a fratilui mortu
TRANSCRIPT
8/8/2019 A Fratilui Mortu
http://slidepdf.com/reader/full/a-fratilui-mortu 1/10
A fratilui mortu.
Iara nă mumă cu ficiori
Cu noau gioni livenzdî
Tu noaua gioni , nă fiată mash
Nă Vasilichiau avdzîtă
Shi vinjiră di alargu aclo
Aleaptsî gionj s u caftă
Ma muma aljei cu noau frats
Trî dari nu vrea s avdă.
N ă dzua vinji , s nu s yinea
8/8/2019 A Fratilui Mortu
http://slidepdf.com/reader/full/a-fratilui-mortu 2/10
Un gione un lai soari
Shi caftă Vasilichiau atsea
Di mushuteatsă avdzîtă
Shi muma ljei cu fratslji tuts
Trî dari nu vrea s avdă
Mash fratili atsel ma njicu
Mash njiclu Costandinu
S bîgă su da , shi u deadiră
Tu xeani atselui gione
- Cî io mi legu , lea muma mea
S ts u aducu duruta sora
8/8/2019 A Fratilui Mortu
http://slidepdf.com/reader/full/a-fratilui-mortu 3/10
Di cîte oari va ti ljia
Di cîte oari va u caftsî.
Tu xeani aclo u deadiră
Trei mesi, trei anj diparti
Tu shtiinda si ti mindueshti
Shi mindea ts si scuală
Shi nu tricu multu putsin
S bîgă lingoari greau
Di nu s armasi cioru di frats
Di soi vîru nu armasi
Shi armasi muma singura
8/8/2019 A Fratilui Mortu
http://slidepdf.com/reader/full/a-fratilui-mortu 4/10
Ca erma, ngljisa ncasă
Shi s blastimea shi anathimea
Si u plîndz laia di njila
Cas nu iara tsel Costandin
Vrea s aibă feata ncasă.
Di multili blasteami aljei
Di a mumălji blasteami
Locu nu didea di Costandin
Lu arca loclu nafoară
Shi si sculă niastimtulu
Mortulu shi ngrupatlu
8/8/2019 A Fratilui Mortu
http://slidepdf.com/reader/full/a-fratilui-mortu 5/10
Di ncalică di asbuiră
La sorsa Vasilichiau
- Sora sora , bunats oara
Ndreadziti ti s vdzim astara
Cî nî andast a muma anoastra.
- Frate frate spunji nj tini
Di i trî slab i trî ghini
Di i trî slab , lăili s nji bagu
Di i trî bun albi s nji pun.
-Aide sora, acshi cum hii
Muma ti shtii shi u shtii.
8/8/2019 A Fratilui Mortu
http://slidepdf.com/reader/full/a-fratilui-mortu 6/10
Shi ncishiră calea nîsi
Cale lunga sh dipartoasă
Cum s ducea, cum imna
Puilji di zgicu s fridzea:
- Tsiu tsiu tsiu sh tsiu
Iu s avdzi mortu cu yiu?
Shi Vasilichiauă cîndu avdzi
Cuvenda tsea a puiljor
Trimburea sh cutrimburea
Sh dzitsea al Costandinu
- Avdzî frate tse batu puilji ?
8/8/2019 A Fratilui Mortu
http://slidepdf.com/reader/full/a-fratilui-mortu 7/10
Cî mortsîlj imnă cu y iili!
- Alasă sora puilji , alasă s bate
Altu lucru nu au tsi s facă.
Elji ma nclo cum s nîrdzea
Altsî pulj calea s tîlja
- Tsiu tsiu tsiu shi tsiu
Iu s avdzi mortu cu yiu?
- Avdzî frate tse dzîcu puilji?
Cî mortsîlj imnă cu yiili.
- Puilji sora tra s cîntă i dată
Nu ti intuia, alasă s bate.
8/8/2019 A Fratilui Mortu
http://slidepdf.com/reader/full/a-fratilui-mortu 8/10
Calu vdzi asbuirinda
Altsî pulji iesu cîntinda: -
-Tsiu tsiu tsiu sh tsiu
Iu s vidzu mortu cu yiu?
- Avdzî frate tsi dzîcu puilji?
Cî mortsîlj imnă cu yiili!
- Puilji sora nu potu tra s tacă
Cî altu lucru nu au tsi s facă.-
- Frate , nj anjurzeshti tsară
Sh nj iasti frică s nergu nhoară -
- Sora, dă naindi sh yinu sh io
8/8/2019 A Fratilui Mortu
http://slidepdf.com/reader/full/a-fratilui-mortu 9/10
Pîn calu s lja nă gură
Cî i durinatu
Cî i curmatu
Cî multu ari imnată.
Cîndu sorsa acasă s dutsea
Intră nîsu tu murmindi.
- Dishcljidi muma buna mea
Dishcljidi muma usha
Cî vinji muma hilja ta
Cî nu u vidzush di anji.
Fatsea muma tsi nu fatsea
8/8/2019 A Fratilui Mortu
http://slidepdf.com/reader/full/a-fratilui-mortu 10/10
Pîn usha si u dishcljidă:
- A lea tini hii , lea feata mea
I ocljili nj m arîdu ?
- Io hiu lea muma cum mi vedz
Io hiu durută mumă
S bîgă s aspune calea ljei
Cum vinji sh cari u adusi.
Atumtsea la bisearică
Nirdzea tra si s inclină
Trî al Costandinu suflitu
Trî al Costandinu ljertari.