ang burgis sa kanyang almusal ni rolando tinio
DESCRIPTION
Isang tulang isinulat ni Rolando TinioTRANSCRIPT
-
Ang Burgis sa Kanyang Almusal (1970)
Rolando S. Tinio
Nakadambana sa kumedor na Luis Katorse,
Nakapanatag doon sa silyang may pasemanot Pahabang likod na pumulpol marahil sa pait
Ng lumilok sa mga kumpol ng ubas, mirasol
At dahon yata ng ng dila ng dimonyong kamagong.
Sapo ng sutlang pelus na kutsong kulay klarete,
Kulay ng buhay na dugo, atsuwete, at rubi.
Ang kabilugan niyang hinango sa mga frayle
Ng kasaysayan at ng pambalanang guniguni,
Di aakalaing nasa kapangyarihan niyang
Papugutan ang mga alipures ng karsada
O ipatuhog sa punglo ang sinumang sumanggi
Sa kanyang berlina paghagibis sa alas dose
Palibhasay kay-lamlam ng ginawang pagtunghay Sa platon ng gisantes at tinortilyang kabute.
Maliming hinahalo ng tatlong dantaon nang
Kutsarita ang tsokolateng olandes sa munting
Puswelong asul, losang manipis pa sa orkidya,
Masining pati pagkunot ng noong wariy lubog Na dinaramdam ang duradong silaw sa umaga,
Ayaw pa mang buklatin ang peryodikong masinop
Na nakatiklop sa antigong pilak na bandeha,
Sinasagi ng inukit na trebol at milplores
Ang mag-ina ng San Nikolas na sinasagasaan
Ng bunso ng kongresista, ang binatang nag-uban
Sa karsel nang di mawawaan ang pagkakasala,
Ang mga hinayok ng baha at sunog, sinaksak
Sa leeg at balakang ng hustisyang natapilok Anot kay dumal-dumal ng daigdig ng anino Sa kabila ng kanyang paglihis sa peryodikong
Nakahara sa bandehang may sapin pang panyitong
De ilot puntas na habi sa Alpes at Ehipto, Bumabalisa sa paboreal at sisneng burda
Iyang kababalaghang may kapuspalad pa pala
Sa balat ng lupang anot di nila nakilala?