70 logro · 2021. 3. 3. · aruba, sint maarten i tambe boneiru, saba i sint eustatius start, i a...

pincuracao.comPartido Inovashon Nashonal

1. Un vishon pa salú públiko duradero a keda pone pretu riba blanku den e dokumento: “Traha huntu pa un Kòrsou salú 2025, Samen bouwen aan een gezond Curaçao”

Hospital Nobo Otrobanda (HNO) CMC.

2. A kaba e hospital nobo, esta CMC. Na 2013 [Foto CMC] a kuminsá traha na 2013 sin por a finalisá na 2017! Suzy a bira minister 31 di mei 2017 a sòru pa por a habri e portanan di Curaçao Medical Center (CMC) 15 novèmber 2019 i evitá ku ta paga siguí pa 2 hospital, esta SEHOS pa kuido hospitalario i siguí mantené CMC den konstrukshon pareu.

3. A eksigí pa SONA duna kuenta i rason di plakanan di konstrukshon di e hospital for di2013-17 i tambe despues. Ademas SONA a keda responsabilisá pa e sènnan i trabounan.

4. A pone un Ministeriele Regisseur en Toezichthouder (MRT) pa separá e outoridatnan entre esnan responsabel pa konstruí e hospital (SONA) i esnan ku mester sòru pa supervishon i kordinashon (MRT) di e magno proyekto.

5. Separashon di e entidatnan hurídiko HNO-Holding for di HNO-Exploitatie, esta CMC, i tambe for di HNO Vastgoed pa por garantisá supervishon (HNO Holding) riba e maneho di e kuido hospitalario (HNO Exploitaite -CMC) i tambe riba mantenshon di edifisio (HNO Vastgoed) den futuro pa evitá pa ora ku e konstrukshon di hospital nobo ta kla e edifisio keda sin kuido.

6. Traspaso di tereno pa CMC a keda reglá, lokual no a tuma lugá anteriormente

di Suzy Camelia-Römer riba tereno di Salú, Medio Ambiente i Naturalesa

70 LOGROI AKSHONNAN KONKRETO


7. Business Case pa HNO a keda traha i someté na diferente evaluashon, e.o. dor di SOAB i Cft. Komo konsekuensia di Covid-19 a laga reevaluá e Business Case di CMC su modelo di eksplotashon

8. Trayekto di Transishon ku tabata pega pa e añanan promé ku Suzy bira minister riba tur tereno, esta di personal, sistema di IT, instrumentaria nobo, introdukshon di proyekto di kalidat internashonal, a start. Empleadonan di SEHOS a haña entrenamentu den uzo di ekiponan i teknologia nobo di CMC i a tene kuenta ku formashon kontinuo.

9. Servisio hospitalario na pashèntnan Aruba, Sint Maarten i tambe Boneiru, Saba i Sint Eustatius start, i a firmá un Akuerdo ku Aruba, St. Maarten i BES i Ulanda pa interkambio den spesialismo pa yuda pashènt den reino keda yuda mas mihó.

10. Protokòl di transishon ku sindikato CBV a keda firma pa garantisá kuponan di trabou di trahadónan di Sehos durante transishon pa na doño di trabou nobo esta CMC.

11. Trayekto pa restrukturá Kuido Primario i ‘Derde Lijn’ a kuminsá i ta den ehekushon.

12. Prikpost den CMC i laboratorio di ADC a keda introdusí, lokual tabata un omishon ora a start ku konstrukshon na 2013

13. Introdukshon di bus di salú den bario dor di ADC i mas prikpost pa mihó servisio.

14. Medionan finansiero a keda pone disponibel ku ta resultado di desishonnan ku a keda tumá pa kambio di sitio di konstrukshon, omishonnan den funshonnan ku lo mester tabata den presente den e hospital nobo (p.e. prikpost) i claim di kompanianan den konstrukshon. Sin e medionan nesesario no por a finalisá konstrukshon di hospital nobo.

15. Aprobashon di ekspanshonnan di trabounan pa Fundashon Prevenshon ku prevenshon di kanser na tripa i gloukoma.

Mas akshon i logro pa Salubridat Públiko

16. A tuma desishon pa konstrukshon di un edifisio nobo pa ADC banda di CMC. Pa motibu di Covid-19 e inisio di konstrukshon a haña retraso

17. A nombra Direktor di ADC, despues ku gobièrnunan di turno pa 6 aña largu a laga e desishon aki keda drumí sin motibu válido.


18. Durante konstrukshon di hospital nobo, na numeroso okashon a sostené SEHOS ku medionan finansiero pa por a garantisá kuido hospitalario.

19. A tuma medidanan pa baha gastu den salubridat ku sigur 80 mion sin tin nodi di subi prima di seguro básiko pa salu (BVZ) dor di Taskforce Marktordening en Financiering Zorgsector a keda instalá ku e meta pa trese reforma den gastunan di salú.

20. Trayekto pa yega na un Zorgautoriteit Curaçao ku ta kalkulá tarifa di kuido médiko a start i a formulá e konsepto di lei i lag’é kuminsá kana su kaminda pa por bai parlamento.

21. Kuido mental: a formulá un vishon i un plan nashonal integral i kondishonnan basá riba e dokumento ‘Kaderbesluit herstructurering GGZ’ a keda aprobá.

22. Edifisio Colon pa Ministerio: A diseñá i start implementashon di remodelashon di e edifisio di Colon pa asina akomodá e Ministerio di GMN i skapa gobièrnu mas ku 300,000 florin di hür pa aña.

23. Plasa di Salú, a keda entamá na Colon, kaminda vários servisio relashoná ku salú i wellness lo keda úbika den Colon Shopping Center.

24. Lista di espera i planifikashon di kapasidat: A aprobá e rapòrt ‘Capaciteitsplanning Gezondheidszorg Curaçao 2018-2019, rapòrt nr. 02SDG170101001 ku a ampliá e norma pa kantidat di dòkter i spesialistanan ku por atmití na Kòrsou. Esaki den kuadro di atendé ku e problema di listanan di espera. Ku esaki a remplasá e rapòrt ‘Santu Remedi’.

25. BIG (Beroepen in de Individuele Gezondheidszorg): Minister di SMN a firma un MOU ku su kolega di Salú, Bienestar i Deporte di Hulanda, Universitair Medisch Centrum Groningen UMCG), NASHKO, SEHOS en de Vereniging medisch Specialisten Curaçao, pa ku entrenamentu, registrashon den BIG-register i reglamentu di salario di e asina yama opleidingskandidaten i e dekretonan nesesario ta den proseso.


26. A aprobá instalashon di Commissie Zorgopleidingen, pa asina struktura entrenamentu kontinuo na esnan den kuido médiko i hospitalario

27. A aprobá pa Fakultatnan Médiko establesé na Kòrsou por akreditá dor di e instansia di akreditashon di nan eskoho, si e instansia ta rekonosé via di Minister di SMN den koperashon ku Minister di Enseñansa. Den e kuadro aki a asigná Accreditation Commission on Colleges of Medicine (ACCM) komo un di e órganonan pa akreditashon na Kòrsou. Den e kuadro aki Minister di GMN a ser apoderá pa firma un akuerdo ku ACCM.

28. A pèrkurá pa e Programa di Vakunashon kontra sarampi i difteria pa gruponan di riesgo na Kòrsou pa garantisá salú di nos poblashon.

29. A apoderá minister di SMN pa kontratá algun investigadó pa por ehekutá e Nationale Gezondheidsenquête 2017. Resultado di e investigashon a ser uzá i lo mester sigui pa desaroyo di maneho di stimulá salú , prevení malesa i diseñá servisionan di kuido na midí.

30. Lei pa salú públiko: A diseñá e ‘Landsverordening Publieke Gezondheid’ ku e meta pa krea un fundeshi pa e struktura di salubridat públiko na Kòrsou. E lei ta den proseso di konseho i tratamentu.

31. Independisashon di VIC: A start e diseño di lei pa hasi Volksgezondheids Instituut Curaçao un entidat públiko riba su mes.

32. Saka flúor for di awa di bebe: A para ku ponementu di flúor den awa di bebe.

33. A formulá Lv. Productie Medicinale Cannabis, ku ta den proseso na parlamento i ku segun kalkulashon di Ministerio di desaroyo Ekonómiko por generá 9000 kupo di trabou den 5 aña i 200 mion na entrada pa `na pa pais..

34. Atendé funshonnan krítiko pa salubridat: A nombra un direktor suplente pa Uitvoeringsorganisatie Geneeskundige- en Gezondheidszaken, i enkargá esaki ku maneho temporal den e fundashon di Sector Directeur Gezondheid van het Ministerie van Gezondheid, Milieu en Natuur (GMN). Tambe a enkargá un profesor ku Inspekshon di Salú.

A traha e kuadro pa baha gastunan den salubridat i implementá e siguiente leinan pa baha gastu den kuido médiko i remedi, i evitá tarifanan mas haltu una CMC


35. A instituí un College Medische Uitzendingen” pa determiná ken mester kuido médiko den eksterior .

36. LANDSBESLUIT, houdende algemene maatregelen, van de 24ste maart 2020, houdende wijziging van het Landsbesluit verpakte geneesmiddelen, PB 2020, 36,24

37. LANDSBESLUIT, houdende algemene maatregelen, van de 12de juni 2019, houdende wijziging van het Landsbesluit verpakte geneesmiddelen1, het Landsbesluit vergoeding kosten geneesmiddelen2 en het Landsbesluit medische uitzendingen, Landsbesluit bevordering doelmatigheid gezondheidszorg, PB 2019, 24

38. LANDSBESLUIT, houdende algemene maatregelen, van de 12de juni 2019 houdende uitvoering van de artikelen 4.4, vierde lid, onderdeel a, en 10.6 van de Landsverordening basisverzekering ziektekosten, Landsbesluit taakstelling zorguitgaven, PB 2019, 26

39. Ministeriële regeling met algemene werking, van de 12de juni 2019, strekkende tot vervanging van de Regeling maximumprijzen geneesmiddelen 20151, Regeling

maximumprijzen geneesmiddelen 2019, PB 2019, 27, 46, 77, 44, 82

40. LANDSBESLUIT, houdende algemene maatregelen, van de 12de juni 2019 houdende uitvoering van artikel 7.1, vierde lid, van de Landsverordening basisverzekering ziektekosten, Landsbesluit nadere criteria zorgcontracten), PB 19,28.89

Konforme Akuerdo di Gobernashon a diseñá un maneho di Wellness, inkluso a krea e fundeshi pa Medisina Alternativo, Tradishonal i Integrativo (TCIM). Den e kuadro aki a implementá e siguiente akshonnan:

41. Eskoho liber di pashènt: A afirmá e libertat i responsabilidat personal di pashènt na momentu di eskoho di kuido dor di afirmá e maneho di Medisina Alternativo konforme e maneho ku teritorio insular di Kòrsou a hiba durante añanan largu, (instellingsbesluit ‘Geneeskundige- en Gezondheidsdienst’ (AB 1999, no 47). Tambe a afirmá den Konseho di Minister e maneho di toleransia pa praktikadónan di Medisina Alternativo i desaroyá e área huntu ku e organisashon mundial di salú, WHO.


42. A aprobá lantamentu di un Programmabureau Wellness Maatschappij (SPWM), ku lo kordiná i finansiá programanan pa stimulá salú . A aprobá e profil pa e miembronan di hunta di komisario i haña konseho positivo di SBTNO pa kandidatonan pa e hunta. Tambe SBTNO a aprobá e statutonan di SPWM.

43. A finalisá diseño di un “piramit di nutrishon” pa informá komunidat kiko ta e alimento nesesario pa un dieta balansá.

44. Kunukito di Kas i Bario a keda ehekutá den 6 bario, 4 skol, diferente kas di Grandi i institutonan manera Dr. D. Caprileskliniek i Speransa, ku e meta pa stimulá patronchinan di kome salú serka muchanan, mayornan i esnan mas vulnerabel den nos komunidat (mira 64 logro riba tereno di agrikultura, krio di bestia i peska).

45. A diseñá un Sentro di Wellness ku lo mester keda ubiká den edifisio di Colon. Meta di un sentro multifunshonal pa asina ta pa duna pueblo akseso na informashon i guia pa kuida i promové nan salú.

46. A entamá e proseso pa yega na un ‘Wellness and Health Monitoring System’ pa por monitoriá desaroyo di salú di pueblo i tuma desishonnan di maneho pa intervenshon na tempu.

47. A ehekutá un programa radial pa konsientisá i informá pueblo di medidanan ku nan mes por tuma pa stimulá na salú i prevení malesa.

Esaki a tuma lugá na 5 radio

emisora i riba tretnan sosial. Ta trata di malesanan manera diabétis, preshon haltu, malesa di kurason i arteria.

48. Sugar tax: A diseñá un lei pa introdukshon di un rekargo riba bibidanan ku suku añadí, e asina yama “Sugartaks”, pa kontribuí na prevenshon di malesanan relashoná ku uzo eksesivo di bibidanan ku hopi suku. E lei a ser entregá na Minister di Finansa pa kaba di trat’é.

49. A diseñá programanan pa stimulá moveshon i evitá malesanan relashoná ku tiki moveshon i sobrepeso I saka diferente klep riba esaki.

Riba tereno di Medio Ambiente i Naturalesa

50. X-Team: A instalá un ekipo multidisiplinario bou di e nòmber X-Team pa mantenshon di leinan kontra di molèster i di dimmentu di shushi ilegal. E ekipo, konsistiendo di e.o. Inspektor di Medioambiente, Ministerio Públiko, polis, Servisio di Medio Ambiente a hasi hopi kontròl i amonestá esnan ku a hasi nan mes kulpabel na tiramentu di shushi ilegal i tambe na otro forma di molèster den barionan di Kòrsou.

51. Akshonnan di limpiesa: Minister di SMN a ehekutá akshonnan di limpiesa i duna un aporte na Uniek Curaçao pa ehekutá un akshonnan grandi di limpiesa di Kòrsou. E playanan ku ta kai bou SMN ta keda limpia semanalmente.


52. Planta pa kima sushi: a konstruí un planta nobo pa atendé ku kimamentu di sushi na Selikor

53. Programa radial pa konsientisá hende pa no tira sushi afó si no ta via kliko i Selikor

54. Kalidat di aire: Minister di SMN den koperashon ku RdK a laga hasi investigashon riba normanan nobo ku mester konta pa kalidat di aire den área di refineria. Basá riba esaki a yega na normanan internashonal Europeo ku mester konta pa kualke industria ku por forma molèster dor di ekspulshon di gas i otro elementonan ku por ta dañino pa salú di hende. E normanan aki a keda aprobá i publiká.

55. A dekretá Klein Kòrsou komo área di RAMSAR, pa protekshon di naturalesa i bestianan di laman ku ta habitá den e área.

56. Maneho di laman: huntu ku Waitt Institute a start ehekushon di un maneho di oséano, ku e meta pa protehá nos rekursonan den laman grandi. Den e kuadro aki a implementá tayer di kapasitashon pa esnan envolví den maneho di oséano.

57. Zona pa protehá peska. A hiba tambe konsulta pa dekretá zonanan pa protekshon di peska (stimulá akumulashon di piská) i den koperashon ku inisiativa partikular pone buinan na hopi sitio na Kòrsou.

58. Playa: Huntu ku CTB a determiná normanan pa kuida i tene nos playanan limpi. Den koperashon ku Minister di Desaroyo Ekonómiko a hasi trabounan di mantenshon na diferente playa den área di Bándabou. A stipulá normanan di kondukta pa esnan ku ta bishitá playanan i entamá un trayekto nobo pa atendé ku pèrmit pa esnan ku ta duna servisio di rekreo i benta di kuminda na playanan.

59. Sargassum: Kòrsou ta keda regularmente asotá dor di Sargassum ku ta forma un peliger pa ambiente Marino, prinsipalmente nos turtuganan. Na diferente okashon a organisá akshonnan intensivo pa eliminá Sargassum for di nos bahianan pa asina evitá desaster ekológiko i molèster pa besindario dor di holó di Sargassum ku ta putri. A desaroyá un manual pa atendé ku sargassum. A start un investigashon i proyekto di prueba.

60. Palu di mangel: Minister di SMN a laga hasi investigashon pa fortifiká leinan di medio ambiente di moda ku por protehá Palu di Mangel i e Sistema ekológiko mará na esaki. Deportamentu di asuntunan hurídiko a keda enkargá ku diseño di e leinan nesesario pa realisá esaki.


61. Maneho integral di awa (watermanagement):

A desaroyá un maneho integral di awa ku ta bai sòru pa awa pa agrikultura, awa pa naturalesa, awa pa medio ambiente i awa pa bebe, aksesibel i pagabel pa nos poblashon. E dokumentu di e maneho integral di awa de “Toekomst van Water” ta aksesibel via www.publicpolicycuracao.com.

62. Molèster di zonidu: Minister di SMN a firma e “Convenant preventie gehoorschade muzieksector” ku “Asosashon di Músiko i Artista di Kòrsou”, despues di a haña sosten tambe di Quota Club pa prevení molèster di zonido. A yega na e kombenio despues di konsultanan ku a keda organisá ku músikonan i doñonan di klup.

63. Leinan pa protekshon di medio ambiente: A inisiá inisiativa di lei, yama Landsverordening houdende regels inzake Milieu Curaçao (Algemeen Landsverordening Milieubeleid Curaçao) pa asina por organisá i struktura nos maneho di medio ambiente, protekshon di nos naturalesa i ta enserá eliminashon di polushon di entre otro plèstik, i otro formanan di polushon di laman, tratamentu i resiklahe di awa sushi, i hopi mas.

64. Ademas un lei pa atendé ku sushi “Afvalstoffen” pa deportamentu hurídiko revisá.

Kolaborashon Internashonal

65. Aprobashon di ‘Plan di Akshon tokante prevenshon di kanser na matris i kòntròl’ 2018-2030 desaroyá huntu ku PAHO na nivel di Latino Amerika i Caribe

66. Palabrashon pa PAHO pa asistí ku dos trayekto: a) kon organisá servisio di salú rondó di e hende b) diseño di e sistema digital ku ta monotoriá salú i wellness

67. Palabrashon ku PAHO pa train the trainers pa integrá ‘lifecourse approach’, den tur edat.

68. Palabrashon ku PAHO pa via strategic fund nos por kumpra remedi na preis mas kumbiniente

69. Palabrashon ku PAHO pa hasi uso di un modelo prueba den práktika pa analisá proyekshon finansiero di HNO

70. Palabrashon ku PAHO deliñá strategia den Karibe pa atendé ku obesitas. Puntonan importante ta sugertax, lei di etiketa, nutrishon i moveshon.


ABIGAIL PAULA2

7

12

17

3

8

13

18

4

9

14

19

5

10

15

20

6

11

16

21

CLIFFORD DE LANNOY

SANELEOPETRONELLA

SHEILACOFFIEWHIESKIE

CHRISTOPHER MADURO

CURTLY VALERIAAN

MARTA DIJKHOFF

GIORGIOBROOS

SONAIDA HELLBURG

KYONA DAAL

KENNETH MARTIS

MERCÉE DORAN

SHANDELL MATRONO

NEHOMAR MATEO

VANESSA TORÉ

ELIOR BOELDAK

KENNETH PIETER

STANLEY GIBBS

ANDREWKRIPS

AXEL PIKERO

70 logro · 2021. 3. 3. · aruba, sint maarten i tambe boneiru, saba i sint eustatius start, i a...

Documents