ang teknolohiya at ang edukasyon - · pdf filekasabay ng pag-unlad ng ibat-ibang bansa ay...
TRANSCRIPT
6 March 2017
Publications
ANG TEKNOLOHIYA AT ANG EDUKASYON by: Jenilla Mae O. Rodrigo
Filipino Teacher
Kasabay ng pag-unlad ng ibat-ibang bansa ay kalakip din ang pag-unlad ng Teknolohiya.
Mula sa simpleng Type Writer ay naging isang Computer. Malaking tulong ang makabagong
Teknolohiya lalo at patuloy ang paglago nito. Halimbawa na lamang ay sa pag-aaral ng mga mag-
aaral kung dati ay gumagamit pa ng mga ensayklopedia ang mga mag-aaral upang mangalap ng
mga impormasyon ngayon ay isang kisap mata lamang ay makikita mo na kaagad ang mga
impormasyong iyong nais.Malaking bagay rin ang teknolohiya sa mga Guro, napapadali rin ang
kanilang mga gawain at nakatutulong sa mabilis na pagka tuto ng mga mag-aaral sa isang aralin.
Hindi lang sa pag-aaral at marami pang iba.Na papadali nito ang lahat ng gawain maging sa kahit
na anong lugar man ito o panahon.Sabi nga ng marami ay tila nagiging instant na ang lahat ng
ating ninanais na gawain sa ating pang araw-araw na pamumuhay.
Ngunit sa kabila nito ay may masama rin itong maidudulot. Dahil habang umuunlad ang
Teknolohiya ay nagiging sakim ang mga tao dahil sa pag abuso rito.Unahin na natin ang mga
kabataan na tila ay hindi na nakikila ang libro, oo at malaki ang naidudulot na ginhawa ng
teknolohiya subalit tila sa pag lagong ito ay tinuturuan na rin ng Teknolohiya na gawing pala-asa
at tamad ang mga kabataan.Paano na ang sinasabi ni Dr. Jose Rizal na ang kabataan ang pag-asa
ng ating bayan, kung sa ganitong paraan pa lamang na naka tikim ng teknolohiya ay tila nalilimutan
na nila ang tunay na kahalagahan ng Edukasyon.
Hindi lamang sa edukasyon nagkakaroon ng pagbabago na dulot ng Teknolohiya,sa
maraming pagkakataon ay nagagamit na rin ng kabataan ang Social Media sa Cyber bullying Ayon
kay Alma M. Dayag sa kanyang librong Pluma,Maaring sa Cyber bullying ay walang pisikal na
pananakit na nangyayari di tulad sa harapang pambu-bully na kung minsa’y humahantong sa
pananakit subalit mas matindi ang sakit at pagkasugat ng emosyon o emotional at psychological
trauma na maaring maransan ng isang biktima ng cyberbullying.Sa isang pag-aaral na isinagawa
lumalabas na malaking porsyento ng mga gumagawa ng pambu-bully ay ang mga kabataan na
nasa sekondarya,na isa sa maituturing na masamang epekto ng teknolohiya lalo na sa patuloy na
pag-unlad nito.
6 March 2017
Publications
Kung hindi ito magagmit nga tama ay hindi mag kakaroon ng pag-unlad ang ating
bansa,sana ay gamitin ito sa tama at sa paraang maraming tao ang makikinabang.Hindi masama
ang makisabay sa agos ng pag-yabong ng makabagong panahon,ngunit laging paka tandaan na
“Tao ang nagpapagana sa Teknolohiya,Hindi Teknolohiya ang magpapagana sa Tao”!!
-
Sanggunian: https://prezi.com/4g03apy6ihwq/epekto-ng-teknolohiya-sa-edukasyon-pag-aaral-at-pagkatuto/
https://vhalerieoandasan.wordpress.com/2014/12/15/ppaggmamit-ng-teknolohiya-sa-edukasyon/ http://cjefo1.blogspot.com/2011/12/makabagong-teknolohiya-tulong-sa.html