ħandna skola llum? · bħalissa l-virus qed jissemma ħafna fuq l-aħbarijiet, ir-radju u l-midja...
TRANSCRIPT
Koronavirus COVID-19
Grazzi lil kulhadd! Ktejjeb addattat minn: • Coronavirus – Down’s Syndrome Association (UK) • Coronavirus (COVID-19)- Down’s Syndrome Association
(Ireland)
• Miktub bil-metodu ta’ “qari faċli” Minn studenti tal -B.Psy (Hons) bħala parti mill- Practicum tal-Psikologija miżmum f’ Equal Partners Foundation, taħt is- superviżjoni ta’ Dr Elena Tanti Burlo’. Qari ta’ Provi: Dr Jacqueline Żammit. Marzu 2020 (waqt il-pandemija tal-Koronavirus)
Għandna skola llum?
Le, m’għandniex skola llum.
Qegħdin bil-vaganzi?
Le m’aħniex bil-vaganzi.
Irridu noqogħdu ġewwa biex inżommu ’l bogħod mill-periklu.
X’tip ta’ periklu?
Minn virus. Dan imarradna jekk jiġi fuqna
Virus? Xi jkun?
Bħalissa l-virus qed jissemma ħafna fuq l-aħbarijiet, ir-radju u l-midja soċjali. Il- gazzetti qed jiktbu stejjer dwar dan il-virus.
X’jissejjaħ dan il-virus?
Virus huwa partiċella żgħira ħafna. Jekk jidħol ġewwa ġisimna, nimirdu. Mhux pjuttost sabiħ dan il-virus?
Dan il-virus li qed jikkawża l-problemi llum jissejjaħ Koronavirus.
Jidher bħal kuruna. Il-kelma ‘Korona’ tnisslet mil-Latin u tfisser ‘Kuruna’.
Dan il-virus huwa bħall-influwenza jew riħ gravi. Minħabba dawn is-sintomi, inti ħa tħossok ma tiflaħx.
Dan il-virus jaffettwalek il-pulmuni u l- passaġġi tal-arja.
Dan il-virus jittieħed minn persuna għall-oħra.
L-annimali jistgħu jimirdu bil-coronavirus?
Din ġrat ftit drabi biss, pero m’hemm l-ebda evidenza li l-umani, bħali u bħalek, jistgħu jiġu infetttati mill-annimali domestiċi. Madanakollu, dejjem għandna naħslu jdejna wara li mmissu l-annimali.
Minn fejn beda l-Koronavirus?
L-ewwel persuna bil-Koronavirus instabet ġewwa ċ-Ċina, ġo belt magħrufa bħala Wuhan.
Issa, bosta nies għandhom dan il-virus f’ħafna pajjiżi differenti, fosthom f’Malta.
Ċerti nies li jkollhom il-virus ma jkunux ma jifilħux, jew ikollhom sintomi ħfief. Xi nies tilfu ħajjithom kawża ta’ dan il-virus.
X’tibdiliet seħħu minħabba l-Koronavirus?
Twaqqfu t-titjiriet tal-ajru.
Spiċċajna ma mmorrux l-iskola.
Ċerti nies waqfu mix-xogħol tagħhom.
Is-supermarkets jaċċettaw biss numru limitat ta’ nies ġewwa l-ħanut tagħhom.
Waqfu ż-żjarat fid-djar tal-anzjani.
Persuna waħda jew tnejn huma aċċettati fl-ispiżeriji; u għalhekk ikollna nistennew barra.
Ingħalqu restoranti, każini u bars.
Kif nistgħu nipproteġu lilna nfusna u lil dawk ta' madwarna?
Aħsel idejk:
Importanti li taħsel idejk għal 20 sekonda bl-ilma u bis-sapun. Tista’ tuża wkoll diżinfettant tal-idejn alkoħoliku.
Biex tkun ċert/a li ħsilt idejk sewwa, tista’ tkanta ‘Awguri f’Għeluq Sninek’ għal darbtejn.
Idm’id Bejnis-swaba’ Fuqin-naħata’waratal-idejn Is-swaba’l-kbar
Minnwaras-swaba’ Id-dwiefer Il-polz Aħseluxxotta
Gwida biex taħsel idejk: https://www.youtube.com/watch?v=IisgnbMfKvI&feature=youtu.be
Aħsel idejk:
Wara li tuża l-kamra tal-banju.
Qabel ma tiekol.
Qabel u wara li tipprepara l-ikel.
Meta tagħmel xi tip ta’ kuntatt ma’ xi persuna li ma tiflaħx.
Jekk idejk huma maħmuġin.
Wara li tmiss xi annimal.
Wara li tisgħol jew tagħtas.
Agħatti mnieħrek u ħalqek b’tixxju (tissue) jew bin-naħa ta’ ġewwa tal-minkeb f’każ li tisgħol jew tagħtas. Importanti li tarmi t-tixxjus użati mill-ewwel fiż-żibel. Tħallix it-tixxjus (tissues) jiġru.
Tmissx wiċċek, inkluż l-għajnejn, il-ħalq, u l-imnieħer qabel ma tkun ħsilt idejk kif suppost.
Żomm id-distanza ta’ 2 metri ‘l bogħod min-nies.
Evita postijiet iffullati. Eżempju: festini u supermarkets.
X’inhuma s-sintomi tal-virus?
1. Sogħla
2. Deni
3. Qtugħ ta’ nifs
4. Għejja
Jekk għandek dawn is-sintomi:
Tmurx għand it-tabib!
Informa lil xi membru tal-familja, ‘support workers’ jew ‘carers’ tiegħek mill-aktar fiss possibli.
Ċempel fuq ‘111’ jew ‘21324086’ sabiex jgħinuk nies professjonali, bħal tobba.
Prova żomm kalm. Għalkemm tħossok marid, ma jfissirx li għandek il-Koronavirus.
X’għandek tagħmel jekk kont f’pajjiż li hu infettat bil-
koronavirus?
Oqgħod id-dar u strieħ.
Evita kuntatt dirett man-nies ta’
madwarek
Ċempel in-numru tal-għajnuna ‘111’
minnufih
Oqgħod kwarantina.
X’inhi l-kwarantina?
Il-kwarantina hija meta persuna toqgħod id-dar għal 14-il-ġurnata. Din isseħħ sabiex il-persuna taċċerta ruħha li mhix marida.
Min jinsab f’riskju?
Nies ta’ kull età jistgħu jlaqqtu l- Koronavirus.
L-anzjani, u nies li għandhom kundizzjonijiet mediċi eżistenti qegħdin iktar f’riskju li jlaqqtu din il-marda u hemm bżonn li joqogħdu iktar attenti li ma jlaqqtux dan il-virus.
Oqgħod attent sabiex tnaqqas iċ-ċans li tlaqqat dan l-virus. Jekk tlaqqat dan il-virus tista’ xxerdu lil ħaddieħor
Li toqgħod id-dar, tista’ tiddejjaq.
Tixtieq tiġri, tilgħab u tmur il-bandli.
Jekk noqogħdu d-dar, dalwaqt inkunu nistgħu nagħmlu dan kollu!
Xorta nistgħu nsibu affarijiet interessanti x’nagħmlu. Tista’ taħseb f’xi wħud minnhom?
Nilagħbu fil-bitħa, fuq il-bejt, jew fil- ġnien
X’logħob nistgħu nilagħbu?
Ċempel lill-ħbieb fuq Skype
Aqra ktieb jew isma’ storja
X’inhu l-Koronavirus? https://littlepuddins.ie/wp-content/uploads/2020/03/The-Corona-Virus-Free-Printable-Updated-2-The-Autism-Educator-.pdf
Sorsi utli:
Storja ta’ iżolament soċjali https://asiam.ie/wp-content/uploads/2020/03/merge_from_ofoct-1-scaled.jpg
Fejn nista’ nsib sorsi tajbin ta’ informazzjoni dwar il-
koronavirus?
• Tista’ żżur is-sit elettroniku • www.covid19malta.info • jew
https://www.who.int/emergencies/diseases/novel-coronavirus-2019
• Tista’ ċċempel ukoll fuq ‘111’ jew ‘2132 4086’
Ftakar: Facebook u sorsi oħra fuq il-midja soċjali mhux dejjem ikollhom informazzjoni tajba dwar il-Koronavirus.
Sorsi oħra
• https://www.youtube.com/watch?v=1APwq1df6Mw&feature=youtu.be
• https://www.rte.ie/news/newslens/2020/0226/1117814-coronavirus-explainer/
• https://youtu.be/8YiN4tFVA9E • https://www2.hse.ie/conditions/coronavirus/
coronavirus.html • https://www.youtube.com/watch?v=fsEAVPkAfng • Webinar about maintaining calmness, by AE Irish member
Autism Spectrum Information Advice & Meeting Point (AsIam)
• https://asiam.ie/wp-content/uploads/2020/03/merge_from_ofoct-1-scaled.jpg
• https://www.city.ac.uk/data/assets/pdf_file/0010/466039/Anxiety-in-Autism-A5-guide.pdf
Krediti:
• Department of psychology, University of Malta
• Equal Partners Foundation, Malta • Easy Read Coronavirus - Down’s
Syndrome Association (UK) • Coronavirus (COVID-19)- Down’s
Syndrome Association Ireland