educaciÓn plÁstica y visual – pendientes 1º … · os elementos da comunicación visual e a...

EDUCACIÓN PLÁSTICA E VISUAL – PENDENTES 1º ESO 1.- Realizar un traballo sobre “Comunicación a través da imaxe, a linguaxe visual”. O traballo deberá tratar sobre as distintas linguaxes que emprega o home para comunicarse, os elementos da comunicación visual e a finalidade da mesma. Incluirá imaxes que expliquen e documenten todos os temas tratados. 2.- A forma. Debuxar sobre a figura dada unha retícula cuadriculada. Despois traslada a figura a unha retícula cuadriculada con proporción 3/2 nas dúas direccións. 3.- A cor. Realiza tres escalas cromáticas con sete pasos sobre cadrados de 3x3cm. Escala monocromática de cor azul. Escala policromática de maxenta a amarelo. Escala acromática de negro a branco. Materiais: témpera, acuarela, rotuladores, lapis de cores, lapis de distintas durezas, … 4.- A textura. Realiza un mostrario de texturas visuais e táctiles que inclúa tanto texturas naturais e artificiais como texturas regulares e irregulares e utilizando a maior variedade de materiais que poidas. 5.- Interpretación dunha obra de arte. Escolle unha obra de arte que che guste e realiza unha interpretación da mesma facendo algunhas variacións despois de analizar as súas formas, cores e texturas. Realización con calquera técnica pictórica, collage, … 6.- Percepción. Busca distintas imaxes nas que se empreguen os indicadores de profundidade que nos serven para comprender o espazo tridimensional. Explica en cada unha das imaxes como están utilizados os indicadores de profundidade: diferenza de tamaño, posición no soporte, superposición de figuras, perspectiva lineal, perspectiva aérea e claroscuro. 7.- Xeometría. Debuxa os exercicios de raiado e os trazados xeométricos que se indican. 8.- Módulos. Constrúe unha rede modular igual ou similar á dada. Inclúe a cor no seu deseño. 9.- Volume. Debuxa as tres vistas das figuras tridimensionais que se indican. 10.- Volume. Debuxa o desenvolvemento dun tetraedro e un hexaedro de 4cm. de lado.