dit - laerskool helderkruin...
TRANSCRIPT
Dit
Omsendbrief 01/17
2017 01 16
Geagte ouers
Baie welkom terug aan al ons ouers, kinders en personeel - ‘n spesiale welkom aan al ons nuwe
ouers en leerders, ons vertrou dat u sommer baie gou tuis sal voel by ons! Ons sien baie uit na
hierdie jaar en vertrou dat u, soos ons, lekker uitgerus het en vol ywer is vir die jaar wat
voorlê. Ons skop sommer dadelik af met atletiek omdat die seisoen baie kort is – sterkte aan
al ons atlete vir die seisoen! Ons vertrou dat almal op alle gebiede net hul beste sal lewer.
Om tussen reg en verkeerd te onderskei: “Ek gee nuwe krag aan dié wat moeg is. Ek maak die
moedelose weer vol moed.” (Jer 31:25)
1. PERSONALIA
1.1 Nuwe personeel
Ons wil graag die volgende nuwe personeel by ons verwelkom en vertrou dat hulle ‟n lang
en goeie verbintenis met ons skool sal hê: Graad R assistent: Annene Ferreira;
Personeel: Graad R – Erika Lombard; Graad 2 – Semoni Cancelliere; Graad 3 – Karen Grobler;
Graad 4 – Jessica Horn; Graad 5 – Deon Gouws; Graad 6 – Gerhard Scholtz;
Graad 7 – Marthinus Schutte.
(C Schutte)
1.2 Baie dankie
Baie dankie aan ons administratiewe personeel wat gedurende die vakansie gewerk het –
dit verseker dat ons vanaf dag een voluit kan werk! Dit is lekker om te weet dat hulle
altyd bereid is om die ekstra myl te loop.
Die werkers wil ook hul dank aan al ons ouers en kinders oordra vir die geskenkpakke, kos,
ensovoorts, wat u aan hul geskenk het vir Kerstyd!
(C Schutte)
2. SKOOLKALENDER 2017
TERMYN SKOOL OPEN SKOOL SLUIT
1 11 JANUARIE 31 MAART
2 18 APRIL 30 JUNIE
3 24 JULIE 29 SEPTEMBER
4 9 OKTOBER 6 DESEMBER
(Bestuur)
2/...
Privaatsak X01, Helderkruin 1733
Telefoon: 764 2506/7 Faks: 764 5602 E-Pos: [email protected]
Webblad: http://www.laerskoolhelderkruin.co.za
2
3. ATLETIEK
Die atletiekseisoen is weereens baie kort. Dit is daarom noodsaaklik dat die leerders
wat span gaan haal ELKE oefening bywoon. Die atletiekoefening het reeds begin. Dit is
noodsaaklik dat u, u kinders daaraan sal herinner dat hul enige tyd weer kan probeer om
die span te haal.
Alle nuwe kinders word ook die geleentheid gegun om te toon waartoe hulle
in staat is. Reëlings hiervoor moet met die betrokke afrigters getref
word. Indien u enige navrae insake atletiek het, kontak gerus vir
mnr Opperman of me E de Klerk, die atletiek-organiseerders. Dit is vir
ons noodsaaklik dat alle kinders die geleentheid kry om net hul beste te lewer. Indien die
tye verander, sal u kind betyds daarvan in kennis gestel word.
Oefentye 2017
1. GRONDSLAGFASE: Leerders oefen tydens skoolure.
2. INTERSENFASE:
Oefentye
Maandae Tegniek 14:00 tot 15:30
Maandae Spoeduithou 15:30 tot 16:30
Dinsdae Spoed/Veerkrag 14:00 tot 15:00
Donderdae Spoeduithou 15:00 tot 16:00
Ons sien uit na ʼn opwindende atletiekseisoen!
(E de Klerk)
4. D6 SCHOOL COMMUNICATOR
Ouers word herinner om te registreer op die D6 School Communicator om die nuutste inligting
vanaf die skool te ontvang. Laai dit af op u selfoon of rekenaar en bly op hoogte van aktiwiteite.
(I Mitchley)
5. AFLAAI EN OPLAAI VAN LEERDERS
Ons vestig net weer u aandag daarop dat leerders soggens buite die
skoolterrein afgelaai moet word en ook smiddae buite die skoolterrein
opgelaai moet word. Die leerders wat met kleuterskoolbussies vervoer
word, moet in die waghok wag waar hulle opgelaai sal word. Die kinders
moet vir veiligheidsredes binne die terrein wag. Die hek in Koedoebessie-
straat sal vroeg oopgesluit word vir leerders wat baie vroeg afgelaai word.
Alhoewel dit „n algemene padreël is, ondervind ons soms dat ouers binne/voor die
hekke parkeer. Ons wil u vriendelik versoek om die padreëls in hierdie verband te
gehoorsaam. Dit veroorsaak nie slegs ongerief nie, maar skep „n groot probleem
indien „n noodvoertuig, byvoorbeeld „n ambulans, die terrein moet binnekom en
verlaat. Dankie dat ons die vrymoedigheid kan neem om u hulp in hierdie verband
te vra.
(Bestuur)
3/...
3
6. WAGKLASSE Die graad RR tot 3-leerders wie se ouers hulle nie direk na skool kom haal nie, moet vir hulle eie
veiligheid in die wagklasse bly tot 13:45. Indien die ouers egter voor 13:45 (byvoorbeeld 13:30)
die kind/ers kom haal, moet hulle by die wagklas afgehaal word. Leerders sal nie toegelaat
word om die klas op hul eie te verlaat nie.
Indien u die kind/ers wel om 13:30 kom haal en u wag vir u ander kind/ers wat eers om 13:45
uitkom, word u versoek om toe te sien dat die kind/ers wat vroeg gehaal word by u wag en nie
tussen die klasse en in die tuine speel nie. U samewerking word hoog op prys gestel.
(L Kapp)
7. SKOOLTYE VIR GRAAD RR/R EN 1
Die grondslagfase leerders sal vanaf vandag Maandag, 23 Januarie om 13:30 verdaag.
Graad 4 tot 7 leerders verdaag om 13:45.
(Bestuur)
8. AFVALPAPIER
Dit sal waardeer word indien u alle afvalpapier soos ou tydskrifte, koerante
ensovoorts saam met u kind skool toe sal stuur. Die skool ondersteun „n herwin-
ningsprojek waarby ons finansieël baat. (R van der Watt)
9. BERIGTE EN VERSPREIDING VAN PAMFLETTE
Die volgende advertensiegeleenthede word deur die skool aangebied:
9.1 'n Kort berig (50 woorde, geen prente) in die weeklikse omsendbrief – R100,00 (per
maand, per berig).
9.2 Uitdeel van pamflette – R750,00 vir die hele skool en R400 indien dit slegs vir
grondslagfase is.
(R van der Watt)
10. SKEURSTROKIES
Ten einde 'n sinvolle kommunikasielyn tussen skool en ouers te bewerkstellig,
is dit uiters noodsaaklik dat alle skeurstrokies van harde kopie briewe deur u
geteken moet word en die volgende dag aan die skool teruggestuur
word. Dit is ons enigste bevestiging dat u wel bewus is van aangeleenthede
wat u en u kind/ers raak.
Die Kruiner Klets word slegs op die skool se webblad geplaas (sien bo by adres waarop u
kan ingaan en eenmalig registreer).
(Bestuur)
11. GRONDSLAGFASE ASSESSERING
Assessering vind deurlopend plaas en leerders word geassesseer op dit wat hulle tydens klastyd
aangeleer het. Dit is uiters noodsaaklik dat huiswerk dus getrou en met die nodige erns gedoen
moet word.
(L Kapp)
4/...
4
12. TOETSROOSTER EN VOORLOPIGE JAARPROGRAM
12.1 ‟n Toetsrooster vir die eerste kwartaal word vir u gerief aangeheg.
12.2 Toetse: Soos u op die toetsrooster sal sien, is die amptelike toetsdag
op ‟n Dinsdag. Let asseblief daarop dat daar twee aparte toetsroosters
is, een vir graad 4 tot 6 en een vir graad 7.
12.3 Jaarprogram: Is elektronies beskikbaar op D6. Elke leerder sal môre,
Dinsdag, 17 Januarie, ‟n harde kopie ontvang.
(Bestuur)
13. TERAPEUTIESE DIENSTE
Soos u reeds weet is daar 'n span kundige terapeute wat by die skool werksaam is. Ons maak,
soos in die verlede, gebruik van verskeie terapeute.
Skakel gerus me Kapp indien u meer inligting hieroor verlang.
(Bestuur)
14. AFGEE VAN BOEKE, KOS, TAKE ENSOVOORTS
U word versoek om dit by u kinders in te skerp om die nodige boeke,
take en kos vir die volgende skooldag betyds gereed te kry. Vermy
asseblief om vergete items by die kantoor te kom aflaai.
(R van der Watt)
15. “IT SMART” KLUB
Aangeheg 'n breedvoerige skrywe in verband met die skool se “IT Smart” klub.
Let asseblief daarop dat die klasse reeds 23 Januarie 2017 begin.
(E Steyn)
16. GRAAD RR/R ONDERWYSERES AAN DIENS DIE WEEK
Al die graad RR/R dames is vanaf 06:45 in hulle klasse beskikbaar .
(L Kapp)
17. GEMEENSKAPSPROJEK: INSAMEL VAN SKRYFBEHOEFTES
Ons vra u om ons te help deur enige potlode, vetkryt, liniale ensovoorts wat u
kind nie meer gebruik nie skool toe te stuur. U is ook welkom om ou lêers te
stuur. Ou legkaarte kan ook vir die jonger leerders gegee word.
U is welkom om selfs ou skooltasse, skryfbehoeftes en pennesakkies te stuur.
(Bestuur)
18. INLIGTINGSAAND GRAAD RR TOT 7 (16 JANUARIE 2017)
GRONDSLAGFASE
Personeel is in hul klasse vanaf 17:00 tot 18:00.
INTERSENFASE – 18:00 tot 19:00
Ouers van die onderskeie grade ontmoet in die volgende lokale:
Graad 4 – Saal
Graad 5 – Mnr Eddie du Plessis se klaskamer (Laboratorium)
Graad 6 – Me Amanda Botes se klaskamer (Kunsklas)
Graad 7 – Mediasentrum
Daar sal notules van die vergaderings beskikbaar wees indien u nie die vergadering kan bywoon
nie.
(L Kapp en I Mitchley)
5/...
5
19. ATLETIEK/KENMEKAAR
U word hartlik uitgenooi na ons jaarlikse atletiek kenmekaar wat gaan plaasvind op Woensdag,
18 Januarie 2017. Die verrigtinge begin om 16:00. Heelwat kos sal te koop aangebied word.
„n Skrywe met meer inligting volg spoedig. Alle ouers is welkom!
(J Breet)
20. BELANGRIKE DATUMS
Baie sterkte aan almal wat hierdie week by die onderskeie
aktiwiteite betrokke is!
16 Januarie 2017 - Inligtingsaand Graad RR tot 7
17 Januarie 2017 - Graad RR/R en 1 Atletiek begin om 11:30
18 Januarie 2017 - Kenmekaar – Atletiek begin om 16:00
21 Januarie 2017 - Atletiek vs Louw Geldenhuys (weg)
Helderkruingroete
C SCHUTTE EN REDAKSIE
HOOF
-----------------------------------------------------------------------------
SKEURSTROKIE A:
Ek die ondergetekende, …………………………………...................................................... ouer/voog van ………………………………........ ..
in graad …….erken ontvangs van omsendbrief 01/17 en bevestig dat ek die omsendbrief gelees het en
kennis geneem het van die inhoud.
HANDTEKENING: ......................................................... -------------------------------------------------------------------------------------------------------------------------------------------------------
Toetsrooster:
GRAAD 4 TOT 6 EN GRAAD 7
KWARTAAL 1
Toetsdatum Amptelike toets
Graad 4 tot 6
Graad 7
31/01/2016 Afrikaans
07/02/2016 Afrikaans Engels
14/02/2016 Engels Wiskunde
21/02/2016 Wiskunde EBW
28/02/2016 NW & TEG NW
07/03/2016 SW SW
14/03/2016 PSW LO
21/03/2016 TEG
-------------------------------------------------------------------------------------
GEKLASSIFISEERDE BERIGTE
MathAndante, ‘n skool waar nie net gefokus word op die verbetering van wiskunde punte nie, maar ook die verbetering van Selfvertroue van elke kind. Waar elke kind net so belangrik is vir die onderwyser as vir sy ouers, want ‘n kind met selfvertroue is ‘n gelukkige kind in die wiskunde klas. Waar tyd in elke kind investeer word want die kinders van vandag is die leiers van more. Vir meer inligting, kontak Andre by 082 376 5152 / [email protected].
Dagmoeder
Benodige u ‘n betroubare Dagsorg vir u kleinding!!
Ek het plek vir Babas en Kleuters
Skakel Wilna Cell: 082 560 7888
Naskool Helderkruin STUDIESENTRUM: 1.5 Km vanaf Laerskool Helderkruin. Ons vervoer u kind vanaf skool na askool. Lekker middag ete, happie tyd, vrugte en koue verversings. Help met alle huiswerk en take ens. Vervoer na en van sport ingelsuit + kospakkies. Lekker ruim speelplek vir na huiswerk. Oop vakansies. Wi-Fi binnekort vir take. Vakansie skool. Oulike crew. Koste R1000 per maand. Registrasie R200 eenmalig. Skakel Drieka 082 324 8730.
Tuinwoonstel te huur – Wilropark
Tuinwoonstel te huur, geskik vir enkel persoon. 1 Slaapkamer, 1 Badkamer , oopplan Sit-eetkamer, met alarm. Eie ingang met afdak parkering. Huur R4 300 per maand Water en Elektrisiteit ingesluit. Deposito R4 300. Kontak Elrina 084 870 8015 of Dirk 082 094 0396
Wil jou kind (of jy self) graag ’n instrument bespeel of bemeester? Kitaar, klavier of sang? Vir bekostigbare, kwaliteit musieklesse, kontak asseblief vir Karlien op 083 758 3777 of epos op [email protected]. Alle ouderdomme en vlakke welkom. Perseel is in Helderkruin geleë.
“Die PRETVOLLE manier om Wetenskaplike-, Tegnologiese-, Ingeneurs- en Wiskundige Konsepte te leer” Ons maak gebruik van gespesialiseerde Lego® produkte om u kind te leer. Ons bied die volgende twee jaar programme aan: Lego® Challenge vir Gr 1 – 4 GaliLego Technic vir Gr 5 – 7 Klasse word elke Donderdag middag by Laerskool Helderkruin aangebied. Vir meer inligting kontak ons by: [email protected] of 079 176 9796
Studio 29 - Kunsklasse
Leerders: Maandae 15.00 tot 16.30 Gr RR tot Gr3 Woensdae 15.00 tot 16.30 Gr 4 tot 7
Hoërskoolleerders: Donderdae 18.00 tot 21.00
Volwassenes: Woensdae 9.00 tot 12.00 Donderdae 18.00 tot 21.00
Saterdae: Teken en skilder, mosaiek werkswinkels op
aanvraag.
Pretverf aande 16 Aug, 6 en 20 Sept. Geen kunservaring of
talent nodig nie.
Skilder self en het baie ervaring in aanbieding en onderrig
van kuns.
Beginners welkom. Baie ontspanne atmosfeer, geen vorige
ervaring nodig nie, net ‘n liefde vir kuns
Leerders: Bevorder kreatiwiteit, konsentrasie, fyn
motories, waarneming, probleemoplossings en sommer
baie pret. Alle mediums.
Volwassenes: Teken en skilder
Kontak: Sannie Slabbert 082 938 7490 of
011 768 2956
Studio: Titaanlaan 29 Wilropark