analizë e projektligjit · markimi me shenjën ce të konformitetit për produktet ndërtimore...
TRANSCRIPT
Analizë e Projektligjit
1
PROJEKTLIGJI PËR PRODUKTE TË NDËRTIMIT
Autor: Visar Ramaj
Editoi: Burim Ejupi dhe Dardan Abazi
“Ky botim është realizuar me përkrahjen e projektit Promovimi i Shoqërisë Demokratike (DSP) – i
financuar nga Zyra Zvicerane për Bashkëpunim në Kosovë (SCO-K) dhe Ministria e Punëve të
Jashtme e Danimarkës (DANIDA) dhe menaxhuar nga Fondacioni Kosovar për Shoqëri Civile
(KCSF). Përmbajtja e këtij botimi është përgjegjësi e Institutit për Politika Zhvillimore dhe në asnjë
mënyrë nuk mund të konsiderohet si qëndrim i SCO-K-së, DANIDA-së apo KCSF-së.”
2
I. HYRJE DHE PËRMBLEDHJE E ANALIZËS LIGJORE TË PROJEKTLIGJIT
PËR PRODUKTET E NDËRTIMIT
Projektligji 06/L-333 për Produkte të Ndërtimit (Tutje referuar si Projektligji për Produkte të
Ndërtimit) parasheh shfuqizimin e tërësishëm të strukturës ligjore aktuale për Produkte të Ndërtimit
dhe zëvendësimin me një strukturë të re ligjore. Sipas arsyetimit të Ministrisë së Tregtisë dhe
Industrisë së Republikës së Kosovës, në cilësinë e hartuesit dhe sponzoruesit të ligjit, kjo reformë
është e domosdoshme duke marrë parasysh se struktura aktuale ligjore për Produkte të Ndërtimit ka
dështuar të implementohet në praktikë, përmban standarde ligjore të paqarta, dhe në raste përmban
edhe standarde ligjore kontradiktore në vetvete1. Tutje, sipas Ministrisë së Tregtisë dhe Industrisë,
arsye tjetër me rëndësi për këto ndryshime ligjore është përafrimi me legjislacionin e BE-së dhe
Rregulloren për Produkte të Ndërtimit Nr. 305/2011 e Parlamentit Evropian dhe e Këshillit e datës
9 Mars 20112.
Bazë për rregullimin e ri ligjor të Produkteve Ndërtimore dhe reformës në sektorin e ndërtimit, të
pasqyruara në Projektligjin për Produktet e Ndërtimit, paraqet Rregullorja për Produkte të
Ndërtimit Nr. 305/2011 e Parlamentit Evropian dhe e Këshillit e datës 9 Mars 2011 (Tutje referuar
si “Rregullorja BE për Produkte të Ndërtimit). Rregullorja BE për Produkte të Ndërtimit ka
zëvendësuar Direktivën për Produkte të Ndërtimit 89/106/EEC (Tutje referuar si “Direktiva BE
për Produkte të Ndërtimit).
Projektligji për Produkte Ndërtimore, i bazuar në Rregulloren BE-së për Produkte Ndërtimore,
parasheh avancimin e rregullativës ligjore në Kosovë në lidhje me produktet e ndërtimit, përgjegjësi
më të lartë nga tërë aktorët në treg (prodhuesit, importuesit, distributorët), rritje e detyrimeve të
raportimit dhe mbikqyrjes nga operatorët ekonomik, mbikqyrje shumë më të lartë nga ana e
institucioneve përgjegjëse publike, dhe nivel shumë më të lartë të rregullativës teknike dhe
harmonizimit. Si i tillë, rregullative e propozuar e re ligjore parashikon një zgjidhje shumë më
komplekse ligjore, e cila kërkon resurse të konsiderueshme profesionale dhe institucionale për të
realizuar.
Analiza e Projekt Ligjit për Produktet e Ndërtimit është bërë në duke e krahsasuar dhe vlerësuar me
Standardet Ligjore të Rregullores së BE-së për Produkte të Ndërtimit, praktikave më të mira rajonale
dhe ndërkombëtare mbi standardizimin dhe certifikimin e produkteve ndërtimore, vlerësimit të
kosotos ekonomike dhe ndikimit në çmimet e industrisë së ndërtimit, dhe përputhshmërisë me
strukturat institucionale të Ministrisë së Tregtisë dhe Industrisë për zbatimin e Projekt Ligjit.
1MemorandimiShpjeguesiProjektLigjitpërProduktetëNdërtimit, Ministria e TregtisëdheIndustrisë, faqe 3, 4, 5, iqasshëm nëhttp://ligjet.kuvendikosoves.org/Uploads/Data/Documents/33memorandumishpjegues_shLJsUsjPb.pdf 2 Ibid. faqe 5
3
Fillimisht, ndërmarrja e një reforme kaq substanciale për sektorin e ndërtimit, bazuar në një përvojë
ku aplikimi i legjislacionit aktual ka dështuar, pa një analizë më të thellë të arsyeve të dështimit të
strukturës ligjore aktuale dhe pa përfshirje substanciale të sektorit të ndërtimit, paraqet një faktor me
rrezikshmëri të lartë të zbatimin e Projekt Ligjit për Produkte të Ndërtimit nëse zbatohet. Për më
tepër, kjo reformë paraqet reformë substanciale ndikimi i së cilës shtrihet në industrinë e ndërtimit, e
cila industri është faktori kryesor për rritjen e Bruto Produktit Vendor dhe është një ndër industritë
me numrin më të madh të punësimit.
Vlerësimi i përgjithshëm i analizës ligjore është se Projekt - Ligji për Produktet e Ndërtimit, me
përjashtim të Kapitullit IX, është në përputhje kërkesat Ligjore të Rregullores së BE-së për
Produktet e Ndërtimit dhe paraqet praktikat më të zhvilluara dhe më të mira sa i përket trajtimit të
Produkteve Ndërtimore. Rrjedhimisht, duke përcaktuar kushtet dhe përmbajtjen e Deklaratës së
Performancës, shenjën CE dhe Shenjën e Konformitetit të Kosovës si parakushte për vendosjen e
produkteve në treg, bazuar në publikimin e Standardeve të Harmonizuara të Kosovës në përputhje
me Standardet e Harmonizuara Evropiane, Projekt Ligji për Produkte të Ndërtimit garanton sigurinë
dhe cilësinë e produkteve ndërtimore në Kosovë.
Megjithatë, konkludimi i analizës është se projekt Ligji për Produktet e Ndërtimit ka rrezik serioz për
dështimin e implemnetimit për shkak të a) standardeve të larta ligjore dhe të Harmonizimit të
Standardeve teknike të kërkuar, b) kompleksitetit të lartë të Projekt Ligjit dhe dështimit të adresimit
të më shumë se pesëmbëdhjetë (15) fushave kyqe, të cilat janë lënë të rregullohen përmes akteve
nënligjore dhe c) parashikimi për ngritjen e disa institucioneve dhe trupave për implementimine e
Projekt Ligjit, themelimi i të cilëve nuk është paraparë dhe lejuar meDeklaratën për vlerësimin e
ndikimit financiar, e cila nuk parashikon ndarjen e mjeteve për këto kapacitete shtesë, dhe
d)mungesës së kapaciteteve humane dhe dedikimit të resurseve për harmonizmin e standardeve të
kërkuara.
4
II. ANALIZA EKONOMIKE E PROJEKTLIGJIT PËR PRODUKTE TË
NDËRTIMIT DHE EFEKTI NË INDUSTRINË E NDËRTIMIT
Projekt Ligji për Produkte të Ndërtimit ndikon në mënyrë direkte në tërë sektorin e ndërtimit, duke
ngritur rregullativën ligjore mbi produktet e përdorura, duke rritur detyrimin e subjekteve ekonomike
për raportim dhe për përshtatshmëri ligjore, dhe duke pasur ndikim direkt në koston e të bërit
biznes.
Rrjedhimisht, Projekt-Ligji për Produktet e Ndërtimit paraqet reformë me rëndësi për sektorin e
ndërtimit, me ndikim të drejtpërdrejtë në tërë strukturën ekonomike të Kosovës, në të cilën
strukturë, sektori i ndërtimit paraqet një prej aktorëve kryesor. Pritjet janë se në rast të zbatimit të
plotë të Projekt Ligjit për Produkte të Ndërtimit, do të ketë ngritje të cmimeve të produkteev
ndërtimore, dhe rrjedhimisht edhe ngritje të cmimeve në industrinë e ndërtimit.
Sektori i ndërtimit vazhdon të jetë një ndër sektorët më të rëndësishëm dhe një potencial shumë i
madh ekonomik për Kosovën, duke pasur parasysh nevojën për ndërtime të vendbanimeve të reja si
dhe infrastrukturës rrugore. Sektori i ndërtimit shërben si një ndër shtyllat e ekonomisë së Kosovës,
pamvarësishtë vështërsive në të cilat është duke kaluar, gjithjë e më shumë është në rrijte. Bruto
Produktit Vendor (GDP) në vitin 2017 shënon një rritje reale për 4.4%, ku sektori i ndërtimit ka
pasur ndikim prej 9.6% në rritje të Bruto Produktit Vendor3. Gjithashtu, me një pjesëmarrje prej
13.1% sektori i ndërtimit ishte punëdhënësi i dytë më i madh në Kosovë në vitin 2017, duke
punësuar 47,200 veta4.
Indeksi i tërësishëm i Kostos të Ndërtimit në Kosovë (IKN) krahasuar TM4 2017 me TM4 2016,
kishte ngritje me një mesatare prej 2.8%. Ngritja e indeksit, kryesisht u vërejt te kategoritë: transport
(16.7%); materiale (3.5%); energji (4.0%); dhe kostot e tjera (0.7%). Ndërsa, kategoria e makinerisë
kishte një rënie prej (-2.9%)5.
Ndërsa, indeksi i tërsishëm i Kosotos të Ndërtimit në Kosovë (IKN) krahasuar me vitin 2017 dhe
2016 kishte ngritje me një mesatare prej 1.8%. Pikërisht në këtë fushë, në rast të zbatimit të plotë të
Projekt Ligjit për Ndërtim, mund të pritet rritje e indeksti të tërësishëm të Kostos së Ndërtimit në
Kosovë.
3AgjencioniistatistikavetëKosovës, IndeksiiKostostëNdërtimit TM4, 2017. 4AgjencioniiStatistikavetëKosovës, Rezultatet e AnketëssëFuqisëpunëtorenëKosovë 2017, Mars 2018. 5AgjencioniiStatistikavetëKosovës, IndeksiiKostostëNdërtimit TM4, 2017.
5
Tabela 1.Ndryshimet vjetore të indeksit të Kostos të ndërtimit, 2016-2017.
Burim: Agjencioni i Statistikave të Kosovës
Andaj, një prej analizave kryesore të cilat duhet të zhvillohen në lidhje me Projekt Ligjin për
Produkte Ndërtimore është ndikimi në koston e ndërtimit dhe ndryshimeve të Kostos së ndërtimit.
Kjo mund të realizohet vetëm përmes përfshirjes substanciale të industrisë së ndërtimit në procesin e
hartimit dhe diskutimit të projekt-ligjit.
Egziston rreziku se me rritjen e rregullativës ligjore të testimit dhe certifikimit të produkteve
ndërtimore, mund të ketë edhe rritje të kostos së ndërtimit, apo edhe veprime nga ana e industrisë së
ndërtimit në uljen e kostove tjera, duke përfshirë edhe punësimin.
Viti Periudha Ndryshimet në
përqindje
2016 Mesatarja vjetore 0.8
2017 Mesatarja vjetore 1.8
6
III. RREGULLORJA BE PËR PRODUKTET NDËRTIMORE DHE SISTEMI I
CERTIFIKIMIT CE NË BASHKIMIN EVROPIAN
Projektligji për Produkte Ndërtimore i Kosovës është i bazuar pjesërisht në Rregulloren e BE për
Produkte Ndërtimore. Andaj, para se të bëhet vlerësimi i Projektligjit për Produkte Ndërtimore,
është me rëndësi të bëhet një përshkrim i vetë Rregullores BE-së për Produkte Ndërtimore në të
cilën vetë Projekt Ligji është i bazuar.
Rregullorja e BE për Produkte Ndërtimore ka si qëllim që të krijojë një strukturë të unifikuar dhe
thejshtuar ligjore në lidhje me produktet ndërtimore të cilat përdoren në kuadër të Bashkimit
Evorpian. Si e tillë, Rregullorja e BE-së për Produkte ndërtimore rregullon tri fusha kryesore: a)
kërkesat për vendosjen në treg të produkteve ndërtimore, b) përcaktimin e kritereve për vlerësimin e
performancës së produkteve, dhe c) Përdorimi i CE shenjës së Konformitetit6.
Markimi me shenjën CE të konformitetit paraqet bazën kryesore për tregtimin e lirë të Produkteve
Ndërtimore në kuadër të Bashkimit Evropian. Të gjitha Produktet Ndërtimore të cilat bartin shenjën
CE përcaktojnë se një produkt i tillë është në përputhje me Standardet e Harmonizuara Evropiane, i
plotëson kriteret për vlerësimin e performancës së produkteve, dhe se është i lirë për qarkullim në
kuadër të tërë Bashkimit Evropian.
Të gjitha produktet ndërtimore të cilat bartin shenjën dhe markimin CE, mund të tregtohen dhe të
përdoren lirshëm në të gjithë hapësirën e Bashkimit Evropian. Në lidhje me produktet të cilat janë të
markuara me shenjën CE, asnjë shtet apo autoritet publik brenda Bashkimit Evorpian nuk mund të
kërkojë asnjë certifikatë apo testim shtesë të atij produkti. Për më tepër, markimi me shenjën CE dhe
Deklarata e Performancës, përmbajnë edhe të gjitha informatat tjera në lidhje me produktin dhe
përdorimin e tij, duke u mundësuar palëve të informohen në lidhje me përdorimin e materialeve të
tilla.
Markimi me shenjën CE të konformitetit për produktet ndërtimore ndahet në dy grupe, grupi i parë
i përfshinë produktet ndërtimore të cilat janë të obliguara të kenë shenjën e konformitetit CE, dhe
grupi i produkteve ndërtimore të cilat e kanë opcionale markimin me shenjën e konformitetit CE.
Markimi me shenjën CE është i detyrueshëm në të gjitha rastet e egzistimit të Standardeve të
Harmonizuara të Bashkimit Evropian të përgaditura nga trupat standardizues Evropian në përputhje
me Direktivën 98/34/EC. Standardet e Harmonizuara shërbejnë për të përcaktuar metodat dhe dhe
6 Regulation (EU) No 305/2011 of the European Parliament and of the Council of 9 March 2011 laying doënharmonised conditions for the marketing of construction products and repealing Council Directive 89/106/EEC, publikuarnëGazetënZyrtaretëBashkimitEvropiandhe e qasshme nëhttps://eur-lex.europa.eu/legal-content/EN/TXT/?uri=CELEX%3A32011R0305
7
mënyrën e vlerësimit për produktet e ndërtimit. Ato i referohen qëllimit të përdorimit të produktit të
mbuluar nga standardi, dhe përfshijën të dhënat teknike për produktin dhe mënyrën e vlerësimit për
përmbushjen e të dhënave të tilla. Referencat për Standardet e harmonizuara publikohen në Gazetën
Zyrtare të Bashkimit Evropian.
Në anën tjetër, markimi me shenjën CE mund të bëhet, edhe pse jo i detyrueshëm, edhe në rastin e
mungesës së Standardeve të Harmonizuara nga ana e BE-së. Në një rast të tillë, prodhuesit mund të
kërkojnë të pajisen me Dokumentin Evorpian të Vlerësimit, të lëshuar nga Trupat e Vlerësimit
Teknik, bazuar në Vlerësimin Teknik Evorpian.
Bazuar në rregullat dhe standardet të cilat duhet plotësuar qoftë në kuadër të Standardeve të
Harmonizuara në kuadër të Bashkimit Evropian, qoftë në kuadër të Vlerësimit Teknik Evorpian,
prodhuesi bënë përgaditjen e Deklaratës së Performancës së Produktit dhe në bazë të saj edhe
vendosjen e markimit CE në produkt.
A. PËRMBAJTJA E CE MARKIMIT DHE DEKLARATËS SË PERFORMANCËS
Vendosja e shenjës CE në përputhje me Rregulloren e BE-së për Produktet e Ndërtimit lejon
qarkullimin e lirë të produktet dhe dëshmon se produkti ndërtimor është në përputhje me
performancën e deklaruar dhe se është vlerësuar sipas një Standardi të Harmonizuar Evropian (CE e
detyrueshme) ose është lëshuar një Vlerësim Teknik Evropian (CE opcionale) për të.
Së bashku me Deklaratën e Përformancës, CE shenja e konformitetit do të ndihmoj klientët dhe
përdoruesit e produktit për të kontrolluar përformancën e produktit dhe për të krahasuar me
produktet tjera.
Deklarata e performancës në Bashkimin Europian përfshin kodin e tipit të produktit, i cili duhet të
identifikoj në mënyrë të qartë lidhjen midis produktit dhe përformancës, mund të jetë një numër,
datë etj, e të cilat nuk duhet të jenë të njejta për dy produkte. Po ashtu në deklaratën e përformancës
identifikohet prodhuesi, përdorimi i parashikuar për produktin, sistemet e vlerësimit dhe verifikimit
të qëndrueshmërisë (sistemi AVCP), standartet e harmonizuara, duke përfshirë edhe organet
përgjegjëse, si dhe vlerësimin teknik Europian. Vlerësimi dhe verifikimi i qëndrueshmërisë së
performancës (AVCP) është një sistem i harmonizuar që përcakton se si të vlerësojë produktet dhe
të kontrollojë qëndrueshmërinë e rezultateve të vlerësimit. Ky sistem mbron besueshmërinë dhe
saktësinë e Deklaratës së Performancës.
8
IV. RREGULLATIVE LIGJORE AKTUALE NË LIDHJE ME PRODUKTET E
NDËRTIMIT DHE NEVOJA PËR NDRYSHIM
Republika e Kosovës aktualisht ka në fuqi një rregullativë ligjore në lidhje me Produktet e ndërtimit.
Kjo rregullativë ligjore përbëhet nga LIGJI Nr. 04/L-181 PËR PRODUKTET E NDËRTIMIT i
vitit 20137, i mbështetur nga Aktet Nënligjore/Rregulloret të cilat përfshijnë: Rregullore (MTI) - Nr.
07/2013 Për Miratimet Teknike Për Produktet E Ndërtimit, Rregullore (MTI) Nr.02/2014 Për
Kërkesat Themelore Në Punët E Ndërtimit, Rregullore (MTI) Nr. 06/2014 Për Mënyrën E
Vlerësimit Të Konformitetit Për Produktet Ndërtimore, Dhe Udhëzim Administrativ (MTI)-
Nr.11/2014 Për Kushtet Për Subjektet Që Kryejnë Procedurat E Vlerësimit Të Konformitetit Për
Produketet E Ndërtimit8.
Ministria e Tregtisë dhe e Industrisë, e vlerëson këtë rregullativë egzistuese ligjore si të paqartë,
me standarde ligjore kontradiktore, rregullativë e cila ka dështuar të zbatohet në praktikë,
dhe në shpërputhje me Legjislacionin e Bashkimit Evropian në këtë fushë9. Rrjedhimisht,
edhe sygjerohet që e njëjta të shfuqizohet tërësisht me Projektligjin e Ri për Produktet Ndërtimore.
Përderisa konstatohet se Rregullative Aktuale ka dështuar të zbatohet në praktikë, Ministria e
Tregtisë dhe Industrisë nuk ofron asnjë analizë të detajuar mbi arsyet e një dështimi të tillë. Kjo
sidomos duke qenë se Ligji Aktual për Produktet e Ndërtimit është hartuar në përputhje me
Direktivën për Produkte të Ndërtimit 89/106/EEC, e cila ka përmbajtuar standarde të pranueshme
në lidhje me trajtimin e produkteve ndërtimore.
Nga dokumentet përcjellëse të Projekt Ligjit për Produkte Ndërtimore, është e qartë se arsye me
rëndësi i ndryshimit dhe Shfuqizimit e Ligjit LIGJI Nr. 04/L-181 PËR PRODUKTET E
NDËRTIMIT i vitit 2013, është harmonizimi i legjislacionit të Kosovës me acquis të BE-së, bazuar
në Marrëveshjen e Stabilizim Asocimit dhe PKZMSA-së10, që ka përfshirë harmonizimin me
Rregulloren e BE-së për Produkte të Ndërtimit. Rregulloren e BE-së për Produkte të Ndërtimit,, e
aprovuar në vitin 2011 dhe e cila ka hyrë në fuqi në vitin 2013, ka bërë zëvendësimin t Direktivës për
Produktet e Ndërtimit.
7 I qasshëmnëGazetënZyrtaretëRepublikëssëKosovës, nëlinkun https://gzk.rks-gov.net/ActDetail.aspx?ActID=8825 8TëgjithatëqasshmenëGazetënZyrtaretëRepublikëssëKosovës, nëlinkun https://gzk.rks-gov.net/ActDetail.aspx?ActID=8825 9MemorandimiShpjeguesiProjektLigjitpërProduktetëNdërtimit, Ministria e TregtisëdheIndustrisë, faqe 3, 4, 5, iqasshëm nëhttp://ligjet.kuvendikosoves.org/Uploads/Data/Documents/33memorandumishpjegues_shLJsUsjPb.pdf 10OpinioniLigjoriPërputhshmërisë me Legjislacionin e BE-së, Ministria e IntegrimeveEvropiane, datë 11.04.2017, iqasshëmnë http://ligjet.kuvendikosoves.org/Uploads/Data/Documents/33opinioniligjor_PYSUFkEUtu.pdf
9
Si përfundim, baza kryesore e fillimit të kësaj reforme është përafrimi me acquis të BE-së, më
saktësisht me Rregulloren e BE-së për Produkte të Ndërtimit. Përkundër kësaj reforme, ky proces
fillon nga dështimi në implementimin e Ligjit për Produkte të Ndërtimit, i cili gjithashtu ishte
draftuar në përputhje me Direktivën e BE-së për Produkte të Ndërtimit, e për të cilin dështim nuk
duket se ka një analizë të detajuar mbi dështimin dhe arsyet e dështimit të implementimit të ligjit.
V. PROJEKTLIGJIT PËR PRODUKTET E NDËRTIMIT - RREGULLIMI I RI
LIGJOR I PROPOZUAR
Projekt-Ligji për Produktet e Ndërtimit përcakton kushtet për vendosjen apo vënien në dispozcion
në treg të Kosovës të produkteve ndërtimore, dhe mënyrat se si dëshmohet përputhshmëria e
produktit me kushtet e tilla. Si i tillë, është i ndarë në njëmbëdhejtë (11) kapituj dhe gjashtëdhjetë e
tri (63) nene.
A. PRODUKTET E NDËRTIMIT TË LEJUARA PËR TU TREGTUAR NË TREGUN
E REPUBLIKËS SË KOSOVËS
Projekt Ligji për Produktet Ndërtimore përcakton kriteret për lejueshmërinë e një produkti
ndërtimor të për tu plasuar në tregun e Kosovës, dhe përmes Nenit 1.2 dhe Nenin 2.2. sqaron se
parakusht për vendosjen në treg, distribuimin dhe përdorimin e produkteve ndërtimore në Kosovë,
produkti duhet të plotësoj konformitetin sipas një prej metodologjive:
- Shënjimi me markën CE të konformitetit të Bashkimit Evropian, ose
- Përdorimi i shenjës së konformitetit të Kosovës
- Zbatimi i dispozitave tjera përpos atyre CE dhe shenja e konformitetit të Kosovës.
Projekt Ligji për Produkte Ndërtimore i barazon kriteret dhe nivelin e sigurisë dhe qëndrueshmërisë
së produkteve të markuara me shënjën e konformitetit të Kosovës me produktet e Bashkimit
Evropian të markuara me shenjën e konformitetit CE. Andaj, Shënimi me shenjën e konformitetit
CE apo shenjën e konformitetit të Kosovës, e cila është e harmonizuar me standardet teknike
Evropiane, sipas procedurave dhe kushteve të parashikuara në Projekt Ligj për Produktet e
Ndërtimit, është garantues se produkti ndërtimor i përmbush kushtet e përcaktuara të cilësisë dhe
sigurisë, dhe lirshëm mund të përdoret në cfarëdo pune ndërtimore.
Andaj, Pjesa kyqe e tërë Projektligjit për Produktet e Ndërtimit është Kapitulli II, i cili në mënyrë të
detajuar e përshkruan Deklaratën e Performancës, shenjën CE dhe Shenjën e Konformitetit të
Kosovës si parakushte për vendosjen e produkteve në treg. Në këtë mënyrë, kriteret për marrjen e
shenjës së konformitetit të Kosovës barazohen me ato të Bashkimit Evorpian.
10
Në njërën anë shenja e konformitet CE lëshohet në përputhje me legjislacionin e Bashkimit
Evorpian, Rregulloren e BE-së për Produkte të Ndërtimit, dhe paraqet sistem të zhvilluar i cili
garanton cilësinë dhe sigurinë e produkteve të ndërtimit.
Në anën tjetër, Kapitulli II është i ndërlidhur në mënyrë organike me Kapitullin IV të ProjektLigjit
për Ndërtim, parashikon se Agjencia Kosovare për Standardizim do të bëjë publikimin e
Standardeve të Harmonizuara të Kosovës në përputhje me Standardet e Harmonizuara Evropiane.
Gjithashtu, përmes këtij kapitulli përcaktohet se Ministria përmes akteve nënligjore do të bëjë
përcaktimin e metodologjisë së Vlerësimin Teknik Kosovar, i cili duhet të jetë në përputhje me
Vlerësimin Teknik Evorpian.
Tutje, me kapitullin e III të përcaktohen detyrat dhe përgjegjësitë e të gjithë operatorëve ekonomik
në lidhje me qarkullimin dhe përdorimin e produkteve ndërtimore, duke përfshirë prodhuesin,
përfaqësuesin e autorizuar, importuesin, distributorin dhe të ngjashëm. Në këtë mënyrë definohet
përgjegjësia e secilit operator në treg, nga prodhuesi e deri tek instalimi i atij produkti në punë
ndërtimore.
Për më tepër, me Kapitullin VII të Projekt Ligjit për Produkte të Ndërtimit rregullohet Mbikqyrja e
Tregut dhe klauzolat mbrojtëse, derisa me Kapitullin VIII i kalojnë përgjegjësitë Ministrisë për
kalimin e akteve nënligjore për Mbikqyrjen dhe Zbatimin e Ligjit.
Përfundimisht, përmes Kapitullit IX, rregullohen produktet tjera të lejuara për tu tregtuar në
Kosovë, e të cilat produkte nuk kanë as shenjën e konformitetit CE dhe as shenjën e Konformitetit
të Kosovës. Ky paraqet një kapitull pak më problematik, dhe nuk e përcjellë metodologjinë dhe
parimet e parashikuara me kapitullin II dhe IV.
Në këtë mënyrë, Projekt Ligji për Produkte Ndërtimore bënë trajtimin e plotë të produkteve
ndërtimore, kjo në përputhje me Standardet e Rregullores së BE-së për Produkte të Ndërtimit.
B. STRUKTURA E REJA INSTITUCIONALE TË PARASHIKUARA ME PROJEKT-
LIGJ
Për realizimin e qëllimeve të Projekt Ligjit për Produkte Ndërtimore, dhe sigurimit të zbatimit të të
njejtit, është parashikuar edhe ngritja e një Strukture komplekse të institucioneve dhe trupave
publike.
Përmes Kapitullit VI të Ligjit, Nenet 29 - 45, përcaktohet se Ministria e Tregtisë dhe Industrisë, në
cilësinë e Autoritetit Emërues, do të bëjë përcaktimin e Trupave të pavarur të tretë në procesin e
Vlerësimit dhe verifikimit të qëndrueshmërisë së performancës të produkteve të ndërtimit. Kjo
11
paraqet ngritjen dhe certifikimin e një strukture komplekse nga ana e Ministrisë, e cila strukturë do të
jetë përgjegjëse në një prej aspketeve kyqe të konformitetit të produkteve në tregun e Kosovës.
Tutje, Me neni 13 Ministria merr përsipër që përmes një vendimi specifik të krijojë një institucion si
“Pikë Kontakti”, dhe i cili do jetë përgjegjës për të ofruar informata për autoritetet e shteteve tjera
dhe operatoirët ekonomik në lidhje me fusha si: rregulla teknike, kontakte, mjete juridike, dhe të
gjitha informacionet tjera në lidhje me produktet e ndërtimit.
Për më tepër, Ministria merr kompetenca të gjëra me Kapitullin VII të ligjit për Aprovimin e Akteve
Nënligjore dhe për krijimin e organeve të vecanta dhe mbikqyrjen dhe implementimin e ligjit.
Megjithatë, rrezik serioz në implementimin e ligjit paraqet fakti se krijimi i këtyre trupave dhe
institucioneve, të cilat janë esenciale për zbatimin e ligjit, nuk janë parashikuar me ndarjet e caktuara
buxhetore.
12
VI. REKOMANDIMET PËR NDRYSHIME NË PROJEKT LIGJIN PËR
PRODUKTET NDËRTIMIT
Analiza e Projekt Ligjit për Produktet e Ndërtimit është bërë në duke e krahsasuar dhe vlerësuar me
Standardet Ligjore të Rregullores së BE-së për Produkte të Ndërtimit, praktikave më të mira rajonale
dhe ndërkombëtare mbi standardizimin dhe certifikimin e produkteve ndërtimore, vlerësimit të
kosotos ekonomike dhe ndikimit në çmimet e industrisë së ndërtimit, dhe përputhshmërisë me
strukturat institucionale të Ministrisë së Tregtisë dhe Industrisë për qëllime të zbatimit.
Andaj, rekomandimet janë ndarë në dy grupe kryesore: a) Rekomandime strukturore mbi Projekt
Ligjin për Produkte Ndërtimore, dhe b) Rekomandimet e Detajuara. Përmes rekomandimeve
strukture, jepen rekomandime të përgjithshme të cilat prekin substancën e një neni, kapitulli apo të
një zgjidhje ligjore të rekomanduar me projektligj. Në anën tjetër, përmes rekomandimeve të
detajuara, jepen rekomandime në lidhje me nene specifike dhe zgjidhje ligjore specifike.
A. REKOMANDIMET STRUKTURORE MBI PROJEKT-LIGJIN
i. Kapitulli IX i Projekt Ligjit për Produktet e Ndërtimit nuk është në përputhje me
parimet e përgjithshme dhe mënyrën e rregullimit të produkteve të ndërtimit
Kapitulli IX i Projekt Ligjit për Produkte Ndërtimore paraqet devijim nga standardi ligjor i vendosur
në Projekt Ligjin për Produkte Ndërtimore se cfarëdo produkti i vendosur në tregun e Kosovës
është në përputhje me Standardet e Harmonizuara Evropiane dhe Vlerësimin Teknik Evropian.
Duke shfrytëzuar paqartësinë dhe definimin shumë të gjerë të Kapitullit IX, më saktësisht Nenit 55
të Projekt Ligjit për Produktet e Ndërtimit, produktet e caktuara ndërtimore dhe kompanitë e
ndryshme mund të shmangin dhe të bëjnë tërësisht të paaplikueshëm edhe Standardet Kosovare të
Harmonizuara por edhe Standardet e Harmonizuara Evorpiane, të cilat janë baza kryesore e tërë
Projekt Ligjit për Produkte të Ndërtimit.
Si i tillë, Kapitulli IX nuk është në përputhje as me Rregulloren e BE-së për Produkte të Ndërtimit
dhe as me parimet e Përgjithshme të Projekt Ligjit për Produkte Ndërtimore.
Përmes Kapitullit IX të Projekt Ligjit për Ndërtim, rregullohet dhe lejohet Vendosja në tregun e
Kosovës së produkteve ndërtimore duke zbatuar dispozita tjera përveç atyre të kërkuara për shenjën
CE apo shenjën e konformitetit të Kosovës. Përmes Nenit 55 shmangen në tërësi Standardet e
Harmonizuara Evropiane, dhe kusht për lejimin e vendosjes së produktit në tregun e Kosovës e
përcaktohet se është:
13
Natyra dhe/ose performanca e produkteve të tilla do të vlerësohet dhe deklarohet në përputhje me një
nga pikat e mëposhtme:
2.1. një standard ndërkombëtar të përgatitur nga ISO ose IEC,
2.2. një standard rajonal të një zone të tregtisë së lirë,
2.3. një standard kombëtar të Kosovës,
2.4. një standard kombëtar të ndonjë shteti tjetër,
2.5. një skemë e pavarur për certifikimin e produktit të Kosovës ose ndonjë vendi tjetër, duke
përfshirë produktet që janë në përputhshmëri me një vlerësim/miratim teknik ose ekuivalent,
2.6. testet, llogaritjet ose mjetet e tjera me të cilat mund të konstatohet përputhshmëria e produktit,
2.7. përvoja e kaluar, përdorimi i kënaqshëm në një ndërtesë ose punime të tjera të ndërtimit, ku
përvoja e tillë lejon njohjen e përshtatshmërisë së produktit.
Kriteret e përcaktuara përmes Nenit 55 janë mjaft të paqarta dhe vështirë të matshme me kritere
objektive. Për më tepër, nuk përcaktohet asnjë institucion kompetent i cili është përgjegjës për
vlerësimin e përshtatshmërisë së produkteve të tilla, duke përcaktuar vetëm se Ministria përmes
Akteve nënligjore do të bëjë përcaktimin e një institucioni të tillë. E tërë kjo paqartësi dhe mos-
përcaktim i institucioneve kompetente, është në kundërshtim me Rregulloren e BE-së për Produkte
Ndërtimore dhe me metodologjinë dhe parimet në të cilat është ndërtuar Projekt - Ligji për
Produkte Ndërtimore.
Si i tillë, Kapitulli IX për mënyrë alternative të vendosjes së produkteve në treg krijon paqartësi
juridike, paqartësi institucionale për organet kompetente, dhe mund të jetë e dëmshme për
kompanitë dhe produktet të cilat vendosin për certifikim me shenjën e konformitetit të Kosovës apo
shenjën CE, të cilat janë procedura komplekse dhe rigoroze.
Rekomandim: Rekomandohet që të zhvillohen dy lloje të kritereve dhe procedurave sipas
Kapitullit IX për Produktet të cilat nuk bartin as shenjën e Konformitetit CE dhe as shenjën
e konformitetit të Kosovës, dhe atë: a) Produktet e prodhuara në Kosovë, dhe b) Produktet e
importuara nga shtete e treta. Për më tepër, duhet të dizajnohet një institucion ose organ
specifik i cili do ketë kompetencë për të përcaktuar nëse një produkt mund të lejohet në
qarkullim dhe përdorim në Kosovë në përputhje me Kapitullin IX.
ii. Projektligji për Produkte Ndërtimore bazohet në numër të madh i akteve nënligjore për
zbatim
Projektligji për Produktet e Ndërtimit varet tërësisht nga aprovimi i një numri të madh të akteve
nënligjore për tu bërë i aplikueshëm dhe i zbatueshëm. Të gjitha kërkesat kyqe të ligjit janë lënë të
përcaktohen përmes akteve nënligjore, të cilat efektivisht e kanë bërë të pamundur zbatimin e ligjit
në formën aktuale pa aprovimin e akteve nënligjore të përcaktuara.
14
Në këtë mënyrë, janë më shumë se pesëmbëdhjetë (15) fusha kyqe që duhet të rregullohen me akte
nënligjore, duke përfshirë: Pikat e Kontaktiti për produkte ndërtimore, Kërkesat themelore për
punimet e ndërtimit, kushtet për deklarimin e performancës së produktit të ndërtimit, themelimi i
Vlerësimin Teknik Kosovar dhe Trupit për Vlerësim Teknik në Kosovë, Vlerësimi dhe verifikimi i
qëndrueshmërisë së performancës së produkteve të ndërtimit, Sistemet e Vlerësimit të performancës
dhe qëndrueshmërisë, Procedurat e thjeshtuara për Mikro Ndërmarrje, emërim dhe monitorimi për
Trupat e Emëruar nga Ministria, Shfrytëzimi i hapësirave jashtë laboratorit testues nga trupi i
emëruar. Për me tepër, me Nenin 50 dhe 51 Ministria merrë kompetenca të zgjeruara për të
aprovuar akte nënligjore shtesë sipas nevojës.
Përderisa nuk është kontestuese që disa prej fushave janë me përmbajtje tërësisht teknike që është e
nevojshme të adresohen përmes Akteve Nënligjore, shumë fusha tjera ka mundësi dhe duhet të
adresohen përmes vetë Projekt Ligjit Aktual.
Sistemi i propozuar i zgjidhjeve të detajuara përmes akteve nënligjore rrezikon të sjellë vonesa të
mëdha në zbatimin e ligjit, dhe situatë të mos-përputhjes në mes të teksteve ligjore dhe akteve
nënligjore të cilat lënë hapësirë të madhe të funksionimit, të cilat edhe kanë qenë arsye e dështimit të
zbatimit LIGJI Nr. 04/L-181 PËR PRODUKTET E NDËRTIMIT i vitit 2013.
Rekomandim: Projekt Ligji për Produkte të Ndërtimit duhet të rishikohet dhe fushat kyqe
të cilat aktualisht parashikohet të zgjidhen përmes akteve nënligjore duhet të adresohen
përmes tekstit të projekt-ligjit dhe duke kalkuluar edhe ndikimin buxhetor.
iii. Projektligj për Ndërtim nuk ka një analizë të mirëfilltë financiare mbi kostot për zbatimin
e ligjit dhe ngritjen e kapaciteteve institucionale
Për realizimin e qëllimeve të Projekt Ligjit për Produkte Ndërtimore, dhe sigurimit të zbatimit të të
njejtit, është parashikuar edhe ngritja e një Strukture komplekse të institucioneve dhe trupave
implementues. Për më tepër, edhe vetë Projekt Ligji për Produkte është kompleks dhe kërkon
ekspertizë të lartë në cështjet në Standardizimit dhe Harmonizimin e Standardeve Teknike të cilat i
adreson.
Ndër të tjera, Ministria e Tregtisë dhe Industrisë, në cilësinë e Autoritetit Emërues, do të bëjë
përcaktimin e Trupave të pavarur të tretë në procesin e Vlerësimit dhe verifikimit të
qëndrueshmërisë së performancës të produkteve të ndërtimit dhe gjithashtu të krijojë një institucion
si “Pikë Kontakti”, dhe i cili do jetë përgjegjës për të ofruar informata për autoritetet e shteteve tjera
dhe operatoirët ekonomik në lidhje me fusha si: rregulla teknike, kontakte, mjete juridike,dhe të
gjitha informacionet tjera në lidhje me produktet e ndërtimit.
15
Përderisa këto dhe institucione tjera janë të parashikuara me Projekt Ligjin për Produktet Nërtimore,
Deklarata për vlerësimin e ndikimit financiar nuk ka parashikuar kosto as për stafin shtesë, dhe as
për aktivitetit e përcaktuara me ligj.
Si shembull, aktiviteti kryesor dhe më me rëndësi për zbatimin e Projekt Ligjit për Produkte
Ndërtimore në Praktikë do të jetë përvetësimi i Standardet e Harmonizuara Evropiane dhe
Vlerësimin Teknik Evropian si Standarde të Harmonizuara të Kosovës dhe Vlerësimi Teknik i
Kosovës. Në anën tjetër, asnjë ndarje buxhetore nuk është bërë në këtë drejtim. Në mungesë
tëHarmonizimit të Standardeve të Kosovës me ato të Bashkimit Evropian, i tërë ligji rrezikon të
dështojë.
Rekomandimi: Rishikimi i Deklaratës së Vlerësimit e ndikimit Financiar dhe rishikimi
buxhetor për alokimin e mjeteve të nevojshme për zbatimin e ligjit, duke përfshirë
strukturën e re institucionale dhe aktivitetet e përvetësimit të Standardeve të Harmonizuara
Evropiane.
iv. Barazvlerësimi i kërkesave për shenjën e konformitetit CE me shenjën e konformitetit të
Kosovës mund të jetë problematik në implementime Projekt Ligjit brenda afateve ligjore
Shenja e Konformitetit të Kosovës i nënshtrohet të njejtave standarde ligjore, kërkesave dhe
specifikave sikurse shenja e Konformitetit CE e Bashkimit Evropian. Në këtë mënyrë, për lëshimin e
shenjës së konformitetit të Kosovës kërkohet të dëshmohet përputhshmëria me Standardet
Kosovare të Harmonizuara apo me Dokument të Vlerësimit të Kosovës bazuar në Vlerësimin
Veknik Kosovar, dhe në rast se këto mungojnë me standardet Evorpiane të Hamronizuara apo
Standarde Teknike Evropiane.
Këtu janë dy probleme praktike të implementimit, egzistimi i kapaciteteve të mjaftueshme humane
dhe profesionale për adoptimin e standardeve të tilla, dhe afati kohor i nevojshëm për arritjen e
qëllimeve të tilla. Mungesa e kapacitetetve të operatorëve ekonomik në Kosovë në lidhje me
përputhshmërinë me këto standarde, duke përfshirë sidomos prodhuesit, dhe mungesa e e
kapaciteteve të Ministrisë së Tregtisë dhe Industrisë për të menaxhuar një proces kompleks të
monitorimit të shenjave të konformitetit të Kosovës,
Në anën tjetër, Neni 63 i Projekt Ligjit për Produktet e NDërtimit parasheh se Ligji hyn në fuqi për
një periudhë prej 90 ditëve prej ditës së Miratimit.
Një obligim i tillë substancial për Harmonizimin e Standardeve dhe të Dokumenteve të Vlerësimit
Teknik, mund të ndikojnë në dështimin e zbatimit të ligjit.
16
Rekomandim: Kapitulli II dhe IV të cilët parashikojnë standarde të njejta ligjore për
lëshimin e shënjës së konformitetit të Kosovës me ato të Bashkimit Evorpian, markimit me
CE, në situatë kur Kosova nuk ka zhvilluar kapacitetet profesionale dhe teknike, e rrezikon
zbatueshmërinë e tërësishme të ligjit. Duhet një analizë më e thellë për afatet kohore dhe
kapacitetet për implementimin e ligjit.
v. Kërkesat themelore për punime të ndërtimit duhet të jenë pjesë e tekstit integral të
projektligjit për produkte ndërtimore
Bazë kryesore për Ligjin për Produktet Ndërtimore dhe hartimin e Specifikimeve Teknike të
Harmonizuara të Kosovës janë Kërkesat Themelore për Punimet e Ndërtimit. Kërkesat Themelore
për Punime të Ndërtimit përcaktojnë kushtet themelore për të gjitha punët ndërtimore, duke
përfshirë kërkesat për rezistencën mekanike dhe stabilitetin, e deri tek konzervimi i energjisë dhe
përdorimi i resurseve natyrale.
Sipas versionit aktual të Nenit 4, Kërkesat Themelore për Punimet e Ndërtimit do të rregullohen
përmes një Akti nënligjor nga ana e Ministrisë dhe atë brenda një periudhe prej 6 (gjashtë muajve).
Rekomandohet që të ndryshohet kjo qasje, dhe Kërkesat Themelore për Punimet e Ndërtimit të jenë
pjesë integrale e ligjit. Në përputhje me Nenin 3 të Rregullores BE për Produktet e Ndërtimit, ato
duhet të jenë pjesë përbërëse e Ligjit, dhe janë bazë kryesore për hartimin e Specifikateve Teknike të
Harmonizuara dhe Standardizimin.
Në përputhje me Rregulloren e BE-së për Produktet e Ndërtimit, parashihen shtatë (7) Kërkesa
Themelore për Punimet e ndërtimit, e të cilat përfshijnë: 1. Rezistenca mekanike dhe stabiliteti 2.
Siguria në rast të zjarrit, 3. Higjiena, shëndeti dhe ambienti, 4. Siguria dhe përdorimi 5. Mbrojtja nga
zhurma 6. Kursimi i energjisë dhe izolimi i nxehtësisë, 7. Përdorimi i qëndrueshëm i materialeve
ndërtimore.
Rekomandimi: Kërkesat Themelore për Punimet e Ndërtimit të jenë pjesë integrale e ligjit, duke
marrë për bazë Aneksin I të Rregullores së BE-së për Produkte të Ndërtimit.
vi. Trupat e Emëruar
Sipas përcaktimeve të Kapitullit VI, Ministria do të bëjë emërimin dhe publikimin e trupave të
emëruar, të cilët do të jenë përgjegjës për në procesin e vlerësimit dhe verifikimit të qëndrueshmërisë
së performancës së produkteve të ndërtimit.
17
Kjo është pjesa kyqe e cila lidhet me zbatimit e Projekt-Ligjit në Praktikë, andaj kërkohet një trajtim
më i detajuar i institucioneve dhe kompanive të cilat mund të licencohet për të shërbyer si trupa të
emëruar, palë të treta të cilat janë përgjegjëse për qëndrueshmëirnë dhe performancën e produkteve.
B. REKOMANDIMET E DETAJUARA
Pjesa e dytë e rekomandimeve përfshinë rekomandime specifike në lidhje me Projektligjin për
Produkte të Ndërtimit, duke u fokusuar në nene dhe zgjidhje specifike të sygjeruara me ligj. Në këtë
drejtim, rekomandimet specifike janë të ndara në dy pjesë: rekomandimet mbi dispozita në konflikt
të mundshëm me njëra tjetrën, dhe rekomandime për ridraftim të neneve specifike.
Nenet të cilat kërkojnë harmonizim më të lartë mes tyre, përfshijën Nenet në vazhdim:
Neni themelor me të
cilin adresohet
problemi
Neni i cili rregullon të
njejtën fushë
Paqartësia sa i përket
standardit juridik
Zgjidhja e
rekomanduar
Neni 10, para 1
“Përdorimi i shenjës së
konformitetit të
Kosovës mbetet
opcional, përvec nëse
një Vendim i marrë
nga Ministria …. E
bënë të detyrueshëm”
Neni 1.2 dhe Neni 2.2
“Ky ligj përmban tri
mënyra me të cilat
produkti mund të
tregoj
përputhshmërinë me
kërkesat e këtij ligji, si
në vijim: 2.1.
Përdorimi i shenjës
CE; 2.2. Përdorimi i
shenjës së
konformitetit të
Kosovës aplikohet në
rastet kur prodhuesi
përmbush kërkesat për
vendosjen e saj, të
përcaktuara në këtë
ligj, apo shenjën tjetër
ekuivalente të
konformitetit sipas
Neni 10, paragrafi 1
krijon paqartësi
juridike në lidhje me
tërë aplikimin e
Projekt-ligjit për
Produkte Ndërtimit.
Fushëveprimi i ligjit,
neni 1 dhe 2, definojnë
qartë se parakusht për
përdorim në tregun e
Kosovës është një prej
tri opcioneve, ku një
prej opcioneve është
Vendosja e shenjës së
konformitetit të
Kosovës. Në anën
tjetër, Neni 10,
paragrafi 1 krijon
paqartësi për mënyrën
se si lirohet një
Duhet të aplikuar
parimi ligjor se
vendosja e produkteve
ndërtimore në Kosovë
i nënshtrohet njërës
nga tri kushtet bazike,
sikurse parashikohet
me Nenin 1 dhe 2 të
Projekt-Ligjit. Neni 10
duhet të ridraftohet
dhe të përmbajë këtë
zgjidhje.
18
marrëveshjeve të
ratifikuara
ndërkombëtare; 2.3.
Vendosja në tregun e
Kosovës së
produkteve
ndërtimore duke
zbatuar dispozita tjera
përveç atyre të
kërkuara për shenjën
CE apo shenjën e
konformitetit të
Kosovës
produkt nga obligimi
për vendosjen e
shenjës së
konformitetit të
Kosovës. Gjithashtu,
nuk tregohet asnjë
standard i lirimit nga
kjo përgjegjësi,
sidomos në rastet kur
produktit i mungojnë
edhe dy certifikata
tjera.
Neni 30, paragrafi 1
dhe 2
“Ministria do të jetë
autoriteti emërues
përgjegjës
“Ministria mund të
vendos që vlerësimi
dhe monitorimi (por
jo emërimi) i referuar
nga paragrafi 1 do të
kryhet nga Drejtoria e
Përgjithshme e
Akreditimit”
Neni 30, paragrafi 3
“Nëse Ministria
delegon ose i beson
vlerësimin, emërimin,
ose monitorimit një
një trup që nuk është
entit qeveritar
Në paragrafin 30
krijohet paqartësi
juridike në lidhje me
autoritetin për
emërimin e Trupit të
Emëruar. Përderisa me
paragrafin 1 dhe 2
ndalohet delegimi tek
institucionet tjera,
përmes paragrafit 3 të
njejtit Nen lejohet ky
delelgim.
Kjo krijon paqartësi në
lidhje me një prej
organeve kryesore të
krijuara sipas ligjit,
Trupat e Emëruar.
Duke qenë se Trupat e
Emëruar paraqesin
institucion me rëndësi
në zbatimin e ligjit,
rekomandohet që
autoritet emërues të
jetë vetëm Ministria.
Në rast se vlerësohet dhe vazhdohet me këtë draft ligj, atëher ndryshimet e detajuara për fshijnë
Neni Versioni Aktual Versioni i sygjeruar për
ndryshim
19
Neni 7 - Përmbajtja e
Deklaratës së Performancës
Përmban në mënyrë të
Detajuar përshkrimin se cfarë
përmban deklarata e
performancës
Në përputhje me
metodologjinë e Rregullores së
BE-së për Produkte të
Ndërtimit, duhet bashkangjitur
forma e caktuar e Deklaratës
Neni 8, paragrafi 5 Deklarata e Performancës
duhet të jetë në gjuhët e
kërkuara nga shteti ku produkti
është vendosur
Kërkesë për Deklaratën e
Performancës duhet të jetë
gjuha shqipe dhe serbe si gjuhë
zyrtare në Kosovë
Neni 9 Përshruan në mënyrë të
detajuar përmbajtjen e CE
shenjës dhe mënyrës së
përdorimit në kuadër të
Bashkimit Evropian.
Mund të thjeshtohet si Nen
dhe të përcaktohet se shenja
CE e lëshuar në përputhje me
Rregulloren Nr. 305/2011 dhe
Rregulloren 765/2008/EC
njihet në mënyrë unilaterale në
Kosovë.
Neni 36, paragrafi 1 … dhe verifikimi i
qëndrueshmërisë së
performancës 1+, 1 dhe 3
Neni duhet sqaruar dhe
riformuluar për të shpejguar se
nivelet e matjes së
qëndrueshmërisë së
performancës 1+, 1 dhe 3 e
kanë bazën në Rregulloren e
BE-së për Produkte të
Ndërtimit.
Neni 47, paragrafi 1
Nëse një shtet tjetër, i cili është
informuar në lidhje me masën
e marrë nga Kosova,
konsideron se masa e tillë është
jo-proporcionale ….. Ai mund
të hyjë në konsultime me
autoritetet e mbikqyrjes së
tregut të Kosovës
Neni 47 duhet të riformulohet,
dhe në përputhje me
strukturën ligjore në fuqi në
Kosovë, e cila nuk është
anëtare e Bashkimit Evorpian,
duhet të kufizojë negocimin
me shtete tjera. Masat juridike
duhet të kufizohen sikurse
parashihen në Procedurën e
Përgjithshme Administrative
dhe Konfliktin Administrativ.
20
“Kjo analizë është financuar nga projekti Promovimi i Shoqërisë Demokratike (DSP) – i financuar nga Zyra
Zvicerane për Bashkëpunim në Kosovë (SCO-K) dhe Ministria e Punëve të Jashtme e Danimarkës
(DANIDA) dhe menaxhuar nga Fondacioni Kosovar për Shoqëri Civile (KCSF)”.