dit - laerskool helderkruin amptelikkruiners.co.za/wp-content/uploads/2015/10/kruiner-klets...22...
TRANSCRIPT
Dit
Omsendbrief 29/15
2015 10 19
“Twee dinge kry ons nooit weer terug nie:
Woorde wat uitgespreek en tyd wat verspeel is.” ~ Thomas Fuller~
Baie welkom terug aan al ons ouers, kinders en personeel - ‘n spesiale welkom aan al ons nuwe ouers
en leerders, ons vertrou dat u sommer baie gou tuis sal voel by ons! Ons sien baie uit na hierdie
kwartaal en vertrou dat u, soos ons, lekker uitgerus het en vol ywer is vir die kwartaal wat voorlê.
2 Joh 1:4: “Ek het geen groter blydskap as dit nie, dat ek hoor dat my kinders in die waarheid
wandel.”
Geagte ouers
1. PERSONALIA
1.1 Dit is met leedwese wat ons verneem het van die afsterwe van me Lethiwe Molekwa
(IDSO). Ons innige meegevoel gaan uit na die gesin en familie!
1.2 Ons wil graag vir Norman Hlekani, terreinwerker, by ons verwelkom en vertrou dat hy
’n lang en goeie verbintenis met ons skool sal hê.
(C Schutte)
2. SPORT
2.1 Krieket
2.1.1 Aandreeks
Baie geluk aan ons Kwagga krieketspan wat die Sentraal-Wes
krieketaandreeks gewen het.
Van die twaalf deelnemende skole het die Kwaggas eerste geëindig.
Die volgende seuns is as spelers van die onderskeie wedstryde aangewys:
Laerskool Helderkruin vs Laerskool Horison: Worral Raymond
Laerskool Helderkruin vs Laerskool RAM: Ruben Eksteen
Laerskool Helderkruin vs Laerskool Florida: Ryan Coetzee
Worral Raymond is ook as die “Master Blaster” aangewys.
Die veldwerker van die toernooi was Andeon Olivier.
2/…
Privaatsak X01, Helderkruin 1733
Telefoon: 764 2506/7 Faks: 764 5602 E-Pos: [email protected]
Webblad: http://www.laerskoolhelderkruin.co.za
Donderdag, 22 Oktober gedurende skoolure: Produksie 2000 vertoning en Pretdag “Inflatable day”. Geen kostes betrokke. Daar gaan baie wateraktiwiteite wees (swemklere, handdoek, droë klere).
2
2.1.2 Liga
Baie geluk aan o.10, o.11 en Kwaggas wat deurgedring het na die finale van die liga.
Sterkte met die wedstryde.
2.2 Hokkie
Baie geluk aan Mienke Rossouw en Vanessa Lourens wat aan die D12 proewe deelgeneem
het. Geluk aan Christo Booysen en Brandon Jubber wat in die D12 oefenspan opgeneem is.
Ons is trots op julle.
Sterkte aan die o.12 dogters en seuns wat 20 Oktober deelneem aan hul proewe.
2.3 Tennis
Dankie vir ’n fantastiese ligaseisoen. Elke speler wat deelgeneem het en elke ouer se
ondersteuning word opreg waardeer.
Baie dankie en geluk aan die spelers wat Woensdag, 14 Oktober 2015 deelgeneem het aan
die D12 proewe.
2.4 Skaak
Die “Kampioen van kampioenne” vind vandag, 19 Oktober, om 18:30 vir 19:00 in die
Mediasentrum plaas.
2.5 Atletiek
Die atletiekseisoen het reeds afgeskop en ons is baie opgewonde oor die seisoen wat
voorlê. Daar sal dié jaar twee atletiekbyeenkomste wees, die eerste een is die huissport
wat plaasvind op 23 Oktober 2015. Die tweede byeenkoms is ‘n vriendskaplike byeenkoms
teen Maragon (tuis), op 30 Oktober 2015. Ons wil die atlete asseblief aanmoedig om aan
die huissport deel te neem. (Sien aangeheg atletiekafrigters en oefentye).
Junioratlete, graad R tot graad 2 oefen tydens skooltyd tot verdere kennisgewing.
2.6 Kruinlympics
Dit is ‘n nuwe byeenkoms wat deel vorm van atletiek en landloop. Spanne van vier ding mee
waar leerders mekaar aflos om ‘n interessante hindernisbaan (wateraktiwiteite ingesluit),
in ‘n rekordtyd, te voltooi.
Inligting rakende die byeenkoms:
Datum : 27 Oktober 2015
Tyd : Registrasie begin om 14:15
Spangrootte : 4 leerders per span
Graad : Slegs graad 3 tot 7
Inskrywingsfooi : R10 per leerder
- Merk asseblief dat daar geen atletiekoefening die middag van 27 Oktober 2015
plaasvind nie.
- Inskrywingsvorms beskikbaar by me Rolandi Minnaar.
- Aangesien daar heelwat ander atletiekbyeenkomste die kwartaal plaasvind is daar
beperkte plek. (48 leerders per graad)
- Finale reëlings vir reeds ingeskrewe leerders volg binnekort.
(E Ferreira en T Breet)
3/…
3
3. KULTUUR
3.1 WOW-Spelfees
Baie geluk aan al ons spellers wat Saterdag, 17 Oktober deelgeneem het aan die Nasionale
kompetisie te Stellenbosch. Ons Kruiners is trots op elkeen van julle!
Dankie vir die personeel wat hulle vergesel het.
3.2 ATKV Redenaars
Goeie nuus! Die ATKV se temas vir 2016 is beskikbaar.
Graad 1 tot 3
Ledigheid is die duiwel se oorkussing
As die vlooi byt, moet jy krap
Elke haan is koning op sy eie mishoop
As twee hande mekaar was, word albei skoon
Om van ‘n padda vere te probeer pluk
Graad 4 tot 5
Bloed kruip waar dit nie kan loop nie
Die pap dik aanmaak
Wie wind saai, sal storm maai
Jou eie boontjies uitdop
Die oggendstond het goud in die mond
Graad 6 tot 7
Iemand se Achilleshiel
As die hoenders tande kry
‘n Man van twaalf ambagte en dertien ongelukke
Haastige hond verbrand sy mond
Elke bobbejaan het sy krans
3.3 Kersliedere by Kerslig
Ons nooi u almal, klein en groot, om Woensdag, 4 November ons
“Kersliedere by Kerslig” by te woon. Dis vir ons belangrik om
terug te gee aan die gemeenskap en om die jaar op ‘n gepaste wyse
af te sluit.
Die geleentheid gaan op die skool se rugbyveld plaasvind vanaf 18:30 tot 20:00. Bring
u kombers en piekniekmandjie en kom vier Kersfees saam met ons.
Indien moontlik, vra ons u om asseblief ‘n skoendoos met items vir minderbevoorregte
kinders op te maak.
- Die skoendoos moenie groter as ‘n medium (20 x 34 x 11 cm) grootte wees nie. ‘n
Medium grootte plastiekhouer is ook welkom.
- Wees kreatief! Versier die skoendoos met tekeninge, verf, uitgesnyde figure of
plakkers of selfs geskenkpapier.
- ‘n Naamplakker met die geslag en toepaslike ouderdom vir wie die geskenk geskik is
moet asseblief aan die regterkantste, boonste hoek geplak word.
- Hou asseblief in gedagte: NUWE en OUDERDOMSTOEPASLIKE items sal hartjies
baie bly maak. Die volgende items word versoek in al die skoendose: tandepasta,
tandeborsel, lekkergoed en ‘n speelding.
- Belangrike notas oor die inhoud:
Sjokolade moet in ‘n ziplock sakkie gesit word om te voorkom dan moontlike
gesmelte sjokolade ander produkte beskadig.
4/…
4
Moet asseblief geen medikasie, geweld verwante items (speelmesse of –gewere),
breekbare items (glasprodukte of spieëls) elektronika (batterye en battery
aangedrewe speelgoed), politieke, religieuse of rasse verwante
speelgoed insluit nie.
Alle vloeistowwe soos kosmetiese produkte en “bubble” moet in
‘n ziplock sakkie verpak word.
Verseker asseblief dat geskenke ouderdomstoepaslik is en dat
geen items wat ingesluk kan word of as ‘n lekker aangesien kan
word ingesluit is nie.
Leerders gaan in hul verskillende grade ook items voordra. Meer inligting sal in die week in
‘n aparte brief gestuur word.
Dit is ‘n vrywillige projek en u is onder geen verpligting om daaraan deel te neem nie!
3.4 Revue DVD’s en Foto’s
Groot dank aan almal vir jul geduld met die lang gewag vir foto’s en dvd’s. Alle bestellings
is reeds aan leerders uitgedeel. Indien u nie u foto’s en/of dvd ontvang het nie, of
addisionele dvd wil bestel, epos me K Lourens by [email protected] met u kind
se naam, van en graad.
Geen bestellings sal deur die kantoor geneem word nie.
(K Lourens)
4. FOENDIEKLUB
Sien dokumente aangeheg.
(N van Wyk)
5. KOOR
Belangrike datums:
Kinderkooroptrede: 25 Oktober te NG Kerk Horison-Noord.
Junior- en Kinderkoorafsluiting vind op 28 Oktober 2015 plaas.
(M Nel)
6. GRAAD RR/R ONDERWYSERES AAN DIENS DIE WEEK
Mee Hanli-Mari (Graad RR), Mari Müller en Mariaan Deneys (Graad R’e) sal hierdie week aan
diens wees vanaf 06:45.
(L Kapp)
7. KLEREBANK
Skakel gerus die skool op (011) 764-2506 om ’n afspraak te maak met me Elouise van Zyl vir die
aankoop van tweedehandse klere.
(Bestuur)
8. GROEPFOTO’S
Dit kan teen R40 by afrigters bestel word. Stuur korrekte bedrag in toegeplakte koevert met
u kind se naam, graad en sport/aktiwiteite na die skool. Bestellings sluit op 4 November 2015.
5/...
5
9. BOETIE- EN SUSSIEFOTO’S
Op Vrydag, 6 November word individuele foto’s en klasfoto’s geneem.
Koste: R80.00
Die pakket sluit in: 1 x 15 x 20cm (A5) Vergroting (met drukwerk)
1 x 10 x 15cm (Jumbo)
2 x 4 x 6cm foto’s
1 x Boekmerk
10.
Betaling: Slegs KONTANT - GEEN TJEKS! (Stuur asseblief die korrekte bedrag) op
6 November saam met u kind. Die geld moet by mnr Minnaar inbetaal word met die neem
van die boetie- en sussiefoto. Slegs skoliere wat die geld op 6 November by
mnr Minnaar inbetaal sal afgeneem word. Geen geld vir foto’s sal by die kantoor ontvang
word nie. Geen leerder mag onderlinge reëlings tref met mnr Minnaar of die skool om
later te betaal nie.
10. ALGEMENE JAAR- EN BEGROTINGSVERGADERING
Leerders het vandag ’n belangrike skrywe vir u kennisname ontvang van die Algemene Jaar- en
Begrotingsvergadering wat op 23 November 2015 gaan plaasvind.
11. BELANGRIKE DATUMS
Baie sterkte aan almal wat hierdie week by die onderskeie
aktiwiteite betrokke is!
19 Oktober 2015 - Skaak: “Kampioen van kampioenne” (media)
- Oueraand per uitnodiging GSF (klasse) en ISF (saal)
20 Oktober 2015 - Hokkie: Proewe o.12 dogters en seuns
- Krieket: o.10 vs WPPS (te Laerskool Horison)
21 Oktober 2015 - Hokkie: o.12 Finale
- Krieket: o.11 vs Laerskool Dr Havinga (te Ridgevale)
- Kwaggas vs Laerskool Roodekrans/Laerskool Horison te
Laerskool Dr Havinga
22 Oktober 2015 - Produksie 2000 - vertoning
- Pretdag (Wateraktiwiteite)
23 Oktober 2015 - Atletiek: Huissport
- Graad R Gradeplegtigheid foto’s
25 Oktober 2015 - Kinderkooroptrede: 25 Oktober te NG Kerk Horison-Noord
Helderkruingroete
C SCHUTTE EN REDAKSIE
HOOF ----------------------------------------------------------------------------------------------------------------------------------------------------------
FOENDIEKLUB
Foendieklub funksioneer in die middae na skool en bied aan leerders, wat nie by enige buitemuurs betrokke is nie,
‘n geleentheid om op ander gebiede hulle potensiaal te kan ontwikkel.
Gr. 3 leerders word hierdie jaar apart gekkommodeer deur op hulle vlak en op ‘n ligte manier die inhoud oor te dra.
Tydbestuur = Beplanning = Suksus
Soos julle reeds weet is die eksamen om die draai en by Laerskool Helderkruin is die volle potensiaalontwikkeling
van elke leerder vir ons belangrik. Ons gaan die kwartaal afskop met ‘n voorbereidingskursus vir die eksamen vir
Graad 3 – 7 leerders.
Die kursus sluit die volgende in:
Linker - regterbrein dominansies evaluering.
Hoe hanteer ek eksamenstres?
‘n Gesonder jy!
Tydsbestuur.
Leertegnieke (breinkaarte, flitskaarte, leer met behulp van kleur en prentjies, ens.)
Gebruik van Tablet of iPad tydens voorbereiding
Hersiening
Vele meer...
Al die kursusse word
aangebied in Me Elaine
Steyn se klas – Gr. 4
Maandag
19 en 26 Oktober
2 en 9 November
Dinsdag
20 en 27 Oktober
3 en 10 November
Donderdag
22 en 29 Oktober
3 en 12 November
Graad Gr. 3 Gr. 4 – 5 Gr. 6 - 7
Tyd 13:45 – 15:00 13:45 – 15:00 13:45 – 15:00
As u belangstel om u leerder in te skryf vir die opwindende studiekursus kontak gerus vir Juffrou Elaine deur
‘n epos te stuur aan [email protected]
Foendieklubgroete
Elaine Steyn
EKSAMEN VOORBEREIDING
Volle Potensiaalontwikkeling
GEKLASSIFISEERDE BERIGTE
A& B KUNSSENTRUM Kunsklasse met ‘n ander kleur! Net belangstelling en bereidwilligheid is hier nodig! ‘n Sessie per week sal u kind se talent, kennis en sluimerende vaardigheid stimuleer en nie frustreer! Vir meer inligting haal ‘n inskrywingsvorm af by me A Botes in die kunsklas van Laerskool Helderkruin.
Leerders vanaf graad 2 tot graad 7 is welkom!
KITAARLESSE VIR BEGINNERS
Kitaarlesse vir beginners in die Wilropark area.
Help jou kind om sy/haar passie vir musiek te
ontdek.
Vir meer inligting, asook beskikbare tye, besoek my
webwerf by leonlouw.liveteachguitar.com of skakel
my by 071 898 9228.
Handyman Vir gratis kwotasies, betroubare en lojale diens, kontak Ignatius 082 926 3485 of Retha by snoepie 082 927 1244.
-Dr. Arina Lanser- BA Ed;B. Ed(Psig);M.Ed(Psig);D.Ed PR 8614202 REG HPCSA
IS EK AS OUER GEREED VIR DIE EISE VAN
GR.1 IN 2016?
Kursus vir huidige gr.O-ouers word aangebied by
L/S Helderkruin op Vrydagmiddag
6 November 2015. Indien u sou belangstel en
meer inligting verlang, stuur ‘n epos aan
DIE OORGANG VAN GR.3 NA GR.4:
WAAROOR AL DIE BOHAAI?? Kursus vir
huidige gr.3-ouers word aangebied by L/S
Helderkruin op Saterdag 7 November 2015.
Indien u sou belangstel en meer inligting verlang,
stuur ‘n epos aan [email protected]
Vir hulp met boekhouding, finansiële state, belasting (persoonlik en besigheid) en sekretariële dienste skakel.
Leandra by 083 537 2898