afrikaanse hoËr seunskool...11.00 aktiwiteitsorganiseerders 13:30 middagete 14:30 krieketproewe,...
TRANSCRIPT
1
Naam: _____________________________________________________ Gr. 8 ____
AFRIKAANSE HOËR SEUNSKOOL SEDERT 1920
GRAAD 8-INSKAKELINGSPROGRAM 2016
2
BOODSKAP VAN DIE HOOFSEUN
Beste Amper-Affie Dankie dat jy ons skool gekies het om tot jou opvoeding by te dra. Wees gerus - jy het die regte keuse gemaak. Hier gaan jy die beste tyd van jou lewe beleef. Hier maak jy broers vir lewenslank en word jou potensiaal ontsluit. Hier word jy groot en sal jy na matriek, goed toegerus, die lewe tegemoet kan gaan. Om deel te word van Affies, moet jy met die regte gesindheid hier instap. Onthou jou nuwe broers het ook alles meegemaak wat nou op jou wag. Dis regtig die grootste avontuur wat daar is en 350 ander Gr 8’s gaan dit saam met jou ervaar. Wanneer jy by Redelinghuyspoort instap, word jy deel van 95 jaar se trotse geskiedenis en tradisies. Miskien was jou pa, oupa of ooms hier, miskien is jy die een wat die tradisie gaan begin, maar teen die mure van die skool sal jy die fotos sien van dié wat voor jou hier was. Daar waar jy gaan loop, het duisende ander se voetstappe die grond getref. Ons sien baie daarna uit om jou hier te ontvang. Onthou jy gee nou die eerste tree na onafhanklikheid en grootword. Die eerste ruk gaan nie maklik wees nie, maar glo my, as jy vasbyt en aanhou, gaan jy die vrugte daarvan pluk. Jou nuwe Affie-broers sal jou help as jy swaartrek. ‘n Affie-broer gly, maar hy val nie, want sy broers is daar om hom op te help. Dis waarvoor ons daar is, maar ons gaan jou ook leer hoe om ‘n ware Affie te wees.. Hier dien ons God en ons land, respekteer ons mekaar, is ons hoflik, veral teenoor dames. Jou gedagtes, woorde en dade is in ooreenstemming met mekaar. Berei jou voor vir die skoolloopbaan wat jou lewe gaan verander en jou toekoms gaan bepaal. Sterkte met die eksamen wat voorlê. Lekker rus die vakansie. Mag jy, jou gesin en familie ‘n geseënde Feestyd ervaar. “Laat daar lig wees”. Affie-groete DAAN VAN DER WALT Hoofseun 2016
3
AFRIKAANSE HOËR SEUNSKOOL
GRAAD 8-INSKAKELINGSPROGRAM
Sondag 10 Januarie (slegs koshuis)
10:30 Aankoms: Pannevis
- Registrasie
- Administrasie
- Affie-oortrekpapier tussen 10:00 en 12:00 by die skakelkantoor te koop.
R50 per rol (10 velle, genoeg vir 20 boeke)
11:00 Inskakelingsprogram: Saal (ouers en gr. 8’s)
- Koshuisreëls
- Voorstel van personeel en koshuisprefekte
12:00 Middagete in die koshuiseetsaal vir die graad 8’s, ouers, personeel en koshuisprefekte. Na
ete mag die seuns tyd saam met hulle ouers spandeer.
09:00 – 13:00 Klerebank en finansiële kantoor oop
17:00 Gr. 8’s terug by Pannevis
17:30 Aandete
18:00 Gr. 8’s: Koshuislewe - Oriëntering
Maandag 11 Januarie
07:30 Gr. 8’s: Opening in saal (Wit Affie-sporthemp en groen Affie-sportbroek)
07:45 Verwelkoming
- Dr Edwards
08:00 Moets en moenies vir die Graad 8’s
- Voorstelling van die personeel en Affieraad
- Huisindeling
- Dagprogram
09.00 Akademiese inskakelingsprogram (Bring skryfbehoeftes saam)
11.30 Pouse
12.00 Atletiekuitdunne
14.00 – 14:30 Middagete: Koshuiseetsaal (Alle seuns eet in die koshuis middagete. Seuns wat nie by
krieketproewe betrokke is nie, mag daarna verdaag.)
14.30 – 15:30 Waterpoloproewe
15.30 – 17:30 Krieketproewe
17.30 Verdaging
Dinsdag 12 Januarie
07:30 Voogperiode: Indeling van voogklasse indien moontlik
08.00 Akademiese inskakelingsprogram (Bring skryfbehoeftes saam)
10:30 Pouse
11.00 Atletiekuitdunne
13.30 – 14:00 Middagete: Koshuiseetsaal (Alle seuns eet in die koshuis middagete. Seuns wat nie by
krieketproewe betrokke is nie, mag daarna verdaag.)
14:00 – 15:00 Waterpolo- en swemuitdunne
15:00 Krieketproewe
17:30 Verdaging
4
Woensdag 13 Januarie
07:30 Vierkantopening (Gr 8’s trek aan: Affie-skoolklere: GEEN das, baadjie of pet)
07:45 Indeling van graad 9- tot 12-voogklasse. Graad 8’s bly in die saal agter.
08:00 Terreinverkenning saam met personeel
10:30 Pouse (saal)
11.00 Aktiwiteitsorganiseerders
13:30 Middagete
14:30 Krieketproewe, ook waterpoloproewe, indien nodig
17:30 Verdaging
Donderdag 14 Januarie
07:30 Vierkantopening
08:00 Graad 8’s ontvang akademiese roosters
11.00 Pouse
11:30 Aktiwiteitsorganiseerders
12:30 Musiekindeling
13:30 Middagete
14:30 Krieket-, waterpolo- en swemproewe
17:00 Verdaging
Vrydag 15 Januarie
07:30 Saalopening
09:00 Vertrek na Gr. 8-avontuurkamp te Zwartkloof. (Wit Affie-sporthemp en groen Affie-
sportbroek)
Sondag 17 Januarie
14:00 Arriveer terug by AHS. (Gr.8’s help met opstel van atletiekbaan)
15:30 Seuns verdaag.
17:00 (Slegs koshuis) Seuns terug in koshuis vir aandete en kerk saam met AHMP
Maandag 18 Januarie
Atletiekinterhuis (los tas tuis)
Gr. 8`s vertrek na opruiming (ongeveer 17:00)
Dinsdag 19 Januarie
Redenaars onttrek vir inskrywings
Pouse: Skoonmaak van die meesters se skoene in die vierkant (Bring borsel, lap en skoenpolitoer)
Woensdag 20 Januarie (pouse)
Swem interhuis (Hillcrest)
14:30 – 16:00: Aktiwiteite saam met graad 8’s van AHMP by AHMP (Tema en kleredrag –
boeresport)
Donderdag 21 Januarie (pouse)
Graad 8-inskakelingstoets
5
Vrydag 22 Januarie (pouse)
Terugvoer oor Graad 8 toets
Maandag 25 Januarie (pouse)
Pouse: Oefening vir inhuldigingsaand
Dinsdag 26 Januarie (Inhuldigingsaand)
Pouse: Reëlings in verband met inhuldigingsaand
o Drag: Volle skooldrag. Die Affie-pet word in die hand gedra.
o 17:30 - Graad 8’s meld aan
o 19:00 - 21:00 Inligtingsessie en inhuldigingseremonie
o Na afloop van die funksie word ligte verversings in die vierkant bedien.
o Ouers kry die geleentheid om die meesters te ontmoet.
o ‘n Professionele fotograaf neem foto’s aan die oostekant van die saal. Kontant by bestelling.
R30 per foto.
Woensdag 27 Januarie
Oefen skoollied, Power en kreet
Donderdag 28 Januarie (pouse)
Skool se verjaarsdag (Graad 8’s dra volle skooldrag)
Vrydag 29 Januarie
Graad 8’s dra Affie-das, -baadjie en –pet vir die skool se verjaarsdagviering saam met AHMP.
Graad 8’s sing skoollied en kreet vir die eerste keer
6
SKOOLTRADISIES
Tradisies wat op gr. 8-leerders van toepassing is:
‘n Graad 8-leerder …
groet alle onderwysers.
groet ‘n matrikulant op die tradisionele manier, spreek hom as “Meester” aan. Indien ‘n
gesprek gevoer word, staan die graad 8-leerling op aandag.
leer die name en vanne van die matrieks.
hardloop oor vierkante en grasperke.
staan stil as hy aangespreek word.
gebruik slegs die toilette vir juniors.
mag nie deur die voorportaal loop nie.
mag nie voor die skool verby loop nie.
mag nie deur die sportkantoortonnel loop nie.
is verplig om elke Vrydag sy Affie-pet te dra.
Wanneer ‘n onderwyser of matrikulant ‘n klas binnekom, staan al die leerders op.
Tradisies wat op alle leerders van toepassing is:
Wanneer ‘n onderwyser ‘n klas binnekom, staan al die leerders op.
Daar word van alle leerders verwag om ten alle tye met die grootste hoflikheid teenoor
dames op te tree, tydens skoolure en daarna.
Leerders staan op aandag wanneer “Boereplaas”, “Power of Affies”, die volkslied en
skoollied gesing word.
Tydens vlaghysings word vlagetiket streng gehandhaaf.
Geen leerder mag die klok langs die saal lui of deur die boog van die kloktoring stap nie.
Hiérdie voorreg is slegs beskore vir ‘n matrikulant op sy laaste skooldag.
7
WENKE VIR AANPASSING
Vergeet alles van die laerskool en begin heel van voor met akademie, sport en kultuur.
Leer om met selfdissipline en goeie vooruitbeplanning jou skoolwerk en sport te doen.
Moet nooit jou groen huiswerkgids verloor of vergeet nie. Dit is die sleutel tot alles wat in
Affies gebeur.
Skakel dadelik in by die Affielewe – dis ‘n wonderlike opwindende seunswêreld!
Neem deel aan ten minste twee (of meer) aktiwiteite (sport en kultuur). So leer jy nuwe
maats ken. Dis baie belangrik – onthou, bekend maak bemind!
Onthou almal is vreemd, doen moeite om maats te maak.
Jy sal nie noodwendig die A-span haal of die vinnigste hardloop nie. Daar is ongeveer 300
ander graad agt-leerders wat ook goed is.
Doen jou beste en geniet wat jy doen ongeag in watter span jy speel.
Goeie hoflike maniere teenoor jou meerderes (personeel en seniors, veral dames) is ‘n
waardevolle sleutel tot gladde aanpassing.
Praat altyd suiwer Afrikaans! Die skool se naam is: Afrikaanse Hoër Seunskool!!
Neem alle omsendbriewe vir jou ouers sodat hulle ook weet wat in die skool gebeur. Bring
afskeurstrokies terug.
Onderwysers in die hoërskool is anders as in die laerskool.
Moenie jou tas/sportsak/sportskoene ens. enige plek neersit nie. Dit gaan wegraak! Merk
jou tas, sak en klere.
Eet ‘n stewige gebalanseerde ontbyt. Die skooldag is lank.
Goeie vitamienaanvulling is noodsaaklik vir vinnig groeiende seuns!
Koshuisleerders skep moed; julle is baie besonders. “Doen net” en geniet alles met julle
hele hart.
Affie-gees en tradisie is werklik uniek.
Onthou: Eenmaal ‘n Affie altyd ‘n Affie!
8
Stigterslede
Mnr. Jan Joubert, mede-stigter
Ds. Chris Neethling, mede-stigter
Hoofde
Mnr. F. J. le Roux
1920 - 1946
Dr. G. J. Potgieter
1947 - 1963
Mnr. J. A. Fourie
1964 - 1968
Mnr. J. D. V. Terblanche
1970 - 1973
Mnr. N. C. Roesch
1974 - 1984
Mnr. T. L. P. Kruger
1985 - 1991
Dr. P. Edwards
1992 -
9
Eerste sportklubs
Die klubs vir rugby en tennis word op 4 Mei 1921 gestig.
Die hoof, mnr. Frank le Roux (regs), en mnr. Wilsenach (links) was ook lede van die span.
10
Affie-landmerke
In Visagiestraat, net oos van die stadsaal, staan die Generaal Piet
Joubertgebou. Op hierdie perseel het die skool op 28 Januarie 1920 met 44
leerlinge in generaal Joubert se huis begin. Die skool het tóé as die Afrikaanse
Hoërskool bekend gestaan. In die saal se voorportaal is ‘n balk wat uit die
woonhuis kom.
Die gebou van Afrikaanse Hoër Meisieskool was ons eerste skool wat aan die
begin van 1927 betrek is.
11
Die oudste gedeelte van ons huidige gebou is aan die begin van 1928 betrek
omdat die skool te groot geword het vir die vorige gebou. Ons huidige gebou
was eers die Nederlandse skool en het as Hogere Oosteindeschool bekend
gestaan. In 1930 is die seuns en meisies geskei. Die seuns het in ons gebou
gebly en die meisies is terug na die gebou wat vandag nog die setel van
AHMP (Afrikaanse Hoër Meisieskool, Pretoria) is.
In die skool se voorportaal is ‘n borsbeeld van ons eerste hoof, mnr. F. J.
(Frank) le Roux. Sy bynaam was Pa. Die voorportaal is in die tyd van die
tweede hoof van die skool, dr. G. J. (Gert) Potgieter, beslaan met die
inheemse houtsoorte van Suid-Afrika.
Huis Pannevis is ons oudste koshuis op die terrein. Dit is in 1930 ingewy. Dié
gebou is na Arnoldus Pannevis, kampvegter vir Afrikaans, benoem. Huis
Frank le Roux is in 1970 betrek. Dit is na die skool se eerste hoof vernoem.
Die verskillende gange is ook na kampvegters vir Afrikaans vernoem:
Hoogenhout, Malherbe, Reitz en Du Toit. In 1993 is nog ‘n blok gebou en die
gange is na die stigterslede van die skool vernoem: Huis Neethling en Huis
Jan Joubert. Chris Neethling was ‘n predikant en Jan Joubert, die seun van
generaal Piet Joubert, was ‘n parlementslid.
Die ingang tot die skoolterrein staan as Redelinghuyspoort bekend. Dit is na
mnr. S.A. Redelinghuys vernoem. Hy was van 1923 tot 1962, dit wil sê 39
jaar, aan die skool verbonde. Hy is in 1964 oorlede.
Die huidige mediasentrum was die eerste skoolsaal wat tot in 1961 as saal
gebruik is.
Die booghek is in 1945 opgerig om die skool se 25ste bestaansjaar te
herdenk. Met die skool se 75ste verjaarsdag in 1995 is die hek by die muur
ingebou wat die terrein tans omgrens.
Die Potgietersaal, vernoem na die tweede hoof, dr. Gert Potgieter, is in 1961
gebou en is in 2002 verander soos dit vandag lyk.
Die Appelkas is na mnr. J.D.V. Terblanche (vierde hoof van Affies), vernoem.
Sy bynaam was Appel.
Die suid-oostelike vleuel, grootste aanbouing nóg deur ‘n staatskool uit eie
fondse, is in 2006 deur mnr. J. D. V. Terblanche ingewy.
Catfoot’s Corner: Die jaar 1972 sal seker as die jaar van die begin van die
uitdrukking "Affie-guts" bekend staan. Moontlik hang dit saam daarmee dat die
skool se wapen van daardie jaar af op die linkerbors van die eerste span se
rugbytruie verskyn het, waarskynliker is dit deel van 'n nuwe golf van
vasberadenheid, selfvertroue en toewyding wat deur die hele skool merkbaar
was. Die Affie eerste span, afgerig deur mnre. F. de Vos en H.G. Kruger en
met R. Earle as kaptein, het menige wedstryd eers in die doodsnikke gered
12
deur eenvoudig te weier om bes te gee. Vroeg in die reeks om die
Administrateursbeker het die Affies hulle vasgeloop teen Hoër Tegnies van
Middelburg. Met sekondes oor was die Middelburgers voor op die telbord en
van hul ondersteuners het alreeds die oorwinning begin vier. Maar toe skop
"Affie-guts" in en toe die Tegniese Skool hulle kom kry, wen Affies die
wedstryd in die doodsnikke met 'n verbete laaste aanslag. Daarmee is die
grondslag gelê vir 'n "kannie-dood" benadering wat met die jare net sterker
sou groei en aan die uitdrukking "Affies, die gevreesde" volume sou verleen.
Affies wen die Noord-Transvaal afdeling van die reeks en kom in die semi-
finaal teen die Hoër Tegniese Skool Tom Naude (Pietersburg) op hul tuisveld
in Pretoria te staan. Weer eens is dit 'n taai en genadelose wedstryd en met
sekondes oor loop die Pietersburgers voor. Mnr. Terblanche vertel dat hy al
mnr. Boet Hough, hoof van die Tegniese Skool, gelukgewens het toe die bal in
die laaste beweging in die hande van die Affie-agterlyn beland. Met byna
verbete vasberadenheid op hul gesigte afgeëts is die bal wyd gespeel na
Marcel (Katvoet) Raath en hy rond die beweging af met die wendrie in die
westelike hoek van die veld. Daardie hoek van die rugbyveld staan tot vandag
toe bekend as "Katvoet's corner". Weer het "Affie guts" sy ding gedoen. Die
finale botsing om die Administrateursbeker was teen die Hoërskool Nelspruit.
Toe die fluitjie die einde van 'n oop en aanskoulike wedstryd aankondig, dui
die telbord 'n gelykop uitslag aan. Die twee skole deel dus die
Administrateursbeker vir 1972.
13
AKTIWITEITEGIDS
Sport- en kultuurorganiseerders
Atletiek:
Mnr. Jan Grabie
A14 / K14
Muurbal en tennis:
Mnr. David Jaquire
A27 / K49
Gholf:
Mnr. Cobus Coetzee
A6 / K19
Rugby:
Mnr. Sakkie van der
Walt
A31
Hokkie:
Mnr. Guy Elliot
Sportkantoor
Swem:
Me. Mariaan
Haasbroek
A20 / K52
Krieket:
Mnr. Deon Botes
A9
Waterpolo:
Mnr. Ferdinand
Postma
Swembad
14
Fietsry en scuba:
Me. Lilla van Dam
K43
Skaak
Me. Ella Schoeman
T4
Koor en orkes:
Me. Estelle Matthee
Kultuurkantoor
Affie-Artes
Me. Erika
Swanepoel
K47
Redenaars:
Me. Andriëtte
Beukes
K28
Public speaking en
tafeltennis:
Me. Yvonne Bredell
A13 / K5
Debat
Mnr. Dirk Taljard
1920-kantoor
Stroom-op
Me. Annatjie
Ferreira
Kultuurkantoor
A22
15
Toneel
Me. Ronel de Beer
K18
Avontuurklub
Mnr. Tekkies
Barkhuizen
K53
Jukskei
Mnr. Gerrit Jacobs
K50
Gimnasium
Mnr. Jaco Koch
Gimnasium