“ang pagsunod ng mga kompanya ng business process
TRANSCRIPT
SA LOOB NG PRIBADONG SEKTOR NG PAGGAWA NG PILPINAS 1
“Ang Pagsunod ng mga kompanya ng
Business Process Outsourcing sa mga Batas Paggawa ng Pilipinas”
Nakakasunod ba ang mga pribadong kompanya mula sa industriya ng Business Process
Outsourcing partikular ang mga call centers sa labor code ng Pilipinas at sa ipinatupad na
Memorandum Circular 33-A noong nakaraang taong 2012?
Dyan A. Barrion
University of the Philippines Manila
Political Science 198 WBYDX
Thesis Second Draft
March 22, 2013
PAGSUNOD NG PRIBADONG SEKTOR SA MGA BATAS PAGGAWA NG BANSA 2
Abstract
Ang pananaliksik na ito ay tungkol sa kalagayan ng mga mangagawang Pilipino nan a sa
pribadong sector ng paggawa. Nase-sentro ang pag-aaral na ginawa sa mga indibidwal na
nagtratrabaho sa mga call centers na bumubuo ng malaking bahagi ng industriya ng Business
Process Outsourcing. Ang industriya ng mga kompanya ng BPOs ay patuloy na lumalaki at
lumalaganap sa bansa. Ang pananaliksik na ito ay isinagawa upang suriin ang pagsunod ng mga
kompanya ng BPOs partikular ang mga call centers patungkol sa kanilang pagsunod sa labor
code ng Pilipinas at sa iba pang batas paggawa na ipinatutupad o ipinatupad ng Kagawaran ng
Paggawa at Empleyo (DOLE) at ng gobyerno ng Pilipinas. Ang kompanya ng BPO na ginamit sa
pagaaral ay ang Aegis People Support sa Makati. Sinuri ng mananaliksik ang pagsunod ng
kompanyang ito sa mga polisiya at alituntunin na ipinatutupad sa Pilipinas.
SA LOOB NG PRIBADONG SEKTOR NG PAGGAWA NG PILPINAS 3
Ang Pagsunod ng mga Kompanya ng
Business Process Outsourcing sa mga Batas Paggawa ng Pilipinas
Ang industriya ng Business Process Outsourcing ay patuloy na lumalago sa Pilipinas.
Noong taong 2011 ay tinatayang ang Pilipinas ay may humigit kumulang na 400,000 na
empleyado sa mga call centers. Ito ay tinuturing na pinakamataas na bilang ng mga empleyadong
nagtratabaho sa call center sa buong mundo. (Beshouri, et al., 2005). Ang mga maypagawa ay
patuloy na nahihikayat na magnegosyo sa bansa. Sa laki ng bilang ng mga empleyado sa call
centers, napapanahon lamang na magsagawa ng pananaliksik tungkol sa sitwasyon ng mga
manggagawang nabibilang sa industriya ng Business Process Outsourcing. Kung isasaalang-
alang ang malaking bilang ng mga Pilipino na nagtratrabaho sa industriya ng call center,
karapatdapat lamang na mabigyan sila ng karampatang atensyon. Pinili ng mananaliksik na
gawin ang pag-aaral na ito sa kadahilanang makakatulong ang pananaliksik sa pagbibigay ng
karampatang atensyon sa tunay na sitwasyon ng mga call center agents sa kanilang pangaraw-
araw na pagtratrabaho.
Patuloy na lumalaki ang industriya ng Business Process Outsourcing sa bansa. Sa mga
nakalipas na taon may mga pag-aaral na naisagawa na nagpakita na kinakailangang masuri at
mabigyan ng atensyon ang mga kaganapan sa mga manggagawa sa pribadong sektor na ito ng
paggawa. Ang pagtratrabaho sa call centers ay maituturing na talagang naiiba sa iba pang
trabaho sa ating lipunan. Ang hiniginging panahon, pagsisikap at paghihirap ng trabahong ito ay
nagdulot ng mga problemang kinakailangang mabigyan ng atensyon. Hindi lingid sa kaalaman
ng nakararami na talagang demanding ang trabahong ito na maaaring nakakapagsalang-alang ng
mga karapatan at seguridad ng mga mangagawa sa industriyang ito. Naroon din ang malaking
PAGSUNOD NG PRIBADONG SEKTOR SA MGA BATAS PAGGAWA NG BANSA 4
probalidad na nagkakaroon ng pagkalito sa pagbibigay ng mga sweldo ng mga mangagawa sa
kadahilanang iba ang sinusunod na holidays ng mga bansang binibigayan ngs serbisyo ng mga
call centers.
Isa sa mga layunin ng pananaliksik na ito ay ang pagalam kung ang mga karapatan ng mga
call center agents bilang manggagawa ay narerespeto at nabibigayan ng karampatang atensyon at
importansya sa industriya ng Business Process Outsourcing. Pangalawa, susuriin ng pagaaral ang
pagsunod ng mga kompanya sa industriya ng Business Process Outsourcing sa mga batas at
polisya na ipinapatupad ng Department of Labor and Employment (DOLE). Nais din malaman
ng mananaliksik ang nagging implikasyon ng eksempsyon na ibinigay ng DOLE sa mga BPOs
patungkol sa pagbabawal sa mga kababaihan na magtrabaho sa panggabing oras.
Ang kahalagahan ng pananaliksik ay mabibigyan ng impormasyon ang publiko tungkol sa
tunay na kalagayan ng ating mga manggagawa na nagtratrabaho sa mga call centers. Mababatid
din ng mga empleyado sa mga BPOs ang kanilang mga karapatan bilang manggagawa.
Makakatulong ang pananaliksik sa pagbibigay importansya sa kanilang mga karapatan at sila ay
magkakaroon ng kasiguraduhan na hindi naaabuso ang kanilang mga karapatan bilang
manggagawa pagkatapos ng pananaliksik na ito.
Pagsusuri ng mga kaugnay na literatura
Ang industriya ng Business Process Outsourcing ay patuloy na lumalago sa Pilipinas.
Noong taong 2011 ay tinatayang ang Pilipinas ay may humigit kumulang na 400,000 na
empleyado sa mga call centers. Ito ay tinuturing na pinakamataas na bilang ng mga empleyadong
nagtratabaho sa call center sa buong mundo (Beshouri, et al., 2005). Ang industriya ng call
center ay masasabing lumaganap sa Pilipinas sa kadahilanang sa perspektibo ng ibang mga bansa
PAGSUNOD NG PRIBADONG SEKTOR SA MGA BATAS PAGGAWA NG BANSA 5
ang Pilipinas ay nagbibigay ng magandang opportunidad upang magsagawa ng iba’t ibang
negosyo at magbukas ng mga bagong industriya. Nahihikayat sila na magnegosyo sa Pilipinas
dahil hindi hamak na mas mababa ang kanilang gagastusin patungkol sa bayad sa paggawa kaysa
sa iba pang mga bansa.
Ang opisyal na website ng “Benprise”: www.benprise.com na kilala bilang opisyal na
contact service provider sa buong mundo ay naglathala ng isang video na nagbibigay
impormasyon patungkol sa isa pang kadahilanan ng pagkahikayat ng mga BPO investors sa
Pilipinas. Ito ay ang pagkakaroon ng bansa ng mga bihasang manggagawa na mahusay sa Ingles.
Nabanggit din sa video na ito na ang Pilipinas ay mayroong maraming bilang ng mga
estudyanteng nagtapos ng kolehiyo at isa rin itong dahilan sa pagkaenganyo ng mga BPOs at ng
iba pang mga dayuhang mamumuhunan na magnesgosya sa loob ng bansa.
Ang call center ay isang negosyo na namamahala ng iba’t ibang gawain o operasyon. Ang
indutriyang ito ay nagbibigay ng mga sumusunod na serbisyo: marketing, payo o gabay,
inpormasyon at iba pa. Isinasagawa ang mga transaksyon sa pamamagitan ng email, instant
messaging, voice messaging, fax, social networking tulad ng facebook, twitter, tumblr at
tradiyusnal na pagpapadala ng sulat o telegram.
Ang terminong “call center” ay ginagamit sa kolektibong pamamaraan upang tukuyin ang
mga operasyong nabanggit sa kadahilanang ang mga operasyong ito ay naisasagawa sa
pamamagitan ng mga tawag sa telepono o sa mga tawag na maaaring gawin gamit ang mga
kompyuter. Ang mga call center ay nasa ilalim ng kategorya ng mga kompanya na nabibilang sa
“Business Process Outsourcing” o BPO. Nagsimula ang outsourcing sa Pilipinas noong na-
deregulate ang industriya ng telekomunikasyon sa bansa.
PAGSUNOD NG PRIBADONG SEKTOR SA MGA BATAS PAGGAWA NG BANSA 6
Ang industriya ng call center ay masasabi na isa sa pinakabagong industriya na
nakakatulong sa pag-unlad ng ekonomiya ng Pilipinas. Noong taong 2005, kumita ang industriya
ng call center ng humigit kumulang na 1.8 bilyong dolyar. At nitong taong 2010 naman ay
umabot ang kita nito ng humigit kumulang na 5.3 bilyong dolyar. Noong taong 2010 din ay
humigit kumulang na tatlong daang libong empleyado (300,000) ang pumasok sa industriya ng
call center. At ayon pa sa istatiska, halos taun-taon ay dumodoble ang bilang ng mga Pilipinong
manggagawa na pumapasok sa industriya ng call center (Alava, 2006).
Hindi maikakaila na mataas ang unemployment rate sa Pilipinas. Ayon sa istatikal na datos
mula sa Bureau of Labor and Employment na inilabas noong Hulyo taong 2012, bumaba ang
unemployment rate mula sa 7.4 porsyento (7.4%) sa 7 porsyento (7%) na lamang sa pagpasok ng
taong 2012. Mahigit kumulang na apatnapu’t limang libo (45,000) ang nabawas sa halos tatlong
milyong walang trabaho na mga Pilipino. Isa itong indikasyon na mas bumilis ang produksyon
ng trabaho kaysa sa paglaki ng labor force ng Pilipinas. Sa kabila nito, makikita na marami pa
ring walang trabaho sa Pilipinas. At sa kadahilanang ito, ang mga Pilipino na may kakayanang
magtrabaho o nasa labor force ay nahihikayat na pumasok sa mga kompanya na nagbibigay ng
mataas na pasahod at ang industriya ng call center ay isa sa mga ito.
Ang mga call center lalo na ang mga galing sa mga malalaking kompanya gaya ng
Convergys, E-Telecare, Aegis People Support, at iba pa ay nagbibigay ng mataas na panimulang
sahod, mga allowances, at insentibo na nagiging dahilan upang ang mga mamamayan na parte ng
labor force ay mahikayat na magtrabaho na lamang sa mga call center kaysa sa mga alternatibo
maliban sa trabahong ito (Kabamalan, 2010).
PAGSUNOD NG PRIBADONG SEKTOR SA MGA BATAS PAGGAWA NG BANSA 7
Maaaring madaling makapasok sa mga call center lalo na kung ikaw ay nag-aaral sa
kolehiyo o nakatapos na dahil hindi makakaila na ang nais ng mga kompanya ng call center ay
mga trabahador na magaling at mahusay sa Ingles. Bagama’t maganda ang mga ibinibigay na
oppurtunidad ng mga kompanya ng call center hindi rin lingid sa kaalaman ng nakararami na
napaka-demanding ng trabahong ito.
Ang mga call center agents ay kailangang sumagot ng mga tawag sa loob ng walong (8) oras
o higit pa araw-araw. Meron pang mga shifts at may tinatawag na graveyard shift kung saan ang
mga call center agents ay kailangang sumagot ng mga tawag mula kailaliman ng gabi hanggang
madaling araw. Sinasabi na ang shift na ito ang pinakamahirap dahil taliwas ito sa nakagisnan na
oras ng katawan ng mga Pilipinong call center agents. Ngunit dito rin sa shift na ito makakakuha
ang isang call center agent ng mataas na sweldo, mga insentibo, at promosyon (Kabamalan,
2010).
Ang mga call center agents ay kumikita ng hindi hamak na mas malaki kaysa sa mga
kasabayan nila sa ibang industriya ngunit kapalit nito ay ang pagtatrabaho sa isang working place
na kakailanganin ng matagal na panahon upang makabagay ang katawan sa trabaho (Kabamalan,
2010).
Ang University of the Philippines Population Institute (UPPI) ay nagsagawa ng isang pag-
aaral noong 2010 na nagpatunay na mas malaki nga ang kinikita ng mga call center agents sa
Metro Manila at Metro Cebu kaysa sa mga hindi nagtatrabaho sa call center.
Ngunit kaalinsabay ng pagtatrabaho para sa mataas na sweldo na ito ay ang pagharap sa
mga panganib sa kalusugan na makukuha sa pagtatrabaho sa mga call center. Ang pagsasaliksik
na ginawa ng University of the Philippines Population Institute na binuo ng walong miyembro ay
PAGSUNOD NG PRIBADONG SEKTOR SA MGA BATAS PAGGAWA NG BANSA 8
nagpakita ng isang pagkukumpara ng uri ng pamumuhay at estado ng kalusugan ng mga call
center agents at ng ibang mga empleyado na nagtatrabaho sa mga establisyimento na hindi call
center.
Ang kanilang pagsasaliksik ay naglaman ng siyam na raan at dalawaput siyam (929) na
respondante. Ang mga respondante ay edad 18-34 at mayroong dalawang taong pag-aaral sa
kolehiyo o higit pa. Ang mga resulta ng pag-aaral ay nagpakita na mas aktibo sa mga sekswal na
aktibidad ang mga call center agents kaysa sa ibang nagtatrabaho at kakaunti lamang sa kanila
ang kumuha ng eksaminasyon patungkol sa pagkakaroon ng Human Immunodeficiency Virus o
HIV na nagiging sanhi ng sakit na AIDS. Dalawapung porsyento (20%) lamang ng mga lalaking
respondents at walong porsyento (8%) lamang sa mga babae ang nagsabing sila ay kumuha at
pumasa sa nabanggit na eksaminasyon.
Ayon din sa pag-aaral na isinagawa ng UPPI, ang mga call center agent ay nakakakuha
lamang ng mahigit kumulang na anim (6) na oras na tulog sa kanilang pangaraw-araw na
pagtatrabaho. Apatnapu’t limang porsyento (45%) sa mga respondante ang nagsabing may
problema sila sa pagtulog. Lumabas din sa pag-aaral na malakas komunsyumo ng kape ang mga
nasa call centers. Kalahati naman ng mga respondante ay umiinom ng mga softdrinks araw-araw
at kung hindi naman soft drinks ay mga energy drinks kagaya ng Cobra, Extra Joss, Gatorade, at
iba pa.
Kabaha-bahala rin ang impormasyon na nagsasabi na napapadalas ang pagliban sa pagkain
ng mga call center agents. Sa pangkahalatan, mayroong mataas na pagkonsumo ng mga
chichirya, hamburgers, French fries, at fried chicken sa mga call center agents. Lumabas din sa
pag-aaral na halos kalahati ng bilang ng mga respondante ang naninigarilyo nang madalas. At
PAGSUNOD NG PRIBADONG SEKTOR SA MGA BATAS PAGGAWA NG BANSA 9
halos siyamnapung porsyento (90%) ng bilang ng mga respondante ang nagkumpirma na sila ay
madalas na kumukonsyumo ng alak.
Ayon sa nakalap na impormasyon, masasabi na maaaring maraming positibo na epekto ang
paglawak ng industriya ng call center sa Pilipinas. Nagbukas ang industriyang ito ng mga
trabaho para sa mga Pilipinong walang trabaho. Nagbigay ito ng malalaking sweldo at
magagandang benepisyo sa mga mangagawa na hindi mapagkakailang nakatulong ng lubos sa
mga pamilyang Pilipino.
Ngunit ang mga positobong aspeto nito ay may kasama ring mga negatibong aspeto. Ang
industriya ng call center ay nagbunga ng isang kultura sa mga empleyado nito. Maraming mga
bagong pasok sa mga call center ang natutong uminom ng alak at manigarilyo. Natututo rin sila
na gumawa ng iba pang aktibidades na hindi nakakabuti sa kanilang kalusugan.
Kaalinsabay ng kakaibang katangian ng mga BPOs ay ang mga isyu na kinakaharap nito
patungkol sa pagsunod sa mga alituntunin ng Department of Labor and Employment at sa mga
probisyon na nakasaad sa labor code ng Pilipinas.
Sa kasalukuyan, isang iksempsyon ang mga BPOs (Business Process Outsourcing) sa labor
code ng Pilipinas (Santos, 2011). Nag-apela ang mga kompanya sa industriya ng Business
Process Outsourcing sa Kagawaran ng Paggawa at Empleyo na sila ay hayaang kumuha at
magtalaga ng mga babaeng empleyado sa gabing oras ng pagtratrabaho. Ibinigay ng Department
of Labor and Employment (DOLE) ang eksempsyon na nagpapahintulot na kumuha at magtalaga
ang mga BPOs ng mga babaeng empleyado sa panggabi na oras ng pagtratrabaho sa mga call
center. Ayon sa Article 130 ng Labor Code ng Pilipinas, hindi maaaring pagtrabahuhin ang mga
babaeng empleyado pagsapit ng alas-dies ng gabi (10 p.m.) hanggang alas-sais ng umaga (6
PAGSUNOD NG PRIBADONG SEKTOR SA MGA BATAS PAGGAWA NG BANSA 10
a.m.). Ito ay ipinatupad ng gobyerno ng Pilipinas upang magkaroon ng proteksyon ang mga
kababaihan. Sa pamamagitan ng probisyon na ito ay mapipigilan ang mga panga-abuso na
maaaring gawin ng mga maypagawa sa kanilang mga babaeng empleyado kung sakaling sila ay
mahahayaan o mapuwe-puwersang magtrabaho sa kailaliman ng gabi.
Ang pagbabawal na ito ay itinatag upang maprotektahan ang karapatan ng mga kababaihan.
Sa pagkakaloob ng iksempsyon na ito sa mga BPO, nagkakaroon ng malaking posibiledad na
hindi nakakasunod lahat ng mga BPO sa mga alituntunin ng DOLE. Maaaring mas makakabuti
na sundin na lamang kung ano talaga ang naisusulat sa labor code.
Sa mga nagaganap sa ating lipunan, hindi maipagkakaila ang mga pagbabagong nangyari sa
industriya at ekonomiya ng bansa. Ang “Business Process Outsourcing” o mas kilala sa
terminong BPO ay maituturing na isa sa pinakamabilis na lumalagong industriya sa Pilipinas.
Tinataya na mayroong humigit kumulang na 400,000 empleyado na nagtratrabaho sa call center
noong taong 2011. Hindi maipagkakaila na mataas ang unemployment rate sa Pilipinas. Ayon sa
istatikal na datos mula sa Bureau of Labor and Employment, bumaba ang unemployment rate
mula sa 7.4 porsyento (7.4%) sa 7 porsyento (7%) na lamang sa pagpasok ng taong 2012.
Nakatulong ang industriyang ito sa pagpapababa ng bilang ng mga walang trabaho sa bansa.
Ang kilalang industriyang ito ay madaling makapanghikayat ng mga aplikante na
naghahanap ng trabaho na may maayos na sweldo. Hindi rin ganoon kahirap ang pagpasok sa
trabahong ito. Kadalasan ay kailangan lamang na nakapagtapos ng pag-aaral ang aplikante at
mahusay sa pakikipagusap sa Ingles. Masasabing ang pinakamahalaga ay marunong
makipagusap sa Ingles ang aplikante. Dahil sa kadaliang makapasok sa trabahong ito ay
maraming nahihikayat na pumasok sa trabahong ito. Ang ideya na maaari silang makapagtrabaho
PAGSUNOD NG PRIBADONG SEKTOR SA MGA BATAS PAGGAWA NG BANSA 11
at kumita ng pera na maipangtutustos nila sa kanilang mga pangangailangan at pangangailangan
ng kanilang pamilya ang nagtutulak sa kanila na pasukin ang trabahong ito.
Maaaring may kadalian ang pagpasok sa trabahong ito ngunit hindi ibig sabihin nito ay
madali na rin ang trabaho na ito. Ang mga call center agents ay kumikita ng hindi hamak na mas
malaki kaysa sa mga kasabayan nila sa ibang industriya ngunit kapalit nito ay ang pagtatrabaho
sa isang working place na kakailanganin ng matagal na panahon upang makabagay ang katawan
sa trabaho.
Tunay na masarap isipin ang maayos na sweldo, mga insentibo, at mga allowances na
pwedeng makuha sa trabahong ito. Ngunit sapat ba ang mga ito para kaharapin ng mga call
center agents ang mga panganib na dala ng trabahong ito?
Ang mga call center agents ay kailangang sumagot ng mga tawag sa loob ng walong (8) oras
o higit pa sa kanilang pangaraw-araw na pagtratrabaho. Mayroong iba’t ibang shifts na
ibinibigay sa mga agents at sa mga shifts na ito aymay tinatawag na “graveyard shift” kung saan
ang mga call center agents ay kailangang sumagot ng mga tawag mula kailaliman ng gabi
hanggang umaga. Sinasabi na ang shift na ito ang pinakamahirap dahil taliwas ito sa nakagisnan
na oras ng katawan ng mga Pilipinong call center agents.
Ang kahirapan at kawalan ng mapapasukang trabaho ay matagal nang problema ng ating
bansa. Isa ito sa mga kadahilanan kung bakit ninanais na magtrabaho sa call centers ang mga
mamamayan. Masasabi rin na hindi pa tuluyang nabibigyan ng solusyon ang problema sa mataas
na bilang ng mga taong walang trabaho sa Pilipinas.
Ang iksemsyon na nabanggit na ibinigay ng Department of Labor and Employment (DOLE)
sa mga BPOs ay nagbigay daan upang mabigyang pansin ang tunay na sitwuasyon sa
PAGSUNOD NG PRIBADONG SEKTOR SA MGA BATAS PAGGAWA NG BANSA 12
pagtatrabaho sa mga call centers. Nasasaad sa “Guidelines on the Implementation of Flexible
Work Arrangement and the Exemption from the Nightwork Prohibition for Women Employees
in the Business Outsourcing Industry” ng DOLE na ipinasa ang iksemsyon na ito upang
mabigyan ng pantay na opprtunidad ang lahat ng mga manggagawa na nasa labor force na
nagnanais na magtrabaho sa call center. Ayon sa alituntunin na ito, mabibigyan ng pantay na
opportunidad ang mga manggagawa anuman ang kanilang kasarian.
Ang mga mamumuhunan ay nahikayat ngayon na magnegosyo sa bansa dahil mas malaki
ang bilang ng manggagawa ng Pilipinas at mas mura ang gastos sa pagbabayad sa pagtrarabaho
ng mga empleyado dito. Ito ang makikitang implikasyon sa pagbibigay iksemsyon ng DOLE sa
BPOs patungkol sa pagbigay nito ng permiso na pagtrabahuhin ang mga kababaihan sa
panggabing oras na mahigpit na ipinagbabawal sa ibang industriya.
Ayon sa isang artikulo na inilabas ng Philippine Star na pinamagatang “Phl needs to
improve education, policies to attract BPO investors” noong nakaraang buwan ng Hulyo
ngayong taong 2012, kinakailangan ng gobyerno ng Pilipinas na pagbutihin ang pagsasaayos ng
sistema ng edukasyon sa bansa upang mas maraming mamumuhunan ang pumasok sa Pilipinas.
Sinabi ni Gregg Gabison of Cebu Educational Development Foundation for Information
Technology (Cedfit) na kakailanganin ng gobyerno ng Pilipinas na magbuhos ng attensyon para
sa paglikha ng Department of Informaton, Communication, and Technology (DICT) upang
maabot ang inaasam na target nito na $25 bilyong dolyar na kita mula sa sector ng industriya ng
Business Process Outsourcing (BPO). (Dagooc, 2012).
Ayon naman sa isang artikuolo na inilathala ng Philippine Daily Inquirer noong Hunyo
ngayong taong 2012 na may pamagat na ”Palace lukewarm to DICT bill, says legislator. Rep.
PAGSUNOD NG PRIBADONG SEKTOR SA MGA BATAS PAGGAWA NG BANSA 13
Tinga says new department to draw investments”, ang House Bill 4667 na naglalaman ng plano
upang malikha ang DICT ay nananatiling pinoproseso sa Kongreso. Sinabi ni Representative
Sigfrido Tinga na lubos na makakatulong ang pagkalikha ng DICT sa paghikayat ng mas marami
pang mga mamumuhunan sa industriya ng BPO sa Pilipinas. Ngunit sinabi rin niya na hindi pa
ito ang pinakapinahahalagahan ng eksekutibo sa panahon ngayon (Montecillo, 2012).
Ngunit may tugon ang pamahalaan ng Pilipinas ukol sa pagsasaayos ng edukasyon upang
makapagbigay ng mas episyente na mga manggagawa na maghihikayat ng mga mamumuhunan
sa bansa. Kamakailan lamang sa State of the Nation Address (SONA) ni Presidente Benigno
Aquino, siya ay nangako na tataasan ng pamahalaan ang budget ng mga state universities at
colleges sa susunod na taon upan mapabuti ang sistema ng edukasyon sa Pilipinas. Sinasabing
magkakaroon ng 43.61 na porsyentong dagdag sa budget ng mga state universities at colleges.
Isa pang isyu ay ang kabayarang inilalaan sa “holiday pay.” Ang mga BPOs ay nagbibigay
serbisyo sa iba’t ibang tao galing sa iba’t ibang panig ng mundo. Karamihan ng mga tawag na
nagiging malaking bahagi ng kanilang mga transaksyon ay nagmumula sa Estados Unidos. Sa
kadahilanang tunay na magkaiba ang oras sa pagitan ng Amerika at Pilipinas, binibigyang
importansya ng mga maypagawa ang oras ng mga dayuhan. Hindi parepareho ang naituturing na
holiday sa Pilipinas at sa Amerika. At dahil dito maaaring nagkakaroon ng kaguluhan o kalituhan
sa pagbibigay ng holiday pay ng mga empleyado ng BPOs.
Tunay nga bang nasusunod ng mga BPOs ang Article 100 ng labor code ng Pilipinas na
patungkol sa pagbabawal sa pagpapaliit o pagbabawas ng bayad o mga benepisyo ng kanilang
mga empleyado?
Balangkas ng mga Konsepto/Teorya
PAGSUNOD NG PRIBADONG SEKTOR SA MGA BATAS PAGGAWA NG BANSA 14
Figure No. 1: Balangkas ng mga Konsepto base sa Pagsusuri ng mga Kaugnay na Literatura
Pangkahalatang Katanungan:
Nakakasunod ba ang mga pribadong kompanya mula sa industriya ng Business Process
Outsourcing kagaya ng call centers sa labor code ng Pilipinas at sa iba pang batas paggawa
(Memorandum Circular 33-A) na ipinatupad o ipinatutupad ng gobyerno?
Mga Partikular na Katanungan:
1. Anu-ano ang mga panganib na maaaring kaharapin ng mga call center agent sa
industriyang kanilang pinapasukan?
2. Sumusunod ba ang mga BPOs partikular ang mga call center sa mga batas pagawa at
alituntunin sa kaligtasan at kalusugan ng mga agents na ibinigay ng Department of Labor
and Employment (DOLE) para sa indutriya ng call center?
PAGSUNOD NG PRIBADONG SEKTOR SA MGA BATAS PAGGAWA NG BANSA 15
Ang labor code ng Pilipinas at iba pang mga batas patungkol sa mga karapatan ng mga
manggagawa ang magiging balangkas ng pagaanalisa patungkol sa situasyon sa pagtratrabaho ng
mga call center agents sa industriya ng Business Process Outsourcing.
Ang mga maypagawa simula sa maliliit hanggang sa malalaking negosyo ay maaaring
magpatupad ng mga polisiya na sa tingin nila ay angkop sa operasyon at pagkita ng kanilang
negosyo. Ngunit ang mga polisiya na ito ay dapat sumusunod sa mga ipinatutupad na mga batas
at polisiya na nakasaad sa labor code ng Pilipinas. Sa ilalim ng labor code ng bansa, ang mga
manggagawa ay dapat pinagkakalooban ng karampatang sahod kasama na rito ang mga
kabayaran para sa overtime pay, holiday pay, retirement pay at service charges. May karapatan
din ang mga manggagawa sa mga benepisyong magmumula sa kanilang registrasyon sa Social
Security System (SSS).
Simula noong taong 1991, ipinatupad ang Foreign Investments Act (FIA). Sa ilalim ng batas
na ito ay hinahayaan ang 100% foreign ownership sa isang korporasyon sa loob ng bansa
hangga’t hindi nasa ilalim ng Foreign Investment Negative List (FINL) ang negosyong ito. Ang
FINL ay naglalaman ng isang listahan ng mga partikular na sector pang-ekonomiya na nakalaan
lamang sa mga Pilipino. Kasama na rin sa listahang ito ang mga negosyo na hinahayaang may
partisipasyon ang mga dayuhan ngunit ang partisipasyong ito ay limitado. Ang mga serbisyo ng
Business Process Outsourcing ay hindi nabibilang sa listahang ito. Sa madaling salita, ang mga
BPOs ay maaaring buong angkinin at patakbuhin ng mga dayuhan.
Noong Agosto lamang nitong taong 2012 ay sinalanta ang Pilipinas ng napakasamang
panahon na dala ng habagat. Ika-6 ng buwan ng Agosto pa lamang ay sinalanta ng walang tigil
na ulan ang National Capital Region na nagdulot ng malawakang pagbaha at kawalan ng
PAGSUNOD NG PRIBADONG SEKTOR SA MGA BATAS PAGGAWA NG BANSA 16
kuryente sa iba’t ibang panig ng Metro Manila. Kaya naman noong sumunod na araw ay naghain
si Pangulong Benigno Aquino III ng memorandum na nagsasaad ng pagsuspinde ng pasok ng
mga empleyado sa pribadong sektor sa Metro Manila at sa siyam pang probinsya sa Luzon.
Sa kabila ng paghahain at pagpapatupad ng Memorandum Circular 33-A ng pangulo ng
Pilipinas ay may mga kompanya pa rin mula sa industriya ng Business Process Outsourcing na
nagpaabot ng mensahe sa kanilang mga empleyado na sila ay kinakailangan pa ring pumasok sa
trabaho. Sinabi ng mga kompanyang ito na hindi sila saklaw ng mga batas o utos na nagmumula
sa gobyerno ng Pilipinas kaya nasa kanilang pasya kung nais nilang papasukin ang kanilang mga
empleyado sa kabila ng napakasamang panahon at pagbaha.
Ayon sa Article 130 ng Labor Code ng Pilipinas, hindi maaaring pagtrabahuhin ang mga
babaeng empleyado pagsapit ng alas-dies ng gabi (10 p.m.) hanggang alas-sais ng umaga (6
a.m.). Ito ay ipinatupad ng gobyerno ng Pilipinas upang magkaroon ng proteksyon ang mga
kababaihan mula sa posibleng pangaabuso na maaaring gawin sa kanila sa ganitong oras. Sa
pamamagitan ng probisyon na ito ay mapipigilan ang mga panga-abuso na maaaring gawin ng
mga maypagawa sa kanilang mga babaeng empleyado kung sakaling sila ay mahahayaan o
mapuwe-puwersang magtrabaho sa kailaliman ng gabi.
Ngunit ayon sa ginawang pagrerebyu ng mga kaugnay na literatura, ang Department of
Labor and Employment ay nagbigay ng iksemsyon sa mga BPOs o call centers patungkol sa
batas na isinasaad ng Article 130 ng labor code ng Pilipinas. Ang mga kompanya na nabibilang
sa industriya ng Business Process Outsourcing ay naghain ng petisyon upang sila ay mahayaang
kumuha at magtalaga ng mga babaeng empleyado sa panggabing oras. Sila ay pinagbigyan ng
Department of Labor and Employment.
PAGSUNOD NG PRIBADONG SEKTOR SA MGA BATAS PAGGAWA NG BANSA 17
Sa ginawang pagtanggal sa probisyon na ito para sa mga BPOs, nagbibigay ito ng daan sa
posibiledad na hindi nabibigyan ng proteksyon, importansya, at respeto ang mga karapatan ng
mga call center agent lalo na ang mga kababaihan na nagtratrabaho sa sector na ito.
Ayon sa mga nakuhang impormasyon galing sa mga kaugnay na literatura, ilang mga
pananaliksik na rin ang nagsabi na may mga isyu patungkol sa kalusugan at seguridad ng mga
manggagawa ang kailangang mabigyang pansin sa industriya ng Business Process Outsourcing.
Dahil sa graveyard shift na mayroon ang mga call centers, tipikal na sa mga empleyado sa
industriyang ito ang pagkakaroon ng problema sa pagtulog, pananakit ng mga mata at iba’t iba
pang parte ng katawan. Ang International Labor Organization (ILO) ay nagsasabi na kailangang
magbigay ng karampatang seguridad ang mga maypagawa sa kanilang mga trabahador.
Ayon din sa International Labor Organization, may karapatan ang mga manggagawa sa
indutriya ng Business Process Outsourcing na magorganisa at bumuo ng mga unyon. Sa
kasalukuyan, mayroong kawalan ng mga unyon ng mga manggagawa sa industriya ng mga
BPOs. Sinasabi ng ILO na dapat ay ang mga maypagawa mismo ang nanghihikayat sa kanilang
mga empleyado na bumuo ng mga unyon. Maaaring ang kawalan ng mga unyon sa industriyang
ito ay sa kadahilanang ang mga empleyado ay nakakatanggap ng sapat o higit pa na mga
benepisyo at insentibo sa kanilang pagtratrabaho.
Isa sa mga layunin ng International Labor Organization ay ang pagsisigurado na may
pagkakapantay-pantay at walang diskriminasyon na nagaganap sa mga manggagawa. Ang
iksemsyon na ibinigay ng DOLE sa mga kompanya sa industriya ng Business Process
Outsourcing ay nagbigay pagkakapantay-pantay sa mga manggagawa maging lalaki man sila o
babae. Nabigyan ang mga kababaihan ng opportunidad na magtrabaho sa panggabing oras at
PAGSUNOD NG PRIBADONG SEKTOR SA MGA BATAS PAGGAWA NG BANSA 18
nabigyan sila ng pagkakataon na mabigyan ng mga benepisyo at insentibo na mayroon sa
pagtratrabaho sa graveyard shift.
Isa pang isyu na bumabalot sa industriya ng Business Process Outsourcing ay ang
kabayarang inilalaan sa “holiday pay.” Ang mga BPOs ay nagbibigay serbisyo sa iba’t ibang tao
galing sa iba’t ibang panig ng mundo. Karamihan ng mga tawag na nagiging malaking bahagi ng
kanilang mga transaksyon ay nagmumula sa Estados Unidos. Sa kadahilanang tunay na
magkaiba ang oras sa pagitan ng Amerika at Pilipinas, binibigyang importansya ng mga
maypagawa ang oras ng mga dayuhan. Hindi parepareho ang naituturing na holiday sa Pilipinas
at sa Amerika. At dahil dito maaaring nagkakaroon ng kaguluhan o kalituhan sa pagbibigay ng
holiday pay sa mga empleyado ng BPOs.
Tunay nga bang nasusunod ng mga BPOs ang Article 100 ng labor code ng Pilipinas na
patungkol sa pagbabawal sa pagpapaliit o pagbabawas ng bayad o mga benepisyo ng kanilang
mga empleyado?
Nasasaad sa Article 93 ng labor code ng Pilipinas na sa mga araw ng pahinga kagaya ng
araw ng Linggo at special holidays ay may kaukulang dagdag na kabayaran sa mga empleyado
na magtratrabaho sa mga raw na ito. Ayon sa Article 93, ang paggawa sa mga araw na ito ay
may kaukulang dagdag sa sahod na aabot sa humgit kumulang na tatlumpung porsiyento (30%)
ng regular na sweldo ng mga empleyado. At kung sakaling ang espesyal na holiday ay matataon
sa araw ng pahinga ng empleyado, mayroong adisyunal na limampung porsiyento (50%) sa
sweldo nito.
Kasunod ng nakasaad sa Article 93 ay ang Article 94 ng labor code ng Pilipinas na
nagsasabi na maaaring papasukin at pagtrabahuhin ng maypagawa ang mga empleyado nito sa
PAGSUNOD NG PRIBADONG SEKTOR SA MGA BATAS PAGGAWA NG BANSA 19
anumang uri ng holidays, regular man ito o special holiday. Kapalit ng pagpasok na ito ng mga
empleyado ay kailangang doblehin ng mga maypagaw ang regular na sahod ng kanilang mga
empleyado.
Ang kakaibang katangian ng mga call centers at iba pang negosyo sa industriya ng Business
Process Outsourcing ay nagbibigay daan sa pagiging isyu ng sahod sa holiday ng mga
empleyado alinsunod sa pagbabawal sa pagbawas ng mga benepisyo ng mga manggagawa na
nakapaloob sa Article 100 ng labor code ng Pilipinas. (Ignacio, 2010.). Dagdag pa rito, ang
naiibang pagsunod ng mga BPO patungkol sa holidays. Dahil nga ang nabibigyang importansya
na mga holiday ay ang mga holidays ng ibang mga bansa partikular na ang bansang Amerika,
nagkakaroon ng posibilidad na inaabuso at hindi nirerespeto ng mga BPOs ang karapatan ng
kanilang mga empleyado sa holiday pay.
Anong meron sa isang particular na sektor (BPOs) upang ito ay maituring na napakahalaga
para sa interes pang-ekonomiya ng Pilipinas na ito ay nabibigyan pa ng iksemsyon mula sa
malinaw na nakatatag na mga batas sa paggawa ng bansa?
Pamamaraan ng Pananaliksik/Metodolohiya
Ang pananaliksik na ito ay gagamit ng pinagsamang metodolohiya ng quantitative at
qualitative na pamamaraan. Dagdag pa rito, and mga respondante at mga impormante ay
manggagaling sa isang partikular na kompanya sa industriya ng Business Process Outsourcing.
Ang mga impormanteng sasaklawin ng pananaliksik na ito ay mangagaling sa iba’t ibang
posisyon at tungkulin sa pagtratrabaho sa call centers.
Ang pokus ng pananaliksik ay ang tunay na sitwasyon ng mga call center agents sa kanilang
trabaho. Se-sentro ito sa pagalam kung nabibigayan ban g karampatang importansya, proteksyon,
PAGSUNOD NG PRIBADONG SEKTOR SA MGA BATAS PAGGAWA NG BANSA 20
at respeto ang mga karapatan ng mga call center agents. Isa pang layunin ng pag-aaral ay ang
pagsusuri ng pagsunod ng mga kompanya sa industriya ng Business Process Outsourcing sa mga
batas at polisya na ipinapatupad ng Department of Labor and Employment (DOLE). Susuriin ang
pagsunod ng mga BPOs sa batas para sa paggawa ng Pilipinas.
Nais ding silipin sa pamamagitan ng pananaliksik na ito ang naging implikasyon ng
eksempsyon na ibinigay ng DOLE sa mga BPOs patungkol sa pagbabawal sa mga kababaihan na
magtrabaho sa panggabing oras.
Ang pamamaraan na naisip ng mananaliksik upang maging kapaki-pakinabang ang pagaaral
na ito ay ang paggamit ng case study. Upang malaman ang tunay na sitwasyon sa pagtratrabaho
sa mga call centers, kinakailangan na mabigyan ng representasyon ang mga call center agents na
namamasukan sa mga kompanya ng Business Process Outsourcing. Upang magawa ito isang
maikling survey ang inihanda ng mananaliksik upang magbigay daan sa pagbibigay ng atensyon
at importansya sa mga hinaing at pangangailangan ng mga manggagawa sa mga call centers.
Kasabay ng mga survey na ito ay ang pagkalap ng impormasyon sa pamamagitan ng interviews.
Ang mga surveys ay magbibigay diin at patunay lamang sa mga dating resulta ng mga nakaraang
pagaaral. Makakatulong ito upang maging sariwa ang impormasyon na maibibigay sa mga
babasa ng pagaaral.
Ang napiling pamamaraan ay ang pagsagawa ng case study. Ang case study ang magbibigay
ng lalim at laman sa mga dating datus at impormasyon na nakalap tungkol sa sitwasyon ng
pagtratrabaho sa call centers. Ang magiging pokus na kompanya na panggagalingan ng mga
taong pagkukuhaan ko ng interviews ay magmumula sa isa sa limang nangungunang kompanya
sa industriya ng Business Process Outsourcing. Ang mga kompanyang ito ay kabibilangan ng
PAGSUNOD NG PRIBADONG SEKTOR SA MGA BATAS PAGGAWA NG BANSA 21
Convergys Corporation Philippines, Aegis People Support, Sykes Asia, Software Ventures
International (SVI) at E-Telecare. Ang impormasyong ito ay nakalap sa Call Center
Philippines.Net. Ang magiging case study sa pananaliksik na ito ay ang kompanya ng Aegis
People Support.
Gagamitin ang mga kaalaman ng mga empleyado sa sa kompanyang nabanggit sa pagkalap
ng impormasyon tungkol sa sitwasyon ng kanilang pagtratrabaho sa call center. Ang kanilang
mga insayt at perspektibo patungkol sa mga isyu na bumabalot sa industriya ng Business Process
Outsourcing ay magagamit upang bigyang linaw at bigyang lalim ang pananaliksik.
Ang mga interbyu sa mga impormante ay magbibigay ng impormasyon tungkol sa pagsunod
ng BPOs sa mga alituntunin na nakasaad sa labor code ng Pilipinas at sa iba pang batas sa
paggawa ng Pilipinas. Ang mga manggagawa na pagsasagawaan ng Key Informat Interview
(KII) ay bubuuin ng mga pinuno o superbisor ng mga dibisyon sa call center. Ang survey naman
ay isasagawa sa mga manggagawa na nabibilang iba’t ibang kagawaran o departamento na
bumubuo sa kompanya ng Business Process Outsourcing na kanilang pinapasukan.
Ang pagpunta o pagbisita rin sa mapipiling kompanya sa industriya ng Business Process
Outsourcing ay makakatulong sa pananaliksik. Isang obserbasyon ang gagawin sa loob ng
kompanya. Titingnan at susurin ang kondisyon sa pagtratrabaho ng mga call center agents.
Kukuha rin ang mananaliksik ng kopya ng mga importanteng dokumento tulad ng kontrata sa
pagtratrabaho ng mga empleyado sa call center.
Pagkatapos ng mga interbyu ay ang pagaanalisa ng mga nakalap na datos at impomasyon
mula sa mga ito. Kung may mga makakalap na impomasyon tungkol sa pang-aabuso sa mga
karapatan ng mga manggagawa sa call center at sa hindi pagsunod sa mga alituntunin na
PAGSUNOD NG PRIBADONG SEKTOR SA MGA BATAS PAGGAWA NG BANSA 22
nakasaad sa mga batas sa paggawa sa Pilipinas, ito ay bibigyan ng karampatang pokus at
atensyon sa pananaliksik na isasagawa.
Sa pagaanalisa ng datos, ang mga impormasyon na nakalap ay magbibigay ng emphasis sa
mga sinabing karanasan ng mga respondante. Magkakaroon ng mga direktang sinipi mula sa mga
sinabi ng mga ininterbyu. Ang mga datos na makakalap ay iinterpretahin ng mananaliksik. Para
sa mga numerikal na datos na makakalap sa pananaliksik ay gagamit ng Statistical Package for
Social Sciences (SPSS) para sa pag-oorganisa ng mga impormasyon na ito. Bawat tanong at
variable sa survey ay iprepresenta sa pamamagitan ng mga talahanayan o mga charts. Iuuri ang
mga halos magkapareho na mga kasagutan sa mga open-ended na mga katanungan sa kanilang
mga karampatang kategorya.
Grupo ng Datos na Kailangan Pagmumulan ng
Datos
Pamamaraan sa
Pangongolekta
• Kopya ng Labor Code ng Pilipinas Opisyal na datos ng
gobyerno
Pagbabasa at pagkuha ng
mga kopyang ito sa
internet o sa opis ng
gobyerno
• Kopya ng ng iba pang batas paggawa
ng Pilipinas
Opisyal na datos ng
gobyerno
Pagkuha ng kopya sa
mga opis ng gobyerno o
sa internet
• Historikal, sosyal at political na Opisyal na datos Pagpunta sa opisina ng
PAGSUNOD NG PRIBADONG SEKTOR SA MGA BATAS PAGGAWA NG BANSA 23
konteksto ng komunidad ng call center
(Aegis People Support)
galing sa opisina ng
Aegis People Support
Aegis People Support at
pagi-interview ng key
informant
• Maikling kasaysayan sa paglago ng
industriya ng Business Process
Outsourcing sa Pilipinas
Internet
Mga reports, journals,
kaugnay na literatura
Pagkuha ng datos mula
sa internet at sa mga
libro, journals, thesis sa
mga library
• Datos sa holiday pay ng mga call center
agents
Call center agents sa
Aegis People Support
Interbyu ng mga
impormante
• Persepsyon tungkol sa pagbibigay
importansya sa mga karapatan ng mga
call center agents particular ang mga
kababaihan at mga estudyanteng
nagtratrabaho
Mga representatib ng
call center agents na
magmumula sa
dalawang hanay: in-
bound and out-bound
agents
Focused Group
Discussion
• Pinakabagong istatikal na datos sa
lagay ng industriya ng BPOs sa
Pilipinas
Mga libro, kaugnay na
literatura,
Pangongolekta sa
internet o sa mga library
• Datos sa pagsunod ng mga BPOs sa
mga alituntunin ng labor code at iba
pang batas paggawa ng Pilipinas
Obserbasyon ng
mananaliksik,
impormasyon galing
sa mga impormante
Pagbisita sa mga call
centers (Aegis People
Support) at pagiinterview
ng mga agents
PAGSUNOD NG PRIBADONG SEKTOR SA MGA BATAS PAGGAWA NG BANSA 24
• Mga importanteng dokumento kagaya
ng mga kontrata
Mga respondante sa
pananaliksik
Pagbisita sa mga call
centers at paghingi ng
kopya ng kontrata
Talahanayan 1. Pag-uuri ng mga Kakailanganing Datos sa Pananaliksik, Pagmumulan ng
mga Datos, at Pamamaraan ng Pagkuha ng mga Datos
ACTIVITIES WEEKS
• Pago-organisa mga kakailanganin sa
pagsasagawa ng mga interbyu
January Week 2
• Pagbisita sa call center (Aegis People
Support)
January Week 3
• Pagsasagawa ng mga interbyu January Week 4
• Patuloy na pagkakalap ng mga datos at
impormasyon galing sa mga
impormante
February Week 1
• Pagaanalisa at pago-organisa ng unang
set ng mga datos at impormasyon na
nakalap
February Week 2
• Pagsasagawa ng ikalawang bahagi ng
pananaliksik - survey (pagkalap ng
dagdag na impormasyon at mga datos
February Week 2
PAGSUNOD NG PRIBADONG SEKTOR SA MGA BATAS PAGGAWA NG BANSA 25
na makakatulong sa pananaliksik)
• Paga-analisa at pago-organisa ng mga
karagdagang datos at impomasyon
(pagsuri kung may kakulangan pa sa
mga datos na nakalap, pagkonsulta sa
adviser tungkol sa progresso ng
pananaliksik)
Februruary Week 3
• Pagsisimula ng paga-ayos ng mga datos
at impormasyon para sa komplesyon ng
pag-aaral
February Week 4
• Pagpa-finaliza ng mga datos at
impormasyon para sa nanalapit na
pagtatapos ng pananaliksik
February Week 4
Talahanayan 2. Timeline ng mga Aktibidad
Etika ng Pananaliksik
Ang pananaliksik ay mabuting simulan sa pamamagitan ng pagpapaalam sa mga
impormante at mga taong iinterbyuhin ang layunin o purpose ng isinasagawang pananaliksik
tungkol sa industriya ng BPOs at ang mga empleyado dito. Ang layunin ng pananaliksik ay
malaman ang tunay sitwasyon ng mga manggagawa sa industriya ng Business Process
Outsourcing. Dagdag pa rito, ay ang kagustuhang magbigay impormasyon sa publiko patungkol
sa kalagayan ng mga nagtratrabaho sa BPOs.
PAGSUNOD NG PRIBADONG SEKTOR SA MGA BATAS PAGGAWA NG BANSA 26
Ang pagtatanong na isasagawa sa mga interbyu ay gagamit ng Ingles at Filipino bilang
medium ng pakikipagusap. Ito ay para maging komportable ang mga iniinterbyu maging pormal
o di pormal man ang istruktura ng pagtatanong ng mananaliksik. Ang mga interbyu ay isasagawa
ng harapan. Ngunit maghahanda rin ang mananaliksik ng mga kakailanganin kung sakaling may
mga respondante na gugustuhing makipagusap na lamang sa pamamagitan ng telepono o sa
internet.
Ipapaalam din sa mga impormante at sa mga iinterbyuhin na makakatulong sa pagbibigay
importansya sa kanilang mga karapatan bilang manggagawa ang pananaliksik na isasagawa. Sa
pananaw ng mananaliksik, walang masyadong magiging panganib sa parte ng mga ininterbyuhin.
Ang maaari lamang na maging problema nila ay ang mga bagay-bagay na hindi nila pwedeng
ipaalam sa publiko. Nangangako ang mananaliksik na hindi magtatanong o magpupumilit na
kumuha ng sagot at impormasyon sa mga call center agents at mga empleyado ng isa sa limang
nagugunang kompanya sa industriya ng Business Process Outsourcing: Convergys Corporation
Philippines, Aegis People Support, Sykes Asia, Software Ventures International (SVI) at E-
Telecare kung sa pananaw ng mga respondante na hindi nila kaya o hindi makakabuti sa
kanilang pagtratrabaho ang pagsagot sa ibang maaaring sensitibong mga katanungan.
Ang pagiinterbyu ay isasagawa rin sa labas ng opisina o sa labas ng establisyimento ng call
center upang mabawasan ang pagkakakilanlan ng mga respondante. Sisiguraduhin din ng
mananaliksik na ang mga respondante ay hindi magkakakilala at hindi rin magkakaalaman na
sila ay mga parehong kalahok sa pananaliksik na ito.
Ang kanilang pribadong buhay ay mabibigyan ng respeto sa pananaliksik na ito. Tanging
tungkol lamang sa kanilang pagtratrabaho ang layuning malaman ng mananaliksik. Ang mga
PAGSUNOD NG PRIBADONG SEKTOR SA MGA BATAS PAGGAWA NG BANSA 27
pangalan ng mga magiging respondante ay mananatiling lihim sa buong durasyon ng
pananaliksik. Hindi ito ibibgay ng mananaliksik sa kahit sino mang tao o organisasyon.
Presentasyon, Diskusyon, at Implikasyon ng mga Resulta ng Pananaliksik
Isa sa mga nais sagutin ng pananaliksik na ito ay ang katanungang “Nakakasunod ba ang
mga BPOs particular ang mga call centers sa labor code at iba pang batas pagawa ng
Pilipinas?” Upang mabigyan ng kasagutan ang tanong na ito. Isang survey ang isinagawa nito
lamang buwan ng Pebrero taong 2013 sa isang kompanya ng call center, ang Aegis People
Support. Nakabase ang primaryong opisina ng People Support sa lungsod ng Makati. Noong
buwan lamang ng Oktubre taong 2008 nagsanib puwersa ang kompanya ng Aegis at People
Support upang bumuo ng mas malaking kompanya na makakapagbigay ng serbisyo sa iba’t
ibang panig ng mundo. Ang pananaliksik na ito ay magpo-pokus sa kompanya ng People
Support. Sinuri ng mananaliksik ang iba’t ibang polisiya ng kompanya na magbibigay ng
kasiguraduhan sa seguridad ng empleyado na naghahanap-buhay sa loob ng pribadong
kompanyang ito.
Nakapanayam ng mananaliksik ang isa sa mga supervisor ng People Support. Si Ma’am
Lealyn Natanauan ay nagsimulang magtrabaho sa People Support noong taong 2008. Siya ay
dalawampu’t limang taong gulang (25 years old) at siya ngayon ay limang (5) taon na
nagtratrabaho sa People Support. Ang posisyon ngayon ni Ma’am Natanauan ay ang pagiging
lider ng Operations Team sa People Support. Ibinigay ni Ma’am Natanauan ang pagkakaiba ng
pagiging isang call center agent at and pagiging isang supervisor. Siya ay may karanasan sa
dalawang trabahong ito sa kanilang kompanya.
PAGSUNOD NG PRIBADONG SEKTOR SA MGA BATAS PAGGAWA NG BANSA 28
“Ang isang agent ay buong walong (8) oras na tumatanggap ng tawag mula sa mga
Amerikanong customers. May sinusunod din silang oras ng break at lunch dahil ang tinatawag
na RTA o schedule adherence ay isa sa basehan ng magiging statistitics o score nila sa loob ng
isang buwan. Hindi ito tulad ng isang supervisor na flexible ang oras kaya maaring
magbreak/lunch ng ano mang oras. Ang supervisor din ang nagseset ng goal o target ng
kanyang team para makuha nila ang expected na score/stat ng isang account. Siya rin ang
nagmomotivate sa kanyang mga agents para masiguradong nagpeperform ng mabuti ang
kanyang mga agents. Kailangang lagi syang nakikita para madali niyang matutulungan kung
sila ay may mga tanong o nahihirapan sa isang call. Kahit na may mga Quality Analysts,
kailangan parin nyang makinig at i-coach ang kanyang mga agents para masigurado na tama,
kumpleto at hindi rude ang kanyang mga agents sa mga callers.”
Ayon kay supervisor Natanuan, may mahigpit na alituntunin ang kanilang kompanya na
nagpoprotekta sa karapatan ng mga kababaihan. May sinusunod silang dress code at mahigpit na
pinatutupad ang pagsuot ng ID at paggamit ng access card para makapasok sa building upang
maiwasang makapasok ang mga tagalabas lalo na ang mga tagalabas na may masasamang
hangarin. May batas rin ang People Support para mapangalaagan ang kanilang personal na
impormasyon. Mayroon rin silang health card na kanilang nagagamit sa oras ng pangangailangan
patungkol sa kalagayn ng kanilang kalusugan at kalusugan ng kanilang pamilya. Ang mga
alituntuning ito ay makakatulong upang maprotektahan ang seguridad ng mga empleyado ng
People Support lalo na ang mga kababaihan na nagtratrabaho sa panggabing oras (graveyeard
shift) dahil sa kanilang pangangailangan.
Sa isyu naman ng holidays at holiday pays ay may karampatang kasagutan ang supervisor na
nakapanayam patungkol sa posibilidad na magkaroon ng pagkalito o anomaly pagdating sa
PAGSUNOD NG PRIBADONG SEKTOR SA MGA BATAS PAGGAWA NG BANSA 29
proseso ng pagkompyut ng mga sahod ng mga manggawa. “Maayos ang palakad ng aming
kompanya sa pagpapasahod sa mga empleyado. Kung minsan ay nagkakaroon ng discrepancy
sa holiday pay pero ito naman ay madaling naa-adjust/nadadagdag sa susunod na pay day.”
Masasabi rito na sa pagkakataong nagkakaroon ng pagkalito sa pagkokompyut ng sahod ng mga
manggagawa sa People Support lalo na tuwing holidays ay madali naman itong nabibigyan ng
solusyon. Ayon sa nakapanayam, ang holiday pay ay nakokompyut sa kanilang kompanya
depende kung legal holiday o special holiday ang pinaguusapan. Kahit na pang-gabi o pang-
umaga pa ang kanilang pasok, makukuha nila ang saktong holiday pay ng buo. Hindi ito pro-
rated base sa oras na inilagi ng isang particular na empleyado sa opisina para magtrabaho.
Humigit kumulang na isang daan (100) hanggang isang daan at limampung (150) empleyado
ang pumapasok sa pang-araw na oras sa People Support. Habang mayroon namang dalawang
daan (200) hanggang dalawang daan at limampung (250) mangagawa ang pumapasok sa
panggabing oras. Isang survey ang isinagawa sa departmento ng Operations. Tatlumpung call
center agents mula sa panggabing oras ang sumagot ng nasabing survey. Layunin ng survey na
maipakita at maintindihan ang persepsyon ng mga call center agents patungkol sa kalagayan ng
kanilang seguridad at proteksyon ng kanilang mga karapatan.
Ayon sa isinagawang survey ng mananaliksik, lumabas na mas mataas ang bilang ng mga
babaeng call center agents kaysa sa mga kalalakihan. Animnapung porsyento (60%) ng bilang ng
mga sumagot ng survey ay mga babae samantalang apatnapung porsyento lamang ang bilang ng
mga kalalakihan. Dito pa lamang ay masasabi na maraming kababaihan ang nagtratrabaho sa
panggabing oras. Ang iksempsyon na ibinigay ng DOLE sa mga kompanya ng Business Process
Outsourcing ang malinaw na nagbigay daan upang magkaroon ng mga babaeng empleyado na
nagtratrabaho sa panggabing oras o sa graveyard shift.
PAGSUNOD NG PRIBADONG SEKTOR SA MGA BATAS PAGGAWA NG BANSA 30
Napagalaman na natin na isang iksempsyon ang mga BPOs (Business Process Outsourcing)
sa ilang mga polisiya na nakasaad sa labor code ng Pilipinas. Ang Department of Labor and
Employment (DOLE) ang nagbigay pahintulot na kumuha at magtalaga ang mga BPOs ng mga
babaeng empleyado sa panggabi na oras ng pagtratrabaho sa mga call center. Ayon sa Article
130 ng Labor Code ng Pilipinas, hindi maaaring pagtrabahuhin ang mga babaeng empleyado
pagsapit ng alas-dies ng gabi (10 p.m.) hanggang alas-sais ng umaga (6 a.m.). Ang probisyon na
ito ay ipinatupad ng gobyerno ng Pilipinas upang magkaroon ng proteksyon ang mga empleyado
lalo na ang mga kababaihan. Sa pamamagitan ng probisyon na ito ay mapipigilan ang mga
panga-abuso na may malaking posibiledad na mangyari sa oras ng pagtratrabaho. Maiiwasan ang
ano mang porma ng pangaabuso na maaaring isagawa ng mga maypagawa sa kanilang mga
babaeng empleyado kung sakaling sila ay mahahayaan o mapuwe-puwersang magtrabaho sa
kailaliman ng gabi.
Ang pagbabawal na ito ay itinatag upang maprotektahan ang karapatan ng mga kababaihan.
Sa pagkakaloob ng iksempsyon na ito sa mga BPO, nagkakaroon ng malaking posibiledad na
hindi nakakasunod lahat ng mga BPO sa mga alituntunin ng DOLE. Maaaring mas makakabuti
na sundin na lamang kung ano talaga ang naisusulat sa labor code.
Sa pagpapatupad ng iksemsyon na ito makikita na maraming kababaihan ang
nakikipagsapalaran na magtrabaho sa panggabing oras. Tunay na nabigyan ng parehong
importansya at oportunidad ang mga babae at lalaking empleyado dahil sa pagpapatupad ng
iksemsyon na ito.
PAGSUNOD NG PRIBADONG SEKTOR SA MGA BATAS PAGGAWA NG BANSA 31
Figure No. 2
Ayon sa mga resulta na nakalap mula sa isinagawang survey 86.7% ng mga indibidwal na
sumagot nito ay nagsasabing sila ay may karampatang seguridad na natatamasa sa kanilang
pagtratrabaho sa People Support bilang mga call center agents. Mapapansin sa bar graph na
ipinapakita ng Pigura bilang 2 na karamihan sa mga call center agent na sumagot ng survey ay
naniniwala na ang kanilang kompanya ay nakakapagbigay ng sapat na mga pamamaraan upang
maproteksyonan ang kanilang seguridad habang sila ay nagtratarabaho. Kaalinsabay sa
perspektibong ito ay sila rin ay naniniwalang maayos na nabibigayan ng proteksyon at
importansya ang kanilang seguridad. Hindi rin naman maipagkakaila na ayon sa bar graph ay
PAGSUNOD NG PRIBADONG SEKTOR SA MGA BATAS PAGGAWA NG BANSA 32
may mga indibidwal na kahit na sa tingnin nila ay nakakapagbigay ang kanilang kompanya ng
mga karampatang instrument para maproteksyonan ang kanilang seguridad, sila ay patuloy na
nakakaramdam ng pagiging hindi secured sa kanilang pagtratarabaho sa People Support.
Figure No. 3
Karamihan din ng mga call center agents ay may mataas na persepsyon ng lebel ng kanilang
seguridad habang sila ay nagtratrabaho sa People Support. Ang pagiging komportble at secured
nila habang sila ay nagtratrabaho ay nagmumula sa kasiguraduhan nila na walang tagalabas na
maaring magsagawa ng anumang masamang hangarin ang madaling makakapasok sa lugar ng
kanilang pinagtratrabahuhan. Ito ay dahil sa mga access cards at identification cards na striktong
pinapagamit sa mga empleyado ng People Support. Ang bawat empleyado ay may access card at
ito ang ginagamit nila upang makapasok sa lugar ng kanilang pinagtratrabahuhan. Striktong
PAGSUNOD NG PRIBADONG SEKTOR SA MGA BATAS PAGGAWA NG BANSA 33
pinatutupag ng People Support ang pagpresenta ng access card at identification card ng mga
empleyado sa gwardya bago sila makapasok sa looban ng kanilang opisina.
Karamihan man ng mga call center agent na sumagot ng survey ay kontento sa proteksyon
na ibinibigay ng kompanya sa kanila ay mayroon pa ring nakukulangan sa mga instrumenting
ginagamit ng People Support para masugurado ang proteksyon at seguridad ng mga
manggagawa. Sampung porsyento (10%) ng mga sumagot ng survey ang nagsabing mababa ang
pakiramdam nila na sila ay secured sa kanilang pagtratrabaho sa People Support.
Sinabi nila na lubos na makakatulong kung ang kompanya ay magagawang maglagay ng
mga CCTV cameras sa mga importanteng bahagi ng kanilang building. Makakatulong rin daw
ang paglalagay ng mga metal detectors na makakapigil sa sinumang magtangka na magdala ng
armas o ng kung ano pa mang nakababahalang bagay na maaaring maglagay sa panganib ng mga
buhay ng mga empleyado.
Nagmukanghi rin ang ilang mga indibidwal na sumagot ng survey na makakatulong kung
makakapagbigay ang kompanya ng ‘shuttle service’ lalo na sa mga empleyado nitong sa labas ng
lungsod nakatira. Nasabi nila na ang shuttle service na ito ay magbibigay ng kasiguraduhan na
makakauwi ng ligtas at maayos ang mga empleyado ng kompanya lalo na ang mga empleyadong
alanganin ang oras ng paguwi.
Naroon din ang isyu na hindi sila komportable sa schedule ng graveyard shift. Sinasabi nila
na masyadong gabi na at alanganin kung minsan ang mga oras na natatalaga para sa graveyard
shift. Sinabi rin nila na may pangangailanan sila bilang mga manggagawa na may gawing
pagbabago at pagsasaayos patungkol sa pagpapatupad ng kanilang schedule. Pinoproblema nila
PAGSUNOD NG PRIBADONG SEKTOR SA MGA BATAS PAGGAWA NG BANSA 34
na may kadalasan na hindi nila masimulan at matapos ang kanilang mga shifts sa karampatang
oras dahil sa kalituhang nagmumula sa kanilang schedule.
Figure No. 4
Kulang-kulang na pitong porsyento (7%) ng bilang ng mga call center agents na sumagot ng
survey ang nagsabing hindi nabibigyan ng importansya at respeto ang kanilang mga karapatan
bilang manggagawa. Nasabi nila na hindi nabibigyan ng importansya at respeto ang kanilang
mga karapatan bilang mga manggagawa sa kadahilanang sila ay napipilitang pumasok kahit na
holidays. Naroon din ang kadahilanang may mga isyu patungkol sa kanilang mga sahod na dapat
mabigyan ng solusyon.
PAGSUNOD NG PRIBADONG SEKTOR SA MGA BATAS PAGGAWA NG BANSA 35
Noong nakaraang taon lamang, taong 2012 buwan ng Agosto ay sinalanta ang Metro Manila
ng matinding buhos ng ulan at lubos na nakababahalang pagbaha dala ng habagat. Malaking
bahagi ng lungsod ay naapektuhan ng kalamidad na ito. Ang Pangulong Benigno Aquino III ay
naganunsyo na kanselado ang mga pasok sa trabaho sa establisyimentong pinatatakbo ng
gobyerno. Ipinatupad ng panahong ito ang Memorandum Circular 33-A na nagsususpende ng
pasok sa trabaho ng mga manggagawa na nabibilang sa pribadong sector ng paggawa. Kabilang
sa pribadong sector na ito ang mga kompanya ng Business Process Outsourcing kagaya ng
People Support.
Figure No. 5
Ayon sa survey na isinagawa, kulang-kulang na tatlumpu’t pitong porsyento (37%) ng mga
call center agent na sumagot ng survey ay pinapasok pa rin ng People Support sa trabaho noong
araw na ipinatupad ng pangulo ang Memorandum 33-A para sa kaligtasan ng mga empleyadong
pumapasok sa pribadong sector ng paggawa. Walumpu’t tatlong porsyento (83%) ng mga
sumagot ng suvey ang nagsabing hindi tama na hindi binigyang respeto ng mga pribadong
kompanya na nagpapasok pa rin ng kanilang empleyado kahit na matindi ang buhos ng ulan at
PAGSUNOD NG PRIBADONG SEKTOR SA MGA BATAS PAGGAWA NG BANSA 36
may malawakang pagbaha na nagaganap ng mga panahong iyon ang implementasyon ng
Memorandum Circular 33-A ng pangulo.
Figure Nos. 6-7
Makikita sa pigura bilang lima (Figure No.6) na mayorya ng mga call center agent na
sumagot ng survey ay naapektuhan ng matinding buhos ng ulan at malawakang pagbaha na
naganap noong buwan ng Agosto taong 2012. Apatnapung porsyento (40%) ng mga call center
agents na sumagot ng survey na ito ay pumasok pa rin sa trabaho kahit na sila ay apektado ng
pagbaha at malakas na buhos ng ulan sa kadahilanan nga na sila ay pinapapasok pa rin ng
kompanyang kanilang pinapasukan kahit na nagbigay na ng anunsyo ang pangulo ng Pilipinas na
suspendido na ang pasok ng mga manggagawa sa pribadong sector.
Gamit ang resulta na ito mula sa survey na isinagawa sa mga call center agents ng People
Support, masasabi na hindi nabigyan ng importansya at respeto ang karapatan ng mga empleyado
na pilit pa ring pinapasok sa trabaho noong araw na iyon kahit na may nagbabadyang panganib
PAGSUNOD NG PRIBADONG SEKTOR SA MGA BATAS PAGGAWA NG BANSA 37
sa kanilang pagpasok sa trabaho dahil nga sa matinding buhos ng ulan at mga binahang kalsada.
Ang ibang mga pribadong kompanya gaya ng People Support ay hindi sumunod sa
implementasyon ng Memorandum Circular 33-A ng pangulo at basta na lamang nilagay sa
alanganin ang kaligtasan ng kanilang mga Pilipinong empleyado noong panahon na ito. 83% ng
mga empleyadong ito ay nagsabing hindi tama ang ginawa ng kanilang kompanya noong sila ay
pinapasok pa rin ng araw nito kahit na may implementasyong ginawa ang pangulo para sa
pribadong sektor ng paggawa.
Figure Nos. 8-9
Ang artikulo bilang 130 ng labor code ng Pilipinas ay nagbabawal sa mga kompanya na
kumuha at magtalaga ng mga babaeng empleyado sa mga panggabing oras ng trabaho. Ito ay
para mabigyan ng proteksyon ang mga kababaihan sa mga pangaabuso sa kanilang karapatan
kung sila ay mapipilatang magtrabaho sa panggabing oras. Ngunit binigyan ng pahintulot ng
Department of Labor and Employment (DOLE) ang mga kompanya ng Business Process
Outsourcing na kumuha ng mga babaeng empleyado at pagtrabahuhin sila sa panggabing oras
(graveyard shift). Ito ay sa kadahilanang nais nilang mabigyan ng kapantay na oportunidad ang
PAGSUNOD NG PRIBADONG SEKTOR SA MGA BATAS PAGGAWA NG BANSA 38
mga kababaihan para sa night differential na maaari nilang kitain kung sila ay magtratrabaho sa
panggabing oras (graveyard shift).
Ayon sa pigura bilang pito (Figure No. 8), walumpong porsyento (80%) ng mga sumagot ng
survey ay komportable sa iksemsyong ginawang ito ng DOLE para sa mga kompanya ng
Business Process Outsourcing sa pribadong sector ng paggawa sa Pilipinas. Ayon kay binibining
Katherine Manlangit, isa sa mga sumagot ng survey na isinagawa at nakapanayam ng
mananaliksik ay komportable siya sa ginawang iksemsyon na ito ng DOLE sa kadahilanang nais
niyang mabigyan ng oportunidad na kumita ng mas malaki kaysa sa kanyang kinikitang sahod
mula sa pagpasok niya sa trabaho sa pangumagang oras. Ang iksemsyong ito ng DOLE ay
nagbigay sa kanya ng oportunidad na ito.
Ang dalawampung porsyento (20%) na hindi naman komportable sa iksemsyong ito na
ginawa ng Department of Labor and Employment (DOLE) ay nagsabi na isa sa kanilang mga
dahilan kung bakit sila hindi komportable ay dahil sa alanganing oras ng pagpasok sa trabaho.
Masasabing ito ay kaugnay ng kanilang pangangailangan sa mas maayos na pamamahala ng
kanilang schedule at sa pagdaradag ng mga instrumento na magbibigay ng kasiguraduhan sa
kanilang proteksyon at seguridad bilang mga manggagawa na nagtratrabaho sa mga pribadong
kompanya gaya ng People Support.
Ayon naman sa pigura bilang 9, masasabi na dahil sa pakiramdam ng karamihan sa mga call
center agents na sumagot ng survey na nakakapagbigay ng sapat at karampatang proteksyon para
sa seguridad nila ang kompanya ng Aegis People Support hindi na nakakapagtaka na sila ay
kampante pagdating sa pagbibigay ng eksempsyon ng Kagawaran ng Paggawa at Empleyo
(DOLE) sa mga kompanya ng Business Process Outsourcing.
PAGSUNOD NG PRIBADONG SEKTOR SA MGA BATAS PAGGAWA NG BANSA 39
Figure No. 10
Ang International Labor Organization (ILO) ay nagsasabi na kailangang magbigay ng
karampatang proteksyon at seguridad ang mga maypagawa sa kanilang mga manggagawa. Ayon
din sa International Labor Organization, may karapatan ang mga manggagawa sa indutriya ng
Business Process Outsourcing na magorganisa at bumuo ng mga unyon. Sa kasalukuyang
panahon, mayroong kawalan ng mga unyon ng mga manggagawa sa industriya ng mga BPOs.
Sinasabi ng International Labor Organization na kailangang ang mga maypagawa mismo ay
nanghihikayat na magorganisa o sumali ang kanilang mga empleyado sa mga unyon na
PAGSUNOD NG PRIBADONG SEKTOR SA MGA BATAS PAGGAWA NG BANSA 40
makakatulong sa pagbibigay ng importansya sa mga interes ng mga mangagawang Pilipino na
nabibilang sa pribadong sektor ng paggawa.
Makikita sa pigura bilang walo (Figure No.9) na karamihan ng mga call center agent na
sumagot ng survey na isinagawa ng mananaliksik ay walang nakikitang kadahilanan o
pangangailan upang sila ay sumali sa mga unyon o bumuo ng unyon na dedikado sa kanilang
mga interes bilang mga manggagawa ng mga kompanya sa industriya ng Business Process
Outsourcing. Maiuugnay ang kawalan ng mga unyon sa industriyang ito sa kadahilanang ang
mga empleyado ay nakakatanggap ng sapat o higit pa na mga benepisyo at insentibo sa kanilang
pagtratrabaho.
Figure Nos. 11-12
Isang daang porsyento (100%) ng mga call center agent na sumagot ng survey ay nagsabi na
ang kanilang kompanya, ang People Support, ay maayos sa pagsunod at pagobserba nito ng mga
polisiyang nasasaad sa labor code ng Pilipinas. Ang mga artikulo bilang 93 at 94 ay nagsasaad na
PAGSUNOD NG PRIBADONG SEKTOR SA MGA BATAS PAGGAWA NG BANSA 41
dapat may karampatang dagdag na tatlumpong porsyento (30%) sa sahod ng mga call center
agents kung sila ay magtratrabaho tuwing araw ng Linggo at tuwing espesyal na mga holidays.
Mayroon namang karagdagang limampung porsyento (50%) sa sahod ng empleyado kung siya
ay magtratrabaho sa araw ng kanyang pahinga na araw din ng isang espesyal na holiday. Ayon sa
survey na isinagawa, ang kompanya ng People Support ay masasabing may maayos na pagsunod
sa mga batas paggawa na nakasaad sa labor code ng Pilipinas.
Sa kabila ng isang daang porsyento ng mga call center agents na nagsasabing maayos na
sumusunod ang kanilang kompanya sa artikulo bilang 93 at 94 ng labor code ng Pilipinas ay
makikita sa pigura bilang sampu (Figure No.12) na kulang-kulang na labing pitong porsyento
(17%) ng mga call center agents na sumagot ng survey ay nakaranas na ng pagkalito o mga
anomalya pagdating sa kanilang kinikitang holiday pay. Limang (5) call center agents mula sa
tatlumpong (30) katao ang nagsabi nakaranas na sila ng anomalya o pagkalito sa kanilang
holiday pay. Dito masasabi na kahit na maayos mang sumusunodang People Support sa labor
code ng Pilipinas ay hindi pa rin maaalis ang pagkalito o maaaring pangaabuso na magaganap
dahil sa magulong schedule na sinusunod ng mga kompanya ng Business Process Outsourcing
pagdating sa holidays na kanilang susundin.
Gamit ang mga resulta na nakalap mula sa mga interbyu at survey na isinagawa sa
pananaliksik na ito, masasabi na makakatulong ang ginawang pag-aaral na ito upang mabigyan
ng karampatang pansin at importansya ang mga Pilipinong manggagawa na nagtratrabaho para
sa mga pribadong kompanya gaya ng mga call centers. Hindi lingid sa kaalaman ng nakararami
na may magaganda at kapakipakinabang na mga benepisyo at insentibo ang makukuha mula sa
pagtratrabaho sa mga kompanya sa industriya ng Business Process Outsourcing. Ngunit dapat
ding malaman ng nakararami at ng gobyerno ng Pilipinas na kahit na may magagandang
PAGSUNOD NG PRIBADONG SEKTOR SA MGA BATAS PAGGAWA NG BANSA 42
benepisyo mula sa industriyang ito ay mayroon pa ring mataas na probabilidad na hindi
nabibigyan ng karampatang importansya at respeto ang mga karapatan ng mga Pilipinong
manggagawa sa mga call centers.
Hindi rin maitatanggi na may mga limitasyon ang pananaliksik na ito. Unang-una rito ay
hindi lahat ng departamento ng call center na pinagaralan ay naisama sa survey na isinagawa ng
mananaliksik. Maaaring may ibang mga pangyayari sa departamento ng Information Technology
(IT) o may pangaabuso na nagaganap sa departamento ng Human Resources (HR). Ang
pangalawang limitasyon ay ang bilang ng mga call center agents na sumagot ng survey. Kung
magagawang lahat ng call center agents galing sa People Support ay mapasagot ng survey
masisigurado na mas magkakaroon ng mas malalim na resulta ang pagaaral at magkakaroon din
ng mas epektibong representasyon ng mga interes ng mga call center agents. Pangatlo, iisa
lamang kompanya mula sa Business Process Outsourcing ang nasuri at napagaralan sa
pananaliksik na ito. Muli may limitasyon ang representasyon na kayang ibigay ng pagaaral na
ito.
Bilang magsilbing buod ng mga resultang nakalap mula sa pananaliksik na ito, napagalaman
ng mananaliksik na may maayos na sistema para sa proteksyon at seguridad ng mga empleyado
nito ang People Support. Ngunit sa persepsyon ng ilang nitong manggagawa ay mayroon pa ring
kakulangan na dapat punan ang kompanya para masigurado na ligtas at may proteksyon ang mga
manggagawa nila sa mga banta ng mga panganib ng mga taong tagalabas. Karamihan din ng mga
call center agents na sumagot ng survey ay naniniwalang nabibigyan ng importansya at respeto
ang kanilang mga karapatan at interes bilang mga mangagawa sa People Support.
PAGSUNOD NG PRIBADONG SEKTOR SA MGA BATAS PAGGAWA NG BANSA 43
Hindi rin dapat kalimutan na isa ang kompanya ng People Support na nagpapasok ng
kanilang mga empleyado sa kabila ng implementasyon ng Memorandum Circular 33-A noong
Agosto 2012. Isa ang People Support sa mga pribadong kompanya na may mga empleyadong
napilitang pumasok at harapin ang panganib dala ng masamang panahon. Komportable rin ang
karamihan ng mga call center agents ng People Support sa iksemsyong ibinigay ng Department
of Labor and Employment (DOLE) patungkol sa nasasaad sa Article 130 ng labor code ng
Pilipinas na nagbabawal sa mga kababaihang manggagawa na magtrabaho sa panggabing oras.
Kahit na may mga anomalya o pagkalito na nagaganap paminsan-minsan sa pagbibigay ng
holiday pay at ordinaryong sahod ng mga mangagawa sa People Support ay sa persepsyon pa rin
ng mga empleyado nito ay maayos na nasusunod ng kanilang kompanya ang Articles 93 at 94 ng
labor code ng Pilipinas na nagsasaad ng mga karampatang dagdag sahod tuwing araw ng Linggo,
araw ng pahinga, at tuwing mga espesyal na holiday. At panghuli, karamihan ng mga call center
agents sa People Support ay walang nakikitang kadahilan o pangangailang para sila ay sumali o
mag-organisa ng mga unyon na dedikado sa kanilang mga interes bilang mga manggagawa.
Konklusyon
Bilang magsilbing konklusyon sa pananaliksik na ito, masasabi na kinakailangan pa ng
karagdagang representasyon para sa mga manggagawa na nabibilang sa mga pribadong
kompanyang nagmumula sa industriya ng Business Process Outsourcing. Patuloy ang paglago at
paglawig ng industriya ng mga kompanya ng BPOs, taun-taon ay lalong dumadami ang mga
manggagawang napapabilang sa industriyang ito. Nandoon din ang aspeto na nagbibigay ang
gobyerno ng Pilipinas ng maraming atensyon upang patuloy na lumaki ang industriyang ito.
Hindi makakaila na may malaking naitutulong ang industriya ng Business Process Outsourcing
PAGSUNOD NG PRIBADONG SEKTOR SA MGA BATAS PAGGAWA NG BANSA 44
para sa pagpapalago ng ekonomiya ng Pilipinas. Nakakatulong ito sa panghihikayat sa mga
dayuhang mamumuhunan na maeenganyo na magtayo ng mga negosyo sa loob ng bansa.
Dahil sa patuloy na paglaki ng industriyang ito nagiging mahirap para sa gobyerno ng
Pilipinas na ma-monitor at maobserbahang mabuti ang kalakaran ng mga bagay-bagay sa loob ng
industriyang ito. Ang ginawang hindi pagpansin at pagbigay ng walang mportansya at respeto ng
ibang pribadong kompanya sa industriya ng Business Process Outsourcing noong nakaraang
buwan ng Agosto taong 2012 sa implementasyon ng Memorandum Circular 33-A ay
nagsasabing kailangang magsagawa ng mga panibagong sistema ang gobyerno na makakatulong
dito na maprotektahan ang mga karapatan ng mga Pilipinong manggagawa sa industriyang ito.
Hindi maaaring wala na lamang gawin ang gobyerno kapag naaabuso ang karapatan ng kanilang
mga manggagawa.
Mga Reperensiya:
1. Alava, Aileen (2006). Industry Report: The Problem of Sustainable Competitive
Advantage in Philippine Call Centers
2. Ang, R. & Teo, J. (1995, September). Philippine Export Promotion Policies and Their
Responsiveness to European Market Conditions
3. Baguio, M. (2010, January 30). According to study: Call center agents prone to HIV-
AIDS. Retrieved from http://www.philstar.com/Article.aspx?
articleId=545166&publicationSubCategoryId=107
4. Beshouri, C., Farrell, D., & Umezawa, F. (2005, November). Attracting more offshoring
to the Philippines. Retrieved from
PAGSUNOD NG PRIBADONG SEKTOR SA MGA BATAS PAGGAWA NG BANSA 45
http://www.mckinseyquarterly.com/Attracting_more_offshoring_to_the_Philippines_168
4
5. Dagooc, E. (2012, July 28). Phl needs to improve education, policies to attract BPO
investors. Retrieved from http://www.philstar.com/Article.aspx?
articleId=832119&publicationSubCategoryId=108
6. Dizon, Vanessa (2010). Well-being of single young adults working as call center agents:
an exploratory study
7. Ignacio, L. (2009, July 9). Offsetting Philippine holidays with US holidays. Retrieved
from http://www.pwc.com/ph/en/taxwise-or-otherwise/09-jul-2009.jhtml
8. Kabamalan, Ma. Midea, et al. (2010). Lifestyle, health status and behavior of young
workers in call centers and other industries: Metro Manila and Metro Cebu. Quezon
City: UP Population Institute
9. Levin, Jack, et al. (2010). Elementary Statistics in Social Research Eleventh Edition.
Pearson Education South Asia
10. Lorenzana, K., & Molina, K. (2010). Motivations, challenges and coping strategies of
UP students working as call center agents
11. Manlangit, K. (2013, January 31). Personal Interview
12. Montecillo, P. (2012, June 15). Palace lukewarm to DICT bill, says legislator. Retrieved
from http://business.inquirer.net/65221/palace-lukewarm-to-dict-bill-says-legislator
13. Natanauan, L. (2013, January 25). Personal Interview
PAGSUNOD NG PRIBADONG SEKTOR SA MGA BATAS PAGGAWA NG BANSA 46
14. Neumann, W. (1997). Social Research Methods: Qualitative & Quantitative Approaches
3rd edition. Boston: Ailyn & Bucon
15. Patton, M. (1990). Qualitative Evaluation and Research Methods. 2nd ed. London: Sage
Publications
16. Santos, J. (2011, February 19). BPO’s exemption from night-shift ban pushed. Retrieved
from http://www.sunstar.com.ph/manila/local-news/bpo-s-exemption-night-shift-ban-
pushed
Appendices (Final):
A. Mga nilalaman ng survey:
Greetings! I am Dyan A. Barrion, a senior political science student from the University of the
Philippines Manila. I am conducting a research for my thesis that seeks to analyze the adherence of
Business Process Outsourcing companies (BPOs) particularly call centers to the policies encoded in the
Labor Code of the Philippines and other labor laws of the country. I humbly request the key informants to
answer the following questions listed down in this form honestly. Thank you.
Please supply the following information:
Name (optional):
Age:
Gender:
Specific occupation/position at People Support:
PAGSUNOD NG PRIBADONG SEKTOR SA MGA BATAS PAGGAWA NG BANSA 47
Duration of employment in the company:
Please mark (check/encircle) the space provided to indicate your answer.
• Do you feel secure in your work as a call center agent at People Support?
Yes ( ) No ( )
• On a scale of 1-5 (point 1 being the lowest and point 5 being the highest), how secured do you
feel you are as an employee of this company?
1 2 3 4 5
• Do you think your company provides enough measures to protect the security and comfort of
their employees?
Yes ( ) No ( )
• If you think the company is lacking policies or facilities to provide security for its employees then
what are your suggested methods in order to help improve the company’s security measures?
______________________________________________________
• From your perspective, are your rights as a Filipino worker being upheld and respected as you
work for this Business Process Outsourcing company? If no then please indicate your reasons as to why
so.
Yes ( ) No ( ) __________________________________
• Last August 2012, President Benigno Aquino III implemented Memorandum Circular 33-A,
stating that due to the heavy rains and flooding in the National Capital Region work is suspended in the
PAGSUNOD NG PRIBADONG SEKTOR SA MGA BATAS PAGGAWA NG BANSA 48
private sector of Metro Manila and nine other provinces. Did your company asked you to still come to
work despite the implementation of this memorandum?
Yes ( ) No ( )
• If your company still asked you to come to work despite the implemented memorandum last
August 2012, do you think it is right for private companies like People Support to just ignore the policies
implemented by the Philippine government?
Yes ( ) No ( )
• Were you affected by the heavy rains and flooding last August 2012?
Yes ( ) No ( )
• If you were affected, did you still come to work?
Yes ( ) No ( )
• According to Article 130 of the Labor Code of the Philippines, women are not allowed to work at
late night shifts (10 p.m. to 6 a.m.) but the Business Process Outsourcing companies were exempted from
this policy and are therefore allowed to have female employees working during these late night shifts. Do
you feel comfortable and safe as a call center agent with this exemption?
Yes ( ) No ( )
• Do you feel the need to join or organize labor unions for the interests of the workers in the
Business Process Outsourcing sector?
Yes ( ) No ( )
• Articles 93 and 94 of the Labor Code of the Philippines state that working during special holidays
and Sundays means a 30% additional payment for the employee and an additional 50% payment if he/she
PAGSUNOD NG PRIBADONG SEKTOR SA MGA BATAS PAGGAWA NG BANSA 49
works during his/her rest day which coincidentally is also a special holiday. From your own experience,
are these policies being observed by your company honestly?
Yes ( ) No ( )
• Taking the different holidays honored by the Filipinos and Americans into consideration, have
you experienced any anomalies or confusion regarding your holiday pays as an employee of this
company?
Yes ( ) No ( )
Thank you for your time and cooperation!
Contact information of the researcher:
Telephone #: 6422958
Cellphone #: 09157925215
Email Address: [email protected], [email protected]
B. FPIC:
Pahintulot na Lumahok sa Pagsasaliksik na Pag-aaral
Magandang araw po sa inyo, mabuting binibini at ginoo. Ako po si Dyan Barrion, isang
estudyante ng Unibersidad ng Pilipinas na nagaaral ng kursong Political Science. Nais ko po
kayong anyayahang lumahok sa aking gagawing pananaliksik sa sitwasyon ng pagtratrabaho sa
PAGSUNOD NG PRIBADONG SEKTOR SA MGA BATAS PAGGAWA NG BANSA 50
mga call centers sa bansa particular dito sa Maynila. Pakibasa pong mabuti ang mga nasasaad sa
pahintulot na ito upang kayo ay matulungang magpasiya kung inyong iibiging lumahok o hindi
sa aking gagawing pag-aaral. Ang inyong desisyon ay bibigyan ng karampatang respeto maging
ano pa man po ito.
Kayo po ay lubos na inaanyayahang magsabi ng kahit anong katanungan sa mananaliksik
kung ito po ang inyong ninanais upang kayo ay lubos na malinawan sa mga layunin ng
isasagawang pananaliksik. Kung lahat po ng inyong katanungan ay nabigyan nan g karampatang
kasagutan ay maaari na po kayong magpasiya. Ang proseso pong ito ay tinatawag na “pagkuha
ng inyong pahintulot sa paglahok” (informed consent).
Layunin ng Pananaliksik
Ang Business Process Outsourcing ay isang patuloy na lumalago na industriya sa
Pilipinas. Tunay na maraming manggagawa ang nasa industriyang ito. Layunin ng pananaliksik
na ito na malaman ang tunay na sitwasyon sa pagtratrabaho ng mga empleyado sa call centers.
Nais malaman ng mananaliksik kung nabibigyan ng karampatang importansya at respeto ang
mga karapatan ng mga call center agents at iba pang empleyado sa industriya ng Business
Process Outsourcing bilang mabubuting manggagawa ng bansa.
Pamamaraan
Maaaring maglaman ng mga sensitibo o complikadong mga katanungan ang listahan,
nasa inyo pong desisyon kung nanaisin iyong huminto sa pagsagot kung sakaling hindi niyo po
nais na sagutan ang mga katanungan. Nais ko pong malaman ninyo na ang inyong personal na
datos o impormasyon ay mananatiling lihim at pribado. Tanging ang mananaliksik lamang ang
makakakita at makakaalam ng inyong impormasyon.
PAGSUNOD NG PRIBADONG SEKTOR SA MGA BATAS PAGGAWA NG BANSA 51
Para po makadagdag sa inyong kaalaman tungkol sa pananaliksik na isasagawa, wala
pong ibibigay na kompensasyon o insentibo ang mananaliksik sa mga kalahok. Ang mga
pagtatanong na isasagawa ay maaaring abutin ng lima hanggang sampung minuto.
Sa ano pa mang katanungan ay maaari akong makausap sa mga detalyeng ito:
Telepono: 6422958
Cellphone: 09157925215
Email: [email protected]
Maraming salamat po sa inyong inilaan na panahon sa pagbasa nito.
Deklarasyon ng Kalahok
Ang pagaaral na ito at naipaliwang sa akin ng maayos ng mananaliksik. Sa paglagda ko sa
pormularyo na ito, ako ay kusang-loob at hindi napilitan lamang na lumahok sa pananaliksik na
ito. Binigyan din ako ng pagkakataon ng mananaliksik na magtanong upang ako ay lubos na
maliwanagan sa pag-aaral na ito.
Lagda ng Kalahok:
Petsa:
Pangalan ng Kalahok: