belangrike datums - volkiesh.co.za · eerstespan-wedstryd eers 18:30 begin. die kostes beloop...
TRANSCRIPT
TEL NO: 016 341 3165
FAKS NO: 016 341 3987
DATUM: 11– 16 Februarie 2019 UITGAWE 5 van 2019
ADRES: 1 JACOBS STRAAT
HEIDELBERG
GAUTENG
POSDRES: POSBUS 215
HEIDELBERG
1438
E-POS:
BELANGRIKE DATUMS
11- 16 Februarie 2019
11 FEBRUARIE 2019
Gr. 12 Bykomende klasse Fisiese Wetenskappe
12 FEBRUARIE 2019
Toetsreeks Gr. 8– tot 12
Swemgala te St. Dunstans Kollege
13 FEBRUARIE 2019
Atletiek: Groter Heidelberg te HVH (09:00)
ATKV Redenaars (skooluitdunne) in personeelkamer
14 FEBRUARIE 2019
Toetsreeks Gr. 8 - 12
Valentynsbal in koshuis om 18:30
15 FEBRUARIE 2019
“BIG BRAG”
Graad 12 Afrikaans mondeling
16 FEBRUARIE 2019
Atletiek: Interhoër te Ermelo - busse vertrek 04:30
SPORT
BLOEMFONTEIN TOP 20: Die top 20 Atletiekbyeenkoms het 8 tot 9 Februarie 2019 te Bloemfontein
plaasgevind, en al het die weer nie saam gespeel nie het ons atlete steeds uitstekend presteer.
Goue medaljes: Johan Groesbeek (400m hekkies), Karel Olwage (Hoogspring), Danielle Verwoerd (800m)
Ruan Claassens (Gewigstoot)
Silwer medaljes:Robinn Thorburn (200m) , Delaine Willemse (hoogspring), Danielle Verwoerd (1500m)
Favour Umeh (hoogspring), Janca Fouché (100m)
Brons medaljes: Janca Fouché (200m) Simoné Moll (hoogspring), JJ du Plessis (verspring) Bianca Erasmus (hoogspring),
Jané Botha (100m en verspring)
MIDMARMYL: Volkie-swemmers het 9 en 10 Februarie 2019 aan die
jaarlikse Midmarmyl te Pietermaritzburg deelgeneem. Al die swemmers
het dié grootste oopwater swembyeenkoms ter wêreld voltooi. Baie
geluk aan die groot en klein Volkies, ons is trots op julle!
ALGEMEEN
AKADEMIE
Die BYKOMENDE KLASSE vir die graad 12-leerders is verpligtend. Daar is heelwat graad 12-leerders wat summier nie die klasse bywoon nie.
U as ouer/voog moet seker maak dat u kind(ers) die klasse bywoon. Hierdie klasse word aangewend om die kurrikulum te voltooi en nie vir
ekstra klasse nie. Die bykomende klasse is as volg:
Die TOETSREEKS is alreeds in die tweede week. U as ouer/voog moet toesien dat u kind(ers), selfdissipline aan die dag sal lê om behoorlik vir
elke vraestel voor te berei. Akademie is en bly ons kernbesigheid by Hoër Volkskool.
DAG TYD VAK
Maandag 14:00 – 15:00 Fisiese Wetenskap
Dinsdag 14:00 – 15:00 Lewenswetenskap
Woensdag 14:00 – 15:00 RTT
Donderdag 14:00 – 15:00 IGO
Daar het ‘n vakature in die BEHEERLIGGAAM onstaan a.g.v. die bedanking van mnr. Hannes Kotze, verantwoordelik vir geboue en terrein.
Dit is vir ons as skoolgemeenskap hartseer om ’n kwaliteit en vaardige ouer op die beheerliggaam te verloor. Mnr. Kotze was genoodsaak om
te bedank a.g.v. werksomstandighede. As skool wil ons graag vir mnr. Kotze bedank vir sy harde werk en positiewe insette, die laaste 11
maande op die beheerliggaam. Ons wens hom alle seën en voorspoed toe. Die datum van die tussenverkiesing sal op die volgende
beheerliggaamsvergadering bespreek word en aan u as ouers/voog deurgegee word.
Die VALENTYNSBAL vind op Donderdag, 14 Februarie 2019 in die koshuis om 18:30 plaas. Leerders kan teen R10-00 gewone klere tydens
skooltyd aantrek.
Die INTERHOËR vind komende Saterdag, 16 Februarie 2019 te Ermelo plaas. Dit is ‘n nuwe uitdaging vir ons atlete. Die volgende agt skole is
deel van die Mpumalanga Prestige Interhoër wat beloof om hoë kwaliteit atletiek op te lewer:
Hoër Volkskool Heidelberg
Hoërskool Secunda
Hoërskool Rob Ferreira
Ligbron Akademie
Hoërskool Middelburg
Hoërskool Ermelo
H.T.S. Witbank
Hoërskool Lydenburg
Die busse vertrek reeds 04:30 die oggend en sal teen 20:00 terug by die skool wees. Baie sterkte aan al ons atlete en die sanggroep wat
deel gaan wees van die prestige-geleentheid. Bring die bekers huis toe en geniet elke oomblik!
Die GROTER HEIDELBERG ATLETIEKBYEENKOMS vind op Woensdag, 13 Februarie 2019 by Hoër Volkskool plaas. Atlete moet registreer
by Mnr. Louwtjie Dalhouzie en dan ook ʼn afskrif van hul geboortesertifikaat en ID foto met registrasie inhandig. Ons atlete moet by
bogenoemde byeenkoms deelneem om vir die D7-kampioenskappe te kwalifiseer wat Vrydag, 22 Februarie 2019 in Sasolburg (DP de Villiers
stadion) plaasvind. Baie sterkte aan al ons atlete!
Die SKOOL VERDAAG op Vrydag, 22 Februarie 2019 om 12:00 a.g.v. ‘n vriendskaplike wedstryd teen Afrikaans Hoër Kroonstad in
Kroonstad. Dit is slegs die rugbyseuns en dogtershokkie wat betrokke is. Die leerders gaan in die koshuise oorslaap omrede die
eerstespan-wedstryd eers 18:30 begin. Die kostes beloop R50-00 per leerder en dit sluit aandete, akkommodasie en ‘n ligte ontbyt in.
Die DONKEY DERBY vind op 28 Februarie 2019 vanaf 18:30 in die skoolsaal plaas. Dit is die eerste fondsinsamelingsprojek vir die jaar en ons
wil u graag as ouers aanmoedig om die skool te ondersteun. Daar sal slegs 20 tafels (10 persone om ‘n tafel) beskikbaar wees. Die koste
beloop R1000-00 per tafel of R100-00 per persoon.
Elke tafel is self verantwoordelik vir eetgoed op die tafel. Ouers mag hulle koelbokse saambring. Vir meer inligting kan u mnr. Daan
Marx by 082 665 5862 kontak.
UIT DIE HOOF SE KANTOOR
Ons tema vir die week is Volkie-gees. Om deel van ‘n skool te wees, is dit belangrik dat elke rolspeler in hart en siel betrokke by die skool sal
wees. Om betrokke te wees skep trots, lojaliteit en ‘n samehorigheidsgevoel onder mekaar. Die dissipline en gees van ‘n skool loop hand aan
hand. As daar Volkie gees in die skool is, dan sal daar ook goeie dissipline op alle vlakke gehandhaaf word. Dit sluit akademie, sport, kultuur en
gesonde ondersteuning in. Ons Volkie gees moet ons elkeen na uitnemendheid dryf en vir mekaar ‘n inspirasie wees om te presteer. Die heel
belangrikste is dat die Volkie-gees ons ‘n groot Volkie-familie sal maak, waar ons vir mekaar sal omgee.