frÉttabrÉf sÍÐuskÓla · lið keppa í beinni útsendingu á ruv. við óskum krökkunum allra...
Post on 05-Aug-2020
1 Views
Preview:
TRANSCRIPT
Til foreldra og nemenda
FRÉTTABRÉF SÍÐUSKÓLA
Ábyrgðarmaður: Ólöf Inga Andrésdóttir
Kæru nemendur og foreldrar!
Nú er marsmánuður að baki og ekki er nú verra að sjá sólina hækka
stöðugt á lofti. Í mánuðinum var mikið um að vera hjá okkur eins og
endranær og má þar nefna vel heppnaðan útivistardag, við sáum
sólmyrkva sem er nú ekki á hverjum degi hjá okkur og svo náðum
við að sigra Akureyrarriðilinn í Skólahreysti í þriðja skiptið í röð.
Þetta eru nú bara nokkur atriði af mörgum sem við í Síðuskóla tókum okkur fyrir hendur í
þessum mánuði.
Við höfum fengið niðurstöðurnar úr foreldrakönnun Skólapúlsins og einnig eru hægt að
skoða niðurstöður úr nemendakönnuninni. Þessar niðurstöður má finna á heimasíðunni
undir http://siduskoli.is/is/page/mat_a_skolastarfi. Mig langar að þakka ykkur kæru
foreldrar fyrir það traust sem þið sýnið mér sem nýjum skólastjóra og nýju stjórnendateymi
en skólinn mælist talsvert fyrir ofan landsmeðaltal hvað varðar ánægju foreldra með
stjórnun skólans. Þetta er mikil hvatning fyrir okkur stöllur. Einnig er vert að taka það fram
að skólinn mælist langt fyrir ofan landsmeðaltal þegar spurt er um ánægju foreldra með
hraða á úrvinnslu skólans á eineltismálum. Ýmslegt fleira athyglisvert má skoða í þessum
niðurstöðum og hvet ég ykkur til að gera það.
Nú erum við farin að huga að næsta skólaári og er búið að senda skóladagatalið til
samþykktar hjá skólanefndinni og munum við senda það út um leið hún hefur lagt blessun
sína yfir það. Einnig er verið að raða niður kennarateymum. Eins og staðan er í dag verða í
1. bekk 42 nemendur en svipaður nemendafjöldi verður í skólanum næsta vetur eins og verið
hefur á þessu skólaári, um 400 nemendur.
Að lokum vona ég að þið eigið ljúfa og góða daga framundan í páskaleyfinu!
Ólöf Inga
Skólaárið 2014-2015 01.04. 2015 9. bréf
Á döfinni í apríl:
7. apríl Kennsla hefst að loknu páskaleyfi
8.-10. apríl 4. bekkur fer á Kiðagil
16. apríl Litla upplestrarkeppnin í 4. bekk
22. apríl Úrslitakeppni í Skólahreysti í Laugardagshöll
23. apríl Sumardagurinn fyrsti Fréttabréf Síðuskóla er sent í tölvupósti til nemenda, forráðamanna
og starfsmanna skólans.
SPEKI DAGSINS
Dagur án hláturs er dagur án tilgangs. - Charlie Chaplin
Kennsla hefst að loknu páskafríi
þriðjudaginn 7. apríl samkvæmt
stundaskrá.
Einkunnarorð marsmánðar er:
VINÁTTA
Í Síðuskóla sýnum við vináttu með
því að hugsa vel hvert um annað,
taka þátt í því sem fram fer og gæta
þess að enginn sé einmana.
Þann 22. apríl n.k.mun hið frækna
vinningslið Síðuskóla í Skólahreysti leggja
land undir fót og halda til Reykjavíkur.
Liðið tekur þátt í úrslitakeppninni sem
fer fram í Laugardalshöllinni þar sem 12
lið keppa í beinni útsendingu á RUV.
Við óskum krökkunum allra heilla.
ÁFRAM SÍÐUSKÓLI !
Elva Ólafsdóttir
sérkennari
Hugmyndir að lestraraðferðum og leiðum til að gera lesturinn skemmtilegri!
Foreldri og barn skiptast á að lesa eina málsgrein, efnisgrein eða blaðsíðu.
Foreldri les fyrst eina málsgrein, efnisgrein eða blaðsíðu og barnið les svo
sama textann.
Leyfa barninu að lesa í hljóði og segja svo frá innihaldi textans á eftir.
Foreldri les fyrir barnið og barnið umorðar svo það sem foreldrið las.
Skiptast á að lesa fyrir ólíkar persónur.
Breyta röddinni eftir því hvaða persóna er.
Foreldri notar fingurinn til að renna eftir línunum. Barnið keppist við að vera á undan foreldrinu að lesa,
þ.e. ljúka lestri á línunni áður en foreldri hefur náð enda línunnar með fingrinum.
Lesa ólíkar bækur.
Leyfa barninu að taka þátt í að velja bækurnar.
Lesa texta í tölvunni, t.d. inni á fréttasíðum, íþróttasíðum eða texta sem barnið skrifar sjálft.
Lesa dagblöð, tímarit og bæklinga.
Lesa ljóð.
Lesa brandarabækur og gátubækur.
Lesa textann í sjónvarpi, t.d. við erlendar bíómyndir.
Lesa á matvæli og vörur í búðum, t.d. matvörubúðum.
Lesa á skilti í umhverfinu, t.d. götuheiti.
Lesa texta í bók samhliða því að hlusta á hann á CD (t.d. Disneybækurnar).
Lesa texta og teikna lýsandi mynd úr honum.
Lesa texta og búa til teiknimyndasögu úr honum.
Skanna texta og leita að ákveðnum upplýsingum.
Hlusta á lestrarbækur inni á nams.is (krakkasíðunum).
Vinna ýmis lestrarverkefni inni á nams.is (krakkasíðunum).
Endurtekinn lestur þar sem tíminn er skráður. Einnig er hægt að keppast um að lesa sem lengst á ákv. tíma. Val
er hvort foreldri eða barnið sjálft taki tímann.
MUNA SVO AÐ HRÓSA BARNINU
Fréttir úr 9. bekk
Norræn goðafræði í 9. bekk
Nemendur í 9. bekk hafa undanfarið lesið og lært um
Norrænu goðin og gyðjurnar. Þeir vinna saman í hópum þar
sem hver les 2-3 sögur og undirbýr kynningu á þeim og hafa
orðið til heilu handritin sem eru í bland leikin eða leiklesin.
Nemendur virtust njóta þess að flytja verk sín eins og sjá má
að myndunum.
Foreldrafélagið færir skólanum gjöf
Á fundi stjórnar FOKS var samþykkt að setja kr. 200.000 til kaupa á spilum, púslum og hvað eina sem nýtist börnunum á göngunum og í frístund. Stjórnin var sammála um að með þessu væri verið að nýta fjármuni FOKS fyrir alla nemendur.
Við í skólanum færum ykkur kæru foreldrar okkar bestu þakkir fyrir þetta og vissulega kemur þetta að góðum notum.
Samkvæmt skólastefnu Akureyrarbæjar skal árlega, veita þeim einstaklingum eða stofnunum sem skarað hafa fram úr í skólastarfi viðurkenningar. Markmiðið er að vekja sérstaka athygli á því sem vel er gert og hvetja þá sem fyrir valinu verða til þess að halda áfram því góða starfi sem þeir eru að vinna og jafnvel gera enn betur. Viðurkenning er einnig staðfesting á að viðkomandi skóli/kennari/nemandi er fyrirmynd annarra á því sviði sem viðurkenning nær til.
Skólanefnd hefur frá árinu 2010 veitt einstaklingum og/eða stofnunum sem skarað hafa fram úr í eftirtöldum tveimur flokkum viðurkenningar, við hátíðlega athöfn. Skólanefnd ákveður fjölda viðurkenninga ár hvert að fenginni tillögu valnefndar.
Skólar/Kennarahópar/Kennari
Foreldrar, nemendur, kennarar, skólar og bæjarstofnanir geta tilnefnt verkefni í skóla til viðurkenningar. Tilnefna má nýbreytniverkefni um hvaðeina í skólastarfi sem unnið hefur verið að á yfirstandandi skólaári, nemendavinnu, vinnu hópa eða einstaklinga, upplýsingamiðlun (s.s. heimasíður og fréttabréf), stefnumótun og skipulag, starf eins kennara eða samvinnu þeirra, verkefni í almennri kennslu, sérgreinum eða sérkennslu, framlag annars starfsfólks skólans, forvarnarstarf, félagsstarf eða foreldrasamstarf.
Nemendur
Grunnskólar og Tónlistarskólinn setja sér almennar reglur um það hvaða nemendur þeir tilnefna til viðurkenninga og senda til valnefndar. Tilnefning er háð því að viðkomandi nemandi sé orðinn 10 ára eða eldri. Þessi samþykkt nær til allra leik-, grunn- og tónlistarskóla sem Akureyrarbær rekur eða styrkir.
Tilnefningar fyrir skólaárið 2014-2015 skulu berast rafrænt fyrir 20. apríl næstkomandi. Viðurkenningar verða afhentar við hátíðlega athöfn í maí og verður dagsetning um viðburðinn send út síðar.
Sjá nánar á síðu skóladeildar http://www.akureyri.is/skoladeild/vidurkenning-skolanefndar-2015
Viðurkenning skólanefndar fyrir frammúrskarandi skólastarf
Mánudagur Þriðjudagur Miðvikudagur Fimmtudagur Föstudagur
7.
Steiktur fiskur í raspi,
kartöflur, grænmeti,
sósa, ávextir
8.
Slátur, kartöflumús
9.
Soðinn fiskur, kartöflur,
rófur, rúgbrauð, ávextir
10.
Mjólkurgrautur, slátur,
smurt brauð
13.
Krebinettur, kartöflur,
rauðkál, baunir, laukur
14.
Þorskur í koriandersósu,
kartöflur, grænmeti,
ávextir
15.
Hamborgarar, sósa,
grænmeti
16.
Fiskibuff, kartöflur,
grænmeti, sósa, ávextir
17.
Súpa, brauð, ávextir
20.
Fiskibollur, kartöflur,
laukur, grænmeti, sósa,
ávextir
21.
Kjötsúpa
22.
Fiskur í ofni, kartöflur,
grænmeti, sósa, ávextir
23.
Sumardagurinn fyrsti
Frí í skólanum
24.
Gúllas, kartöflur,
baunir
27.
Plokkfiskur, rúgbrauð,
ávextir
28
.Lasagne, snittubrauð,
grænmeti, ávextir
29.
Píta með hakki,
grænmeti, sósa
30.
Mjólkurgrautur, slátur,
smurt brauð
Mynd augnabliksins
Allir sem vettlingi gátu valdið flykktust út á skólalóð í góða
veðrinu þann 20. mars og fylgdust með sólmyrkvanum.
MATSEÐILL - apríl 2015
top related