田頭kah車頭屈尺國小/簡鴻綿

以早庄跤囡仔若外勞仔，時行來台北蹛工場，ka̋ng煮飯

tshuāā囡仔照顧老大人，趁錢才寄轉去厝鬥sann-thinn。見若過年

過節轉--來，查埔查某隨个koh攏穿甲pha-lih-phá-lih。看人穿鞋tioh襪，變kah跤尖手幼，予留踮故鄉手做甲結趼，

一箍烏loo-soo曝kah若烏鬼仔番，穿插無一个款的草地倯，想著足

厭氣的，講袂欣羨是hau潲的！

庄跤人天光做甲暗，做甲beh死beh活，kan-na換三頓飽！規

年迵天，tsiah等廿九暝通有紅包teh年，閣著看年兜會有人來討錢

無？Hiàng時起冬落冬攏相放伴的，鬥相共作穡袂當提工錢。少年

較愛媠，穿的抹的有是共布莊和賣搖鼓的先賒。

有錶仔才是袂講得希罕的。庄內有一口灶拄對海口搬來，後生

有對臺北寄錶仔予老的，毋知是青盲牛看無，抑是機器定故障，田

庄人孽潲，便路頭路尾拄著就刁工問：海口伯仔，這馬幾點ah？伊

suah逐遍攏用真重的腔口應講：「拄好tiām--khìr (恬--去)」。這

句話母，予踮tsng-kha過in無聊人生的鄉親，不時提來相謔。

出外是好是bái無人知，上無通食一个名，少年人相看相樣，

煞會相報拚起來都市。查某囝軟心，毋甘家己出外，放厝裡的人

leh受苦，若有兄哥未娶，嘛驚歹名；工課做kah一半，不時坐踮田

頭田尾那聽〈孤女的願望〉那吐大氣，暗時覕leh棉襀被裡吼。查

埔的心肝加真絚，厝裡穡頭濟無通讀冊，序大koh毋肯放人，in就半暝相招怙偷走的。

「阮一个叔伯大的身軀現都若予狗舐過，無半sián也數想beh 佮人去頂港。In遐的王哥柳哥就教伊偷夯肥料去賣，利用半暝才趨

去mooh；肥料kui袋mooh著會窸窣叫，暗時地靈輕緊出破。較鬼

頭鬼腦的，教伊一手那絞鐵馬的電火炤光，順紲崁袋仔搬振動的

聲；一手才那共肥料mooh上雙台的後座，厝內面若有人喝聲才應

講：咧修理孔明車的電火lah！」

社會組散文◎特優

有趁著錢，青峰仔記持猶不止仔好，若有人講著農家長農家

短，伊攏真興喋往過細漢蹛庄跤的代誌，家己那講頭koh那phue！聽著tse，李仔高雄雄想起做囡仔，in規家族仔的內衫褲攏穿肥

料袋仔做的：「有一遍，阮叔仔lim甲醉茫茫，半暝逐个攏睏了了

ah才轉來，家己摸去屜仔提內衫褲beh洗盪，好死毋死去hiannh著底線猶未拆好的布袋仔；等身軀拭好beh穿，哭爸矣褲跤煞nng袂過，現倒摔向，tshoh甲牙險歪去，規庄強欲予吵精神！有影有夠

無捨施的，幾若十年ah，到今猶hőng抾起來餾。」

李仔高青峰仔in庄內hit沿仔，攏是tsih載he無人有的日子袂

牢，姑不將才bih-bih-tshih-tshih綴人沿路唱著〈流浪到台北〉。

參tshit-thô伴、至親至愛kah土地分開，無奈來到人地生疏的異鄉

拍拚，in的心情和志氣，就寄佇〈田庄兄哥〉kah〈舊皮箱的流浪

兒〉的歌聲裡。

青峰仔in兜是散kah連肥料錢都無才調納，koh定愛糶粟青！共

人tshuah來相添tsah的所費開欲焦ah，紹介所猶引無著頭路，先佮

人去大橋頭做阿友的，鬥搬貨走車碌路，uan-na佇艋舺後驛飼蠓飼

幾若暝。

失栽培的出外囡仔，濟濟目色真好，烏手仔拄著貴人、踏著時

機家己做頭家，序細koh有通受較懸的教育；會曉守的若毋是有工

場欲「都更」，就是徛家佇市中心厝價大夯。真濟下港囡仔的艋舺

車頭，成做in對田庄起動出外人生、夢的列車的火車母……。

Tann農倉的田園有予政府徵收去做路、公共用地和特區的高鐵

站、航空城、科學園區無所不至，毋甘的自殺，毋願的猶咧抗爭；

好運的拄著都市計畫，就予留咧顧田頭、撋田塗的田僑仔抾著好額

人做。

田頭變車頭，予這頭kah彼頭交通加真利便，人kah人的距離，

逐項suah攏愈離愈遠。

34 35

乖孫的，來拜拜光復國小/張寶明

社會組散文◎優等

這改規个歇熱無閒　　(bô-îng-tshih-tshih)咧纏綴(tînn-tuè)阮彼兩个心肝寶貝囝，四界走傱(tsáu-tsông)咧寫塾題(sio̍k-tê)，比咧上班閣較忝頭(thiám-thâu)。不而過，一逝七月半轉去庄跤普

渡發生的代誌，煞袂記得規个歇熱的操勞。彼(he)記持猶囥佇頭殼

內，到今逐擺想起就若阿娘佇身軀邊講彼改的故事彼樣，害我心頭

酸酸軟軟愛賭強吞落目屎。

「阿明仔！恁普渡欲轉來無？」阿娘一通電話就共阮

　(tshuā)轉去庄跤--溪埔寮。「阿媽！阮轉來矣！」「俺(án)孫的！恁轉來矣喔！謼(hooh)！大甲攏袂認得矣呢！」心肝窟仔搐

一下( 　 　)，煞毋知欲按怎應：是真久無轉來矣。「來！來！

來！乖孫的，來拜拜。緊來拜阿公！」會記得阿爹過身前咧拖磨的

艱苦，閣是一陣毋甘對心肝頭來。「阿明仔，彼卦金、大銀佮九銀

攏三支，參(tsham)一縛(pa̍k)尺三、咖啡色的香挈(kheh̍)來尪架

桌(ang-kè-toh)頂囥。」阿娘看著我話就厚起來矣。「看著恁轉來

我的家婆仔性閣夯起來矣！這，拜公媽會使當做神明拜卦金、九

金、咖啡色的香，毋通提拜鬼魂的烏色香唅(hannh)！果子是拜奇

數的，厚子的林菝仔、柑仔蜜佮釋迦毋通拜乎(honnh)！啊！牲醴

(sing-lé)用雞、魚、肉三項就好。」伊一直講去敢叫(kánn-kiò)我攏袂曉；無意中影著伊咧共我兩个後生講話的面容，彼是緊欲傳教

的苦心，惜囝連孫的親情(tshin-tsîng)，干焦我這个心情若酸甜苦

澀做一改來的後生才看會出來。

「乖孫的，中晝食飽一下仔愛綴阿媽來媽祖廟普渡喔！阿明仔

你等咧　(tshuā)恁彼兩隻(tsiah)囡仔囝去共阿惜姨仔款一副拜媽

祖婆的金紙佮拜好兄弟的金銀紙。」阿娘用著威嚴的氣口閣交代：

「順紲款果子，毋通攅(tshuân) “招你來”的弓蕉、李仔佮梨仔；

抑是“旺旺來”的王梨唅(hannh)！」「阿媽，盍(khah)袂使拜彼

種果子？」「乖孫的，誠意款豐沛的物件予好兄弟仔食就好，毋免

招傷濟來啦！」講著這，是阿娘的專科，看伊自信滿滿的形影，

唌著彼兩个囡仔囝的好玄，得意的幸福飽滇著我心內。伊紲

落講遐的帶著(tài--tio̍h)用心的話語，老早嘛共囥佇我的頭殼內

矣。講拜媽祖婆的彼副愛用壽金、卦金、福金、大百(tuā-peh)壽金佮大百天金敆(kap)的五色金；若準普渡好兄弟的愛攢九

金、大銀佮小銀就會使矣，這我是熟甲若複習咧。

「阿媽！媽祖廟足鬧熱，拜拜彼(he)好食物仔嘛足濟的呢！

盍逐項攏插一支香？」聽著細漢後生咧問，阿娘用著小寡仔臭婸

的氣口講：「啊煞毋知影講：有插香的，好兄弟仔就會使孝孤

(hàu-koo)得的。」「啥物是孝孤？」臺語無啥輾轉(liàn-tńg)的大漢後生問。「孝孤本成是祭拜孤魂野鬼的意思，這馬是食物件

粗俗的講法啦!」「按呢！阮嘛欲孝孤！」看著知影講毋著話的

大漢孫，阿娘毋甘甲：「呸！呸！呸！囡仔人無禁無忌食百二！

咱毋通講孝孤！等若香燒三分一就來燒金，香燒過一半就來收拜

拜的物件，恁就會使挈(kheh̍)來食矣。」阿娘那安搭寶貝孫那招

呼　(in)：「來！趁司公(sai-kong)咧唸經緊來拜拜！」

當然，我彼兩个囡仔連鞭就會食著愛食的物件矣，阿娘嘛

佮伊的囝佮孫仔享受著人倫的快樂矣。這錢是買袂著，愛用心

拍破阻礙咱的時空才有法的，這時我煞佇媽祖婆面頭前下願(hē-guān)：阿娘！阮過年前會搬轉來佮你蹛，欲聽你親喙講專科，

永遠都毋愛佇我的心內聽你講矣。

36 37

難忘的中秋節三多國小/陳春美

彼年的中秋節，我臨時有代誌欲去台北市，因為趕時間就兇兇

狂狂去坐計程車。車才起磅，尻川就坐猶袂燒咧！司機先生就開始

踅踅唸：「『小姐！』恁少年人就毋通遐爾討債，咱若是趕時間，

毋就愛冗早出門，才袂時到日到趕tshuh-tshuh來開錢坐計程車，

真正是食米毋知米價？」坐佇後壁的我，就像一个小學生按呢聽伊

教示，因為伊愈來愈激動的話語，予我感覺猶是恬恬較無蠓。紲落

伊開始怨嘆天公伯仔對伊無公平，予伊帶著憂鬱症；後生閣是智能

障礙的囡仔，便若欲出門做生理，就愛用鐵鍊仔共伊鎖踮厝裡。聽

到遮，我的嚨喉管強欲滇起來。伊紲咧講：「阮彼个某實在是真夭

壽，去法院訴請離婚，講我睏甲半暝攑菜刀欲共伊刣，真正是有夠

譀，我愛睏藥仔食落去，欲哪會知影家己是咧創啥物？」陣陣的心

酸，對我的心肝頭一直濆出來。唉！哪會遮可憐啦！我略仔越頭看

對窗仔外，驚去予伊看著我津落來的目屎。「唉！抑若講甲恁這个

政府喔！真正是無天無良啦！我一月日才趁幾仙錢，共我抾稅無打

緊，閣磕袂著就共我開紅單，害我拚甲頭眩目暗，冮款是褲袋仔袋

磅子。」我想欲共伊講：「司機大兄！咱若驚予人開紅單，遵守交

通規則就無問題。」毋過，看著伊扞方向盤的手那捏那浮的青筋、

受氣的氣口，我知影伊有滿腹的不滿想欲敨放，我選擇干焦頕頭做

回應。「以早我若食愛睏藥仔，會當睏六點鐘、上無嘛三點鐘，毋

過這馬咧！我懷疑醫生偷秤頭，害我愛睏藥仔那食那無效。妳敢看

會出來，我已經三工無睏矣！」聽到遮，我的凊汗拚袂煞「啥？三

工無睏矣！」阿娘喂！我哪會遮爾好運啦！在來抑毋捌著過統一發

票抑是『樂透彩』。是按怎罕得虛華一擺，坐一下仔計程車，就去

著頭彩？唉！想欲落車去坐別台閣驚伊愈掠狂，只好乖乖仔繼續聽

伊喊喝伊的心聲。「『小姐！』我活甲真痛苦，足想欲目睭一瞌、

手一放、跤一蹔，死死咧較快活。」「哦！司機大兄！你毋通失志

社會組散文◎優等

啦！你會當揣社會局共你鬥相工啦！你……」我話講猶袂煞，伊雄

雄越頭笑笑講：「嘿！嘿！社會局的人來阮兜欲共阮囝tshuā走，

我騙in講囡仔予老母tshuā去矣，哈哈！其實我是先共伊藏佇別位

啦！嘿嘿！我有巧無？」伊的話，予我的衫褲那來那澹，有凊汗抑

有目屎。三十分鐘的路程，是我這世人上緊張刺激的一擺，這個過

程有驚惶有毋甘嘛有無奈。

車到位矣！我納了車錢，閣提出一千箍講：「司機大兄！我想

欲送你的囡仔食月餅，你緊轉去歇睏。」伊目屎含牢咧講：「毋通

啦！『小姐！』咱抑無熟似，我袂當提妳的錢啦！我緊講：「我是

欲祝你佮囡仔中秋節快樂啦！」錢予伊了後，我頭越咧就起跤走，

足驚予伊看著我的目屎。到『目的地』了後，朋友問我是按怎目箍

紅紅，我共伊講坐車的代誌，伊笑講：「妳真正是有夠好騙，人凊

彩tsuànn-tsuànn咧！妳就予人錢。」我講：「我顛倒希望伊是咧騙

我。」心內嘛怨嘆家己無才調予伊較濟錢。

尾仔，我參加大專盃文學奬的比賽，就共彼擺坐車的心情寫

落來，結果我得著第三名，提著六仟箍的奬金。自按呢！每年若是

到中秋節，我攏會想起彼件代誌，毋知司機大兄佮伊的後生過了好

無？

38 39

新北市好所在之一---滿月圓成功國小/廖聖涵

社會組散文◎甲等

我是一個真罕得去　迌的人，我無開公司，嘛無開工廠，更加

毋是做大事業的董事長，毋過毋知咧無閒啥，對拜一到拜五，若干

樂咧，連鞭晝連鞭暗，咻一下就過去矣！啊拜六、禮拜，做公益志

工，總感覺時間無夠用；我的好朋友梅仔，亭仔、枝仔冰、李仔鹹

常在咧招欲去　迌、　山，我攏無法度參加，因為早就予公益的代

誌先約去矣。

這一工亭仔閣咧講禮拜日欲去滿月圓，遐有三好一公道。三

好：環境好、空氣好、水質好；一公道：價錢公道，親像人間仙

境、世外桃源，無去是會後悔喔；我問講：滿月圓是佇佗位啊！

你喔，毋捌食過豬肉，嘛應該捌看過豬行路。李仔鹹半氣半笑按呢

講。我心內咧想，這句俗語應該愛改做：定定食豬肉，毋捌看過豬

行路啦。枝仔冰講：滿月圓佇咱新北市三峽區，你連這都毋知；好

啦！好啦！這擺的拜六禮拜拄好無代誌，在下會當佮恁去遊山玩水

啊！梅仔佇邊仔應喙講：按呢毋才著，干焦規工無閒無閒，攏毋知

外口的世界，你就咧欲成做軟跤蝦囉。是是是，感謝好友的忠告，

在下遵命。

今日是快樂的遊山期-----哇！心情有夠樂暢的，阮一行四、

五名，來到滿月圓的大埕，規路水聲、鳥仔聲咧歡迎我這个書呆，

青翠的樹仔嘛咧共我擛手；我共車的窗仔門絞落來，哇！空氣有

夠清涼，我大大下欶一下真鮮的空氣，閣呵咾滿月圓的空氣實在有

夠讚，李仔鹹笑笑咧講：喂！友的啊！猶未到滿月圓你就強欲茫去

矣，啊若真正到位咧，我看你喔----毋知變啥款囉！啊娘喂猶未

到就親像世外桃源、人間仙境，照按呢講滿月圓毋就是---我---

我---茫--去---矣。

總算看著滿月圓三大字，阮是好國民照規定買入門票，紲落

去著欲掀開伊的面紗囉！老師，等咧愛peh山路，你愛有心理準備

呢，梅仔按呢講；著啦既然來矣，閣較按怎嘛愛堅持落去，才袂予

人認為讀冊人攏是軟跤蝦，俗語講：輸人毋輸陣，輸陣歹看面，著

的代誌就是愛堅持。

聽講滿月圓是由滿月圓山、熊空南山、北插天山、卡拉山、東

眼山圍咧，形成親像滿月的月娘，所以才會號做滿月圓。螿蜍石排

佇lā仔溪的兩爿咧歡迎佇真遠來的貴客---涼涼涼、清清清的山水；

枝仔冰提議講：逐家既然來到遮，若無去一个所在，無算有來滿月

圓，亭仔佇邊仔咧偷笑，看伊的表情，我的心肝內已經感覺無啥對

筒，毋過愛面子的我當然嘛無欲認輸，問講：到底是啥物所在，講

甲遐爾神秘；亭仔講：「處女水沖」遐有真豐富的芬多精、負離

子、毋過有遐遠仔呢，你敢有法度；啥人咧驚，莫看貓仔無點，

行！向處女水沖出發！阮順山路柴做的樓梯，一步一跤印，誠無簡

單來到『目的地』---「處女水沖」我大大下欶一口氣喝一聲哇！

真濟人攏越頭看我，予我歹勢甲；空氣實在有夠讚，忍袂牢閣偷欶

幾若喙，哈哈攏無人知。　　　

有山有水，水沖的聲、田蛤仔的聲、蟲的聲、人嘛來鬥鬧熱

的聲、加上我心內的喝聲，真正是一幅人間仙境美麗圖樣，予我迷

茫，予我沉醉，不知不覺已經咧欲黃昏矣！抱著誠毋甘的心情，離

開人間仙境的滿月圓，再會啦！滿月圓！我永遠懷念你。

40 41

阿母皺皺的手汐止國小/廖崇仁

社會組新詩◎特優

阿母皺皺的手

是阮兜的向望 倚靠

厝間清氣 桌椅四序

白鑠鑠的衫 燒沸沸的飯

逐位攏有 阿母手晃振動的形影

天拄拍殕 阿母菜市仔做生理

目　仔秤重 目　仔包裝 目　仔搬貨　

規早起無時閒 講伊啉滾水都貧惰

過晝轉到厝 飯頓凊彩囫

抾厝內 洗衫褲 掃塗跤 拭桌椅

被單欲補手痠軟 數目那記那盹龜

阿母的雙手

共我飼飯 　我大漢

我若跋倒 共我牽起

飯若煮好 菜就上桌

針提起來 衫仔褲就補好

指頭仔催算 物件就揣著

手蹄仔借我 代誌就解決

我若鬱卒 伊就目睭安慰手那搭

附註：蜈蜞剝袂甪（lut）--意思是有如水蛭、螞蝗般緊緊吸附脫離不了

毋過 牽伊的手

阿母手蹄仔冷吱吱

阿母的手骨皮包骨

阿母的雙手 用粗皮佮皺紋做記號

牽伊皺皺的手 我的目屎輾輾滒

阿母的艱苦親像蜈蜞剝袂甪

阿母皺皺的手 像佛祖的手盤

予阮避風 予阮覕雨

伊的頭殼 若阮兜的百科書

伊的手骨 是阮規家團圓的桶箍

感恩阿母晟囝無所求

毋甘阿母皺皺的雙手

有孝阿母那通寬寬勢

拖年拖月毋知佇當時

42 43

永遠的記持大崁國小/田美瑜

ā　講我的阿母以早可能是美術老師，

畫圖有一定ê要求。

ā　講我的阿母細漢時真愛讀冊，

定定攏提頭名。

ā　講我的阿母足拍拚，

逐工刺膨紗，

就是為著伊的心肝仔囝。

ā　講我的阿母做外丹功誠厲害，

閣會升格變老師來教學生。

我講我的阿母就親像超人仝款，袂破病，

逐工無閒　　為著阮

一直到彼一工，

阿母佮以早仝款欲攢中晝頓的時陣，

講伊無爽快，無法度煮食，

-我的阿母破病矣。

ā　講我的阿母得著ê是　-　阿茲海默症，

ā　講我的阿母會失去記持，

會共代誌攏放袂記。

社會組新詩◎優等

毋過，我的阿母，你的心肝仔囝永遠會記得--

嘛會三不五時就講：

我的阿母足厲害，

定定會做四秀仔啖糝予阮食。

我的阿母誠認真

逐工唸國語日報的文章。

我的阿母真拍拚，

去老人大學學英語，

　家己孤一个坐飛行機對加拿大倒轉來。

我的阿母足感心，

雖然破病，毋過阿母猶是認真做代誌，

　 食飽的桌頂，一定共伊拭甲清氣清氣。

我的阿母誠予人感動，

用已經講袂輾轉的話，

佮伊掛心的兩个外孫仔開講。

ā　講我的阿母會失去記持，

毋過，我的阿母，

你的心肝仔囝永遠袂共你放袂記。

44 45

石拭仔重陽國小/唐明華

讀冊的時，你是我上好的知己。

你共我寫毋著的字拊掉，愛我重來閣寫一擺，

共我畫毋著的尪仔拊掉，愛我重來閣畫一擺，

你替我掩蓋做毋著的代誌，攏袂共我的秘密講出去。

老師呵咾我　畫圖、字誠媠，

攏毋知影我重新閣一擺的秘密。

扮公伙仔的時，我搬護士，萬靈丹就是你。

雕刻物件的時，你陪我刻一蕊花，送予心愛的伊。

你是我細漢的時，快樂的記持。

社會組新詩◎優等

春、夏、秋、冬一年過一年，

這馬的我，向望你踮阮身邊，

猶原親像細漢的時，

拜託你！共我講毋著的話，失覺察的主張，

拊掉、拊掉！予我有重新閣一擺的開始。

咱若猶是知己，愛相挺講義氣。

拜託你！拊掉阿爸出車禍彼一瞑，

拊掉我傷心的記持，予我的人生是一个圓。

46 47