ክምሰልበ ሕብርት ህሌት፣ እሊ ለትሸርሐት እቡ

ሰበብ፡ እማት ወክድ ስካበን እንዴ ኢልትፈሀመን እት ረአስለ ዐልቀት እግል ልትበለሰ ወእብሊ ህዬ እግለ ዐልቀት እብ ብቆት እግል ልቅተለ ክምሰል ቀድረ ቱ

ምን ቤጨት እግልት(እኪት) ለፈግር ጋዝ ምሽሙሽ እግል ሳረዮት አፍካክ ወእልትሃባት ክምሰል ሰዴ፡ እግል እሊ ጋዝ እሊ እንዴ አትጫፈረው እግል ኖሱ ለጋዝ ግራሁ ህዬ መናፍዕቱ ለደርሰው ባሕሲን ክ’መ አፍሀመዉ እሊ ጋዝ እሊ እግለ ወረም መፋስል ለቦም አንፋር እቶም እንዴ ትጀረበ ፍገሪት ስኔት ክምሰል አርአ ሐበረው።፡ ህቶም እትለ ፍገሪት እለ እንዴ ተንከበው እሊ እብ ገበይ

ሕላይ ሰብ በዲርሕላየት እናስ ዐድ-ትማርያም እግል ሐቴ ሽንብሬብ ለቤለየ

ሕላየት ምነ ገለ ዶል እንርኤ፦

ሽምብሬብ ኬደቶ አፍግርሲሌ ወመርከሽምብሬብ አዋልድ ቅዲት ጸላም ወሰንደልእግል ሽምብሬብ በላ ዕጄል ወድ መንደርሽምብሬ ኬደቶ ድቡር ወእሊ ሕጻጻትእት ረአስ ለቀረቅብ ጋሩ እሊ መዳሳትዐድ ጋይም ነቡሩ በዲርመ እሊ አንካካትሽምብሬብ ኬደቶ ሞገዕ ወጋድም ቀጣሪትእግል ሽምብሬብ ቦለ ውላድ ሰብ ለዓሊት

ዋስ ገለብ ቴለኒ በልሰተኒ ሰራሪት

ገሌ ምን ታሪክ ዐድነ

ጥልያን እት ዐድነ ለበዝሐ ክፋል ክዳማት እጅትማዕየት ለወደ መ ስ ተ ዐ ም ራ ይ ዐለ፡ እሊ ገብእ ለዐለ ክዳማት እ ጅ ት ማ ዕ የ ት እግል ናይ ኖሱ መናፍዕ ወሀደፍ ለልውዕል ዐለ፡ ምነ እተ እዋን ሌሂ እብ ጥልያን ልትነሰእ ለዐለ ምስዳራት ሐቴ እዳረት ወፍርድ እት ገብእ ጢላን ለ ል ት ፈ ረ ድ እተ ቤት ፍርድ ኤረትርያይ ለአትየ ኢዐለ፡ እዳረትመ ኤረትርዪን እብ ዕጋል- ዐድ ልትመቃርሖ እት ህለው፡ ጥልያን ላኪን ናይ ኖሶም እዳራት ዐለ እግሎም።፡ እዲነ ወለ ብዞሕ ቫይረሰ

ወስፍ ጠባይዕኩም እብ ሰልፋይ

ሐርፍ ስምኩምሰልፋይ ሐርፍ ምን

ስምኩም እብ X ሐቆ ለአስተብዴ ክእነ ትትወሰፎ

ሰዳይት ዓይለት ፈዳቢት ተሐዙምስል ብዝሓም

ዕላቀት እግል ተአስሶ ትቀድሮምን ተፍኪር

ኢትሰኩእብ ቀላል ገበይ

ተፍኪር ለትሐዜ ሓጃት እግል ትባልሖ ትቀድሮእት ሐቴ ኢነት

ክልኦት ካድም እግል ተአውቁ ትቀድሮ።፡

ለትሐበረ፣እለ ድራሰት እለ እበ

ወዴቱ በሐስ፡ እማት እብ ለትፈናተ አስሉብ ሰበብ ሞት ዐልቀተን እብ ብቆት እግል ልግብአ ክምሰል ቀድረ እት ወድሕ፡ ክእነ ለመስለ እማት እግለ ዐልቀት ካፊ ሀወእ ክምሰል ኢትረክብ እንዴ ወደየ እግል ልቅተላሀ ክምሰል ቀድረ እት ወድሕ፡ እምበል እሊመ እንዴ ኢልትፈሀመን ገሌ ክፈል ገሮብለ ዐልቀት በሀለት፡ እዴ ፡እግር ፡ረአስ ፡ከብድ ወብዕድ ምህም ክፈል እንዴ ደልአፈየ ወመድረረየ ምነ፡ እት ሞት ብቆት እግል ልካርያሀ ክምሰል ቀድረ ተአፍህም፣ለድራሰት እንዴ አትሌት፡

ዐልቀት እት ፍንጌ አብ ወእም ሐቆለ ትሰክብ ገብአት ህዬ፡ ለብቆት እብ ዕጹፋት ክምሰል በዝሕ ሕቡራም ህለው፣ እሊ ለትበሀለ እቡ ሰበብ፡

ለብቆት እብ ክልኦት ለእንክር እግል ትጅሬ ሰበት ቀድር፡ ምነ እብ ዎሮት እንክር ሌጠ እግል ትጅሬ

መቅደረት ለዐለት እግለ ብቆት ዐልቀት ትበዜሕ ሰበት ህሌት እትገብእ፡ እምበል እሊመ ምን አብ ወእም ለፈግር ጋዛት እብ ፍንቱይ ለዋልዴነ ፡አልኮል ለሰቱ ወልፋም ሰጃይር ወክምሰልሁመ ሐሺሽ ገብአው ምንገብእ፡ ለዐልቀት ዐቢ ተአሲር ሰበት ወዴ እተ እግል ሞተ ሕፍረተ ትቆቅል፣ለድራሰት እንዴ አትሌት

እግለ ጠብየ ዓሉቅ ለትገብእ ዐራት ውጢት እንዴ አትዳሌነ ዶል እብ በይኖም ነአሰክቦም፡ ምን ሞት ብቆት እት ልትነጀው እት ዓፍየቶመ ዐቦት ወጸሮት ለአርኡ ትቤ፡ሰበት እሊ እማትነ እግል ለዓብየ ወለአሸንግለ እበ ቅድረተንተ እግል ዓሉቀን ዐሬተቲት ምን ወድየ እግለን ልትሐሬ፣

መረድ አፍካክ ስራዩ ልትሻበብ ህለ!

ንዝምት እንዴ ትደረሰ እግል ሕማማት አፍካክ፡ መቀራጥጥ ወእልትሃባት ለገብእ ስራይ እግል ልትወለድ በክት ለፈትሕ ክምሰልቱ ሐበረው።፡እሊ እብH2S ለልትአመር

ጋዝ ጼናሁ እኩይ እት ገብእ እግለ እትለዐል ሃድጋሞም ለህሌነ አምራድ ለሰብቦ ጀራሲም(አንፋሳት) ለለአደምዕ ቱ፡፡እሊ ጋዝ እሊ፡ እብ ቀሊሉ ለሰምም፡ እሳት እግል ለአልዔ ለቀድር ወእግል ልትፈንጀር ሒለት ወደቅብ ለቡ ጋዝቱ፡ ሸሩ ልክለአነ ወገዱ ለሀበነ።፡