dankbaar dinamiet op orania - · pdf filejoey van schalkwyk (gr. 12) ... ons wil net baie...
TRANSCRIPT
1
Die atletiek seisoen het aangebreek en ons
het sommer al sedert die nuwe skooljaar
aangebreek het, gees gebou deur al ons
atletiekliedjies te oefen. Al die kinders het
getrou vir „n hele week lank elke tweede
pouse kom sing en gees bou.
Toe breek die eerste atletiekbyeenkoms
aan. Ons het op 27 en 28 Januarie die
atletiek by CVO Orania bygewoon! Die
byeenkoms het die 27ste om 13:30 begin.
Vooraf het almal eers hulle gesigte laat
verf om in die gees te kom. Daarna het ons
almal op „n vragmotor geklim as deel van
ons optog na die atletiek. Orania CVO het
soos gewoonlik weer uitgeblink met hulle
optog en met perde en motorfietse daar
geparadeer en daar aangekom.
Dankbaar het deelgeneem as die oranje
span met „n leuse van „„Dankbaar is
dinamiet‟‟ wat ons wel later waar laat
word het…
Na n lang dag van atletiek is almal na die
swembad om lekker af te koel na die
besige dag. Juf. Deonie is skoon ingeduik
deur van die kinders. Die Dankbaar ouers
het daarna almal lekker gaan braai en die
aand saam geniet.
Saterdag moes almal reeds half sewe daar
wees. Ons het aangegaan met die atletiek
waar ons gister opgehou het. Baie van
Dankbaar se kinders het uitstekend gevaar.
Na die amptelike atletiek was dit tyd vir
aflos, „n gebeurtenis wat altyd groot pret
is, veral as die ouers en onderwysers eers
hulle hardloop tekkies begin aantrek, dan
moet jy weet hier kom „n ding.
Saterdag se atletiek was vroegmiddag
reeds klaar en daarna is almal weereens
swembad toe om te gaan afkoel na „n lang
dag van atletiek.
Elzaan Pretorius (Gr. 10)
Lees binne:
Orania Foto‟s 2
Hartjie-my-liefie dag 3
Gedigte kompetisie 4
Nuwe personeel 5
Vaarwel 6
Dankie kolom 7
Hengel 7
Volkspele 8
Bekende skrywers 9
Foto kompetisie 10
Majuba 11
Veiling 12
Reünie 13
Sport 13
Japsnoete 2012 14
Agtiende jaargang, Volume 1 Mei 2012
“Elkeen wat een van sulke kinder-tjies
ontvang in my Naam, ontvang My…”
Mark. 9;37
Telefoon 051-451 1334
Faksnommer: 0865709785
E-pos: [email protected]
Webtuiste: www.cvodankbaar.co.za
CVO Dankbaar
Posbus 17662
BAINSVLEI
9338
Dankbaar
Dinamiet op Orania
2
Links bo: JD in aksie met gewigtoot.
Links middel: Dankbaar is Dinamiet
Links onder: Geesbou
Regs bo: Dankbaar klim op die trok en om
vervoer te word na die atletiekbaan
Regs onder: Marli besig om te hardloop.
Orania
Foto’s
3
Hartjie-my-liefie-dag My hartjie my liefie die son sak weg, die
son sak weg, die son sak weg. My hartjie
my liefie die son sak weg, daar ander kant
die Blouberge.
Wat „n beter manier is daar om ons
hartjie-my-liefie dag anders te begin as
met die gepaste liedjie wat ons sommer
vroeg oggend met saalopening al gesing
het?
Van vroeg die week af al is almal
opgewonde oor die Hartjie-my-Liefie bal.
Daar is al lank voor die tyd rokke en pakke
gemaak vir die spesialeaand. Briefies is
geskryf vir daardie spesiale meisie en as jy
meer gewaagd is (dis mos skrikkeljaar) vir
die oulike ou! Pragtige gedigte is geskryf
en daar het klomp verskuilde talent onder
die skool se leerders uitgekom. Lees die
wengedigte bl .4.
Die heerlikste piekniekpakkies was te
koop en almal het die laaste periode hulle
gate uit geniet, op die gras met die
piekniek. Almal se briefies was toe
alreeds uitgedeel en jy kon orals die
opgewondenheid en verliefdheid in die
lug voel.
Joey van Schalkwyk (Gr. 12)
Die klok lui en elkeen spat in sy eie rigting
van die meisies na die haarsalon vir die
perfekte kapsel vir die aand, ander het nog
nie eers klere nie en is gou winkel toe om
te gaan soek en koop.
Die koshuiskinders was almal al redelik
vroeg daar, want hulle het sommer daar
gestort en aangetrek vir hierdie
opwindende aand. Die gevoel was
wonderlik.
18:30 het die motors daar begin aankom
met „n paar ouers wat nou eers „n foto wil
neem van haar dogter en die kêrel of van
haar seun en die meisie. Die kinders wat
daar was, het regtig elkeen baie mooi
gelyk.
Toe 19:00 aanbreek, vat elke seun sy
meisie aan die hand en gaan in vir die
eerste dans. Almal het die dans baie
geniet. Ons koshuismoeder en –vader het
self ook „n draai kom maak op die
dansbaan.
Die hoogtepunt van die aand breek aan
met die kroning van Mnr. en Mej. Hart.
Ons sê baie geluk aan Cobus en Michelle
wat met die
titel weggestap
het.
Die aand het
vir almal baie
vining verby
gegaan en toe
ons weer hoor
sê Juf. Deonie
alreeds „laaste dans almal‟.
Ons wil net baie dankie se aan ons graad
11‟s wat die reëlings vir dié heerlike aand
getref het. „n Spesiale dank aan elke
onderwyser, veral aan Juf. Gerty, Juf. Deo-
nie en Juf. Ilisna en elke ouer wat gehelp
het met die reëlings en die opmaak van die
saal.
Ludwick van Heerden (Gr. 12)
4
Gedigkompetisie
Daar bo is die lig die son,
o so mooi, so rooi
en hy kan darem looi.
Maar ek en my meisie
met „n vreeslike vry puisie
geniet die dag en nag.
Die nag is lekker sag
en die dag is vir vir lekker lag.
Die eende kwaak en die visse slaap.
Maar al wat oorbly is ek en my meisie
met die hengse vry puisie.
Jy is so mooi soos rooi.
Ek hou van jou
en as ek jou sien word ek flou,
baie gou.
Jy is my dag en my nag,
my lig in die duisternis.
As jy my soen word ek groen
en as jy my hand vashou
voel ek goed in my bloed.
Jy is my lewe,
jy gee my vrede,
jy is my toekoms
en my verlede.
Alles wat jy vir my beteken
die enigste persoon waarop ek kan reken
dit wat jy vir my is
kan geen ander persoon laat misgis.
Soos „n liedjie wat oor en oor
speel in my dop
is jy die heeldag in my kop
niemand sal ons saam kan stop
soos die bloed wat pomp
… in elke hartklop…
„n dag sonder jou
is baie moeilik om uit te hou
maar saam kan ons,
net dalk eendag trou
want jy lyk soos die perfekte vrou.
If you‟ll be my strong and steady
I‟ll be your soft and sweet,
you‟ll be my glass of wine
I‟ll be your shot of whiskey!
You‟ll be my sugarbaby
and I‟ll be your sweet ice tea
… I‟ll be your honeybee!
Somerson en engelsoene
Het jy dit al gevoel,
As die strale oor jou vel dans,
Wanneer die engele soene oor jou blaas.
Weet jy wat ek bedoel?
Wanneer die droëwind
Wegkruipertjie in jou hare speel
En die blydskap in jou oë skyn, helder geel?
Wanneer die vreugde jou laat lag soos 'n kleine
kind?
Of het jy al beleef
Hoe jou voete die ritme hou
Op die maat van voëls se gesang?
Weet jy hoe dit voel om op stille musiek te
sweef?
Nou vra ek jou weer, weet jy hoe dit voel?
As somersonstrale oor jou vel spoel
As jy in blouwater plons soos 'n klip
En engelsoene op jou vel val soos water wat
drup?
Afrikaans - Graad 4 - 6
Jean-Christiaan Bothma
Afrikaans - Graad 7 - 9
Evan Coetzee
Afrikaans - Graad 10 - 12
Reynard de Villiers
Engels - Graad 10 - 12
Ludwick van Heerden
Afrikaans - Onderwysers
Juf. Ilisna Nel
5
Riëtta van der Walt—kantoor
Riëtta is gebore in
Pinetown en het
grootgeword in Port
Elizabeth en
Bloemfontein. Sy
beskryf haarself as
energiek, gelowig, stil en getrou. In haar
vrye tyd sal sy stap, lees en kralewerk
doen. Sy hou graag vakansie in Santos,
Mosselbaai.
Dawie Naudé - busbestuurder en
faktotum
Baie welkom aan ons
nuwe busbestuurder en
faktotum, Dawie Naudé.
Mnr. Eben Swanepoel—Engels
Mnr. Eben is gebore
in Klerksdorp en het
op skool koor gesing
en gedans. Hy studeer
aan die Universiteit
van die Vrystaat en
UNISA. Hy beskryf homself as energiek,
passievol en gemaklik. Hy vereenselwig
hom met die arend wat hoog mik en
doelgerig is. Hy hou graag vakansie in
Kaapstad. Hy sê hy het nie baie vrye tyd
nie, maar as hy het, slaap hy graag, lees of
skryf aan sy boek.
Juf. Ilisna Nel—RTT
Juf. Ilisna is gebore in
Bloemfontein en het op
skool netbal gespeel, perd
gery en atletiek gedoen. Sy
studeer tans by die Sentrale
Universiteit van Tegnologie. Sy beskryf
haarself as laf, spontaan en ongeduldig. Sy
is lief daarvoor om gedigte en stories te
skryf. In haar vrye tyd sal sy lees, radio
(RSG) luister en skryf. Sy sal graag in die
Kaap wil vakansie hou.
Juf. Liza Edwards—Wiskunde
Juf. Liza is gebore in
Klerksdorp en het op
skool geswem, koor
gesing, debat gedoen en
ballet geneem. Sy het by
Stellenbosch en die
Universiteit van die Vrystaat studeer. Sy
beskryf haarself as optimisties,
taakgeoriënteerd en bietjie van ‟n introvert.
„n Baie interessante stokperdjie van haar is
kaasmaak. In haar vrye tyd sal sy
tuinmaak, met haar honde of papegaaie
speel of saam met haar man gaan stap. Sy
hou graag vakansie by die see.
Juf. Anna-Maria Flanegan—musiek
Juf. Anna-Maria is getroud met drie
kinders wat reeds almal uit die huis is. Sy
is lief vir lees, die natuur, musiek, kuns,
kwiltwerk en stap. Sy het vir nege jaar klas
gegee by die Universiteit en daarna gee sy
privaat onderrig in musiek. Sy het in
Harrismith grootgeword, maar sy is in
Holland, Tilburg gebore. Sy het ook „n
graad in Verpleegkunde behaal. Sy wou
egter nog altyd musiek studeer en sy begin
in 1994 daarmee.
NUWE PERSONEELLEDE
ADVERTENSIES
A5 (volblad): R 200
A6 (halwe blad): R 100
Klein (10cm x 7 cm): R 50
Kontak ons by
6
Mnr. Pieta Oosthuizen—Skoolhoof
Ons is baie gelukkig dat Mnr. Pieta ons
nie heeltemal verlaat het nie, maar
gelukkig net „n ander pos beklee. Mnr
Pieta het na 8 jaar as skoolhoof uitgetree
en is nou ‟n voltydse onderwyser.
Gedurende hierdie 8 jaar het Mnr. Pieta die
skool met „n ysterhand regeer en elke seun
se grootste vrees was om vir die
„Generaals“ te kyk. Mnr Pieta was nie net
„n skoolhoof nie, hy het in sy besige
skedule ook tyd gemaak vir rugby – of het
hy in sy besige rugby skedule tyd gemaak
vir skoolhoof?
Hy het in sy hoedanigheid as skoolhoof die
skool baie patrioties op elke terrein
verteenwoordig.
Baie dankie Mnr. Pieta vir al die goeie en
slegte tye waar meneer die skool se
belange altyd op die hart gedra het.
Ons hoop meneer geniet dit baie meer om
klas te gee as om die skool bymekaar te
hou en nog klas te gee ook.
Tannie Sienta—kantoor
Baie dankie aan tannie Sienta wat die
kantoor en kantoorwerk altyd met die
nodige grasie op datum gehou het. Tannie
het waarlik gehelp om alles onder beheer
te hou. Baie sterkte vir Tannie se aftydjie
op die plaas.
Oom Chris Visagie—busbestuurder en
factotum
Ons sê totsiens aan Oom Chris wat altyd
getrou die skoolbus bestuur het om ons na
al die plekke te neem waarheen almal altyd
moes gaan. Ons sal Oom mis en wens
Oom alle voorspoed en geluk toe vir die
toekoms.
Mnr. Pieter Bothma—Wiskunde
Ons sê totsiens aan meneer Pieter Bothma
wat die afgelope twee jaar se Wiskunde vir
graad 7 tot 9 en Wiskundige geletterheid
van graad 10 tot 12 asook tegnologie
klasse behartig het. Baie sterkte vorentoe.
Vaarwel
DIE PENDORING is elektronies
beskikbaar op ons webtuiste. Indien u dit
egter per pos wil ontvang, kan u inteken
teen R15 per eksemplaar of R40 per jaar.
Ons kan dit ook per e-pos vir u stuur.
Stuur u e-posadres aan ons by
REDAKSIE
Beskermheer
Mnr Pieta Oosthuizen
Redakteur
Juf Nienke Nieuwenhuizen
Subredakteur
Cobus Venter
Redaksie
Elzaan Pretorius
Joey van Schalkwyk
Ludwick van Heerden
Pietman Oosthuizen
Tarien Venter
7
In hierdie nuwe “Dankie” kolom wil ons
persone of instansies bedank wat „n
positiewe bydrae gelewer het. Ons vra u
om vrymoedigheid te hê om die skool in
kennis te stel as u iets vir die skool gedoen
het of weet van so iemand. Ons vra
verskoning as ons dalk u naam uitgelos
het. Stel ons asseblief in kennis sodat ons
die fout kan regstel.
In hierdie uitgawe bedank ons graag:
Mnr. Jean van Heerden vir die
uitverf en mooimaak van die
meisiesbadkamer en –koshuis.
Mnr. Fanie Venter wat aan ons sy
wa geleen het om vullis weg te ry.
DSS wat die terrein skoongemaak
het.
Mnr. Marius van Rooyen, baie
dankie dat jy Saterdag met die
atletiek op Excelsior, teruggedraai
het Bloemfontein toe om klappers
vir die pistool te kry.
Mnr. Theo du Plessis vir die stoel
vir die koshuissitkamer.
Mnr Koos Myburgh vir die DVD
speler vir die koshuissitkamer.
Mnre. Marius van Rooyen, Pieter
Marx, Me. Drienie Le Roux en
Annemarie Scholtz wat gehelp het
met die vervoer van ons atlete na
Bethlehem.
Alle ouers wat Vrydag, 9 Maart,
kom help het met die skoonmaak
en regmaak by die skool. Dit word
opreg waardeer.
Baie dankie aan Mnr. Wayne Paton
wat die leerling na die
buitelugskool vergesel het.
Baie dankie aan Mev. Valencia
Pieterse wat die grad-11 leerlinge
vergesel het na die leierskamp.
Baie dankie aan Mev. René Janse
van Rensburg vir die hulp met die
foto‟s van verlede jaar.
Baie dankie aan menere Willem
Venter, Fanie Venter en Pieta
Oosthuizen vir die rugbytoer.
Ons het op die 4de Februarie „n
hengelkompetisie gehou om te help met
die fondsinsameling vir ons nuwe
rugbyveld.
Die dag het aangebreek na „n lang gewag
vir baie mense. Die hekke het 05:00 die
oggend geopen, maar die mense het
alreeds van 04:00 af gestaan en wag sodat
hulle die perfekte plek kan kry om te gaan
visvang. Toe die hekke opgaan het almal
die lelike pad aangepak om by die
kompetisie gronde uit te kom. Baie van die
mense het eers „n bietjie vasgesit maar na
so „n halfuur was almal waar hulle wou
wees. Almal begin opslaan en regkry vir „n
dag van hengel.
Op die kop sewe uur gaan die sirene af en
die lyne begin trek. Daar was seker so 5
minute stilte en daar byt die eerste vis van
DANKIE KOLOM
Hengelkompetisie
8
die dag en die ys is gebreek. Almal het die
geleentheid gekry om „n vis te vang, al
was dit net „n ou kleintjie. Daar was ook
groot hengelaars wat die dam se tegnieke
ken en sommer van die begin af al groot
visse uitgetrek het.
Dit dag was nog jonk toe daar „n karp van
oor die 6 kg uitgetrek is. Dit het almal
aangespoor om te bewys dat hulle die
grootste vis kán vang. Die visse het toe
lekker gebyt tot so om en by 12 uur.
Daarna het dit baie stil en warm geraak en
almal het die koelte gaan opsoek. Toe die
klok drie uur slaan begin almal weer
hengel, maar nou het die wind begin waai
en dit het teen hulle getel.
Vier uur het die mense begin oppak en
inweeg. Dit was goed om te sien hoeveel
groot visse daar aangekom het.
Die hengelaar met die grootste baber, van
13,7 kg, het weggestap met „n kontantprys
van R 2000. Die hengelaar met die
grootste karp, van 6,3 kg, het ook
weggestap met „n kontantprys.
Daar was ook „n hele klomp gelukkige
trekkings. Om die waarheid te sê daar was
soveel gelukstrekkings dat elke persoon
met „n kaartjie iets gewen het. Dit was
veral vir die jongspan baie lekker.
Hierdie hengelkompetisie was verseker „n
reuse sukses. Dit het „n hele R15 200 vir
die rugbyveld ingesamel. Ons wil net baie
dankie sê aan elkeen wat bygedra het tot
die sukses van hierdie dag. Met „n baie
spesiale dankie aan ons wonderlike
skoolhoof, mev. Gerty van Aswegen.
Ludwick van
Heerden (Gr. 12)
Volkspele by die skool
Op Dinsdae is dit Volkspele
tyd! Daar heers natuurlik
gemengde gevoelens onder
die kinders as daar oor die onderwerp
gepraat word. Na pouse is dit die
hoërskool se beurt om te gaan tiekie draai.
Dit vat „n rukkie om almal uit die
wegkruip gate te kry, maar uiteindelik is
almal in die kring. Tannie Gerda Gutter
van Vleilaer in Brandfort kom help ons
met die passies en met tannie Sonja agter
die klavier verloop alles seepglad. Dit is
nie net die kinders wat met die polka en
skuifpassies sukkel nie, maar die
onderwysers maak net so hard foute soos
die kinders. Hiermee wil ons net vir tannie
Gerda baie dankie sê vir al die opoffering
en tyd wat sy sonder aarseling aan ons
afstaan. Baie dankie ook aan tannie Sonja
vir die tyd wat sy afstaan om vir ons
klavier te speel.
Volkspele dinee 10 Februarie 2012
Op Vrydagaand, 10 Februarie 2012 is daar
„n spogdinee aangebied om die nuwe
Beskermheer en Voorsitter van die
nasionale Volkspele beweging in te wy.
Terwyl prof. Raath (Beskermheer) en Oom
Mike Jacobs (Voorsitter) hul redes gelewer
het, is daar heerlik gesmul aan die vis-
voorgereg. Hierdie dinee is bygewoon deur
verskillende verteenwoordigers van
kultuurorganisasies en het ook
mediadekking soos Radio Rosestad,
Volksblad en natuurlik die Pendoring
gehad. Lede van die Jan van Riebeeck
volkspelelaer het „n paar van die
oorspronklike liedjies uit Sweeds vertaal
Volkspele
9
en vertoon en daarna het juniors van
regoor die Vrystaat opgetree. Uit hierdie
groep was daar „n paar skoolkinders
teenwoordig nl. Cobus Venter, Pedri Janse
van Rensburg, Rensche Janse van
Rensburg, Meri Cornelissen en Carien
Marx. Die kos was uit die boonste rakke.
„n Koningsmaal van Boerekos wat nie gou
vergeet sal word nie. Dit was voorwaar „n
suksesvolle en pragtige dinee.
Volkspele saamtrek 11 Februarie 2012
Die naweek van 10 en 11 Februarie was „n
besige naweek vir die wat in
Volkspelekringe rondgaan. Na die
suksesvolle dinee van Vrydagaand was
daar net so „n suksesvolle saamtrek die
Saterdagaand. Dit was Christiaan de Wet
Volkspelelaer se jaarlikse saamtrek. Laers
van regoor die land het die aand saam met
die Bloemfonteiners kom geniet. Die
persoon wat die verste gereis het vir die
saamtrek het van Springbok af gekom.
Die aand is waarlik geniet en die tweede
helfte is oudergewoonte afgeskop met
samesang. Tydens hierdie saamtrek is die
nuwe “Volkspele Paspoort” ook bekend
gestel om kwaliteit Volkspele te bevorder.
Baie dankie aan Christiaan de Wet se
mense vir die heerlike saamtrek
Cobus Venter (Gr. 11)
Op 2 Maart 2012 het ek die eer gehad om
die bekende skrywers Deon Meyer en
Marieta van de Vyver by die skrywersfees
in Kimberley te ontmoet.
Ek het die volgende vrae aan hulle
gestel:
1. Op watter ouderdom het u begin skryf?
Deon meyer: Proffesioneel op 36, maar
tegnies al in die hoërskool toe ek „n 60
bladsye opstel vir Afrikaans ingehandig
het.
Marieta van der Vyver: Van kleins af.
Op 6 het ek al my eerste storie geskryf.
2. Wie het u geïnspireer om te begin
skryf?
Deon Meyer: Ek glo aan persperasie nie
inspirasie nie. Ek het net „n drang in my
gehad om te skryf en moes net daarnaan
uiting gee.
Marieta van der Vyver: Digters soos
Antjie Krog en Breyten Breytenbach was
my groottste inspirasie toe ek begin skryf
het.
3. Persoonlik watter een van u boeke is u
gunsteling?
Deon Meyer: Geen een nie, almal is my
gunsteling. Dis nou soos om vir my te vra
watter een van my vier kinders is my
gunsteling. My boeke is ook maar vir my
soos my kinders.
Marieta van der Vyver: Die volgende
Bekende skrywers
10
boek is altyd my gunsteling. Dis tog
waarna jy strewe dat die volgende boek
beter sal wees as die huidige een.
4. Wie of wat is u huidige inspirasie?
Deon Meyer: Weereens kom die
perspirasie en nie die inspirasie nie.
Marieta van der Vyver: Die lewe en
dinge om my.
5. Kan ons binnekort „n nuwe boek van u
verwag?
Deon Meyer: Nee, eers weer seker so
teen April tot Desember 2013.
Marieta van der Vyver: Ja, dit sal iets
wees wat met die titel “onthou” te doen
het.
6. Hoe belangrik is onderwys vir „n kind
se skryfvernuf?
Deon Meyer: Lees bly die belangrikste.
Ja, onderwys is ook belangrik maar
verseker nie dié belangrikste faktor nie
Marieta van der Vyver: Baie, baie
belangrik. Dis waar jy tog die basis van
jou lees- en skryfvermoë vorm.
7. Interessante inligting oor albei:
Deon Meyer: Sy boeke word in 25
verskillende tale vertaal. Hy bly vir 6
maande van die jaar in Loxton in die
Noord-Kaap.
Marieta van der Vyver: Was eers „n
joernalis voor sy voltyds begin skryf het.
Op die ouderdom van 21 is haar eerste
boek gepubliseer.
Joey van Schalkwyk (Gr. 12)
FOTOKOMPETISIE:
(NATUURTONELE)
Die Pendoring hou „n foto-kompetisie vir
die volgende uitgawe. Jy kan enige
natuurfoto inskryf . Die tydstempel moet
op die foto wees. Sodoende beskerm jy net
jouself, want dan weet ons jy het die foto
geneem en nie iewers afgelaai nie. Moet
asseblief nie die foto redigeer
(“photoshop”) nie. Wanneer jy jou foto
inhandig, moet jy ook jou tema vir die foto
gee. Wees asseblief oorspronklik met jou
tema. Gebruik byvoorbeeld die
bewoording “God se goudpot elke dag vir
ons” vir „n sonsondergang. Die
kompetisie sluit 30 Augustus 2012. Slegs
leerlinge van CVO Dankbaar kan inskryf.
Die twee beste foto‟s sal in volkleur in die
Pendoring geplaas word, met die leerling
se naam. Daar is ook lekker pryse om te
wen. Vir meer inligting gaan sien vir Joey
van Schalkwyk.
11
Op 24 Februarie trek ons skoolbussie in
„n stofwolk by die hekke uit. Ons is oppad
om „n “ou wêreld” op „n nuwe manier te
gaan verken. Met elke kilometer wat
verbyrol op die meter word ons met hart en
siel ingetrek in „n wêreld wat ver lê, maar
tog so diep in ons menswees gewortel is.
Die eerste paar honderd kilometer ry ons
deur Vrystaat se plat, maar tog mooi
vlaktes. My hart word warm wanneer die
kinders in die bus lag en ontspan. „n Paar
sit getrou agter hul boeke en leer vir
Maandag se toetse. Maar kort voor lank
word hulle ook in die joligheid meegevoer.
Die pad is lank en die hitte ongenadig.
Gelukkig is die opgewondeheid groter en
beter. Dan iewers steek ons „n grens oor,
die Vrystaatse vlaktes verander in die
ongelooflikste landskappe van berge wat
trots hul plek volstaan. Ek vergaap my aan
die skepping. Die son wat stadig sy oë laat
hang en lang gape gaap. Ek groet hom vir
die dag en verwelkom die maan. Die lig
wat ons die laaste ent sal lei.
Dis al goed nag toe ons wiele die Majuba
gronde ingaan. Meteens het almal weer
opnuut krag en lus vir die naweek. Nadat
ons die beste kampplek gesoek het, is dit
„n geskarrel van „n klomp Vrystaters op
soek na flitse en tente. Dis nie „n ewigheid
nie toe pronk ons tente trots in „n sirkel.
Die vuurtjie brand, die water kook! A!
Boeretroos! Party van die dapperes het nog
genoeg krag om met fakkels die berg te
klim. Ander verken eerder hul slaapsakke.
Dis onbeskryflik wanneer jy koud uit jou
tent klim, die dou vars tussen jou tone, en
die son wat ons weer groet vir „n nuwe
dag. Wat maak „n kamp so lekker? Koffie
en beskuit.
Na almal se mae vol is, is dit tyd vir
parade. Dis perdekomando‟s en vlae. Dis
Die stem en Transvaalse volkslied.
Hoedervleis hardloop oor my hele lyf. Dis
ons volk, ons eie bloed wat vereer word.
Na die verhaal oor die slag van Majuba,
word waterbottels gevul en sonroom
gesmeer. Dit tyd vir die berg. En mense dit
is „n bérg! Dis „n straf en plesier tegelyk,
want sodra jy voel jy gaan sterf aan
asemnood sien jy „n ongelooflike uitsig en
kry nuwe moed. Tot my verbasing maak
ons dit almal in een stuk tot bo. Ons
verken die monumente en neem foto‟s.
Dan is dit weer die “groot trek” af.
Pootuit ontspan ons die res van die dag,
natuurlik met „n vleisie op die kole en „n
koue koeldrank vir lafenis. Toe die dag
begin einde toe staan is dit stort en hare
kam vir Cantus, die gróót gebeurtenis van
die kamp. Dis blikbekers wat kap op die
tafels, Tant Sakkie se boeredans, De La
Rey en Osbraai op Kromdraai so eie aan
ons volk.
Sondag word kamp opgeslaan en ons gaan
saam kerk toe. „n Swaarte oorval my hart
aan die gedagte om te groet. Die bussie
trek swaar weg. Vir oulaas sien ek die
Majuba berg. In my hart salueer ek elke
Boer, vrou en kind wat vir ons vryheid
geveg het. Die enigste woorde wat oorbly
om te sê is: “Ons sal lewe, ons sal sterwe,
ons vir jou Suid-Afrika”.
Juf. Ilisna
Oues– en jonges van dae verken Majuba
12
Ons lewer kwaliteit vleis direk van die
plaas.
Produkte:
· Lam
· Maalvleis
· Ouma‟s boerewors
· Sosaties
· „Patties‟
· Vark
· Gerookte vark (boud, eischbein en
ribbetjies)
Alle produkte word verpak en „vacuum‟
verseël volgens u behoefte.
Voorsien u eie bees- en wildvleis en ons
verwerk dit.
Aangesien vleispryse op weeklikse basis
verskil, kan u ons gerus skakel vir pryse.
Van verkope wat voortspruit uit hierdie
advertensie, word 7% kommissie oorbetaal
aan CVO Dankbaar.
Pieter 078 801 3516
Susan 071 770 0220
Ons hou ‘n veeveiling op
12 Junie 2012 by Tobie
Myburgh afslaers om
geld in te samel vir die
skool.
U kan op twee maniere ‘n
bydrae lewer. U kan u
vee bring en verkoop,
waar ‘n deel van die
kommissie aan die skool
gaan of u kan ook vee
skenk.
Vir meer inligting skakel:
Pieter Van Heerden
by
078 801 3516
Pieter Marx by
073 273 3957
BLESBOKFONTEIN
VLEISVERSPREIDERS Ons kwaliteit is ons trots
VEEVeiling
13
Reünie Glo dit of nie, maar Dankbaar is
hierdie jaar reeds
20 jaar oud.
Ons vier dit met ons jaarlikse
Reünie wat plaasvind op
13 Oktober 2012
Hou maar daardie aand oop,
want daar gaan groot fees
gevier word om Dankbaar se
20ste bestaansjaar te vier.
Ons begin die naweek met ons
Prysuitdeling op 12 Oktober.
Die Saterdagoggend is daar die
gebruiklike rugby en netbal wat
deel uitmaak van die reünie en
die Saterdagaand kan daar
uitgesien word na „n
fantastiese opvoering deur die leerlinge, „n ete en vei-
ling.
Skakel gerus die skoolkantoor
vir meer inligting.
Excelsior
Ons jaarlikse
streeksbyeenkoms het op 11
Februarie te Excelsior plaasgevind. „n
Heerlike bui reën het die vorige nag
uitgesak en „n pragtige sonskyndag het
aangebreek. Dit was reeds ons atlete se
tweede byeenkoms van die seisoen en „n
mens kon dit aan hulle goeie prestasies
sien.
Die topprestasie van die byeenkoms was
egter Michal Marx se 100 en 200m
naellope. Die 100m rekord is in 1999 deur
Hennie Geldenhuys opgestel en die 200m
rekord in 2001 deur sy broer, Helgaard.
Ons glo en vertrou dat Michal sommer
nog baie rekords hierdie seisoen gaan
breek en ons skool se naam hoog sal hou
op die atletiekbane van ons mooi land.
Ons skoolhoof, mevrou Gerty van
Aswegen, het self „n goeie prestasie behaal
toe sy op vernuftige wyse daarin geslaag
het om haar been van die vroue aflos
heelwat korter te maak.
Pietman Oosthuizen (Gr. 5)
betlehem
Die Vrystaat atletiekbyeenkoms op
Betlehem het gesorg vir lekker opwinding.
Op Vrydag, 2 Maart, was al Dankbaar se
atlete reeds vroeg aan die gang. Die bussie
het reeds om 05:00 van die skool af
vertrek, net om by „n vulstasie „n probleem
op te tel. Danksy ouers en van die
onderwysers het almal veilig in Betlehem
aangekom. Dankbaar se atlete het goed
Sport
14
gevaar.
Baie van ons atlete het met „n medalje
weggestap en deurgedring na die SA‟s wat
gedurende die vakansie in Roodepoort
plaasvind. Daar is selfs rekords gebreek
deur somige atlete, terwyl ander rekords
met „n haarbreedte gemis het.
Na die atletiek het Dankbaar fluks gehelp
met die opruim van die atletiekstadion.
Met moeë liggame en seer voete het almal
teruggekeer huis toe. Met of sonder „n
medalje, maar elkeen was trots op hul
prestasie.
Ons wil al ons atletete wat op Betlehem
deelgeneem het, bedank en ook geluk sê
aan die wat deurgedring het na die SA‟s.
Geluk en sterkte vir Roodepoort.
Juf. Deonie
Agter van links na
regs: Michelle van
Deventer (Matriek);
Meri Cornelissen
(Pippie); Carla
Myburgh (Giggels);
Joey van Schalkwyk
(Matriek)
Voor van links na
regs: Dirkie
Venter (Faffa);
Hannes Venter
(Hitler)