səbail rayon mərkəzləşdirilmiş kitabxana sisteminin

Səbail rayonMərkəzləşdirilmiş Kitabxana Sisteminin

Mərkəzi

Kitabxanası

Sizi deyib, gəlmışəm...(“Molla Nəsrəddin”-105)

Azərbaycan milli mətbuatının inkişafında ən uca zirvəni böyük demokrat, yazıçı və görkəmli içtimai xadim

C.Məmmədquluzadənin (1869-1932) redaktorluğu ilə nəşr olunan “Molla Nəsrəddin” jurnalı təşkil edir. “Molla

Nəsrəddin” jurnalı ilə Azərbaycanda milli satirik mətbuatın əsası qoyuldu. 1906-cı il aprelin 7-də Azərbaycan mətbuatı

tarixində ən vacib hadisələrdən olan “Molla Nəsrəddin” jurnalı nəşrə başladı.

Yaradıcılıq prinsiplərinə görə bir-birinə yaxın olan C.Məmmədquluzadənin təsis etdiyi və redaktoru olduğu “Molla Nəsrəddin” (1906-1931) jurnalı ətrafında birləşmiş şair, yazıçı və rəssamlar: M.Ə.Sabir, Ə.Haqverdiyev, Ə.Qəmküsar, M.S.Ordubadi, M.Möcüz, Ə.Əzimzadə və başqaları fəal və tanınmış mollanəsrəddinçilərdi. Yaradıcılıq metodlarına görə mollanəsrəddinçilər realist idi. Onların başlıca mövzusu və tənqid hədəfi dövrün ictimai-siyasi, ideoloji problemləri, cəhalət, fanatizm, qadın hüquqsuzluğu, məişətdəki və düşüncələrdəki eybəcərliklər və digər məsələlər olmuşdur. Mollanəsrəddinçilər Azərbaycan ədəbiyyatını janr, üslub və dil baxımından zənginləşdirmişlər.

Ey mənim müsəlman qardaşlarım! Əgər bilmək istəsəniz ki, kimin üstünə gülürsünüz, o vaxt qoyunuz qabağınıza aynanı və diqqət ilə baxınız camalınıza. (Molla əmi)

O qədər azadlıq ki, biz müsəlmanların arvad almaq və arvad boşamağında var,- heç bir özgə millətdə yoxdur;

(Molla əmi)

...Mən xəta eləmədim ki, gəldim bir para məzhəkəli nağıllar ilə sizi güldürəm ki, könlünüz açılsın və xörəyiniz yaxşı həzmə getsin! Yoxsa mən gəlmədim ki, onu-bunu özümdən incidəm...

(Molla əmi)

Bəzi ağzına zor verən cənablar işini-gücünü buraxıb utanmaz-utanmaz caamatamoizə edirlər ki, guya millət geri qalıbdır...

...Əgər deyirsən millət elmdə geridə qalıbdır, yalandır... (Molla əmi)

Tarix bizə bunu göstərir ki, maarif artdıqca ruhanilik hörmətdən düşür və təkbətək hər bir Avropa millətini götürsək, görərik ki, elm və fənn meydana gələn kimi ruhanilər

aradan çıxıblar. (Molla əmi)

Bu işlərin çarəsi balaca qızları məktəbə qoyub oxutmaqdır... Qız uşaqlarını məktəbə verməkliyin vəbalı atalarının boynunadır... Səkkiz yaşına çatmayan qızları ərə vermək

caiz deyil... (Molla əmi)

Adam yata-yata alim olur... İşsizlik adamı puça çıxardır... İkiarvadlı ev bərəkətli olar.(Molla əmi)

İnsan üçün böyük dərslərin biri də tarixdir. Aç qabağına tarixin səhifələrini və əgər gördün

ki, bir para vaxt insanlar bir para işlərdə səhv eləyiblər, dəxi sən həmin səhvi eləmə.

(Molla əmi)