Tuig 39, Ispesyal nga Isyu Hiligaynon nga Edisyon Disyembre 26, 2016
Doblehon ang Kusog sang Rebolusyonaryong Pwersa; Paigtingon ang Paghimakas para sa Sandigan nga Kinamatarung sang Pumuluyo bilang Basehan sang Tunay nga Kalinungan Pahayag sang Komiteng Rehiyon Partido Komunista sang Pilipinas-Rehiyon Panay Sa okasyon sang ika-48 nga anibersaryo sang Partido Komunista sang Pilipinas Disyembre 26, 2016
ng Komiteng Rehiyon sang Pangrehiyon nga
Organisasyon sang Partido sa Panay nagabuy-
log sa bug-os nga Partido kag rebolusyonaryo
nga kahublagan sa pagsaulog sang ika-48 nga
anibersaryo sa iya liwat nga pagkatukod. Ang Rehiyu-
nal nga organisasyon sang Partido kag ang rebolusyo-
naryo kag mga demokratiko nga mga pwersa nga
ginapamunuan sini bugalon nga nagadumdom sang
madamo nga mga kadalag-an sang rebolusyon sa
Panay sining bilog nga tuig 2016.
Ang isganan nga diwa, ang mabug-at nga mga
sakripisyo kag ang mauti nga hilikuton sang linibo ka
mga kadre kag katapuan sang Partido, sang mga Pu-
lang kumander kag hangaway, mga aktibistang masa
kag alyado, kag ang ginatus ka libo ka mga Panaya-
non, ginapamunuan man ukon gin-impluwensyahan
sang Partido—tanan, nakakontribwer sa ini nga mga
kadalag-an. Nagasaludo man kita sa tanan nga rebo-
lusyonaryong martir nga naghalad sang ila kabuhi
para sa kawsa sang pungsodnon-demokratikong
rebolusyon.
Ang aton tayuyon kag walay pang-alang-alang
nga pagmartsa pasulong natigayon sa isa ka tuig kon
sa diin ang inutil kag ang ginakangil-aran nga rehi-
meng US-Aquino kag ang lokal sini nga kakunsabo
ang ginbuslan sang nagahagyo-pasista nga rehim
Duterte sang nagaharing sahi, apang may progresibo
nga samay kag wala sang ginalantaw nga kabalaslan
sa malakolonyal nga interes sang US. Ini nga pagliso
sang kaaysayan produkto lang sang nagalala nga krisis
sang katilingban nga Pilipino nga lubos nagalabugay
man sa pulitikal nga kahimtangan sang Panay. Ang
mga kondisyon sa pagsulong sang rebolusyon sa
Panay kag sa iban nga lugar sa pungsod, tuman ka
paborable. Ang nagabadbad nga neoliberal nga mga
polisiya sang kalibutanon nga kapitalistang sistema
may impak man sa hagmak na nga rehiyon.
A
2 Daba-Daba, Ispesyal nga Isyu, Disyembre 26, 2016
Ang kalutusan sang rehimeng US-Aquino kag
pagbulos sang mga tinawo ni Duterte nagbutang sang
Panay halin sa pagkabalwarte sang Partido Liberal
(LP) pakadto sa isa ka rehiyon nga sa gihapon gina-
dominar sang LP apang nyutralisado ni Duterte ang
mayor nga lideres sang LP. Nanyutralisa sila paagi sa
kampanya kontra-druga ukon pagpahug sa madamo sa
ila, kag sa inanay nga pag-organisa sang mga pulitikal
nga suportadores nga ginasakdag sang mga ahensya
sang nasyunal nga gubyerno kag sang mga pulitiko ni
Duterte.
Ang pagbalay sang popular nga suporta para
sa rehimeng Duterte nakasandig sa pakugmat kag
pagpadayaw sang gilayon nga resulta sang kontra-
druga nga kampanya. Matuod nga may madasig nga
pagnyutralisa apang wala nakadula sang lapnagon nga
paglapta sa epekto sang druga. Temporaryo nga nag-
untat ang paglapta sang druga bangud sa pagsalig
mayormente sa tudo nga pulis aksyon dungan sa
vigilante nga pagpamatay nga may sistema pa sang
kotahay para sa pag-aresto kag pagpatay.
Ang mga progresibo nga polisiya ni Duterte,
ang mga pagtinguha sa peacetalks kag dululungan nga
unilateral ceasefire sa NPA, pagbutang sang mga
mapisan nga progresibo nga miembro sang gabenite
sa iya gubyerno nagdugang man sang suporta sa iya.
Ang moratorium sa pagpalayas sa mga mangunguma
nga benepisyaryo sang CARP kag ang pagpauntat
sang pagkambyo-gamit sa lupa nga nagadislokar sa
mga mangunguma, ang pagtapos na sang ―endo‖
nakapadugang man sang suporta sa iya halin sa mga
mangunguma kag mamumugon.
Sa pihak nga bahin, ang mga 6,000 ka
mga ginpatay nga kadam-an mga imol nga mga
drug users kag ang pasulit-sulit nga pagpabugal
ni Duterte nga dugangan pa ang pagpamatay
nagresulta sang pagkamadmad sang publiko
agud kondenahanon ang amo nga atrosidad. Sa
Panay, 19,000 ang napaidalom sa Operation
Tokhang kag madamo man ang nagkalamatay.
Ang disisyon nga tugtan ang paglubong kay
Marcos sa Libingan ng mga Bayani kag ang
lipot nga pagpalubong nga may lubos nga
pagpasidungog militar amo ang nagpakalayo
sang kaakig sang mga pumuluyo. Pinulo-pulo
ka libo ang nagprotesta sa mga dalanon sa
pagkondenar sa pagpalubong kay Marcos kag
ang nagagwa nga pasistang huyog ni Duterte.
Dugang nga nagpakita sang pasista nga
tendensya sang rehimeng Duterte ang padayon nga
pagpalubha sang AFP sang mga operasyon militar sa
pagpatuman sang iya pa sang rehimeng Aquino nga
Oplan Bayanihan bisan pa nga may deklarasyon ini
nga ceasefire.
Sa Panay, antes pa man ang ceasefire, direkta
ang tropa sang US sa paglagulag sa kapatagan kag
kaumhan sa nabagatnang Panay sa nagligad nga
Balikatan Exercises sang Abril 2016. Ginpahayag
naman ni Duterte nga magapadayon pa ang mga
Balikatan. Sa panahon sang ceasefire, padayon ang
Oplan Bayanihan sa mga operasyon kombat kag
patrol, civil-military operations, mga surbeylans kag
pagpaniktik sa kaumhan kag kasyudaran. Indi
magnubo sa 49 ka mga barangay sa Panay ang
apektado sang pagpatuman sang sini nga operasyon.
Nagatenir ang armado nga mga tropa militar sa tunga
sang sibilyan nga populasyon kag nagaokupar sang
barangay hall, iskwelahan, kag iban nga sibilyan nga
mga istruktura. Bayolasyon ini sa ceasefire sang
gubyerno sang Pilipinas kag Comprehensive
Agreement on Respect for Human Rights and
International Humanitarian Laws ukon CARHRIHL.
Sustenido nga paghimakas sang pumuluyo para
sa progresibo kag rebolusyonaryong pagbag-o Daku nga kadalag-an sang rebolusyonaryo nga
pwersa kag pumuluyo sini nga tuig ang pagpaslaw
sang Oplan Bayanihan. Sa pagpamuno sang Partido,
napaslawan ang mga reaksyunaryo kag 3rd
ID nga
paluyahon ang rebolusyonaryong pwersa kapin ang
armado nga NPA.
3 Daba-Daba, Ispesyal nga Isyu, Disyembre 26, 2016
Napauswag sang NPA ang kapasidad sini sa
pag-away kag padayon nga nagapadaku sang pwersa.
Antes ang Partido kag NPA nagsulod sa ceasefire,
sadtong una nga katunga sang 2016, napataas na sang
NPA ang koordinasyon sa paglunsar sa kampanya
militar sa bilog nga rehiyon. Nahimo na sini nga
mapapas ang isa ka iskwad nga bahin sang platun sa
isa ka ambus. Ang katapusan nga banat natabo
sadtong Abril 21, 2016, sang gin-ambusan ang 61st IB
sa Barangay Tacayan, Tapaz, Capiz.
Sa tunga sang padayon nga operasyon sang
AFP bisan pa sang deklarado nila ceasefire, ang mga
yunit sang NPA sa Panay nagamaniobra agud
makalikaw lang sa engkwentro batuk sa naga-
operasyon nga mga tropa. Pagpakita ini sang salsalon
nga disiplina sang NPA sa pagsunod sa deklarasyon
sang kaugalingon nga ceasefire. Apang handa man ini
nga maglunsar sang aktibo nga depensa kon maipit sa
mga atake kag operasyon sang mga tropa sang AFP.
Padayon subong ang NPA sa pagpatuman sang
katungdanan sini sa pagtapna sang mga kriminal nga
mga aktibidad, ilabi na ang armado nga kriminal nga
grupo kag mga drug lords. Mismo ang mga NPA
Command sa Panay ang nagtumod sang mga tropa
sang AFP nga mga drug pusher kag ginahimo nga
insentibo ang druga sa ila pagpaniktik kontra sa mga
rebolusyonaryo.Napilitan ang 3rd
ID nga magpahalin
sang 17 niya ka tropa bangud sang pagkabuyagyag
sang pagkaimbolbar sang mga ini sa druga.
Sa bug-os nga tuig, kapin sang panahon sa
ceasefire, ang rebolusyonaryong pwersa nagkaput
sang inisyatiba sa pagpalapad kag pagkonsolida sang
baseng masa sa bahin sang Nakatundan
kag Naaminhan nga nasidlangan nga
Panay. Lakip man diri ang pagtukod
sang dugang nga mga rebolusyo-
naryong organisasyong masa kag
pagtukod sang mga yunit sang lokal nga
milisya. May mga lugar man nga
napataas ang lebel sang mga
organisasyon. Ang mga organisasyon
nga ini ang pursigido sa paglunsar sang
nagkalain-lain nga kampanya sa isyu
sang lupa, pagpataas sa produksyon,
kag iban pa nga mga demanda kag
pagsuporta sa armadong paghimakas.
Sa bug-os man nga 2016, ang
mga Panayanon naglunsar sang
nagkalain-lain nga mga pangmasang
paghimakas sa kasyudaran kag kaumhan. Sa una nga
lima ka bulan sang tuig, ang burges nga eleksyon ang
naghatag sang lugar kag panahon para mapalapnag sa
bug-os nga isla ang programa para sa radikal nga
pagbag-o ikumparar sa iya sang mga tradisyunal nga
pulitiko (trapo) nga populista nga plataporma. Ang
putok-putukan sini amo ang kusog 10,000 ka pwersa
nga koordinado nga nagmartsa-rali sa halos tanan nga
mga sentrong urban sang isla sadtong Mayo 1.
Gindala diri ang demanda sang mga anakbalhas sa
rehimeng BS Aquino nga amo ang lupa, pagpataas
sang minimum nga sweldo, pungsodnon nga
industrialisasyon, basehan nga serbisyo sosyal lakip
ang ayuda sa pabalay kag rehabilitasyon. Ining
elektoral nga panahon amo man ang katapusan nga
hugnat sang kampanya sa pagpatalsik sa US-Aquino
nga rehimen nga gin-umpisahan sadtong 2015 pa.
Ang katapusan nga pito ka bulan sang 2016
nagpakita sang pagpabaskog sang mga pwersa kag
ang nagapataas nga militansya sang mga Panayanon
sa tunga sang bag-o lang nakapungko nga rehimeng
Duterte. Si Duterte amo pa ang puno nga
representante sang mga nagaharing sahi kag ang
commander in chief sang ila aparatus pangsiguridad.
Apang may duha ini ka kinaiya—bilang nagatuhaw
nga isa ka pasista nga mabaskog nga lider nga indi
higot sa imperyalismong US kag sa pihak nga bahin,
nagabukas sa iya gubyerno sang mga progresibo,
nagalunsar sang peace talks sa mga rebolusyonaryo
kag nagpatigayon sang paghilway sang mga arestado
nga mga lideres, kag nagapatuman sang pila ka mayor
nga reporma nga ginademanda sang mga pumuluyo.
4 Daba-Daba, Ispesyal nga Isyu, Disyembre 26, 2016
Nag-umpisa sa mga 8,000-9,000 nga nagde-
monstrar kag nagmartsa sa pagpresentar sang people's
agenda sa rehimeng Duterte sa Malacanang sadtong
Hunyo 30. Ang una nga hugnat sang hublag sang
pumuluyo sa pag-atubang kay Duterte nag-abot sa
putok-putukan sadtong Hulyo 25 nga demonstrasyon
sa okasyon sang iya State of the Nation Address
(SONA).
Kay naumpisahan na ang mga reporma
(pagbutang sang mga progresibo sa gubyerno, pag-
atubang sa peace talks sa mga rebolusyonaryo), ang
mga demanda sang mga pumuluyo nagpokus sa labi
nga pagpalapad kag pagpapataas sang lebel sang mga
reporma nga nagatulod sa gubyerno nga lubos nga
mapatuman .
Ang palo-ap nga mga rali sa pagduso sang
dugang pa nga mga reporma ang nagmobilisa sang
mga pumuluyo sa pangsustenir nga mga aksyon sa
bug-os nga isla sa masunod nga binulan. Nag-abot ini
sa duha ka putuk-putukan sang aksyon pangmasa
sadtong ikatlo nga anibersaryo sang Yolanda kag sa
anibersaryo sang Internasyunal nga Adlaw sang
Tawhanon nga Kinamatarung sadtong Disyembre 10.
Mga 12,000-13,000 mga mga raliyista ang
nagmartsa sa tanan nga mga sentrong urban sang
Panay sa duha ka okasyon. Sa sini nga okasyon, ang
nagatubo nga pasista nga kinaiya sang rehimeng
Duterte ang gindenunsyar, humalin sa 6,000 nga mga
pinatay sang PNP kag sang iya
vigilante sa kontra-druga nga
gyera, asta sa nagapadayon nga
operasyon militar sang AFP sa
areya sang mga NPA bisan pa
nga may ila unilateral ceasefire
kag wala na sang dugang nga
ginhilway mga bilanggo
pulitikal.
Sa bahin sang Partido,
ang bilog nga tuig amo ang
padayon nga pagpadaku kag
pagkonsolida sang organisas-
yon. Kadalag-an sang Partido
ang pagpabaskog sang
pamunuan sa rehiyon kag pag-
areglo sang mga mga komite sa
idalom sini sa pihak sang pang-
atake kag pang-aresto sang
AFP. Napadayon man ang
paghanas kag pagpataas sang
kapasidad sang mga kadre sang Partido sa pagpamuno
sa nagkalain-lain nga hilikuton. Labi sa tanan, may
inisyal na nga pagtumod kag pagtadlong sang mga
problema nga nagahawid sa pagbuylo, pareho sang
konserbatismo, kag padayon nga pagsikway sang mga
impluwensya sang repormismo kag ligalismo.
Sa tunga sining paborable nga sitwasyon,
ginapahamtang sang Partido ang masunod nga mga
hilikuton:
1. Mag-reoryentar sang kumprehensibo ang
bug-os nga rebolusyonaryong pwersa pakadto sa
pagdebelopar sang kapasidad sa pagkontribwer sang
daku sa pagsabat sang mga rekisitos sa pagsulong
pakadto sa abanse sa subhalintang sang malawigan
nga inaway banwa.
2. Doblehon kadaku ang armado nga kusog
sang rebolusyon kapin ang NPA. Hakson sang hugot
ini nga yabi nga hilikuton sa pagtukod sang
pangunahon nga makinarya para sa rebolusyonaryong
pagsulong. Tanan nga pangmasang organisasyon,
tanan nga pangmasa nga paghimakas dapat magkon-
tribwer direkta sa pagpadaku sang kusog sang NPA.
Tanan nga iban pa nga mga rekisitos para diri lakip
ang kinahanglan nga kapasidad sa pagpamuno kag
pag-angkon sang mga armas dapat madebelopar sang
dungan.
5 Daba-Daba, Ispesyal nga Isyu, Disyembre 26, 2016
3. Iposisyon ang armado nga rebolusyon sa
tanan nga istratehiko nga lugar sang Panay. Palaparon ang baseng masa kag ang nagakasanto nga
lebel sang rebolusyong agraryo bilang base pulitikal
para sa pagdoble sang deployment sang NPA.
4. Paigtingon ang kahublagang masa, ang
mga rebolusyonaryo nga mayormente nagapa-
sakup sa armadong paghimakas kag ang nagaserbi
bilang taludtod sang nagatubo nga hayag nga
demokratiko nga hublag masa. Debelopahon ang
kapasidad sang kahublagang masa nga magdakup
sang mga opurtunidad nga nagatuhaw sa nagadasig
nga pulitikal nga mga pagbag-o sa tunga sang krisis.
Paigtingon ang inaway batuk sa pa-tuo nga tendensya
sang rehimeng Duterte ukon sang iban nga mga
reaksyunaryo nga magahimo sang mga pasista nga
pagpang-atake sa popular nga kahublagan.
5. Suportahan kag dugang nga iabanse ang
pungsodnon nga mga inisyatiba kag tendensya
sang rehimen. Maghimakas para sa isa a
kumprehensibo kag independyente nga polisiya
pangluwas nga hilway sa sin-o man nga poderuso nga
pungsod apang nagakuha sang ila resorsa nga
ginatanyag para sa pungsodnon nga kauswagan.
Pamatukan ang tanan nga pangsutsot-gyera sang mga
superpower ilabi na sa ginaagawan nga teritoryo sang
West Philippine Sea.
6. Maghimakas para sa tunay nga
kalinungan. Tanan nga mga pagtinguha nga nasambit
magaserbi sa aton pagpakig-away para sa tunay nga
kalingunan. Bangud ang rekisito sang tunay nga
kalinungan nagakahulugan sang pagdula sang indi
matarung nga pangkatilingban kag pang-ekonomya
nga pagkahimtang. Dapat ini mangin estado sang pag-
uswag sang katilingban: ang matarung kag bugana
nga sosyedad ilabi na para sa basehan nga masa nga
nagahiliusa sa iya paghimakas para sa matarung nga
kalinungan.#
Dugang Magkonsolida para sa Pag-igpaw sang Inaway Banwa sa Nabagatnang Panay
Pahayag sang Komite sang Partido – Nabagatnang Panay
sa ika-48 nga Anibersaryo sang Partido Komunista sang Pilipinas
Disyembre 26, 2016
ulawanon nga adlaw ang Disyembre 26! Nag-
marka ini sang pagkabun-ag sang isa ka solido
kag pangmasang Partido nga nagapamuno sa
pungsodnon demokratikong rebolusyon sa paghilway
sang pumuluyong Pilipino. Ang Partido sa nabagat-
nang Panay, naga-upod sa pagsaulog sang ika-48 nga
anibersaryo sang Partido Komunista sa bilog nga
Pilipinas.
Nagasaludar kita sa tanan nga mga rebolus-
yonaryong martyr nga naghalad sang kabuhi para
masulong ang makasahing paghimakas sang mga anak
balhas. Nagasaludar man kita sa tanan nga mga kadre
kag katapu sang Partido, Pulang Kumander kag mga
Pulang Hangaway, masa kag alyado nga pursigido na-
gapanikasog nga mapataas ang lebel sang rebolusyon
sa nabagatnang Panay upod sa pag-abanse sang isla
kag sang bilog nga pungsod.
B
6 Daba-Daba, Ispesyal nga Isyu, Disyembre 26, 2016
Labi kapintas nga nagpanalakay ang AFP agud
waskon ang istruktura Partido, hukbo kag masa. Sa
desinyo sang kampanya Oplan Bayanihan kag para
maprotektahan ang mga kontra-pumuluyo nga mga
proyekto katulad sang Century Peak Mini-Hydro, kag
mga maki-dumuluong nga aktibidad kapareho sang
BALIKATAN Excercises, gintudo duso sang naglipas
na nga Rehimeng Aquino ang pulitikal – militar nga
pagpang-atake. Mas o menus duha ka dalagku nga
operasyon ang bulanan ginapakat sang 301st Bde.
Maluwas pa ini sang mga operasyon nga inisyatiba
lang sang 82nd IB PA.
Baliskad sa ginalauman, wala nag-untat ang
mga operasyon militar bisan pa may peace talks kag
ceasefire sa tunga sang NDFP kag GRP para maham-
balan ang ugat sang gyera sibil. Wala gintuman sang
AFP ang gindeklarar sang GRP nga unilateral
ceasefire. Ginpabangis pa gid sini ang pagpatuman
sang Oplan Bayanihan. Kumuplahe ang mapaniplang
nga aktibidad nga medikal misyon, “gift-giving”,
sports fest kag iban pa, tuso ini nga nag-abanse sang
tropa sa teritoryo sang Rebolusyonaryong Gubyerno.
Nagkampo sa sentro sang kabaryuhanan, mga
barangay hall, daycare centers ang Peace and
Development Teams (PDT) sang AFP nga wala na
sang kahangawa nga mabanatan bangud nagalikaw
ang NPA kag hugot nagapatuman sang ceasefire.
Ginlingaw sang nagaharing sahi ang pumuluyo
sa repormismo kag kuno mga pagbag-o. Ginpalaum
sa kuno demokrasya sa pagpili sang mangin lider nila.
Apang ang matuod, nalikupan sang dinayaay kag
nalatum sang binaklanay sang boto ang tinalikdan nga
2016 eleksyon. Wala gid sang signipikante nga pang-
ekonomyang programa ang rehimeng
Aquino nga nag-alibyo sang
madugay na nga kapigaduhon sang
masa kag amo man ang rehimeng
Duterte sa una nga tunga sa tuig nga
pagginahum. Ang show case nga
kampanya kontra druga wala
nakapauntat sang lapnagon nga drug
trade. Pila kag pili man lang ang
dalagku nga sindikatu sang druga kag
mga protektor sini ang nadakop ukon
napangpriso.
Nagabaskog, nagapalapad,
nagapadaku ang maikit mga
paghulag sang pumuluyo sa
pagpamatuk sang Oplan Bayanihan,
pagtib-ong sang kampanya sa kalinungan kag iban pa
nga isyu nga direkta nagaapekto sa ila kahimtangan.
Nagpamuno ang Partido sa pagsulong sang
rebolusyonaryong paghimakas
Sa kabilugan, husto nga gin-uyatan sang
Partido sa nabagatnang Panay ang Marxismo,
Leninismo, Maoismo bilang pang-ideolohiya nga
ubay. Nagpaninguha ang mga kadre kag katapuan
sang Partido nga makapadalom sang paghangop sang
MLM kag kongkreto nga maisapraktika ini sa liko-
liko sang nagakumplikado nga kahimtangan kag
demanda sa hilikuton. Hugot ginbugkos sang prin-
sipyo sang demokratikong sentralismo ang Partido
nga nangin pahinandigan sang pagpabilin sini nga isa
ka solido kag abanse nga destakamento sang sahing
proletaryado.
Napanday ang mga kadre kag katapuan sa
lain-lain nga lebel sang pagpamuno. Nadebelopar ang
ikasarang sang mga komite sa pagdihon sang mga
metodo/pamaagi nga masalimbayan ang pagpatuman
sang mayor nga mga hilikuton kag matalom nga pag-
pamuno sa mga liko-liko sang sitwasyon. Ginpatuman
sa lain-lain nga lebel ang pag-alinyar sang istruktura
sang organisasyon nga nagakasantu sa lebel kag
demanda sang pagpamuno.
Nagpamuno ang Partido sa pagpaslaw sang
ulihing sikad sang kampanya Oplan Bayanihan sa
naghingapos nga rehimeng Aquino kag amo man sa
ginpapintas pa sang AFP sang unang tunga sa tuig nga
paggahum sang gubyernong Duterte. Wala sang yunit
sang NPA nga nawasak. Sa baylo, dugang naka-
palapad sa mga estratehiko kag matawo nga
kabaryuhanan kag nakapadamol sang baseng masa.
7 Daba-Daba, Ispesyal nga Isyu, Disyembre 26, 2016
Ang kadalag-an sa pagpusisyon sa iban pa nga
estratehikong bahin sang area nagakahulugan sang
pagbaskog sang pulang gahum kag pagsangkad sang
impluwensya sang rebolusyon.
Ang masingki nga atake sang AFP nangin
paborable nga kondisyon sa pagdebelopar sang
kapasidad sang hukbo. Napataas ang lebel sang
ikasarang sa paglunsar sang koordinado nga taktikal
opensiba sa lebel larangan kag koordinado sa lebel
rehiyon. Naabot sang NPA ang kapasidad nga
maglunsar sang apat (4) ka aksyon sa sulod sang
anom (6)ka oras. Nagakapanday kag nagakatilawan
man ang lebel sang ikasarang sang baseng masa sa
pag-atubang sang balos nga atake sang kaaway nga
sila ang masami nga ginapaukpan.
Sa mga baseng gerilya, nagaumpisa na sa pag-
agum sang kongkreto nga ganar sa pangabuhian ang
kampanya sa pagpataas produksyon paagi sa
pagpapagsik sang simple nga dagway sang
pagbinuligay (SDP) sang mga mangunguma. Libo-
libo na kapin ang imol kag manubo nga nahanunga
nga mangunguma ang aktibo nga nagapartisipar sa
SDP sa katuyuan nga mapadaku ang ila produksyon
para sa pangpamilya nga pagkinahanglan kag para sa
kinahanglanon sang rebolusyon. Suplementaryo sa
kampanya sa pagpauswag sang produksyon ang
pagpalapnag sang mga iban pa kinahanglanon sa
produksyon katulad sang hayop, binhi kag mga farm
tools. Pila na ka bahin sang baseng gerilya ang nag-
agum sang signipikante nga kadalag-an sa pagsulong
sini.
Ginpakita man sang tanan nga mga yunit sang
NPA sa nabagatnang Panay ang katampad kag
disiplina sa pagpatuman sang unilateral ceasefire kag
pagsakdag sang mga polisiya sang Partido sa
peacetalks sa pihak sang sige-sige nga panggarit-garit
nga operasyon sang AFP. Ginpatigayon ang
malaparan nga propaganda-edukasyon sa malapad nga
masa para lubos mapahangop ang matuod nga
kahulugan sang matarung kag malawigan nga
kalinong.
Ang bilog nga tuig nga paghimakas sang bug-
os nga rebolusyonaryong pwersa sa nabagatnang
Panay sa pagpamuno sang Partido Komunista isa ka
mapanghangkat apang madinalag-on kag sa isa ka
bahin nangin kapaslawan naman sa bahin sang
nagaharing sistema.
Mga tulungdan sa pag-abanse
Basehan ang mga naagum nga kadalag-an sa
tuig 2016, sikaran sang bug-os nga organisasyon sang
Partido ang pagsulong sang rebolusyonaryong paghi-
makas sa Nabagatnang Panay upod sa pungsodnon
nga pagpaninguha nga mag-abanse sa mas mataas nga
lebel sa malapit nga panahon.
Angkunon ang panibag-ong kapagsik dungan
sa pagpanadlong sang mga gintumod nga kasaypanan
sa patag sang ideolohiya, organisasyon kag pulitika.
Tungdan sang Partido ang pagpamuno para labi
makapalapad kag makapabaskog sang rebolusyonar-
yong paghimakas. Kag para matigayon ang pag-
abanse kinahanglan pursigido nga matungdan ang
mga masunod nga hilikuton:
1. Pabaskugon ang integradong sangkap
sang armadong paghimakas.
Primarya kag gilayon nga tungdan ang doble
nga pagpadaku sang hukbo. Ang kabaskugon sang
rebolusyon nakabase sa aton armadong kusog. Ilunsar
ang malaparan nga kampanya sa pagsampa sa NPA
para maabot sa pinakamadasig nga panahon ang
pagpuno sang mga pormasyon nga gintukod kag
maabot ang dugang nga magpalapad sa mga
estratehiko nga bahin sang areya. Mapangahas nga
magrekrut sang pulang hangaway ang tanan nga
organisasyon sang Partido sa lokalidad, mga yunit
sang NPA kag organisasyong masa sandig sa
ginatalana nga mga kwalipikasyon sang isa ka
hangaway sang banwa. Mapagsik nga ipanawagan kag
buyukon ang mga pamatan-on kapin ang halin sa
kubay sang kabataang-estudyante nga maglubos-
panahon bilang pulang hangaway.
Papagsikon ang partisipasyon sang pumuluyo
sa gerilya nga pagpakig-away paagi sa pagtukod sang
madamu kag konsolidado nga mga lokal milisya.
8 Daba-Daba, Ispesyal nga Isyu, Disyembre 26, 2016
Debeloparon kag ipadayon ang pagdebelopar sang ila
kahanasan militar.
Papagsikon ang rebolusyon agraryo (agreb)
bilang yabe nga angut sang kahublagan masa sa
kaumhan. Ang pagpagsik sang agreb mangin pabo-
rable nga kondisyon nga mareyalisa sang mangu-
nguma ang kakinahanglanon sang pagpadaku kag
pagpabaskog sang NPA para mapangapinan ang ila
naagum nga ganar sa agreb.
Kag para malunsar ang madinalag-on nga
agreb kinahanglanon man ang hugpong nga kusog
sang baseng masa nga may mataas nga lebel sang
kamuklatan pangpulitika nga lubos nakahanda makig-
away sa agalon nga mayduta kag dalagku nga negos-
yante-kumprador nga nagapatuyang sa paghimulos
sang ila kusog pangabudlay. Para maabot ang
malaparan nga rebolusyon agraryo kinahanglanon nga
maabot ang pinakamalapad nga sahing mangunguma
sa daku nga bahin sang nabagatnang Panay. Sa
pagsangkad sang maabot nga kadalag-an sa
rebolusyon agraryo nga nagadaku man ang kaki-
nahanglanon sang mabaskog nga hangaway nga
magpangapin sa naagum nga kadalag-an.
2. Mapadayon ang sustenido nga
pagpalapad kag pagpadaku sang mapahulag nga
masa sa pagsuporta sa kampanya sa kalinong,
kampanya para sa ila kaayuhan, pagbuyagyag kag
pagpamatuk sang militarisasyon kag iban pa nga indi
maki-pumuluyo nga mga proyekto, kag programa
sang rehimeng Duterte. Madasig nga i-angat ang
organisasyon, kamuklatan kag mga paghulag alinyado
sa pagpabaskog sang armadong paghimakas bilang
primaryo nga porma sang pagpakig-away para
maagum ang matuod nga kalinong kag kabuganaan.
3. Labi nga palig-unon ang mga komite kag
organo sang Partido tubtub sa basehan nga yunit
sini nga direkta nakaugat sa masa.Nagakahulugan
ini sang pagpadamu kag pagpadasig sang
pagdebelopar sang mga bataon nga mga kadre sang
Partido. Nagaimplikar man ini sang pagpatalom sang
taktikal nga pamumuno sa liku-liko sang sitwasyon.
Sa pagpatuman sang panawagan desaysibo kag
yabe ang husto nga kaisipan kag aktitud sang mga
kadre kag katapuan sang Partido. Malahalon ang
pagkilala kag aktibo nga pagtadlong sang mga
dagway sang empirisismo, burukratismo kag
konserbatismo nga nagahawid sa aton lubos nga
pagsulong. Nagakadapat nga indi kita magpang-alang-
alang nga magsikway sini para matungdan ang huray
sang nabagatnang Panay sa pag-igpaw sang lebel sang
inaway banwa.
Ginpamatud-an na sang Partido ang ikasarang
nga magpamuno sa rebolusyon sa 48 anyos . Malig-on
ini nga puhunan para matalom mapamunuan ang
rebolusyon tubtub kadalag-an.
Mabuhay ang Partido Komunista sang
Pilipinas!
Mabuhay ang Rebolusyong Pilipino!##