3個簡單方法10分鐘內極速提升溫書效率Snapask –你的溫習專家

3個簡單方法10分鐘內極速提升溫書效率

好多同學成日主動同我呻佢地溫書個陣成日都會遇到「我成日都專心唔到溫好

耐書」、「我一日到底要點先溫到咁多課」或者「我到底每日要溫幾耐」等等。

如果 Download 咗呢本指南既你都有類似既煩惱既話，咁以下落泥我建議既 3

個方法應該都幾適合你既！

點解你要盡快解決溫書效率低既問題？

你可能覺得溫書效率低唔算一個好大既問題，溫耐啲再做多啲練習米解決到

囉..... 呢個諗法唔單止你有諗過，根據我地 Snapask 同唔學校既 Research，

其實超過 95% 既學生都係咁諗。如果你而家唔改變呢個諗法就會同另外95%

既學生一樣，你地一定會遇到「多多時間都唔夠你溫」既問題。你試諗一下，

如果你計劃每日2個鐘既時間泥溫書，但每次溫書個兩個鐘書入面都有至少30

分鐘既時間係分咗心（例如不斷 Check WhatsApp, 諗咗唔係學習既野）或者

唔能夠好集中咁係指定時間做曬啲練習等等。

你可能又會覺得一日浪費咗30分鐘既時間唔算多，但你諗下如果10日裏面就會

浪費咗300分鐘；如果100日既話就浪費咗3000分鐘；如果一年每日都係咁既

話就浪費咗..... 你可以睇到每日只係忽略咗30分鐘咁少既事，如果唔盡快去解

決溫書效率低既問題，你將會浪漫好多好多既時間。你諗下呢100日內浪費咗

3000分鐘既時間可以做好多野，起碼可以操多50分卷，或者可以訓多50個鐘，

而呢一點只有5％既學生先會注意到溫書效率既問題。好慶幸你會睇呢本指南，

因為至少你比另外95%既同學肯去願意了解溫書效率低既問題，肯踏出第一步

去解法呢個問題。而以下呢三個方法，就可以讓你為最 Top 5％既學生，更有

效去善用你既時間，事半功倍。

有咩方法可以提升你既溫書效率？

「25-5 Minutes Rule」其實係指首先你要將大Topic 分成細Topic，例如「數學

既圖形角度題就係大Topic；Sin Cos Tan 就係3個細Topic等等」，專注溫一個

細Topic 25分鐘，然後休息5分鐘；之後揀另一個細Topic 專注溫多25分鐘，然

後再休息5分鐘，如此類推 …… 但點解特別係要專注25分鐘，而唔係10分鐘

或者1個鐘？

其實「25-5 Minutes Rule」早在1990年代有個叫 Cirillo 既創業家當佢仲讀緊

大學個陣發明出泥既。根據佢大學既Research，人既大腦其實好容易比身邊

既野影響到專注力，例如手機唔同既Notification (尤其係Whatsapp) 同周圍唔

同既聲音等等。而平均每一個人能夠100%既Focus大約只係有 25分鐘。另外，

要將大Topic 拆做唔同既細 Topic 係可以更容易更有方向去完成一樣野，令你

慢慢蓄多D成功感，一步一步去完成一個大Topic。所以呢個方法除咗可以大大

提高你大腦既專注力，而且可能令你保持一個高效率既溫書方式去應該每一科

既難題Tim! 呢個技巧要花你幾多時間去準備？我諗1秒都唔洗！

技巧1：善用 「25-5 Minutes Rule」

有咩方法可以提升你既溫書效率？

點解要整個溫書時間表？

讀書並唔係一場多勞多得既交易，有效率溫習先係致勝關鍵。所以時間管理絕

對係邁向成功既第一步，整一個溫書時間表，令自己更了解溫書的方向和目標，

再Check住自己既溫習進度，然後每一日都同自己講「我要堅持堅持再堅持」，

咁樣我相信你必定能在公開試中考取好成績。

主科同選修科時間要點分配？

我會先將科目分為兩類。

第一類：中文科＋英文科＋通識科（呢D科目唔能夠靠短時間催谷，而要靠日

積月累咁浸出泥和努力先會有進步。）

第二類：數學科＋（大部分的）選修課（係呢D科目當中拎好成績大抵是能者

多勞，只要你肯願意比其他人多做幾年既歷屆試題，我當然唔敢講能夠穩奪

5**，但我寫包單至少會有Level 4/5以上。）

至於溫習時間如何分配，我有以下建議：

1. 中文科＋英文科＋通識科（三選二，每天1小時至2小時）

2. 數學科＋選修科（三／四選二，每天2.5小時至3小時）

如果一日裡面涉獵太多數學科／選修科，每科投放的時間不多，我以DSE過來

人既身份同你講，效果一定係唔會大得去邊，所以我建議第二類的科目大家每

日期溫習2至3科就足夠，再加埋「25-5 Minutes Rule」就會事半功倍，但請

謹記要持之以恆，唔係就前功盡廢。

技巧2：用Excel 整你既完美溫書Time Table

點樣整專屬你既完美溫書時間表？

以下我會示範簡單用Excel Template 制定溫書時間表。

1. 列出已知需要出席的活動／補習班／聚會。

2. 仔細列出各科溫習既目標、課題、溫習該課題所需要作出的行動以及所需時

間。詳情請見中文科和物理科的例子。

3. 編排時間表。在編排時，你要清晰地列出每一分每一秒你做緊D咩，好讓你

可以更準確咁編排時間。值得注意既係，我只會先編排頭三個禮拜既時間表，

因為三星期後已Schedule必定會有改動。

4. 執行時間表。制定時間表後最重要一環就係落實時間表，但最難既地方係你

可能跟唔上進度，或者有突發事件令到你delay咗成個溫習進度。咁係呢一刻

你一定要諗辦法盡量追回溫習進度，例如出少次街或者遲少少訓。若你只係不

斷delay溫習進度，咁樣你呢個暑假既成果一定有限。

正所謂：「機會只會留給有準備既人。」你一日唔用Timetable溫書，你一日

都唔會最有效用運用你既時間。整時間表要幾耐？10分鐘都唔洗！

有咩方法可以提升你既溫書效率？

我想問你如果當你有件好緊要既事要搵你Daddy/Mummy/同學/老師，你會唔會

用IG Direct Message / Facebook Messenger / WhatsApp Group Chat 泥搵佢

地？如果你係會既話，對唔住我真係幫唔到你.... 有緊要事根係會直接打電話

比人架啦！仲會Send Message 等佢覆咩？你Check Facebook 既Notification

係唔會幫到你呃Like，你不斷Check IG 你既Follower係唔會多咗，同埋唔好以

為真係好多人想搵你，因為「其實毒＿一個更開心...」。

所以你而家唔該即刻拎起你部電話，熄曬所有既Notification Popup ，等你唔

成日比呢個無謂既 Notification 影響到你溫書，最好就放埋你部電話係有幾遠

得幾遠既地方，如果電話響既先行去聽。你要記住 Facebook 同 IG 係唔會同

你一齊入考場考DSE，放低你對電話既束縛同依賴，專心溫書。

技巧3：熄曬你手機既所有通知同放你部電話係你10步以外既範圍

有咗高既溫書效率到底幫到你啲咩？

我希望以我地 Snapask 其中一個啱啱考完DSE 既Form 6 學生 Katherine 做例

子，去講一講有咗高既溫書效率到底幫到你啲咩。

Katherine 並唔係讀名校，而係一間普普通通既中文中學。佢係中五既大考前

都係好似同其他學生一樣，都係臨考前兩個星期先開始不斷操卷，追返成個學

期老師教咗既所有課題。無錯經過呢兩個星期既不斷努力，係大考上都拎到一

個唔錯既成績，但佢發覺自己總係同一啲考得好好既學生仲爭好大既距離同埋

溫書成日唔太專心咁。過去既暑假開始發現淨反唔夠一年既時間，每日都好似

完全唔夠時間溫曬每一科。

當Katherine係過去既暑假聽咗我地呢3個建議之後，佢覺得每日要溫書既時間

其實唔多，因為提高咗專注力同有清楚既計劃之後，每溫1.5小時都有好好既

效果，而且每日多咗好多既時間去放鬆心情，做多啲自己鍾意既事情幫自己減

下壓，聽下歌做多咗更多既運動。最後係今年既DSE考得三個5*既成績，證明

咗呢一年既花既努力係完全無白費到。

高效率既溫書除咗令你事半功陪之外，多咗時間放鬆下自己，壓力少咗，梗有

更有信心拎到好成績啦！你下一步又會做啲咩？又會唔會跟住以上3個Tips做？

你下一步又會做咩？

覺得以上3個技巧好有用，又想知埋另外99個溫書技巧，幫你解決其他溫書同

學業既煩惱？

一係咁！你介唔介紹用30秒時間填一填呢個溫習習慣測試呢？咁我就可以更了

解你既情況，比到更仔細既方向比你！

https://snapask1.typeform.com/to/qaXlVk?channel=ebook

唔該同學！

“ The art and science of asking questions is the source of all knowledge.”

- Thomas Berger

Happy Snapasking!