ajuntament de vielha e mijaran · - decrèt 3/2013 – ordenant pagament nòmina gèr e seguretat...

Ajuntament de Vielha e Mijaran

Sarriulèra,2 – 25.530 VIELHA – Tel . 973640018 – Fax 973640537 – E-mail [email protected]

1

ACTA DERA SESSION DETH PLEN Identificacion dera session Numerò: 03/2014 Caractèr: òrdinaria Data: 24 de març de 2014 Orari: 10:30 a 12:00 ores Lòc: Sala d’actes der Ajuntament de Vielha e Mijaran Assistenti President: Alejandro Moga Vidal Còssos: Grop Municipau de Convergéncia Democratica Aranesa Partit Nacionaliste Aranés (CDA-PNA): Joan Pau Perdices Pla, Mª Luisa Estevez Sans, Agustín Calbetó Escrig, Carlos Nart Bardají e Francisco Faure Martin. Grop Municipau deth Partit Popular (PP): Joaquin Puente Feixa. Grop Municipau d’Unitat d’Aran-Progres Municipal-Partit dels Socialistes de Catalunya (UA-PM-PSC): Rufino Martinez Cau, María Vergés Pérez, Marc Cuny Morón, Susana Linde Tellosa, Alex Sirat Tarrau e Cristina Enseñat Beso. Assistidi pera Secretària dera Corporacion Municipau Pilar Hervada Vidal, damb er objectiu de celebrar era session ordinària en prumèra convocatòria. Orde deth dia:

1. Aprobacion actes anteriors. 2. Balhar compde des Decrèts der Alcalde. 3. Modificacion des Normes Subsidiàries de planejament dera Val d’Aran vigents en

Vielha e Mijaran entà ajustar delimitacions deth sistèma viari. 4. Rescission deth convèni de collaboracion urbanistic signat damb Tucaran Resort

SL. 5. Ahèrs d'urgència se n'i a. 6. Prècs e demanes.

1.- APROBACION ACTES ANTERIORS.- Se dan per liejudes er Acta dera session ordinària deth dia 27 de gèr de 2014 e er Acta dera session extraordinària deth dia 4 de març de 2014, eth brolhon des quaus siguec liurat a toti es membres deth Consistòri e trapant-les d’acòrd, s’apròven per unanimitat des presents. 2.- BALHAR COMPDE DES DECRÈTS DER ALCALDE.- Per part der Alcalde se da compde as Còssos, que se dan per assabentadi, des resolucions que seguissen:

- Decrèt 5/2014 – Convocatòria Plen - Decrèt 6/2014 – Convocatòria JGL



2

- Decrèt 7/2014 - Anullat - Decrèt 8/2014 – Concession tarjeta de parcatge - Decrèt 9 2014 – Aprobacion devolucion d’un avau - Decrèt 10/2014- Admission a tramit de Reclamacion Patrimoniau - Decrèt 11/2014 –Convocar Conselh d’Alcaldes - Decrèt 12/2014 – Autrejar aucupacion de viadèr públic - Decrèt 13/2014 – Autrejar aucupacion de viadèr públic - Decrèt 14/2014 - Autrejar aucupacion de viadèr públic - Decrèt 15/2014 – Autrejar aucupacion de viadèr públic - Decrèt 16/2014 - Autrejar aucupacion de viadèr públic - Decrèt 17/2014 - Autrejar aucupacion de viadèr públic - Decrèt 18/2014 - Autrejar aucupacion de viadèr públic - Decrèt 19/2014 – Convocatòria de JGL - Decrèt 20/2014 – Autrejar permis entà gravar en CEIP Garona - Decrèt 21/2014 - Autrejar aucupacion de viadèr públic - Decrèt 22/2014 – Autorizacion entà er usatge dera Sala Era Audiovisuau - Decrèt 23/2014 – Admete a tràmit reclamacion patrimoniau - Decrèt 24/2014 - Admete a tràmit reclamacion patrimoniau - Decrèt 25/2014 - Convocatòria de JGL - Decrèt 26/2014 – Aprovar era devolucion d’ua fiança - Decrèt 27/2014 – Convocatòria de Comissions Informatiues - Decrèt 28/2014 – Convocatòria Plen Extraordinari - Decrèt 29/2014 - Aprovar era devolucion d’ua fiança - Decrèt 30/2014 - Aprovar era devolucion d’ua fiança - Decrèt 31/2014 – Convocatòria de JGL - Decrèt 32/2014 - Aprovar era devolucion d’ua fiança - Decrèt 33/2014 - Aprovar era devolucion d’ua fiança - Decrèt 34/2014 – Convocatòria de Comissions informatives - Decrèt 35/2014 – Incoacion expedient de tramitacion de baishes en Padron

Municipau. - Decrèt 36/2014 – Baishes d’ofici en Pardon Municipau - Decrèt 37/2014 - Admete a tràmit reclamacion patrimoniau - Decrèt 38/2014 – Delegacions en lèr Tinent d’Alcalde

Decrèts d’Intervencion:

- Decrèt 3/2013 – Ordenant pagament nòmina gèr e Seguretat Sociau deceme. - Decrèt 4/2013 – Ordenant pagament relacion 2/2014 - Decrèt 5/2013 – Aprovar relacion de compromisi de despena - Decrèt 6/2013 – Ordenant pagament relacions 3/2014 e 4/2014 - Decrèt 7/2013 – Iniciar expedient de liquidacion deth pressupòst exercici 2013 - Decrèt 8/2013 – Elavoracion liquidacion deth pressupòst exercici 2013 - Decrèt 9/2013 – Expedient modificacion de crèdit 1/2014 - Decrèt 10/2013 – Ordenant pagament nòmina hereuèr 2014 e Seguretat Sociau ger - Decrèt 11/2013 – Aprovar relacion de compromisi de despena - Decrèt 12/2013 – Ordenar pagament de relacions 5/2014 e 6/2014



3

- Decrèt 13/2013 – Aprovar Plan de Dispausacion de Hons - Decrèt 14/2013 – Iniciar tramitacion administrativa deth Compde Generau 2013 - Decrèt 15/2013 – Aprovar marc pressupostari 2015/2017 - Decrèt 16/2013 – Convocar Comission Especiau de Compdes

3.- MODIFICACION DES NORMES SUBSIDIÀRIES DE PLANEJAMENT DERA VAL D’ARAN VIGENTS EN VIELHA E MIJARAN ENTÀ AJUSTAR DELIMITACIONS DETH SISTÈMA VIARI.-

Er Alcalde manifeste qu’encara que dejà s’a explicat as Pòrtaveus des diferents Grops Municipaus igualment explique breument es antecedents der expedient Ref. 1/2014 dera Modificacion des Normes Subsidiaries e Complementàries de Planejament dera Val d’Aran entà ajustar delimitacions deth sistèma viari e que s’encomanèc ar arquitècte Jordi Fargas i Soler.

En prumèr lòc er arquitècte a realizat era transposicion des cinquanta-e-sies modificacions des Normes Subsidiàries e Complementàries de Planejament dera Val d’Aran que des der an 1982 an estat tramitades e aprovades en municipi de Vielha e Mijaran tà poder auer un únic tèxte rehonut que mos permetegue trebalhar molt mès eficazment e non auer d’anar consultant ua a ua es diferentes modificacions aprovades; deth document resultant ges un tèxte rehonot e ath còp era digitalizacion cartografica deth planejament de toti es nuclèus deth municipi, tot çò qu’ajudarà a balhar seguretat tecnica ara ora de trebalhar. Deth trebalh portat a tèrme s’an trapat ues modificacions que interèsse tramitar entà ajustar era realitat e era normatiua urbanistica. Er expedient arremasse un totau de cinc modificacions qu’afecten as nuclèus de Vielha, Casau, Betren e Aubèrt. S’a premanit era documentacion tècnica que se prepause aprovar. Passe era paraula as Grops Municipaus: Eth Pòrtavotz deth Grop Municipau de CDA-PNA, Juan Pau Perdices, confirme çò qu’a dit er Alcalde sus es cinc modificaciones e que cree qu’ei obligatòri de tramitar. Ei eth resultat deth trebalh molt possitiu qu’a hèt eth tècnic entà tratar de delimitar causes qu’en sòn dia quederen sense resòlver ena epoca de major pression urbanistica e qu’ei era prumèra fasa d’aguest tèxte rehonot que s’amarà completant. Eth Pòrtavotz deth Grop Municipau d’AU-PM-PSC, Rufino Martínez Cau, dues parts: 1.- Se trate d’ua modificacion qu’arremasse aspectes molt puntuaus de mancances des NNSS aprovades en an 1982, per’mor qu’eth nivèu tècnic a efectes de cartografia e topografia d’abantes non auie arren a veir damb eth nivèu tecnic que s’a actuaument. Quan se realice era transposicion cartografica ei quan se detecten petiti errors o concrecions enes superposicions que a còps pòrten a conflictes perqué es linhes gròsses pòt èster era representacion d’ 1 o 1,5 metres que pòden provocar problemes des deth punt de vista des profitaments urbanistics. Basicament era modificacion ei de correccion d’errors per çò qu’èm totaument d’acòrd.



4

2.- En prumèr lòc felicitar ath Sr. Fargas peth trebalh hèt per’mor que non ei fàcil realizar era transposicion de 56 modificacions des Normes Urbanistiques e qu`a dat lòc a un document, qu’encara que Urbanisme non ac accèpte coma un tèxte rehonot mos ajudarà as tècnics des deth punt de vista sistematic a trobar en un madeish còs totes aqueres modificacions e una sòrta de links que haràn més fàcil eth trebalh des tecnics respecte ara normativa urbanistica. Tot acrò evidenment deishe sus era taula qu’auem ues normes urbanistiques der an 1982 damb 56 modificacions tramitades que mos deishen ua sorta de qualificacions urbanistiques qu’an modificat d’ua forma fòrça important eth plan der an 82 e a més a més des de hè diuersi ans auem aprovat eth Plan Director Urbanistic dera Val d’Aran que definis entàs pròplèu ans eth planejament e non i a desencusa entà dar eth pas que correspont ad aguest Ajuntament de plantejar era aprobacion deth POUM. Independentment qu’eth nòste vòt serà possitiu, mès ei ua qüestion basica que se redacte eth POUM. S’eth POUM s’auèsse aprovat non estariem ara incorporant coma ua modificacion aguestes 56 modificacions que dejà estarien absolutament assumides e contengudes en document deth POUM. Non ei excusa de què s’està tramitant modificacion deth Plan Director Urbanístic dera Val d’Aran. Reiteram era felicitacion peth trebalh hèt, que non sonques servirà entath trebalh des tecnics municipaus se no tanben entà toti aqueri tecnics que trebalhen damb er urbanisme e entàs vesins, ara ora de consultar assumptes deth sòn interès, més encomiam, persutam eth besonh qu`er Ajuntament inicie eth tràmit dera redaccion deth POUM. Eth Pòrtavotz deth Grop Municipau deth PP, Joaquin José Puente Feixa, non a arren a díder. Se lieg era prepausa: Antecedents: Se prepause introdusir cinc modificacions des delimitacions deth sistèma viari definides en planejament urbanistic generau en vigor aplicable en Vielha e Mijaran, entà adaptar-lo a ua estructura viària assolidada e perfèctaments definida, en tot reconéisher era qualificacion urbanistica de sistèma viari per aqueri espacis de domeni public existent destinadi a vial, assolidadi peth resultat fisic dera execucion des òbres d’urbanizacion e era realitat fisica e morfologica des terrens, en tot hèr prevaler er interès public en tot aumentar-ne es espacis publics previsti peth planejament urbanistic a sistèma viari sense incrementar-ne profitaments urbanistics ne densitats, e sense transformar usatges ne modificar dotacions. Es cinc Modificacions des Nòrmes subsidiàries de planejament dera Val d’Aran en vigor en Vielha e Mijaran entà ajustar delimitacions deth sistèma viari que se prepausen, agrupades per nuclèus de poblacion son: Codi Tèma (extracte)



5

AUBÈRT aub_m1 Adaptacion deth sistèma viari ara traça actuau dera carretèra N230

CASAU csu_m1 Adaptacion deth sistèma viari, reconeishement carrèr Sant Pèr

VIELHA vlh_m1 Adaptacion deth sistèma viari, reconeishement carrèr Gausac

BETREN btn_m1 Adaptacion deth sistèma viari ara traça actuau dera carrètera C28 btn_m2 Adaptacion deth sistèma viari, reconeishement vial d’accès elipòrt Aguesti carrèrs, reconeishuts des de tostemp coma carrèrs publics, tant pes Entitats coma pes vesins, se grafièc incorrèctaments ena elaboracion des Nòrmes Subsidiàries aprovades er an 1982. Visti es informes favorables tecnics e juridics. Vist er informe favorable dera Comission Informatiua d’Urbanisme, Gobernacion, Òbres e Servicis e Entitats Municipaus Descentralizades deth dia 17 de març de 2014. Per tot çò expausat, se prepause ath Plen dera Corporacion era sua aprobacion e per unanimitat, damb eth vòt a favor des tretze còssos que de dret formen era Corporacion Municipau, s’acòrde: Prumèr.- Aprovar iniciaument era modificacion des Nòrmes Subsidiàries e Complementàries de Planejament dera Val d’Aran num. 1/2014, qu’afècte as nuclèus de Vielha, Betren, Casau e Gausac e an per objècte:

Còdi Tèma (extracte) AUBÈRT aub_m1 Adaptacion deth sistèma viari ara traça actuau dera carretèra N230

CASAU csu_m1 Adaptacion deth sistèma viari, reconeishement carrèr Sant Pèr.

VIELHA vlh_m1 Adaptacion deth sistèma viari, reconeishement carrèr Gausac

BETREN btn_m1 Adaptacion deth sistèma viari ara traça actuau dera carretèra C28 btn_m2 Adaptacion deth sistèma viari, reconeishement vial d’accés elipòrt



6

Dusau.- Publicar er acòrd dera aprobacion iniciau dera modificacion des NSCP peth tèrme d’un mes, cossent damb er article 115.c) deth Decrèt 305/2006, de 18 de junhsèga, peth quau s’apròve eth Reglament dera Lei d’urbanisme, damb anonci en Bulletín Oficiau dera Província, en un des diaris de mès grana circulacion dera madeisha e ena Web der Ajuntament. Pendent aguest tèrme se poderà examinar er expedient e se poiran hèr es allegacions que se creiguen de besonh. Tresau.- Efectuar es consultes a toti es organismes sectoriaus afectadi. Quatau.- Suspéner er autrejament de licéncies entà toti es actes de transformacion o utilizacion deth solèr o deth subsolèr, d’installacion o ampliament d'activitats o usatges concrèts e d'autes autorizacions municipaus relacionades establides pera legislacion sectoriau, es efèctes dera quau s’extinguiràn definitiuaments un còp transcorrut eth termini de dus ans dempús der inici dera vigéncia der acòrd d'aprobacion iniciau. No obstant çò anterior, de conformitat damb er article 102.4 deth Reglament dera Lei d'urbanisme, se poderàn autrejar licéncies honamentades en règim vigent que siguen compatibles damb es determinacions deth nou planejament inicialmenu aprovat, en cas que, pera natura des cambis proposats, non se metegue en risc era aplicacion deth nau planejament, un còp definitiuament aprovat. En quinsevolh cas, es efectes dera suspension s'extingiràn damb era entrada en vigor dera figura de planejament era formulacion dera quau age dat lòc ar acòrd de suspension o, en sòn cas, damb era denegacion dera aprobacion dera figura de planejament. 4.RESCISSION DETH CONVÈNI DE COLLABORACION URBANISTIC SIGNAT DAMB TUCARAN RESORT SL.- Er Alcalde explique es antecedents der expedient que cònsten ena prepausa d’acòrd. Hè ua breu cronologia des hèts des d’abriu de 2007 quan s’aprovèc era signatura deth convèni. Se referís as clausules deth pròpi convèni, as compromisi qu’acceptèc er Ajuntament de Vielha e Mijaran e es compromisi qu’accepterèn es representants de Tucaran Resort,SL. Enquia qu’arribe era aprobacion definitiua dera modificacion des NNSS eth dia 23-12-2009 pera Comission territorial d’Urbanisme dera Val d’Aran, que non siguec executiua per’mor qu’a condicions que calie complir entà aquerir aguesta executivitat e que fonamentaument ère era garantia economica damb era exigéncia d’un avau bancari de 45 milions d’èuros que jamès s’entreguèc. Per tot çò era Direcció General d’Urbanisme inicie er expedient entà declarar era caducidad der expedient dera modificacion des NNSS. Metudi en contacte damb era empresa Tucaran Resort SL entà saber era sua opinion sus era situacion, non auem agut responsa oficiau sus era volentat dera madeisha. Se pòt comprèner que dada era situacion macroeconomica que toti coneishem e ena que s’a trapat era empresa, se considère impossible era redaurir era Tuca.



7

Dat que dejà a passat un temps mès que prudent e qu’er Ajuntament a de promòir d’auti projèctes que possibiliten era activitat economica, era desestacionalizacion, que se poguen presentar ues autes idees, auti projèctes, se prepause era rescincion deth convèni. S’a tractar de cambiar er usatge dera estacion coma d’òci, de depòrt de montanha. Eth contèxte d’aguest convèni ei molt diferent ath qu’auem actuaument. Aué a d’èster un projècte viable, que respecte eth territòri, eth paisatge, que complisque damb eth modèu urbanistic que tostemp s’a defenut en territòri, posicionando Vielha coma destinancion turistica de qualitat. Grops Municipaus: Dus representants qu’an viscut tot eth procès. Eth Pòrtavotz deth Grop Municipau de CDA-PNA, Juan Pau Perdices, arren a híger, sonque ua idea dera prespectiva istorica; creigui qu’aguest convèni a complit perfectament era sua foncion; an estat tres equips de govèrn diferenti e damb quate alcaldes e creigui qu’es quate an complit damb es compromisi signadi en convèni, er Ajuntament de Vielha e Mijaran a estat pro actiu ara ora de complir damb es sòns compromisi, coma tanben qu’era empresa Tucaran Resort,SL, segontes era mia pròpia experiéncia, a hèt tot çò possible entà complir es compromisi pendent aguesti ans, per çò qu’ath finau arribe eth moment en qu’es causes s’acaben, non a pogut èster e atau ac auem d’acceptar. Pensi qu’er Alcalde, Alex Moga, les a dat eth temps sufisient entà poder complir eth Convèni, mès non a pogut èster. Er Ajuntament tostemp a tractac de complir eth Convèni atau coma tanben es EEMMDD d’Escunhau e Casarilh e Betren. Pensi que de mutuo acòrd s’a de rescindir eth Convèni entà que se pogue hèr naues prepauses a compdar d’ara. Eth Pòrtavotz deth Grop Municipau d’AU-PM-PSC, Rufino Martínez Cau, coma ben ditz er Alcalde, per gràcia o per desgràcia, m’a tocat veir tot eth trebalh que s’a hèt respecte a Tuca des de 1985. Coma toti es diferents govèrns municipaus an tractar d’arténher eth sòmi de qu’era estacion Tuca tirèsse entà deuant e siguesse ua realitat. Per çò que sò totaument d’acòrd damb Pau Perdices, perqué toti es govèrns municipaus an tractat de que siguesse possible. En concret, en aguesta darrèra fasa d’aguest Convèni, çò que si qu’ei cert e de vertat me n’alegri, no de coma a acabat, se non d’ua causa que poderie auer estat molt perilhosa en sòn moment e que creigui qu’a estat un gran encert per part dera Administracion Municipau e era Direccion Generau d’Urbanisme, que siguec impausar o méter desús dera taula un sistèma de convèni de promocion d’ua estacion d’esquí, qu’ere nauetos respecte d’açò que s’auie hèt damb ues autes estacions enqui’ara, me referísqui ath tèma des recalificacions, construccions, s’invertísque o no laguens dera estacion, des equipaments dera estacion. En aguest sentit creigui que i auec un punt d’inflexion molt important impausat pera Conselleria de Territori i Sostenibilitat , que vist çò que dejà s’auie iniciat damb d’autes estacions, coma Torre de Capdella, Bohi-Taull; deishèc molt ben estacat çò que se referie ath profitament urbanistic damb çò qu’auie d’èster era installacion, en ua sèrie de fases dera estacion, damb garanties, avaus, que non permetien que s’autregèsse eth profitament a pè de pistes sense intervier ena estacion. Per’mor que se non i auie avau que garantisse era estacion, aquera modificacion des NNSS non ère vigenta. Mos auriem de felicitar toti per auer esvitat un “pelotazo”,



8

per’mor qu’en auti lòcs s’a produsit, coma centres esportius, golfs, eca., per auer estat estrictes en compliment. S’a dilatat eth tèrme de declaracion de caducitat e trapi un pas lògic qu’er Ajuntament rescindísque eth Convèni signat, ei difícil qu’era empresa pogue arténher vialitat economica entà complir eth Convèni. A còps es Ajuntament pòden méter tota era bona volentat mès non tostemp se trapen es compromisi, es inversors mès convenients. En aguest cas non a mès possibilitat d’actuar en marc d’aguest Convèni entà redaurir Tuca.Ei lògic cercar ues autes alternatiues, autes prespectives, auer libertat entà començar de nau.Urbanisme, Servicis Juridics, Servicis Tècnics, toti trebalheren a favor d’aguest projèc que non a pogut éster. Eth Pòrtavotz deth Grop Municipau deth PP, Joaquin José Puente Feixa, non a arren a díder. Er Alcalde lieg era prepausa: En data 25 d’abriu de 2007 er Ajuntament de Vielha e Mijaran e era societat mercantiu Tucaran Resort SL formalizeren un Convèni de Collaboracion Urbanístic damb er objècte finau de tornar a daurir e reactivar eth complèxe d’òci e d’esquí “La Tuca” jos critèris de desvolopament sociau e economic sostenible deth territòri. D’acòrd damb çò qu’establis er nomentat convèni, er Ajuntament tramitèc era Modificacion des Normes Subsidiàries e Complementàries dera Val d’Aran, en sector “Peu de Pistes” en Betren. Vist qu’era Comissió Territoriau d’Urbanisme dera Val d’Aran, en session de data 23 de deseme de 2009, e ara vista dera prepausa dera Ponéncia Tècnica corresponent, adoptèc er acòrd d’aprovar definitivament era Modificacion des Normes Subsidiàries e Complementàries deth sector “Peu de Pistes” en Betren, indicant qu’era eficàcia e era executivitat der acòrd d’aprovacion definitiva estaue condicionat a què, damb anterioritat ara vigéncia dera present modificacion, calie auer aprovat definitivament eth Plan Especiau deth domeni esquiable dera La Tuca, eth quau a d’inclodir era concession administrativa dera estacion e es garanties economiques dera sua execucion. Vist qu’era Comission Territoriau d’Urbanisme, mejançant comunicacion de 8 d’octobre de 2012, avertic qu’en transcors de tres mesi sense aportar era documentacion de besonh as efectes d’acreditar eth compliment dera condicion d’eficàcia e d’executivitat der acòrd d’aprovacion definitiva dera Modificacion de planejament, comportarie er archiu der expedient administratiu. Atengut que, fin finau, no s’a balhat compliment ad açò qu’establie er acòrd dera Comission Territoriau d’Urbanisme dera Val d’Aran de data 23 de deseme de 2009, as efectes dera executivitat dera Modificacion des Normes Subsidiàries e Complementàries deth sector “Peu de Pistes” en Betren, en tot èster que, principauments, per part dera societat mercantila Tucaran Resort SL non s’aportèren es garanties economiques entath desvolopament deth planejament urbanistic, en çò que hè referéncia ara redubertura dera



9

estacion de “La Tuca”, garanties que dejà venguien impausades per efecte dera Clausula Cincau deth Convèni de Collaboracion urbanistica. Vist qu`era Comission Territoriau d’Urbanisme dera Val d’Aran a procedit fin finau a declarar era caducitat der expedient de modificacion puntuau des Normes Subsidiàries e Complementàries deth sector “Peu de Pistes” en Betren, atau coma eth sòn archiu, en compliment de çò qu’establis er article 92 dera Lei 30/1992, de 26 de noveme, de Règim Jurídic des Administracions Publiques e deth Procediment Administratiu Común. Atengut qu’es Convènis Urbanístics, ath delà que gaudissen d’ua natura administrativa, són actes de concertacion de volontats, motiu peth quau tanben an ua natura contractuau. Atengut que per çò que mos trapam ath deuant d’ua obligacion contractuau, damb ua natura de ligam condicionau recíproc, quinsevulh des parts pòt instar era rescission deth convèni en cas d’incompliment. Atengut que, per un aute costat, ei plausible er acabament d’un procediment de forma negociada, mejançant resolucion, o per rescission unilaterau se ua des parts non a complit damb es sues obligacions. Atengut qu`era mercantiu interessada estaue obligada, segontes calendari d’actuacions (pacte setau deth Convèni Urbanístic) a presentar er estrument de planejament derivat (Plan Especiau) en tèrme de 90 dies des dera aprovacion iniciau dera Modificacion puntuau des Normes Subsidiàries, a aportar er avau personau ath què se referís era Clausula Cincau deth Convèni de collaboracion e ara sua substitucion posterior, mejançant avau bancari, cossent damb era Clausula nomentada. Atengut qu’era societat mercantiu Tucaran Resort SL, entre d’aute obligacions, non aportèc ar Ajuntament, en vertut deth Convèni de collaboracion urbanístic e en sòn compliment, es garanties economiques previstes ena Clausula Cincau abantes nomentada, sense que, per tant, tanpòc s’age pogut dar compliment ara condicion impausada en madeish sentit pera pròpia Comission Territoriau d’Urbanisme dera Val d’Aran, en session de data 23 de deseme de 2009. Atau coma que non s’age pogut aprovar eth Plan especiau urbanístic ath que se referie eth nomentat acòrd dera Comission Territoriau d’Urbanisme, coma condició d’eficàcia e d’executivitat dera aprovacion definitiva dera Modificacion puntuau de planejament. Vist er informe favorable dera Comission Informatiua d’Urbanisme, Gobernacion, Òbres e Servicis e Entitats Municipaus Descentralizades deth dia 17 de març de 2014. E per tot çò expausat, se prepause ath Plen dera Corporacion era sua aprobacion e per unanimitat, damb eth vòt a favor des tretze còssos que de dret formen era Corporacion Municipau, s’acòrde:



10

PRUMÈR.- Incoar expedient de rescission deth Convèni de Collaboracion Urbanística signat en data 25 d’abriu de 2007 entre er Ajuntament de Vielha e Mijaran e era mercantiu Tucaran Resort SL damb eth compromís de redaurir e reactivar eth complèxe d’òci e d’esquí “La Tuca”.

DUSAU.- Notificar era present resolucion d’incoacion d’expedient de rescission as interessadi, açò ei, ara empresa Tucaran Resort SL, damb aportacion der Informe juridic de secretaria, as efectes de qu`en agen coneishement, hèn-les saber que dispausen d’un tèrme de quinze dies, d’acòrd damb çò que dispause er article 84.2 dera Lei 30/1992, de 26 de noveme, as efectes de formular es allegacions que creiguen convenients. TRESAU.- Facultar ar Alcalde entara signatura de toti aqueri documents, publics e privats, que siguen de besonh entara execucion des anteriors acòrds.

5.AHÈRS D'URGÈNCIA SE N'I A.-

Non n’i a cap.

6.PRÈCS E DEMANES.- Eth Pòrtavotz deth Grop Municipau de CDA-PNA, Juan Pau Perdices, cossent damb era visita deth President dera Confederación Hidrografica del Ebro (CHE) que se mos a informat sus eth trebalh de delimitacion de zònes inundables, zònes de “flujo preferente”, que vedem coma ua qüéstion complicada e que mos pòt afectar. Eth tèrme des consultes sus aguesti trebalhs s’acabe eth 10 d’abriu. Demane ar Alcalde se se pòt presentar bèra causa en tèrme de consultes de forma coordinada damb uns auti Ajuntaments, bèt tipe d’allegacion o suggeriment ad aguesta delimitacion qu’ei comprometedura degut ar interès de moltes infrastructures, equipaments e residenciaus qu’auem en aguestes zònes de “flujo preferente” arremassades ena prepausa dera CHE. Alcalde: Entà hèr eth posicionament respecte ara demana hèta peth Sr. Pedices, sense donades concretes qu’ara non rebrembi, hè dues setmanes eth President de CHE mos amassèc ath conjunt des institucions, Conselh Generau d’Aran, Ajuntaments e EEMMDD, afectadi pes riades deth 18-6-2013, dus pronunciaments importants: 1)Non entram per’mor que non ei era qüéstion, mès si díder que s’a realizat pera CHE un informe, qu’encara non a arribat en Ajuntament, en quau s’arribe a ua sòrta de conclusions sus er hèt dera actuacion d’ENDESA sus eth barrament de compòrtes quan passeren es aiguats, e aquerò a ua repercusion en un increment d’un 47% deth cabau, sorpren qu’eth President manifèste damb era claretat coma ac hè. Se sollicitèc informe. . 2)Era CHE a elaborat ua sòrta de mielhores de perilhosidad damb referéncia ath protocou d’inundacions o de perilh d’inundacions que de bèra forma establís a compdar d’ara coma prioritàri eth “flujo preferente”. Mos quederem susprési per’mor que jamès auiem parlat en aguesti tèrmes. Mos ditz que campem era pagina web dera CHE a on ei penjada tota era informacion. S’establís



11

qu’enes zònes de “flujo preferente” quedarà proïbida era pernoctacion de quinsevolh tipe. Açò a ua afectacion directa quasi ena totalitat des campings qu’auem en país. Aquera madeisha tarde guardèrem ena web dera CHE e jà vedem çò que vò díder “flujo preferente”, ua sòrta de limitacions de longada e d’amplada enes qu’estarà proïbit quinsevolh tipe de pernoctacion, e dejà se ve sus eth plànol es afectacions que i aurà, enes campings en prumèr lòc e peth desenvolupament d’autes activitats que se volguen portar a tèrme laguen der àrea delimitada coma “flujo Preferente”. A compdar d’aguest moment mos metem a trebalhar e damb era Secretària comprovam qu’existis un istoric important que desconeishiem e que a cap administracions se mos a comunicat, no n’auiem coneishement, n’era pròpia Direccion d’Urbanisme n’auie entenut a parlar jamès que s’estaue trebalhant en aguest sentit. Era Directiva Europea 2007/26, sus risqui de inundacions e mesures que s’an de portar a tèrme entà esvitar o minimizar totes es possibles afectacions per inundacions e esvitar danhs personaus e materiaus. Era transposicion en ordenament espanhou en an 2010, ena que dejà se merque çò que vò díder en àmbit estatau, establis cronologia de tres fases: -1ra fase abantes deseme 2011 estudis de perilhosidad que s’an hèt pera CHE, se publiquen. -2au fase acabe en deseme 2013, elaborar mapes de perilhosidad, succesion dera prumèra fase. Actuaument mos trapam en aguesta fase. S’apròve pera CHE, se sotmet a expausacion publica des deth 10 de gèr de 2014 enquia eth 10 d’abriu de 2014. Per aguest motiu eth Grop de CDA se met en contacte damb eth Conselh Generau d’Aran entà saber quines accions e metedologia portarà a tèrme aquera institucion respecte ath tèma que mos aucupe e ara seguida mos reünin es Alcaldes de toti es Ajuntaments d’Aran, hè ueit dies, entà consensuar es accions que poderiem portar a tèrme entà paralizar e actualizar aguestes fases que s’estan executan. Conclusion ara que s’a arribat: 1.-Ath tratar-se d’un procediment administratiu, cau demanar explicitament ua pròrroga, per’mor dera situacion d’indefension en qué mos trapam en sentit de qué aquerò qu’era CHE a tardat tres ans en hèr mos ac comuniquen entà qué en un mes presentem allegacions tecniques, difícil entà apregondir. 2.-Aguesti estudis hèti enquia deseme de 2013, an d’éster actualizats, per’mor qu’es aiguats de juny de 2013 an cambiat d’ua manera important era configuracion des defenses deth traçat arremassades en estudi idrogràfic de deceme de 2011 e cau sollicitar ua actualizacion a compdar deth 18-06-2013. En aguesta 2au sollicitud eth Sindic en ua amassada damb era CHE semble èster que verbaument entenen qu’era situacion de partida non ei era madeisha en deseme 2011 qu’ena actualitat. Eth Conselh Generau d’Aran a sollicitat informe juridic e informe tecnic, e estan trebalhan en aguest ahèr entà presentar allegacions que seràn ena madeisha linha en conjunt des Ajuntaments. Era CHE comunicarà as Campings era proïbicion de pernoctacion de tot tipe enes zònes de “flujo preferente” çò qu’aurà repercussions economiques importantes.



12

Pau Perdices: Sense entrar ena qüestions tecniques, i a dues donades que confirmen que cau hèr bèra causa: 1.- Era realidad fisica d’aué, comprovada pes tècnics, non ei era madeisha que se reflectis enes mapes dera CHE. 2.- Es Planos que s’an hèt sense topografia mès reau sus eth tèrren, s’an hèt damb un sistèma d’informacion de planos sus un plano digitau damb autes linhes de nautades. Entre eth sistèma catalàn e eth sistèma francés, i a un desajustament a favor deth sistèma francés. Cau destacar eth comportament radicaument diferent der arriu Garona respecte des demès arrius mediterrànis. Eth Pòrtavotz deth Grop Municipau d’AU-PM-PSC, Rufino Martínez Cau, nosati tanben volem comentar eth tèma der arriu, non creigui que sigue un pensament exclusiu dera CHE, e volerie matizàc perquè voi hèr-les memòria per’mor qu’ena primauèra der an passat se metec ath dessús dera taula era modificacion deth P.D.U. dera Val d’Aran, damb un document anexe deth nau estudi d’inondabilitat qu’a hèt era Agència Catalana de l’Aigua (ACA), non la CHE. En aquet moment, uns deures que non auem hèt, per part de toti es Ajuntaments se consensuèc de sollicitar era collaboracion dera Diputació de Lleida entà revisar aguest estudi d’inondabilitat e entà presentar allegacions en çò que prevé aguest estudi, perquè tal coma ditz Pau Perdices eth càlcul que se hege tostemp, persutam enes càlcus que se hègen per exemple en Sant Beat, cau guardar es estudis francesi, molt mès rigurosi. Finaument er ACA guarde aguesti estudis francesi e arriben ara conclusion qu’a explicat eth Sr. Perdices, de que per exemple en Les baishen eth càlcul de 2.400 l/m3 a 600 l/m3 ena primauèra passada per part der ACA; maugrat era zòna inondable contunhe estant era madeisha, bèth un s’equivocat o passe bèra causa. Ei alavetz quan er ACA comence a plantejar fregaments, obstacles, edificis, vegetacion, ròques; en definitiua çò de madeish qu’eth “flujo preferente”, encara que se nomentegue d’ua auta manera, ei er un estudi detalhat des accidents geogràfics o umans, qu’er arriu en un moment determinat se pòt trapar e que pòt hèr qu’eth “flujo preferente” sigue çò que mos semble. Ratifiqui qu’era Direcció General d’Urbanisme non sap arren, però er “staff” tecnic der ACA compartís eth “flujo Preferente” dera CHE, coincidíssen en moltes causes damb er estudi d’inondabilitat dera modificacion deth P.D.U. dera Val d’Aran. Per tant se tracte d’un trebalh que deisherem pendent perquè passeren es aiguats e arrés a presentat allegacions tecniques ad aguest estudi, qu’ei aquiu; rebaten es cálculs qu’a hèt aguest estudi o compartint-los, non se sap, es Ajuntaments dera Val d’Aran non auem era capacitat tecnica entà hèc, ne tampòc eth Conselh Generau d’Aran, per çò que mos cau cercar assessorament extern que mos facilite era interpretacion reau e confrontar damb era CHE e er ACA aguest estudis d’inondabiltat que tant pòden afectar a activitats economiques existentes, e non solet aquerò, senon tanben ara responsabilitat municipau entà hèr complir aqueres mesures que va a adoptar era CHE a compdar deth 10 d’abriu. Non voi deishar de costat de què maugrat de qu’era forma non a estat era mès adequada, si qu’ei vertat que respecte ath tèma FECSA non s’a hèt aquerò qu’ere necessari, saber quina responsabilitat a agut FECSA, e Vostè qu’ei er Alcalde d’un municipi qu’a patit uns



13

danhs molt importants ena zòna de Mijaran, qu’an molt a veir damb era presa de FECSA en Mijaran. Cau exigir qu’era empresa se plantege era modernizacion dera presa. Arrés està exigint responsabilitats ara empresa. En Conselh Generau d’Aran se li a dat “carpetazo” ath tèma de FECSA, jús eth caperadèr de que s’a arribat ara signatura d’uns convènis puntuaus annaus enes que FECSA darà sòs ath Conselh Generau d’Aran entà hèr reparacions en medi ambient, reparar o non, danhs des aiguats. Pensi qu’ena zòna de Mijaran s’an patit danhs e que s’a de tractar de sabert quina a estat era causa, se reaument i a agut responsabilitat peth comportament dera empresa FECSA, per çò que tanh ara presa e es desviacions que de forma directa a de recèber er Ajuntament de Vielha e Mijaran dera empresa FECSA e non per miei deth Conselh Generau d’Aran. Requerim que se hèsque aguest exercici d’anàlisi de responsabilitat ath deuant dera empresa FECSA. Per un aute costat, se denanèc en darrer Plen eth tèma dera talhada d’arbes. Non vau a quüestionàc, se ac finau s’a convertit en ua subasta forestau. Voleria saber quini son es critèris tecnics d’aguesta “arrasada” de tot tipe d’àrbes. Demane informe tecnic de qui a decidit e autorizar aguesta actuacion. Demane quina inversion s’està dedicat ar arriu Nere. Pensi que se li està dan ua importància ara part baisha der arriu Nere, ena sua conflüéncia damb er arriu Garona, coma simple ciutadan creigui qu’ei molt mès important era estabilitat der arriu deth nuclèu urbà que non ena part de baish, creigui qu’ei ua qüéstion de sentit común. Ei important aquera estabilitat deth hons der arriu ena part nauta der arriu Nere. Ara non resolem era part nauta, protegint es muros ath long dets casc urbà. Quin ei eth tecnic qu’a avalat aguesta decision d’invertir ena part baisha, ena part mès planera en sòn pas per Vielha. Persutam un aute còp en Dique de Vielha que contunhe plen enquia nau, non sai quanti còps ac cau díder, cada dus mesi ac rebrembam. Non hè fauta autorizacion entà vuedar-lo, non cau estudi d’impacte, exigir ar ACA o ara CHE o ath madeish Ajuntament que mete camions e maquines entà vuedar-lo e liberar es horats qu’ara son taponadi. Era responsabilitat ei de qui està governant. Demanam informe sus era inversion que s’a hèt en arriu Nere. Ei prioritàri actuar ena part baisha e non ena part nauta. Qui a signat açò? Alcalde: Sense voler daurir debat. Çò d’acòr en qu’er ACA compartís critèris damb era CHE sus era inundabilitat, e se non les multiplique per dètz, pòc li faute. Auem patit es informes, es intervencions der ACA qu’an estat fatidiques, e non serè jo que excludisque de responsabilitat ar ACA. Per çò que tanh a ENDESA, dejà ac è dit, tant lèu aguest Ajuntament recebe er informe que mos a dit eth President der CHE, aguest Ajuntament non darà “carpetazo”. Çò qu’a dit eth President dera CHE, atribuís ua responsabilitat ara empresa ENDESA, e per tant aguesta institucion non pòt obviar aguesta responsabilitat. Se haràn estudís tecnics e juridics que mos permeteguen quines sòn es responsabilitats, e atau exigir-les ara empresa. Compartim era demana hèta peth Grop Municipau d’UA-PM-PSC.



14

Respecte as arbes der arriu Garona se les contestarà per escrit o parlaram prigondament e consensuaram quines mesures cau porta a tèrme. Per çò que tanh as òbres der arriu Nère, si que mos hè fauta autorizacion, atau mos ac confirmèc era CHE (Sr. Lorenzo Polanco). Mès a de hèster eth pròpi Ajuntament qui ac netege, per’mor qu’era CHE sonque actue deth dique entà baish. Quan acaben es òbres dera CHE er Ajuntament a de hèr un contra estudi, per’mor qu’era CHE actue sus es critèris des sòns tecnics e ei dificil que quede constància des madeishi. Entrar cada dia en confrontacions ei dificil, era CHE va executant es òbra baish eth sòn critèri. Òbres hètes que s’adaqüen ara segureteat o enes que no; que manque e que non manque. Per part dera CHE non s’a acabat era inversion, seguntes eth President en an 2014 se contunharà damb es inversions. Non concretèc quines serien. Eth risc cero en tèma der aigua non existis, mès si que procuraram de deishar tranquils as vesins. Rufino Martínez: en an 2011 per part deth Conselh Generau d’Aran se premanic un estudi d’un Parc d’Aventura en Baricauba, e aueren un problema d’entendement damb es entitats propietàries deth MUP e supausi que tanben vinculat a problemes de caràcter politic, er ahèr quedèc paralizat. Era responsa siguec qu’èren favorables a qu’en aquet moment semble èster qu’aguest projècte se podie traslladar ara EMD de Betren, ena montanha dera Tuca. Mos agradarie saber a on quedèc aguesta prepausa deth Conselh Generau d’Aran, aguesta inversion, se i a actuacion desleau des sues institucions entà que non s’executèsse aguesta prepausa e que se hesse en Betren. Eth probleme ei que non s’a hèt ne ací ne aquiu. Se i a bèra prevision dera sua installacion? S’era prepausa ei vigenta o non? Alcalde: me semble que se demanèc per escrit aguest compromís, non çò segur, mès de moment non s’a hèt arren.. Cristina Enseñat, Còsso deth Grop Municipau d’UA-PM-PSC, s’a hèt ua visita ara Escòla Mairau e auem estat molt ben atengudes mès voleria saber respecte ath tèma lingüístic, der aranés. Quini critèris se seguiren quan se hèren es contractacions deth personau? Jà sabem qu’en un principi non i auie personau entà contractar que complisse eth requisit lingüístic e se i a prevision de formacion deth personau entar aprendissatge der aranés. Tanben se i a bèra relacion damb era Escòla de Primària, CEIP Garona, peth tèma der aranés, eth curriculum, e tanben animar entà què laguens deth curriculum cònste eth tèma dera coeducacion; coma s’està hènt en clicle de primària. Que se comente damb era Inspeccion. Alcalde: Escòla Mairau: s’està hènt actuaulizacion deth projècte educatiu e deth projècte lingüístic, en aplicación dera lei. Respecte ara contractacion deth personau, passèc un temps qu’ere dificil trapar personau que volesse trebalhar ena Escòla Mairau, encara que son més punts entà poder entrar en sistèma educatiu català. Non s’a pogut estabilizar plantilha. S’a agut de contractar pera



15

urgéncia, damb titulacion adequada, mès sense eth requisit lingüístic. S’an de consolidar es places damb ua convocatòria publica entà cobrir-les definitiuament. Actuaument non se pòt hèr aguesta convocatòria, perquè era Lei non ac permet. Independentment s’està tractan de qu’era lengua veïcular sigue er aranés, e s’està formant ath personau entà que sigue atau. Auem creat un cargue que hèsque aguesta coordinacion. Er Alcalde lhèu era session, dera quau, como secretària, esteni aguesta acta. Era Secretària Er Alcalde

ajuntament de vielha e mijaran · - decrèt 3/2013 – ordenant pagament nòmina gèr e seguretat...

Documents