Vinko Hasnek

Den prije, golubica

Uredio Ivo Kalinski

Sv. Ivan Zelina,

2006.

Mala biblioteka »Dragutin Domjanić«

knjiga 40.

Nakladnik Pučko otvoreno učilište Sv. Ivan Zelina

Za nakladnika Ivica Kukovačec

Urednik Dr.sc. Ivo Kalinski

Grafičko-tehnička priprema POU Sv. Ivan Zelina

Tiskano u 1000 primjeraka Tisak i uvez: »Tiskara Zelina« d.d.

Ivo KALINSKI: "Den prije, golubica" Vinka Hasneka V

Den prije 11 Nestali lahorek 12 Žmirek pri kraju dena 13 Piknja vu sercu 14 Nokturno 15 I nesi nigdar 16 Zariplene črešne 17 Vremena 18 Zdignjene roke 19 Reč I. 20 Kotač 21 Beli den 22 Naj! Naj! Naj! 23 Reč II. 24 Podleknene senje 25 Dojašil na zelenke … 26 Korenje pučeju 27 Genuli od doma 28

Potokvoda 33 Ognjeni trček 34 Čuvaj si sad bijuču misel 35 Kolotečina 36 Vse se vrača 37 Hiže 38 Zemaljski svet 40 Farbanje 41

Minijaturni popolden 42 Kostanj 43 Haraku 44 Sonce spasenja 45 Čkomina 46 Paysage 47 Nova fala 48 Trpušec 49 Vi peljate z autem ja idem pešice 50 Za denešni den 52 Mrmliju mrmlice 53 Sprožena roka 55 Čkomečočujna reč 56 Lecnul se 57 Ti se znaš 58 Molitva 59 Zamotane klopke 61

Cuckanje 65 Istina put život 67 Mirastvorec 68 Gde ste ju zgubili 69 Hasnoviti pot vu mir 70 Zafalna prešecija 71 Spomenek z pokojnom majkom 72 Mali moj angelek ljubljeni 73 Vu ime božje 74 Zestanek vu kmičnom voglu 75 Protuletna 76 Negda… 77 Na grebu 78 Trsek tvoj 79 Imam jenu … 80 Golubica 81

V

"Den prije, golubica" Vinka Hasneka

U nekoliko zadnjih desetljeća svjedoci smo bujanja recitalnih događanja i na njima masovne pojave pjesničkih pisanija. Riječ je, dakako, o "kulturnim događanjima" na supstandardnim izričajima, premda se ni o sličnima na standardu ne bi mogle, uz časne iznimke, izreći bogzna kakve pohvalne riječi, ipak, u sveopćoj pojavi histerizirane banalizacije motiva, tema, formalnih nezgrapnosti izdvajaju se imena o čijoj se pjesničkoj pustolovini može izreći ozbiljnija kritička riječ. Jedan iz te plejade svakako je i Vinko Hasnek, višegodišnji redoviti, i nagrađivani, sudionik mnogih recitala suvremenoga kajkavskoga pjesništva. Kad mu je god. 1995. u ediciji Male biblioteke "Ignac Kristijanović", (knj. 27), nakladnika "Kajkavskog spravišča", objavljena prva zbirka kajkavskih pjesama "Zdroblena idila", uočena je, s jedne strane, specifična tankoćutnost; ona intimna, ali i ona spram izvanjskih "stvari" - zavičajne ukorijenjenosti, naprimjer, a s druge strane sklonost marijologiji i kristologiji. Oboje autor i u ovoj: "Den prije, golubica", drugoj svojoj zbirci na kajkavštini tematski još jače nijansira emotivnom suzdržanošću, koja počesto - razlažući pejsažne karakteristike stepeničastim uronjavanjem u tišinu, u smiraj - prigrljuje osjećaj osobne i sveopće izgubljenosti: Lahorek nečujni zdalka duhu živlenja donaša/ i bezgov grm zavlekel se tatski/ vu plesnivi škedenj./ Vranec gizdavi zaprhal na povetarcu/ srce mu k tvojemu blizu./ A mi/ vu rožah i cvetju zvuzlani/ kak suhe drieve/ spresušili se./ Nestali. (Nestali lahorek)

VI

Hasnek je ponajprije poklonik sjete, pjesnik koji se ne bavi (kao mnogi drugi?!) emotivnim provokacijama uperenima na čitateljevu dušu, njegova poezija komplimentirajući maštariju izaziva ljudsku znatiželju da je prihvaćajući iščita dokraja. U simboličnom smislu sudarajući se u egzistencijalnoj tjeskobi sam sa sobom, u formi slobodnoga stiha on će egzistencijalno/životno bez otpora i komentara emotivno prepustiti silnicama neumoljive prolaznosti. Većina njegovih pjesama, uz izrazitu ljubav prema kajkavskoj riječi i kajkavskom krajoliku, bogata je koloritom i natopljena iskrenom čežnjom za povratkom u neiskvarene/nevine predjele ljudske duše. Vrni me nazaj/ tam gde sem pozabljen/ gde mi život ne da predehnuti/ gde sem mejši od makovoga zrna/ gde dohajam bos i nasmejano dete/ misel se otrgla, zabludela. (Žmirek pri kraju dana).

Pitanje koje se nameće: s kojeg razloga autor u formi stiha radi na "mistificiranju" svijeta koji u svojoj naravi, sui generis, nije takav, nije dobar, i kojim riječima, kojeg jezika? Stvaralac se kao pita, preispitujući vlastitu intimu, može li se izvornim riječima svojega jezika, kajkavskog jezika, s punom vjerom u poslanje, "efektom uljepšavanja" zaustaviti fantom strave kojim je obrubljen naš skučen život, život jedinke suočen s agresivnim nahrupom univerzalnosti?: Zdavna pozabili vse/ scedili se kak megla pred zorju/ pozabili da sme negda bili luč/ sad ofucani jastreb vu golom nebu krešči/ a ti si još tu/ samer ti zmirom dragaš/ stara reč/ tvoje oke. (Reč l.). Jer: Nevidlivi sme del/ mi tečeči poteki spod bregov. (Vse se vrača).

Kako sam već spomenuo, druga je Hasnekova tematska preokupacija ona marijološka i kristološka, upućenost Majci Božjoj, upućenost Isusu i Bogu. Kao predanom vjerniku ta mu je preokupacija istinska uzdanica, puna blagonaklonosti i utočišta za rješavanje životnih teškoća. Zato će on, da bi se

VII

Majci i njezinu Sinu približio i da bi ih spoznao, koliko je to uopće moguće, stihom sakralizirati posebnu, osobno svoju aureolu njihove svetosti: Ti kaj se znaš/ trpiš za nas/živlenje i greh/ dok nas steza pela/ vu vjeter vu jarku/ gde na obločeku hižičke brez gospodara/ ostavlena kora kruha/ znenada/ zadiši. (Ti se znaš).

Kajkavskom poezijom, sadržanom u ovoj, drugoj njegovoj zbirci "Den prije, golubica", Vinko Hasnek, lišen glumljenih katarzi i estradnog vašarenja, izravnom jednostavnošću bez komplicirane metaforike i nadasve emotivnom predanosti stihu plijeni čitateljevu znatiželju, iznova učvršćujući i potvrđujući svoje mjesto u onom kreativno bogatijem dijelu suvremenoga kajkavskog pjesništva.

Dr.sc. Ivo Kalinski

11

Den prije

konjeke pripregli još navek na tratine odsečeni od hiž

z bregov počeli črni turni

vu pitanju vsaki meter do prvih hiž samer kilometer

skmečile lesiknule se svetleče strele zaparale nebem čakame nebe zemlo kak da dohaja sonji den z nova šlopile bobnule zdroblene grude zemle razletele po zraku svržovje pocale listje razteple na vse strane

konjeki zahrzali

posle tega

sonce nam opet obgrele zemlicu

12

Nestali lahorek

Od pete do glave šeptali kak suhe drieve spresušili se. Megla cukar medica po tem belem svetu cmuže lesica. Lahorek nečujni zdalka duhu živlenja donaša i bezgov grm zavlekel se tatski vu plesnivi škedenj. Vranec gizdavi zaprhal na povetarcu serce mu k tvojemu blizu. A mi vu rožah i cvetju zvuzlani kak suhe drieve spresušili se. Nestali.

13

Žmirek pri kraju dena

blešči se iskreče oke misoče se sonca svetel trag očutek topline vu srcu se poišče misel se otrgla, zabludela

z mlade trave zdigle se oči plave zažmerim i roka me fletmo privija vrni me nazaj tam gde sem spozabljen gde mi život ne da predehnuti gde sem mejši od makovoga zrna gde dohajam bos i nasmejano dete

misel se otrgla, zabludela

14

Piknja vu sercu

eli si trda eli grda eli zdalka eli s praga eli još toče srce drage?

reč zgotovila raspri cvet

naj me vgristi vrni občutek staru rimu i slog

na vusta scurela žota melja gliboke vu notrini stiha genol se kamen.

15

Nokturno

prešel prek pota črni maček prešel prek pota beli maček prešel prek pota šari maček

leve oke te zasvrbele vu desnem vuhu zvone zazvonele vuz pomoč vremena i zorje jalša od jalše odmeknula se

je li ti bodu vrata zaprta je li ti bodu odpovedali kaj si pital je li boš razmel kaj su odpovedali

blizu hiže zavrtala ona starinska celem potem kreketala sodbina

16

I nesi nigdar

za tobum i za menum visi krpje špricarska oprava šlopoče voda vu gumeni čizma preživeti bi štela i nesi nigdar libil se hrptenjaču podeti i nesi nigdar z kartami odprtemi falil se i nesi nigdar sramuval se za ves teret žmehkoču z jednega do drugega brega prenojsiti kak se i ti samotni bregi z brega na breg prenašaju med dvemi-tremi datumi gda je ternje cvelo i nigdar nesi caruval nigdar kraluval kak biti jakši od sebe samoga kak biti trava zelena kak biti suha gruda kamen ki pušča soze kak biti kamen ki pušča soze

17

Zariplene črešne

črešnati gronjđeki po nakli rastepeni koščice prepiškane vu potoki zdeni zariplene črešne omeknule se stale i ti znovič otpiraš i zapiraš vrata straha vu čkomine nigdar siguren dojti do kraja

samer kosturna gospa f črnine posejane seme štundera kak senjari bodu senjali kak baždari bodu baždarili kak frajlice bodu vu cvetje opale

če vreme najde sreču prčkale se bode po cajti prešel je još jeden den z črešnati gronjđeki po nakli rastepeni nad potoki zdeni senca i nasmejana reč

18

Vremena

zasipavle me znovič merkalijeva lojtra jezero pot da sem voda jezero pot da sem reč jezero pot da se branim megla bi me po nakle itak stiha odvlekla sonce bi me furt jednak žgalo ovak zdalka dumiju zdalka grmiju zdalka bleščiju gromi strele božje nevolje jognene kočije po kislem nebu z okem na staroj vuri bez cajgera da nemrem vujti z ovega brega z ovega čakanja vu samine

zasipavle me znovič merkalijeva lojtra

19

Zdignjene roke

V rinjen vu zagovor vu pomagajne vu predragost stišnjen vu poniženju i grešnik

gliboke se zdihavle i išče krušec kak dober dan

grobje hiža gologlava strn

kre mene potpuhava veter vu rep cuga trudi se da živlenje zalovi

mrvička jakosti znovič me kuša.

20

Reč I.

za sonca žarečega jastreb vu nebu lehkotno leti vsaki pejden vsaki vogel pritajil strah i krič

vu zemle gliboke zdiže se krt vu dračju starinska steza i prt samer se žrtva čudne nasmejala

zdavna pozabili vse scedili se kak megla pred zorju pozabili da sme negda bili luč sad ofucani jastreb vu golom nebu krešči a ti si još tu samer ti zmirom dragaš stara reč tvoje oke.

21

Kotač

Zapiraju me z lanci jarkem i klanjcem črez polje i drač prisežem reči vežem okovani kotač

a trava zelena pod menum razlejala se

Oglav na glave na pleča ham život se pelja kak bičale i bič senjali zabaduf ze sega – nič

Kotacam se obračam se vrtim vu sebi se drobim pregliboke greznul čemer i medicu obleznul

a trava zelena pod menum razlejala se.

22

Beli den

stanem pred sakem mostem držim se za guvernal pedala od živlenja prepala dokraja od krvi ni traga samer VODA

vužgeča juha curi čoli se vane sonce grije kak i prije na krove naše ne fali črep

poluvica me zaostala nad potokem VODA odišla k morju i opet ostal sem sam.

23

Naj! Naj! Naj!

naj obelinje jabočne jesti (neš znal Bogu se moliti) naj se na stolcu klacati (bo ti žena šepava) naj narit po potu hoditi (nijena dekla te nebu štela) naj vina piti (neš se mogel oženiti) naj na zemlicu plučkati (boš na drugem svetu moral oblizati) naj bez potrebe jezika snimati (šatan ti bo pimpiča odrezal) makar ne znal ni čitati ni pisati makar ni v cirkve ne znal klečati rosa ovega sveta te vmiva okeca vuprta gledeči vu nebesa nesi sam.

24

Reč II.

čez vrata naluknem glavu obrnem ze špora gibenicu snemem nišče

probam se zmisliti nišče

steklena flaša za vazu a rože vu vrtu posložene na stolu serverane reči od oblakof firunge oprane friške dišiju bez reči bez reči čkomina i nišče

probam se zmisliti... pretrda misel draga moja reč vse - i nišče.

25

Podleknene senje

S talne čutiš Ideš po trave vu glave posejane semenje vubral bi cvetje kak mrak

lecne te

z nogom trkneš prazni fišek zazvoni vu glave zamale poklekneš vič na pomoliš se nestaneš i neje te droptinica

26

Dojašil na zelenke …

Dojašil na zelenke z svetlečemi špalengami z dugom ruganom grivom Vej ha! –na hrptu brega pogledel vu dolinu

vetrič donašal duhu po pelinu pogledel na hižni krov z rafanjka se ne čoli

čkomina

vusetil kak lasi zdižeju se vu zrak a koža nakostrješila zrekel Bože odmekni ovu kupicu spred mene mozak mu otpovedal

več su ju drugi popili

27

Korenje pučeju

Kaj ovi delaju? Korenje pučeju znotra zemle z gliboke vode čim več pučeju one vleče vse glipše notre k sebe vu zdene prste hučeju spod nofta zebe odkapaju odgrinaju odmataju rukavice du pleč maske prek lica oči otprte Dečec! od kud si došel? Glediš gde si se rodil el znaš gde tvoje korenje kulike konj te dopeljale –mrak kaj to zadenul za škrlak poslušaš stere.... eero da nesi ti eero? A nemu preletele črez glavu Nigdo sebi ne živi nigdo sebi ne vmira

28

Genuli od doma

peljame on mene pelja ja nega vodim po sredine doline cesta za naše neprilike dobra deni se sivi oblaki zaoblekli nebe brisači brišeju

kolendarski počele kaj treba početi trava zeleni šumica spi dežek curi zemlica stiha kipi brisači brišeju

pisači pišeju duhovna misel govorime hrvatski tema jutra

29

ne gruntam kaj me na poslu čaka jedine kaj kopka misel

do gda zdržal on ne pitam se do gda zdržal ja

33

Potokvoda

zeran v poldan na večer poteki zestali skup vu spomenike

čkomeča voda brege gloda veter zašel mej šipražje ziba cunjka huče fučka vija i blebeče vu svojem koritu brbočka žvrguli pak dale stiha teče

muhe nedaju mira živinčetu nit detetu iza zemlenoga nasipa vu tenje sončanoga hlada voda slika nebesa i stiha teče

zglodani gliboki jarek brez mosta ni moči na drugu stran dečec gledi vu vodu nebe vu glave okreče reka stiha teče

odeždile denima curi blesiče lesiče poca germi nabrekle žile i žilice zišla z korita vun razlejala se voda po zemle naše

kak se patri i kak v žalosti paše

34

Ognjeni trček

Ognjeni žižek oblizava drveni sok vu peči

žmiže vužiže gasi

vuglenje hladi pepel pepeli

prašinu z cipelof ni stepel nesi

Okeca so se zaklopila zvezda opala je Ti si još mala čuva te reč

35

Čuvaj si sad bijuču misel

ideš domom z druge šihte na ceste prometa niti ljudi prehajal na drugu stranu ceste ta dragost vu tvojem srcu pregrada između srca i mozga preletel na drugu stran ceste na lasu tebe koštale živlenja i nesi čul trobu ka trobila prepuhnul te vjeter i šum švunk autobusa Zutra den tvoji pajdaši ki peljali se vu busu na lasu ostali Ja sam Tvoj angel čuvar Pazi kam devaš reč dohajajuču od drugoga da ne prekrije tvoju sad bijuču misel

36

Koletečina

Kam me vabiš zemaljska koletečina kam me vabiš gliboka vodotečina kam me vabiš kratka vremetečina Za kem krekčeš suva žabokrečina Vu meglene dalečine vu sfrkane zavoje

Kam me vabiš veku večna človeku na zemle kratka vremetečina Gda prejdeš vidi se na zemlice kolike gliboka koletečina.

Gda mi tečeš tu pri sercu fletne maziš mej dragim bregima vu vodotečine kuražiš.

37

Vse se vrača

Nevidlivi sme del mi tečeči poteki spod bregov vumorne sparine zraka na vrh natočena kupica zemlena slatki napitek oblaka

Duše dalečnih morja nevidlive pare zdižeju vu vis dežđovje vu črnu zemlu vrača furt se pritače Spod svakuga našega brega novi breg zvira, vse se vrača

Talenje sme belog snega Furt ideme v njega po svetu nas vodi zvijana cesta odhajame mej morje duži gde ima beskranje pone mesta Mi sme same kuražni, tečeči poteki spod bregov

38

Hiže

vse za pol veka človeka pri nami zazidali zidanice sfasaderali standarizerali naponili koritašnicu (groblje) spraznili hiže

kulike samcuv i samic kaj leta nakupili ti si za zidanicu razdrl se dodrl se pri nas pri krale hiža prodana za trideset osem jezer euruf druga v sele za četrdeset i pet jezer euruf stara drvenjara za petnajst jezer prihaja evropa k nam na velika vrata kaj hočeju došljaki

čak nesu ništ krivi

39

gdo bo popeval popevke po starem kraju kak naši poteki klokočeju kak naši ftičeki žvrgliju vodene meline sme imeli komu bodu zvoni kapelic

čkomeli

gdo bo onda prijel ovu našu štafetu po tem belem svetu kojteri se vsaki den menja vu noveh znaki vu piskeče zvuki gdo bo nojsil beltehemske svetle gdo bo romaril z Marijanskemi romari

Bog z vami bodi Kaj vidite kaj ne vidite Kam iti

40

Zemaljski svet

Gda nas neje Neje Gda dojdeme na nju Zemlu Zakelime za nju Gda morame vu nju Zemlu Duša raskeli od tela Nemore vujti V zemlu Reč ostane Na zemle Mej ljudima vane Za zemlu

41

Farbanje

plava v žotu daje zelenu zelene i žote daje črne črlene črlene črlene človek pretrne odeva na se mrzlo zdeno farbe prelevaju se

a mikser miksa nijansera

nevidlivi drobni prah vu nas steple se nodi lažne dijamante a potrebuvame poštenu svetleču reč

a mikser miksa nijansera

povsud zelena žota črlena išče te isče te ilovača

42

Minijaturni popolden

po bregu zasmical po vode listje zamecal po čkomeče zadihal pod strehum i stiha zaburil baš denes gda bela nedela luknula spod dva kobera mej bregi v šume začkomel za novi kuraž počel zapraf puhati veter

43

Kostanj

Jesen zajdeš vu hustu spod kostanja razgrineš fajhtenu listinu hiščeš kostanj misliš na ništ najdeš ježinu prazna spi a kostanj kostanja ni Kak ni tebe nigdar bilo ni Samo senca tvoja zašla vu hustu spod kostajna

44

Haraku

zemla do zida zid vu tenje i krovni nadstrešek kaj navek mi se zruši vu lice i bežim po bregu spod stareh hrastof gde starčeki sediju na plavem koberu. "Gde vam je, gospon, vaša milostiva?" pitaju me starčeki. "Neje je doma, ne znam kam je odišla." A znam samo tajim da ne znam: dojde zakratko pretrgne jambrelu zmrmla haraku, haraku, haraku i prejde do drugega dežđa.

45

Sonce spasenja

lahorek na vjetru jašeči ki strplive potkivleš z neba rominjajuči dežek zavezane ne odveži oslobodi od hudeh vremen vutaži duha vedrine vu nami betege vublaži ognja kaj nas goče otepi z nas pod ovem starem nebem sivem koberem prekritoga oslobodi nas i poškropi nas bokce z rosom sveta oblezni nas z pravem ognem ljubavi podari nam sonce spasenja ovde i sada spod boltanog stropa pri svetlu sveče kaj dogoreva na starem lajtu rezbarene serce i natpis: "Denes jesmo zutra Bog zna gde smo"

46

Čkomina

Odhajam. Vu svetlosti rozočrleni zrak prati me kak nepoznata draga žena.

Toplinu vu sercu zdavna odnesli zajdni potniki, Ne čujeme se, Ne vidime se. Ne raspoznajeme se.

Za sobum tožen gledeč ostal prikovan na zemle i dva bledeča sonca po črepu hižnega krova zazvonela zacilinkala za stare cajte strplenja i čkomine.

Odhajam. Vu svetlosti rozočrleni zrak prati me kak nepoznata draga žena.

47

Paysage

Vu jarke laduvina stiha korača potekem grgla i šepče sončeni trag čez svržuvje škrli list za listem vu zviru vtopi mi pajdaši muži starovečni gnijeme bez betega.

Korak po korak prošlost se preobrača nad nami nebo i senca kaj se vrača.

Korejne naše v zemle nad nami bregi i šume čkomeče zbirame si staru stezu i čudne oke zmirom nas gledi.

Gnijeme bez betega nad nami nebo i senca kaj se vrača!

48

Nova fala

trapime se po dogem špitalskem ganjku trapime se kak mila godina vse bi dali gda doktura iskali. Doktur, ipak: "Ne možemo ništa obečati!" Milostivno z strahom vuprtim gledimo traplenje človečje našega staruga prijatela človečeca kaj je iz gole zemle zišel flašica za flašicu steče se vu njegve žile. Vu kakvu si to tentaciju opal, človečec na kaj se vse to spetilo na kaj te natepalo vupita on vupitam i ja film života vrtim vu sebi z glavom vu zid ni moči znam potlam odišli Kamenitem vratam devet petkuv zagovor dati a po glave mi hodi gde je plava kuverta gde penezi znate kaj je da je al tak je kak je črez soze na dvorišče vidim več ljude i ljes. Vsaki den se opraščame od toga človečeca vu špitalske postele a špital i vu meni a leka ni. I zate odidi tam, draga moja, gde još nigdar nesi bila gde još noga ni hodila jer ovde je zid ovde ni moči ni zdehnuti ni predehnuti ni prije ni potle dohajajučeg meseca za vse one kaj imaš zreči.

49

Trpušec

Vu perje zaperil vu gnezde zagnezdil vu kober zakoberil vu klopke zaklopkal vu viraju šoptal v kolišču kolal s pajdaši zapajdašil od oca zaprašil

Skotal speril strupušil stepel kolnu vodu precedil mulj sjel, sivi kak pepel

Z kukuruze olupiti perušinje zježiti nezježene ježinje One kaj potrebuvali operiti nanove zašiti

Spred nosa sprhnul prešli život i senj.

50

Vi pelajte z autem ja idem pešice

Helo! ja sem tu za sad idem kak vurica sem v redu z ceste zašel v šumicu zmed črešnjice i jakupnice ovde je laduvina ne peče me asfalt pot zemleni mehki degde omječem paučinu i šiblje ofnam se gde kakva mlaka vode na potu rešil se autuf

pol beloga dena v šume neje žive duše v glave zvoniju marijanske popevke z cajta na cajt zdomlu na noga hodiju pokojna baka i teca kak prije četrdeset pet let

v roka držim drveni ščap kača bi me fejst lecnula nem ju vmoril če ne išla na me

51

bote se osoknule gda me spazite na hižnemi vrati još ne bute zgotovile obeda

Helo gde van je strpljenje nečete čujti kak sem inspireran prošlostju

52

Za denešni den

Kefu zimleš zobe vmivaš se pričesaš lasi zrcališ svoju tenju

ogorela poravnuvaš drbaš se po žepmi glediš zidnu vuru ideš po štenga za denešni den nit vusebe nit na glas da bodeš hasnovit za sebe i za druge prema vsem pravičen i da ne vupadneš vu napast

čkomeči glas znotra šepče ojdi stiha naj vužigati struju pazi kak boš vrata zaprel da neš decu zbudil

53

denes bi nekaj mogle ostati čez stenu te zove žena na stole su ti režiski čeki ostali naj pozabiti štrucu cipuva kupiti nit vusebe nit na glas vus pot po štenga

zgovaraš jutarnju molitvu za denešni den

54

Mrmliju mrmlice

Kaj imaš kaj nemaš kaj smiješ kaj ne smeš zberi si imaš dvije strane levu i desnu naprve ili nazaj dobru i lošu navek geni od sebe

čakaš svoju mrmlicu gda bi znali kaj nam peljaju motre iza metalizeranoga stekla

ne bi dali raskopati porušati rastrgati

sedime na trave v trnacu tenje nas glediju i čkomiju zdigni se pajdaš žota me je vgrizla vič kulike ih tu mrmli

je li imaš ti svoju mrmlicu imam imam i to ne jenu notre v glave mi poziju po celoj zemli po vode po zraku plehnate mrmlice mrmliju

55

Sprožena roka

osmekne posmekne opane legne rastegne znovič zdiže prejde mime zablodi vu kmice brehodi zadene trkne zabuši stepe popuši grezne nadodojdeju sosedi podaju mu roku moraš se pripremiti oprostiti nečega odreči

56

Čkomečoujna reč

zakaj si na hižne vrati pante podmazal zakaj kvake dezinficeral obloke opral pomel dvorišče drva posložil zakaj popravil stol presterl slamicu spod zakaj stara majka i mlada majka kolače – kuruznoga hleba pečeju diganjku z rožički orehnjaču makovnjaču z ostave diši zakaj Gdo bu došel k nam siromakom vu ovu čkomečočujnu noč stiha kak pavulica snega na zemlu čez zaprta vrata čez klučanicu zakaj zakaj zakaj Čkomečočujna noč Božič Božek Bogek z grada Davidova vu našu hižu došle Diete došel i k nam SVETLEČI SVETI MIR.

57

Lecnul se

Puteljek čez šumicu ni ftiča ni miša još nesi videl srnu još nesi videl divje svinjče sinek! na Bistrice ne spod štanta kaj je štant kaj bi spodi mali bogec neš se hranil po tebe došel gospun z velikem črnem škrlakem širokemi peri

gliboke misli lecnul me glas

58

Ti se znaš

kam ova cesta tesna kam ova sveta sela kam naši stari običaji

kam žufke temnine plač deteči krič živinčeta kam rozgotavi smeh

ti kaj se znaš trpiš za nas živlenje i greh dok nas steza pela vu vjeter vu jarku gde na obločeku hižičke brez gospodara ostavlena kora kruha znenada zadiši.

59

Molitva

veruvati kaj znači moliti plemenite razmišlanje zbuditi kaj vu molitve moraš znati kletve i karke črlene svetle vužgati črknje črčkarije zamusarije zbrisati vugnuti trone i brvne z drugega oka kaj ona dela žmefkoču vugiba oprašča več pot na dan zmišla nekaj novega človeku za svakodnevnu olakšicu ona kamen omekšava tvoja mati nemre spati ovu noč zate moli kaj znači molitva je li to projsitva biti zadovolen biti odgovoren biti ponizen imeti Božji mir

60

veruvati to je moliti moliti je biti postojati poštuvati onega drugega molitva naša svagdašnja

61

Zamotane klopke

Pošli poprečki zaluvila nas kmica pajdaši odozadi kričiju daj se vrni, nejdi tot, dej obrni pred nami taj dragi za sječanje pot a sad nas kuša kmica čkomina gde izlaz gde svetle iščeme iščeme iščeme pomet svrži pred nas stale trnje nas vleče k sebe morame iti vsak na svoju stran kmica razišli se kak rakova deca vlovleni v stupicu vu zakukulene zamumulene klopke Dežek z lističjem zeme kušnju od nas slabičuv i reči: Da dojdeme k Tebe, Božek, po vode posvet da vidime. Kojterem potem pojti?

65

Cuckanje

cucek zavija laje zacukava hoče lanc pretrči mačka prenesla miša v zubija lesica ide stija rep nepodvija

zajec stisnul ščuril noge navinul sto pedeset na vuru od prve ne vupa predehnuti fazan sedi na drve

cucki cuckaju navlačiju trgaju

ljudi bi sebe vračili a vse se bolj trujeju ojdi spat kaj v glave z cucki cuckaš

66

prekriži se zmoli Oče naš zutra te čaka važen posel gde boš zel če neš posejal neš niti žel

tulenje zavijanje ne da ti spati če živiš Evengelije bregi jesu poravnati pogledel čez obluk pot zavija kak i potek ojdi spat cucki bodu cuckali poradi sebe poradi tebe

67

Istina put život

N ije za me dobre Kaj si ja želem Več one kaj mi Ti daješ To vidim Gda napravim po svojem

Gospodine moj Kralju moj Stvoritelju moj i naš Otkupitelju moj i naš Spasitelju moj i naš

Ti znaš Ti vidiš Ti znaš sve

68

Mirastvorec

S ijač nebeskog sjemena Sčap palica križ

Nesi

Zaprečil preprečil podlekel Več otprl vidike

Blagoslivlaš Črne žote bele Zdrave jake Bokce siromake Pohajaš zemle i ljude Gda na dvorišče staneš poklekneš Glavu prigneš do nakel Čobice prislonjiš na zemličku Kušneš od Boga stvorene svete tle

Svetski Potvrditel blaženog Stepinca Došel v naš mali orsag Mjeste Bistricu Poklonjil se Svemožne skromne Majčice Božje Bistričke

Karl Vojtila Peter stjena Mirastvorec Sveti Otec Pavel II

69

Gde ste ju zgubili

Kakva je kak zgledi? Jeli ima roke? Jeli ima noge? Jeli ima oči? Ili gledi čez šajbe z rokami na guvernale Gde ju najdem? Kakva mora biti? Kam da zajdem

Zajdi vu strpljenju Zajdi vu trpljenju

Raširi roke odmotaj zamotuljak prekorači pocek Zmeđu mozga i srca ojdi odma nejdi na poček Prekorači sosedov pocek poišči vu kaštule male Probaj za stolem vu igre šale razonode zabibrige Pri strice vu veselice, mortije vu poslu morti vu daru Poteškoče stege more biti vu betege.

Gospun kaj ste zgubili Gde ste zgubili ljubav

Poiščite Kučijaše bokce, sirumake Da znate najvekša su deca neizmerna Božja

Hiščem ljubav

Kaj je ljubav

70

Hasnoviti pot vu mir

ponizne za križem za Kristem vu prešecije najdenje nam je zname izkričane nam je vjerujeme čini nam se najispravneše najiskreneše najpošteneše najuzvišeneše ufanje ponizne skromne vu srcu ogen posle vsega tega ostaje On za kem vsaki zdihavlje vu kem nepravedni pokvari vu kem pravedni žele živeti teri gda ga vloviš enda ti vujde ponizne za Križem

71

Zafalna prešecija

G ible stiha sfrkana šara kača popevajuč kak da javče zafalna prešecija fala prehaja čez sozne doline giblje se giblje ispijajuč žofke peline vjeter listje ziblje nekteri svječe neseju črez trnje žegu gliboki sneg križ pred njimi traga prti zašel za breg prižgane sveče za zdene za ščenute rastiče za mlade porušene kostanjiče mej naše brege beli den zafalna ide prešecija kak i trava zelena pelaju dekle ideju dečaki pucice vu bele haljine moži z črnemi škrlaki žene oblečene vu črnine Giblje stiha sfrkana šara kača popevajuč glasa se kak da javče zafalna prešecija k Majčice Božje Bistričke

72

Spomenek z pokojnom majkom

M i ti denes imame veliku zidanu fasaderanu hižu Vsaki svoju sobu obločec z roletami Pipa z vodom na zidu

Zmislim se....

Zimsku dobu šajbe bile rugane okovane z ledom Na table šparheta grela črep zamotala v paper Odnesla na postel Bo nam tople leči si

Na selske stanice

Čakal radnički kamion staru majku gda vrnula Zagreba z šefta Kupila štrucu beloga cipuva opletenjku naranđu V papere zamotane črne salame.

V lete sedeli na tople otave i sušili, Vu pleča vuprle sonce, Rasprestrela stolnicu razmotala cule Snela kravaicu oreha jabuku slivu bistricu Otišla v trsje otrgla dva grojzdeka Rane dohajajuče plemenike Vupitala me bi li mogel zajti pešice prek gore čez šumu K Majčice Božje Bistričke

Dogovorila sem z sestrami peju tvoje tece Slavica Janica Barica Srce mi zaigrale Onda nesem znal da sem v nebeske dike

73

Mali moj angelek ljubljeni

Sreču zdravlje pomet preporučam proti svemožne patrone milosti pone da ne zajdeš mime natepeš zabludiš vraziš več da boš na zemle hasnovite zvirališče

mali moj beli angelek ljubljeni

predstava – pusica i smešek krik – reč – plač životna molitva strepnja. Vse bogatstve ovega sveta i ja nesem druge neg dete krej deteta.

74

Vu ime božje

Vu ime Božje vuz pomoč sveta drobna senca živlenja kak riba z roke prenaglo omekava se. Vsaku dobu govorili su da vse bude rajt haj lajf: odžlajfaj žlajf odkopčaj zaporni lanc z bičem po zraku hop-hop-hop buš poletel galop; od sega niš. Zate dej mi krila da prhnem nad svu zelenu dolinicu da vusetim milinu da odzgora gledim šume, jabuke, hruške da popevku kajkavsku zajauknem znovič pod siromaškem krovem ove sence sivoplave.

75

Zestanek vu kmičnom voglu

Cvili cvili cvili do modzga prebija.

Vu kmičnom voglu črni se mož deca stišnjena z velikemi očmi negde daleke na polju nareče se ftica proga.

Zvlečem se z kota zalovi me vjeter gosti dežđ zalejal mi vratulek

I vidim vu gajnku pokojnik sedi širi roke hoče me zeti. "Oprosti, prijatel" - zrekel on - i taman da mu odpovem Bog mi je spuknul zajdnu reč.

76

Protuletna

tečal tečali žvrguli popevku spod vrbe vu črnom fraku stiha prihaja čkomeči mrak svibajnska pobožnost zmirila protuletni zrak

tečal tečali gladi travu zvija se prek kamena drobni vodopad cuka se v jarčeke bubnja zljeva se i zavija z krunicom v rokah mi iščemo mira

molitva naša prehaja trnace vrbike i skup zelenem listjem tanca po taktu za čemer vu sercu zmolili zajdnu Zdravomariju i zapopevali jadovitu popevku žmehkekratku

77

Negda...

negda kak kosov tanec negda kak grličin guk štikneš se kak da je na stezu pred te zišla kača menjaš stezu i brf onda korakem vu jarek čuješ zbudil se krt stara navada odhaja vu dalečine i cvetje i deklica i dečke v mrklini hižička podrta belzebub na mesečini samer popefka ta stara gracija vuz tebe Bože

78

Na grebu

Muž stoji skloplene roke na čobicah reči Očenaša oči zamaglivaju soze pred njim dvije v draču zaraščene homke v sake svječa guri prešle četrdeset let preporučile ga komu vubraniti v tekoče žmevkoče takaj v ljepote

A da zna kaj ga čaka senek bi išel tam one su štele i znale pak su mu pota pukazale vraštve i vutehu za one kaj ga čaka

79

Trsek tvoj

Isusovoj i našoj Majci Božjoj Bistričkoj

Pred Tobom s koleni nakle z mišlju molitvom za stare pokojnike nam daruvane živlenje z neba jer od zdravlja i posla samer mir tvoj jakši je

Tebe iskati Tvoj glas poslušati suzu tvoju kušati popevku ka te slavi reč ka te moli reč ka te projsi serce tere k tebi privija serce tere daje roda Milostive Popustlive Poslušne v sakojake kušnje

Da sem Tvoja steza Rodna vočkica Tvoja Trslek Tvoj Da mi je ploda zrelog dati Da bi te svaka duša Tebe željna mogla si vubrati da znaju kak si dobra milostiva presveta naša nebeska Mati

80

Imam jenu ...

gda napustiju me vsi gda vusamlen sem kak zajni pes gda več nemam kam ni kud jenu dragu Majku senjam jenu Majku svetu jenu Majku Božju ka me prati povsud i vu dobru i vu zlu ona mi je navek tu milošču me svojom mazi gda me zbantuva tuđina i čemer vu sercu navek Majčica Božja.

Zvoni polden moja mati me zove dej se zmisli molitve: 'Anđeo Gospodnji nazvesti Mariji i ona začela po Duhu svetom."

81

Golubica

mej travum zelenom jalše grmeki vrbine zagledel vu dalečine

potrebuvane završiti da nas mrak ne zalovi na meste pot je dogi blage i živina doma čaka gladna

vsaku vrbu živicu pregledavam znova obračam glavu od istoka prema zapadu kak i zemla prema soncu obrača se

zmed vrbi jalšine na našem melinišču znikla je sreča imam ju vu sebi letime jen prema drugomu lahorek cunjka travu laseki poprhavaju lističje meca japa vi ojte ja ostal bom na nasipu

zagledel se vu jaku vodenu masu cele nebe vu nje pliva angeleki dohajaju golub za golubem z neba prše…

golubica nije živa

CIP - Katalogizacija u publikacijiNacionalna i sveučilišna knjižnica - Zagreb

UDK 821.163.42'282-1

HASNEK, Vinko

Den prije, golubica / Vinko Hasnek; urednio Ivo Kalinski. - Sveti Ivan Zelina : Pučko otvoreno učilište, 2006. – (Mala biblioteka Dragutin Domjanić ; knj. 40)

ISBN: 953-6540-27-4

460413050