bisita iglesia 2015 - bersyon ilonggo/hiligaynon

13 March 2015 Creative Commons License: Attribution, Non-Commercial, No-Derivatives, 4.0 International License 1

written & photographed by:

fergus jm ducharme

Bisita Iglesia, Bersyon Ilonggo/Hiligaynon Ang pagbisita sa 7 ka dumaan kag maragtason nga mga simbahannga may upod nga Via Krusis para sa Semana Santa

2015


Mabuhay!May nanari-sari nga kabangdanan kon ngaa madamu ang indi makabuylog sapagbisita sa 7 ka mga Simbahan kon Semana Santa..

Ang iban mahimo nga malayo sa ila panimalay kay yara sila sa Amerika, Middle East, Europa, Asya, ukon sa diin pa man nga bahin sang kalibutan, samtang ang iban yara lang sa ila balay tungod tigulang na ukon nagabalatian, kag ang iban, mahimo nga masako sa trabaho.

Gani, may ginhanda kami sa inyo para mabuligan kamo sa pagpamalandongsa tion sang Semana Santa. Ini ang higayon nga makabisita sa 7 kamaragtason nga mga simbahan sa Panay kag iban pa nga mga simbahan ngamay kaupod nga duha ka estasyon sang Via Krusis sa kada simbahan.

Ini ang amon una mga pagtinguha nga ihatag sa inyo ining Hiligaynon ngabersyon sang Bisita Iglesia. Kabay pa nga malipay man kamo sini kaangaysang amon kalipay sa paghanda sini.


Sa sini nga tuig, amon napilian ang mga masunod nga dumaan kagmaragtason nga mga simbahan para sa inyo pagpamalandong sa SemanaSanta 2015

1. A UNESCO World Heritage Site; The Church of San Agustin, Manila2. The Church of the Black Nazarene, Quiapo3. The Church of San Sebastian, Quiapo4. The Church of our Lady of the Pillar , Imus, Manila5. The 1,000 year old Church of Trémolat, France6. The Cathedral - Basilica of Notre Dame, Montréal, Québec7. A UNESCO World Heritage Site; The Primate Cathedral of the Americas,

The Basilica of Santa María la Ménor, Santo Domingo, Dominican Republic


Kon naga Via Krusis kita, nagapamalandong kita sang mga kasakit ni Hesusbangud sang gugma Niya sa aton. Updan ta siya halin sa Jerusalem asta saKalbaryo.

Si Hesus nag-antus kag namatay agud nga kita sarang maluwas sa sala kagimpiyerno kag madala kita sa langit. Mag Via Krusis kita nga may hugot ngadebosyon. Panumdumon naton si Hesus kag ang Iya paghigugma sa aton.


Buluhaton sa Paghinulsul kag Paghalad

Ginoo ko Jesuskristo, Dios kag tawo nga matuod, tan-awa sa Imo mga tiilan, iningkailo nga makasasala, nga nagpangahas sa pagpakasala sa Imo. Tuloka ako sangimo mga mata mga maluloy-on, kay nagahinulsul na ako sang akon mga sala.

Matam-is nga Jesus, Imo ginatawag ang makasasala, nga nagpalayo sa Imo. Tan-awa ako nga nagapalapit sa Imo, sa pagpangayo sang kaluoy. Patawara ako, Ginoo,kay nagasiling ako sa Imo sa daku nga kasakit, nga nagahinulsol na ako sang akonmga sala, kag nagatapat ako nga dili na magpakasala liwat.

Batuna ang akon mga buhat, kag ang akon mga kalisdanan, nga bayad sang akonmga sala. Hatagi ako sing grasya sang maayo nga pagkonpesar, kag sa pag-alagadsa Imo tubtob sa kamatayon.

Halangdon nga Dios, Amay nga makagagahom, ginahalad ko sa Imo, ining akonginabuhat kag ginapamalandong, agod mapahanugod lamang sa Imo himaya kagkadungganan, kag sa ikaayo sang akon kalag. Ginahalad ko man ini, sa katuyu-ansang Santa Iglesya, agod makuha ko ang mga indulhensya nga ginatugot sa mganagabuhat sini nga debosyon, Ginahalad ko man ini, para sa kapatawaran sang mgasala, kag para sa mga kalag sa Purgatoryo.

Amen.


Una nga Simbahan: UNESCO World Heritage Site; Church of San Agustin, Manila


Una nga Simbahan: A UNESCO World Heritage Site; The Church of San Agustin, Manila


Nahuauna nga Estasyon: Si Jesus gintugyan sa kamatayon


Nagasimba kag nagadayaw kami sa Imo, O Jesus, kay bangud sang imo krusgintubos Mo ang kalibutan.

Pamalangdunga si Jesus nga nagbaton sang mapait nga kamatayon agodmatubos kita sa sala. Ang mahal nga Dugo ni Jesus iga-ula para sa aton.

Ginoo, hugasi sang Imo Dugo ang akon mga sala, kag buligi ako sa pagbatonsang Imo Santos nga Pagbulot-an.

Amay namon…Maghimaya ka Maria…Himaya sa Amay…

Ginoo, nakasala kami kag nagahinulsol kami. Maluoy Ka sa amon.

Sabat: Ginahukman sang Ginoo ang mga di’matuod kag di’matarong; angkabuhi mapatay, Di’itugot, O Ginoo nga paghukman ko ang tawo, Kaluoyan Mo ako.


Ikaduha nga Estasyon: Si Jesus nagpas-an sang Krus


Nagasimba kag nagadayaw kami sa Imo, O Jesus, kay bangud sang Imo krusgintubos Mo ang kalibutan.

Pamalangdunga si Jesus samtang nagapas-an sang Krus nagahunahuna sang tagsasa aton kag ginhalad Niya sa Iya Amay and lya gin-antus tungod sa aton.

O Jesus ko nga hinigugma, akon man karon ginhakus ang tanan nga mga alantuson,nga Imo igapadala sa akon, tubtub sa kamatayon.

Apang nagaampo ako sa Imo, nga Imo ako hatagan sang grasya sang pagpailub.

Hatagi ako sang grasya sa paghigugma sa Imo, kag himoa sa akon suno sa Imokabubuton.


Ginoo, nakasala kami kag nagahinulsol kami.

Sabat: Malisud ini nga dalan kag ang krus ang Imo lulan bangud sa kabug-at sangsala. Manunubos, pas-anon ko ang napat-ud gid nga krus ko; bulig Ka sa pagdala.


Ikaduha nga Simbahan: Church of the Black Nazarene, Quiapo


Ikatlo nga Estasyon: Ang nahauna nga pagkadagpa ni Jesus


Nagasimba kag nagadayaw kami sa Imo, O Jesus, kay bangud sang Imo krusgintubos Mo ang kalibutan. Pamalandunga ang kasakit ni Jesus, sangmadagpa Sia sa idalum sang krus. Ang Iya lawas puno sang pilas, tungodsang madamo nga paghampak nga Iya nabaton kag tungod sang korona ngatunokon nga nagdulot sa Iya ulo.

Maluya gid Sia kaayo, kag daw dili na Sia makalakat, apang ang Iya gugma saaton naghatag sa Iya sing kabaskog sa pagpadayon sa paglakat.

Jesus ko, dili ang kasakit ni Jesus, sang madagpa Sia sa idalum sang Krus.Ang Iya lawas puno sang pilas, tungod sang madamo ngapaghampak nga Iyanabaton kag tungod sang korona nga tunokon nga nagdulot sa Iya ulo. Maluyagid Sia kaayo, kag daw dili na Sia makalakat, apang ang iya gugma sa atonnaghatag sa Iya sing kabaskog sa pagpadayon sa paglakat.


Jesus ko, dili ang kabug-at sang Krus, kon dili ang akon mga sala angkabangdanan sang Imo pagkadagpa. Jesus ko, tungod sang Imo gin-antus,hatagi ako sing grasya sa paglikaw sa sala kag dili itugot nga mahamulag akosa Imo. Hatagi ako sang grasya sa pahhigugma sa Imo, kag himosa sa akonsuno sa Imo kabubot-on.



Sabat: Ang sala ang kabangdanan sang kaluya sang Gamhanan sa idalom gidsang krus. Ang kalag matuod handa, apang ang unod maluya: Baskuga ako,Jesus


Ikap-at nga Estasyon: Ang pagkitaay ni Jesus kag sang iya Iloy



Pamalandunga ang kasakit ni Jesus sang iya gintan-aw ang Iya labinghinigugma nga Iloy nga masinulub-on, kag pamalandunga man ang kasakit niMaria nga daw isa ka bangkaw nga nagpilas sang iya tagipusoon, sang iyanakita ang iya diosnon kag walay dagta nga Anak.

O Jesus ko, tudloi ako sa paghigugma sa Imo, kag sa akon isigkatawo, ngagintubos sang Imo Mahal nga Dugo. Hatagi ako sang grasya sa paghigugmasa Imo, kag himoa sa akon suno sa Imo kabubut-on.



Sabat: O Iloy sang Manunubos, ‘nano ang ginbatyag nimo pagkakita sangAnak? Ginatuman ang pagtagna nga pinulong sang Propeta: “Lapsan ang imokalag.”


Ikatlo nga Simbahan: Church of San Sebastian, Quiapo.


Ikatlo nga Simbahan: Church of San Sebastian, Quiapo


Ikalima nga Estasyon: Si Simon Cireneo nagbulig kay Jesus sa pagpas-an sang Krus



Pamalandunga nga sang nakita sang mga Hudiyo nga si Jesus daw dili namakadangat sa Bukid sang Kalbaryo, ginpilit nila si Simon Cireneo sa pagpas-an sang Krus ni Jesus.

Jesus ko, buot ko nga mangin kasubong ni Simon Cireneo. Buot ko nga pas-anon ang krus nga Imo ipadala sa akon, dili sa pilit, kon dili upod sang dakunga paghigugma.

Buot ko man buligan ang akon isigkatawo, sa pagpas-an sang ila krus, sasining kinabuhi, suno sa akon masarangan. Gina-impon ko ang tanan ko ngamga pag-antus, sa Imo mahal nga kasakit, agod madangat ko ang balus salangit.


Hatagi ako sang grasya sa paghigugma sa Imo, kag himoa sa akon suno saImo kabubut-on.


Ginoo, nakasala kami kag nagahinulsol kami. Maluoy Ka sa anon.

Sabat: Si Simon nga Cireneo, ginapilit sang berdugo magdala sang SantaKrus. Agod akon man mapas-an ang mabug-at ko nga lulan, lig-ona ako,Jesus.


Ikan-um nga Estasyon: Si Veronica nagpahid sang Santos nga Nawong ni Jesus



Pamalandunga ang daku nga katutom ni Veronica. Waay sia nahadlok sa mgasoldado kag ginpahiran niya ang nawong ni Jesus nga puno sang balhas kagdugo. Kag si Jesus nagbalos sa iya sa pagpatapik sang Iya dagway sa panyoni Veronica.


O Jesus ko, tudloi ako sa isigkatawo, kag sa pagsimba sa Imo sa atubangansang mga tawo sa waay kahadluk ukon kahuya. Hatagi ako sang grasya sapaghigugma sa Imo kag himoa sa akon suno sa Imo kabubut-on.



Sabat: Ang babayi nga maligdong nagapahid sang nawong Mo: silimbahonnga guya. Sadto ang kalag ko ‘tinlo ginhugasan sang Dugo Mo; akon langnadagtaan.


Ikap-at nga Simbahan: Our Lady of the Pillar, The Imus Cathedral, Imus, Cavite


Ikapito nga Estasyon: Ang ikaduha nga pagkadagpa ni Jesus



Pamalandungan si Jesus nga nakadagpa liwat tungod sang kabug-at sang Krus.Apang ang Iya gin-antus dili ang kabug-at sang krus kon dili ang kabug-at sangakon mga sala. Nakita Niya nga may madamu nga magaliwat-liwat sapagpakasala kag ang hunahuna sini nagpabug-at sang Iya krus.

O Jesus ko, tungod sang Imo pagkadagpa, pabangona ako kon mahulog ako sasala, kag buligi ako sa paglikaw sang mga kahigayunan sa pagpakasala. Kaluoyiako kay maluya gid ako, kag mabaskog gid kon kaisa, ang mga pagsulay sangyawa kag sang madaya nga kalibutan.

Hatagi ako sang grasya sa paghigugma sa Imo, kag himoa sa akon suno sa Imokabubut-on.



Sabat: Malisud Imo lalaktan kag mabug-at Imo lulan; lawas Mo maluya gid. Angkaluya Mo saligan nga kusog paga-ihatag sa nahulog sa sala


Ikawalo nga Estasyon: Si Jesus nagpamulong sa mga babayi nga taga-Jerusalem



Pamalandunga ang mga pulong ni Jesus sa mga babayi nga nagatangis sang ila nakita si Jesus nga ginhukman sa kamatayon sa krus bisan waay Sia sing sala: “Mga babayi nga taga-Jerusalem, dili kamo magtangis tungod sa akon, kundi tungod sa inyo kag sa inyo mga anak”.

O Jesus ko, ining mga pulong angay man sa akon. Ako ang kabangdanansang Imo kasakit. Daw ano ka daku ang kalaw-ay sang paglalis ko sa Imo mgasugo, sa tapos Mo ako ginpakitaan sang Imo gugma, tubtob sa kamatayon sakrus. Tudlo-i ako sa pagtangis sang akon mga sala


Hatagi ako sang grasya sa paghigugma sa Imo, kag himoa sa akon suno saImo kabubut-on.



Sabat: Dili lang ako tangisan, kundi inyo kasaypanan kag sang inyo kabataan. Kay Jesus ako makuha paghinulsol nga matuod, sa pagtangis sang sala.


Ikalima nga Simbahan: The 1,000 year old Church of Trémolat, France


Ikasiyam nga Estasyon: Ang ikatlo nga pagkadagpa ni Jesus



Pamalandunga ang kapintas sang mga soldado kay Jesus nga nag-antus sing daku nga kaluya kag kauhaw, kag dugang pa diri, ang mga pilas nga nagpunosang Iya Mahal nga Lawas.

Jesus ko, tungod sang kaluya nga Imo ginabatyag, hatagi ako sang kabaskog sapagdaog sang akon kailigbon, kag sa pagdaug sang akon katamad kag kaluya, sapag-alagad sa Imo.

Hatagi ako sang grasya sa paghigugma sa Imo, kag himoa sa akon suno sa Imo kabubut-on.



Sabat: O Jesus nga Magbubuhat, sang tanan mga binuhat, yara Ka nagahulat. Masami ako mahulog sa sala, Jesus, magdulog kag ako patinduga


Ikapulo nga Estasyon: Si Jesus gin-ubahan sang Iya panapton



Pamalandunga ang kasakit nga gin-antus ni Jesus sang gin-ubahan Sia sang ngasoldado sang Iya mga panapton. Ang iya mga pilas naglukmat kag ang Iya Mahalnga Lawas napuno sang dugo.

O Jesus ko, dili lamang ang kapintas sang mga soldado ang nagsakit sa Imo, kondili ang kapintas sang akon sala. Tungod sang kasakit kag kaluya nga Imoginbatyag, hatagi ako sang grasya sa paglikaw sa sala, labi na sa pagpanaputsing dili maligdong, kag luwasa ako sa kalipayan, nga makadaut sa akon kaputli.


Ipadukot ang handumanan sang Imo mga pilas, sa akon hunahuna, agod dili akomakasala liwat. Dili Mo itugot, nga mahamulag kami sa Imo.

Luwas sa Imo, waay sing paghidait kag matuod nga kalipay. Hatagi ako sanggrasya sa paghigugma sa Imo, kag himoa sa akon suno sa Imo kabubut-on.



Sabat: Sang mapintas nga kaaway, ginalansang Ka sa kahoy, Ikaw nagpatawadlang. Ang kaaway ginpatawad; ginpasaulo ang makawat; kag gin-ampo nimo man.


Ikan-um nga Simbahan: The Cathedral, Basilica of Notre Dame, Montréal.


Ikanapulo kag isa nga Estasyon: Si Jesus ginlansang sa Krus



Pamalandunga si Jesus nga subong sang mahagup nga Kordero nagtuman sangtanan nga ginsugo sa Iya sang mga soldado nga mabangis. Nagdupa Sia sa Krusagod ilansang ang Iya mga kamot kag tiil. Ining labing daku nga kasakit nga Iyagin-antus sa tatio ka oras ginhalad Niya sa Iya Amay agod patawaron ang atonmga sala kag mabuksan liwat ang langit sa magatuo kag magasunod sa Iya mgagintudlo.

Jesus ko, ilansang ang akon tagipusoon sa Imo tiilan, agod magpabilin dira sapaghigugma sa Imo

Ipadukot ang handumanan sang Imo mga pilas, sa akon hunahuna, agod dili akomakasala liwat. Dili Mo itugot, nga mahamulag kami sa Imo.


Luwas sa Imo, waay sing paghidait kag matuod nga kalipay. Hatagi ako sanggrasya sa paghigugma sa Imo, kag himoa sa akon suno sa Imo kabubut-on.



Sabat: Sang mapintas nga kaaway, ginalansang Ka sa kahoy, Ikaw nagpatawadlang. Ang kaaway ginpatawad; ginpasaulo ang makawat; kag gin-ampo nimo man.


Ikanapulo kag duha nga Estasyon: Si Jesus napatay sa Krus



Pamalandunga si Jesus nga sa tapos ang tatlo ka oras nga yara Sia nalansang saKrus, nagduko sang Iya ulo kag namatay.

Jesus ko, nagahalok ako sa krus diin Ka napatay, tungod sang Imo pahigugma saakon. Ako kuntani ang dapat mapatay, sang isa ka talamayon nga kamatayon, tungod sang akon mag sala, apang nagalaum ako sa pahigugma sa Imo. Buot komaghakus sang Imo krus, kag ihalad sa Imo ang akon kabuhi sa oras sang akonkamatayon.

Hatagi ako sang grasya, sa paghigugma sa Imo, kag himoa sa akon suno sa Imo kabubut-on.



Sabat: Ang kasakit di matugma, di’maasoy Imo gugma sang nabitay Ka sa krus. Pag-itugot sing maalwan gugma Mo akon balusan, hinigugma ko’ng Jesus.


Ikapito nga Simbahan: UNESCO World Heritage Site; The Primate Cathedral of the Americas, The Basilica of Santa María la Menor, Santo Domingo.


Ikanapulo kag tatlo nga Estasyon: Ang bangkay ni Jesus gintaltal sa Kruz



Pamalandunga ang Mahal nga Lawas ni Jesus sa sabak sang Iya masinulob-on nga Iloy, sa tapos gintaltal sang iya duha ka gintutun-an, nga amo si Jose kag siNicodemo.

O Iloy sang akon Manluluwas, tungod sang paghigugma Mo sa Imo Anak, batunaako nga Imo man anak kag igampo ako sa Iya. Kag Ikaw, O Jesus ko, Manunuboskag Dios ko, ihatag sa akon ang pagkilala kag paghilulsol, sang akon mga sala, kag himoa sa akon suno sa Imo kabubut-on.



Sabat: Ang Iloy pasalamatan kay daku, daw kadagatan, ang kasakit, kasubo. O Iloy sang paghigugma, sang kasakit sang kaluoy, pangayuon mo ako.


Ikapulo kag apat nga Estasyon: Ang paglubong kay Jesus



Pamalandunga nga ang bangkay ni Jesus nga ginlubong sang iya mga gintutun-an kag ni Maria nga iya Iloy, nabanhaw sing mahimayaon sa ikatlo ka adlaw.

Jesus ko, nagatuo ako sa Imo nga akon Dios kag Manluluwas, kag nagalaum ako,nga tungod sang Imo kamatayon kag pagkabanhaw, mabanhaw man ako singmahimayaon sa katapusan


Hatagi ako sang grasya, sa paghigugma sa Imo, kag himoa sa akon suno sa Imokabubut-on.



Sabat: Si Jose kag Nicodemo naglubong sang bangkay Nimo, di’madugaybanhawon, Himulatan ko, Ginoo, magkabuhi sing maayo; ako man pagbanhawon.


Pangamuyo

O Dios, Amay nga makagagahum, ginahalad ko sa Imo ang mga kasakit, angkamatayon ni Jesus nga Anak Mo kag Manunubos.

Batuna, O Amay ko, ini nga halad, nga bayad sang akon mga sala. Ang dugo niJesus nagatu-aw sa Imo, sa pagpangayo sing patawad. Busa, nagalaum ako, ngaImo ako patawaron.

Dios ko, gintuga Mo ako sa Imo mga kamot. Indi pag-itugot nga matamay iningImo ginbuhat. Ginbuhat Mo ako agod ma-agum ko, ang palanubli-on nga kalipaysa langit; kag bisan gindula ini nga palanublion, tunod sang akon mga sala, gin-uliini liwat sa akon ni Jesus nga nagtubos sa akon.

Busa, Amay ko nga maluloy-on, nagalaum ako nga sa oras sang akon kamatayon,Imo ako pasudlon sa langit, sa pag-agum sang palanublion nga himaya, tungodsang kamatayon ni Jesuskristo nga akon Ginoo. Amen



Kon may mga suhestyon ka kon paano namon mapanami ang imopagpamalandong, palihog ipadala ang imo mga ideya kagrekomendasyon sa e-mail:

[email protected]


Salamat!Francis Dimzon, isa ka Professor sa University of Philippines,Visayas sa Miagao. Siya nagbulig lubad sa Hiligaynon kag Tagalogsang iban nga mga bahin sang sini nga materyal.

Ang Metropolitan Cathedral of Our Lady of Candles, Jaro, Iloilo City para sa mgapangamuyo sa Hiligaynon nahanungod sa Via Crusis

Nilo Jimeno: friend, pilot, facilitator & discoverer

Jomarie Acallar: friend, navigator, facilitator, discoverer

bisita iglesia 2015 - bersyon ilonggo/hiligaynon

Documents