direktiva e praktikËs ndËrkombËtare tË auditimit …b... · finaciare mund të jenë mjete...
TRANSCRIPT
KONSIDERATA TË VEÇANTA NË AUDITIMIN E INSTRUMENTEVE FINANCIARE
DPNA 1000 1010
DIREKTIVA E PRAKTIKËS NDËRKOMBËTARE TË AUDITIMIT 1000
KONSIDERATA TË VEÇANTA NË AUDITIMIN E INSTRUMENTEVE FINANCIARE
PËRMBAJTJA
Paragrafi
Hyrje ....................................................................................................... 1–10
Seksioni I—Informacion i Përgjithshëm rreth Instrumenteve Financiare 11–69
Qëllimi dhe Rreziqet e Përdorimit të Instrumenteve Financiare .............. 14–19
Kontrollet që Lidhen me Instrumentet Financiare ................................... 20–23
Plotësia, Saktësia dhe Ekzistenca ............................................................ 24–33
Konfirmimet Tregtare dhe me Agjencitë e Shlyerjes ...................... 25–26
Rakordimet me Bankat dhe Kujdestarët .......................................... 27–30
Kontrollet e Tjera mbi Plotësinë, Saktësinë dhe Eksistencën ........... 31–33
Vlerësimi i Instrumenteve Financiare ..................................................... 34–64
Kërkesat e Raportimit Financiar ...................................................... 34–37
Inputet e Vëzhgueshme dhe të Pavëzhgueshme .............................. 38–39
Efektet e Tegjeve Joaktive ............................................................... 40–42
Procesi i Vlerësimit i Drejtimit ......................................................... 43–63
Modelet ..................................................................................... 47–49
Një Shëmbull i një Intrumenti Financiar të Zakonshëm ............ 50–51
Burimet e Çmuarjes nga Palët e Treta .......................................... 52–62
Përdorimi i Ekspertëve të Vlerësimit ......................................... 63
Çështje të Lidhura me Detyrimet Financiare ................................... 64
Praraqitja dhe Informacionet Shpjeguese për Instrumentet Financiare .... 65–69
Kategoritë e Informacioneve Shpjeguese në Shënime ............... 67–69
Seksioni II—Konsideratat e Auditimit në Lidhje me Instrumentet Financiare
................................................................................................... 70–145
DPNA 1000 1011
Skepticizmi Profesional ........................................................................... 71–72
Konsideratat për Planifikimin ................................................................. 73–84
Njohja dhe Kuptimi i Kërkesave Kontabël dhe për Dhënien e Informacioneve
Shpjeguese ....................................................................................... 74
Njohja dhe Kuptimi i Instrumenteve Financiare ............................... 75–77
Përdorimi në Auditim i Personave me Aftësi dhe Njohuri të Specializuara 78–80
Njohja dhe Kuptimi i Kontrollit të Brendshëm ................................ 81
Njohja dhe Kuptimi i Natyrës, Rolit dhe Aktiviteteve të Funksionit të Auditimit të
Brendshëm ........................................................................................ 82–83
Njohja dhe Kuptimi i Metodologjisë së Drejtimit për Vlerësimin e Instrumenteve
Financiare ........................................................................................ 84
Vlerësimi dhe Reagimi ndaj Rrezikut të Anomalisë Materiale ............... 85–105
Konsiderata të Përgjithshme në Lidhje me Instrumentet Financiare 85
Faktorët e Rrezikut të Mashtrimit ..................................................... 86–88
Vlerësimi i Rrezikut të Anomalisë Materiale ................................... 89-90
Faktorët që Duhen Mbajtur Parasysh për Përcaktimin Nëse dhe Deri në Çfarë Mase,
Duhet të Testohet Efektiviteti i Funksionimit të Kontrolleve.......... 91–95
Procedurat Thelbësore ...................................................................... 96–97
Testimet me Qëllime të Dyfishta ...................................................... 98
Afatet e Procedurave të Audituesit ................................................... 99–102
Procedurat që Lidhen me Plotësinë, Saktësinë, Ekzistencën, Ndodhjen dhe të
Drejtat e Detyrimet ........................................................................... 103–105
Vlerësimi i Instrumenteve Financiare ...................................................... 106–137
Kërkesat e Raportimit Financiar ......................................................... 106–108
Vlerësimi i Rrezikut të Anomalisë Materiale të Lidhur me Vlerësimin 109–113
Rreziqet e Rëndësishme ............................................................ 110–113
Përpunimi i një Metode Auditimi ..................................................... 114–115
Konsideratat e Auditimit Kur Drejtimi Përdor një Burim të Çmuarjes nga një Palë e
Tretë ............................................................................................ 116–120
DPNA 1000 1012
Konsideratat e Audituesit kur Drejtimi Çmon Vlerat e Drejta Duke Përdorur një
Model ............................................................................................ 121–132
Vlerësimi Nëse Hipotezat e Përdorura nga Drejtimi Janë të Arsyeshme
............................................................................................ 129–132
Konsideratat e Auditimit Kur nga Entiteti Përdoret një Ekspert i Drejtimit
............................................................................................ 133–135
Llogaritja e një Pike ose Instervali Çmuarje ..................................... 136–137
Paraqitja dhe Dhënia e Informacioneve Shpjeguese për Instrumentet Financiare
............................................................................................ 138–141
Procedurat në Lidhje me Paraqitjen dhe Dhënien e Informacioneve Shpjeguese për
Instrumentet Financiare .................................................................... 140–141
Konsideratat e Tjera Përkatëse të Auditmit ............................................. 142–145
Deklarimet me Shkrim ...................................................................... 142
Komunikimi me Personat e Ngarkuar me Qeverisjen dhe të Tjerët 143–145
Komunikimi me Rregullatorët dhe të Tjerët .............................. 145
Shtojcë: Shembuj të Kontrolleve në Lidhje me Instrumentet Financiare
Direktiva e Praktikës Ndërkombëtare të Auditimit (DPNA) 1000, Konsideratat e
Veçanta në Auditimin e Instrumenteve Financiare, duhet të lexohet e lidhur ngushtë
me Parathënien për Deklaratat Ndërkombëtare të Kontrollit të Cilësisë, Auditimit,
Rishikimit, Sigurive të Tjera dhe Shërbimeve të Lidhura. DPNA-të nuk imponojnë
kërkesa shtesë mbi audituesit, përtej atyre që janë të përfshira në Standardet
Ndërkombëtare të Auditimit (SNA), dhe as ndryshojnë përgjegjësitë e audituesit për
të qenë në pajtim me të gjithë SNA-të që kanë të bëjnë me auditimin. DPNA-të japin
ndihmesë praktike për audituesit. Ato kanë për synim që t’u shpërndahen personave
përgjegjës për standardet kombëtare, ose të përdoren në hartimin e materaleve
përkatës në shkallë kombëtare. Gjithashtu, ato sigurojë materiale, që firmat mund të
përdorin për hartimin e programeve të tyre të trajnimit dhe udhëzimeve të brendshme.
DPNA 1000 1013
Hyrje
1. Instrumentet financiare mund të përdoren për qëllime të ndryshme nga entitetet
financiare dhe jofinanciare të të gjitha madhësive. Disa entitete kanë volume të
mëdha të zotërimeve dhe transaksioneve, ndërkohë që entitetet e tjera mund të
angazhohen vetëm në pak transaksione të intrumenteve financiare. Disa entitete
mund të mbajnë një pozicion në instumentet financiare për të marrë përsipër
dhe përfituar nga rreziku, ndërkohë që entitete të tjera mund të përdorin
instrumentet financiare për të ulur disa rreziqe të caktuara, duke mbrojtuar ose
menaxhuar ekspozimin ndaj rrezikut. Direktiva e praktikave ndërkombëtare të
auditimit (DPNA) është e përshtatshme për të gjitha këto situata.
2. Standardet Ndërkombetare të Auditimit (SNA) në vijim janë veçanërisht të
përshtatshme për auditimin e instrumentave financiare:
(a) SNA 5401, i cili trajton përgjegjësitë e audituesit në lidhje me auditimin e
çmuarjeve kontabël, përfshirë çmuarjet kontabël të lidhura me
instrumentet financiare, të matura me vlerë të drejtë;
(b) SNA 315 (i rishikuar)2 dhe SNA 3303, te cilat trajtojnë identifikimin dhe
vlerësimin e rreziqeve të anomalisë materiale dhe reagimin ndaj këtyre
rreziqeve; dhe
(c) SNA 5004, i cili shpjegon se çfarë përbën një evidencë auditimi dhe trajton
përgjegjësitë e audituesit për të hartuar dhe kryer procedurat e auditimit
për të marrë evidencë auditimi të mjaftueshme dhe të përshtatshme dhe
për të qenë në gjendje të nxjerrë konkluzionet e arsyeshme në të cilat të
bazojë opinionin e audituesit.
3. Qëllimi i kësaj DPNA-je është të japë:
(a) Informacionin e përgjithshëm lidhur me instrumentet financiare (Seksioni
I); dhe
1 SNA 540, Auditimi i çmuarjeve kontabël, përfshirë çmuarjet kontabël të vlerës së drejtë, dhe
shpjegimet përkatëse 2 SNA 315 (i rishikuar), identifikimi dhe vlerësimi i rreziqeve të anomalisë materiale nëpërmjet njohjes
së entitetit dhe mjedisit të tij 3 SNA 330, Reagimet e audituesit ndaj rreziqeve të vlerësuara 4 SNA 500, Evidenca e auditimit.
DPNA 1000 1014
(b) Diskutimet e konsideratave të auditimit lidhur me instrumentet financiare
(Seksioni II).
DPNA-të japin ndihmë praktike për audituesit. Ato parashikohet të
shpërndahen nga autoritetet përgjegjëse për standardet kombëtare ose të
përdoren në hartimin e materialeve përkatëse kombëtare. Gjithashtu, ato
sigurojnë materiale që mund të përdoren nga firmat për të zhvilluar programet e
tyre të trajnimit dhe udhëzimet e tyre të brendshme.
4. Kjo DPNA është e përshtatshme për entitetet e të gjitha madhësive, pasi të
gjitha entitetet mund të jenë subjekt i rrezikut të anomalisë materiale kur
përdorin instrumentet financiare.
5. Udhëzimi mbi vlerësimin5 në këtë DPNA, ka të ngjarë të jetë më i
përshtatshëm për instrumentet financiare të matura ose të paraqitura me vlerën
e drejtë, ndërkohë që udhëzimi mbi fushat e tjera përveç vlerësimit, zbatohet
njëlloj për instrumentet financiare të matura ose me vlerën e drejtë apo me
koston e amortizuar. Kjo DPNA është gjithashtu, i zbatueshëm, si për aktivet
ashtu edhe detyrimet. Kjo DPNA nuk merret me instrumente të tilla si:
(a) Instrumentet financiare më të thjeshta, siç janë mjetet monetare, huatë e
thjeshta, llogaritë e arkëtueshme dhe llogaritë e pagueshme tregtare;
(b) Investimet në instrumentet e kapitalit në shoqëritë e palistuara;
(c) Kontaratat e sigurimit.
6. Gjithashtu, kjo DPNA nuk trajton çështje kontabël specifike, të përshtatshme
për instrumentet financiare, të tilla si kontabiliteti mbrojtës, fitimi ose humbja
në çelje (e njohur ndryshe si fitimi ose humbja në “Ditën e parë”), kompesimi,
transferimi i rrezikut ose zhvlerësimi, përfshirë provizionin e humbjes nga
kredia. Megjithëse këto çështje në fjalë mund të lidhen me kontabilizimin e
instrumenteve financiare të një entiteti, një diskutim i konsideratave të
audituesit lidhur me mënyrën e adresimit të kërkesave kontabël specifike,
shkon përtej objektivit të kësaj DPNA-je.
7. Një auditim në përputhje me SNA-të, kryhet me supozimin që drejtimi dhe kur
është e përshtatshme, personat e ngarkuar me qeverisjen, kanë pranuar disa
përgjegjësi. Këto përgjegjësi përfshijnë bërjen e matjeve me vlerën e drejtë.
Kjo DPNA nuk imponon përgjegjësi mbi drejtimin ose mbi personat e ngarkuar
5 Në këtë DPNA, termat “vlerësim” dhe “matje” zëvendësojnë njëra-tjerën.
DPNA 1000 1015
me qeverisjen dhe nuk anashkalon ligjet dhe rregullat që kanë të bëjnë me
përgjegjësitë e tyre.
8. Kjo DPNA ka qenë shkruar në kontekstin e kuadrove të raportimit financiar për
qëllime të përgjithshme, të paraqitjes së drejtë por mundet gjithashtu, që ajo të
jetë e dobishme dhe e përshtatshme sipas rrethanve, edhe për kuadro të tjerë të
raportimit financiar, siç janë kuadrot e raportimit financiar për qëllime të
veçanta.
9. Kjo DPNA fokusohet në pohimet e vlerësimit, paraqitjes dhe dhënies së
informacioneve shpjeguese, por gjithashtu, ajo mbulon, në më pak detaje,
plotësinë, saktësinë, ekzistencën dhe të drejtat e detyrimet.
10. Instrumentet financiare janë të ndjeshëm ndaj pasigurisë në çmuarje, e cila
përkufizohet në SNA 540 si “ndjeshmëria e një çmuarje kontabël dhe
informacioneve shpjeguese përkatëse, ndaj mungesës së vetvetishme të
saktësisë në matjen e saj.”6 Pasiguria në çmuarje, ndër të tjera, ndikohet nga
kompleksiteti i intrumenteve financiare. Natyra dhe besueshmëria e
informacionit në dispozicion, në mbështetje të matjes së instrumeteve
financiare varion shumë, çka ndikon në pasigurinë në çmuarje të lidhur me
matjen e tyre. Kjo DPNA përdor termin “pasiguri në matje” për t’iu referuar
pasigurisë në çmuarje të lidhur me matjet me vlerën e drejtë.
Seksioni I – Informacioni i Përgjithshëm rreth Instrumenteve
Financiare
11. Instrumentave financiare, mund të përkufizohen në mënyra të ndryshme në
kuadro të ndryshme të raportimit financiar. Për shembull, Standardet
Ndërkombëtare të Raportimit Financiar (SNRF) e përkufizojnë një instrument
financiar si një kontratë që krijon një aktiv financiar për një entitet dhe një
detyrim financiar ose instrument kapitali për një entitet tjetër.7 Instrumentet
finaciare mund të jenë mjete monetare, kapital i një entiteti tjetër, e drejta ose
detyrimi kontraktual për të marrë ose dhënë mjete monetare, apo për të
këmbyer aktive ose detyrime financiare, disa kontrata të shlyera me instrumetet
e kapitalit të vet të entitetit, disa kontrata mbi zërat jofinanciarë, ose kontrata të
caktuara të lëshuara nga siguruesit që nuk plotësojnë përkufizimin e një
kontrate sigurimi. Ky përkufzim përfshin një gamë të gjerë të intrumentave
financiare, që nga huatë dhe depozitat e thjeshta deri tek derivativët kompleksë,
produktet e strukturuar dhe disa kontrata të mallrave.
12. Instrumentet financiare variojnë sipas kompleksitetit, megjithëse kompleksiteti
i intrumentave financiare mund të krijohet nga burime të ndryshme, të tilla si
6 SNA 540, paragrafi 7(c) 7 Standardi ndërkombëtar i kontabilitetit (snk) 32, Instrumentet financiare paraqitja, paragrafi 11
DPNA 1000 1016
• Volumi shumë i madh i flukseve individuale të mjeteve monetare, ku një
mungesë homogjeniteti kërkon analizimin e secilit ose të një numri të
madh të flukseve të grupuara të mjeteve monetare, për të vlerësuar, për
shembull, rrezikun e kredisë (për shembull, detyrimet e borxhit të
kolateralizuar (CDOs)),
• Formulat komplekse për përcaktimin e flukseve të mjeteve monetare.
• Pasiguria ose ndryshueshmëria e flukseve të ardhshme të mjeteve
monetare, e tillë si ajo që krijohet nga rreziku i kredisë, kontratat me
opsione ose instrumentet financiare me terma kontraktuale të gjata.
Sa më e lartë të jetë ndryshueshmëria e flukseve të mjeteve monetare ndaj
ndryshimeve në kushtet e tregut, aq më komplekse dhe e pasigurtë ka të ngjarë
që të jetë matja me vlerë të drejtë e instrumentit financiar. Përveç kësaj,
shpeshherë instrumentet financiare që zakonisht, janë relativisht të thjeshta për
t’u vlerësuar, bëhen komplekse për t’u vlerësuar për shkak të rrethanave të
veçanta, për shembull, instrumentet për të cilat tregu është bërë joaktiv ose të
cilat kanë kushte kontraktuale të gjata. Derivativët dhe produktet e strukturuara
bëhen më komplekse kur ato janë një kombinim i instrumenteve financiare
individuale. Përveç kësaj, kontabilizimi i instrumentave financiare sipas disa
kuadrove të raportimit financiar ose disa kushteve të tregut, mund të jetë
kompleks.
13. Një tjetër burim i kompleksitetit është volumi i instrumenteve financiare të
mbajtura ose të tregtuara. Ndërkohë që një instrument financiar (plain vanilla)
me një normë interesi swap mund të mos jetë kompleks, një entitet që mban një
numër të madh të këtyre instrumenteve, mund të përdorë një sistem
informacioni të sofistikuar për të identifikuar, vlerësuar dhe për të kryer
transaksione në këto instrumenta.
Qëllimi dhe Rreziqet e Përdorimit të Instrumenteve Financiare
14. Instrumentet financiare jane përdorur për:
• Qëllime mbrojtëse (që do të thotë, ndryshimi i profilit ekzistues të rrezikut
ndaj të cilit një entitet është i ekspozuar). Kjo përfshin:
○ Blerjen ose shitjen e ardhshme të monedhës me një kurs këmbimi të
ardhshëm të fiksuar;
○ Konvertimin e normave të ardhshme të interesit në norma fikse ose të
luhatshme, nëpërmjet përdorimit të swap-eve; dhe
○ Blerjen e kontratave me opsione për t’i siguruar një entiteti mbrojtje
kundrejt një luhatjeje në një çmim të veçantë, përfshirë kontratat
që mund të përmbajnë derivativët e përfshirë;
DPNA 1000 1017
• Qëllime tregtimi (për shembull, për t’i mundësuar një entiteti të marrë një
pozicion rreziku për të përfituar nga luhatjet afatshkurtra në treg); dhe
• Qëllime investimi (për shembull, për t’i mundësuar një enititeti të përfitojë
nga kthimet afatgjata të investimit).
15. Përdorimi i instrumentave financiare mund të zvogëlojë ekspozimin ndaj disa
rreziqeve të biznesit, për shembull, ndryshimet në kurset e këmbimit, në normat
e interesit dhe çmimet e mallrave, ose një kombinim i këtyre rreziqeve. Nga
ana tjetër, kompleksitetet e vetëvetishme të disa prej instrumenteve financiare,
gjithashtu, mund të rezultojnë në rritje të rrezikut.
16. Rreziku i biznesit dhe rreziku i anomalisë materiale rritet kur drejtimi dhe
personat e ngarkuar me qeverisjen:
• Nuk i kuptojnë plotësisht rreziqet e përdorimit të instrumenteve financiare
dhe kanë aftësi dhe eksperiencë të pamjaftueshme për të menaxhuar këto
rreziqe;
• Nuk kanë ekspertizën për t’i vlerësuar ato në mënyrë të përshtatshme në
pajtim me kuadrin e zbatueshëm të raportimit financiar;
• Nuk kanë vendosur kontrolle të mjaftueshme mbi veprimtarinë e
instrumenteve financiare; ose
• Mbulojnë rrezikun në mënyrë të papërshtatshme ose spekulojnë me të.
17. Dështimi i drejtimit për kuptuar plotësisht rrezikun e vetvetishëm të një
instrumenti financiar mund të ketë një ndikim të drejtpërdrejtë në aftësinë e tij
për të menaxhuar këto rreziqe në mënyrën e duhur, dhe mund qe përfundimisht,
të kërcënojë qëndrueshmërinë e entitetit.
18. Llojet kryesore të rrezikut të zbatueshëm për intrumentet financiare janë listuar
më poshtë. Kjo listë nuk ka për qëllim të jetë shteruese dhe, për të përshkruar
rreziqet ose për të klasifikuar komponentët e rreziqeve individuale, mund të
përdoret terminologji e ndryshme.
(a) Rreziku i kredisë (ose palës tjetër) është rreziku që një palë në një instrument
financiar do të shkaktojë një humbje financiare për palën tjetër duke mos
arritur të shlyejë një detyrim dhe shpesh shoqërohet me pamundësi pagese.
Rreziku i kredisë përfshin rrezikun e shlyerjes, i cili është rreziku që një anë e
një transaksioni do të shlyhet pa shumën e marrë nga klienti ose pala tjetër.
DPNA 1000 1018
(b) Rreziku i tregut është rreziku që vlera e drejtë ose flukset e ardhshme të
mjeteve monetare të një instrumenti financiar do të luhaten për shkak të
ndryshimeve në çmimet e tregut. Shembuj të rrezikut të tregut përfshijnë
rrezikun e valutës, rrezikun e vetvetishëm të interesit, rrezikun e mallrave dhe
rrezikun e çmimit të kapitalit.
(c) Rreziku i likuiditetit përfshin rrezikun e pamundësisë për të blerë ose shitur një
instrument financiar me një çmim të përshtatshëm në kohën e duhur, si pasojë
e mungesës së tregtueshmërisë së instrumentit financiar.
.
(d) Rreziku operacional lidhet më përpunimet specifike që kërkohen për
instrumentet financiare. Rreziku operacional mund të rritet me rritjen e
kompleksitetit të një instrumenti financiar, si dhe menaxhimi i dobët i rrezikut
operacional mund të rrisë llojet e tjera të rrezikut. Rreziku operacional
përfshin:
(i) Rrezikun që kontrollet e konfirmimit dhe rakordimit do të jenë të
papërshtatshme duke rezultuar në një regjistrim jo të plotë ose të
pasaktë të instrumenteve financiare;
(ii) Rreziqet që të ketë një dokumentim të papërshtatshëm të
transaksioneve dhe monitorim të pamjaftueshëm të këtyre
transaksioneve;
(iii) Rrezikun që transaksionet janë regjistruar, përpunuar në mënyrë të
gabuar ose rreziku menaxhohet në mënyrë të gabuar dhe si rrjedhojë,
nuk reflekton efektin ekonomik të tregtisë në përgjithësi;
(iv) Rrezikun që personeli të ketë një besim të tepruar mbi saktësinë e
teknikave të vlerësimit, pa kryer rishikimet e nevojshme dhe si
rrjedhojë, transaksionet janë vlerësuar në mënyrë të pasaktë ose
rreziku i tyre është matur në mënyrë të gabuar;
(v) Rrezikun që përdorimi i instrumenteve financiare nuk është
inkorporuar siç duhet në politikat dhe procedurat e menaxhimit të
rrezikut të entitetit;
(vi) Rrezikun e humbjes që rezulton nga proceset dhe sistemet e
brendshme të papërshtatshme apo që nuk funksionojnë, ose nga
DPNA 1000 1019
ngjarje të jashtme, përfshirë rrezikun e mashtrimit nga burimet e
brendshme dhe të jashtme;
(vii) Rrezikun që teknikat e vlerësimit që përdoren në matjen e
instrumenteve financiare të mbahen jo në mënyrën e duhur ose jo në
kohë; dhe
(viii) Rrezikun ligjor, i cili është nje komponent i rrezikut operacional dhe
lidhet me humbjen e rezultuar nga veprimi ligjor ose rregullator që
zhvlerëson ose që perndryshe përjashton performacën nga përdoruesi
final ose pala tjetër, sipas kushteve të kontratës ose të marrëveshjeve
përkatëse të kompensimit. Për shembull, rreziku ligjor mund të
krijohet nga dokumentimi i pamjaftueshëm ose i pasaktë për
kontratën, nga një paaftësi për të zbatuar një marrëveshje të
kompensimit në falimentim, nga ndryshimet e pafavorshme në ligjet
tatimore, ose statutet që i pengojnë entitetet të investojnë në lloje të
caktuara të instrumentave financiarë.
19. Konsiderata të tjera të përshtatshme për rreziqet e përdorimit të instrumenteve
financiare përfshijnë:
• Rrezikun e mashtrimit, i cili mund të rritet në qoftë se për shembull, një
punonjës në një pozicion për t`u përfshirë në një mashtrim financiar, i
kupton të dyja, si instrumentet financiare ashtu edhe proceset për
kontabilizimin e tyre, por drejtimi dhe personat e ngarkuar me qeverisjen i
kuptojnë më pak ato;
• Rrezikun që marrëveshjet bazë të kompensimit8 mund të mos reflektohen
në mënyrën e duhur në pasqyrat financiare.
• Rrezikun që disa instrumente financiare të mund të ndryshojnë midis të
qenit aktiv ose detyrim gjatë afatit të tyre dhe ky ndryshim mund të
ndodhë me shpejtësi.
8 Një entitet që ndërmerr një sërë transaksionesh të instrumenteve financiare me një palë tjetër të vetme,
mund të lidhë më këtë palë një marrëveshje me bazë kompensimi. Një marrëveshje e tillë siguron një
shlyerje të vetme të vlerës neto të të gjitha instrumeteve financiare të mbuluara nga marrëveshja, në
rast të mosplotësimit të çdo njërës nga kontratat.
DPNA 1000 1020
Kontrollet që Lidhen me Instrumentet Financiare
20. Shtrirja e përdorimit të instrumenteve financiare të një entiteti dhe shkalla e
kompleksitetit të instrumenteve janë përcaktues të rëndësishëm të nivelit të
nevojshëm të sofistikimit të kontrolleve të brendshme të entitetit. Për
shembull, entitetet më të vogla mund të përdorin produkte më pak të
strukturura dhe procese dhe procedura të thjeshta për të arritur objektivat e tyre.
21. Shpesh, është roli i personave të ngarkuar me qeverisjen për të vendosur tonin
në lidhje me, dhe për miratimin dhe mbikëqyrjen e shtrirjes së përdorimit të
instrumenteve financiare, ndërkohë që është roli i drejtimit për të menaxhuar
dhe monitoruar ekspozimin e entitetit ndaj këtyre rreziqeve. Drejtimi dhe kur
është e përshtatshme, personat e ngarkuar me qeverisjen, janë gjithashtu,
përgjegjës për hartimin dhe zbatimin e një sistemi të kontrollit të brendshëm që
bën të mundur përgatitjen e pasqyrave financiare në përputhje me kuadrin e
zbatueshëm të raportimit financiar. Një kontroll i brendshëm i entitetit mbi
instrumentet financiare ka më shumë të ngjarë të jetë efektiv në rastet kur
drejtimi dhe personat e ngarkuar me qeverisjen kanë:
(a) Vendosur një mjedis kontrolli të përshtatshëm, kur ka pjesëmarrje aktive
të personave të ngarkuar me qeverisje në kontrollin e përdorimit të
instrumenteve financiare, një strukturë organizative logjike me detyra të
qarta të autoritetit dhe përgjegjësive, dhe politka e procedura të
përshtatshme të burimeve njerëzore. Në veçanti, rregullat e qarta nevojiten
deri në atë masë, që personat përgjegjës për aktivitetet e instrumenteve
financiare janë të lejuar të veprojnë. Rregulla të tilla, kanë parasysh çdo
kufizim ligjor ose rregullator mbi përdorimin e instrumenteve financiare.
Për shembull, disa entitete të sektorit publik, mund të mos kenë
kompetencën për të kryer biznes duke përdorur derivativët;
(b) Vendosur një proces për menaxhimin e rrezikut në varësi te madhësisë së
entitetit dhe kompleksitetit te instrumenteve financiare (për shembull, në
disa entitete mund të ekzistojë një funksion formal i menaxhimit të
rrezikut);
(c) Vendosur sisteme informacioni që i sigurojnë personave të ngarkuar me
qeverisjen, një njohje të natyrës së aktiviteteve të instrumenteve financiare
dhe të rreziqeve shoqëruese, përfshirë dokumentimin e përshtatshëm të
transaksioneve;
(d) Hartuar, zbatuar dhe dokumentuar një sistem të kontrollit të brendshëm
për të:
DPNA 1000 1021
o Marrë siguri të arsyeshme që përdorimi i instrumenteve financiare
nga ana e entitetit, është brenda politikave të tij të menaxhimit të
rrezikut;
o Paraqitur instrumentet financiare, në mënyrën e duhur, në pasqyrat
financiare;
o Siguruar që entiteti është në pajtueshmëri me ligjet dhe rregullat e
zbatueshme;
o Monitoruar rrezikun.
Shtojca jep shembuj të kontrolleve që mund të ekzistojnë në një entitet që ka
një volum të madh të transaksioneve të instrumenteve financiare; dhe
(e) Vendosur politika kontabël të përshtatshme, përfshirë politikat e
vlerësimit, në pajtim me kuadrin e zbatueshëm të raportimit financiar.
22. Elementët kryesorë për proceset e menaxhimit të rrezikut dhe të kontrollit të
brendshëm të lidhur me një instrument financiar të një entiteti përfshijnë:
• Vendosjen e një metode për të përcaktuar masën e ekspozimit ndaj
rrezikut që një entitet është i gatshëm të pranojë, kur angazhohet në
transaksione të instrumenteve financiare (kjo gjë mund të referohet si
“niveli i rrezikut të pranueshëm”), përfshirë politikat për investimin në
instrumente financiare dhe kuadrin e kontrollit, në të cilin kryhen
aktivitetet e instrumenteve financiare;
• Vendosjen e proceseve për dokumentimin dhe autorizimin e llojeve të reja
të transaksioneve të instrumenteve financiare, të cilat marrin në
konsideratë rreziqet kontabël, rregullatore, ligjore, financiare dhe
operacionale që janë të lidhura me këto instrumenta;
• Përpunimun e transaksioneve të instrumenteve financiare, përfshirë
konfirmimin dhe rakordimin e mjeteve monetare dhe mbajtjen e aktiveve
për pasqyrat e jashtme, dhe procesin e pagesave;
• Ndarjen e detyrave midis personelit që investon ose tregton instrumentet
financiare dhe personelit përgjegjës për përpunimin, vlerësimin dhe
DPNA 1000 1022
konfirmimin e këtyre instrumenteve. Për shembull, një funksion model, i
përfshirë në asistimin e marrëveshjeve të çmimit është më pak objektiv
sesa një funksion që funksionalisht dhe organizativisht është i ndarë nga
zyra qendrore;
• Proceset dhe kontrollet e vlerësimit, përfshirë kontrollet mbi të dhënat e
siguruara nga burimet e çmuarjes te marra nga palët e treta, dhe
• Monitorimin e kontrolleve.
23. Natyra e rreziqeve, shpesh ndryshon midis entiteteve me një volum të madh
dhe varietet të shumtë të instrumenteve fianciare dhe atyre me vetëm pak
transaksione të instrumenteve financiare. Për shembull:
• Zakonisht, një institucion me një volum të madh të instrumenteve
financiare do të këtë një mjedis të tipit të dhomës së tregtimit, në të cilën
ka tregtarë specialistë dhe ndarje detyrash midis tyre dhe zyrës qendrore
(në prapavijë) (e cila i referohet funksionit të operacioneve që kontrollon
tregtimet e kryera, e cila siguron se ato nuk kanë gabime dhe kanë
realizuar transfertat e kërkuara). Në mjedise të tilla, tregtarët, zakonisht i
inicojnë kontratat në mënyrë verbale nëpërmjet telefonit ose nëpërmjet një
platforme elektronike të tregtimit. Kapja e transaksionve përkatëse dhe
regjistrimi me saktësi i instrumenteve financiare në një mjedis të tillë,
është në mënyrë sinjifikative më sfidues, krahasuar me atë për një entitet
që ka vetëm pak instrumente financiare, ekzistenca dhe plotësia e të cilave
shpesh mund të provohet me marrjen e një konfirmi bankar nga disa
banka.
• Nga ana tjetër, entitetet me një numër të vogël të instrumenteve
financiare, shpesh nuk kanë ndarje të detyrave dhe aksesi në treg është i
limituar. Në raste të tilla, megjithëse mund të jetë më e lehtë për të
identifikuar transaksionet e instrumenteve financiare, ka rrezik që
drejtimi të mund të mbështetet në një mumër të vogël personeli, çka mund
të rrisë rrezikun e kryerjes së transaksioneve të paautorizuara ose që
transaksionet të mos regjistrohen.
Plotësia, Saktësia dhe Ekzistenca
24. Paragrafët 25-33 përshkruajnë kontrollet dhe proceset, të cilat mund të jenë
vendosur në një entitet me një volum të madh të transaksionve të instrumenteve
financiare, përfshirë ato me dhoma tregtimi. Në të kundërt, një entitet që nuk ka
DPNA 1000 1023
një volum të madh të transaksionve të instrumenteve financiare mund të mos
ketë këto kontrolle dhe procese, por në vend të tyre mund të konfirmojë
transaksionet e veta me një palë tjetër ose me nje Agjenci te shlyerjes. Të
vepruarit në këtë mënyrë, mund të jetë relativisht më e drejtpërdrejtë, pasi
entiteti mund të kryejë transaksione vetëm me një ose dy platë të tjera.
Konfirmimet Tregtare dhe me Agjencitë e Shlyerjes
25. Përgjithësisht, për transaksionet e ndërmarra nga institucionet financiare,
kushtet e instrumenteve financiare janë të dokumentuara në konfirmimet e
shkëmbyera midis palëve të treta dhe në marrëveshjet ligjore. Agjencitë e
shlyerjes (Clearinig houses) shërbejnë për të monitoruar shkëmbimin e
konfirmimeve duke krahasuar tregtimet dhe duke i shlyer ato. Një Agjenci e
shlyerjes qendrore është e lidhur me një shkëmbim dhe entitetet që përdorin
Agjencinë zakonisht, kanë procese për të menaxhuar informacionin e dërguar
tek këto agjenci.
26. Jo të gjitha transaksionet shlyhen nëpërmjet një shkëmbimi të tillë. Në shumë
tregje të tjera, ka një praktikë të paracaktuar për rënien dakort mbi kushtet e
transaksioneve përpara fillimit të shlyerjes. Për të qenë efektiv, ky proces duhet
të drejtohet veçmas nga ata që tregtojnë instrumentet financiare, për të
minimizuar rrezikun e mashtrimit. Në tregje të tjera, transaksionet konfirmohen
pasi ka filluar shlyerja e tyre dhe ndonjëherë rezultatet e konfirimimit të
pagesave të prapambetura janë në fillim të shlyerjes para se të bihet plotësisht
dakort me të gjithë kushtet. Kjo paraqet rrezik shtesë, për shkak se entitetet
ndërvepruese duhet të mbështeten në rrugë alternative për rënien dakort të
tregtimit. Këto mund të përfshijnë:
• Kryerjen e rakordimeve rigoroze midis regjistrave të personelit që tregton
instrumentet financiare dhe personelit që kryhen pagesat (ndarje e fortë e
detyrave midis të dyjave është e rëndësishme), e kombinuar me kontrolle
të forta për mbikëqyrjen e personelit që tregton instrumentet financiare për
të siguruar integritetin e transaksioneve;
• Risihikimin e dokumentave përmbledhëse nga palët e tjera që venë
theksin mbi kushtet kryesore madje edhe nëse nuk është rënë dakort mbi
kushtet e plota; dhe
• Rishikimin e hollësishëm të fitimeve dhe humbjeve të tregtarëve për të
siguruar që rakordojnë me atë çfarë eshte llogaritur nga zyra qendror (në
prapavijë).
DPNA 1000 1024
Rakordimet me Bankat dhe Kujdestarët
27. Disa komponentë të instrumenteve financiare, të tilla si obligacionet dhe
aksionet, mund të mbahen në depozitues të veçantë. Përveç kësaj, shumica e
instrumenteve financiare sjellin pagesa të mjeteve monetare në një moment dhe
shpesh, këto flukse të mjeteve monetare fillojnë më herët në jetën e kontratës.
Këto pagesa dhe arkëtime të mjeteve monetare do të kalojnë nëpërmjet
llogarisë bankare të një entiteti. Rakordimet e rregullta të regjistrimeve të
entitetit me regjistrimet e bankave dhe regjistrimet e kujdestarëve të jashtem i
japin mundësi entitetit të sigurohet se transaksionet janë regjistruar në mënyrën
e duhur.
28. Duhet të theksohet që jo të gjitha instrumentet financiare krijojnë një fluks të
mjeteve monetare gjatë fazave të para të jetës së kontratës ose janë në gjendje
të regjistrohen me një ndërmjetës apo kujdestar. Në këtë rast, proceset e
rakordimit nuk do të identifikojnë një regjistrim të munguar ose të pasaktë të
tregtimit dhe kontrollet e konfirmimit janë më të rëndësishme. Edhe në rastet
kur një fluks i tillë i mjeteve monetare regjistrohet në mënyrë të saktë në fazat e
para të jetës së instrumentit, kjo nuk siguron që të gjitha karakteristikat ose
kushtet e instrumentit (për shembull, maturimi ose një opsion ndërprerjeje i
hershëm) janë regjistruar saktësisht
29. Përveç kësaj, lëvizjet e mjeteve monetare mund të jenë tepër të vogla në
kontekstin e madhësisë së përgjithshme të tregtisë ose bilancit të entitetit dhe si
rrejdhojë, mund të jenë të vështira për t’u identifikuar. Vlera e rakordimeve
përmirësohet në rastet kur departamenti i financës, ose personeli tjetër i zyrës,
rishikon regjistrimet në të gjitha llogaritë e librit të madh për të siguruar që ato
janë të vlefshme dhe mbështetëse. Ky proces do të ndihmojë për të identifikuar
nëse ana tjetër e hyrjeve të mjeteve monetare në lidhje me instrumentet
financiare, nuk ka qenë regjistruar në mënyrën e duhur. Rishikimi i llogarive të
pezullimit dhe të shlyerjes është i rëndësishëm pavarësisht gjendjes së
llogarisë, pasi në llogari mund të ketë zëra të rakorduar që janë kompesuar.
30. Në entitetet me një volum të madh të transaksioneve të instrumenteve
financiare, kontrollet e rakordimit dhe konfirmimit mund të jenë të
automatizuara dhe, në këto raste, në mbështetje të tyre duhet të ketë kontrolle të
përshtatshme të TI-së. Në veçanti, kontrollet duhen për të siguruar që të dhënat
janë të plota dhe të zgjedhura me saktësi nga burimet e jashtme (të tillë si
bankat dhe kujdestarët) dhe në regjistrat e entitetit nuk ka patur ndërhyrje para
ose gjatë rakordimit. Kontrollet gjithashtu, nevojiten për të siguruar që kriteret
me të cilat krahasohen regjistrimet janë mjaftueshëm kufizuese për të
parandaluar shlyerjet e pasakta të elementeve të rakorduar.
Kontrollet e Tjera mbi Plotësinë, Saktësinë dhe Ekzistencën
31. Kompleksiteti i vetvetishëm në disa intrumente financiare nënkupton që jo
gjithmonë do të jetë e dukshme mënyra sesi ato do të regjistrohen në sistemin e
DPNA 1000 1025
entitetit. Në raste të tilla, drejtimi mund të vendosë procese të kontrollit për të
monitoruar politikat që përshkruajnë sesi lloje të veçanta të transaksioneve janë
matur, regjistruar dhe kontabilizuar. Këto politika zakonisht vendosen dhe
rishikohen paraprakisht nga personeli me kualifikimin e duhur, i cili është në
gjendje të kuptojë efektet e plota të instrumenteve financiare që regjistrohen.
32. Disa transaksione mund të anullohen ose ndryshohen pas ekzekutimit fillestar.
Zbatimi i kontrolleve të përshtatshme lidhur me anullimin ose ndryshimin,
mund të zvogëlojë rrezikun e anomalisë materiale për shkak të mashtrimit ose
gabimit. Përveç kësaj, një entitet mund të ketë të vendosur një proces për të
rikonfirmuar tregtimet që janë anulluar ose ndryshuar.
33. Në institucionet financiare me një volum të lartë tregtimi, një punonjës kryesor,
zakonisht, rishikon fitimet dhe humbjet ditore në librat individualë të
tregtarëve, për të vlerësuar nëse ato janë të arsyeshme, bazuar në njohuritë që
ky punonjës ka mbi tregun. Kjo mund t’i lejojë drejtimit të përcaktojë se
tregtime të veçanta nuk kanë qenë regjistruar plotësisht apo me saktësi, ose
mund të identifikojë mashtrim nga një tregtar i veçantë. Është e rëndësishme që
të ketë procedura të autorizimit të transaksioneve që mbështesin rishikim nga
personeli i nivelit më të lartë.
Vlerësimi i Instrumenteve Financiare
Kërkesat e Raportimit Financiar
34. Në shumë kuadro të raportimit financiar, instrumentet financiare, përfshirë
derivativët, shpesh maten me vlerë të drejtë për qëllime të paraqitjes në bilanc,
llogaritjes së fitimit ose humbjes dhe/ose dhënies së shënimeve shpjeguese. Në
përgjithësi, objektivi i matjes me vlerën e drejtë është të arrihet në çmimin në të
cilin, një transaksion i rregullt do të kryhej mdis pjesëmarrësve në treg në datën
e matjes sipas kushteve aktuale të tregut; domethënë, që nuk është çmimi i
transaksionit për një likuidim të sforcuar ose për një shitje në kushte të vështira.
Për të arritur këtë objektiv, merret parasysh i gjithë infromacioni disponibël
përkatës i tregut.
35. Matjet me vlerën e drejtë të aktiveve dhe detyrimeve financiare mund të kryhen
si në fillim të regjistrimit të transaksionit ashtu dhe më vonë, kur ka ndryshime
në vlerë. Ndryshimet në matjet me vlerën e drejtë që ndodhin gjatë kohës mund
të trajtohen në mënyra të ndryshme, nga kuadro të ndryshëm të raportimit
financiar. Për shembull, këto ndryshime mund të regjistrohen si fitim ose
humbje, ose mund të regjistrohen në të ardhurat e tjera gjithëpërfshirëse.
Gjithashtu, në varësi të kuadrit të zbatueshëm të raportimit financiar,
instrumenti financiar në tërësi ose vetëm një komponent i tij (për shembull, një
derivativ i përfshirë kur kontabilizohet më vete) mund të kërkohet të matet me
vlerën e drejtë.
DPNA 1000 1026
36. Disa kuadro të raportimit financiar përcaktojnë një hierarki të vlerës së drejtë
për të rritur koherencën dhe krahasueshmërinë në matjet me vlerë të drejtë dhe
paraqitjen në shënimet shpjeguese përkatëse. Inputet mund të klasifikohen në
nivele të ndryshme, të tilla si:
• Inputet e nivelit 1 – Çmimet e kuotuara (të parregulluara) në tregjet aktive,
për aktivet ose detyrimet financiare identike, që entiteti mund t’i aksesojë
në datën e matjes.
• Inputet e nivelit 2 – Inputet e ndryshme nga çmimet e kuotuara të
përfshira në nivelin 1 që janë të vëzhgueshme për aktivet ose detyrimet
financiare, direkt ose indirekt. Nëse aktivi ose detyrimi financiar ka kushte
të specifikuara (kontraktuale), një input i nivelit të 2 duhet të jetë i
vëzhgueshëm, kryesisht për të gjithë jetëgjatësinë e aktivit ose detyrimit
financiar. Inputet e nivelit 2 pëfshijnë sa më poshtë vijon:
o Çmimet e kuotuara për aktivet ose detyrimet financiare të
ngjashme në tregjet aktive.
o Çmimet e kuotuara për aktivet ose detyrimet financiare identike
në tregjet që nuk janë aktive.
o Inputet e tjera të ndryshme nga çmimet e kuotuara që janë të
vëzhgueshme për aktivin ose detyrimin financiar (për shembull,
normat e interesit dhe kurbat e rendimentit të vëzhgueshme, në
intervalet e kuotimeve, luhatjet e nënkuptuara dhe shpërndarjet e
kredisë).
o Inputetet që kanë derivuar kryesisht nga, ose vërtetohen nga, të
dhënat e vëzhgueshme të tregut nga korelacioni ose mjete të tjera
(inputet e vërtetuara në treg).
• Inputet e nivelit 3 – Inputetet e pavëvzhgueshme për aktivet ose detyrimet
financiare. Inputetet e pavëvzhgueshme përdoren për të matur vlerën e
drejtë deri në masën që inputet përkatëse të vëzhgueshme nuk janë
disponibël, duke lejuar në këtë mënyrë, matjen për situatat në të cilat ka
pak aktivitet tregtar për aktivet ose detyrimet financiare në datën e matjes.
Në përgjithësi, pasiguria në matje rritet me lëvizjen e instrumentit financiar nga
niveli 1 tek niveli 2, ose nga niveli 2 tek niveli 3. Gjithashtu, brenda nivelit 2, në
DPNA 1000 1027
varësi të vrojtueshmërisë së inptuve, mund të ketë një gamë të gjerë të pasigurisë në
matje, konpleksitetit të instrumentit financiar, vlerësimit të tij dhe faktorëve të tjerë.
37. Disa kuadro të raportimit financiar mund të kërkojnë ose lejojnë entitetin që të
bëjë rregullime për pasiguritë në matje, në mënyrë që të bëjë rregullime për
rreziqet që një pjesëmarrës në treg do të ketë gjatë çmuarjes dhe për të marrë
parasysh pasiguritë e rrezikut të lidhur me çmuarjen ose flukset e mjeteve
monetare të instrumentit financiar. Për shembull:
• Rregullimet e modelit. Disa modele mund të kenë një mangësi të njohura
ose rezultati i një kalibrimi mund të nxjerrë në pah mangësinë për matjen
me vlerën e drejtë në pajtim me kuadrin e raportimit financiar.
• Rregullimet e rrezikut të kredisë. Disa modele nuk marrin në konsideratë
rrezikun e kredisë, përfshirë rrezikun e palës tjetër ose rrezikun e vetë
kredisë.
• Rregullimet e likuiditetit. Disa modele përllogaritin një çmim tregu
mesatar edhe pse kuadri i raportimit financiar mund të kërkojë përdorimin
e një shume të rregulluar të likuiditetit, si për shembull nga një interval i
ofruar. Një tjetër, më gjykues, rregullimi i likuiditetit pranon që disa
instrumente financiare nuk janë likuidë, dhe kjo ka ndikim në vlerësim.
• Rregullime të tjera të rrezikut. Një vlerë e matur duke përdorur një model
që nuk merr parasysh të gjithë faktorët e tjerë që pjesëmarrësit në treg do
të merrnin në konsideratë në çmuarjen e instrumentit financair, mund të
mos përfaqësojë vlerën e drejtë në datën e matjes dhe si rrjedhojë, mund të
ketë nevojë të bëhen rregullime veçmas, për të qenë në pajtim me kuadrin
e zbatueshëm të raportimit financiar.
Rregullimet nuk janë të përshtatshme nëse ato rregullojnë matjen dhe
vlerësimin e instrumentit financiar larg vlerës së drejtë siç është përcaktuar nga
kuadri i zbatueshëm i raportimit financiar, si për shëmbull për qëndrimin
konservator.
Inputet e Vëzhgueshme dhe të Pavëzhgueshme
38. Siç është përmendur më sipër, kuadrot e raportimit financiar shpesh i
kategorizojnë inputet bazuar në shkallën e vëzhgueshmërisë. Me rënien e
aktivitetit në një treg të instrumenteve financiare dhe me rënien e
vëshgueshmërisë së inputeve, rritet edhe pasiguria në matje. Natyra dhe
besueshmëria e informacionit disponibël për të mbështetur vlerësimin e
DPNA 1000 1028
instrumenteve financiare ndryshon në varësi të vëzhgueshmërisë së inputeve
për matjen e tyre, e cila influencohet nga natyra e tregut (për shembull, niveli i
aktivitetit të tregut dhe nëse është nëpërmjet shkëmbimit ose jashtë bursës).
Prandaj, ka një vazhdimësi të natyrës dhe besueshmërisë së evidencës të
përdorur për të mbështetur vlerësimin, dhe kjo bëhet më e vështirë për
drejtimin që ai të sigurojë informacion për të mbështetur një vlerësim kur
tregjet bëhen joaktivë dhe inputet bëhen më pak të vëzhgueshme.
39. Kur inputetet e vëzhgueshme nuk janë disponibël, entiteti përdor inputetet e
pavëzhgueshme (niveli 3 i inputeve) të cilat pasqyrojnë hipotezën që do të
përdorin pjesëmarrësit në treg kur çmojnë aktivet apo detyrimet financiare,
përfshirë hipotezat rreth rrezikut. Inputet e pavëzhgueshme përcaktohen duke
përdorur informacionin më të mirë disponibël për rrethanat. Në përcaktimin e
inputeve të pavëzhgueshme, një entitet mund të nisë me të dhënat e veta, të
cilat rregullohen në qoftë se informacioni i arsyeshëm disponibël tregon që (a)
pjesëmarrësit e tjerë në treg do të përdorin të dhëna të ndryshme ose (b) ka
diçka të veçantë për entitetin që nuk është e disponueshme për pjesëmarrësit e
tjerë të tregut (për shembull, sinergjia specifike për një entitet).
Efektet e Tregjeve Joaktive
40. Pasiguria në matje rritet dhe vlerësimi bëhet më i komplikuar, kur tregjet në të
cilat tregtohen instrumentet financiare ose pjesë të komponentëve të tyre, bëhen
joaktive. Nuk ka një pikë të qartë se kur një treg aktiv bëhet joaktiv, megjithatë
kuadrot e raportimit financiar mund të japin udhëzime mbi këtë çështje.
Karakteristikat e një tregu joaktiv përfshijnë një rrënie të konsiderueshme të
volumit dhe nivelit të aktivitetit tregtar, çmimet e disponueshme ndryshojnë
shumë gjatë kohës ose midis pjesëmarrësve të tregut apo çmimet nuk janë
aktuale. Sidoqoftë, vlerësimi nëse një treg është joaktiv kërkon përdorimin e
gjykimit.
41. Kur tregjet janë joaktivë, çmimet e kuotuara mund të jenë joaktuale
(domethënë, të vjetëruar), mund të mos përfaqësojë çmimet me të cilat
pjesëmarrësit në treg mund bëjnë tregti ose mund të paraqesin transaksione të
detyruara (siç është rasti kur një shitësi që i kërkohet të shesë një aktiv për të
plotësuar kërkesat ligjore ose rregullatore, duhet që të shesë një aktiv sa më
shpejt të jetë e mundur, për të krijuar likuiditet ose ekzistenca vetëm e një
blerësi të mundshëm si rezultat i një kufizimi të detyruar ligjor ose kohor). Për
rrjedhojë, vlerësimet bëhen bazuar në inputet e nivelit 2 dhe 3. Sipas këtyre
rrethanave, entitetet mund të kenë:
• Një politikë vlerësimi që përfshin një proces i cili përdoret për
përcaktimin nëse janë disponibël inputet e nivelit 1;
• Një kuptim të mënyrës sesi janë llogaritur çmimet e veçanta ose inputet
nga burime të jashtme të përdorura si inpute për teknikat e vlerësimit, në
DPNA 1000 1029
mënyrë që të vlerësohet besueshmëria e tyre. Për shembull, në një treg
aktiv, kuotimi i një brokeri për një instrument financiar që nuk është
tregtuar prej tij, ka të ngjarë të reflektojë transaksionet ekzistuese në një
instrument financiar të ngjashëm, por, kur tregu bëhet më pak aktiv, për të
përcaktuar çmimet kuotimi i brokerit mund të mbështet më shumë në
teknikat e veta të vlerësimit;
• Një kuptim të mënyrës sesi përkeqësimi i kushteve të biznesit ndikon
palën tjetër, si dhe nëse përkeqësimi i kushteve të biznesit për entitet e
ngjashme me palën tjetër, mund të tregojë se pala tjetër mund të mos
përmbushë detyrimet e veta (që është, rreziku i mosperformancës);
• Politikat për rregullimin për pasiguritë në matje. Rregullime të tilla mund
të përfshijnë rregullime të modelit, mugesën e rregullimeve të likuiditetit,
rregullime të rrezikut të kredisë dhe rregullime të rrezikut tjetër;
• Aftësia për të llogaritur intervalin e rezultateve reale duke ditur pasiguritë
e përfshira, për shembull duke kryer një analizë të ndjeshmërisë; dhe
• Politikat për identifikimin se kur një input për matjen e vlerës së drejtë,
lëviz në një nivel të ndryshëm të hierarkisë së vlerës së drejtë.
42. Vështirësitë e veçanta mund të krijohen kur ka shkurtime të theksuara ose
madje ndërprerje të tregtimit të instrumeteve financiare të veçanta. Në këto
situata, instrumentet financiare që më parë kanë qenë vlerësuar duke përdorur
çmimet e tregut, mund të kenë nevojë që të vlerësohen duke përdorur një
model.
Procesi i Vlerësimit i Drejtimit
43. Teknikat që mund të përdorë drejtimi për të vlerësuar instrumentet e tij
financiare përfshijnë çmimet e vëzhgueshme, transaksionet më të fundit dhe
modelet që përdorin inputet e vëzhgueshme ose të pavëzhgueshme. Drejtimi
gjithashtu mund të shfrytëzojë:
(a) Burimet e çmuarjes nga palë të treta, të tilla si shërbimet e përcaktimit të
çmimit ose kuotimet nga brokeri; ose
(b) Një ekspert vlerësimi.
Burimet e çmuarjes nga palët e treta dhe ekspertët e vlerësimit mund të përdorin një
ose disa nga këto teknika vlerësimi.
DPNA 1000 1030
44. Në shumë kuadro të raportimit financiar, evidenca më e mirë për përcaktimin e
vlerës së drejtë të një instrumenti financiar, gjendet në transaksionet që ndodhin
njëkohësisht në një treg aktiv (domethënë, inputet e nivelit 1). Në raste të tilla,
vlerësimi i një instrumenti financiar mund të jetë relativisht i thjeshtë. Çmimet
e kuotura për instrumentet financiare të listuara në bursë ose të tregtuara në një
treg likuid jashtë bursave, mund të jenë të disponueshëm nga burime të tilla si
publikimet financiare, vetë bursat ose burimet e çmuarjes nga palë të treta. Kur
përdoren çmimet e kuotuara, është e rëndësishme që drejtimi të kuptojë bazat
në të cilat është dhënë kuotimi, për të siguruar se çmimi reflekton kushtet e
tregut në datën e matjes. Çmimet e kuotuara të marra nga publikimet ose bursat
mund të sigurojnë evidencë të mjaftueshmë të vlerës së drejtë kur, për
shembull:
(a) Çmimet nuk janë të vjetërura ose “të hershme” (për shembull, nëse
kuotimi është i bazuar në çmimin më të fundit të tregtuar dhe transaksioni
ka ndodhur disa kohë më përpara); dhe
(b) Kuotimet janë çmime me të cilat tregtarët do të tregtonin instrumentin
financiar me frekuencë dhe volum të mjaftueshëm.
45. Në rastet kur për instrumentin financiar nuk ekziston një çmim tregu aktual i
vëzhgueshëm (që është, një inputit i nivelit 1), për entitetin do të ishte e
nevojshme të mbledhë tregues të tjerë të çmimit, per t`i përdorur në një teknikë
vlerësimi për të vlerësuar instrumentin financiar. Treguesit e çmimit mund të
përfshijnë:
• Transaksionet më të fundit, përfshirë transaksionet pas datës së pasqyrave
financiare për të njejtin instrumet. Konsiderata jepet edhe për faktin nëse
ka nevojë të kryhet ndonjë rregullim për ndryshimet e ndodhura në
kushtet e tregut midis datës së matjes dhe datës së kryerjes së
transaksionit, pasi këto transaksione nuk janë detyrimisht tregues të
kushteve të tregut që kanë ekzistuar në datën e pasqyrave financiare.
Përcveç kësaj, ka mundësi që transaksioni të përfaqësojë një transaksion të
detyruar dhe si rrjedhojë, ai nuk mund të jetë tregues i një çmimi në një
treg të zakonshëm.
• Transaksionet aktuale ose më të fundit në instrumenta të ngjashëm, shpesh
të njohura edhe si çmim i paracaktuar (“proxy pricing”). Rregullimet do të
duhen të bëhen për çmimin e paracaktuar për të reflektuar diferencat midis
tyre dhe instrumentit që i vendoset çmimi, për shembull, për të mbajtur
parasysh diferencat në rrezikun e likuiditetit ose të kredisë midis dy
instrumenteve.
DPNA 1000 1031
• Treguesit për instrumenta të ngjashëm. Ashtu si dhe me transaksionet në
instrumenta të ngjashëm, do të duhet të bëhen rregullime për të reflektuar
diferencat midis instrumentit të cilit i është përcaktuar çmimi dhe
instrumentit(ave) nga i cili ka rrjedhur treguesi i përdorur.
46. Pritet që drejtimi do të dokumentojë politikat e tij të vlerësimit dhe modelin e
përdorur për të vlerësuar një instrument financiar të veçantë, përfshirë
arsyetimin për modelin e përdorur, zgjedhjen e hipotezave në metodologjinë e
vlerësimit dhe konsideratat e entitetit lidhur me faktin nëse rregullimet për
pasiguirnë në matje janë të nevojshme.
Modelet
47. Për të vlerësuar instrumentet financiare, kur çmimi nuk mund të vëzhgohet në
mënyrë direkte në treg, mund të përdoren modelet. Ato mund të jenë modele të
thjeshta që zakonisht përdorin një formulë për përcaktimin e çmimit të
obligacionit, ose ato mund të përfshijnë programe kompjuterike komplekse
dhe të krijuara posaçërisht për të vlerësuar instrumentet financiarë me inputet e
nivelit 3. Shumë modele bazohen në llogaritjet e flukseve të mjeteve monetare
te skontuara.
48. Modelet përfshijnë një metodologji, hipotezat dhe të dhënat. Metodologja
përshkruan rregullat ose parimet që drejtojnë marrëdhëniet midis variableve në
vlerësim. Hipotezat përfshijnë çmuarjet e variablave të pasigurta, të cilat janë
përdorur në model. Të dhënat mund të përfshijne infromacionin aktual ose
hipotetik për instrumentin financiar, ose inpute të tjera për instrumentin
financiar.
49. Në varësi të rrethanave, çështjet që mund të adresojë entiteti kur përcakton ose
vlerëson një model për një instrument financiar, përfshijnë faktin nëse:
• Modeli është validuar para përdorimit, me rishikime periodike për të
siguruar që ai vijon të jetë i përshtatshem për përdorimin e synuar. Procesi
i validimit nga entiteti mund të përfshijë vlerësimin e:
o Bazës teorike të metodologjisë dhe integritetit matematikor, përfshirë
përshtatshmërinë e parametrave dhe të ndjeshmërive.
o Qëndrueshmërisë dhe plotësisë së inputeve të modelit me praktikat e
tregut dhe faktin nëse inputet e përshtatshme janë të disponueshme
për t`u përdorur në model.
DPNA 1000 1032
• Kanë ndodhur ndryshime në politikat dhe procedurat e përshtatshme të
kontrollit, dhe kontrollet e sigurisë mbi modelin.
• Modeli është ndryshuar në mënyrë të përshtatshme ose është rregulluar në
kohën e duhur, me ndryshimet në kushtet e tregut.
• Modeli është kalibruar, rishikuar dhe testuar në mënyrë periodike për
vlefshmërinë nga një funksion i veçantë dhe objektiv. Nje gjë e tille është
një mjet për të siguruar që outputi i modelit është një paraqitje e drejtë e
vlerës që pjesëmarrësit në treg do t’i jepnin një instrumenti financiar.
• Modeli maksimizon përdorimin e inputeve përkatëse të vëzhgueshme dhe
minimizon përdorimin e inputive të pavëzhgueshme.
• Janë bërë rregullime në outputin e modelit për të reflektuar hipotezat që
pjesëmarrësit në treg do të përdorinin për të njëjtat rrethana.
• Modeli është i dokumentuar në mënyrën e duhur, përfshirë zbatimet dhe
kufizimet e synuara të modelit dhe parametrat e tij kryesor, të dhënat e
kërkuara, rezultatet e çdo analize të validimit të kryer dhe çdo rregullim të
bërë në outputin e modelit.
Një Shembull i një Intrumenti Financiar të Zakonshëm
50. Më poshtë përshkruhet mënyra sesi modelet mund të zbatohen për të vlerësuar
një instrument financiar të zakonshëm, të njohur si një letër me vlerë e
mbështetur në aktiv.9 Për shkak se letrat me vlerë të mbështetura në aktiv
shpesh vlerësohen bazuar në inputet e nivelit 2 ose 3, ato shpesh janë vlerësuar,
duke përdorur modelet dhe përfshijnë:
• Kuptimin e llojit të letrës me vlerë – duke vlerësuar (a) kolateralin bazë;
dhe (b) kushtet e letrës me vlerë. Koltaterali bazë është përdorur për të
vlerësuar kohën dhe shumën e flukseve të mjeteve monetare, të tillë si
interesat e kredisë hipotekore ose interesi i kartës së kreditit dhe pagesat e
principalit.
9 Një letër me vlerë e mbeshtetur në aktiv, është një instrument financiar, i cili është mbeshtetur nga një
grup i aktiveve bazë (të njohura si kolateral, të tillë si një kartë krediti e arkëtueshme, ose një
instrument huaje) dhe derivon vlerën dhe të ardhurën nga këto aktive bazë.
DPNA 1000 1033
• Kuptimin e kushteve të letrës me vlerë – kjo përfshin vlerësimin e të
drejtave kontraktuale të flukseve të mjeteve monetare, të tilla si urdhëri i
pagesës dhe ndonjë ngjarje tjetër që pengon pagesën. Urdhër pagesa, e
njohur ndryshe edhe si “seniority”, i referohet kushteve të cilat disa klasa
të mbajtësve të letrave me vlerë (senior debt) të paguhen para të tjerave
(subordinated debt). Të drejtat e çdo klase të mbajtësve të letrave me vlerë
për flukset e mjeteve monetare, referuar shpesh si fluksi i mjeteve
monetare “ujëvarë”, së bashku me hipotezat e afatit dhe të shumës së
mjeteve monetare që janë përdorur për të derivuar një grup të fluksit të
vlerësuar të mjeteve monetare për secilën klasë të mbajtesit të letrës me
vlerë. Flukset e pritshme të mjeteve monetare më pas skontohen për ta
arritur në një çmuarje të vlerës së drejtë.
51. Flukset e mjeteve monetare të një letre me vlerë të mbështetur në aktiv mund të
ndikohen nga parapagimet e kolateralit bazë dhe nga rreziku i mundshëm i
mospagimit dhe rezultatet e humbjet e mëdha të vlerësuara me çmuarje.
Hipotezat e parapagimeve, kur është rasti, përgjithësisht bazohen në
vlersësimin e normave të interesit në treg për kolateralë të ngjashëm me normat
mbi kolateralin bazë për letrat me vlerë. Për shembull, nëse normat e interesit
për kreditë hipotekore kanë pësuar rënie, atëherë kreditë hipotekore bazë në një
letër me vlerë mund të kenë norma të parapagimit më të larta nga çfarë pritej
fillimisht. Çmuarje e masës së mundshme të mospagimit dhe e humbjes së
fortë, përfshin vlerësimin e ngushtë të kolateralit bazë dhe të huamarrësve, për
të çmuar normat e kamatvonesave. Për shembull, kur kolaterali bazë përfshin
hipotekat e banesave, humbjet e forta mund të ndikohen nga vlerësimet e
çmimeve të banesave të banimit gjatë afatit të letrës me vlerë.
Burimet e Çmuarjes nga Palët e Treta
52. Entitet mund të përdorin burimet e çmuarjes nga palët e treta për percaktimin e
çmimit, në mënyrë që të marrin informacion për vlerën e drejtë. Përgatitja e
pasqyrave financiare të një entiteti, përfshirë këtu vlerësimin instrumenteve
financiare dhe përgatitjen e shënimeve shpjeguese në pasqyrat financiare në
lidhje me këto instrumente, mund të kërkojë ekspertizë të cilën drejtimi nuk e
zotëron. Entitetet mund të mos jenë në gjendje për të zhvilluar teknikat e
përshtatshme të vlerësimit, përfshirë modelet që mund të përdoren në një
vlerësim dhe mund të përdorin një burim të një palë të tretë për përcaktimin e
çmimit për të arritur në një vlerësim ose për të dhënë informacionet shpjeguese
për pasqyrat financiare. Në veçanti, ky mund të jetë rasti për entitetet më të
vogla ose entitetet që nuk janë të angazhuara me një volum të madh të
transaksioneve të instrumenteve financiare (për shembull, institucionet
jofinanciare me departamentet e thesarit). Madje edhe nëse drejtimi ka përdorur
DPNA 1000 1034
një burim nga një palë e tretë për të përcaktuar çmimin, drejtimi është
përfundimisht përgjegjës për vlerësimin.
53. Burimet e çmuarjes nga palët e treta gjithashtu, mund të përdoren për shkak se
volumi i letrave me vlerë për t’u çmuar në një hark kohor të shkurtër, për
entitetin mund të jetë i pamundur. Kjo ndodh shpesh për fondet e investimit të
tregtuara, për të cilat, për çdo ditë, duhet të përcaktohet një aktiv me vlerë neto.
Në raste të tjera, drejtimi mund të ketë procesin e tij të percaktimit të çmimit,
megjithatë ai përdor burimet e çmuarjes nga palët e treta, për të konfirmuar
vlerësimet e tij.
54. Për një ose më shumë nga këto arsye, pjesa më e madhe e entiteteve përdorin
burime nga palë të treta për të percaktruar çmimin kur vlerësojnë letrat me
vlerë ose si një burim primar ose si një burim për konfirmimin e vlerësimeve të
tyre. Burimet e çmuarjes nga palët e treta, përgjithësisht përfshihen në
kategoritë e mëposhtme:
• Shërbimet e përcaktimit të çmimit, përfshirë shërbimet e përcaktimit të
çmimit me konsensus; dhe
• Brokerët që testojnë kuotimet e brokerit.
Shërbimet e Përcaktimit të Çmimit
55. Shërbimet e përcaktimit të çmimit i pajisin enitetet me çmime dhe të dhëna që
lidhen me çmimin, për një varietet instrumentesh financiare, shpesh duke kryer
vlerësime ditore për një numër të madh të instrumenteve financiare. Këto
vlerësime mund të bëhen duke mbledhur të dhënat nga tregu dhe çmimet nga
një gamë e gjërë burimesh të ndryshme, përfshirë këtu tregjet, dhe në disa raste
duke përdorur teknika të brendshme të vlerësimit për të shkuar tek vlerat e
drejta të vlerësuara. Shërbimet e përcaktimit te çmimit mund të kombinojnë një
numër mënyrash për të arritur në një çmim te caktuar. Shërbimet e përcaktimit
të çmimit shpesh përdoren si një burim i çmimeve të bazuara në inputetet e
nivelit 2. Shërbimet e përcaktimit të çmimit mund të kenë kontrolle të forta
rreth mënyrës sesi janë llogaritur çmimet dhe klientët e tyre shpesh përfshijnë
një varietet të gjerë te palëve, përfshirë investitorët që bëjnë blerje dhe shitje,
funksione në zyrat qendrore dhe të ndërmjetësve, audituesit dhe të tjerët.
56. Shërbimet për përcaktimin e çmimit, shpesh kanë një proces të formalizuar për
klientët, të cilët nuk bien dakord me çmimet e marra nga shërbimet e
përcaktimit të çmimeve. Këto procese të mospranimit, zakonisht kërkojnë që
klienti të sigurojë evidencën që mbështetet një çmim alternativ, me çështje të
diskutueshme të kategorizuara bazuar në cilësinë e evidencës së siguruar. Për
shembull, mund të ketë një mosmarrëveshje që bazohet në një shitje më të
fundit të këtij instrumenti për të cilin, shërbimi për përcaktimin e çmimit nuk
ka qenë në dijeni, ndërkohë që një mosmarreveshje që bazohet në nje teknikë të
DPNA 1000 1035
vetën të vlerësimit të klientit, mund të analizohet me më shumë kujdes. Në këtë
mënyrë, një shërbim për përcaktimin e çmimit me një numër të madh të
pjesëmarrësve kryesorë, që veprojnë si blerës dhe shitës, mund të jetë në
gjendje të korrigjojë në mënyrë konstante çmimet për të refklektuar potësisht
informacionin disponibël për pjesëmarrësit në treg.
Shërbimet e Përcaktimit të Çmimit me Konsensus
57. Disa entitete mund të përdorin të dhëna të çmimeve nga shërbimet e
përcaktimit të çmimeve me konsensus të cilat ndryshojnë nga shërbimet e tjera
të përcaktimit të çmimeve. Shërbimet e përcaktimit të çmimeve me konsensus
sigurojnë informacion rreth një instsrumenti nga disa entetete pjesëmarrëse.
Çdo entitet pjesëmarrës paraqet çmime për shërbimin e përcaktimit të çmimit.
Shërbimi i përcaktimit të çmimit e trajton këtë informacion në mënyrë
konfidenciale dhe i kthen çdo entiteti pjesënmarrës çmimin e pranuar me
konsensus, i cili është zakonisht një mesatare arithmetike e të dhënave pasi
është përdorur një rutinë për pastrimin e të dhënave për të eleminuar
informacionin që devijon nga rregulli. Për disa tregje, të tilla si tregjet për
derivativët, çmimet me konsenus mund të përbëjnë të dhënat më të mira në
dispozicion. Megjithatë, shumë faktorë duhet të merren në konsideratë për
vlerësimin e besueshmërisë së paraqitjes së çmimeve me konsensus përfshirë,
për shembull:
• Nëse çmimet e paraqitura nga pjesëmarrësit reflektojnë transaksionet
aktuale apo thjesht çmimet treguese të bazuara në teknikat e tyre të
vlerësimit.
• Numrin e burimeve nga të cilat janë marrë çmimet.
• Cilësia e burimeve të përdorura nga shërbimi i përcaktimit të çmimit me
konsensus.
• Nëse pjesëmarrësit përfshijnë pjesëmarrësit kryesorë në treg.
58. Zakonisht çmimet e përcaktuara me konsensus janë të disponueshme vetëm për
pjesmarrësit që kanë paraqitur çmimet e tyre për shërbimin. Për rrjedhoje, jo të
gjitha entitetet do të kenë akses të drejtpërdrejtë në çmimet konsensus. Për
shkak se një pjesëmarrës përgjithësisht nuk mund të dijë sesi janë vleresuar
çmimet e paraqitura, për të mbështetur vlersimin e tij, drejtimit, përveç
informacionit nga shërbimet e përcaktimit të çmimeve me konsensus, mund t’i
nevojiten burime të tjera të evidencës. Në veçanti, ky mund të jetë rasti kur
burimet japin çmime treguese bazuar në teknikat e tyre të veta të vlerësimit dhe
drejtimi nuk është në gjendje për të marrë një njohuri mbi mënyrën sesi i kanë
llogaritur çmimet e tyre këto burime.
DPNA 1000 1036
Brokerat që japin kuotimet e brokerit
59. Ndërsa brokerat ofrojnë kuotime vetëm si një shërbim të rastësishëm për
klientët e tyre, kuotimet që ata ofrojnë ndryshojnë në shumë aspekte nga
çmimet e marra në shërbimet e përcaktimit të çmimeve. Brokerët mund të mos
kenë dëshirë të japin informacion rreth procesit të përdorur për të përcaktuar
kuotimin e tyre, por mund të kenë akses në informacionet mbi transaksionet për
të cilat mund të jetë në dijeni një shërbim i përcaktimit të çmimit. Kuotimet e
brokerit mund të jenë të ekzekutueshme ose indikative. Kuotimet indikative
janë çmuarja më e mirë e një brokeri për vlerën e drejtë, ndërsa një kuotim i
ekzekutueshëm tregon se brokeri ka vullnetin të kryejë transaksione me këtë
çmim. Kuotimet e ekzekutueshme janë evidencë e fortë e vlerës së drejtë.
Kuotimet indikative janë më pak të tilla për shkak të mungesës së transparencës
në metodat e përdorura nga ndërmjetësi për të përcaktuar kuotimin. Veç kesaj,
fortësia e kontrolleve mbi kuotimet e brokerit shpesh do të ndryshojë në varësi
të faktit nëse brokeri mban të njëjtën letër me vlerë në portofolin e tij. Kuotimet
e brokerit shpesh përdoren për letrat me vlerë me inputet e nivelit 3 dhe
ndonjëherë mund të jenë informacioni i vetëm i jashtëm i disponueshëm.
Konsiderata të mëtejshme në lidhje me burimet e çmuarjes nga palët e treta
60. Njohja e mënyrës sesi burimet e çmuarjes nga palët e treta kanë përcaktuar një
çmim, i jep mundësi drejtimit të përcaktojë nëse ky informacion është i
përshtatshëm për t'u përdorur në vlerësimin e tij, përfshirë përdorimin si një
imput në një teknikë vlerësimi dhe në cilin nivel të inputeve duhet të
kategorizohet letra me vlerë për qëllime të paraqitjes në shënimet shpjeguese.
Për shembull, burimet e çmuarjes nga palët e treta mund të shërbejnë për të
vlerësuar instrumentet financiare duke përdorur modelet në pronësinë e tyre,
kështu që ka rëndësi që drejtimi të kuptojë metodologjinë, supozimet dhe të
dhënat e përdorura.
61. Nëse matjet e vlerës së drejtë të bëra bazuar në burimet e çmuarjes nga palët e
treta nuk janë bazuar në çmimet aktuale të një tregu aktiv, drejtimi duhet të
vlerësojë nëse matjet e vlerës së drejtë janë përcaktuar në një mënyrë që është
në koherence me kuadrin e zbatueshëm të raportimit finaciar. Njohja prej
drejtimit në lidhje me matjen me vlerën e drejtë përfshin:
• Mënyrën sesi ka qenë përcaktuar matja me vlerën e drejtë - për shembull,
nëse matja me vlerën e drejtë ka qenë përcaktuar nga një teknikë
vlerësimi, për të vlerësuar nëse ajo është në përputhje me objektivin e
matjes me vlerën e drejtë;
• Faktin nëse kuotimet janë çmime indikative, përhapja e të dhenave
indikative ose oferta detyruese; dhe
DPNA 1000 1037
• Shpeshtësinë e vlerësimit përmes matjes me vlerën e drejtë nga burimet e
çmuarjes te palëve të treta ― me qëllim që të vlerësohet nëse ai reflekton
kushtet e tregut në datën e matjes.
Njohja e bazës mbi të cilën burimet e çmuarjes nga palët e treta kanë përcaktuar
kuotimet e tyre në kontekstin e instrumenteve financiare të veçanta, të mbajtura nga
njësia ekonomike, ndihmon drejtimin për vlerësimin e përshtatshmërisë dhe
besueshmërisë së kësaj evidence për të mbështetur vlerësimet e tij.
62. Ka mundësi të ketë pabarazi midis treguesve të çmimeve të marra nga burime
të ndryshme. Njohja e mënyrës sesi janë përcaktuar treguesit e çmimit dhe
investigimi i këtyre pabarazive, ndihmon drejtimin në vërtetimin e evidencës të
përdorur në kryerjen e vlerësimit të tij për instrumentet financiare, në mënyrë
që të përcaktojë nëse vlerësimi është i arsyeshëm. Thjesht marrja e mesatares së
kuotave, pa bërë kërkime të mëtejshme, mund të mos jetë e përshtatshme, sepse
një çmim në interval mund të jetë përfaqësuesi më kryesor i vlerës së drejtë dhe
kjo mund të mos jetë mesatare. Për të përcaktuar nëse vlerësimet për
instrumentet financiare janë të arsyeshme, drejtimi mund:
• Të vleresojë faktin nëse transaksionet aktuale përfaqësojnë transaksione të
detyruara dhe jo transaksione midis blerësve dhe shitësve të vullnetshëm.
Kjo mund të bëjë të pavlefshëm krahasimin e çmimit;
• Të analizojë flukset e ardhshme të mjeteve monetare të instrumentit. Kjo
mund të kryhet si një tregues i të dhënave më të përshtatshme që përdoren
për përcaktimin e çmimit;
• Në varësi të natyrës të asaj çfarë është e pavrojtueshme, të ekstrapolojë
nga çmimet e vëzhgueshme në ato të pavëzhgueshme (për shembull, mund
të ketë çmime të vëzhgueshme për maturimet deri në dhjetë vjet, por jo më
gjatë, por kurba e çmimit dhjetë vjeçar mund të ekstrapolohet përtej
dhjetëvjeçarit si tregues). Duhet të tregohet kujdes për të siguruar që
ekstrapolimi nuk kryhet aq larg nga kurba e vëzhgueshme, sa që lidhja e tij
me çmimet e vëzhgueshme të bëhet shumë e tensionuar për të qenë e
besueshme;
• Të krahasojë çmimet brenda një portofoli të instrumenteve financiare me
njëri-tjetrin për të siguruar që ato kanë koherencë me instrumentet
financiare të ngjashëm;
DPNA 1000 1038
• Të përdorë më shumë se një model për të vërtetuar rezultatet nga secili
prej tyre, duke marrë parasysh të dhënat dhe hipotezat e përdorura në
secilin; ose
• Të vlerësojë lëvizjet në çmimet e instrumenteve perkatës mbrojtës dhe të
kolateralit.
Kur bën gjykim për vlerësimin, një entitet mund të marrë në konsideratë edhe
faktorë të tjerë që mund të jenë specifikë për rrethanat e entitetit.
Përdorimi i Ekspertëve të Vlerësimit
63. Drejtimi mund të angazhojë një ekspert vlerësimi nga një bankë investimi, një
broker ose një firmë tjetër vlerësimi për të vlerësuar disa ose të gjitha letrat e tij
me vlerë. Në dallim nga shërbimet e përcaktimit të çmimit dhe kuotimet e
brokerit, përgjithësisht metodologjia dhe të dhënat e përdorura, janë më të
disponueshme për drejtimin kur drejtimi ka të angazhuar një ekspert për të
kryer vlerësimin në emër të tij. Edhe pse drejtimi ka angazhuar një ekspert, ai
është përfundimisht përgjegjës për vlerësimin e përdorur.
Çështjet e Lidhura me Detyrimet Financiare
64. Kuptimi i efekteve të rrezikut të kredisë është një aspekt i rëndësishëm për
vlerësimin e aktiveve dhe detyrimeve financiare. Ky vlerësim reflekton cilësinë
e kredisë dhe aftësinë financiare si të emëtuesit ashtu edhe të çdo ofruesi të
mbështetjes me kredi. Në disa kuadro të raportimit financiar, matja e një
detyrimi financiar, mban parasysh supozimin se ai është transferuar tek një
pjesëmarrës në treg në datën e matjes. Kur nuk ka një çmim tregu të
vëzhgueshëm për një detyrim financiar, vlera e tij zakonisht matet duke
përdorur të njëjtën metodë që do të përdorte një palë tjetër për të matur vlerën e
aktivit korrespondues, përveç nëse ka faktorë specifikë ndaj detyrimit (të tillë si
një përmirësim i kreditimit nga një palë e tretë). Në veçanti, rreziku i
kredititimit i vetë entitetit10 shpesh mund të jetë i vështirë për t’u matur.
Paraqitja dhe Shënimet Shpjeguese për Instrumetet Financiare
65. Shumica e kuadrove të raportimit kërkojnë dhënien e informacioneve
shpjeguese në shënime në pasqyrat financiare për t’i mundësuar përdoruesve të
pasqyrave financiare të bëjnë vlerësime kuptimplota të efekteve të aktiviteteve
të instrumenteve financiarare të entitetit, përfshirë rrezikun dhe pasiguritë e
lidhura me instrumentet financiare.
10 Rreziku i vetë i kredisë është shuma e ndryshuar në vlerë të drejtë që nuk është tipar i ndryshimeve të
kushteve në treg.
DPNA 1000 1039
66. Pjesa më e madhe e kuadrove kërkojnë dhënien e informacioneve shpjeguese të
informacioneve sasiore dhe cilësore (përfshirë politikat kontabël) në lidhje me
instrumentet financiare. Kërkesat kontabël për matjet me vlerën e drejtë në
paraqitjen e pasqyrave financiare dhe dhënien e informacioneve në shënimet
shpjeguese, janë të zgjeruara në pjesën më të madhe të kuadrove të raportimit
fianciar dhe përfshijnë më shumë sesa thjesht vlerësimin e instrumenteve
fianciare. Për shembull, informacionet shpjeguese cilësore në shënime në lidhje
me instrumentet financiare japin informacion të rëndësishëm sipas kontekstit,
për karakteristikat e instrumenteve financiare dhe flukset e ardhshme të
mjeteve monetare, të cilat mund të informojnë investuesit rreth rrezikut ndaj të
cilit janë të ekspozuar entitetet.
Kategoritë e Informacioneve Shpjeguese në Shënime
67. Kërkesat për informacione shpjeguese në shënime përfshijnë:
(a) Informacionet shpjeguese sasiore në shënime, të cilat janë nxjerrë nga shumat
e përfshira në pasqyrat financiare – për shembull, kategoritë e aktiveve dhe
detyrimeve financiare;
(b) Informacionet shpjeguese në shënime, të cilat kërkojnë gjykime të rëndesishme
– për shembull, analizat e ndjeshmërisë për secilin lloj të rrezikut të tregut ndaj
të cilit entiteti është i ekspozuar; dhe
(c) Informacionet shpjeguese cilësore në shënime– për shembull, ato që
përshkruajnë qeverisjen e entitetit në lidhje me instrumentet financiare;
objektivat, kontrollet, politikat dhe proceset për menaxhimin e secilit prej
rreziqeve që krijohen nga instrumentet financiare; dhe metodat e përdorura për
të matur rreziqet.
68. Sa më i ndjeshëm të jetë vlerësimi ndaj lëvizjeve në një variabël të veçantë, aq
më shumë ka të ngjarë që shënimet shpjeguese do të duhet të tregojnë për
pasiguritë që shoqërojnë vlerësimin. Disa kuadro të raportimit financiar mundet
gjithashtu, të kërkojnë dhënien e informacioneve shpjeguese të analizës së
ndjeshmërisë, përfshirë efektet e ndryshimeve në hipotezat e përdurara në
teknikat e vlerësimit të entitetit. Për shembull, shënimet shpjeguese shtesë, të
kërkuara për instrumentet financiare të matura me vlerën e drejtë, që janë
kategorizuar brenda inputeve të nivelit 3 në hierarkinë e vlerës së drejtë, kanë
për qëllim informimin e përdoruesve të pasqyrave financiare rreth efekteve të
këtyre matjeve të vlerës së drejtë që në shumicë përdorin inpute subjektive.
69. Disa kuadro të raportimit financiar kërkojnë dhënien në shënime të
informacioneve shpjeguese që ju mundëson përdoruesve të pasqyrave
financiare të vlerësojnë natyrën dhe shtririjen e rreziqeve që krijohen nga
DPNA 1000 1040
instrumentet financiare ndaj të cilave entiteti është i ekspozuar në datën e
raportimit. Informacioni shpjegues mund të përfshihet në shënimet e pasqyrave
financiare ose në diskutimet dhe analizat e drejtimit brenda raportit të tij vjetor
me referencat e kryqëzuara në pasqyrat financiare të audituara. Shtrirja e
informacioneve në shënimet shpjeguese varet nga shkalla e ekspozimit të
entitetit ndaj rrezikut të krijuar nga instrumentet financiare. Kjo përfshin
informacionet cilësore në shënimet shpjeguese, për:
• Ekspozimet ndaj rrezikut dhe mënyrës sesi ato krijohen, përfshirë
ndikimet e mundshme në likuiditetin e ardhshëm të entitetit dhe kërkesat e
kolateralit;
• Objektivat, polititkat dhe proceset e entitetit për manexhimin e rrezikut
dhe metodat e përdorura për matjen e rrezikut; dhe
• Çdo ndryshim në ekspozimet ndaj rrezikut ose në objektivat, politikat dhe
proceset e menaxhimit të rrezikut që nga periudha e mëparshme.
Seksioni II – Konsideratat e Auditimt në Lidhje me Instrumentet
Financiare
70. Disa faktorë mund ta bëjnë auditimin e instrumenteve financiare veçanërisht
sfidues. Për shembull:
• Mund të jetë e vështirë si për drejtimin ashtu edhe për audituesin, për të
kuptuar natyrën e instrumenteve financiare dhe qëllimin për të cilin ato janë
përdorur, dhe rreziqet ndaj të cilave entiteti është i ekspozuar.
• Ndjeshmëria e tregut dhe likuiditeti mund të ndryshojnë me shpejtësi, duke
bërë presion mbi drejtimin për të menaxhuar ekspozimet e tyre në mënyrë
efektive.
• Vlerësimi i bazuar në evidencë mund të jetë i vështirë për t’u siguruar.
• Pagesat individuale të lidhura me disa lloje te instrumenteve finaciare mund të
jenë të konsiderueshme, çka mund të rrisë rrezikun e shpërdorimit të aktiveve.
• Shumat e regjistruara në pasqyrat financiare në lidhje me instrumentet
financiare mund të mos jenë të rëndësishme, por mund të ketë rrezik të
rëndësishëm dhe ekspozime të lidhura me këto instrumente financiare.
DPNA 1000 1041
• Disa punonjës mund të ushtrojnë influencë të konsiderueshme mbi
transaksionet e instrumenteve financiare të entietit, në veçanti kur marrëveshjet
e shpërblimit për ata janë të lidhura ngushtë me të ardhurat nga instrumentet
financiare dhe për rrjedhojë besimi tek këta persona nga personat e tjerë
brenda entietit, mund të jetë i tepruar.
Këta faktorë mund të bejnë që rreziqet dhe faktet përkatse të fshihen, gjë që mund
të ndikojë në vlerësimin e rrezikut të anomalisë materiale nga ana e audituesit, dhe
rreziku i fshehur mund të shfaqet me shpejtësi, veçanërisht kur kushtet e tregut
përkeqësohen.
Skepticizmi Profesional11
71. Skepticizmi profesional është i nevojshëm për vlerësimin kritik të evidecës së
auditimit dhe e ndihmon audituesin për të qenë vigjilent ndaj treguesve të
mundshëm të paragjykimeve të drejtimit. Kjo përfshin dyshimet mbi evidencën
e auditimit kontradiktore dhe besueshmërinë e dokumenteve, përgjigjet ndaj
kërkesave dhe informacionit tjetër të siguruar nga drejtimi dhe personat e
ngarkuar me qeverisjen. Gjithashtu, ai përfshin të qenurit vigjilent ndaj
kushteve që mund të jenë tregues të anomalive të mundshme për shkak të
gabimit ose mashtrimit dhe vlerësimit të mjaftueshmërisë dhe përshtatshmërisë
së evidencës së auditimit të siguruar në në saje të rrethanave.
72. Zbatimi i skepticizmit profesional kërkohet në të gjitha rrethanat dhe nevoja për
skepticizëm profesional rritet krahas me kompleksitetin e instrumenteve
financiare, për shembull në lidhje me:
• Vlerësimin nëse është marrë evidenca e auditimit e mjaftueshme dhe e
përshtatshme, e cila mund të jetë veçanërisht sfiduese kur përdoren modelet
ose kur vlerësohet nëse tregjet janë joaktive.
• Vlerësimin e gjykimeve të drejtimit dhe mundësisë së tij për paragjykime në
lidhje me zbatimin e kuadrit të zbatueshëm të raportimit financiar të enititetit,
veçanërisht në zgjedhjen e bërë nga drejtimi për teknikat e vlerësimit,
përdorimin e hipotezave në teknikat e vlerësimit dhe trajtimin e rrethanave në
të cilat gjykimi i audituesit dhe gjykimi i drejtimit kanë diferenca.
11 SNA 200, paragrafi 15
DPNA 1000 1042
• Nxjerrjen e konkluzioneve bazuar në evidencën e auditimit të siguruar, për
shembull, vlerësimi i arsyeshmërisë së vlerësimeve të përgatitura nga
ekspertët e drejtimit dhe vlerësimi nëse informacionet shpjeguese në shënimet
e pasqyrave financiare arrijnë paraqitjen e drejtë.
Konsiderata për Planifikimin12
73. Fokusi i audituesit në planifikimin e auditimit është veçanërisht mbi:
• Kuptimin e kërkesave kontabël dhe shënimet shpjeguese;
• Kuptimin e instrumenteve financiare ndaj të cilave entiteti është i ekspozuar, si
dhe qëllimi dhe rreziqet e tyre;
• Përcaktimin nësë për auditimin nevojiten aftësi dhe njohuri të specializuara;
• Kuptimin dhe vlerësimin e sistemit të kontrollit të brendshëm, në saje të
transaksioneve të instrumenteve financiare të entitetit dhe sistemeve të
informacionit që janë brenda objektit të auditimit;
• Kuptimin e natyrës, rolit dhe aktiviteteve të funksionit të auditimit të
brendshëm;
• Kuptimin e proceseve të drejtimit për vlerësimin e instrumenteve financiare,
përfshirë faktin nëse drejtimi ka përdorur një ekspert ose një organizatë
shërbimi; dhe
• Vlerësimin dhe reagimin ndaj rrezikut të anomalisë materiale.
Njohja dhe Kuptimi i Kërkesave Kontabël dhe për Dhënien e Informacioneve
Shpjeguese
74. SNA 540 kërkon që audituesi të njohë dhe të kuptojë kërkesat e kuadrit të
zbatueshëm të raportimit financiar që lidhen me çmuarjet kontabël, përfshirë
informacionet shpjeguese përkatëse në shënime dhe çdo kërkesë tjetër
12 SNA 300, Planifikimi i Auditimit të Pasqyrave Financiare, trajton përgjegjësitë e audituesit për të
planifikuar një auditim të pasqyrave financiare.
DPNA 1000 1043
rregullatore.13 Kërkesat e kuadrit të zbatueshëm të raportimit financiar lidhur
me instrumentet financiare, mund të jenë në vetvete komplekse dhe të kërkojnë
informacione shpjeguese më të gjera. Leximi i kësaj DPNA-je nuk zëvendëson
nevojën për të njohur dhe kuptuar në mënyrë të plotë të gjitha kërkesat e kuadrit
të zbatueshëm të raportimit financiar. Disa kuadro të raportimit financiar
kërkojnë marrjen në konsideratë të fushave, të tilla si:
• Kontabiliteti mbrojtës;
• Kontabiliteti për fitimin ose humbjen në “Ditën 1”;
• Nohja dhe çregjistrimi i transaksioneve të instrumenteve financiare;
• Rreziku i vetë kredisë; dhe
• Trensferimi dhe mosnjohja e rrezikut, në veçanti, kur entiteti ka qenë i
përfshirë në krijimin dhe strukturimin e instrumenteve financiare
komplekse.
Njohja dhe Kuptimi i Instrumenteve Financiare
75. Karakteristikat e instrumenteve financiare mund fshehin disa elementë të
rrezikut dhe ekspozimin. Sigurimi i njohjes dhe kuptimit të instrumenteve në të
cilat entiteti ka investuar ose ndaj të cilave ai është i ekspozuar, përfshirë
karakteristikat e instrumenteve, ndihmon audituesin për të identifikuar nëse:
• Mungojnë ose janë regjistruar në mënyrë të pasaktë disa aspekte të
rëndësishme të një transaksioni;
• Një vlerësim duket i përshtatshëm;
• Rreziqet e vetvetishëm në to, janë kuptur plotësisht dhe janë menaxhuar
nga entiteti; dhe
13 SNA 540, paragrafi 8(a)
DPNA 1000 1044
• Instrumentet financiare janë klasifikuar siç duhet në aktive dhe detyrime
afatshkurtra dhe afatgjata.
76. Shembuj të çështjeve që audituesi mund të marrë në konsideratë kur ai siguron
një njohje për instrumentet financiare të entitetit, përfshin:
• Llojeve të instrumenteve financiare ndaj të cilave entiteti është i
ekspozuar.
• Përdorimi për të cilin ato janë vendosur.
• Njohja dhe kuptimi i instrumenteve financiare nga drejtimi dhe kur është e
përshtatshme, personat e ngarkuar me qeverisjen, përdorimi i tyre dhe
kërkesat kontabël.
• Kushtet dhe karakteristikat ekzakte, në mënyrë që implikimet e tyre të
kuptohen plotësisht dhe veçanerisht, kur transaksionet janë të lidhura,
impaktin e përgjithshëm të transaksioneve të instrumenteve financiare.
• Mënyrën sesi ato përshtaten me strategjinë e përgjithshme të entitetit për
menaxhimin e rrezikut.
Kërkimi i informacioneve nga funksioni i auditimit të brendshëm, funksionit të
menaxhimit të rrezikut, nëse ka funksione të tilla dhe diskutimet me personat e
ngarkuar me qeverisjen, mund të rrisin njohjen e audituesit.
77. Në disa raste, një kontratë, përfshirë një kontratë për një instrument jofinanciar,
mund të përmbajë një derivativ. Në rrethana të caktuara, disa kuadro të
raportimit financiar lejojnë ose kërkojnë që këta derivativë “të përfshirë”, të
veçohen nga kontrata bazë. Njohja dhe kuptimi i procesit të drejtimit për
identifikimin dhe kontabilizimin e derivativëve të përfshirë, do të ndihmojë
audituesin të kuptojë rrezikun ndaj të cilit entiteti është i ekspozuar.
DPNA 1000 1045
Përdorimi në Auditim i Personave me Aftësi dhe Njohuri të Specializuara14
78. Një konsideratë kyçe në auditimet që përfshijnë instrumentet fianciare,
veçanërisht instrumentet financiare komplekse, është kompetenca e audituesit.
SNA 22015 kërkon që ortaku i angazhimit të krijojë bindjen se grupi i
angazhimit, dhe çdo ekspert i audituesit që është pjesë e grupit të angazhimit,
bashkarisht kanë kompetencën dhe aftësinë e duhur për të kryer angazhimin e
auditimit në përputhje me standardet profesionale dhe kërkesat e zbatueshme
ligjore dhe rregullatore, dhe për të bërë të mundur një raport të audituesit që
është i përshtatshëm për rrethanat. Më tej, kërkesat përkatëse etike16 kërkojnë që
audituesi të përcaktojë nëse pranimi i angazhimit do të krijonte kërcënime ndaj
pajtueshmërisë me parimet themelore, përfshirë kompetencën profesionale dhe
kujdesin e duhur. Paragrafi 79 më poshtë jep shembuj të llojeve të çështjeve që
mund të jenë të përshtatshme për t’u marrë në konsideratë nga audituesi në
kontekstin e instrumenteve financiare.
79. Për rrjedhojë, auditimi i instrumenteve financiare mund të këkojë përfshirjen e
një ose më shumë eksperteve ose specialisteve, për shëmbull, në fushat e:
• Njohjes dhe kuptimit te instrumenteve financiare të përdorura nga entiteti
dhe karakteristikat e tyre, përfshirë nivelin e tyre të kompleksitetit.
Përdorimi i aftësive dhe njohurive të specializuara mund të nevojitet për të
kontrolluar nëse të gjitha aspektet e instrumentit financiar dhe konsideratat
përkatëse janë përfshirë në pasqyrat financiare dhe, për të vlerësuar nëse
janë dhënë informacionet e duhura në shënimet shpjeguese, në përputhje
me kuadrin e zbatueshëm të raportimit financiar, kur kërkohet shpjegimi i
rrezikut.
14 Kur ekspertiza e një personi të tillë është në auditim dhe kontabilitet, pavarësisht nëse personi është
nga brenda ose jashtë firmës, ky person konsiderohet pjesë e grupit të angazhimit dhe është subjekt i
kërkesave të SNA 220, Kontrolli i Cilësisë për një Auditim të Pasqyrave Financiare. Kur ekspertiza e
një personi të tillë është në një fushë tjetër të ndryshme nga kontabiliteti ose auditimi, një person i tillë
konsiderohet të jetë eksperti i audituesit dhe zbatohen kërkesat e SNA 620, Përdorimi i Punës së
Ekspertit të Audituesit. SNA 620 shpjegon që dallimi midis fushave të specializuara të kontabilitetit
ose auditimit dhe ekspertiza në një fushë tjetër, do të jetë një çështje e gjykimit profesional, por ve
theksin që dallimet mund të bëhen midis ekspertizës në metodat e kontabilizimit të instrumentave
financiare (ekpertiza kontabël dhe e auditimit) dhe ekspertizës në teknika komplekse vlerësimi të
instrumentave financiare (ekspertiza në një fushë të ndryshme nga kontabiliteti apo auditimi). 15 SNA 220, paragrafi 14 16 Kodi i Etikës për Profesionistët Kontabël i BSNEK paragrafi 210.1 dhe 210.6
DPNA 1000 1046
• Njohjes dhe kuptimit të kuadrit të zbatueshëm të raportimit financiar,
veçanërisht kur ka fusha që dihet se janë subjekt i interpretimeve të
ndryshme, ose praktika e përdorur është e paqëndrueshme ose në zhvillim.
• Njohjes dhe kuptimit te ndikimeve ligjore, rregullatore dhe tatimore që
rrjedhin nga instrumentet financiare, përfshirë faktin nëse kontratat janë të
detyrueshme nga entiteti (për shembull rishikimi i kontratave bazë), mund
të kërkojë aftësi dhe njohuri të specializuara.
• Vlerësimit të rrezikut të vetvetishëm në një instrument financiar.
• Asistimit të grupit të angazhimit në mbledhjen e evidencës që mbështet
vlerësimet e drejtimit ose për të përcaktuar një pikë ose interval çmuarje,
veçanërisht kur vlera e drejtë përcaktohet nga një model kompleks; kur
tregjet janë joaktive dhe të dhënat e hipotezat janë të vështira për t’u
siguruar; kur përdoren inpute të pavëzhgueshme; ose kur drejtimi ka
përdorur një ekspert.
• Vlerësimit të kontrolleve të teknologjisë së informacionit, veçanërisht në
entitetet me një volum të madh të instrumenteve financiare. Në këto
entitete, teknologjia e informacionit mund të jetë mjaft komplekse, për
shembull, kur informacioni i rëndësishëm në lidhje me këto instrumenta
financiare trasmetohet, përpunohet, mbahet apo aksesohet në mënyrë
elektronike. Veç kesaj, ajo mund të përfshijë shërbime të përshtatshme të
siguruara nga një organizatë shërbimi.
80. Natyra dhe përdorimi i llojeve të veçanta të instrumenteve financiare,
kompleksiteti që shoqëron kërkesat kontabël dhe kushtet e tregut mund të çojnë
në nevojën që grupi i angazhimit të konsultohet17 me profesionistë të tjerë
kontabël dhe profesionistë të auditimit, brenda ose jashtë firmës, me ekspertizë
dhe eksperincë teknike të përshtatshme në kontabilitet apo auditim, duke marrë
në konsideratë faktorët e tillë si:
17 SNA 220, paragrafi 18 (b), kërkon që ortaku i angazhimit të krijojë bindjen që pjesëtarët e grupit të
angazhimit kanë ndërmarrë konsultimin e nevojshëm gjatë kohës së angazhimit, si brenda grupit të
angazhimit ashtu dhe midis grupit të angazhimit dhe palëve të tjera në nivelin e duhur, brenda apo
jashtë firmës.
DPNA 1000 1047
• Aftësitë dhe kompetenca e grupit të angazhimit, përfshirë eksperiencën e
anëtarëve të grupit të angazhimit.
• Cilësitë e instrumenteve financiare të përdorura nga entiteti.
• Identifikimi i rrethanave të pazakonta apo rrezikut në angazhim, si dhe
nevojës për gjykim profesional, veçanërisht në lidhje me materialitetin
dhe rreziqet e rëndësishme.
• Kushtet e tregut.
Njohja dhe Kuptimi i Kontrollit të Brendshëm
81. SNA 315 (i rishikuar) përcakton kërkesa për audituesin për të njohur entitetin
dhe mjedisin e tij, përfshirë kontrollin e brendshëm. Njohja e entitetit dhe
mjedisit të tij, përfshirë kontrollin e brendshëm të entitetit, është një proces
dinamik dhe i vazhdueshëm i mbledhjes, përditësimit dhe analizimit te
informacionit gjatë gjithë auditimit. Njohja e siguruar i mundëson audituesit të
identifikojë dhe vlerësojë rrezikun e anomalisë materiale në nivel të pasqyrave
financiare dhe në nivel pohimi, duke siguruar në këtë mënyrë, një bazë për
hartimin dhe zbatimin e reagimeve ndaj rrezikut të vlerësuar të anomalisë
materiale. Volumi dhe varieteti i transaksioneve të instrumenteve financiare të
një entiteti, zakonisht përcakton natyrën dhe shtrirjen e kontrolleve që mund të
ekzistojnë në një entitet. Një njohje e mënyrës sesi instrumentet financiare janë
monitoruar dhe kontrolluar, ndihmon audituesin në përcaktimin e natyrës, afatit
dhe shtrirjes së procedurave të auditimit. Shtojca përshkruan kontrollet që mund
të ekzistojnë në një entitet që trajton një volum të madh të transaksineve të
instrumenteve financaire.
Njohja dhe Kuptimi i Natyrës, Rolit dhe Aktiviteteve të Funksionit të Auditimit të
Brendshëm
82. Në shumë entitete të mëdha, funksioni i auditimit të brendshëm mund të kryejë
punë që i jep mundësi drejtimit të lartë dhe personave të ngarkuar me
qeverisjen, të rishikojnë dhe vlerësojnë kontrollet e entitetit në lidhje me
përdorimin e instrumenteve financiare. Auditimi i brendshëm mund të ndihmojë
në identifikimin e rrezikut të anomalisë materiale për shkak të mashtrimit apo
gabimit. Megjithatë, njohuritë dhe aftësitë e kërkuara nga funksioni i auditimit
të brendshëm për të kuptuar dhe kryer procedurat e dhënies së sigurisë për
drejtimin apo personat e ngarkuar me qeverisjen mbi përdorimin nga entiteti të
DPNA 1000 1048
instrumenteve financiare, janë përgjithësisht krejt të ndryshme nga ato që
nevojiten për pjesët e tjera të biznesit. Shkalla në të cilën, funksioni i auditimit
te brendshëm ka njohuritë dhe aftësistë për të mbuluar dhe që në fakt ka
mbuluar, aktivitetet e instrumenteve financiare të entitetit, si dhe kompetencën
dhe objektivitetin e funksionit të auditimit të brendshëm, është një konsideratë e
përshtatshme për qëllime të vlerësimit nga audituesit e jashtëm, i faktit nëse
auditimi i brendshëm, ka të ngjarë të jetë i përshtatshëm për strategjinë e
përgjithshme të auditimit dhe planin e auditimit.
83. Fushat ku puna e funksionit të auditimit të brendshëm mund të jetë veçanërisht
e përshtatshme janë:18
• Zhvillimi i një rishikimi të përgjithshëm të shtrirjes së përdorimit të
instrumenteve financiare;
• Vlerësimi i përshtatshmërisë së politikave dhe procedurave dhe respektimi
i tyre nga ana e drejtimit;
• Vlerësimi i efektivitetit të funksionimit të aktiviteteve të kontrollit të
instrumenteve financiare;
• Vlerësimi i sistemeve qe lidhen me aktivitetet e instrumenteve financiare;
dhe
• Vlerësimi i faktit nëse rreziqet e reja të lidhura me instrumentet financiare
janë identitfikuar, vlerësuar dhe menaxhuar.
Njohja dhe Kuptimi i Metodologjisë së Drejtimit për Vlerësimin e Instrumenteve
Financiare
84. Përgjegjësitë e drejtimit për përgatitjen e pasqyrave financiarë përfshijnë,
zbatimin e kërkesave të kuadrit të zbatueshëm të raportimit financiar për
vlerësimin e instrumenteve financiare. SNA 540 kërkon që audituesi të njohë
dhe të kuptojë mënyrën sesi drejtimi i përcakton çmuarjet kontabël dhe të
18 Puna e kryer nga funksione të tilla si, funksioni i menaxhimit të rrezikut, funksioni i rishikimit të
modeleve dhe kontrollit të produktit, mund të jenë gjithashtu, të përshtatshme.
DPNA 1000 1049
dhënat mbi të cilat bazohen çmuarjet kontabël.19 Metoda e drejtimit për
vlerësimin, merr në konsideratë edhe zgjedhjen e një metodologjie të
përshtatshme të vlerësimit dhe nivelin e evidencës që pritet të jetë disponibël.
Për të përmbushur objektivin e matjes me vlerën e drejtë, një entitet harton një
metodologji vlerësimi që merr në konsideratë të gjithë informacionin e
përshtatshëm të tregut që është i disponueshëm, për të matur vlerën e drejtë të
instrumenteve financiare. Një kuptim i plotë i instrumenteve financiare që
vlerësohen, i lejon një entiteti të identifikojë dhe vlerësojë infromacionin
përkatës në treg të disponueshëm rreth instrumenteve identike ose të ngjashme
që duhet të përfshihen në metodologjinë e vlerësimit.
Vlerësimi dhe Reagimi ndaj Rrezikut të Anomalisë Materiale
Konsideratat e Përgjithshme në Lidhje me Instrumentet Financiare
85. SNA 54020 shpjegon që shkalla e pasigurisë në çmuarje ndikon në rrezikun e
anomalisë materiale të çmuarjes kontabël. Përdorimi instrumenteve financiare
shumë komplekse, të tilla si ato që kanë një nivel të lartë të pasigurisë dhe
ndryshueshmërisë së flukseve të ardhshme të mjeteve monetare, mund të çojë
drejt një rreziku të rritur të anomalisë materiale, veçanërisht në lidhje me
vlerësimin. Çështjet e tjera që ndikojnë në rrezikun e anomalisë materiale
përfshjnë:
• Volumin e instrumenteve financiare ndaj të cilit entiteti është i ekspozuar.
• Kushtet e instrumenteve financiare, përfshirë faktin nëse instrumenti
financiar në vetvete përmban instrumenta financiare të tjerë.
• Natyrën e instrumenteve financiare.
Faktorët e Rrezikut të Mashtrimit21
86. Nxitje nga punonjësit për raportim financiar mashtrues mund të ketë atje ku
skemat e kompesimit janë të varura nga kthimet e bëra nga përdorimi i
instrumenteve financiare. Njohja dhe kuptimi i mënyrës sesi politikat e
19 SNA 540, paragrafi 8(c) 20 SNA 540, paragrafi 2 21 Shiko SNA 240, Përgjegjësitë e Audituesit Lidhur me Mashtrimin në Auditimin e Pasqyrave
Financiare, për kërkesat dhe udhëzimet që merren me faktorët e rrezikut të mashtrimit.
DPNA 1000 1050
kompesimit të entitetit ndërveprojnë me rrezikun e tyre, dhe nxitjet që kjo mund
të krijojë për drejtimin dhe tregtarët, mund të jenë të rëndësishme për vlerësimin
e rrezikut të mashtrimit.
87. Kushtet e vështira financiare të tregut mund të çojnë në nxitje të shtuara për
drejtimin ose punonjësit për t’u përfshirë në raportimin financiar mashtrues: për
të mbrojtur shpërblimet e tyre personale, për të fshehur mashtrimin ose gabimin
e punonjësve apo të drejtimit, për shmangien e shkeljeve rregullatore, kufijve të
likuiditetit apo huamarrjes, ose për shmangien e raportimit të humbjeve. Për
shembull, në periudha të një tregu të paqëndrueshem, mund të ketë humbje të
papritura nga luhajtjet ekstreme në çmimet e tregut, nga dobësitë e
paparashikura në çmimet e aktiveve, përmes tregtimit në kushtet e gjykimeve të
gabuara, apo për arsye të tjera. Veç kesaj, vështirësitë financiare krijojnë presion
ndaj drejtimit të shqetësuar për aftësinë paguese të biznesit.
88. Përvetësimi i aktiveve dhe raportimi financiar mashtrues mund të përfshijë
shpesh, anashkalimin e kontrolleve, që përndryshe mund të duket se
funksionojnë në mënyrë efektive. Kjo mund të përfshijë anashkalimin e
kontrolleve mbi të dhënat, hipotezat dhe proceset e detajuara të kontrollit, të
cilat lejojnë fshehjen e humbjeve ose të vjedhjes. Për shembull, kushtet e
vështira në treg mund të rrisin presionin për të fshehur ose kompensuar
transaksionet, në përpjekje të rikuperimit të humbjeve.
Vlerësimi i Rrezikut të Anomalisë Materiale
89. Vlerësimi i audituesit në lidhje me rreziqet e identifikuara në nivel pohimi në
përputhje me SNA 315 (i rishikuar), përfshin vlerësimin e formës dhe të
mënyrës së zbatimit të kontrollit të brendshëm. Ai jep një bazë për vlerësimin e
përshtatshmërisë së metodës së auditimit për hartimin dhe kryerjen e
procedurave të mëtejshme të auditmit në përputhje me SNA 330, përfshirë këtu,
procedurat thelbësore dhe testet e kontrolleve. Metoda e ndjekur influencohet
nga njohja që ka audituesi për kontrollin e brendshëm që lidhet me auditimin,
përfshirë pikat e forta të mjedisit të kontrollit dhe çdo funksion të rrezikut të
menaxhimit, madhësinë dhe kompleksitetin e operacioneve të entitetit dhe
faktin nëse vlerësimi i audituesit për rrezikun e anomalisë materiale përfshin një
pritshmëri që kontrollet funksionojë në mënyrë efektive.
90. Vlerësimi i audituesit për rrezikun e anomalisë materiale në nivel pohimi, mund
të ndryshojë gjatë kryerjes së auditimit, krahas me marrjen e informacionit
shtesë. Të qenit vigjilent gjatë auditimit, për shembull, gjatë inspektimit të
DPNA 1000 1051
regjistrimeve apo dokumentave, mund të ndihmojë audituesin për të identifikuar
marrëveshjet ose informacionet e tjera, të cilat mund të jenë tregues i
ekzistencës së instrumenteve financiare që drejtimi nuk i ka identifikuar apo i
ka bërë të ditura më përpara për audituesin. Këto regjistrime dhe dokumente
mund të përfshijnë, për shembull:
• Procesverbalet e mbledhjeve të personave të ngarkuara me qeverisjen; dhe
• Faturat specifike nga, si dhe korrespondencën me, këshilltarët
profesionalë të entitetit.
Faktorët që Duhen Mbajtur Parasysh në Përcaktimin Nëse dhe në Çfarë Mase, Duhet të
Testohet Efektiviteti i Funksionimit të Kontrolleve
91. Pritshmëria që kontrollet funksionojnë në mënyrë efektive mund të jetë më e
zakonshme kur kemi të bëjmë me një institucion financiar që ka vendosur
kontrolle të përcaktuara mirë dhe si rrjedhojë testimi i kontrolleve mund të jetë
një rrugë efektive për të siguruar evidencën e auditimit. Kur entiteti ka një
funksion të tregtimit, testet thelbësore të vetme mund të mos sigurojnë
evidencën e auditimit të mjaftueshme dhe të përshtatshme, për shkak të volumit
të kontratave dhe përdorimit të sistemeve të ndryshme. Testet e kontrolleve,
gjithsesi, nuk do të jenë të mjaftueshme të vetme, pasi audituesit nga SNA 330 i
kërkohet të hartojë dhe kryejë procedura thelbësore për çdo klasë materiale të
transaksioneve, tepricave në llogari dhe informacioneve në shënimet
shpjeguese.22
92. Entitetet që kanë një volum të madh në tregtimin dhe përdorimin instrumenteve
financiare mund të kenë më shumë kontrolle të sofistikuara dhe një funksion
efektiv për menaxhimin e rrezikut dhe si rrjedhojë, audituesi ka më shumë të
ngjarë të testojë kontrollet për marrjen e evidencës në lidhje me:
• Ndodhjen, plotësinë, saktësinë dhe paraqitjen në kohën e duhur të
transaksionve; dhe
• Ekzistencën, të drejtat dhe detyrimet, dhe plotësinë e tepricave në llogaritë
kontabël.
22 SNA 330, paragrafi 18
DPNA 1000 1052
93. Në ato entitete me relativisht pak transaksione të instrumenteve financiare:
• Drejtimi dhe personat e ngarkuar me qeverisjen mund të kenë vetëm
njohuri të kufizuara të instrumenteve financiare dhe mënyrës sesi ato
ndikojnë në biznes;
• Entiteti mund të ketë vetëm disa lloje të ndryshme të instrumenteve me
pak ose aspak ndërveprim midis tyre;
• Ka pak të ngjarë të ketë një mjedis kompleks të kontrolleve (për shembull,
kontrollet e përshkruara në Shtojcë mund të mos ekzistojne tek entieti);
• Drejtimi mund të përdorë informacionin për përcaktimin e çmimit të
marrë nga burimet e çmuarjes nga palët e treta për të vlerësuar
instrumentet e tyre; dhe
• Kontrollet mbi përdorimin e informacionit për përcaktimin e çmimit të
marrë nga burimet e çmuarjes nga palët e treta, mund të jenë më pak të
sofistikuara.
94. Kur një entitet ka relativisht pak transaksione që përfshijnë instrumentet
financiare, për audituesin mund të jetë relativisht e lehtë që të sigurojë një
njohje të objektivave të entitetit për përdorimin e instrumenteve financiare dhe
të karakteristikave të instrumenteve. Në këto rrethana, pjesa më e madhe e
evidencës së auditimit ka të ngjarë që të jetë thelbësore nga natyra, kështu që
audiutesi mund të kryejë pjesën më të madhe të punës së auditimit në fund të
vitit dhe konfirmimet nga palët e treta ka të ngjarë që të japin evidencë në lidhje
me plotësinë, saktësinë dhe ekzistencës e transaksioneve.
95. Për të arritur në një vendim mbi natyrën, afatin dhe shtrirjen e testimit të
kontrolleve, audituesi mund të marrë në konsideratë faktorë të tillë si:
• Natyra, frekuenca dhe volumi i transaksioneve të instrumenteve financiare;
• Pikat e forta të kontrolleve, përfshirë faktin nëse kontrollet janë hartuar në
mënyrën e duhur për të reaguar ndaj rreziqeve që lidhen me volumin e
transaksioneve të instrumenteve financiare të një entiteti dhe faktin nëse ka
një kuadër të qeverisjes mbi aktivitetet e instrumenteve financiare të entietit;
DPNA 1000 1053
• Rëndësia e kontrolleve të veçanta për objektivat e përgjithshme të kontrollit
dhe proceset e vendosura në entitet, përfshirë zhvillimin e sistemit të
informacionit për të ndihmuar transaksionet e instrumenteve financiare;
• Monitorimi i kontrolleve dhe mangësive të identifikuara në procedurat e
kontrollit;
• Çështjet që kontrollet parashikohet të adresojnë, për shëmbull, kontrollet e
lidhura me ushtrimin e gjykimit krahasuar me kontrollet mbi të dhënat
mbështetëse. Testet thelbësorë ka më shumë të ngjarë të jenë më efektive sesa
mbështetja në kontrollet e lidhura me ushtrimin e gjykimit;
• Kompetenca e individëve të përfshirë në aktivitetet e kontrollit, për shembull,
nëse entiteti ka kapacitetin e mjaftueshëm, përfshirë gjatë periudhave me stres
dhe ka aftësisë për të vendosur dhe verifikuar vlerësimet e instrumenteve
financiare ndaj të cilave ai është i ekspozuar;
• Frekuenca e performancës së këtyre aktiviteteve të kontrollit;
• Shkalla e saktësisë që kontrollet kanë për qëllim të arrijnë;
• Evidenca e performancës së aktiviteteve të kontrollit; dhe
• Afati i transaksioneve të instrumenteve financiare kryesorë, për shembull, nëse
janë afër fundit të periudhës.
Procedurat Thelbësore
96. Percaktimi i procedurave thebësore përshin marrjen në konsideratë të:
• Përdorimit të procedurave analitike23 - Edhe pse procedurat analitike të kryera
nga audituesit mund të jenë efektive si procedura për vlerësimin e rrezikut
23 SNA 315 (i rishikuar), paragrafi 6(b), kërkon që audituesi të zbatojë procedurat analitike si procedura
të menaxhimit të rrezikut për të ndihmuar në vlerësimin e rrezikut të anomalisë materiale, në mënyrë
për të siguruar një bazë për hartimin dhe implementimin e përgjigjes ndaj rrezikut të vlerësuar. SNA
520, Procedurat Analitike, paragrafi 6, kërkon që audituesi të përdorë procedurat analitike në formimin
DPNA 1000 1054
për t’i siguruar audituesit informacion rreth biznesit të entitetit, ato mund të
jenë më pak efektive si procedura thelbësore kur kryhen më vete. Kjo për
shkak se, bashkëveprimi kompleks i udhëzuesve të vlerësimit, shpesh fsheh
çdo trend të pazakontë që mund të krijohet.
• Transaksioneve jorutinë - Shumë transaksione financiare janë kontrata të
negociuara midis një entiteti dhe palës tjetër (shpesh të njohur si “jashtë
zyres” ose OTC). Deri në masën që transaksionet e instrumenteve financiare
nuk janë rutinë dhe jashtë aktiviteteve normale të një entiteti, një metodë
auditimi thelbësore mund të jetë rruga më efektive për realizimin e
objektivave të planifikuara të auditimit. Në rastet kur transaksionet e
pasqyrave financiare nuk janë ndërmarë në mënyrë rutinë, reagimet e
audituesit ndaj rrezikut të vlerësuar, përfshirë hartimin dhe kryerjen e
procedurave të auditimit, mbajnë parasysh mungesën e mundshme të
eksperiencës së entitetit në këtë fushë.
• Disponueshmërisë së evidencës – Për shembull, kur entiteti përdor një burim të
një palë të tretë për përcaktimin e çmimit, evidenca që ka të bëjë me pohimet
përkatëse të pasqyrave financiare mund të mos jetë e disponueshme nga
entiteti.
• Procedurave të kryera për fushat e tjera të auditimit – Procedurat e kryera në
fushat e tjera të pasqyrës financiare mund të japin evidencë në lidhje me
plotësinë e transaksioneve të instrumenteve financiare. Këto procedura
mund të përfshijnë testet e arkëtimeve dhe të pagesave të mëvonshme dhe
kërkimin për detyrime të paregjistruara.
• Zgjedhjes së elementeve për t’u testuar – Në disa raste, portofoli i
instrumenteve financiare do të përfshijë instrumente me kompleksitet të
ndryshueshëm dhe me rrezik. Në këto raste, mund të jetë i dobishëm
gjykimi i madhësisë së kampionit.
97. Për shembull, në rastin e një letre me vlerë të mbuluar nga një aktiv, në
përgjigje të rreziqeve të anomalisë materiale për këtë letër me vlerë, audituesi
e një konkluzioni të përgjithshëm të pasqyrave financiare. Prcedurat analitke, gjithashtu, mund të
zbatohen gjatë fazave të tjera të auditimit.
DPNA 1000 1055
mund të marrë në konsideratë kryerjen e disa prej procedurave të auditimit që
jepen në vijim:
• Ekzaminim e dokumenteve kontraktuale për të kuptuar kushtet e letrës me
vlerë, kolateralin bazë dhe të drejtat e çdo klase të mbajtësit të letrave me
vlerë.
• Kërkimin e informacionit rreth procesit të drejtimit për vlerësimin e
flukseve të parasë.
• Vlerësimin e arsyeshmërisë së hipotezave, të tilla si normat e parapagimit,
nivelet e dështimeve dhe humbjet e mëdha.
• Sigurimin e njohjes në lidhje me metodën e përdorur për të përcaktuar
rrjedhën e flukseve të parasë.
• Krahasimin e rezultateve të matjes me vlerën e drejtë me vlerësimet e
letrave të tjera me vlerë, që kanë kolateral dhe kushte bazë të ngjashme.
• Rikryerjen e llogaritjeve.
Testimet me Qëllime të Dyfishta
98. Megjithëse qëllimi i një testi të kontrolleve është i ndryshëm nga qëllimi i një
testi të detajeve, mund të jetë efiçente që të kryhen të dyja në të njëjtën kohë,
për shembull:
• Kryerja e një testi të kontrolleve dhe një testi të detajeve mbi të njëjtin
transaksion (për shembull, testimi nëse ka një kontrate të nënshkruar dhe
nëse detajet e instrumenteve financiare janë përfshirë në mënyrë të
përshtatshme në një fletë përmbledhëse); ose
• Testimi i kontrolleve gjatë testimit të proceseve të drejtimit për bërjen e
çmuarjeve të vlerësimit.
DPNA 1000 1056
Afatet e Procedurave të Audituesit24
99. Pas vlerësimit të rreziqeve që lidhen me instrumentet financiare, grupi i
angazhimit përcakton afatin e testeve të planifikuara të kontrolleve dhe
procedurave thelbësore të auditimit. Afati i procedura të planifikuara të
auditimit ndryshon në varësi të një numri faktorësh, përfshirë frekuencën e
operimit të kontrolleve, rëndësinë e aktivitetit që po kontrollohet dhe rrezikun e
lidhur me anomalinë materiale.
100. Edhe pse është e nevojshme të kryhet pjesa më e madhe e procedurave të
auditimit në lidhje me vlerësimin dhe paraqitjen në fund të periudhës,
procedurat e auditimit në lidhje me pohimet e tjera, të tilla si plotësia dhe
ekzistenca, mund të testohen në mënyrë të dobishme në një periudhë të
ndërmjetme. Për shembull, testet e kontrolleve mund të kryhen në një periudhë
të ndërmjetme për kontrollet me natyrë më shumë rutinë, të tilla si kontrollet e
TI dhe autorizimet për produktet e reja. Gjithashtu, mund të jetë efektive për të
testuar efektivitetin e funksionimit të kontrolleve rreth aprovimit të produktit të
ri, duke mbledhur evidencë mbi nivelin e duhur të drejtimit që ka nënshkruar në
një intrument financiar të ri për një periudhë të ndërmjetme.
101. Audituesit mund të kryejnë disa teste mbi modelet në një datë të ndërmjetme,
për shembull, duke krahasuar outputin e modelit me transaksionet e tregut. Një
procedurë tjetër e ndërmjetme e mundshme për instrumentet me inpute të
vëzhgueshme, është testimi i arsyeshmërisë së informacionit për çmimin e
marrë nga një burim i palëve të treta për përcaktimin e çmimit.
102. Fushat që kërkojnë gjykim më të rëndësishëm shpesh testohen afër ose në fund
të periudhës:
• Vlerësimet mund të ndryshojnë në mënyrë të konsiderueshme në një
periudhë kohe të shkurtër, duke e bërë të vështirë krahasimin dhe
rakordimin e tepricave të ndërmjetme me infromacion e krahasueshem në
datën e bilancit;
24 Paragrafët 11-12 dhe 22-23 të SNA 330 vendosin kërkesat kur audituesi kryen procedurat në një
periudhë të ndërmjetme dhe shpjegon sesi mund të përdoret evidenca e auditimit e tillë.
DPNA 1000 1057
• Një entitet mund të angazhohet në një volum të shtuar të transaksioneve
të instrumenteve financiare midis periudhës së ndërmjetme dhe fundit të
vitit;
• Regjistrimet manuale në ditar mund të bëhen vetëm ne fund të periudhës
kontabël; dhe
• Trasaksionet jorutinë ose të rëndësishme mund të kryhen vonë afër fundit
të periudhës kontabël.
Procedurat që Lidhen me Plotësinë, Saktësinë, Ekzistencën, Ndodhjen dhe të Drejtat dhe
Detyrimet
103. Shumica e procedurave të audituesit mund të përdoren për të adresuar një
mumër pohimesh. Për shembull, procedurat për të adresuar ekzistencën e një
teprice në llogari në fund të periudhës, gjithashtu do të adresojë ndodhjen e një
klase të transaksioneve dhe mundet gjithashtu, të ndihmojë në përcaktimin e
paraqitjes në periudhën e duhur. Kjo, për arsye se, instrumentet financiare
krijohen nga kontratat ligjore dhe me verifikimin e saktësisë së regjistrimeve të
transaksioneve, audituesi mund të verifikojë edhe ekzistencën e tyre dhe të
sigurojë evidencë për të mbështetur në të njëtjën kohë pohimet për ndodhjen,
dhe të drejtat e detyrimet, si dhe për të konfirmuar se transaksionet janë
regjistruar në periudhën e duhur kontabël.
104. Procedurat që mund të sigurojnë evidencë auditimi në mbështetje të pohimeve
të plotësisë, saktësisë dhe ekzistencës, përfshijnë:
• Konfirmimet nga të tretët25 (të jashtme) të llogarive bankare, tregtimeve
dhe pasqyrave të kujdestarëve. Kjo mund të realizohet nëpërmjet
konfirmimit direkt me palën e tretë (përfshirë përdorimin e konfirmimeve
bankare), ku një përgjigje i dërgohet direkt audituesit. Nga ana tjetër, ky
informacion mund të sigurohet nga sistemi i palës së tretë nëpërmjet një
burimi të të dhënave. Në këtë rast, për vlerësimin e besueshmërisë së
25 SNA 505, Konfirmimet nga të tretët, trajton përdorimin nga audituesi të procedurave të konfirmimit
nga të tretët, për të siguruar evidencë auditimi në përputhje me kërkesat e SNA 330 dhe SNA 500,
Evidenca e Auditimit. Shiko gjithashtu Publikimi nga Stafi i Praktikave të Auditimit, Çështje Praktike
në Lidhje me Përdorimin e Konfirmimeve nga të Tretët në një Auditim të Pasqyrave Financiare,
publikuar në Nëntor 2009.
DPNA 1000 1058
evidencës të marrë nga konfirmimi, nga audituesi mund të vlerësohen
kontrollet që përdoren për të parandaluar ndërhyrjet në sistemet
kompjuterike nëpërmjet të cilave transmetohet informacioni. Nëse nuk
merren konfirmime, audituesi mund të jetë në gjendje të sigurojë evidencë
duke rishikuar kontratat dhe testuar kontrollet përkatëse. Megjithatë,
konfirmimet nga të tretët, shpesh nuk japin evidencë auditimi të
përshtatshme në lidhje me pohimet e vlerësimit edhe pse mund të asistojnë
në identifikimin e çdo marrëveshjeje dytësore.
• Rishikimin e rakordimeve të pasqyrave ose të burimit të të dhënave nga
kujdestarët me regjistrimet e veta të entitetit. Kjo mund të kërkojë
vlerësimin e kontrolleve të TI rreth dhe në brendësi të proceseve të
rakordimit të automatizuar dhe të vlerësojë nëse zërat e rakorduar janë
kuptuar siç duhet dhe janë zgjidhur.
• Rishikimin e të dhënave në ditar dhe kontrolleve mbi regjistrimet këtyre të
dhënave. Kjo mund të asistojë, për shëmbull në:
o Përcaktimin nëse regjistrimet janë bërë nga personel i ndryshëm
nga ai i autorizuar për të bërë këtë gjë.
o Identifikimin e regjistrimeve të pazakonta ose të papërshtatshme
në fund të periudhës, të cilat mund kenë lidhje me rrezikun e
mashtrimit.
• Leximin e kontratave individuale dhe rishikimin e dokumentave
mbështetëse të transaksioneve të instrumenteve financiare të entitetit,
përfshirë regjistrat kontabël, me anën e të cilave verifikohet ekzistenca
dhe të drejtat e detyrimet. Për shembull, një auditues mund të lexojë
kontratat individuale të lidhura me instrumentet financiare dhe të rishikojë
dokumentacionin mbështës, përfshirë regjistrimet kontabël të bëra kur
kontrata u regjistrua fillimisht dhe gjithashtu, mund të rishikojë më pas
regjistrimet kontabël të bëra për qëllime të vlerësimit. Në këtë mënyrë
audituesi mund të vlerësojë nëse janë identifikuar plotësisht
kompleksitetet e vetvetishme në një transaksion dhe nëse ato janë
pasqyruar në llogaritë përkatëse. Marrëveshjet ligjore dhe rreziqet
shoqëruese duhet të vlerësohen nga personat me ekspertizë të
përshtatshme për të siguruar që të drejtat ekzistojnë.
DPNA 1000 1059
• Testimin e kontrolleve, për shembull duke rikryer kontrollet.
• Rishikimin e sistemeve të menaxhimit të ankesave të entitetit.
Transaksionet e paregjistruara që mund të rezultojnë në moskryerjen e
pagesave ndaj një pale të tretë, mund të zbulohen duke rishikuar ankesat e
marra.
• Rishikimin e marrëveshjeve bazë të kompensimit për të identifikuar
instrumentet e paregjistruar.
105. Këto procedura janë veçanërisht të rëndësishme për disa instrumente financiare,
të tilla si derivativët ose garancitë. Kjo për arsye se ato mund të mos kenë një
investim fillestar të madh, që do të thotë se mund të jetë e vështirë për të
identifikuar ekzistencën e tyre. Për shembull, derivativët e përfshirë janë shpesh
të shtuara në kontratat e instrumenteve jofinanciare të cilat mund të mos
përfshihen në procedurat e konfirmimit.
Vlerësimi i Instrumenteve Financiare
Kërkesat e Raportimit Financiar
106. Kuadrot e raportimit financiar të paraqitjes së drejtë shpesh përdorin hierarkitë e
vlerës së drejtë, për shembull, ato të përdorura në SNRF-të dhe GAAP
Amerikan. Kjo zakonisht nënkupton që volumi dhe detajet e informacioneve
shpjeguese që kërkohet të jepen në shënime rritet me ritjen e shkallës së
pasigurisë në matje. Dallimi midis niveleve në hierarki mund të kërkojë gjykim.
107. Audituesi mund ta gjejë të dobishme të sigurojë një njohje dhe kuptim të
mënyrës sesi instrumentet financiare lidhen me hierarkinë e vlerës së drejtë. Si
rregull, rreziku i anomalisë materiale dhe niveli i procedurave të auditimit që
duhen zbatuar, rriten krahas me rritjen pasigurisë në matje. Përdorimi i inputeve
të nivelit 3 dhe disa inputeve të nivelit 2 nga hierarkia e vlerës së drejtë, mund
të jetë një udhëzim i dobishëm për shkallën e pasigurisë në matje. Inputet e
nivelit 2 variojnë, që nga ato të cilat merren lehtësisht e deri tek ato të cilat janë
më afër inputeve të nivelit 3. Audituesi vlerëson evidencën e disponueshme dhe
kupton të dyja, hierarkinë e vlerës së drejtë dhe rrezikun e paragjykimit të
drejtimit në kategorizimin e instrumenteve financiare në hierarkinë e vlerës së
drejtë.
DPNA 1000 1060
108. Në përputhje me SNA 540,26, audituesi merr në konsideratë politikat e
vlerësimit dhe metodologjinë e entitetit për të dhënat dhe hipotezat e përdorura.
Në shumë raste, kuadri i zbatueshëm i raportimit financiar nuk përshkruan
metodologjinë e vlerësimit. Në këtë rast, çështjet që mund të jenë të
përshtatshme për audituesin për të kuptuar mënyrën sesi drejtimi i vlerëson
instrumentet financiare përfshijnë, për shembull:
• Faktin nëse drejtimi ka një politikë vlerësimi formale dhe, nëse është
kështu, nëse teknika e vlerësimit e përdorur për instrumentet financiare
është dokumentaur në mënyrën e duhur në përputhje me atë politikë;
• Cilat modele mund të krijojnë rrezikun më të madh të anomalisë
materiale;
• Mënyrën sesi e ka vlerësuar drejtimi kompleksitetin e vlerësimit të
instrumenteve financiare kur zgjedh një teknike të veçantë të vlerësimit;
• Faktin nëse ka një rrezik më të madh të anomalisë materiale për arsyen se
drejtimi ka hartuar nga brenda entitetit një model për t’u përdorur për të
vlerësuar instrumentet financiare ose devijon nga një teknike vlerësimi që
përdoret zakonisht për të vlerësuar instrumentin e veçantë financiar;
• Faktin nëse drejtimi ka përdorur nje burim të një pale të tretë për të
përcaktuar çmimin;
• Faktin nëse personat e përfshirë në hartimin dhe zbatimin e teknikës së
vlerësimit kanë aftësitë dhe ekzpertizën e duhur për të bërë këtë gjë,
përfshirë faktin nëse është përdorur ndonjë ekspert i drejtimit; dhe
• Faktin nëse ka tregues të paragjykimeve të drejtimit në zgjedhjen e
teknikave të vlerësimit që do të përdoren.
26 SNA 540, paragrafi 8(c)
DPNA 1000 1061
Vlerësimi i Rrezikut të Anomalisë Materiale të Lidhur me Vlerësimin
109. Kur vlerëson faktin nëse teknikat e vlerësimit të përdoruara nga një entitet janë
të përshtatshme për rrethanat dhe nëse ka kontrolle mbi teknikat e vlerësimit,
faktorët që duhen mbajtur parasysh nga audituesi mund përfshijnë:
• Faktin nëse teknikat e vlerësimit përdoren zakonisht edhe nga
pjesëmarrësit e tjerë në treg dhe kanë demonstruar se japin një vlerësim të
besueshëm të çmimeve të marra nga transaksionet e tregut;
• Faktin nëse teknikat e vlerësimit përdoren sipas qëllimit dhe nuk ka të meta
në dizajnin e tyre, veçanërisht nën kushte ekstreme, dhe nëse ato janë
validuar në mënyrë objektive. Treguesit e të metave përfshijnë lëvizjet e
paqëndrueshme në raport me kufijtë e vendosur;
• Faktin nëse teknikat e vlerësimit marin parasysh rrezikun e vetvetishën në
instrumentin financiar që vlerësohet, përfshirë aftësitë huadhënëse të palëve
të treta, si dhe rrezikun e vetë kredisë në rastin e teknikave të vlerësimit të
përdorura për matjen e detyrimeve financiare;
• Mënyrën sesi teknikat e vlerësimit janë kalibruar për tegun, përfshirë
ndjeshmërinë e teknikave të vlerësimit ndaj ndyshimeve në variablat;
• Faktin nëse variablat e tregut dhe hipotezat janë përdorur në mënyrë të
qëndrueshme dhe nëse kushtet e reja justifikojnë një ndryshin në teknikat e
vlerësimit, variablat e tregut ose hipotezat e përdorura;
• Faktin nëse analiza e ndjeshmërisë tregon që vlerësimet do të ndryshojnë
në mënyrë të konsiderueshme vetëm me ndryshime të vogla ose të
moderuara në hipotezat;
• Struktura organizative, e tillë si ekzistenca e një departamenti të
brendshëm përgjegjës për hartimin e modeleve për të vlerësuar disa
instrumenta, veçanërisht kur përfshihen inputet e nivelit 3. Për shembull,
një funksion për hartimin e modelit që është i përfshirë në asistimin e
marrëveshjeve të çmimit, është më pak objektiv sesa një tjetër, i cili në
aspektin funksional dhe atë organizativ është i ndarë nga zyra qendrore;
dhe
DPNA 1000 1062
• Kompetenca dhe objektiviteti i personave përgjegjës për hartimin dhe
zbatimin e teknikave të vlerësimit, përfshirë eksperiencën përkatëse të
drejtimit me modele të veçanta që mund të jenë përpunuar kohët e fundit.
Audituesi (ose eksperti i audituesit) mundet, gjithashtu, në mënyrë të pavarur,
të hartojë një ose më shumë teknika vlerësimi, për të krahasuar outputin e tij
me atë teknikave të vlerësimit të përdorura nga drejtimi.
Rreziqet e Rëndësishme
110. Procesi i vlerësimit të rrezikut nga audituesi mund të çojë atë në identitfikimin e
një ose më shumë rreziqeve të rëndësishme në lidhje me vlerësimin e
instrumenteve financiare, kur eksziston një prej rrethanave ne vijim:
• Pasiguri e lartë në matje në lidhje me vlerësimin e instrumenteve
financiare (për shembull, instrumentet financiare me inpute të
pavëzhgueshme).27
• Mungesë e evidencës së mjaftueshmë për të mbështetur vlerësimin e
drejtimit për instrumentet e tij financiare.
• Mungesë e njohjes nga drejtimi të instrumenteve financiare ose e
ekspertizës së nevojshme për të vlerësuar siç duhet këto instrumente,
përfshirë aftësinë për të përcaktuar nëse nevojiten rregullime në vlerësim.
• Mungesë e njohjes nga drejtimi të kërkesave komplekse në kuadrin e
zbatueshëm të raportimit financiar në lidhje me matjen dhe dhënien e
informacioneve shpjeguese në shënimet e pasqyrave financiare dhe
pamundësi e drejtimit për të bërë gjykimet e nevojshme për të zbatuar siç
duhet këto kërkesa.
• Rëndësia e korrigjimeve në vlerësim të bëra ndaj outputeve të teknikës së
vlerësimit kur këto ndryshime kërkohen apo lejohen nga kuadri i
zbatueshëm i raportimit financiar.
27 Kur audituesi përcakton se, pasiguria në çmuarje e lidhur me vlerësimin e instrumenteve financiare
kompleke çon në një rrezik të rëndësishëm, SNA 540 kërkon që audituesi të kryejë procedurat
thelbësore dhe të vlerësojë mjaftueshmërinë e informacionit shpjegues të dhënë për pasigurinë në
çmuarje. Shiko SNA 540, paragrafët 11, 15 dhe 20.
DPNA 1000 1063
111. Për çmuarjet kontabël që krijojnë rreziqe të rëndësishme, përveç procedurave të
tjera thelbësorë të kryera për të plotësuar kërkesat e SNA 330, SNA 54028
kërkon që audituesi të vlerësojë si më poshtë:
(a) Nëse drejtimi ka marrë parasysh hipoteza apo rezultate alternative dhe
nëse jo, arsyen se pse ai i ka përjashtuar ato ose përndryshe, si e ka trajtuar
drejtimi pasaktësinë në vlerësim gjatë llogaritjes së çmuarjes kontabël;
(b) Faktin nëse hipotezat e rëndësishme të përdorura nga drejtimi janë të
arsyeshme; dhe
(c) Kur është e përshtatshme, dhe në varësi të arsyeshmërisë së hipotezave të
rëndësishme të përdorura nga drejtimi ose të zbatimit të përshtatshëm të
kuadrit të zbatueshëm të raportimit financiar, synimin e drejtimit për të
kryer drejtime veprimi specifike dhe aftësia e tij për të vepruar në këtë
mënyrë.
112. Kur tregjet bëhen joaktive, ndryshimet në rrethana mund të çojnë në një lëvizje
nga vlerësimi me çmim tregu në vlerësimin me model, ose mund të çojnë në një
ndryshim nga një model i caktuar në një tjetër. Reagimi ndaj ndryshimeve të
kushteve të tregut mund të jetë i vështirë në qoftë se drejtimi nuk ka politika të
vendosura para ndodhjes së tyre. Gjithashtu, drejtimi mund të mos zotërojë
ekspertizën e nevojshme për të hartuar një model mbi një bazë urgjente ose të
zgjedhë teknikën e vlerësimit që mund të jetë e përshtatshme për rrethanat.
Madje, edhe kur teknikat e vlerësimit janë përdorur me koherencë, është e
nevojshme që drejtimi të ekzaminojë përshtatshmërinë në vazhdimësi të
teknikave të vlerësimit dhe hipotezave të përdorura për përcaktimin e vlerësimit
të instrumenteve financiare. Për më tej, teknikat e vlerësimit mund të jenë
zgjedhur në periudhat kur informacioni i arsyeshëm në treg ka qenë i
disponueshëm, por mund të mos japin vlerësime të arsyeshme në periudhat me
stres të paparashikuar.
113. Dyshimi ndaj paragjykimeve të drejtimit, qoftë të qëllimshme ose të
paqëllimshme, rritet me subjektivitetin e vlerësimit dhe shkallën e pasigurisë në
matje. Për shembull, drejtimi mund të ketë tendecën për të lënë mënjanë
hipotezat ose të dhënat e vëzhgueshme në treg dhe në vënd të tyrë të përdorë
modelin e hartuar nga ai vetë, nëse modeli prodhon rezultate më të favorshme.
28 SNA 540, paragrafi 15(a)-(b)
DPNA 1000 1064
Madje edhe pa patur si qëllim mashtrimin, mund të ketë një tundim të
natyrshëm për gjykime të njëanëshme kundrejt fundit më të favorshëm, të asaj
që mund të jetë një spektër i gjërë, dhe jo të një pike në spektër që mund të
konsiderohet si më e qëndrueshme sipas kuadrit të zbatueshëm të raportimit
financiar. Ndryshimi i teknikës së vlerësimit nga periudha në periudhë pa asnjë
arsye të qartë dhe të përshtatshme pse bëhet një gjë e tillë, gjithashtu, mund të
jetë një tregues i paragjykimeve të drejtimit. Megjithëse, disa forma të
paragjykimeve të drejtimit janë të vetvetishme në vendimet subjektive të lidhura
me vlerësimin e instrumenteve financiare, kur ka qëllim për keqorientim,
paragjykimi i drejtimit është mashtrues për nga natyra.
Përpunimi i një Metode Auditimi
114. Për testimin e mënyrës sesi drejtimi vlerëson instrumentet finaciare dhe për t’iu
përgjigjur rrezikut të vlerësuar të anomalisë materiale në përputhje me SNA
540, 29 audituesi, duke marrë parasysh natyrën e çmuarjeve kontabël, kryen një
ose më shumë nga procedurat e mëposhtme:
(a) Teston mënyrën sesi drejtimi ka bërë çmuarjen kontabël dhe të dhënat mbi të
cilat ai është bazuar (përfshirë teknikat e vlerësimit të përdurara nga entiteti në
vlerësimet e tij).
(b) Teston efektivitetin e funksionimit të kontrolleve mbi mënyrën sesi drejtimi ka
bërë çmuarjet kontabël, së bashku më procedurat e përshtatshme thelbësore.
(c) Percakton një pikë ose interval për të vlerësuar pikën e çmuarjes së drejtimit.
(d) Përcakton nëse ngjarjet që ndodhin deri në datën e rapotit të audituesit,
sigurojnë evidencë auditimi në lidhje me çmuarjen kontabël.
Për shumë auditues, një kombinim i testimit të mënyrës sesi drejtimi ka vlerësuar
instrumentin financiar dhe të dhënave në të cilat ai është bazuar, dhe testimit të
efektivitetit të funksionimit të kontrolleve, do të ishte një metodë auditimi efektive
dhe efiçente. Ndërkohë që ngjarjet e mëvonshme mund të sigurojnë evidencë rreth
vlerësimit të instrumenteve financiare, mund të jetë e nevojshme që faktorë të tjerë
të merren në konsideratë për të adresuar ndryshimet në kushtet e tregut pas datës së
29 SNA 540, paragrafët 12-14
DPNA 1000 1065
bilancit.30 Nëse audituesi nuk është në gjendje për të testuar mënyrën sesi e ka bërë
çmuarjen drejtimi, ai mund të zgjedhë të përcaktoje një pikë ose interval çmuarje.
115. Siç është përshkruar në Seksionin I, për të përcaktuar vlerën e drejtë të
instrumenteve financiarë, drejtimi mundet të:
• Përdorë informacionet nga burimet e çmuarjes nga palët e treta. Mbledhë
të dhëna për të bërë vetë çmuarjen, duke përdorur teknika përfshirë
modele të ndryshme; dhe
• Angazhojë një ekspert për të bërë një çmuarje.
Shpesh drejtimi mund të përdorë një kombinim të këtyre metodave. Për
shembull, drejtimi mund të këtë procesin e vetë të çmuarjes por ai përdor edhe
burimet e palëve të treta për të vërtetuar vlerësimet qe ka bëre vetë.
Konsiderat e Auditimit Kur Drejtimi Përdor një Burim të një Pale të Tretë për të
Përcaktuar Çmimin
116. Drejtimi mund të përdorë një burim nga një palë e tretë për përcaktimin e
çmimit, siç mund të ishte një shërbim për përcaktimin e çmimit ose një broker,
për të vlerësuar instrumentet financiarë të entitetit. Njohja dhe kuptimi i
mënyrës sesi drejtimi përdor informacionin dhe mënyrës sesi operon shërbimi i
përcaktimit të çmimit, e ndihmon audituesin për të përcaktuar natyrën dhe
shtrirjen e procedurave të nevojshme të auditimit.
117. Çështjet në vijim mund të jenë të përshtatshme kur drejtimi përdor një burimin
të një pale të tretë për përcaktimin e çmimit:
• Lloji i burimit nga pala e tertë për përcaktimin e çmimit– Disa burime nga
palë të treta që përdoren për përcaktimin e çmimit venë në dispozicion më
shumë informacion rreth procesit të tyre. Për shembull, një shërbim i
përcaktimit të çmimit, shpesh jep informacion rreth metodologjisë,
hipotezave dhe të dhënave të tyre për vlerësimin e instrumenteve
financiare në nivelin e klasës së aktivit. Në të kundërt, brokerat nuk japin
informacion, ose japin informacion të kufizuar, rreth inputeve dhe
hipotezave të përdorura në llogaritjen e kuotimit.
30 Paragrafët A63-A66 dhe SNA 540 japin shembuj të disa prej faktorëve që mund të jenë të përshtatshme.
DPNA 1000 1066
• Natyra e inputeve të përdorura dhe kompleksiteti i teknikës së vlerësimit -
Besueshmëria e çmimeve nga burimet e çmuarjes nga palët e treta
ndryshon në varësi të vëzhgueshmërisë së inputeve (dhe për rrjedhojë,
nivelit të inputeve në hierarkinë e vlerës së drejtë) dhe kompleksitetit të
metodologjisë për verësimin e letrave me vlerë specifike ose të klasës së
aktiveve. Për shembull, besueshmëria e një çmimi për një investim
kapitali të tregtuar në mënyrë aktive në një treg likuid, është më e madhe
sesa ajo e një obligacioni korporativ në një treg likuid që nuk është
tregtuar më datën e matjes, i cili, nga ana tjetër, është më i besueshëm sesa
një letër me vlerë e mbështetur në aktiv që është vlerësuar duke përdorur
një model të skontimit të flukseve të mjeteve monetare.
• Reputacioni dhe eksperienca e burimit nga pala e tretë për përcaktimin e
çmimit– Për shembull, një burim nga një palë e tretë për përcaktimin e
çmimit mund të ketë eksperiencë në disa lloje të instrumenteve financiare
dhe të njihet si i tillë, por mund të mos ketë eksperiencë të ngjashme në
lloje të tjerë të instrumenteve financiare. Eksperienca e mëparshme e
audituesit me burimet e çmuarjes nga palët e treta, gjithashtu mund të jetë
i përshtatshëm në këtë aspekt.
• Objektiviteti i burimit nga një palë e trete për përcaktimin e çmimit - Për
shembull, nëse një çmim i marrë nga drejtimi vjen nga një palë tjetër, i
tillë si brokeri që i shet instrumentin financiar entietit, ose nga një entitet
të lidhur ngushtë me entitetin që po auditohet, çmimi mund të mos jetë i
besueshëm.
• Kontrollet e entitetit mbi përdorimin e burimeve nga një palë e tretë për
përcaktimin e çmimit – Shkalla me të cilën drejtimi ka vendosur kontrollet
për të vlerësuar besueshmërinë e informacionit nga burimet e çmuarjes
nga palët e treta, ndikon besueshmërinë e matjes me vlerën e drejtë. Për
shembull, drejtimi mund të ketë vendosur kontrolle për të:
o Rishikuar dhe miratuar përdorimin e burimit nga një palë e tretë
për përcaktimin e çmimit, përfshirë marrjen në konsideratë të
reputacionit, eksperiencës dhe objektivitetit të burimit nga një
palë e tretë për përcaktimin e çmimit.
o Përcaktuar plotësinë, përshtatshmërinë dhe saktësinë e çmimeve
dhe të dhënave të lidhur me çmimin.
DPNA 1000 1067
• Kontrollet e burimit nga një palë e tretë për përcaktimin e çmimit –
Kontrollet dhe proceset mbi vlerësimet e klasave të aktiveve me interes
për audituesin. Për shembul, një burim nga një palë e treta për përcaktimin
e çmimit mund të ketë kontrolle të forta rreth mënyrës së llogaritjes së
çmimeve, përfshirë përdorimin e një procesi të formalizuar për klientët, si
për blerësin dhe shitësin, për të analizuar çmimet e marra nga shërbimi i
përcaktimit të çmimit, kur mbështetet me evidencën e përshtatshme, e cila
mund t’i japë mundësinë burimit nga pala e tretë për përcaktimin e
çmimit, për të korrigjuar çmimet në mënyrë konstante për të reflektuar
plotësisht informacionin e disponueshëm për pjesëmarrësit në treg.
118. Mënyrat e mundshme për mbledhjen e evidencës në lidhje me infromacionin
nga burimet e çmuarjes nga palët e treta mund të përfshijnë si më poshtë vijon:
• Për inputet e nivelit 1, krahasimin e informacionit nga burimet e çmuarjes
nga palët e treta me çmimet e vëzhgueshme të tregut.
• Rishikimin e shpjegimeve të marra nga burimet e çmuarjes nga palët e
treta rreth kontrolleve dhe proceseve, teknikave të vlerësimit, inputeve dhe
hipotezave.
• Testimin e kontrolleve të vendosura nga drejtimi për të vlerësuar
besueshmërinë e informacionit nga burimet e çmuarjes nga palët e treta.
• Kryerjen e procedurave tek burimi i çmuarjes nga pala e tretë, për të
kuptuar dhe testuar kontrollet dhe proceset, teknikat e vlerësimit, inputet
dhe hipotezat e përdorura për klasat e aktiveve ose interesat e veçanta të
instrumenteve financiare.
• Vlerësimin nëse çmimet e marra nga burimet e çmuarjes nga palët e treta
janë të arsyeshme në lidhje me çmimet nga burimet e tjera të palëve të
treta për çmuarjen, nga vlerësimet e entitetit ose nga vlerësimet e vetë
audituesit.
• Vlerësimin e arsyeshmërisë së teknikave të vlerësimit, hipotezave dhe
inputeve.
DPNA 1000 1068
• Llogaritjen e një pike apo intervali të çmuarjes për disa instrumente
financiare të çmuar nga një burim i palës së tretë dhe vlerësimin nesë
rezultatet janë brenda një intervali të arsyeshëm të njëri-tjetrit.
• Marrjen e raportit te audituesit të shërbimit që mbulon kontrollet mbi
validimin e çmimeve.31
119. Sigurimi i çmimeve nga burime të shumta për çmuarjen nga palë të treta,
gjithashtu mund të sigurojë informacion të dobishëm rreth pasigurisë në matje.
Një gamë e gjerë e çmimeve mund të jetë tregues i pasigurisë së lartë në matje
dhe mund të tregojë që instrumenti financiar është i ndjeshëm ndaj ndryshimeve
të vogla në të dhënat dhe hipotezat. Një interval i ngushtë mund të jetë tregues i
pasigurisë së ulët në matje dhe mund të tregojë më pak ndjeshmëri ndaj të
dhënave dhe hipotezave. Edhe pse sigurimi i çmimeve nga burime të shumta
mund të jetë i dobishëm, veçanërisht, kur vlerësohen instrumente financiare që
kanë inpute të kategorizuara të nivelet 2 ose 3 në hierarkinë e vlerës së drejtë,
sigurimi i çmimeve nga burime të shumta nuk ka të ngjarë të japë në vetvete
evidencën e auditimit të mjaftueshme dhe të përshtatshme. Kjo për arsyen se:
(a) Ato që duken se janë burime të shumta të informacionit mbi çmuarjen,
mund të jenë duke përdorur të njëjtin burim bazë për çmuarjen; dhe
(b) Njohja e inputeve të përdorura nga burimi për çmuarjen nga palë të treta
për përcaktimin e çmimit, mund të jetë e nevojshme për të kategorizuar
instrumentin financiar në hierarkinë e vlerës së drejtë.
120. Në disa situata, audituesi mund të mos jetë në gjendje të arrijë një njohje dhe
kuptim të procesit të përdorur për të gjeneruar çmimin, përfshirë ndonjë kontroll
mbi procesin se me sa siguri është përcaktuar çmimi ose mund të mos ketë
akses në model, përfshirë hipotezat dhe inputet e tjera të përdorura. Në raste të
tilla, audituesi mund të vendosë te përpunojë vetë një pikë çmuarje ose një
31 Disa shërbime të çmuarjes mund të japin raporte për përdoruesit e të dhënave të tyre për të shpjeguar
kontrollet e tyre mbi të dhënat e çmuarjes, që është, një raport i përgatitur në pajtim me Standardin
Ndërkombëtar të Angazhimeve të Sigurisë (SNAS) 3402, Raportet e Sigurisë mbi Kontrollet e një
Organizate Shërbimi. Drejtimi mund të kërkojë dhe audituesi mund të konsiderojë marrjen e një
raporti të tillë, për të patur njohuri dhe për të kuptuar mënyrën sesi janë përgatitur dhe vlerësuar të
dhënat e çmuarjes dhe nëse mund të mbështetet në kontrollet në shërbimin e çmuarjes.
DPNA 1000 1069
interval për të vlerësuar pikën e çmuarjes të drejtimit që i përgjigjet rrezikut të
vlerësuar.
Konsideratat e Audituesit Kur Drejtimi Çmon Vlerat e Drejta Duke Përdorur një
Model
121. Paragrafi 13 (b) i SNA 540 kërkon që audituesi, kur teston procedurat e
drejtimit për bërjen e çmuarjes kontabël, të vlerësojë nëse metoda e përdorur
për matjen është e përshtatshme për rrethanat dhe nëse hipotezat e përdorura
nga drejtimi janë të arsyeshme në saje të objektivave të matjes të kuadrit të
zbatueshëm të raportimit financiar.
122. Nëse për çmuarjen, drejtimi ka përdorur një burim të një pale të tretë apo e ka
bërë vetë vlerësimin, modelet shpesh përdoren për të vlerësuar instrumentet
financiare, veçanërisht kur përdoren inputet e nivelit 2 ose 3 në hierarkinë e
vlerës së drejtë. Në përcaktimin e natyrës, afatit dhe shtrirjes së procedurave
të auditmit në modele, audituesi mund të vleresojë metodologinë, hipotezat
dhe të dhënat e përdorura në model. Gjatë vlerësimit të instrumenteve
financiare më komplekse, siç janë ato që përdorin inputet e nivelit 3, testimi i
të trejave mund të jetë burim i dobishëm i evidencës së auditimit. Megjithatë,
kur modeli është i thjeshtë dhe përgjithësisht i pranuar, siç janë disa llogaritje
të çmimit të obligacionit, evidenca e auditimit e marrë nga fokusimi në
hipotezat dhe të dhënat në model mund të jetë një burim më i dobishëm i
evidencës.
123. Testimi i modelit mund të realizohet nëpermjet dy mënyrave kryesore:
(a) Audituesi mund të testojë modelet e drejtimit, duke konsideruar
përshtatshmërinë e modelit të përdorur nga drejtimi, arsyeshmërinë e
hipotezave dhe të dhënave të përdorura, si dhe saktësinë matematikore;
ose
(b) Audituesi mund të bëjë vetë çmuarjet dhe më pas të krahasojë vlerësimin
e audituesit me atë të entitetit.
124. Kur vlerësimi i instrumenteve financiare është i bazuar në inpute të
pavëzhgueshme (që është, inputi i nivelit 3), çështjet që audituesi mund të
marrë në konsideratë përfshijnë, për shembull, mënyrën sesi drejtimi
mbështet:
DPNA 1000 1070
• Identifikimin dhe karakteristikat e pjesëmarrësve në treg që lidhen me
instrumentet financiare.
• Mënyrën sesi inputet e pavëzhgueshme janë përcaktuar në njohjen e
tyre fillestare.
• Modifikimet që ai ka bërë në hipotezat fillestare për të reflektuar
këndvështrimin e vetë në hipotezat që do të përdorin pjesëmarrësit në
treg.
• Faktin nëse ka trupëzuar informacionet më të mira disponibël për
inputin sipas rrethanave;
• Kur është e zbatueshme, mënyrën sesi hipotezat marrin parasysh
transaksionet e krahasueshme.
• Analizën e ndjeshmërisë së modeleve kur janë përdorur inpute të
pavëzhgueshme dhe nëse janë bërë ndryshime për të trajtuar
pasigurinë në matje.
125. Përveç kësaj, njohuritë e audituesit mbi sektorin e ekonomisë, njohuritë mbi
prirjet e tregut, njohja dhe kuptimi i vlerësimeve të entiteteve të tjera (duke
mbajtur parasysh konfidencialitetin) dhe tregues të tjerë përkatës të çmimit,
informojnë testimin e audituesit për vlerësimin dhe konsideratën e faktit nëse
vlerësimet në përgjithësi duken të arsyeshme. Nëse vlerësimet duken të jenë
në mënyrë të vazhdueshme tepër agresive ose konseravatore, kjo mund të jetë
një tregues i paragjykimeve të mundshme të drejtimit.
126. Kur mungon evidenca e jashtme e vëzhgueshme, është veçanërisht e
rëndësishme, që personat e ngarkuar me qeverisjen të kenë qenë angazhuar në
mënyrë të përshtatshme për të kuptuar subjektivitetin e vlerësimeve të drejtimit
dhe evidencën që ka qenë marrë në mbështetje të këtyre vlerësimeve. Në raste të
tilla, për audituesin mund të jetë e nevojshme të vlerësojë nëse ka patur një
rishikim të plotë dhe nëse janë marrë parasysh në mënyrë të detajuar çështjet,
përfshirë çdo dokumentim, tek të gjitha nivelet e duhura të drejtimit brenda
entitetit, përfshirë personat e ngarkuar me qeverisjen.
DPNA 1000 1071
127. Kur tregjet bëhen joaktivë apo prishen, ose inputet janë të pavëzhgueshme,
vlerësimet e drejtimit mund të jenë më shume të bazuara në gjykim dhe më pak të
verifikueshme dhe si rrjedhojë, mund të jenë më pak të besueshme. Në këto
rrethana, audituesi mund të testojë modelin nga një kombinim i testimt të
kontrolleve të kryera nga entiteti, vlerësimit të formës dhe funksionimit të modelit,
testimit të hipotezave dhe të dhënave të përdorura në model dhe karahasimit të
outputeve të tij me një pikë ose interval të çmuarjes, të zhvilluar nga audituesi ose
me teknika të tjera të vlerësimit të palëve të treta. 32
128. Ka të ngjarë që në testimin e inputeve të përdorura në metodologjinë e
vlerësimit të një entiteti,33 për shembull, atje ku këto inpute janë kategorizuar në
hierarkinë e vlerës së drejtë, audituesi gjithashtu, do të sigurojë evidencë për të
mbështetur infromacionet shpjeguese të kërkuara nga kuadri i zbatueshëm i
raportimit financiar. Për shembull, procedurat thelbësore të audituesit, për të
vlerësuar nëse inputet e përdorura në një teknikë të vlerësimit të entitetit (të cilat
janë inpute të nivelit 1, nivelit 2 dhe nivelit 3) janë të përshtatshme, dhe testet e
analizës së ndjeshmërisë së një entitetit, do të jenë të përshtatshme për
vlerësimin nga audituesi të faktit nëse shënimet shpjeguese arrijnë paraqitjen e
drejtë.
Vlerësimi Nëse Hipotezat e Përdorura nga Drejtimi janë të Arsyeshme
129. Një hipotezë e përdorur në një model mund të konsiderohet e rëndësishme nëse
një ndryshim i arsyeshëm i hipotezës do të ketë ndikim material në matjen e
instrumentit financiar34 Drejtimi mund të ketë marrë parasysh hipoteza ose
rezultate alternative nëpërmjet kryerjes së një analizë të ndjeshmërisë. Shtrirja
e subjektivitetit të lidhur me hipotezat influencon shkallën e pasigurisë në
matje dhe mund të bëjë që audituesi të arrijë në përfundimin se ka një rrezik
të rëndësishëm, për shembull në rastin e inputeve të nivelit 3.
32 SNA 540, paragrafi 13(d) përshkruan kërkesat kur audituesi përcakton një interval për vlerësimin e
pikës së çmuarjes së drejtimit. Teknikat e vlerësimit të zhvilluara nga palë të treta dhe të përdorura nga
audituesi mundet që, në disa rrethana, të konsiderohen punë e një eksperti të audituesit dhe janë
subjekt i kërkesave të SNA 620. 33 Shiko, për shembull, paragrafin 15 të SNA 540 mbi kërkesat për sa i takon vlerësimit të bërë nga
audituesi për hipotezat e drejtimit lidhur me rrezikun e rëndësishëm. 34 Shiko SNA 540, paragrafi A107.
DPNA 1000 1072
130. Procedurat e auditimit për të testuar hipotezat e përdorura nga drejtimi,
përfshirë ato të përdorura si inpute të modeleve, mund të përfshijnë
vlerësimin e faktit nëse:
• Drejtimi, dhe nëse po, mënyrën sesi, ka përfshirë inputet e tregut në
përpunimin e hipotezave, pasi është përgjithësisht e preferueshme të
kërkohet të arrihet maksimizimi i përdorimit të inputeve të
vëzhgueshme përkatëse dhe minimizimi i inputeve të
pavëzhgueshme;
• Hipotezat janë në koherencë me kushtet e vëzhgueshme të tregut dhe
karakteristikat e aktivit ose detyrimit financiar;
• Burimet e hipotezave të pjesëtarëve në treg janë të përshtatshme dhe
të besueshme dhe mënyrën sesi drejtimi ka zgjedhur hipotezat për t`i
përdorur kur ekziston një numër i ndryshëm i hipotezave në treg;
dhe
• Analizat e ndjeshmërisë tregojnë se vlerësimet do të ndryshonin në
mënyrë të rëndësishme me vetëm pak ndryshime të vogla ose të
moderuara të hipotezave.
Shiko paragrafët A77 deri në A83 të SNA 540 për konsiderata të
mëtejshme sa i takon vlerësimit të hipotezave të përdorura nga drejtimi.
131. Vlerësimi i audituesit për gjykimet mbi të ardhmen bazohet në informacionin
disponibël në kohën në të cilën është bërë gjykimi. Ngjarjet e mëvonshme
mund të rezultojnë në rezultate që janë të paqëndrueshme me gjykimet, të cilat
ishin të arsyeshme në kohën kur janë bërë.
132. Në disa raste, norma e skontimit në llogaritjen e një vlere aktuale mund të
rregullohet për t’iu përshtatur pasigurive në vlerësim, në vend të rregullimit të
secilës hipotezë. Në raste të tilla, procedurat e audituesit mund të fokusohen në
normën e skontimit, duke parë një tregti të vëzhgueshme në një letër me vlerë
të ngjashme për të krahasuar normat e skontimit të përdorura ose duke hartuar
një model të pavarur për të llogaritur normën e skontimit dhe për ta krahasuar
me normën e përdorur nga drejtimi.
DPNA 1000 1073
Konsideratat e Auditimit kur nga Entiteti Përdoret një Ekspert i Drejtimit
133. Siç është diskutuar në Seksionin I, drejtimi mund të angazhojë një ekspert
vlerësimi, për të vlerësuar disa ose të gjitha letrat me vlerë. Këta ekspertë
mund të jenë brokera, bankierë, organizata shërbimi për çmuarjen që gjithashtu
ofrojnë shërbime të përcaktimit të çmimit që gjithashtu japin shërbime të
ekspertit të vlerësimit, ose firma të tjera të specializuara për vlerësimin.
134. Paragrafi 8 i SNA 500 përmban kërkesa për audituesin kur vlerësohet evidenca
nga një ekspert i angazhuar nga drejtimi. Shtrirja e procedurave të audituesit
në lidhje me ekspertin e drejtitmit dhe punën e këtij eksperti, varet nga
rëndësia e punës së ekspertit për qëllime të audituesit. Vlerësimi i
përshtatshëmrisë së punës së ekspertit të drejtimit e ndihmon audituesin në
vlerësimin nëse çmimet ose vlerësimet e dhëna nga eksperti i drejtimit
sigurojnë evidencën e auditimit të mjaftueshme dhe të përshtatshme për të
mbështetur vlerësimet. Shembuj të procedurave që mund të kryejë audituesi
përfshijnë:
• Vlerësimin e kompetencës, aftësive dhe objektivitetit të ekspertit të
drejtimit, për shembull: marrëdhëniet e tyre me entitetin; reputacioni
dhe qëndrimi i tyre në treg, eksperienca e tyre me llojet e veçanta të
instrumenteve; dhe kuptimi që ata kanë për kuadrin përkatës të
raportimit financiar të zbatueshëm për vlerësimet;
• Sigurimin e një njohje dhe kuptimi të punës së ekspertit të drejtimit,
për shembull, duke vlerësuar përshtatshmërinë e teknikave të
vlerësimit, të përdorura dhe variablat e hipotezat kryesore në treg, të
përdorura në teknikat e vlerësimit;
• Vlerësimin e përshtatshmërisë së punës së ekspertit si evidencë
auditimi. Në këtë pikë, fokusi është në përshtatshmërinë e punës së
ekspertit në nivel të instrumenteve financiare individuale. Për një
kampionim të instrumenteve përkatës, mund të jetë e përshtatshme
llogaritja e një çmuarje të pavarur (shiko paragrafët 136 deri në 137
mbi llogaritjen e një pike çmuarje ose të një intervali), duke përdorur
të dhëna dhe hipoteza të ndryshme dhe më pas krahasohet çmuarja
me atë të ekspertit të drejtimit; dhe
• Procedurat e tjera mund të përfshijnë:
DPNA 1000 1074
o Modelimin e hipotezave të ndryshme për të nxjerrë hipoteza
në një model tjetër, duke marrë parasysh arsyeshmërinë e
këtyre hipotezave të nxjerra.
o Krahasimin e pikës së çmuarjeve të drejtimit me pikën e
çmuarjeve të audituesit, për të përcaktuar nëse çmuarjet e
drejtimit janë vazhdimisht më të larta ose më të ulta.
135. Hipotezat mund të jenë bëre ose identifikuar nga eksperti i drejtimit për të
ndihmuar drejtimin në vlerësimin e instrumenteve financiare. Këto hipoteza,
kur përdoren nga drejtimi, bëhen hipoteza të drejtimit që audituesi duhet të
marrë në konsideratë në të njëjtën mënyrë si edhe hipotezat e tjera të drejtitmit.
Llogaritja e një Pike ose Intervali Çmuarje
136. Një auditues mund të kriojë një teknikë vlerësimi dhe të rregullojë inputet dhe
hipotezat e përdorura në këtë teknikë, për të përcaktuar një inteval që përdoret
në vlerësimin e arsyeshmërisë së vlerësimit të drejtimit. Paragrafët 106 deri në
135 të kësaj DPNA-je mund të ndihmojnë audituesin në përcaktimin e një pike
ose të një intervali çmuarje. Në përputhje me SNA 540,35 nëse audituesi përdor
hipoteza ose metodologji që ndryshojnë nga ato të drejtimit, audituesi duhet të
sigurojë një njohje të mjaftueshme të hipotezave ose metodologjive të
drejtimit, për të përcaktuar se intervali i audituesit merr parasysh variablat
përkatëse dhe për të vlerësuar çdo diferencë të konsiderueshme nga vlerësimi i
drejtimit. Audituesi mund ta gjejë të dobishme të përdorë punën e një eksperti
të audituesit për të vlerësuar arsyeshmërinë e vlerësimit të drejtimit.
137. Në disa raste, audituesi mund të arrijë në përfundimin se evidenca e
mjaftueshme nuk mund të sigurohet nga përpjekjet e audituesit për të siguruar
një njohje të hipotezave dhe metodologjisë së drejtimit, për shembull, kur një
burim për çmuarjen nga një palë e tretë përdor modelet dhe programet e
hartuara nga vetë entiteti dhe nuk lejon aksesin në informacionin përkatës. Në
këto raste, audituesi mund të mos jetë në gjendje të sigurojë evidencën e
auditimit të mjafteushme dhe të përshtatshme rreth vlerësimit, në qoftë se
audituesi nuk është në gjendje të kryejë procedura të tjera për t’iu përgjigjur
rrezikut të anomalisë materiale, të tilla si llogaritja e një pike ose të një
35 SNA 540, paragrafi 13 (c)
DPNA 1000 1075
intervali të çmaurjes për të vlerësuar pikën e çmuarjes të drejtimit.36 SNA
70537 përshkruan pasojat e pamundësisë së audituesit për të siguruar evidencën
e auditimit të mjaftueshme dhe të përshtatshme.
Paraqitja dhe Dhënia e Informacioneve Shpjeguese për
Instrumentet Financiare
138. Përgjegjësitë e drejtimit përfshijnë përgatitjen e pasqyrave financiare në
përputhje me kuadrin e zbatueshëm të raportimit financiar.38 Kuadrot e
raportimit financiar shpesh kërkojnë dhënien e informacioneve shpjeguese në
shënimet në pasqyrat financiare për t’i mundësuar përdoruesve të pasqyrave
financiare të bëjnë vlerësime kuptimplota të efekteve të aktiviteteve të
instrumentit financiar të entitetit, përfshirë rrezikun dhe pasiguritë e lidhura me
këto instrumente financiare. Rëndësia e dhënies së informacioneve shpjeguese
lidhur me bazën e matjes rritet krahas me rritjen e pasigurisë në matje të
instrumenteve financiare dhe gjithashtu, ndikohet nga niveli i hierarkisë së
vlerës së drejtë.
139. Kur deklaron se pasqyrat financiare janë në përputhje me kuadrin e
zbatueshëm të raportimit financiar, drejtimi në mënyrë të drejpërdrejtë ose të
tërthortë bën pohime në lidhje me paraqitjen dhe dhënien informacionit
shpjeguese për elementë të ndryshëm të pasqyrave financiare dhe shënimeve
përkatëse. Pohimet rreth paraqitjes dhe informacioneve shpjeguese përfshijnë:
(a) Ndodhjen dhe të drejtat e detyrimet – ngjarjet, transaksionet dhe çështjet e
tjera të shpjeguara në shënimet e pasqyrave kanë ndodhur dhe i përkasin
entitetit.
(b) Plotësia – të gjitha informacionet në shënimet shpjeguese që duhet të ishin
përfshirë në pasqyrat financiare kanë qenë përfshirë.
(c) Klasifikimi dhe kuptueshmëria – informacioni financiar është paraqitur
dhe përshkruar në mënyrë të përshtatshme dhe informacionet ne shënimet
shpjeguese janë shprehur qartë.
36 SNA 540, paragrafi 13 (d) 37 SNA 705, Modifikimet e opinionit në raportin e audituesit të pavarur 38 Shiko paragrafët 4 dhe A2 të SNA 200.
DPNA 1000 1076
(d) Saktësia dhe vlerësimi – informacioni financiar dhe informacioni tjetër
janë paraqitur në mënyrë të drejtë dhe në shumat e duhura.
Procedurat e audituesit në lidhje me auditimin e informacioneve në shënimet
shpjeguese të dhëna, janë hartuar dukë mbajtur parasysh këto pohime.
Procedurat në Lidhje me Paraqitjen dhe Dhënien e Informacioneve Shpjeguese për
Instrumentet Financiare
140. Në lidhje me paraqitjen dhe dhënien e informacioneve shpjeguese për
instrumentet financiare, fushat me rëndësi të veçantë përfshijnë:
• Kuadrot e raportimit financiar përgjithësisht kërkojnë dhënien
informacioneve shpjeguese shtesë në lidhje me çmuarjet, rreziqet dhe
pasiguritë e lidhura, për të plotësuar dhe shpjeguar aktivet, detyrimet,
të ardhurat dhe shpenzimet. Fokusi i audituesit mund të duhet të jetë
në informacionet në shënimet shpjeguese të lidhura me rrezikun dhe
analizën e ndjeshmërisë. Informacioni i marrë gjatë procedurave të
audituesit për vlerësimin e rrezikut dhe testimit të aktiviteteve të
kontrollit mund të sigurojë evidencë në mënyrë që audituesi të dalë në
përfundimin nëse informacionet në shënimet shpjeguese në pasqyrat
financiare janë në përputhje me kërkesat e kuadrit të zbatueshëm të
raportimit financiar, për shembull në lidhje me:
o Objektivat dhe strategjitë e entitetit për përdorimin e
instrumenteve financiare, përfshirë politikat kontabël të
deklaruara nga entiteti;
o Kuadrin e kontrollit të entitetit për menaxhimin e rreziqeve
të tij të lidhura me instrumentet financiare; dhe
o Rreziqet dhe pasiguritë e lidhura me instrumentet financiare.
• Infromacioni mund të vijë nga sistemet jashtë sistemeve tradicionale të
raportimit financiar, të tilla si sistemet e rrezikut. Shembuj të
procedurave që audituesi mund të zgjedhë të kryejë në përgjigje ndaj
rrezikut të vlerësuar lidhur me informacionet e dhëna në shënimet
shpjeguese, përfshijnë testimin e:
DPNA 1000 1077
o Procesit të përdorur për dhënien e informacionit në shënimet
shpjeguese; dhe
o Efektivitetit të funksionimit të kontrolleve mbi të dhënat e
përdrura për përgatitjen e informacioneve te shënimeve
shpjeguese.
• Instrumentet financiare që kanë rrezik të rëndësishëm,39 madje edhe
kur informacionet në shënimet shpjeguese janë në përputhje me
kuadrin e zbatueshëm të raportimit financiar, audituesi mund të arrijë
në përfundimin që informacionet shpjeguese në shënimet lidhur me
pasigurinë në çmuarje janë të pamjaftueshme në saje të rrethanave dhe
fakteve të përfshira dhe, për rrjedhojë, pasqyrat financiare mund të
mos arrijnë një paraqitje të drejtë. SNA 705 jep udhëzime mbi
ndikimet për opinionin e audituesit, kur ai beson se informacionet
shpjeguese të dhëna nga drejtimi në pasqyrat financiare janë të
pamjaftueshme ose çorientuese.
• Audituesit gjithashtu mund të vlerësojnë nëse informacionet
shpjeguese janë të plota dhe të kuptueshme, për shembull, i gjithë
infromacioni përkatës mund të jetë i përfshirë në pasqyrat financiare
(ose raportet shoqëruese) por ai mund të jetë nxjerrë së bashku në
mënyrë të pamjaftueshme, për t’ju mundësuar përdoruesve të
pasqyrave financiare të sigurojnë një njohje dhe kuptim të pozicionit
ose mund të mos ketë informacione shpjeguese cilësorë të
mjaftueshme për t’i dhënë kontekst shumave të regjistruara në pasqyrat
financiare. Për shembull, edhe kur një entitet ka përfshirë
informacionet shpjeguese për analizën e ndjeshmërisë, këto shënime
mund të mos përshkruajnë plotësisht rreziqet dhe pasiguritë që mund
të krijohen si pasojë e ndryshimeve në vlerësim, efekteve të mundshme
të marrëveshjeve të borxhit, kërkesave të kolateralit dhe likuiditetit të
entitetit. SNA 26040 përmban kërkesa dhe udhëzime rreth komunikimit
me personat e ngarkuar me qeverisjen, përfshirë këndvështrimin e
39 SNA 540, paragrafi 20, kërkon që audituesi të kryejë procedurat e mëtejshme mbi shënimet shpjeguese
të lidhura me çmuarjet kontabël që krijojnë rreziqe të rëndësishme, për të vlerësuar mjaftueshmërinë e
shënimeve shpjeguese të dhëna për pasigurinë në çmuarje në pasqyrat financiare në kontekstin e
kuadrit të zbatueshëm të raportimit financiar. 40 SNA 260, Komunikimi me Personat e Ngarkuar me Qeverisjen
DPNA 1000 1078
audituesit rreth aspekteve të rëndësishme cilësore të praktikave
kontabël të entitetit, përfshirë politikat kontabël, çmuarjet kontabël dhe
informacionet shpjeguese të pasqyrave financiare.
141. Marrja në konsideratë e përshtatshmërisë së paraqitjes, për shembull mbi
klasifikimet afatshkurtra dhe afatgjata, në testet thelbësore të instrumenteve
financiare ëshë i përshtatshem për vlerësimet e audituesit lidhur me paraqitjen
dhe informacionet në shënimet shpjeguese.
Konsideratat e Tjera Përkatëse të Auditimit
Deklarimet me Shkrim
142. SNA 540 kërkon që audituesi të marrë deklarime me shkrim nga drejtimi dhe
sipas rastit, nga personat e ngarkuar me qeverisjen, për faktin nëse ata besojnë
se hipotezat e rëndësishme të përdorura për llogaritjen e çmuarjeve kontabël,
janë të arsyeshme.41 SNA 58042 kërkon që nëse, përveç ketyre deklarimeve,
audituesi e gjykon të nevojshme marrjen e një ose më shumë deklarimeve të
tjera me shkrim, për të mbështetur evidencën tjetër të auditimit që ka të bëjë
me pasqyrat financiare, ose me një apo me shumë pohime specifike në
pasqyrat financiare, ai do të kërkojë këto deklarime të tjera me shkrim. Në
varësi të volumit dhe shkallës së kompleksitetit të aktiviteteve të instrumentit
financiar, deklarimet me shkrim për të mbështetur evidencën tjerër të marrë në
lidhje me instrumentet financiare mund të përfshijë gjithashtu:
• Objektivat e drejtimit në lidhje me instrumentet financiare, për
shembull, nëse ato janë përdorur për mbrojtje, menaxhim të
aktivit/detyrimit ose për qëllime investimi;
41 SNA 540, paragrafi 22, paragrafi 4 i SNA 580, Deklarimet me shkrim, shprehet se deklarimet me
shkrim në vetvete nuk sigurojnë evidencë auditimi të mjaftueshme dhe të përshtatshme për çdonjërën
nga çështjet me të cilat ato kanë të bëjnë. Kur audituesi e ka të pamundur të sigurojë evidencën e
auditimit të mjaftueshme dhe të përshtatshme, kjo mund të jetë një kufizim në objektin e auditimit dhe
mund të ndikojë në raportin e audituesit (shiko SNA705, Modifikimet e Opinionit në Raportin e
Audituesit të Pavarur).
42 SNA 580, paragrafi 13
DPNA 1000 1079
• Deklarimet në lidhje e përshtatshmërinë e paraqitjes së instrumenteve
financiare, për shembull për regjistrimin e transaksioneve të
instrumenteve financiare si shitje ose transaksione financiare;
• Deklarimet në lidhje me shënimet shpjeguese të dhëna në pasqyrat
financiare për sa i takon instrumenteve financiare, për shëmbull që:
o Regjistrimet reflektojnë të gjitha transaksionet e
instrumenteve financiare; dhe
o Kanë qenë identifikuar të gjitha instrumentetat e
derivativëve të përfshirë;
• Faktin nëse të gjitha transaksionet kanë qenë kryer në kushtet e tregut
të lirë dhe me vlerën e tregut;
• Kushtet e transaksioneve;
• Përshtatshmërinë e vlerësimeve të instrumenteve financiare;
• Faktin nëse ka ndonjë marrëveshje dytësore të lidhur me ndonjë nga
instrumentet financiare;
• Faktin nëse entiteti është përfshirë në ndonjë opsion të shkruar;
• Synimin dhe aftësinë e entitetit për të kryer disa veprime;43 dhe
• Nëse ngjarjet e mëvonshme kërkojnë rregullime të vlerësimeve dhe të
informacioneve shpjeguese të përfshira në shënimet në pasqyrat
financiare.
Komunikimi me Personat e Ngarkuar me Qeverisjen dhe të Tjerët
143. Për shkak të pasigurive të lidhura me vlerësimin e instrumenteve financiare,
ndikimet e mundshme në pasqyrat financiare të çdo rreziku të rëndësishëm ka
43 Paragrafi A80 i SNA 540 jep shembuj të procedurave që mund të jenë të përshtatshme për rrethanat.
DPNA 1000 1080
të ngjarë të jenë me interes për qeverisjen. Audituesi mund të komunikojë
natyrën dhe pasojat e hipotezave të rëndësishme të përdorura në një matje me
vlerën e drejtë, shkallën e subjektivitetit të përfshirë në krijimin e hipotezave
dhe materialitetin përkatës të zërave që maten me vlerën e drejtë për pasqyrat
financiare të marra në tërësi. Përveç kësaj, nevoja për kontrolle të
përshtatshme mbi angazhimet për të hyrë në kontrata të instrumentit financiar
dhe mbi proceset e majteve të mëpasshme, janë çështje që mund të çojne në
nevojën për të komunikuar me personat e ngarkuar me qeverisjen.
144. SNA 260 trajton përgjegjësitë e audituesit për të komunikuar me personat e
ngarkuar me qeverisjen në një auditim të pasqyrave financiare. Në lidhje me
instrumentet financiare, çështjet për t’ju komunikuar personave të ngarkuar me
qeverisjen mund të përfshijnë:
• Nje mungesë në njohjen e drejtimit në lidhje me natyrën apo shtrirjen
e aktiviteteve të instrumenteve financiare ose te rreziqeve të lidhura
me këto aktivitete;
• Mangësi të rëndësishme në dizajnin ose funksionimin e sistemeve të
kontrollit të brendshëm ose menaxhimit të rrezikut, në lidhje me
aktivitetet e instrumentit financiar të entitetit që audituesi ka
identifikuar gjatë auditimit;44
• Vështirësitë e rëndësishme të hasura gjatë marrjes së evidencës së
auditimit të mjaftueshme dhe të përshtatshme në lidhje me vlerësimet
e kryera nga drejtimi ose një ekspert i drejtimit, për shembull, kur
drejtimi nuk është në gjëndje të sigurojë një njohje të metodologjisë
së vlerësimit, hipotezave dhe të dhënave te përdorura nga ekspertët e
drejtimit dhe ky informacion nuk i është venë në dispozicion
audituesit nga eksperti i drejtimit;
44 SNA 265, Komunikimi i Mangësive të Kontrollit të Brendshëm tek Personat e Ngarkuar me
Qeverisjen dhe Drejtimin, përcakton kërkesat dhe jep udhëzime mbi komunikimin per drejtimin të
mangësive të kontrollit të brendshëm dhe komunikimin e mangësive të rëndësishme të kontrollit të
brendshëm tek personat e ngarkuar me qeverisjen. Ai shpjegon se mangesitë e kontrollit të brendshëm
mund të identifikohen gjatë procedurave të audituesit për vleresimin e rrezikut në përputhje me SNA
315 (i rishikuar) ose në çdo fazë tjetër të auditimit.
DPNA 1000 1081
• Diferencat e rëndësishme në gjykime midis audituesit dhe drejtimit
ose një eksperti të drejtimit në lidhje me vlerësimet;
• Efektet e mundshme në pasqyrat financiare të entitetit të rreziqeve
materiale dhe të ekspozimeve që kërkohen për t’u shpjeguar në
pasqyrat financiare, përfshirë pasigurinë në matje të lidhur me
instrumentet financiare;
• Pikëpamjet e audituesit në lidhje me përshtatshmërinë e zgjedhjes së
politikave kontabël dhe paraqitjen e transaksioneve të instrumentit
financiar në pasqyrat financiare;
• Pikëpamjet e audituesit në lidhje me aspektet cilësore të praktikave
kontabël të entitetit dhe raportimit financiar për instrumentet
financiare; ose
• Një mungesë e politikave gjithëpërfshirëse dhe të shprehura qartë për
blerjen, shitjen dhe mbajtjen e instrumenteve financiare, përfshirë
kontrollet operative, procedurat për caktimin e instrumenteve
financiare si instrumenta mbrojtës dhe monitorimin e ekspozimeve.
Afati i përshtatshëm për komunikimet do të ndryshojë në varësi të
rrethanave të angazhimit; gjithsesi, mund të jetë e përshtatshme për të
komunikuar vështirësitë e konsiderueshme të hasura gjatë auditimit sa më
shpejt që të jetë e mundur, nëse personat e ngarkuar me qeverisjen janë në
gjendje të ndihmojnë audituesit për të kapërcuar vështirësitë, ose në qoftë
se ai ka të ngjarë të japë një opinion të modifikuar.
Komunikimi me Rregullatorët dhe të Tjerët
145. Në disa raste, audituesve mund t’u kërkohet,45 ose ata mund ta konsiderojnë të
arsyeshme, për të komunikuar direkt me rregullatorët ose mbikëqyrësit e
45 Për shembull, SNA 250 (i rishikuar), Mbajtja Parasysh e Ligjeve dhe Rregullave në një Auditim të
Pasqyrave Financiare, kërkon që audituesit të vlerësojnë nëse kanë përgjegjësi për të raportuar
papajtueshmëritë e identifikuara ose të dyshuara me ligjet ose rregullat për palët jashtë entitetit. Përveç
kësaj, kërkesat në lidhje me komunikimin e audituesit me mbikëqyrësit bankarë dhe të tjerët, mund të
vendosen në shumë shtete ose me ligj, me kërkesat për mbikëqyrje ose nga një marrëveshje formale
apo protokoll.
DPNA 1000 1082
kujdesshëm, përveçse me personat e ngarkuar me qeverisjen, për sa i takon
çështjeve të lidhura me intrumentet financiare. Këto komunikime mund të jenë
të dobishme gjatë gjithë auditimit. Për shembull, në disa juridiksione,
rregullatorët bankarë kërkojnë të bashkëpunojnë me audituesit për të ndarë
informacionin rreth funksionimit dhe zbatimit të kontrolleve mbi aktivitetet e
instrumenteve financiare, vështirësive në vlerësimin e instrumenteve financiare
në tregjet joaktive dhe pajtueshmërinë me rregullat. Këto koordinime mund të
jenë të dobishme për audituesin për të identifikuar rrezikun e anomalisë
materiale.
DPNA 1000 1083
Shtojca
(Ref: Para. A14)
Shembuj të Kontrolleve të Lidhura me Instrumentet Financiare
1. Shtojca në vijim jep informacion të përgjithshëm dhe shembuj të kontrolleve
që mund të ekzistojnë në një entitet, i cili merret me një volum të madh
transaksionesh të intrumenteve financiare, qoftë për qëllime tregtare ose
investuese. Shembujt nuk kanë për qëllim të jenë shteruese dhe entitetet mund
të vendosin kontrolle të mjediseve dhe proceseve të ndryshme të kontrolleve
në varësi të madhësisë së tyre, industrisë në të cilën operojnë dhe shtrirjen e
transaksionëve të tyre të instrumenteve financiare. Për më tepër, informacioni
mbi përdorimin e konfirmimeve tregtare dhe agjencive të shlyerjes është i
përfshirë në paragrafët 25-26.
2. Ashtu si në çdo sistem kontrolli, shpeshherë është e nevojshme për të
dyfishuar kontrollet në nivele të ndryshme të kontrollit (për shembull,
parandalues, zbulues dhe monitories) për të shmangur rrezikun e anomalisë
materiale.
Mjedisi i Kontrollit i Entitetit
Angazhimi për Përdorimin Kompetent të Instrumenteve Financiare
3. Shkalla e kompleksitetit për disa aktivitete të instrumentit financiar mund të
nënkuptojë që vetëm disa individë brenda entitetit i njohin plotësisht këto
aktivitete ose kanë ekspertizën e nevojshme për të vlerësuar instrumentet në
bazë të vazhdueshme. Përdorimi i instrumenteve financiare pa ekspertizën e
përshtatshme brenda entitetit shton rrezikun e anomalisë materiale.
Pjesëmarrja e Personave të Ngarkuar me Qeverisjen
4. Personat e ngarkuar me qeverisjen mbikëqyrin dhe bien dakord me vlerësimin
e drejtimit për rrezikun e përgjithshëm të entitetit dhe sigurojnë mbikëqyrje
mbi aktivitetet e instrumentit financiar të entitetit. Politikat e një entiteti për
blerjen, shitjen dhe mbajtjen e instrumenteve financiare përputhen me
qëndrimin ndaj rrezikut dhe ekspertizën e personelit të përfshirë në aktivitetet
e instrumentit financiar. Veç kësaj, një entitet mund të krijojë struktura
qeverisjeje dhe procese kontrolli që synojnë:
DPNA 1000 1084
(a) Komunikimin e vendimeve për investime dhe vlerësimet e të gjitha
pasigurive materiale në matje tek personat e ngarkuar me qeverisjen; dhe
(b) Vlerësimin e rrezikut te përgjithshëm të entitetit kur përfshihet në
transaksione të instrumentit financiar.
Struktura Organizative
5. Aktivitetet e instrumentit financiar mund të jenë të centralizuara ose të
decentralizuara. Këto aktivitete dhe vendimmarrjet përkatëse mbështeten
shumë në rrjedhën e informacionit të saktë, të besueshëm, dhe të menaxhuar në
kohë. Vështrirësia e mbledhjes dhe bashkimit të këtij informacioni rritet me
numrin e vendeve dhe bizneseve në të cilat një entitet është i përfshirë.
Rreziqet e anomalisë materiale të lidhura me aktivitetet e instrumenteve
financiare mund të rriten krahas një decentralizimi më të madh të aktiviteteve
të kontrollit. Kjo mund të jetë veçanërisht e vërtetë kur një entitet është i
bazuar në vende të ndryshme, disa ndoshta në shtete të tjera.
Caktimi i Autoritetit dhe Përgjegjësisë
Politikat e Investimit dhe të Vlerësimit
6. Drejtimi, përmes politikave të qarta, të miratuara nga personat e ngarkuar me
qeverisjen, për blerjen, shitjen dhe mbajtjen e instrumenteve financiare, i jep
mundësi drejtimit të përcaktojë një metodë efektive për të marrë përsipër dhe
menaxhuar rreziqet e biznesit. Këto politika janë më të qarta kur ato shprehin
objektivat e entitetit në lidhje me aktivitetet e menaxhimit të rrezikut dhe
alternativave disponibël të investimit dhe të mbrojtjes për të arritur këto
objektiva, dhe kur ato reflektojnë:
(a) Nivelin e ekspertizës së drejtimit;
(b) Sofistikimin e kontrollit të brendshëm dhe sistemet e monitorimit të
entitetit;
(c) Strukturën aktiv/detyrim të entitetit;
(d) Kapacitetin e entitetit për të mbajtur likuiditetin dhe për të përballuar
humbjet e kapitalit;
DPNA 1000 1085
(e) Llojet e instrumenteve financiare që drejtimi beson se plotësojnë
objektivat e tij; dhe
(f) Përdorimet e instrumenteve financiare që drejtimi beson se plotësojnë
objektivat e tij, për shembull, nëse derivativët mund të përdoren për
qëllime spekulative ose vetëm për qëllime mbrojtëse.
7. Drejtimi mund të hartojë politika në përputhje me aftesitë vlerësuese dhe mund
të vendosë kontrolle për të siguruar që këto politika respektohen nga
punonjësit përgjegjës për vlerësimin e entitetit. Këto mund të përfshijnë:
(a) Proceset për hartimin dhe validimin e metodologjive të përdorura për të
realizuar vlerësimet, përfshirë mënyrën e adresimit të pasigurisë në matje;
dhe
(b) Politikat në lidhje me maksimizimin e përdorimit të inputeve të
vëzhgueshme dhe llojeve të informacionit për t’u mbledhur për të
mbështetur vlerësimin e instrumenteve financiare.
8. Në entitetet më të vogla, trajtimi i instrumenteve financiare mund të jetë i rrallë
dhe njohuritë dhe eksperienca e drejtimit janë të kufizuara. Pavarësisht kësaj,
vendosja e politikave mbi instrumentet financiare ndihmon një entitet të
përcaktojë rrezikun e biznesit të tij dhe të vlerësojë nesë investimi në
instrumente financiare të veçantë arrin një objektiv të deklaruar.
Politikat dhe Praktikat e Burimeve Njerëzore
9. Entitetet mund të vendosin politika, të cilat kërkojnë që personeli kyç, si në
zyrën në varësi ashtu edhe ne zyrën qendrore, të përdorin në mënyrë të
detyruar një pjesë të kohës së tyre për këtë qëllim. Ky lloj kontrolli është
përdorur si një mjet për parandalimin dhe zbulimin e mashtrimit, veçanërisht,
në ato raste kur personat e angazhuar në aktivitete tregtare krijojnë tregti të
rremë ose transaksione të regjistruara pasaktësisht.
Përdorimi i Organizatave të Shërbimit
10. Entitetet mund përdorin edhe organizatat e shërbimit (për shembull menaxherët
e aktiveve) për të iniciuar një blerje ose shitje të instrumenteve financiare, për
të mbajtur regjistrat e transaksioneve për entitetin ose për të vlerësuar
instrumentet financiare. Disa entitete mund të varen nga këto organizata të
DPNA 1000 1086
shërbimit për të patur bazën për raportimin për instrumentet financiare të
mbajtura prej tyre. Gjithsesi, nëse drejtimi nuk i njeh apo kupton kontrollet që
ka vendosur një organizatë shërbimi, audituesi mund të mos jetë në gjendje të
sigurojë evidencën e auditimit të mjaftueshme dhe të përshtatshme për t’u
mbështetur në kontrollet në këtë organizatë shërbimi. Shiko SNA 402,46 e cila
përcakton kërkesat që audituesi të sigurojë evidencën e auditmit të
mjaftueshme dhe të përshtatshme kur një entitet përdor shërbimet e një ose më
shumë organizatash shërbimi.
11. Përdorimi i organizatave të shërbimit mund të forcojë ose dobësojë mjedisin e
kontrollit për instrumentet financiare. Për shembull, personeli i një organizate
të shërbimit mund të ketë më shumë eksperiencë me instrumentet financiare në
krahasim me drejtimin e entitetit ose mund të ketë një kontroll të brendshëm
më të fortë mbi raportimin financiar. Përdorimi i organizatës së shërbimit
gjithashtu, mund të lejojë për një ndarje më të madhe të detyrave. Nga ana
tjetër, organizata e shërbimit mund të ketë një mjedis kontrolli të dobët.
Procesi i Vlerësimit të Rrezikut i Entitetit
12. Procesi i vlerësimit të rrezikut i entitetit ekziston për të përcaktuar mënyrën
sesi drejtimi identifikon rrezikun e biznesit që vjen nga përdorimi i
instrumenteve financiare, përfshirë mënyrën sesi drejtimi vlerëson rëndësinë e
rreziqeve, mundësinë e ndodhjes së tyre dhe vendos për veprimet për
menaxhimin e tyre.
13. Procesi i vlerësimit të rrezikut i entitetit formon bazën për mënyrën sesi
drejtimi përcakton rreziqet për t’u menaxhuar. Proceset e vlerësimit të rrezikut
vendosen me objektivin për të siguruar që drejtimi:
(a) Kupton rreziqet e vetvetishme në një instrument financiar përpara se
drejtimi të kryejë këto transkasione, përfshirë objektivin e kryerjes së
transaksionit dhe strukturën e tij (për shembull, qëllimet ekonomike dhe të
biznesit të aktitviteteve të instrumentit financiar të entitetit);
(b) Kryhen analizat e duhura në proporcion me rreziqet e lidhura me
instrumentet financiare të veçantë;
46 SNA 402, Konsiderata te Auditimit për një Entitet që Përdor një Organizatë Shërbimi
DPNA 1000 1087
(c) Monitoron pozicionet e pashlyera të entitetit për të kuptuar mënyrën sesi
kushtet e tregut ndikojnë në ekspozimet e entitetit;
(d) Ka vendosur procedura për të zvogëluar ose kur është e nevojshme, për të
ndryshuar ekspozimin ndaj rrezikut, dhe për të menaxhuar rrezikun
reputacional; dhe
(e) Mbikëqyr dhe rishikon rreptësish këto procese.
14. Struktura që zbatohet për të monitoruar dhe menaxhuar ekspozimin ndaj
rrezikut duhet të:
(a) Jetë e përshtatshme dhe në koherencë me qëndrimin e entitetit ndaj
rrezikut, siç është përcaktuar nga personat e ngarkuar me qeverisjen;
(b) Specifikojë nivelet e miratimit për autorizimin e llojeve të ndryshme të
instrumenteve financiare dhe transaksioneve që mund të kryhen me to si
dhe qëllimet përkatëse. Instrumentet e lejuar dhe nivelet e miratimit duhet
të reflektojnë ekspertizën e personave të përfshirë në aktivitetet e
instrumenteve financiare, duke demostruar angazhimin e drejtimit ndaj
kompetencës;
(c) Vendosë kufizime të përshtatshme për maksimumin e lejuar të ekspozimit
për çdo lloj të rrezikut (përfshirë palët e treta të miratuara). Nivelet e
lejuara të ekspozimit mund të ndryshojnë në varësi të llojit të rrezikut ose
palës së tretë;
(d) Kujdeset për objektivin dhe monitorimin në kohë të rreziqeve financiare
dhe aktiviteteve të kontrollit;
(e) Kujdeset për objektivin dhe raportimin në kohë të ekspozimeve, rreziqet
dhe rezultatet e aktiviteteve të instrumantit financiar në menaxhimin e
rrezikut; dhe
(f) Vlerëson procesin e dokuementimit të drejtimit për vlerësimin e rreziqeve
të instrumenteve financiare të veçantë.
DPNA 1000 1088
15. Llojet dhe nivelet e rrezikut me të cilat ndeshet një entitet janë të lidhura në
mënyrë direkte me llojet e instrumenteve financiare me të cilat ai merret,
përfshirë kompleksitetin e këtyre instrumenteve dhe volumin e transaksioneve
të kryera me instrumentet financiare.
Funksioni i Menaxhimit të Rrezikut
16. Disa entitete, për shembull institucionet e mëdha financiare me një volum të
madh të transaksioneve të instrumenteve financiare, mund të kërkohen nga ligji
ose rregullat, ose mund të zgjedhin vetë, të kenë një funksion formal të
menaxhimit të rrezikut. Ky funksion është i ndarë nga personat përgjegjës për
kryerjen dhe menaxhimin e transaksioneve të instrumenteve financiare.
Funksioni është përgjegjës për raportimin dhe monitorimin e aktiviteteve të
instrumenteve financiare dhe mund të përfshijë një komitet formal të rrezikut
të vendosur nga personat e ngarkuar me qeverisjen. Disa shembuj të
përgjegjësive kryesore në këtë fushë janë:
(a) Zbatimi i politikave të menaxhimit te rrezikut, të vendosura nga personat e
ngarkuar me qeverisjen (përfshirë analizën e rreziqeve ndaj të cilave
entiteti mund të ekspozohet);
(b) Percaktimi i strukturave të kufizimit të rrezikut dhe garantimin që këto
kufizime të rrezikut zbatohen në praktikë;
(c) Zhvillimi i skenarëve të stresit dhe kryerja e analizës së ndjeshmërisë për
portofolet me pozicion të hapur, përfshirë rishikimet e lëvizjeve të
pazakonta në pozicionet; dhe
(d) Rishikimi dhe analizimi i produkteve të instrumenteve financiare të rinj.
17. Instrumentet financiare mund të kenë rrezikun shoqërues, që një humbje mund
të tejkalojë shumën, nëse ka, të vlerës së instrumentit financiar të njohur në
bilanc. Për shembull, një rënie e papritur në çmimin e tregut të një malli, mund
të detyrojë entitetin që të njohë humbjet e mbylljes së një pozicioni më përpara
për atë mall, nisur nga kërkesat për kolateralin ose marzhin. Në disa raste,
humbjet e mundshme mund të jenë të mjaftueshme për të hedhur dyshime të
medha mbi aftësitë e entitetit për të vazhduar në vijimësi. Entiteti mund të
kryejë anazliza të ndjeshmërisë ose analiza të vlerës në rrezik për të vlerësuar
efektet hipotetike të ardhshme në instrumentet financiare që janë subjekt i
rreziqeve të tregut. Gjithsesi, analiza e vlerës në rrezik nuk reflekton plotësisht
DPNA 1000 1089
shkallën e rreziqeve që mund të ndikojnë tek entiteti; analizat e ndjeshmërisë
dhe të skenarit gjithashtu, mund të jënë subjekt i kufizimeve.
18. Volumi dhe sofistikimi i aktivieteve të instrumentit fianciar dhe kërkasve
rregullatore përkatëse, do të influencojnë vlerësimin e enititetit për faktin nëse
ai do të krijojë një funksion formal të menaxhimit të rrezikut dhe të mënyrës
sesi mund të strukturohet ky funksion. Në entitetet që kanë krijuar një funksion
të veçantë të menaxhimit të rrezikut, për shembull, entitetet me relativisht pak
instrumente financiare ose me instrumente financiare që janë më pak
komplekse, raportimi mbi dhe monitorimi i aktiviteteve të instrumentit
financiar mund të jetë një komponent i përgjegjësive të funksionit të
kontablilietit ose financës apo përgjegjësi e përgjithshme e drejtimit dhe mund
të përfshijë një komitet formal të rrezikut të krijuar nga personat e ngarkuar me
qeverisjen.
Sistemet e Informacionit të Entitetit
19. Objektivi kryesor i një sistemi të informacionit të entitetit është që ai të jetë në
gjendje të kapë dhe regjistrojë në mënyrë të saktë të gjithë transaksionet,
zgjidhjet, vlerësimin e tyre, dhe prodhimin e informacionit, për të bërë të
mundur që instrumentet fianciare që të jenë menaxhuar sa i takon rrezikut dhe
kontrollet të jenë të monitoruara. Në entitetet që angzhohen në një volum të
madh të instrumenteve financiare mund të krijohen vështirësi, veçanërisht në
ato raste kur ka një shumëllojshmëri sistemesh të integruara në mënyrë të
dobët, me ndërlidhje manuale dhe pa kontrolle të përshtatshme.
20. Disa instrumente financiare mund të kërkojnë një numër të madh regjistrimesh
kontabël. Me rritjen e sofistikimit apo nivelit të aktiviteteve të instrumentit
financiar, është e nevojshme që të rritet edhe sofistikimi i sistemit të
informacionit. Çështjet sepecifike, që mund të dalin në lidhje me instrumentet
fianciare përfshijnë:
(a) Sistemet e informacionit, në veçanti për entitetet e vogla, që nuk kanë
aftësinë ose nuk janë konfiguruar në mënyrë të përshtatshme, për të
përpunuar transaksionet e instrumenteve financiare, veçanërisht kur
entiteti nuk ka eksperiencë të mëparshme me instrumentet finanaciare.
Kjo mund të rezultojë në një numër të rritur të transaksioneve manuale, të
cilat mund të rrisin më tej rrezikun e gabimit;
DPNA 1000 1090
(b) Larmishmërinë e mundshme të sistemeve, që kërkohet për të përpunuar
transaksione më shumë komplekse dhe nevoja për rakordime të rregullta
midis tyre, në veçanti kur sistemet nuk janë të ndërlidhura ose mund të
jenë subjekt i ndërhyrjeve manuale;
(c) Mundësinë që më shumë transaksione komplekse, nëse tregtohen vetëm
nga një numër i vogël individësh, mund të jenë vlerësuar ose rreziku i tyre
mund të jetë menaxhuar nëpërmjet fletëve të punës në Excel
(spreadsheets) dhe jo nëpërmjet sistemeve kryesore të përpunimit, dhe për
rrjedhojë siguria fizike dhe logjike e fjalëkalimit mbi këto fletë pune do të
kompromentohej lehtësisht;
(d) Një mungesë në rishikimin e inicialeve përjashtuese të sitemit (systems
exception logs), të konfirmimeve të jashtme dhe kuotimeve të brokerit,
kur është e përshtatshme, për të validuar regjistrimet e gjeneruara nga
sistemet;
(e) Vështirësitë në kontrollimin dhe vlerësimin e inputeve kryesore të sistemit
për vlerësimin e instrumenteve financiare, veçanërisht kur këto vlerësime
mbahen nga grupet e tregtarëve të njohur si zyra qendrore ose ofruesit e
shërbimeve nga palët e treta dhe/ose transaksionet në fjalë nuk janë rutinë
ose të tregtuara specifikisht;
(f) Dështimin për të vlerësuar dizajnin dhe kalibrimin e modelve komplekse
të përdorura për të përpunuar këto transaksione fillimisht dhe mbi një bazë
periodike;
(g) Mundësinë që drejtimi të mos ketë krijuar një listë të modeleve, me
kontrolle për aksesin, ndryshimin dhe mbajtjen e modeleve individuale,
me qëllim që të ruhet një gjurmë e fortë auditimi për versionet e
akredituara të modeleve dhe në mënyrë që të parandalohet aksesi i
paautorizuar ose ndryshimet në këto modele;
(h) Investimi joproporcional që mund të kërkohet në sistemet e menaxhimit të
rrezikut dhe kontrollit, ku një entitet vetëm ndërmerr një numër të
kufizuar të transaksioneve të instrumenteve financiare dhe mundësia për
keqkuptim të outputit nga drejtimi në qoftë se ato nuk janë përdorur për
këto lloje të transaksioneve;
DPNA 1000 1091
(i) Kërkesat e mundshme për ofrimin e sistemeve nga palët e treta, për
shembull nga një organizatë shërbimi, për të regjistruar, përpunuar,
kontabilizuar ose menaxhuar siç duhet rrezikun për transaksionet e
instumenteve financiare dhe nevojën për rakorduar siç duhet dhe
kontrolluar outputin nga këta ofrues; dhe
(j) Vlerësimet për siguri dhe kontrolle shtesë, të cilat lidhen me përdorimin e
një rrjeti elektronik kur një entitet përdor tregtinë elektronike për
transaksionet e instrumentit financiar.
21. Sistemet e informacionit që lidhen me raportimin financiar shërbejnë si një
burim i rëndësishëm i informacionit për informacionet shpjeguese sasiore në
pasqyrat financiare. Megjithatë, entitetet mundet gjithashtu të hartojnë dhe
mbajnë sisteme jofinanciare të përdorura për raportimin e brendshëm dhe për
të gjeneruar informacionin e përfshirë në informacionet shpjeguese cilësore në
shënimet, për shembull në lidhje me rreziqet dhe pasiguritë ose analizat e
ndjeshmërisë.
Aktivitetet e Kontrollit të Entitetit
22. Aktivitetet e kontrollit mbi transaksionet e instrumentit financiar janë hartuar
për të parandaluar ose zbuluar problemet që pengojnë një entitet për të arritur
objektivat e tij. Këto objektiva mund të jenë me natyrë operacionale, të
raportimit financiar, ose të pajtueshmërisë. Aktivitetet e kontrollit mbi
instrumentet financiare janë hartuar në lidhje me kompleksitetin dhe volumin e
transaksioneve të instrumenteve financiare dhe përgjithësisht, do të përfshijnë
një proces të përshtatshëm autorizimi, ndarje të përshtatshme të detyrave dhe
politika e procedura të tjera të hartuara për të siguruar se objektivat e kontrollit
të entitetit janë përmbushur. Grafikët e lëvizjes së procesit mund të ndihmojnë
në identifikimin e kontrolleve ose të mungesës së tyre në një entitetet. Kjo
DPNA përqëndrohet në aktivitetet e kontrollit të lidhura me plotësinë,
saktësinë dhe ekzistencën, vlerësimin, paraqitjen dhe informacionet në
shënimet shpjeguese.
Autorizimi
23. Autorizimi mund të ndikojë pohimet e pasqyrave financiare, në mënyrë direkte
dhe jodirekte. Për shembull, edhe nëse një transaksion është kryer jashtë
politikave të një entiteti, ai megjithatë, për saktësi, mund të regjistrohet dhe
kontabilizohet. Gjithsesi, transaksionet e paautorizuara mundet të rrisin në
DPNA 1000 1092
mënyrë të konsiderueshme rrezikun për entitetin, dhe si rrjedhojë rritin në
mënyrë të konsiderueshme rrezikun e anomalisë materiale, meqenëse ato mund
të kryhen jashtë sistemit të kontrollit të brendshëm. Për të zvogëluar këtë
rrezik, shpeshherë një entitet do të vendosë një politikë të qartë që përcakton se
çfarë transaksionesh mund të tegtohen dhe nga kush, dhe respektimi i kësaj
politike mund të monitorohet më pas nga zyra qendrore e entitetit. Monitorimi
i aktivitetetve tregtare të individëve, për shëmbull, nëpërmjet rishikimit të
volumeve jashtëzakonisht të larta apo fitmeve ose humbjeve të
konsiderueshme të ndodhura, do të ndihmonte drejtimin për të siguruar
pajtueshmërinë me politikat e entitetit, përfshirë autorizimin e llojeve të reja të
transaksioneve dhe vlerësimin nëse ka ndodhur mashtrimi.
24. Funksioni i regjistrimeve fillestare të marrëveshjeve të një entiteti ka për
qëllim të identifikojë qartë natyrën dhe qëllimin e transaksioneve individuale
dhe të drejtat dhe detyrimet që krijohen për secilën kontratë të instrumenteve
financiare, përfshirë detyrimin për zbatim të kontratave. Përveç informacionit
financiar bazë, siç janë një shumë hipotetike, regjistrimet e plota dhe të sakta
minimalisht, si rregull përfshijnë:
(a) Identitetin e agjentit të shitjes;
(b) Identitetin e personit që regjistron transaksionin (në qoftë se nuk është
agjenti i shitjes), kur transaksioni ka nisur (përfshirë të dhënat dhe kohën e
transaksionit) dhe të mënyrës sesi ai është regjistruar në sistemin e
informacionit të entitetit; dhe
(c) Natyrën dhe qëllimin e transaksionit, përfshirë nëse ka për qëllim ose jo,
të mbulojë një ekspozim tregtar bazë.
Ndarja e Detyrave
25. Ndarja e detyrave dhe caktimi i personelit është një aktivitet kontrolli i
rëndësishëm, veçanërisht gjatë ekspozimit kundrejt instrumenteve financiare.
Aktivitetet e instrumentit financiar mund të ndahen në një numër funksionesh,
përfshirë:
(a) Ekzekutimin e transaksionit (tregtimin). Në entitetet me një volum të
madh të transaksioneve të intrumentave financiare, kjo mund të bëhet nga
zyra qendrore;
DPNA 1000 1093
(b) Fillimi i pagesave të parasë dhe pranimi i arkëtimeve (shlyerjet);
(c) Dërgimi i konfirmimeve tregtare dhe rakordimi i diferencave midis
regjistrimeve të entitetit dhe përgjigjeve të marra nga palët e treta, nëse ka;
(d) Regjistrimi i të gjitha transasksioneve me saktësi në regjistrat kontabël;
(e) Monitorimi i rrezikut të kufizimeve. Në entitet me një volum të madh të
transaksioneve të instrumenteve financiare, kjo mund të kryhet nga
funksioni i menaxhimit të rrezikut;
(f) Monitorimi i pozicioneve dhe vlerësimit të instrumenteve financiare.
26. Shumë organizata zgjedhin të ndajnë detyrat e anëtareve të personelit që
investon në instrumentet financiare, të atyre që vlerësojnë instrumentet
financiare, atyre që shlyejnë instrumentet financiare dhe atyre që
kontabilizojnë/regjistrojnë instrumentet financiare.
27. Kur një entitet është shumë i vogël për të arritur një ndarje të duhur të
detyrave, roli i drejtimit dhe i personave të ngarkuar me qeverisjen në
monitorimin e aktiviteteve të instrumentit financiar është i një rëndësie të
veçantë.
28. Një tipar i kontrollit të brendshëm të disa entiteteve është një funksion i
pavarur i verifikimit të çmimit (PVÇ). Ky departament është përgjegjës për
verifikimin veçmas të çmimit të disa prej instrumenteve financiare dhe mund të
përdorë burime të dhënash, metodologji dhe hipoteza alternative. PVÇ siguron
një vështrim objektiv të çmimit që është llogaritur në një pjesë tjetër të
entitetit.
29. Zakonisht, zyra ndërmjetëse, ose qendrore ka përgjegjësinë për vendosjen e
politikave mbi vlerësimin dhe sigurimin e pajtueshmërisë me këtë politikë.
Entitetet me një përdorim më të madh të instrumenteve financiare mund të
kryejnë vlerësime ditore të portofolit të tyre të instrumenteve financiare dhe
mund të ekzaminojnë kontributin në fitim ose humbje të vlerësimeve
individuale të instrumenteve financiare si një test i arsyeshmërisë së
vlerësimeve.
DPNA 1000 1094
Plotësia, Saktësia dhe Ekzistenca
30. Rakordimet sistematike të regjistrave të entitetit me regjistrat e bankave dhe të
kujdestarëve të jashtëm, bëjnë të mundur që entiteti të sigurojë se transaksionet
janë regjistruar në mënyrën e duhur. Ndarja e përshtatshme e detyrave midis
atyre që kryejnë tregtimin dhe atyre që i rakordojnë ato është e rëndësishme,
pasi ai është një proces rigoroz për rishikimin e rakordimeve dhe elementëve të
rakorduara nga agjencitë.
31. Gjithashtu, mund të vendosen kontrolle, të cilat kërkojnë që agjentët tregtare
të identifikojnë nesë një instrument financiar kompleks mund të ketë tipare
unike, për shembull, derivativët e përfshirë. Në këto rrethana, mund të ketë një
funksion më vete për vlerësimin e transaksioneve komplekse të instrumenteve
financiare në inicimin e tyre (të cilat mund të njihen edhe si një grup për
kontrollin e produktit), që punon në lidhje me një grup të politikave kontabël
për të siguruar se transaksioni regjistrohet me saktësi. Edhe pse entitetet e
vogla mund të mos kenë grupe të kontrollit të produktit, një entitet mund ketë
vendosur një proces në lidhje me rishikimin e kontratave të instrumenteve
financiare komplekse në pikën e origjinës, në mënyrë që të sigurojë se ato janë
kontabilizuar në mënyrë të përshtatshme, në pajtim me kuadrin e zbatueshëm
të raportimit financiar.
Monitorimi i Kontrolleve
32. Aktivitetet e monitorimit te vazhdueshëm të entitetit janë hartuar për të
zbuluar dhe korrigjuar çdo mangësi në efektivitetin e kontrolleve mbi
transaksionet e instrumenteve financiare dhe vlerësimin e tyre. Është e
rëndësishme të ketë mbikëqyrje dhe rishikim të përshtatshëm të aktivitetit të
instrumentit financiar brenda një entiteti. Kjo përfshin:
(a) Të gjithë kontrollet që i nënshtrohen rishikimit, për shembull, monitorimi
i statistikave operative, siç janë numri i zërave të rakorduar ose diferenca
midis burimve të brendshme të çmuarjes dhe atyre të jashtme;
(b) Nevoja për kontrolle të forta të teknologjisë së informacionit (TI) dhe
monitorimit dhe validimit të zbatimit të tyre; dhe
(c) Nevoja për të siguruar që informacioni i rezultuar nga proceset dhe
sistemet e ndryshme ëshë i rakorduar në mënyrën e duhur. Për shembull,
DPNA 1000 1095
ka përfitime të pakta në procesin e vlerësimit, nëse outputi nuk është
rakorduar në mënyrën e duhur, në librin e madh të llogarive.
33. Në entitete më të mëdha, sistemet kompjuterike të sofistikuara të
infromacionit, përgjithësisht ruajnë gjurmë të aktiviteteve të instrumenteve
financiare dhe janë hartuar për të siguruar se shlyerjet kryhen në kohën e
duhur. Sistemet kompjuterike më komplekse mund të gjenerojnë postime
automatike për llogaritë e përkohshme për të monitoruar lëvizjet e mjeteve
monetare, dhe kontrollet mbi përpunimin vendosen në funksion të sigurimit që
aktivitetet e instrumenteve financiare janë reflektuar në mënyrë të rregullt në
regjistrat e entitetit. Sistemtet kompjuterike mund të hartohen për të prodhuar
raporte përjashtuese për të paralajmëruar drejtimin ndaj situatave ku
instrumentet financiare nuk janë përdorur brenda kufizimeve të autorizuara,
ose kur transaksionet e ndërmarra nuk kanë qenë brenda limiteve të vendosura
për palët e treta të zgjedhura. Megjithatë, edhe një sistem kompjuterik i
sofistikuar mund të mos sigurojë plotësinë e regjistrimit të transaksionve të
instrumenteve financiare. Për rrjedhojë, drejtimi herë pas here vendos
procedura shtesë për të rritur mundësinë që të gjitha transaksionet të jene të
regjistruara.