Download - Final Future Rmt
KABANATA 1
Ang Suliranin At Ang Kaligiran Ng Pag-aaral
Panimula
Ngayon na tayo’y nasa ika-21 siglo na ng panahon, ang teknolohiya at
modernisasyon ay nagkaroon na talaga ng mahigpit na hawak sa pamumuhay,
pag-iisip, at sa paraan ng ating pagtanaw sa hinaharap. Sa bawat larangan o
propesyon; mapa-medikal, arkitekto, pagtuturo o konstraktura man ay hindi
maikakaila ang matinding pagbabago na nagaganap sa lipunan. Kahit ang pag-
aaral ng Medical Technology ay naapektuhan na rin ng makabagong teknolohiya.
Ngunit ang pagbabago bang ito na sobra-sobrang kinababaliwan ng lahat ng tao
ay tungo sa kaunlaran ng bayan o magiging sanhi ng paglugmok ng lipunan?
Malayu-layo na rin ang narating ng Medical Technology, gaya na lamang
ng paggamit ng pipette sa pagkuha ng kemikal na noo’y ginagamitan lamang ng
bibig o ang pagkuha ng dugo gamit ang lancet na dati’y tinik, ngipin at sungay
lang ng mga hayop ang gamit dito. Nang lumaganap ang teknolohiya marami
itong magandang naitulong sa Medical Technology: mabilis at madali na lang ang
paraan ng pagkuha ng resulta mula sa mga doktor, naitatabi na ng maayos ang
mga impormasyon mula sa mga pasyente gamit ang kompyuter at mas mabilis na
rin ang pagsusuri sa mga pasyente upang matiyak ang kanilang karamdaman.
Ngunit lahat ng bagay ay hindi puro maganda ang dulot sa mga tao lalo na ang
teknolohiya. Isa na dito ang masamang epekto nito sa kalusugan ng tao; maaaring
lumabo ang paningin ng mga taong walang ginawa kundi magbabad sa harap ng
kompyuter. Kung sa larangan naman ng Medical Technology hindi din maganda
ang sobrang paggamit ng teknolohiya dahil baka dumating sa puntong umaasa na
lamang ang mga Medical Technologist sa trabaho ng teknolohiya at malimutan
nila na mas mahalaga pa din ang pagsusuring gawa nila.
Ang lahat ng ito ay dahail sa katalinuhang binigay sa atin ng Diyos. Kung
kaya’t kailangan nating gamitin ito sa tama at huwag abusuhin.
Kahalagahan Ng Pag-aaral
Ang pag-aaral na ito ay isinagawa ng mga mananaliksik upang alamin ang
mga mabubuti at masasamang dulot ng makabagong teknolohiya sa larangan ng
Medical Technology. Makakatulong ito sa mga mag-aaral ng Centro Escolar
University, sa Kolehiyo ng Medical Technology na palawakin pa ang kaalaman
ukol sa nasabing paksa. Sa pamamagitan ng pag-aaral na ito, maaaring
makahanap ng mga mabisang paraan ang mga mag-aaral kung paano nila
maiiwasan ang negatibong epekto ng teknolohiya na maaaring magsilbing balakid
sa kanila upang magawa ang kanilang mga gawain na puno ng kalidad. Kabilang
sa sumusunod ang maaaring makinabang sa pag-aaral na ito:
Sa mga mananaliksik. Ang pananaliksik na ito ay makakapagbigay ng
impormasyon at dagdag kaisipan ukol sa kahalagahan ng teknolohiya sa larangan
ng Medisina partikular na sa Medical Technology. Mabibigyang gabay din sila sa
tamang pagtugon sa madaliang pagbabago ng maraming bagay sa aspeto ng
agham.
Sa mga mag-aaral ng kursong Medical Technology. Sa pamamagitan nito,
mabibigyang linaw at dagdag kaalaman ang mga mag-aaral ukol sa mga
makabagong kagamitang maaari nilang gamitin. Maipababatid din sa kanila ang
mga iba’t-ibang epekto ng teknolohiya sa larangan ng kanilang kurso upang
magbunga ng mabuting resulta sa kanilang pag-aaral.
Sa mga mag-aaral ng Sekondarya. Ang pag-aaral na ito ay makapagbibigay gabay
at linaw ukol sa kursong ito na maaari nilang tahakin. Sa pamamagitan nito,
magkakaroon sila ng ideya tungkol sa pag-aaral ng Medical Technology at sa mga
nalinang na kagamitan sa kursong ito.
Sa mga propesor. Ang pag-aaral na ito ay makapagbabawas oras ng hindi
pagkakaintindihan sa pagitan ng propesor at kanyang mga mag-aaral. Kasabay ng
kanyang mag-aaral, makakakuha din siya ng mga nalinang na ideya na mas
makakapagbuti ng kanyang pagtuturo at sa sariling kasanayan.
Sa mga dalubhasa sa propesyong ito. Sa pag-aaral na ito, mas mabibigyan pa sila
ng kaalaman at pagkakataon na isabuhay ang kanila pang natutunan upang mas
mapabuti pa ang kanilang serbisyo sa ibang tao at mas maging dalubhasa pa sa
propesyong ito.
Sa mga kukuha ng Medisina. Mas mauunawaan nila ang importansya at
kaugnayan ng teknolohiya sa pag-aaral ng kanilang tatahakin. Mas mabibigyang
pansin ang mga makabagong kagamitan na maaari nilang gamitin sa paghahasa sa
kanilang tinahak na propesyon.
Sa komunidad at pasyente. Ang pananaliksik na ito ay makapagbibigay kaalaman
sa mga tao ukol sa seguridad ng kanilang kalusugan sa pagtanggap nila ng
serbisyong panggamutan kasabay ng pagkakaroon ng maraming epekto ng
teknolohiya sa larangan ng medisina.
Ang pag-aaral o pananaliksik ukol sa paksang ito ay nagtataglay ng
malaking kahalagahan at impormasyon sa larangan ng panggagamot. Bagamat
limitado ang mga datos na nakalap sa mga mag-aaral at mga dalubhasa sa
Medical Technology, ito’y naaangkop pa rin sa paksang tinatalakay ng mga
mananaliksik at may kinalaman pa rin sa larangan ng Medical Technology.
Paglalahad Ng Suliranin
Maraming nagagawa ang teknolohiya, isa na rito ang mas pinabilis na
pagtatapos ng gawain ng mga tao sa pang-araw-araw. Kung noon ay isa lamang
itong luho, ngayon, malaki na ang tungkulin nito sa mga tao. Sa modernong
panahon ngayon, makikita na ang laganap na paggamit ng teknolohiya sa buong
mundo. Isa na ang Pilipinas sa mga gumagamit ng teknolohiya na kung saan unti-
unti ng nababago nito ang mga ugali ng Pilipino. Marami na kasing umaasa na
lamang sa nabibigay na tulong o impormasyon ng teknolohiya sa kanila.
Sasagutin sa pananaliksik na ito ang mga sumusunod na tiyak na suliranin:
1. Anu-ano ang mga katangian ng mga respondante batay sa:
1.1 edad
1.2 kasarian
1.3 antas ng pag-aaral
1.4 kalagayang sibil
2. Anu-ano ang mga makabagong teknolohiyang kasali sa pag-aaral na ito?
2.1 Kompyuter
2.2 Compound Microscope
2.3 Centrifuge
2.4 Weighing Scale
2.5 Syringe
2.6 Tongue Depressors
2.7 Tourniquet
2.8 Medical Thermometer
2.9 Blood Sugar Meter
3. Anu-ano ang mga mabubuti at masasamang epekto ng makabagong
teknolohiya sa larangan ng Medical Technology?
Saklaw At Delimitasyon
Ang sakop ng pag-aaral na ito ay ang pagbibigay kahulugan ng
makabagong teknolohiya, ang ebolusyon nito simula pa noong unang panahon
hanggang sa kasalukuyan, at ang kapakinabangan nito sa kursong Medical
Technology. Napapaloob din sa pag-aaral na ito ay ang depinisyon ng Medical
Technology, mga kagamitan o instrumentong ginagamit sa mga ospital o
laboratoryo. At higit sa lahat ang pag-aaral na ito ay may layuning bigyan ng diin
ang mga mabubuti at masasamang dulot ng makabagong teknolohiya sa
kalusugan ng tao at sa larangan ng Medical Technology. Hindi sakop ng pag-aaral
na ito ang mga posibleng solusyon sa mga masasamang epekto ng makabagong
teknolohiya.
Sa pangangalap ng impormasyon sa pamamagitan ng talatanungan ay
kinakailangan ng mga mananaliksik ang partisipasyon ng mga mag-aaral ng
kursong Medical Technology mula una hanggang ikatlong taon. Ang mga
mananaliksik ay kakausap din ng ilang mga dalubhasa na sa propesyong Medical
Technology na nagtatrabaho sa mga ospital o laboratoryong matatagpuan sa
Alabang Town Center, Makati Medical Center at St. Luke’s Hospital. Ang saklaw
ng edad para sa mga estudyante ay mula 16 na taong gulang hanggang 21 taong
gulang. Sa mga dalubhasa naman ay mula sa edad 21 taong gulang hanggang 50
taong gulang. Ang kabuuang bilang ng mga respondente ay 25 (mag-aaral at
dalubhasa).
Hindi bibigyang pansin ng mga mananaliksik ang mga mag-aaral ng ibang
kurso tulad ng Nursing, Pharmacy at Psychology. Hindi din kasama sa pag-aaral
na ito ang mga dalubhasang may edad mahigit sa 50 taong gulang.
Ang lugar ng pagsasaliksikan ay ang Unibersidad ng Centro Escolar sa
Makati, Gil Puyat. Kasama rin ang ilang klinika at ospital na matatagpuan sa
iba’t-ibang lugar ng Laguna, Makati at Maynila. Hindi isasama ng mga
mananaliksik ang Unibersidad ng Centro Escolar sa Makati, Legazpi Village
sapagkat hindi nito sakop ang mga kursong patungkol sa siyensya.
Konseptwal/Teoretikal Na Balangkas
Ang pag-aaral ng dulot ng teknolohiya sa buhay ng tao ay isang
napakalawak na usapin. Lalo na sa usapang pangkalusugan o medisina. Ang
kursong Medical Technology ay sakop halos ang paggamit ng makabagong
teknolohiya. Napakarami ng mabubuti at magagandang tulong ang naibibigay ng
teknolohiya; pagkuha ng mga impormasyon at mas mabilis na resulta ng mga
ginawang eksaminasyon. Ilan lamang yan sa mga tulong na naibibigay ng
teknolohiya sa tao. Wala na ngang imposible sa mundong ito lahat ay nagagawan
na ng paraan upang maisakatuparan ito.
Ang pag-aaral na ito ay upang makatulong sa mga estudyanteng
kumukuha ng Medical Technology. Ang mga mananaliksik ay may layuning
paghambingin ang masasama at mabubuting dulot ng makabagong teknolohiya.
Teknolohiya
Mabubuti Mas sigurado at eksakto ang resulta ng
gagawing eksaminsyon
Mas mabilis at di kinakailangan ng maraming oras at lakas para gawin ang eksaminasyon
Mas nagiging produktibo ang isang propesyonal/estudyante dahil dito.
Masasama Umaasa na lang sa teknolohiya ang
isang propesyonal/estudyante.
Nagiging tamad at kung minsan di na pinapansin ang resulta ng isang eksaminasyon, na nagiging sanhi ng pagkakamali.
Medical Technology
Kahulugan Ng Mga Katawagan
Dalubhasa. Mga taong eksperto sa isang larangan.
Kurso. Kinukuha ng mga estudyanteng nasa Sekondarya bilang paghahanda sa
magiging trabaho nila.
Laboratoryo. Lugar kung saan pinag-aaralan ng mga Medical Technologist ang
mga kemikal sa katawan ng tao.
Lancet. Kagamitang ginagamit upang kumuha ng dugo para pag-aralan.
Makabago. Paraan ng pagpapaunlad o pagpapaganda ng mga bagay-bagay.
Medical Technology. Isang kurso kung saan pinag-aaralan ang mga kemikal at
mga komposisyon na makikita sa katawan ng tao.
Microscope. Isang instrumentong ginagamit upang pag-aralan at makita ang mga
bagay na hindi nakikita ng ating mga mata.
Syringe. Instrumentong ginagamit upang kumuha at magturok ng iba’t-ibang
klase ng likidong kailangan ng katawan.
Teknolohiya. Paggamit ng mga napag-aralang agham sa pagpapabuti ng
pamumuhay ng tao.
KABANATA II
Mga Kaugnay Na Literatura At Pag-aaral
Ang kabanatang ito ay napapalooban ng ilang patunay na mga salitang
direktang sinabi ng isang tao o parte ng isang artikulo na nagmula sa mga
literatura at pag-aaral upang mas lalo pang pagtibayin ang nilalaman ng
pananaliksik. Ang mga ito ay kapwa banyaga at lokal na literatura at pag-aaral na
maaari pang magpaliwanag ng posibleng mabubuti at masasamang epekto ng
teknolohiya sa iba’t-ibang aspeto ng buhay partikular sa larangan ng Medical
Technology.
Mga Kaugnay Na Lokal Na Literatura
Ang mga pagbabago sa teknolohiya sa larangan ng Medical Technology
ay maraming mabubuting epekto sa pamumuhay ng tao at maging sa pag-unlad ng
mismong kursong ito. Ito ay naipapakita sa mga makabagong paraan at
instrumentong ginagamit sa pagtukoy ng mga karamdaman ng pasyente. Ito ay
pinatutunayan ng artikulong “The Impact of Advances in Medical Technology on
Patient (2009)” na:
Ang mga positibong epekto ng makabagong teknolohiya sa Medical Technology ay ang pagpapalawak ng paggamot sa mga karamdamang noon ay hindi kayang gamutin, pagkakaroon ng mga bagong paraan upang mabigyan ng mas matagal at mas maayos na serbisyo ang mga pasyente, pagtulong sa pagpapadami ng bilang ng mga gamot na dapat gamitin at ang bilang at klase ng mga makineryang ginagamit sa larangan ng medisina at higit sa lahat ang pagbibigay ng oportunidad sa mga kabataan na magkaroon ng trabaho sa loob ng ospital. Ito ang nagpapatunay na ang makabagong teknolohiya sa ngayon ay tunay na nakakatulong sa Medical Technology dahil ito ay nagbibigay ng mas epektibong paraan ng panggagamot sa mga pasyente.1
Sa paglipas ng panahon, ang teknolohiya ay nakikisabay na nga sa
pagbabago ng ating mundo. Maraming teknolohiya ang nagsisulputan na may
dalang iba’t-ibang tulong sa ating pamumuhay. Isa na dito ang pagpapadali ng
ating mga gawain na dati’y ginagawa sa mabagal at mahirap na paraan.
Pinatutunayan ito ng nabanggit ni Dr. Priscilla Panlasigui na:
Malaking bagay ang pagkakaroon ng teknolohiya sa larangan ng Medical Technology. Dahil kung walang teknolohiya sa ngayon mahirap pa rin makakuha ng “specimen” mula sa mga pasyente. Delikado din para sa mga “Medical Technologist” ang pagsasagawa ng mga eksaminasyon lalo na kapag nagkaroon ng interaksyon sa mga may malubhang sakit gaya ng HIV, AIDS, at iba pa. Malaking tulong ang teknolohiya sa paraang napapabilis nito ang mga trabaho at nagiging mas kaunti ang oras at panahong gugugulin ng mga “Medical Technologist” sa mga eksaminasyong kanilang ginagawa.2
Ang Medical Technology ay sumasakop sa malawak na hanay ng medikal
na proseso na gumagamit ng mga instrumento upang sumuri, manggamot o
mamahala sa pangkalahatang kalusugan ng tao. Kinabibilangan nito ang mga
gamit na makabagong teknolohiya gaya ng kompyuter. Marami sa mga ito ay
pinabuti ang kalidad ng buhay at nakatulong sa pagpapahaba ng buhay.
Gayunpaman, hindi lahat ng mga makabagong teknolohiya ay puro kabutihan ang
dala, ito’y mayroon ding dalang panganib sa atin. Pinatutunayan ito ni Dr.
Magallanes (2010) na:
Ang utak ay maihahalintulad na sa kompyuter na nagtatala ng mga impormasyon at datos. Ngunit ang utak ay nakapagpapasya at nakakagawa ng madaliang solusyon sa bawat suliranin samantalang sa kompyuter ay maaaring mawala ang “sinave” na mga datos. Isa pa ang kompyuter ay may mga bagay na hindi kayang gawin na siya namang kayang gawin ng isang Medical Technologist lalo na sa pagkuha eksaktong resulta sa mga eksaminasyon.3
Tunay ngang nakapagpapabilis ng trabaho ang paggamit ng teknolohiya
lalo na sa larangan ng medisina, ngunit mabilis din nitong napapalitan ang mga
propesyonal na tao sa kani-kanilang larangan. Ito naman ay pinatutunayan nila
Alburo at Abella (2002) na:
Sa mabilis na pagbabago ng panahon, teknolohiya na ang humahalili at gumagawa ng trabaho ng mga propesyonal na tao gaya ng mga nars, doktor at Medical Technologist. Nawawalan sila ng trabaho na nagiging sanhi upang iwan nila ang kanilang propesyon para sa mas mababa ng posisyon upang kumita. Mas kinailangan ng ibang bansa ang may kasanayan sa trabahong teknolohiya upang magpatakbo ng mga makinarya kaysa sa mga may mataas na tinapos.4
Mga Kaugnay Na Banyagang Literatura
Sa larangan ng Agham at Medisina, ang Medical Technology ay
nagbabago rin sa paglipas ng panahon. Pinapalawak din nito ang kaalaman ng
mga doktor at ang paraan nila ng panggagamot ng mga karamdaman.
Naaapektuhan ng modernisasyon ang buhay ng tao kung saan mas bumibilis at
nagiging mas produktibo sila. Pinatutunayan ito ng nabanggit ni Smith (2009) na:
Maraming pasyente ang dapat intindihin at bigyang pansin. Upang mas mapadali ng mga doktor ang kanilang trabaho kinakailangang gumamit ng makabagong teknolohiya sa pangmedisina. Ang makabagong teknolohiya ay tumutulong sa pagbibigay ng mabilis na lunas sa mga sakit. Dahil dito iba’t-ibang kompanya ang handang gumastos ng malaki sa mga pagsusuri ng mga gamot at paggawa ng bagong instrumentong pangmedisina.5
Samantala, maraming pwedeng kurso ang puwedeng pagpilian pagdating
sa medisina at isa sa pinakamaganda dito ay ang Medical Technology.
Pinatutunayan ito ni Bustamante (2009) na:
Ang pinakamagagandang paaralan na nagtuturo ng Medical Technology ay matatagpuan sa US at Canada na inaaprubahan ng mga itinalagang ahensya. At ang mga paaralan lang na inaprubahan ng mga itinalagang ahensya ang
may buong karapatan na magturo sa mga kabataan kung paano maging isang “certified medical technologist”.6
Mahalaga ang papel ng teknolohiya sa ating pang araw-araw na buhay. Sa
medisina, halos lahat ay ginagamitan na ng teknolohiya. Mas pinapadali nito ang
mga eksaminasyon at mga gawain ng mga doktor at “medical practitioners.” Ito
ay pinatutunayan ng nabanggit nila Yang TP, Montgomery SB, et al (2010) na:
Genevar (GENe Expression VARiation) is a database and java tool designed to integrate multiple data sets, and provides analysis and visualization of associations of between sequence variation and expression. Genevar allows researchers to investigate expression quantitative trait loci (eQTL) associations within a gene locus of interest in real time. The data base and application can be installed on a standard computer in a database mode and, in addition, on a server to share discoveries among affiliations or the broader community over the internet via web services protocols. AVAILABILITY.7
Lahat naman ng magagandang epekto ay may katapat na di maganda sa
ating pamumuhay. Gaya ng kompyuter, ito’y nakakakalap ng datos o
impormasyon mula sa mga maysakit na pasyente. Katulad natin, ang kompyuter
din ay maaaring magkaroon ng “virus” o “ma-hacked” na sanhi ng pagkawala ng
datos. Pinatutunayan ito nina Brownlee at Lenzer (2010) na:
Ang mga masasamang dulot ng ilang instrumentong pang-medikal na alam ng mga gumagawa nito ay hindi ipinapaalam sa publiko upang makaiwas sa gulo. Kaya sa huli, isinagawa ang pang malawakang pagpaparehistro ng mga instrumentong medikal sa US upang masubaybayan ang mga ito at maiwasan ang “hacking” ng mga impormasyon ng iba’t-ibang ospital.8
Malaking tulong nga sa mga doktor ang paggamit ng mga makabago at
“hi-tech” na mga kagamitan sa pagsusuri ng mga pasyente sapagkat napapabilis
nito ang mga gawain. Ngunit dahil din dito, masyado nang umaasa ang mga
doktor sa teknolohiya na minsa’y ikinasasama pa ng mga pasyente. Pinatutunayan
ng nabanggit sa phayagang “New York Times (2009)” na:
Nawawala na sa panahong ito ang magandang relasyon ng doktor at pasyente dahil napapalitan na ito ng pagsusuri gamit ang teknolohiya. Habang ginagamit ang makabagong teknolohiya ngayon hindi pa rin dapat kalimutan ang makaluma at sinaunang paraan ng pakikipag-usap sa pasyente pati na rin ang makalumang pagsasagawa ng eksaminasyon dahil maaari pa ring magkamali sa pagsusuri ang paggamit ng teknolohiya.9
Mga Kaugnay Na Lokal Na Pag-aaral
Ang pagbabago ng teknolohiya sa Pilipinas ay may malaking epekto sa
pag-unlad sa larangan ng medikal na propesyon sa nasabing bansa. Ito ay
naipapakita sa mga pagbabagong nagaganap sa mga instrumentong ginagamit sa
pagpapabuti ng kalusugan at maging sa mga prosesong kakabit nito. Ito’y
pinatutunayan sa nabanggit ni Secretary Ona na:
Napagtanto niya ang pagbaba ng kalidad ng pagpapabuti ng kalusugan o health care sa Pilipinas noong 1991 ang nagbigay daan upang mapagtibay nila ang sistema ng kanilang serbisyo. Sa kanilang pag-aaral na isinagawa, ang Pilipinas ay mayroong maternal mortality 95 to 163 kada 100,000 kapanganakan at internal mortality 25 kada 1,000 kapanganakan. Upang mas mapababa ang death rates, nais ni Ona na mula sa 30-40% Filipinos ay mapalago ng 100% Filipinos ang makatanggap ng benepisyong sakop ng Philhealth. Ilan sa mga makukuhang benepisyo ay pre-natal check-ups, vaccines at hospital care. Upang mas mapaigi ang serbisyo, naisaad ni Ona ang kanyang planong modernisasyon ng sistema ng health care sa bansa sa tulong ng makabagong teknolohiya na “Telehealth”. Ibinahagi din niya na ang kagandahang dulot ng teks o SMS na nagpapabilis ng komunikasyon sa mga doktor, nars at iba pang mga propesyonal na sakop ng medisina.10
Maging sa iba’t-ibang departamento ng bansa, ang teknolohiya ay
kaagapay na sa mga prosesong ginagawa- sa obserbasyon, sarbey, atbp. Sa
paggamit nito, malaking tagumpay din ang kasama nito. Pinatutunayan ito ng
Bureau of Research Laboratories (1997) na:
Nagpapatupad ng lisensya sa mga klinika at mga laboratoryong pang-diagnosis. Sa tulong ng teknolohiya, naging matagumpay ang taong 1997, ayon sa kanilang pangtaunang report. Naisagawa nila ang sumusunod: (1) Sa lahat ng 2, 170 na pasilidad, 97% ang nabigyan ng lisensya, (2) ang administrasyong teknikal ay nakapagpatupad ng makabagong sistema at nagbigay ng postibang epekto sa kumpara sa naunang sistema, (3) nagpatupad ng standard settings upang mas sakto ang resulta ng mga dugong obserbahan, (4) mas naiayos ang operasyon sa mga testing facilities upang mas maganda ang kalidad ng pagsasagawa ng blood banking, (5) modernisayon ng pag-aanalisa ng mga laboratoryong nag-sasagawa ng lisensya.11
Ang Propesyong Medical Technonlogy ngayon sa bansa ay tuluyang
tinatahak ang lubusang pag-unlad, subalit di pa rin nito kayang tugunan ang lahat
ng uri ng sakit na patuloy na lumalabas. Ayon sa nabanggit sa pahayagang “News
Medical (2010)” na:
Sa ginawang pag-aaral ng mga doktor at medical-technologist ng bansa, patuloy na tumataas ang bilang ng mga taong merong HIV at AIDS. Ngunit di pa rin kayang tugunan ito ng mga doktor at mga medical-technology. Dahil sa maling pag-eeksamen at maling paggamit ng masasabing teknolohiya madalas pumalya ang mga resulta. Kung kaya’t mas lumalala ang kanilang masasabing karamdaman.12
Sa iba pang ginawang pag-aaral, mas binibigyang diin na kahit maraming
makabagong teknolohiya ang nagawa hindi pa rin nito kayang bigyang lunas ang
maraming karamdaman. Pinatutunyan pa rin ng pahayagang “News Medical
(2010)” na:
Sa ginawang pag-aaral ng isang grupo ng medical technologist, kahit sobrang pag-unlad ang tinatamasa ng mundong pangkalusugan, may mga sakit pa rin na hindi kayang lutasin bagkus kayang bigyan lang ng paunang lunas. Ang maling paggamit ng teknolohiya at walang kaalaman sa paggamit nito ang unang dahilan ng malaking pagkakamali.13
Mga Kaugnay Na Banyagang Pag-aaral
Ang mga pag-aaral na ito ay isinagawa ng mga dayuhan na nakaukol
lamang sa propesyong Medical Technology. Marami na ring nasuring
makabagong sakit ang teknolohiya na nagpakita ng tunay na gamit nito.
Pinatutunayan ito ng nabanggit ni Gottlieb (2011) na:
Ang paggamit ng mga gamot at makabagong teknolohiya para sa maraming uri ng sakit ay masyadong nagiging mabilis ang progreso ng pag-unlad. Ngunit kinakailangan pa din ng direktang solusyon para sa mga sakit na di pa tukoy at wala pang tiyak na gamot para dito. Sa mga nagdaang taon kinakailangan ng maraming pagsusuri para sa makabagong sakit kung kaya’t maraming mga doktor ang nagnanais gumawa ng isang “ultimate drug” na kinakailangan ng mas makabagong teknolohiya. Iniiwasan nilang makasira pa ng “organs at cells” bago pa matukoy ang nasabing sakit.14
Ngayong 21st na taon, ang mga tao ay nabubuhay na sa makabagong
mundo ng teknolohiya. Malaki na ang naging impluwensya nito lalo na sa
pagkuha ng trabaho. Kaya pagdating sa pag-aaral naging parte na ang paggamit
ng teknolohiya sa pagpapabuti ng mga mag-aaral at paghahanda sa kanila sa
makabagong mundo. Pinatutunayan ito ni Lynch (2008) na:
For more than a decade, there is studied generation Y (individuals born between 1982 and 2001, also referred to as “millenials”) and the American culture shaping it. When considering overall job-readiness, she says that “Today’s millenials are open to collaboration, have an enormous facility for multi-tasking, and are at ease with new technologies. But they seem to have more limited experience in independent decision-making than past generations.” To help impart that experience, universities may need to ensure that collaborative student projects have not only an online instructional component but defined areas of individual responsibilities as well. Merrill Lynch now offers a mixed menu of targeted sessions that feature senior speakers, multimedia and interactive components. “It’s a genuinely collaborative environment,” concludes Ms. Middleton.15
Laganap na nga ang mabuti ang dulot ng teknolohiya sa atin lalo na sa
pangkalusugang estado. Ngunit kailangan din nating isaalang-ala ang pinansyal na
katapat nito. Hindi lahat ay mabubuti at kapaki-pakinabang ang epekto ng
teknolohiya gaya ng nasasabi dito. Pinatutunayan ito ng nabanggit ni Schwartz at
Goldsmith (1994) na:
Technology adds to cost because it increases the “intensity” of care – i.e., it expands the opportunities for providing services to patients. Even where a new technology can reduce unit costs for particular patients, it often increases net health expenditures by increasing overall volume – i.e, diffusing patients with mildly symptomatic disease, or those who are previously ill for treatment.16
Hindi lang sa kalusugan ng tao nagkakaroon ng masamang epekto ang
makabagong teknolohiya. Maging sa ibang bagay man – hayop o halaman ay
naaapektuhan din dahil sa ito’y laganap ng gamitin. Ito ay pinatutunayan ni Dr.
Warnke (2011) na:
He described the biological effects of certain microwave frequencies and on plants. Depending on the frequencies, their intensity and modulation and the length of exposure, scientific studies demonstrated stress reactions and disruptions of gene expression. Recent studies by the cellular biology laboratory of Clement Ferrand University (2007), for example, clearly show the effects of mobile telephony microwaves on plant genes, in particular tomato plants.17
END NOTES:
1“The Impact of Advances in Medical Technology on Patient.”
http://ivythesis.typepad.com/term_paper_topics/2009/08/the-impact-of-advances-
in-medical-technology-on-patient.html, (2009).
2Panlasigui, Priscilla PhD, ”Introduction to Medical Technology Profession.”
(Manila: CEU Publishing Incorporation, 2010).
3Magallanes, Josefa S., ”Komunikasyon sa Akademikong Filipino.” (Manila:
CEU Publishing Incorporation, 2010).
4”Skilled Labor Migration from Developing Countries: Study on the Philippines.”
http://www.ilo.org/public/english/protection/migrant/download/imp/imp51e.pdf,
(2002).
5Smith, May, “Aspects that alter the advancements of Medical Technology.” (The
Pulse Blog–Technology, Gadgets, and Cool Stuffs)
http://www.thepulseblog.com/article/medical-technology-training, (2009).
6Bustamante, Michael, “Medical Technology Training” (The Pulse Blog –
Technology, Gadgets, and Cool Stuffs)
http://www.thepulseblog.com/article/medical-technology-training, (2009).
7Yang TP, Beazley C. Montgomery SB, et al, (Standford University Publication)
http://med.stanford.edu/profiles/pathology/frdActionServlet?
choiceId=showPublication&pubid=11230241&fid=23650, (2010).
8Buckland, Dan PHD, Reader’s Digest article about Medical Technology with
thoughts from industry,
http://medgadget.com/2010/08/readers_digest_article_about_med_tech_with_tho
ughts_from_us.html, (2010).
9New York Times, (Kansas City Medical Malpractice Injury Attorneys –
Dempsey & Kingsland, P.C., 2009).
10Department Of Health Website, http://www.doh.gov.ph/content/ona-calls-
national-and-local-government-linkage-towards-universal-health-care.
11Bureau of Research Laboratory, http://www.doh.gov.ph/content/1997-future-
impact-modern-technology-health-status-filipino-family, (1997).
12News Medical, www.news-medical.net /news/20101021/406/Filipino.aspx,
(2010).
13News Medical, www.news-medical.net /news/20101021/406/Filipino.aspx,
(2010).
14Gottlieb, Scott, “Medicaid Is Worse Than No Coverage at All.”
http://online.wsj.com/article/SB1000142405274870475890457618828085830361
2.html, (2011).
15Lynch, Amy, “Case study: Generation Y perspectives at Merrill Lynch.”
http://www.nmc.org/pdf/Future-of-Higher-Ed-(NMC).pdf, (2008).
16February 28, 2001 “The Impact of Medical Technology on Future Health Care
Costs” http://www.ahipresearch.org/PDFs/26_FinalRptApp1&3.pdf
17 Warnke, “The potential dangers of electromagnetic fields and their effect
on the environment.“
http://assembly.coe.int/documents/workingdocs/doc11/edoc12608.pdf, (2011).
KABANATA III
Mga Pamamaraan
Inilalahad sa kabanatang ito ang mga pamamaraang ginamit sa pag-aaral
at paglalarawan ng mga hakbang na isinakatuparan sa pagsusuri ng mga mabubuti
at masasamang epekto ng teknolohiya sa larangan ng Medical Technology. Dito
nakapaloob ang dahilan kung bakit iyon ang napili ng mga mananaliksik at kung
bakit ito ang nararapat na gamitin. Nakalagay din dito ang mga kagamitan at
teknik na ginamit ng mga mananaliksik upang mangalap ng impormasyon sa mga
respondente.
Mga Pamamaraang Gagamitin
Upang maisakatuparan ng mga mananaliksik ang pangangalap ng
impormasyon, ginamit sa pag-aaral na ito ang mga pamamaraan ng: deskriptibo,
analitikal at komparatibo. Sa mga pamamaraang ito nailarawan, naihambing,
nasuri at naipaliwanag ng mga mananaliksik ang mga mabubuti at masasamang
epekto ng makabagong teknolohiya sa panahon ngayon sa larangan ng Medical
Technology. Deskriptibo sa paraan kung saan inilarawan isa-isa ang mga detalye
at inintindi itong mabuti upang pagkonektahin ang mga impormasyon at
makakuha ng maayos na resulta sa pagsasaliksik. Analitikal sa paraan kung saan
pinag-isipang mabuti ang mga detalye at impormasyon upang mabigyan ng
kahulugan ang mga kasagutan na nakapaloob sa ating pananaliksik at
magbalangkas ng isang magandang resulta tungkol sa suliranin ng pag-aaral base
sa kanilang nalalaman. At Komparatibo sa paraan kung saan inihambing ng mga
mananaliksik ang mga kabutihan at kasamaang dulot ng makabagong teknolohiya
sa larangan ng Medical Technology para malaman kung ito ba ay mas itinuturing
na tulong o dagdag problema lamang..
Mga Teknik Na Gagamitin
Upang malaman ang mga mabubuti at masasamang epekto ng teknolohiya
sa larangan ng Medical Technology, ginamit sa pag-aaral na ito ang “purposive
sampling”. Ito ang ginamit sapagkat ang layunin ng mga mananaliksik ay kumuha
ng sagot mula sa mga estudyante ng Centro Escolar University Makati at
Mendiola at mula sa mga dalubhasang nagtatrabaho sa mga laboratory at ospital
partikular na ang Makati Medical Center na may kinalaman sa Medical
Technology.
Nagbigay ng sarbey na talatanungan ang mga mananaliksik sa mga
napiling respondente na nakapokus sa magiging epekto ng teknolohiya sa
kanilang larangan. Kumalap din ng impormasyon ang mga mananaliksik sa
aklatan at sa internet.
Mga Kagamitang Gagamitin
Ang pag-aaral na ito ay isinagawa sa pamamagitan ng pagsasarbey kung
saan gumamit ang mga mananaliksik ng sarbey na talatanungan (survey type
questionnaire). Naghanda ang mga mananaliksik ng mga talatanungan upang
mangalap ng mga ideya at opinyon ukol sa paksa ng pag-aaral. Sa itaas na bahagi
ng talatanungan ay ang sulat ng paghingi ng permiso sa mga respondent. Ang
sarbey na talatanungan ay binubuo ng dalawang kategorya: Una, ang tanong sa
mga karaniwang laboratoryong instrumentong kanilang ginagamit sa kanilang
larangan. Napapaloob dito ang mga iba’t-ibang gamit kung saan maaaring
pagpilian doon ang karaniwan nilang ginagamit. Sinukat din ng talatanungan
kung gaano sila kasanay at kadalas gamitin ang mga makabagong teknolohiya sa
kanilang mga gawain. Ikalawa, ang tanong ukol sa epekto ng makabagong
teknolohiya sa kanilang pag-aaral at gawain. Maaari itong magbigay ng mabuti o
masamang epekto batay sa kanilang mga kasagutan. Tinanong din kung ano ang
kanilang masasabi ukol sa sarbey at mga suhestiyon at komento.
Nagsagawa rin ng pangangalap ng impormasyon sa pamamagitan ng
paggamit ng kompyuter para sa internet, mga aklat, cellphone para sa pagtatala ng
impormasyon at tesis.
Paraan Ng Pananaliksik
Ginamit sa pananaliksik ang mga sumusunod na paraan: Una, pipili ang
mga mananaliksik ng mga respondente gamit ang paraang random sampling.
Pangalawa, gagawa ang mga mananaliksik ng sarbey na talatanungan na
ipamamahagi sa napili nilang mga respondente. Pangatlo, gagawa ng sulat na
humihingi ng permiso ang mga mananaliksik sa mga respondente kung maaari ba
silang tanungin o hindi. Pang-apat, makikipanayam ang mga mananaliksik sa mga
respondente gamit ang sarbey na talatanungan. Ito’y babalikan na lang matapos
ang isang oras. Panglima, iinterbyuhin din ang ilang respondente gaya ng mga
dalubhasa para sa kanilang karanasan sa paggamit ng nasabing mga teknolohiya.
Itatala ito sa isang papel o irerecord gamit ang cellphone habang sila ay
nagsasalota. Pang-anim, lilikumin ang mga datos mula sa kanilang kasagutan at
ito’y masusing pag-aaralan at aanalisahin. Ang mga talatanungan ay titipunin para
sa pagpapatibay ng pag-aaral. Pampito, matapos suriin, ikukumpara ang mga
resulta sa nakalap na mga impormasyon. At pangwalo, kukuhanin ang pinal na
natuklasan mula sa mga nakalap na datos.
Kumuha pa ang mga mananaliksik ng dagdag na impormasyon gamit ang
kompyuter para buksan ang mga website na nagbibigay ng iba pang datos ukol sa
pinag-aaralang paksa. Nagbatay din ang mga mananaliksik sa ibang tesis ngunit
karamihan ay galing sa sagot ng mga respondente.
Paglalapat Ng Pamamaraang Istatistika