Pamantalaan sa mga Bisayang Kiwi Unang Isyu 2013

HAGIT SA KBNZ, HALAD SA STO NINO Sa duha na ka tuig, ang KBNZ naghimo’g pasundayag sa Pista sa Sto Nino de Cebu sa ikatulong Dominggo sa Enero. Si Ado Flores, tsir sa imbitasyon sa ‘cultural presentation’ sa tigpasiugda sa pista, naghangyo sa KBNZ sa pag-apil sa kalihukan karong Enero 20 sa North Shore Event Centre, North Shore, Auckland. Gikauyonan sa mga opisyales sa KBNZ ang pag-apil karong tuiga apan kini dili pupareha sa sayaw nga gibuhat sa 2011 og 2012. Ang presentasyon sa KBNZ usa ka ‘flash mob’ diin ang grupong KIS maoy mo-una ug sayaw sa huning, “Bamboo Swing” nga gimugna ni Pangulo Mel B Libre. Sundan dayon sa mga grupo nga taga-KBNZ og uban pa nga gi-imbitar.

Si Jam Parado ang choreographer sa miaging mga sayaw sa KBNZ naghimo’g orihinal nga sayaw, nga gibuhatan og mga video diin ang KIS naghulagway sa maong sayaw. Gipakatap ang maong mga video aron makat-unan ang pagsayaw. Giawhag ang tanang sakop sa KBNZ sa pag-kat-on sa sayaw uban sa ilang maporma nga grupo og pag-uban sa ‘general rehearsal’ sa Enero 17 (Huwebes) human sa misa sa Good Shepherd Parish, Balmoral og sa bisperas sa pista (Enero 19) adto sa North Shore Event Centre. Ang “flash mob” bag-ong pamaagi sa pagsayaw diin kinalit og buhat sa mga tawo nga dili mailhan nga nag-praktis diay daan. Duha sa mga ehemplo niini ang gibuhat sa Blackeyed Peas atol sa birthday ni Oprah Winfrey og sa inilang Dancing Inmates sa Sugbu nga nalakip sa DVD ni Michael Jackson. “Kining Bamboo Swing flash mob hagit sa KBNZ aron mapakita ang atong panaghiusa og talent, og usab agi’g pasalamat sa Snr Sto Nino sa mga grasya nga iyang gihatag sa atong kapunungan og sa atong isig ka kinabuhi,” ingon si Pangulo Mel, “maong join na ‘ta, kay mas lingaw gyud sa KBNZ.” Gihangyo ang mga sakop nga moapil sa pag-email sa: librelaw@yahoo.com para ma-coordinate ang pasundayag.

SALAMAT, NAHINAYON ANG PASKO

Sa Disyembre 23, 2012, ang mga Santa Claus ming-abot. Ang mga gasa nadawat. Ang mga pagkaon giapod-apod. Ang mga talento naghatag og kalingawan. Og sobra sa usa ka gatos ang mi-atiman sa mga 23 ka mga bag-ong abot (wala’y labot sa ilang mga anak.) Ang tulumanon minglakip niining mosunod: -Jojo Taghoy ming-istorya sa kalisud sa iyang naagian isip bag-ong abot -Ang kadaghanan miuban og awit sa mga daygon nga gipanguluhan nila ni Me-el of TaYo presents Eli, Isabela Caballero and Jeydi Parado og sa T-Kids sa St Mark’s Pakuranga. -Sila si Ching Mandawe og Maylaine Cerna naghimo’g kalingawan pinaagi sa “Quiz” nga duna’y mga ganti -Tulo ka mga batan-on sa Henderson Intermediate School gihatagan og pasigarbo ni Elmer Cerna. -Nakatilaw gayud ang tanan sa lami nga mga putahi sama sa pork barbecue, pan de sal, maja blanca og uban pa -Ang KIS og ilang mga higala mikanta og sayaw sa makalingaw kaayo nga “Dance 4 Life Concert. Salamat sa YFC Moses Wanted Crew, SKSA KPop Dance Crew, Errin C/Alistair Serrao, Vince Sacay og Dicdic del Castillo. -Ang mga bag-ong abot gihatagan og di minos sa duha ka mga gasa nga gidala sa mga Santa Claus. Salamat sa Santa Team ni Rosendo og Claudia Menchavez, Debbie Libre og Fara Ortiz nga nag-apod apod sa mga gasa -The tulumanon natapos sa paghulagway sa tanang nangapil, nga puro nag-ngisi, pasabut nga nalingaw sila sa giandam sa OG: Open Gathering. Salamat sa tanan, nahinayon ang Pasko.

Editoryal:

Pit Senyor! Pit Senyor kang nanay kini Pit Senyor kang tatay kini Pit Senyor kang dodong kini Pit Senyor kang inday kini. Sa una, ang pista sa Sto Nino sa Sugbu anaa sa Basilica de Sto Nino saulogon. Daghang mga taga-probinsya mosimba og usab mobisita sa milagrosong imahen nga gihatag ni Fernando Magallanes ngadto ni Hara Juana. Dihang naghimo na’g Sinulog sa kadalanan, nausab ang pista, kay samtang daghan gihapon ang manimba og manguban sa prosisyon, mas daghan ang manan-aw sa Sinulog. Gani diha’y panahon diin ang simbahan og ang Sinulog Foundation wala magkasinabut sa eskidyul og sa “commercialization” sa parade. Apan nasulbad ra sad ang mga problema. Karon nahimong usa sa kinadak-ang festival sa kalibutan ang Sinulog diin moabot sa usa hangtod sa duha ka milyon ang mosaksi niini. Maayo na lang kay tungod sa pipila na ka tuig nga pagdala niini ang mga organiser og mga kapolisan makapadagan sa dakong kalihokan sa hapsay nga pamaagi. Og tungod sa kalampusan sa Sugbu, ang mga Sugbuanon nga anaa sa gawas naghimo usab og ilang Sinulog. Nganhi sa Auckland, New Zealand, kapin na sa napulo sa tuig ang Sinulog Festival og kini nagkadako kada tuig. Ang mga manayaw dili sab bintahaan kay makita sa ilang mga saput og pag-Sinulog nga gitutukan gayud. Sa duha na katuig ang KBNZ mihatag og halad sa Sto Nino pinaagi sa sayaw. Dili lang kay lingaw ang pasundayag kon dili nahimo kining okasyon diin magkahiusa ang mga sakop sa nindot nga tumong. Karong 2013, ang KBNZ moapil na usab pinaagi sa “flash mob” diin ang KIS maoy mag-una sundan natong mga miembro sa KBNZ og uban pang mga grupo. Magpasalamat ‘ta sa mga nagpasiugda niining Sinulog sa Auckland, labi na nila ni Oscar og Miriam Batucan, mga Bisaya nga garbo nato sa KBNZ. Mag-uban ‘ta’g sayaw og siagit: “Pit Senyor kang nanay kini Pit Senyor kang tatay kini Pit Senyor kang dodong kini Pit Senyor kang inday kini!”

BISKIW Ginama sa Katilingbang Bisaya sa New Zealand Editor: Maylaine Cerna; Tigpamaba: Alvin Soniega; Adbiser: Mel B Libre

PANAHUM Ni Alvin Soniega

Sugbu - makalingaw jud! Daghan sa atong mga kadugo nga bisdak, maghinam-hinam gyud ug bisita sa Cebu sa panahon sa Pasko. Sama sa 3-in-1 nga kape, Pasko, Bagong Tuig ug Sinulog ang saulogon sa mga Bisdak nga sunod-sunod. Mao nga taas nga hudyaka ang matagamtaman sa atong mga igso inig tungtong na sa buwan sa Disyembre hangtod na sa Enero. Seguro karon nga panahona, tataw na kaayo ang pag pangandam sa Sinulog. Ang mga tindahan mamuwak na ug mga baligya sa kadaiyang gamit o dayan-dayan sa Sinulog. Molanog na ang mga bombo sa mga grupo nga buntag ug gabii pag ensayo sa ilang mga sayaw daplin sa karsada.

Ang simbahan sa Sto. Niño magpusisok na ang mga devotees, mamaligya-ay ug kandila, apil na pud ang mga mangungu-ot. Sakripisyo gyud tinuod kon mosimba sa Sto. Niño karong panahona, sington tamas ginhawa mura ug nagzumba, unya kay tungod sa kahuot, magtakilid na ka nga maglakaw aron makalusot. Apan nilibo gihapon ang moharong ug moantos aron mangaliyupo sa Patron sa Sugbu, mao nga sa akong tan-aw, pinangga gyud ang mga bisdak ni Sr. Sto. Niño.

Niining pipila ka mga gabii, nag sige ko ug susi sa Internet ug pangutana sa mga kaila kon unsa ang mga kalingawan sa Sugbu karon, kay lagi nag plano man ang akong banay sa pag bisita sa Sugbu karong buwan sa Hulyo puhon. Ang mga batan-on gusto ug beach resort ug shopping. Ang akong asawa, gusto mobisita sa mga igsoon ug ginikanan. Ako pud nag imbentaryo sa akong diving equipment kay naghinam-hinam nako nga mo langoy-langoy sa init ug tin-aw nga dagat. Apan sa wa pa ko malumos ug handuraw sa akong bakasyon, akong na siplatan ang makalingaw nga binuhatan sa atong mga politiko karon. Ang gobernadora imbis adto mag camping sa outdoors, tua siya sulod sa iyang opisina milukluk kay hadlok paphaon. Unya ang mayor ug ang kongresista mura ug mga bata mag labayay ug mga saway. Mao nga, mangagho na lang gyud ko ug tinagawog- haay naku! Maayo pa ang taga BBRC kay malingaw pa ang mga turista sa ilang sayaw, na karon ang mga pinireso mao nay garbo sa Sugbu, unya ang mga politiko - Shame on you! Pit Senyor!

A flash mob is a group of

people who assemble suddenly in a public place, perform an unusual and

seemingly pointless act for a brief time, then

quickly disperse, often for the purposes of

entertainment, satire, and artistic

expression. Flash mobs are organized via

telecommunications, social media, or viral

emails. – Wikipedia

Cebu’s Dancing Inmates could do it

KBNZ can DO. Form a group and join us on January 20, 2013 during

the Sinulog Festival in North Shore Event Centre. .

BALITA

Biskiw Christmas Party Haskang nindota sa atong Christmas Party. Daghan kaayo ang mingtambong, mora'g moabot 'tag 200 ka tawo. Gani si Emilie Shie ang kanhi consul general og si Paulo Garcia, ang consul general, mi-join nato. Lingaw kaayo ang mga nanaygon, ang mga kabataan sa Nativity Play, ang KIS, Silvertones og DJ DXTR. Puno gyud ang dance floor pag-disco. Lami ang pagkaon (salamat sa tanang nagdala), og daghan ang nakadaug og premyo sa raffles courtesy sa SMDC, NZ Home Loans-Northcote, Kiwi Superfood NZ Ltd og Agnes Brown. Nagmalampuson kita tungod sa atong pagtambayayong.

13th

Month Pay Gi-presentar ang petisyon para sa 13

th month pay nganhi sa New Zealand atol sa OG:

Open Gathering niadtong Disyembre 23 sa Blockhouse Bay Community Centre. Miingon si Pangulo Mel B Libre nga ubay-ubay na nga mga nasud sa kalibutan adunay 13

th

month pay para sa mga empleyado. Ingon siya, “Ang mga trabahante dapat lang nga hatagan og benipisyo labi na panahon sa pasko. Og dili mahadlok ang mga kompaniya kay kini makaminus man sa ilang buhis og usab ang kwarta mobalik man sa ekonomiya, kay kini gamiton man pagpamalit atol sa pasko.” Ang target mao nga makakuha og lima ka libo nga pirma una iduso ngadto sa mga Members of Parliament. Daghang mga ming-attend sa OG ang mipirma sa dokumento.

Bamboo Swing Ang KBNZ mangulo sa paghimo’g ‘flash mob’ atol sa Sinulog Festival sa Auckland karong Enero 20, 2013 sa North Shore Event Centre. Si Ado Flores, ang tsirman sa pag-imbitar sa mga grupo, nag-ingon nga ang KBNZ nahimo nang usa sa mga kinaham nga grupo tungod sa ilang maanindot nga presentasyon sa duha na ka tuig. Ang sayaw gimugna ni Jam Parado og KIS maoy mangulo niini. Aron ang mga sakop sa KBNZ makaapil naghimog mga video para pagkat-on.

Giawhag ang tanan sa pagporma og ilang grupo og mag-register sa: librelaw@yahoo.com. Giawhag ang mga sakop sa KBNZ nga mo-apil sa pagsulob og ‘yellow’ nga sapot. Palighug ug tuldok para makat-on: http://www.youtube.com/watch?v=wL0rJteu1i0&feature=youtu.be

PASALAMAT

OG/PALIHUG TABANG/DANCE 4 LIFE

Si Ching Mandawe ang tsir sa fundraising drive para sa mga biktima sa Bagyo Pablo sa Mindanao ming-awhag sa mga nanan-aw sa pagbarug og uban og sayaw sa sonata sa KIS, atol sa Dance 4 Life nga konsiyerto niadtong Disyembre 23, 2012 sa Blockhouse Bay Community Centre. May katarungan si Ching kay malampuson man ang kalihukan diin mokapin sa NZ$1,000 ang nadawat sa donasyon og halin sa tiket.

Ang nag-organisar sa konsiyerto mao ang tulo ka banay: Belleza, Esclamado og Ycong. Si Ferdie Esclamado nga maoy emcee nagkanayon nga dako silang magpasalamat sa mga mipasundayag, kay midawat dayon sa imbistasyon bisan duol na ang konsiyerto. Ang KBNZ og TawagAwit magpasalamat sa tanang mitabang: Main Supporter: Community Organisation Grant Scheme (COGS) Project Coordinators: Debbie Libre sa OG Ching Mandawe sa Palihug Tabang Mga banay Belleza, Esclamado og Ycong sa Dance 4 Life Performers: T-Kids of St Mark’s Pakuranga Me-el of TaYo presents Eli Jeydi Parado Isabel Caballero KIS (Kayth Ina & Shaine) YFC Moses Wanted Crew

SKSA: KPop Dance Crew Vince Sacay with Dicdic del Castillo Errin C with Alistair Serrao John and Cheenee Mandawe Speakers: Mikki Guantero Jojo Taghoy Emcees: Bro Mel B Libre Ferdie Esclamado Palihug Tabang Donors: Anonymous Amy Marissa

Liza Atkinsons Teresa Baclay & Family Ron & Irene Bate Myriam Benito Alma Biluan Pilar Boyle Lisa Carter Doctora Family Yvette Esplaguera Gail Cooke & Family Mr J G & Mrs C Golbi Hulu Family JC Trinni Madison Jojo Mandawe John Mandawe W Masong Josephine and Jerry Matiga AJ Talaid E Villaver Santa Clauses, OG Donors and Volunteers Rosendo & Claudia Menchavez Shirlie Zarate Mylvaganam & Family Gail Cooke & Family Ely & Minda Villaver Omar & Fiel Albinto Mel & DebbieLibre Cirila Ramirez Pilar Boyle Min Roche Jam Parado Fara Ortiz Liza Atkinsons Tessie Baclay Elmer & Maylaine Cerna

Dexter & Love Ycong Romy & Annie Loay Ramon Tunacao Lala Bonilla Peter & Jamelle Gayaman Steve & Myriam Benito Ray & Shie Babaran Chico & Elvie Duhig Boboy & Joy Caballero Honey Rasalan Sharlene Pacaigue Evelyn Rivera Cecille Muhal Alfred & Merced Belleza Jenny Esclamado Bernie Supelana Kim Angelo Libre Stella Solon Ray & Shie Babaran Rowena Lao Cheryl Carisosa Efren Montilla Alvin Soniega Roland & Chichi Abadingo Ron & Irene Bate Nani & Ching Mandawe Victor Hebia Ma Krizia Ledesma Mel Elijan Libre Pinoy Grill Migrant Action Trust Kiwi Superfood New Zealand Ltd. Photographers: Boboy Caballero Rey Parado Rosendo Menchavez Alfred Belleza

Hinaut nga pasayloon kami sa mga mitabang nga wala masulat dinhi.

Sa tanan, ang grasya sa Ginoo maana kaninyo!

TULUMANON SA 2013 Unang Miting

Ang mga opisyales sa KBNZ nagtigum niadtong Enero 6, 2013 sa Cornwall Park aron pagplano sa mga tulumanon sa kahugpungan sa 2013. Miingon si Pangulo Mel B Libre nga “ang mga aktibitatis nga pagahimoon dili aron lang nga dunay aktibitatis kon dili kay kini gikinahanglan og may kahulugan sa

kinabag-an sa mga sakop.” Ang mi-attend sa miting mao sila si: Alvin Soniega, Sendo og Claudia Menchavez, Mel og Debbie Libre, Chichi Abadingo, Tess Baclay og Dexter og Love Ycong. Ang banay Parado maoy nag-host sa miting. Gikauyunan sa maong tigum ang tulumanon sa KBNZ sa 2013: Enero Sinulog Marso Post-Valentine dinner/show Hunyo Annual General Meeting Agosto Semana sa Pinulungang Binisaya Fundraising Concert Disyembre Christmas Party OG: Open Gathering

MGA HULAGWAY

MGA HULAGWAY

DAGHANG SALAMAT

sa inyong suporta sa KBNZ sa 2012

Hinaut nga magpadayon kini sa 2013

Gikan sa inyong mga alagad: