-
World Missionary Press
Satan Versus Christ - Tok Pisin
Satan i pait long KRAIS
Tok bilong God i save givim piksa bilong Satan olsem,
“Hetman bilong graun,” na em i nambawan birua bilong
God na man-dispela samting God i bin kamapim na em i
winim ol narapela samting Em bin kamapim. Yumi manmeri
i stap long pait nogut. Dispela pait i strong tumas namel
long God na Satan. Yumi mas makim wanem long tupela
bai kamap masta long yumi oltaim oltaim, Krais em bin
mekim yumi kamap– Emanuel (God i stap wantaim yumi)
–o Satan, man God bin mekim kamap em i stap hetman long
ol bikhet lain i pait wantaim God. Long dai bilong Em na
kirap bek bilong Em, Krais Em i winim pait long olgeta lain
huset bilip tru long Em.
Satan i save traim kainkain rot long giamanim na stiaim ol
manmeri. Lotu em i nambawan samting. Krais, i bin mekim
yumi kamap, em i stret long yumi lotuim. Satan i traim yet
long Kalabusim ol manmeri long (1) Stap longwe long God,
(2) Harim tok long ol spirit nogut, (3) Lotuim “man bilong
sin,” (4) Lotuim “piksa bilong em,” na (5) Yu mas gat mak
long bodi long baim o salim ol samting. Lukaut long ol
dispela samting!
GOD I �O BI� MEKIM WA�PELA KAMAP —1
LO�G GRAU� LO�G PAIT WA�TAIM EM
God I Bin Mekim Kamap Satan long Kisim Biknem long Heven
“‘King bilong Tair, harim tok bilong mi God, Bikpela. Bipo yu wanpela gutpela man tru na yu winim olgeta
man. Na save bilong yu i bikpela tumas na yu luk nais tru. I olsem yu bin i stap long gaden Iden, dispela
gutpela gaden bilong God. Na yu bin bilas long olkain ston i dia tumas ol i bin pasim long liklik bilas gol. Ol
dispela ston i olsem, rubi na topas na daimon na beril na kanilian na jaspa na sapaia na emeral na ganet.
Dispela olgeta samting mi redim bilong yu long taim mi mekim yu i kamap long graun.
King, mi bin makim yu olsem wanpela ensel bilong was, na yu sanap na opim wing bilong yu i stap. Na yu bin
i stap long maunten bilong mi na wokabaut namel long ol naispela ston i lait moa yet. Long taim mi mekim yu
i kamap long graun, pasin bilong yu i nambawan tru, na yu no gat asua long wanpela samting. Tasol bihain yu
mekim pasin nogut na yu gat asua long ai bilong mi.
God I Rausim Sin
Yu bin mekim...wok bisnis...na yu bin pait long ol manmeri bilong helpim dispela bisnis bilong yu, na yu
mekim sin. Tru, yu olsem ensel bilong was, tasol yu kamap doti tru long ai bilong mi, na mi rausim yu na yu
-
lusim maunten bilong mi. Na yu no moa i stap namel long ol dispela ston i lait tumas.’” Esekiel 28:12b-16
WA�EM AS LO�G SI� BILO�G MA� �OGUT —2
Pasin bilong hambak na litimapim nem bilong yu yet bai i mekim yu i pundaun na bagarap.
Sindaun 16:18
“‘Yu bin ting pes bilong yu i naispela, na yu bin hambak na litimapim nem bilong yu yet. Yu gat bikpela save
tumas, na yu ting dispela save i bilong kisim biknem tasol. Long dispela as tasol mi bin daunim yu tru, bilong
ol arapela king i ken lukim yu na ol i ken lap nogut long yu.’” Esekiel 28:17
Pe Bilong Man Bilong Sakim Tok
“‘King bilong Tair, long taim yu bin mekim wok bisnis, yu bin mekim planti pasin nogut, na ol sin bilong yu i
bin mekim ol haus lotu i kamap doti tru. Olsem na mi bin mekim paia i kamap namel long taun na kukim
olgeta, na sit bilong paia tasol i stap. Na olgeta arapela lain i lukim. Yu bagarap nogut tru na yu no ken i stap
moa long graun. Na olgeta manmeri i harim tok long dispela samting i kamap long yu na ol i kirap nogut tru.’”
Esekiel 28:18,19
Olgeta Manmeri I Mas Stap Aninit long Bikpela God Huset I Bin Mekim Ol Samting Kamap
Yupela i mas belgut long Bikpela na lotu long em. Yupela singim song bilong amamas na go klostu long em.
Yupela i no ken tingting lus long Bikpela, em wanpela tasol i God tru. Em wanpela tasol i bin wokim yumi,
olsem na yumi bilong em yet. Yumi manmeri bilong en, yumi olsem ol sipsip bilong en. Buk Song 100:2,3
TOK BILO�G SATA� LO�G EM YET BAI STAP BOS —3
“Yu bin i gat biknem tru. Long ai bilong ol manmeri yu bin i stap olsem sta bilong moning i lait antap long
skai. Tasol nau yu pundaun pinis, yu strongpela man bilong pait,...Yu bin i gat tingting olsem, ‘Bai mi abrusim
ol sta na i go antap tru long heven. Na bai mi putim sia king bilong mi antap tru long ol sta bilong God. Na tu
bai mi sindaun antap tru long dispela maunten long hap rot ol god i save kam bung long en. Bai mi go antap
tru...na bai mi stap olsem God Antap Tru.’”
“Tasol sori tumas, yu pundaun pinis na bai yu go daunbilo tru long ples bilong ol man i dai pinis, na bai yu
stap aninit tru. Long dispela ples, ol man i dai pinis bai i lukim yu na kirap nogut tru. Na bai ol i...askim olsem,
‘Ating dispela man tasol i bin mekim graun i guria na ol king bilong ol arapela kantri i pret na guria, a? Ating
dispela man tasol i bin...mekim ol graun i kamap ples nating, a? Ating dispela man tasol i no bin marimari long
ol man...na em i no larim ol i go bek long ples bilong ol.’”
God I �o Save Laikim Em Stret
“Taim ol arapela king i dai ol manmeri i save mekim gut long ol bodi bilong ol na planim ol long naispela
matmat. Tasol yu nogat. Ol i tromoi bodi bilong yu olsem man i katim han bilong diwai na tromoi bilong sting.
Bodi bilong yu i stap long rot aninit long ol bodi bilong ol arapela man i dai long pait...Tewel bilong yupela
olgeta bai i go daunbilo tru long ples bilong ol man i dai pinis.” –Aisaia 14:12-19
TAIM YUMI GIVIM BEKSAIT LO�G GOD YU BAI KISIM BAGARAP OLTAIM OLTAIM —4
Na Jisas i tokim ol olsem, “Mi lukim Satan i lusim heven na i pundaun olsem lait bilong klaut i pairap.” –Luk
10:18
-
Bipo sampela ensel i bin mekim sin, na God i no larim ol. Nogat. Em i kalabusim ol i stap long hel, long
dispela hul i tudak nogut tru. Na ol i kalabus i stap yet na wetim De bilong bikpela kot bilong God. –2 Pita
2:4b
Sapos wanpela man i larim wanpela samting i bosim em, dispela man i stap olsem wokboi nating bilong
dispela samting. –2 Pita 2:19b
“Long wanem, sampela man bai i kam na tok giaman olsem, ‘Mi dispela man God i makim bilong kisim bek ol
manmeri bilong en,’ o ‘Mi wanpela profet.’ Na bai ol i wokim ol bikpela mirakel na mekim ol narakain
narakain samting i kamap. Ol i laik paulim olgeta manmeri, na sapos ol inap ol i laik paulim tu ol manmeri
God i makim bilong em yet.” –Matyu 24:24
Heven Mas I Gat Wanpela Laik Tasol—Stretpela Laik Bilong God
Na yupela i no ken wokabaut wankain olsem ol man bilong dispela graun. Nogat. Yupela i mas larim God i
mekim tingting bilong yupela i kamap nupela na bai pasin bilong yupela i kamap nupela tu. Olsem na bai
yupela inap long save tru long laik bilong God. Bai yupela i save long ol pasin i gutpela na long ol pasin God i
laikim tumas na long ol pasin i inap tru na i stret olgeta. –Rom 12:2
OLGETA LOTU EM I PLES BILO�G BIKPELA —5
“‘Mi Bikpela, mi God bilong yupela. Yupela i bin i stap wokboi nating long Isip, na mi kisim yupela na
bringim yupela i kam. Yupela i no ken lotu long narapela god. Yupela i mas lotuim mi wanpela tasol.’” –Lo
5:6,7
Bikpela em i namba wan, olsem na yupela i mas litimapim biknem bilong en. Yupela i mas bringim ofa na go
long haus bilong em. Pasin bilong Bikpela i gutpela tumas na i stretpela olgeta, na dispela pasin i olsem
gutpela bilas bilong em. Olsem na yupela i mas tingim dispela na lotuim em. –1 Stori 16:29
“Yupela i mas lotu long God, em i bin wokim heven na graun na solwara na olgeta hul wara.”–Kamapim Tok
Hait 14:7b
Na Jisas i tokim em, “Satan, yu klia. Buk bilong God i tok, ‘Yu mas aninit long God, Bikpela bilong yu. Na yu
mas lotu long em wanpela tasol.’” –Matyu 4:10
Yupela kam, yumi daunim het na lotu long em. Bikpela i bin wokim yumi. Orait yumi go klostu long em na
brukim skru. (Lukim Stat 1:27.)–Buk Song 95:6
Ol Lain Bilong Bilipim Tok Giaman Bai Lotuim Dispela Bikhet Man
Na olgeta manmeri ol i kirap nogut long lukim dispela wel animal, na ol i bihainim em. Ol manmeri i save
olsem traipela snek i bin givim strong bilong em yet long dispela wel animal, olsem na ol i lotuim dispela snek.
Na ol i lotuim wel animal tu. –Kamapim Tok Hait 13:3b,4a
�O KE� LOTUIM OL LAI� I PAIT LO�G GOD —6
Satan �a Ol Spirit �ogut I Laikim Tumas Ol Manmeri Mas Lotuim Ol
Satan i kisim Jisas gen na i go long wanpela maunten i antap moa. Na Satan i soim em olgeta strongpela kantri
bilong dispela graun wantaim ol gutpela samting bilong ol. Na em i tokim Jisas olsem, “Sapos yu brukim skru
na lotu long mi, orait bai mi givim yu dispela olgeta samting.”–Matyu 4:8,9
-
Ol arapela manmeri, em ol lain dispela tripela samting nogut i no kilim ol i dai, ol i no tanim bel na givim
baksait long ol giaman god ol i bin wokim long han bilong ol yet. Ol i no lusim pasin bilong lotu long ol spirit
nogut na long ol piksa bilong ol giaman god ol man i bin wokim long gol na long silva na long bras na long
ston na long diwai, em dispela ol samting i no save lukluk na i no save harim toktok na i no save
wokabaut.–Kamapim Tok Hait 9:20
God Bai Bagarapim Ol Dispela Kain Lotu Lain
Na ol kain kain strongpela sua nogut tru i kamap long skin bilong ol man i gat mak bilong wel animal na i save
lotu long piksa bilong en. Na man i sindaun long sia king em i lukim pasin olgeta wan wan man i bin mekim,
na em i skelim ol long kot bilong en. Na bihain em i tromoi Dai wantaim Ples bilong ol man i dai pinis i go
daun long dispela bikpela hul i gat paia. Dispela bikpela hul i gat paia em i namba 2 dai.–Kamapim Tok Hait
16:2b; 20:13b,14
OL E�SEL BILO�G KRAIS �A OL E�SEL BILO�G SATA� —7
Strong Bilong Ol Ensel Bilong Bikpela I Winim Strong long Ol Ensel Bilong Satan
Yupela olgeta ensel bilong Bikpela, yupela i gat bikpela strong. Yupela i save bihainim tok bilong em, yupela i
save putim yau gut long tok bilong en. Orait yupela i mas litimapim nem bilong Bikpela. –Buk Song 103:20
Orait nau bikpela pait i kirap long heven. Maikel wantaim ol ensel bilong en ol i pait long dispela traipela
snek. Na snek wantaim ol ensel bilong en ol i bekim pait long ol, tasol ol i no gat strong bilong winim pait.
–Kamapim Tok Hait 12:7,8a
Ol ensel ol i spirit, na ol i save mekim wok bilong God. God i save salim ol i go bilong helpim ol man em i laik
kisim bek ol. –Hibru 1:14
Bikpela bai i givim wok long ol ensel bilong was long yu long olgeta wokabaut bilong yu. Na bai ol i karim yu
long han bilong ol, nogut wanpela ston i sutim lek bilong yu. –Buk Song 91:11,12
Ol Ensel I Bin Pundaun (spirit nogut) I Laikim Stret long Karim Ol Man long Ples Paia
Holi Spirit i tok klia olsem, long dispela taim i laik kamap bihain sampela man bai i lusim bilip bilong ol, long
wanem, ol bai i putim yau long tok bilong ol spirit bilong giaman na ol spirit nogut na bihainim tok bilong ol.
–1 Timoti 4:1
HUSET �A WA�EM SAMTI�G SATA� I �O SAVE LAIKIM LIKLIK —8
Man, Huset God I Bin Mekim Kamap long Piksa Bilong Em
Na taim pikinini i wokabaut i kam klostu long Jisas, dispela spirit nogut i tromoi em i go daun na i mekim em i
guria nogut tru. Tasol Jisas i krosim dispela spirit nogut, na i mekim orait pikinini na i givim em bek long papa
bilong en.
–Luk 9:42
Krais (God Em I Kamap Man Tru), Wantaim Kisim Bek �a Holi Blut
Taim Herot...bel bilong en i hat moa. Na em i salim sampela man i go long taun Betlehem na long ol ples i stap
klostu long taun, na ol i kilim i dai olgeta pikinini man i no winim tupela krismas yet. Herot i bin askim gut ol
saveman wanem taim tru dispela sta i bin kamap, long wanem, em i gat tingting bilong kilim i dai ol pikinini ol
mama i bin karim long dispela taim.–Matyu 2:16
Tok Bilong God-Satan I Save Senisim �abaut
-
“Ating God i tambuim yutupela long kaikai pikinini bilong olgeta diwai bilong gaden, a?” Orait na snek i
tokim meri olsem, “Nogat. Yutupela i no inap i dai.” –Stat 3:1b,4
Ol Lain I Bilip long Spirit �a Kamap �upela
Satan, dispela birua bilong yupela, em i olsem wanpela laion i singaut strong. Oltaim em i save raun bilong
painim ol manmeri bilong kaikai.–1 Pita 5:8b
SATA�, EM SAVE MEKIM OLSEM EM I GOD —9
Mekim Olsem Em I Papa Bilong Samting
Na olgeta samting God i no laik tru long en na God i laik rausim, dispela ol samting bai i no i stap moa. Sia
king bilong God na Pikinini Sipsip em bai i stap long dispela taun. Na ol wokman bilong God bai i lotu long
em, na ol bai i lukim pes bilong em. Na em bai i raitim nem bilong en long pes bilong ol. –Kamapim Tok Hait
22:3,4
(Lukim Giaman Bilong Satan long, pes 35.)
Senisim Tok Tru Wantaim Tok Giaman
Sampela man i wok long paulim tingting bilong yupela tasol, na ol i laik senisim nabaut gutnius bilong Krais.
–Galesia 1:7b
Mekim Olsem Em I Wokman Bilong Bikpela
Dispela ol man ol i giaman aposel na giaman wokman. Ol i save senisim pasin bilong ol bilong mekim ol man i
ting ol i stap aposel tru bilong Krais. Na yupela i no ken kirap nogut long dispela pasin ol i mekim. Yumi save,
Satan yet i save senisim pasin bilong en na kamap olsem ensel bilong lait. –2 Korin 11:13,14
Ol Mirakel Bilong God I Pait Long Ol Giaman Samting I Luk Gutpela
(2 Te. 2:9; KTH 13:13, 14; 19:20.)
Olsem Krais i save bosim man taim dispela man i lotuim Em tru, Satan i save bosim ol manmeri taim ol i
lotuim em na ol god giaman bilong em.
God, Bikpela bilong mipela, ol arapela bikman i bin bosim mipela. –Aisaia 26:13a
STAP LO�GWE LO�G OL GIAMA� GOD —10
Ol liklik pikinini bilong mi, yupela i mas i stap longwe long olgeta giaman god. –1 Jon 5:21
“Yupela i mas bihainim mi wanpela tasol. Yupela i no ken bihainim ol giaman god. Yupela i no ken wokim
wanpela giaman god, na yupela i no ken wokim piksa bilong wanpela samting i stap long heven o i stap long
graun o insait long wara i stap aninit long graun. Yupela i no ken brukim skru long wanpela giaman god o
piksa na lotuim em. –Kisim Bek 20:3-5a
God i no save laikim ol giaman god. �o ken kilim man na kukim antap long alta olsem ofa.
Taim yupela i kisim dispela kantri pinis, yupela i mas bagarapim olgeta ples we ol manmeri i save lotu long ol
giaman god. Em ol ples i antap long ol bikpela na liklik maunten, na aninit long ol bikpela diwai. Taim yupela i
lotu long God, Bikpela bilong yumi, yupela i no ken mekim wankain pasin olsem ol haiden i save mekim long
lotu bilong ol. Nogat. Long taim ol i lotu long ol giaman god bilong ol, ol i save mekim ol kain kain pasin
nogut Bikpela i no laikim tru. Ol i save mekim olsem. Ol i kilim pikinini bilong ol yet na kukim antap long alta
olsem ofa. –Lo 12:2,31
-
Ating bai mi kilim namba wan pikinini bilong mi olsem ofa, bilong God i ken tekewe sin bilong mi? Nogat tru.
–Maika 6:7b
Blut bilong Krais i rausim sin.
LOTUIM OL GIAMA� GOD —11
Olkain manmeri olsem ol i bin lusim tok tru bilong God na senisim na kisim tok giaman. Na ol i bin givim
baksait long God i bin mekim kamap olgeta samting, na ol i lotu long ol samting God i bin wokim, na ol i
aninit long ol dispela samting. Tasol God em i as bilong olgeta samting, olsem na yumi man yumi mas
litimapim nem bilong God oltaim oltaim. I tru. –Rom 1:25
God bilong yumi i stap long heven. Sapos em i laik mekim wanpela samting, orait em i save mekim tasol. Ol
arapela lain i bin wokim ol giaman god bilong ol long gol na silva. Ol man tasol i bin wokim ol. Ol giaman god
i gat maus, tasol ol i no inap toktok. Ol i gat ai, tasol ol i no inap lukluk. Ol i gat yau, tasol ol i no inap harim
toktok. Ol i gat nus, tasol ol i no inap smelim samting. Ol i gat han, tasol ol i no inap holim samting. Na ol i gat
lek, tasol ol i no inap wokabaut. Na ol i no inap mekim wanpela singaut na wanpela krai. Ol man i wokim ol
giaman god, ol i ken kamap wankain olsem ol giaman god ol i bin wokim. Na ol manmeri i save bilip long ol
giaman god, ol tu i ken kamap olsem. –Buk Song 115:3-8
Stap longwe long pasin bilong lotu long ol giaman god. –1 Korin 10:14b
“Ol man i lotu long ol giaman god na olgeta man i mekim tok giaman, ol bai i go long ples bilong ol, em
dispela bikpela hul i gat hatpela paia i lait long ol ston salfa. Dispela em i namba 2 dai.” –Kamapim Tok Hait
21:8b
GOD I �O LAIKIM TAIM OL MA�MERI I LOTUIM OL GIAMA� GOD (SATA�) —12
�ogat long Giaman God I Stap long Haus Bilong Yu!
“Yupela i mas kukim olgeta giaman god bilong ol. Na yupela i no ken aigris long ol gol na silva ol i save putim
bilong bilasim ol giaman god bilong ol. Yupela i no ken kisim ol dispela samting, long wanem, Bikpela i no
laikim tru ol giaman god. Nogut yupela i kisim na yupela i dai. Yupela i no ken bringim ol dispela giaman god i
kam insait long haus bilong yupela. God i tok, ol dispela samting i mas bagarap, na sapos yupela i kisim bai
yupela i bagarap wantaim.” –Lo 7:25,26a
Bilong wanem plenti long dispela kantri God yet i bin makim ol i pulap long spirit nogut long ministry
bilong Jisas? Ol tumbuna bilong ol i lotuim ol giaman god!
Na ol i lotu long ol giaman god na dispela i mekim God i bagarapim ol. Ol i kilim pikinini man na pikinini meri
bilong ol na ofaim long ol giaman god. Orait nau Bikpela i kros tru long ol manmeri bilong em, na em i no
laikim ol moa.
–Buk Song 106:36, 37 na 40
“Yupela i no ken brukim skru long wanpela giaman god o piksa na lotuim em, long wanem, mi Bikpela, mi
God bilong yupela, na mi no inap larim wanpela giaman god i senisim mi. Nogat tru. Na ol manmeri i no laik
tru long mi, ol i gat asua long dispela samting na mi bai mekim save long ol na long 3-pela na 4-pela lain
tumbuna bilong ol i kamap bihain.” –Kisim Bek 20:5
OLGETA SA�GUMA EM I SI� —13
-
“Yupela i mas kilim i dai ol meri i save mekim posin.” –Kisim Bek 22:18
“Sapos yupela i laik kisim gutpela tingting, orait yupela i no ken i go askim ol man i save toktok wantaim
tewel bilong ol man i dai pinis, long kisim tingting long ol tewel na givim long yupela. Sapos yupela i mekim
olsem bai yupela i kamap doti tru long ai bilong mi.”–Wok Pris 19:31a,b
Bai mi rausim olgeta marila na posin samting bilong yupela, na bai mi no larim ol glasman bilong yupela i stap
moa. –Maika 5:12
“Pasin bilong sakim tok bilong God i wankain olsem pasin sanguma, na pasin bilong bikhet long God i olsem
pasin bilong bihainim ol giaman god.” –1 Samuel 15:23a
Na Moses i tok moa olsem, “Taim yupela i kamap long dispela kantri God, Bikpela bilong yumi, i laik givim
long yupela, orait yupela i no ken bihainim pasin nogut tru bilong ol lain man bilong dispela hap. Yupela i no
ken kilim pikinini bilong yupela na kukim long paia antap long ol alta. Na yupela i no ken larim ol manmeri
bilong yupela i mekim olkain pasin bilong glasman, na pasin tambaran na pasin sanguma na wokim posin na
mekim marila. Na yupela i no ken toktok wantaim tewel bilong ol man i dai pinis. God, Bikpela bilong yumi, i
no laikim tru ol manmeri i save mekim ol dispela kain pasin nogut.” –Lo 18:9-12a
Sanguma: Pasin bilong lukim wanem samting bai kamap bihain long singautim ol tewel bilong man i dai pinis;
blak pawa.
TOKAUT LO�G WA�EM SAMTI�G BAI KA- —14
MAP BIHAI� WA�TAIM HELPIM BILO�G SATA�
God I Tok Tambu Tru long Lukim Skai long Stiam Laip, Wokim Poson, �a Katim Ol Makmak long Skin
“Yupela i no ken kaikai mit i gat blut. Na yupela i no ken wokim kain kain posin na mekim pasin sanguma
samting. Yupela i no ken katim ol makmak long skin bilong yupela. Na yupela i no ken katim skin bilong
yupela bilong sori long man o meri i dai pinis. Mi Bikpela, mi tambuim yupela long mekim ol dispela
pasin.”–Wok Pris 19:26 na 28
“Kwiktaim bai mi kotim ol man i save wokim posin na ol man i save bagarapim marit na ol man i save autim
tok giaman long kot na ol bosman i no save baim gut ol wokman bilong ol na ol man i save trikim na kisim
olgeta samting bilong ol meri, man bilong ol i dai pinis, na bilong ol pikinini, papa bilong ol i dai pinis, na
bilong ol man bilong ol arapela kantri.” –Malakai 3:5b
Ol man i save askim ol giaman god na ol glasman long toksave long ol long wanem ol samting bai i kamap
bihain. Tasol ol i save bekim tok giaman na rabis tok long ol. Sampela man i save autim as bilong driman, na
ol tu i giamanim yupela. Ol i tok bai yupela i kisim bel isi, tasol nogat.–Sekaraia 10:2a,b
Kamapim Tok Hait: Lukluk long wanem samting bai kamap bihain wantaim ol giaman samting.
Manmeri i Wokim Poson: Ol i mekim majik wantaim helpim bilong spirit nogut.
GIVIM BEKSAIT LO�G OLGETA —15
PASI� BILO�G KAMAPIM TOK HAIT
Toktok Wantaim Tewel Bilong Man I Dai Pinis long Painimaut Wanem Samting
Bai Kamap Bihain
-
Ol manmeri bai i tokim yupela long i go long ol dispela man na meri i save toktok wantaim tewel bilong ol
man i dai pinis, na kisim tingting bilong ol. Dispela ol lain i save toktok olsem ol longlong man na mekim kain
kain nois long maus bilong ol...Ol i mas i go long God bilong ol. –Aisaia 8:19
Askim Ol Hap Diwai �ating long Kamapim Tok Hait
Na ol i askim ol hap diwai nating long kamapim tok hait. Olaman, ol i ting ol dispela hap diwai inap autim tok
long ol samting ol i laik save long en. Ol i lusim mi pinis, na ol i bihainim ol giaman god, olsem wanpela meri i
pamuk nabaut. –Hosea 4:12
I Gat Pe �ogut long Dispela Pasin long Kamapim Tok Hait
Sol i dai, long wanem, em i no bihainim tok bilong Bikpela. Nogat. Em i sakim ol lo bilong Bikpela. Na em i
askim tewel bilong man i dai pinis long soim em wanem rot em i mas bihainim na em i no askim Bikpela long
soim em.
–1 Stori 10:13,14a
Na dispela ol profet i save tokaut long ol samting i laik kamap bihain, ol bai i sem na bel nogut, long wanem,
God i no harim prea bilong ol na i no larim ol dispela samting i kamap.–Maika 3:7
ROT HETMA� I BOSIM DISPELA GRAU� I SAVE BIHAI�IM —16
Ol Haiden I Save Lukluk long Skai long Stiam Laip
Em i tok olsem, “Yupela i no ken bihainim pasin bilong ol arapela lain. Ol i save lukim ol narakain samting i
kamap long skai, na ol i pret nogut tru. Tasol yupela i no ken pret. Nogat.”
–Jeremaia 10:2
No ken bilipim ol pas o pasin marila long pulim samting, na no ken larim ol musik nogut o ol piksa nogut i
bosim laip bilong yu. “Mi no ken orait long pasin nogut.” (Buk Song 101:3a.) Givap long tingim yu moa
yet, na giamanim ol narapela long laip bilong yu, na bilip i dai pinis.
“Lukaut. Yupela i man bilong tupela maus... Ausait bilong matmat...tasol...doti i pulap i stap.” –Matyu 23:27b
Kilim Yu Yet I Kam long Satan
No ken bilipim ol giamin tok i lam long Satan na ol spirit nogut long sapos yu kilim yu yet yu bai stap fri long
ol hevi o pilim yu gat asua long ai bilong God!. “Yupela i no ken kilim i dai ol arapela manmeri” (Kisim Bek
20:13.)
Krais Tasol Inap Mekim Yu Fri long Asua Bilong Yu
(Lukim Pes 48 na 49.)
Bikpela yet i save mekim mi strong, na mi singim song bilong litimapim nem bilong en. Em i save kisim bek
mi, na mi laik litimapim nem bilong en. Em i God bilong papa bilong mi, olsem na mi laik singim song long
biknem bilong en.
–Kisim Bek 15:2
LUKAUT LO�G OL TOK SATA� I BRI�GIM —17
Long Ol Giaman Profet
Na Bikpela i tokim mi olsem, “Ol dispela profet i save autim tok giaman long nem bilong mi. Mi no bin salim
ol i kam, na tu mi no bin givim tok long ol. Dispela tok profet ol i autim long yupela, em i tok giaman i kamap
long tingting bilong ol yet. Ol i tok, ol i bin lukim ol samting olsem driman, tasol ol i giaman. Na ol i tok long
-
ol samting bai i kamap, tasol ol i mauswara nating. –Jeremaia 14:14
Long Toktok Wantaim Ol Man I Dai Pinis
Spirit bilong God i bin kamapim tok, King Devit bin tok long pikinini bilong em, “Tasol nau em i dai
pinis...em i no inap i kam bek long mi.”–2 Samuel 12:23
No ken tok wantaim ol spirit nogut, tokim ol long go tasol. No ken bilipim ol lain i ritim han bilong yu na ol
lain i usim kain kain poson. “Tasol Bikpela wanpela tasol em inap long mekim ol i win” (Sindaun 21:31b.)
Bagarapim Ol Giamin God, Ol Buk Bilong Satan
Na planti manmeri i bin wokim posin na marila samting, ol i bungim ol buk bilong ol i gat tok long pasin bilong
wokim ol dispela samting, na ol i kukim long paia long ai bilong olgeta manmeri. Ol i kaunim pe bilong olgeta
dispela buk, na em inap 50,000 mani silva. Long dispela pasin tok bilong Bikpela i wok strong long ol
manmeri, na i kamap strong long laip bilong ol. Na ol i raun na autim tok long planti hap.–Aposel 19:19,20
(Ritim Stat 35:2-5.)
KRAIS I BI� KAMAPIM MARIT PASI�—SATA� I SAVE PAULIM DISPELA —18
Orait God i wokim wanpela meri long dispela bun em i bin kisim long man, na bihain em i bringim meri i go
long man. Olsem na dispela pasin i kamap. Man i save lusim papamama na i pas wantaim meri bilong en, na
tupela i kamap wanpela bodi tasol. –Stat 2:22,24
Marit em i gutpela samting tru, na yupela ol marit i mas lukautim gut marit bilong yupela, bai em i stap klin tru
long ai bilong God. Yupela i save, God bai i bekim pe nogut long ol manmeri i mekim ol kain kain pasin
pamuk. –Hibru 13:4
Long ol manmeri i marit pinis, mi givim dispela lo. Em i no lo bilong mi yet. Nogat. Em i lo bilong Bikpela.
Em i olsem. Meri i no ken lusim man bilong en. Na sapos em i lusim man pinis, orait em i mas i stap nating.
Sapos nogat, em i ken i go bek na wanbel gen wantaim man bilong en. Na man tu em i no ken rausim meri
bilong en.
–1 Korin 7:10,11
(Lukim Rom 7:2; Mak 10:9.)
Stat long bipo tru, Satan i save mekim sin oltaim, olsem na man i save mekim sin, em i man bilong Satan. –1
Jon 3:8a
Papa Tru Bilong Yu Em Huset Lain Yu Save Harim Tok Bilong En
Ating yupela i no save? Sapos yupela i givim yupela yet long wanpela man na bihainim tok bilong em, orait
yupela bai i stap wokboi bilong em. –Rom 6:16a
PASI� PAMUK �A PASI� BILO�G SLIP —19
WA�TAIM MERI BILO�G �ARAPELA MA� EM
I BIKHETI� PAPA GOD
“Yupela ol marit, yupela i no ken mekim pasin pamuk.” –Kisim Bek 20:14
“Sapos wanpela man i trabel long meri bilong wanpela wantok, orait yupela i mas kilim i dai dispela man na
dispela meri.” –Wok Pris 20:10
Dispela Sin I Mekim �ogut long Bodi Bilong Yu Yet
-
Na ol bodi bilong yumi, ol i no bilong mekim pasin pamuk. Nogat. Bodi em i bilong Bikpela. Na Bikpela em i
bilong bodi. Ating yupela i no save olsem, ol bodi bilong yupela i hap hap bilong bodi bilong Krais? Oltaim
yupela i mas i stap longwe long pasin pamuk. Olgeta arapela sin ol man i save mekim, ol i kamap ausait long
bodi. Tasol man i mekim pasin pamuk, em i mekim nogut long bodi bilong em yet.
–1 Korin 6:13b,15a na 18
Papamama Mas Strong long Pikinini I �o Ken Mekim Marit Pasin Autsait long Marit
“Yupela i no ken mekim pasin bilong ol haiden na larim ol pikinini meri bilong yupela i kamap pamukmeri.
Nogut yupela i mekim olsem na bai yupela i lusim mi na yupela i paul wantaim ol giaman god, na pasim nogut
bai i pulap long olgeta ples bilong yupela.” –Wok Pris 19:29
Pasin Pamuk: Man o meri i no marit i mekim marit pasin wantaim narapela i no marit.
Adultri: Marit man o meri i mekim marit pasin wantaim narapela man o meri i no maritim ol.
TAIM JISAS I DAI EM I WI�IM PAIT WA�TAIM SATA� —20
I olsem. Olgeta man bilong lain bilong Adam ol i save dai. Na olsem tasol olgeta man bilong lain bilong Krais
bai ol i kisim laip. –1 Korin 15:22
Ol dispela pikinini Jisas i tok long en, em ol manmeri tasol. Olsem na Jisas tu i kamap man wankain olsem ol,
bai em i ken i dai, na long dispela pasin em i ken bagarapim Satan, em dispela man i gat strong bilong mekim
ol manmeri i dai. Ol manmeri ol i save pret long dai, na olgeta taim ol i stap long graun, dispela pret bilong ol i
mekim ol i stap olsem ol kalabus bilong Satan. Tasol Jisas em i dai bilong lusim ol long dispela kalabus. –Hibru
2:14,15
Na Pikinini Bilong God i bin kamap ples klia bilong bagarapim na rausim wok bilong Satan.–1 Jon 3:8b
Em i pinisim strong bilong ol strongpela spirit na olgeta kain samting i gat strong. Long diwai kros God i soim
olgeta man olsem em i winim pinis ol dispela samting na i mekim ol i kamap olsem samting nating. –Kolosi
2:15
Insait long Krais Yumi Bai Stap Laip Oltaim Oltaim
Na nau long dispela taim Krais Jisas, em Man bilong kisim bek yumi, em i kamap ples klia pinis. Na long wok
bilong em marimari bilong God tu i kamap ples klia. Krais Jisas i bin pinisim strong bilong i dai, na long
gutnius bilong em, em i mekim olgeta manmeri i save long laip i save stap oltaim. –2 Timoti 1:10
OL KRISTE� BAI WI�IM PAIT WA�TAIM SATA� —21
Satan, dispela birua bilong yupela, em i olsem wanpela laion i singaut strong. Oltaim em i save raun bilong
painim ol manmeri bilong kaikai. Tasol yupela i mas i stap strong long bilip na sakim em. –1 Pita 5:8b,9a
Yupela i mas pasim olgeta klos pait God i save givim long yumi, na bai yupela inap long sanap strong na
sakim olgeta kain pasin bilong trik na giaman Satan i save hait na mekim. Pasim tok tru olsem let bilong
yupela, na pasim stretpela pasin olsem siot kapa i karamapim bros bilong yupela, na yupela i mas redi long
autim gutnius bilong God i laik wanbel wantaim ol manmeri, na putim dispela pasin olsem su bilong yupela.
Yupela i mas kisim dispela olgeta samting bilong pait, na yupela i mas kisim tu pasin bilong bilip, na holim
strong olsem hap plang, bai yupela inap long mekim i dai olgeta spia pala dispela man nogut Satan i save sutim
i kam long yupela. Yupela i mas tingting long God i sisim bek yupela pinis, na dispela tingting i mas i stap
olsem hat kapa yupela i putim. Na yupela i mas holim bainat bilong Holi Spirit, em tok bilong God Yupela i
-
mas pre oltaim...Oltaim yupela i mas was gut.–Efesus 6:11, 14b-18a
Olsem na yupela i mas daunim yupela yet na i stap aninit long God. Yupela i mas sakim Satan, na em bai i
lusim yupela na ranawe. –Jems 4:7
Dispela Spirit [Krais] i stap insait long yupela em i winim spirit [Satan] i stap insait long ol man bilong graun.
–1 Jon 4:4b
Bilong wanem Satan bai ranawe: bikos Krais Em i stap insait!
KRAIS EM I GAT �AMBA —22
Em I �ek Bilong Bikpela
Long taim bilong las de, God i bin autim tok long yumi long maus bilong Pikinini Man bilong em. God i
makim dispela Pikinini pinis bilong kisim olgeta samting, na long han bilong en God i bin mekim kamap
dispela graun tu. –Hibru 1:2b
Ol i harim tok bilong em, na ol i kirap nogut tru, long wanem, em i no skulim ol olsem ol saveman bilong lo i
save mekim. Nogat. Em i skulim ol olsem man i gat namba. –Mak 1:22
Yumi gat wanpela God tasol, em God Papa. Em i as bilong olgeta samting, na yumi stap olsem ol manmeri
bilong em stret. Na i gat wanpela Bikpela tasol, em Jisas Krais. Em i bin wokim olgeta samting, na yumi bin
kisim laip long em.
–1 Korin 8:6
Em i Pikinini Bilong Man, olsem na Papa i givim namba long em bilong kotim ol manmeri na skelim pasin
bilong ol. –Jon 5:27
Na nau Krais i go pinis long heven, na em i stap long han sut bilong God. Na ol ensel na ol strongpela spirit na
olgeta samting i gat strong, olgeta i stap aninit long em. –1 Pita 3:22
Na Krais tu i dai na i kisim laip gen bai em i ken i stap Bikpela bilong ol man i dai pinis na bilong ol man i stap
laip. –Rom 14:9
Na Jisas i kam klostu na i tokim ol olsem, “God i givim mi bikpela namba na strong bilong bosim olgeta
samting long heven na long graun.”–Matyu 28:18
KRAIS I SAVE MEKIM TOK �A MEKIM OL —23
SAMTI�G WA�TAIM STRO�G BILO�G
MA� I GAT �AMBA
Na Jisas i kirap, na i krosim win, na i tokim wara olsem, “Inap nau. Yu pinis! Yu dai nau!” Na win i dai, na
wara i no mekim nais liklik. –Mak 4:39
“Tasol mi laik bai yupela i save olsem, Pikinini Bilong Man em i gat strong long dispela graun, na em inap
long lusim ol sin.” Orait na Jisas i lukluk i go long dispela man bun bilong en i dai olgeta, na i tokim em olsem,
“Mi tokim yu, yu kirap na kisim bet bilong yu, na yu go long haus bilong yu.” Na dispela man i kirap na long
ai bilong olgeta manmeri em i kisim bet bilong en kwiktaim na i wokabaut i go. Na olgeta manmeri i kirap
nogut tru, na ol i litimapim nem bilong God.–Mak 2:10-12a
-
Na spirit nogut i sakim dispela man, na i singaut bikmaus tru, na i lusim dispela man. Na olgeta manmeri i
kirap nogut, na ol i toktok namel long ol yet olsem, “Wanem samting i kamap nau? Dispela man i autim
wanpela nupela tok, na em i autim tok olsem man i gat namba. Na taim em i givim tok long ol spirit nogut, ol i
save harim tok bilong en.” –Mak 1:26,27
Na em i go klostu, na i putim han long bet ol i karim bodi long en. Na ol man i karim dispela bet ol i sanap. Na
Jisas i tok, “Yangpela man, mi tokim yu, yu kirap.” Na dispela man i dai pinis, em i kirap na i sindaun, na em i
stat long toktok. Na Jisas i givim em bek long mama bilong en.–Luk 7:14,15
KRAIS I SAVE GIVIM STRO�G BILO�G MA� —24
I GAT �AMBA LO�G OL LAI� I BIHAI�IM EM
�A PAWA BILO�G WI�IM OLGETA PAWA
BILO�G DISPELA BIRUA BILO�G OL
Harim. Mi givim pinis strong long yupela, na yupela bai inap krungutim ol snek na ol binatang bilong
bagarapim man, na yupela inap winim olgeta strong bilong Satan, dispela birua bilong yupela. Na bai i no gat
wanpela samting em inap long bagarapim yupela. –Luk 10:19
Jisas i singautim ol 12-pela aposel i kam, na em i givim bikpela strong na namba long ol, bilong ol i ken rausim
olgeta spirit nogut i stap long ol manmeri na ol i ken mekim orait ol manmeri i gat olgeta kain sik. –Luk 9:1
“Tru tumas mi tokim yupela, man i bilip long mi, bai em tu i mekim olkain wok mi save mekim. Na bai em i
mekim ol bikpela wok i winim wok mi bin mekim, long wanem, mi go long Papa.”–Jon 14:12
Na Jisas i tokim em olsem, “Bilong wanem yu tok, ‘sapos yu inap’? Sapos yu bilip, yu inap long mekim olgeta
samting.” –Mak 9:23
Na bai yupela i ken save olsem, dispela strong bilong God oltaim em i wok long helpim yumi ol manmeri i
bilip long em, em i bikpela moa moa yet. Yumi no inap tru long skelim strong bilong en. Na dispela bikpela
strong bilong God i save wok long yumi. –Efesus 1:19
Krais i save strongim mi, na long strong bilong em mi inap mekim olgeta samting. –Filipai 4:13
ROT LO�G LUSIM OL SPIRIT �OGUT —25
Em i singaut olsem, long wanem, Jisas i bin tokim em olsem, “Yu spirit nogut, yu mas lusim dispela man.”
Orait Jisas i askim em olsem, “Wanem nem bilong yu?” Na em i tok, “Nem bilong mi Ami. Long wanem,
mipela i bikpela lain.” Na ol i go insait long ol pik. Na ol dispela lain pik i ran strong tru i go daun long
wanpela ples nogut. Na ol i pundaun long raunwara, na ol i dring wara na i dai. Namba bilong olgeta pik em
inap olsem 2,000. –Mak 5:8, 9 na 13b
Jisas...i krosim dispela spirit nogut olsem, “Yu spirit mauspas na yaupas, mi tokim yu, yu mas lusim dispela
pikinini. Na yu no ken i go insait long em gen.” Na dispela spirit i singaut nogut, na em i sakim pikinini moa
yet, na em i lusim em na i go. Na pikinini i stap olsem em i dai pinis. Na planti man i lukim na i tok, “Em i dai
pinis.” Tasol Jisas i holim han bilong en na i kirapim em, na em i sanap. ...“Pasin bilong prea tasol em inap
long rausim dispela kain spirit. I no gat narapela rot.” –Mak 9:25b-27 na 29b
Pol...tanim na i tokim dispela spirit, “Long nem bilong Jisas Krais, mi tokim yu, yu lusim dispela meri na yu
go.” Na wantu dispela spirit i lusim meri na i go. –Aposel 16:18b
-
Tasol Jisas i krosim dispela spirit nogut na i tokim em olsem, “Yu pasim maus na yu lusim dispela man.” Na
dispela spirit nogut i mekim dispela man i pundaun long graun namel long ol, na bihain spirit i lusim em, na i
no bagarapim em. –Luk 4:35
�EM BILO�G JISAS EM I A�TAP LO�G OL �ARAPELA �EM —26,27
Long dispela as tasol God i litimapim Jisas na mekim em i stap antap tru. Na God i givim em wanpela nem i
gutpela tru na i winim olgeta arapela nem. Em i givim dispela nem long Jisas, bai olgeta ensel na olgeta man
na ol arapela samting i stap long heven na long graun na aninit long graun ol i ken brukim skru.–Filipai 2:9,
10a
Na olgeta samting yupela i askim long nem bilong mi, em bai mi mekim. Olsem na Papa bai i kisim biknem
long Pikinini bilong en.–Jon 14:13
Beksait long taim mi bin kisim ol famili bilong mi i go bek long Afrika long mekim wok bilong Krais, mi bin
kirap wanpela nait na painim wanpela spirit nogut i slip antap long mi. Taim mi movim skru long lek bilong mi
long painim aut em i tru o nogat, em i movim skru bilong mi bek kwiktaim wantaim bikpela strong, na
kwiktaim tru em i laik holimpas long nek bilong mi. Mi gat taim long singaut tripela tok tasol, “Jisas helpim
mi!” Wantu em i go pinis na nogat narapela taim dispela i kamap inap long 50 yia. I gat bikpela strong long
nem bilong Jisas Krais long Satan na long ol spirit nogut! Singaut long name bilong Krais long Em ken kisim
bek yu na rausim yu long pawa bilong ol spirit nogut (Rom 10:13).
Wanpela meri i tokim meri bilong mi na mi long taim em i stap long koles, wanpela yangpela man i kisim em i
go long wokabaut klos tu long rot bilong tren. Long wanpela hap em i trai long kilim em, na mekim dispela luk
olsem wanpela tren i bin kilim em. Dispela meri tok strong long em long nem bilong Jisas Krais na em i nogat
pawa long winem em. Long pawa bilong Jisas dispela meri i mekim dispela yangpela man i go pas na tupela i
go bek long koles.
Narapela meri tokim mitupela long taim em i stap yangpela em bin opim apatmen bilong em long ol ken
wokim wanpela pati long wokim majik na save wanem samting bai kamap bihain. Beksait long dispela taim ol
spirit nogut movim ol sia samting nabaut long apatmen bilong em. Em painim hatpela taim tru na em i nogat
narapela rot long rausim ol dispela spirit nogut na em i rausim ol long nem bilong Jisas. Bihain long dispela
taim, em givim em yet i go olgeta long Jisas Krais.
*o ken pilim sori na marimari long Satan na ol spirit nogut. Ol i gat wanpela as tasol em long mekim yu stap
long sait bilong ol i no long sait bilong God. Wanpela lapun Kristen man, i no gat strong long bodi na tu
tingting bilong em i paul, em bin tokim mi long ol samting Satan bin tokim em. Em i gat strongpela tingting
long “traim dispela samting.” Mi tokim em long Satan em i masta long giamanim ol manmeri na yu no ken
bilipim wanpela tok bilong em. Mi tok strong long Satan long nem bilong Jisas Krais i gat olgeta strong.
Dispela man i tok, “mi amamas yu bin kam tonait.” Em i gat bel isi inap long faivpela wik bihain na em i dai.
–Watson Gutman (1920-2002)
SKELIM PASI� BILO�G KRAIS WA�TAIM PASI� BILO�G SATA� —28,29
Krais Em I God I Bin Mekim Kamap Olgeta Samting
Long han bilong dispela Pikinini, God i bin wokim olgeta samting long heven na long graun. Em i wokim
olgeta samting yumi save lukim na samting yumi no inap lukim. –Kolosi 1:16a
Krais I Save Givim Lait �a Bel Isi
“Bilong givim lait long ol man i stap long ples tudak. Bai em i stiaim lek bilong yumi, na bai yumi wokabaut
long rot bilong bel isi.” –Luk 1:79
-
Bikpela, em i as bilong pasin bilong bel isi, oltaim em i ken mekim yupela i stap bel isi long olgeta samting. –2
Tesalonaika 3:16a
Ol Spirit �ogut �a Satan I Save Bagarapim Ol Samting
“Stilman i no save kam bilong mekim narapela samting. Nogat. Em i kam bilong stilim ol sipsip na bilong kilim
ol i dai na bagarapim ol.”–Jon 10:10a
Tasol yu graun...lukaut...Satan i go daun pinis long yupela, na em i belhat nogut tru.”–Kamapim Tok Hait
12:12b
Satan I Save Givim Tudak, Pret
Rot bilong ol man nogut i tudak olsem biknait.–Sinduan 4:18a
“Na dispela maniman em tu i dai, na ol i planim em. Em i stap long ples bilong ol man i dai pinis na em i gat
bikpela pen. Em i lukluk i go antap.” –Luk 16:22b, 23a
Krais Em I Tok Tru
Tok em i bin kamap man, na em i kam i stap namel long mipela. Mipela i lukim pinis bikpela namba na strong
bilong em. Em i namba bilong dispela wanpela Pikinini tasol, Papa i salim em i kam. Marimari na pasin i tru i
pulap long em.
“Sapos yupela i holim strong tok bilong mi, orait yupela bai i stap ol disaipel tru bilong mi. Na yupela bai i
save long tok tru, na tok tru bai i mekim yupela i kamap fri.” –Jon 1:14 na 8:31b, 32
Krais Em I Pulap long Laikim �arapela
Jisas i lusim laip bilong em yet na i dai bilong helpim yumi, na dispela pasin bilong en i soim yumi pinis long
pasin bilong laikim tru ol arapela. –1 Jon 3:16a
Yumi save laikim ol arapela, long wanem, God i bin laikim yumi pastaim. –1 Jon 4:19
Satan Em I Papa Bilong Tok Giaman
Yupela i pikinini bilong papa bilong yupela, em Satan. Na yupela i strong long bihainim ol laik bilong papa
bilong yupela. Bipo yet em i stap man bilong kilim ol man i dai. Na em i no bihainim pasin i tru, long wanem,
pasin i tru em i no i stap long em. Tok giaman em i save mekim, dispela em i tok bilong em stret. Em i man
bilong tok giaman, na em i papa tru bilong pasin bilong tok giaman. –Jon 8:44
Satan I Save Mekim Man I �o Laikim �arapela
Jisas i tok moa olsem, “Sapos ol manmeri bilong graun i birua long yupela, orait yupela i no ken lusim tingting,
pastaim ol i bin birua long mi tu.” –Jon 15:18
SKELIM PASI� BILO�G KRAIS WA�TAIM PASI� BILO�G SATA� —30
Krais I Save Mekim Bel Bilong Man Kamap Klin
Tasol sapos yumi wokabaut long lait, long wankain pasin olsem em i stap long lait, orait yumi stap wanbel
wantaim ol arapela manmeri bilong God. Na blut bilong Jisas, Pikinini Bilong God, em i save rausim olgeta sin
bilong yumi na yumi kamap klin. –1 Jon 1:7
Krais I Save Givim Laip I Stap Oltaim Oltaim
Na laip bilong i stap gut oltaim, em i olsem. Ol man i kisim dispela laip, ol i save long yu, yu wanpela tasol yu
-
God tru. Na ol i save long Jisas Krais, em yu bin salim i kam. –Jon 17:3
Satan I Save Mekim Bel Bilong Man I Sting
Nogut yupela i giamanim yupela yet na yupela i ting yupela inap long trikim God. Yupela bai i no inap tru. Yu
planim pikinini bilong wanem kain kaikai, em dispela kain kaikai tasol bai i kamap long gaden bilong yu.
Sapos wanpela man i bihainim ol laik bilong olpela bel bilong em yet, orait dispela pasin bilong olpela bel bai i
kamapim kaikai nogut na em bai i bagarap olgeta.–Galesia 6:7, 8a
Satan Bai Bringim Yu I Go long Dai I Stap Oltaim Oltaim
Na gras nogut, em ol manmeri bilong Satan. Dispela birua i tromoi pikinini bilong gras nogut, em Satan...gras
nogut...kukim long paia.–Matyu 13:38b-40a
SATA� �A PAWA BILO�G EM LO�G GRAU� —31
“Mi no inap mekim planti toktok moa wantaim yupela, long wanem, dispela hetman i save bosim dispela
graun em i kam nau. Em i no gat strong bilong mekim wanpela samting long mi.”–Jon 14:30
Satan Em I Hetman. Sapos Ol Samting I �o Stret, Sutim Tok long Em
Dispela kain save em i no kam daun long heven. Nogat. Em i samting bilong dispela graun tasol. Em i save
kamap long olpela bel, na Satan em i papa bilong en. Harim. Ol man i save bel nogut long ol arapela man, na
oltaim ol i save painim rot bilong apim nem bilong ol yet, ol dispela man i no save sindaun gut, na ol i save
mekim olgeta kain pasin nogut. –Jems 3:15,16
Taim Satan inap long mekim, em bai bagarapim dispela stap fri long lotuim Krais.
Taim ol i wok long tromoi ston long Stiven, Stiven i prea olsem, “Bikpela Jisas, yu kisim spirit bilong mi.” Na
em i brukim skru na i singaut strong moa, “Bikpela, yu no ken bekim dispela sin long ol.” ...na em i dai.
–Aposel 7:59,60
Gavman Bilong Krais long Graun
Dispela king bai i stap senis bilong King Devit, na em bai i sindaun long sia king bilong Devit na bosim ol
manmeri. Strong bilong gavman bilong en bai i wok long kamap bikpela oltaim, na bai i no gat pait na ol
manmeri bai i sindaun gut oltaim. Long wanem, dispela king em i king bilong mekim gutpela na stretpela pasin
tasol, na dispela pasin bilong en bai i mekim em i stap strongpela king, nau na olgeta taim bihain. –Aisaia 9:7a
BIRUA BILO�G KRAIS—HETMA� HUSET BAI BOSIM GRAU� BIHAI� —32
Ol brata, nau mipela i laik tok long Bikpela bilong yumi Jisas Krais em bai i kam bek gen, na bai yumi bung
wantaim em....Yupela i no ken larim wanpela man i giamanim yupela long tok bilong en o long pasin em i
mekim. Harim. Dispela De i no inap kamap nating. Nogat. Pastaim planti man bai i bikhet na givim baksait
long God. Na man bilong sakim lo bai i kamap ples klia, em dispela man bilong bagarap long hel. Em bai i
birua long olgeta samting ol man i save lotu long en na kolim olsem god bilong ol. Na em bai i hambak na
litimapim nem bilong em yet na daunim dispela olgeta samting. Olsem na em bai i sindaun insait long haus
bilong God, na em bai i autim tok olsem, “Mi yet mi God.” Na long dispela taim dispela man bilong sakim lo
em bai i kamap ples klia. Na Bikpela Jisas bai i kilim em i dai long win bilong maus bilong em yet. Bikpela bai
i kamap ples klia wantaim bikpela lait bilong en, na long dispela lait yet em bai i bagarapim tru dispela man
bilong sakim lo.–2 Tesalonaika 2:1a,3, 4,8
Na dispela snek i givim strong bilong em yet long dispela wel animal. Em i mekim em i stap king olsem em
-
yet, na em i givim bikpela strong long em. Na em i kisim strong bilong bosim ol manmeri bilong olgeta lain
man na bilong olgeta kantri na bilong olgeta tok ples na bilong olgeta kain skin. –Kamapim Tok Hait 13:2b na
7b
BIRUA BILO�G KRAIS BAI PAIT WA�TAIM OL MA�MERI BILO�G GOD —33
Na bai em i tok nogut long God Antap Tru na daunim ol manmeri bilong en. Na em bai traim long senisim ol
lo bilong lotu na bilong ol bikpela de bilong lotu. Na em bai i bosim ol manmeri bilong God inap long 3 na hap
yia. –Daniel 7:25
Em i gat strong bilong mekim dispela pasin inap long 42 mun. Olsem na em i opim maus bilong en na em i tok
bilas long God. Em i tok nogut long nem bilong God na long ples bilong God na long ol lain bilong God i stap
long heven. Na God i larim em na em i pait long ol manmeri bilong God, na em i winim pait na i daunim ol. Na
em i kisim strong bilong bosim ol manmeri bilong olgeta lain man na bilong olgeta kantri na bilong olgeta tok
ples na bilong olgeta kain skin. Olgeta manmeri long graun, nem bilong ol i no i stap long buk bilong laip long
taim God i no mekim graun i kamap yet, ol bai i lotu long dispela wel animal. Dispela buk bilong laip, em buk
bilong Pikinini Sipsip, bipo ol i bin kilim em i dai. Man i gat yau, em i mas harim gut dispela tok. –Kamapim
Tok Hait 13:5b-9
Man i bilip long Krais, em i olsem man i ran long resis. Olsem na yu mas ran strong long dispela gutpela resis
na bai yu kisim laip i stap gut oltaim oltaim. Long taim yu bin sanap stong na autim bilip bilong yu long ai
bilong planti man, God i bin singautim yu bilong kisim dispela laip.–1 Timoti 6:12
�O KE� LOTUIM PIKSA BILO�G BIRUA BILO�G KRAIS —34
Hetman bilong bosim ol sios long graun bai helpim Birua Bilong Krais i giamanim ol manmeri long
graun. Lotuim o Dai!
God i larim em i wokim ol kain kain mirakel long ai bilong namba wan wel animal, na long dispela pasin em i
giamanim ol manmeri bilong graun. Em i tokim ol manmeri olsem, “Yupela i mas wokim piksa bilong dispela
wel animal, bilong litimapim nem bilong en. Em dispela wel animal bipo bainat i bin kilim em, tasol em i stap
laip yet.” Na God i larim em na em i givim win bilong laip long piksa bilong wel animal, na dispela piksa i
mekim toktok. Na sapos sampela man i no laik lotu long piksa bilong wel animal, orait em i gat strong bilong
kilim ol i dai. Tasol em i kalabusim dispela wel animal wantaim giaman profet...Wel animal wantaim giaman
profet, tupela i stap laip yet, na ol i tromoi tupela i go daun long dispela bikpela raunpela hul...ol i paia i stap.
–Kamapim Tok Hait 13:14,15 na 19:20
Ol Manmeri Bilong God I Givim Beksait long Ol Giaman god
“Sapos yu mekim long mipela olsem yu tok, orait God bilong mipela em inap long helpim mipela long abrusim
paia na strong bilong yu, na em bai i helpim mipela. Tasol sapos em i no helpim mipela, maski, mipela i no
inap lotu long ol god bilong yu, na tu mipela i no inap brukim skru long dispela piksa gol yu bin
sanapim.”–Daniel 3:17b,18
BIRUA BILO�G KRAIS: STAP A�A�IT O STAP HA�GRI —35
Orait namba 2 wel animal i tok na ol i putim wanpela mak long han sut na long pes bilong olgeta manmeri,
maski ol i manmeri nating o ol i gat nem, na maski ol i gat planti mani o ol i stap rabis, na maski ol i stap fri o
ol i wokboi na wokmeri nating. Na sapos man i no gat dispela mak bilong nem bilong wel animal o sapos em i
no gat namba bilong nem bilong en, orait em i no inap baim samting long ol arapela manmeri na ol i no inap
-
baim samting long em. Man i gat gutpela tingting, em inap save gut long dispela samting. Man i gat save, em i
mas kaunim gut namba bilong wel animal...Na namba bilong dispela man em 666. –Kamapim Tok Hait
13:16-18
I Gat Gutpela De Bai Kamap Bihain long Ol Lain Bilong Krais
“Ol dispela manmeri ol i bin kisim bikpela hevi na pen long han bilong ol birua. Na ol i bin wasim ol klos
bilong ol long blut bilong Pikinini Sipsip, na ol klos i kamap waitpela...Ol bai i no hangre moa, na nek bilong ol
bai i no drai gen. San bai i no inap boinim skin bilong ol, na i no gat wanpela samting bai i mekim skin bilong
ol i hat nogut tru. Long wanem, Pikinini Sipsip i stap namel tru long sia king, em bai i stap wasman bilong ol.
Em bai i bringim ol i go long ol hul i gat wara i kamap, em wara bilong givim laip.”–Kamapim Tok Hait
7:14b,16,17a
Nogut yu go long ples paia wantaim bel i pulap, moabeta yu go long heven hangri!
OLGETA MA�MERI HUSET I LOTUIM —36
BIRUA BILO�G KRAIS, O OL I KISIM MAK
BILO�G EM LO�G BODI LO�G BAIM O SALIM
SAMTI�G, OL BAI I GO LO�G PLES PAIA
“Na narapela ensel i bihainim dispela tupela ensel na i kam. Dispela namba 3 ensel em i singaut strong olsem,
“Sapos wanpela man i lotu long dispela wel animal na long piksa bilong en, na em i kisim mak long pes na
long han bilong en, orait bai em i mas dringim wanpela kain wain. Dispela wain em belhat bilong God. Na
God bai i no inap tanim wara wantaim dispela wain pastaim. Nogat. Em bai i kapsaitim belhat bilong en long
kap bilong bekim pe nogut, na dispela man i mas dringim. Na long ai bilong ol ensel bilong God, na long ai
bilong Pikinini Sipsip, dispela man bai i kisim pen nogut long paia na long ston salfa i paia. Na smok i kamap
long dispela paia i givim pen long ol, em bai i go antap oltaim oltaim. Ol dispela man i save lotu long wel
animal na long piksa bilong en, na i kisim mak bilong nem bilong en, ol bai i no kisim malolo long san na long
nait.” Mi harim maus bilong wanpela man i singaut long heven olsem, “Yu raitim tok olsem, ‘Nau na olgeta
taim bihain, ol manmeri i bilip long Bikpela na ol i dai, ol i ken amamas.’” Na Holi Spirit em tu i tok, “Ol i ken
amamas tru, long wanem, ol i lusim dispela hatwok ol i bin mekim, na ol i ken malolo. Na ol i no i go nating.
Nogat. Gutpela pasin ol i bin mekim, em i go wantaim ol.”
–Kamapim Tok Hait 14:9-11,13
WI�IM PAIT LO�G MAK BILO�G —37
SATA� �A PIKSA BILO�G EM BIPO
BELHAT BILO�G GOD I KAM LO�G GRAU�
7-pela ensel i stap, na ol i holim 7-pela samting nogut tru bilong bagarapim ol manmeri. Na taim dispela ol
samting nogut i pinis, orait i no gat narapela moa bai i kamap. Long dispela 7-pela samting nogut, belhat
bilong God bai i pinis tru. Na mi lukim wanpela samting olsem bikpela solwara ol i bin wokim long glas na
paia wantaim. Ol manmeri i bin winim pait na daunim dispela wel animal wantaim piksa bilong en na namba i
makim nem bilong en, ol i sanap i stap long arere bilong dispela solwara i olsem glas, na ol i holim ol gita
samting God i bin givim ol. Orait mi harim maus bilong wanpela man i kamap insait long haus bilong God. Em
i singaut strong long dispela 7-pela ensel olsem, “Yupela i mas kisim dispela 7-pela dis i gat belhat bilong God,
na go kapsaitim i go daun long graun.”
–Kamapim Tok Hait 15:1b-2 na 16:1
Na mi lukim ol tewel bilong planti manmeri i bin bilip long Jisas na autim nem bilong en na ol i bin holim
strong tok bilong God, na long dispela as tasol ol birua i bin katim nek bilong ol na kilim ol i dai. Na mi lukim
-
ol tewel bilong ol manmeri i no bin lotu long wel animal na long piksa bilong en, na ol i no bin kisim mak
bilong en long pes na long han bilong ol. Ol dispela manmeri ol i kisim laip, na ol i stap king wantaim Krais
inap long 1,000 yia. –Kamapim Tok Hait 20:4b
ARMAGEDO�, PAIT KRAIS BAI PASIM —38
Ol Spirit �ogut Bungim Ol Kantri long Pait
Ol dispela spirit nogut tru i save wokim ol kain kain mirakel, na ol i go nabaut long ol king bilong olgeta kantri
bilong graun. Ol i laik mekim ol king i bringim ol ami bilong ol i kam bung, bai ol i ken kirapim pait long
dispela bikpela de bilong God I Gat Olgeta Strong i kotim ol manmeri. Orait ol spirit nogut i bringim ol king i
kam bung long dispela hap, long tok Hibru ol i kolim Armagedon.–Kamapim Tok Hait 16:14 na 16
Krais I Mekim Fri Kantri Bilong Em �a Ol Lain Bilong Em, Israel
“Bai mi mekim Jerusalem i kamap olsem wanpela kap wain. Na ol kantri i stap klostu long Jerusalem na i laik
bagarapim em, ol bai i kamap olsem ol man i dring wain long dispela kap na ol i spak nogut tru. Dispela taim i
kamap pinis, orait mi bai mekim Jerusalem i kamap olsem wanpela ston i hevi tumas.” Olgeta kantri bai i kam
bung bilong pait long Jerusalem, tasol ol yet bai i bagarap, olsem man i litimapim dispela ston i hevi tumas. Na
bai Bikpela i go pait long ol dispela kantri, olsem em i save mekim long taim bilong pait. Na Bikpela bai i
mekim wanpela sik nogut tru i kamap long ol man bilong olgeta kantri i pait long Jerusalem. Dispela sik i
olsem. Ol man bai i stap yet na skin na ai na tang bilong ol bai i sting. –Sekaraia 12:2a, 3; 14:3,12
Sapos God i helpim yumi, orait husat bai birua long yumi? –Rom 8:31b
KRAIS BAI STAP HETMA� BIHAI� TAIM —39
Yumi save, God i stap long heven na em i kamapim ples klia belhat bilong en. Em i bekim pe nogut long
olgeta man i givim baksait long em na i mekim pasin nogut. –Rom 1:18a
Wanpela bainat i sap tru, em i kam ausait long maus bilong dispela man i go pas long ol. Na long dispela
bainat em bai i daunim ol manmeri bilong olgeta lain. Em bai i holim stik ain na bosim strong olgeta lain
manmeri. Na em bai i krungutim ol pikinini wain long bikpela tang ston i makim bikpela belhat bilong God I
Gat Olgeta Strong. Long longpela klos bilong en na long lek bilong en ol i bin raitim dispela nem, “KI�G
BILO�G OLGETA KI�G, �A BIKPELA BILO�G OLGETA BIKMA�.”–Kamapim Tok Hait 19:15,16
“Bikpela bai i stap king oltaim oltaim.”–Kamapim Tok Hait 11:15b
Birua Bilong Krais bai stap hetman liklik taim tasol. Krais bai stap hetman inap long 1,000 yia, na baihain
Em bai stap oltaim oltaim.
Ol bai i stap pris bilong God na bilong Krais. Na ol bai i stap king wantaim Krais long dispela 1,000 yia.
–Kamapim Tok Hait 20:6b
“Na taim ol dispela king i stap yet God bai i kirapim wanpela kingdom na dispela kingdom bai i stap oltaim
oltaim.” –Daniel 2:44a
Olgeta lain manmeri yu bin wokim ol, bai ol i go brukim skru long yu, na bai ol i litimapim nem bilong yu.
–Buk Song 86:9
SATA� I �O WI�IM PAIT WA�TAIM GOD —40
-
Na ol ensel bilong God i tromoi dispela snek i go daun. Em dispela snek bilong bipo yet, na ol i kolim em
Satan na “Man I Save Kotim Olgeta Manmeri.” Em i man bilong giamanim olgeta manmeri bilong graun. Ol i
tromoi em i go daun long graun, na ol i tromoi ol ensel bilong en i go daun wantaim em. Na long heven mi
harim maus bilong wanpela man i singaut strong olsem, “Nau God bilong yumi em i kisim bek yumi pinis, na
strong bilong en i kamap pinis long ples klia, na em i stap king. Na dispela man em i makim bilong kisim bek
ol manmeri bilong en, em i kisim pinis bikpela namba na strong. Long wanem, dispela man bilong kotim ol
brata bilong yumi, em i bin kotim ol long ai bilong God bilong yumi long san na long nait, tasol nau ol ensel i
tromoi em i go daun pinis. –Kamapim Tok Hait 12:9,10
“Ol brata bilong yumi ol i no bin laikim tumas laip bilong ol yet, na ol i no tingting strong long ol i mas i stap
gut long graun. Nogat. Ol i bin kisim strong long blut bilong Pikinini Sipsip na ol i strong long autim tok bilong
em, maski ol birua i kilim ol i dai. Na long dispela pasin ol i winim pait na daunim dispela birua.”–Kamapim
Tok Hait 12:11
Satan Bai Stap long Wanem Hap Oltaim Oltaim
Satan i bin giamanim ol, olsem na God bai i tromoi em i go daun long bikpela hul i gat hatpela paia bilong ol
ston salfa...na tripela bai i karim pen long san na long nait inap oltaim oltaim.–Kamapim Tok Hait 20:10
DISPELA KI�GDOM BAI STAP OLTAIM OLTAIM EM BILO�G HUSET? —41
Satan inap long harim tok na stap wantaim amamas long heven oltaim oltaim, tasol emi laik bosim kingdom
bilong God (pes 3).
Krais Bikpela Bai Stap Hetman Oltaim Oltaim
Yu gat olgeta strong na pawa. Yu gat biknem, na yu stap antap tru. Yu nambawan olgeta. Long wanem, olgeta
samting i stap long heven na graun i bilong yu tasol. Na yu stap bikpela king bilong olgeta samting. –1 Stori
29:11
I olsem. Olgeta man bilong lain bilong Adam ol i save dai. Na olsem tasol olgeta man bilong lain bilong Krais
bai ol i kisim laip. Tasol yumi olgeta bai yumi kirap bek na kisim laip long taim bilong yumi yet. Namba wan
em Krais. Na bihain, taim em i kam bek, yumi olgeta lain bilong en bai yumi kirap bek. Long dispela taim bai
olgeta samting i pinis. Na bai Krais i pinisim olgeta gavman na olgeta strongpela spirit na olgeta samting i gat
strong, na bai em i putim kingdom long han bilong God Papa. Long wanem, Krais i mas i stap king i go inap
em i daunim olgeta birua bilong en. Em i pinisim pinis olgeta arapela birua, orait em bai i pinisim dai tu. –1
Korin 15:22-26
Orait namba 7 ensel i winim biugel bilong en, na mi harim ol lain i stap long heven i singaut strong olsem,
“Bikpela bilong yumi wantaim dispela man em i makim bilong kisim bek ol manmeri bilong en, tupela i kamap
king bilong olgeta hap bilong graun. Na Bikpela bai i stap king oltaim oltaim.” –Kamapim Tok Hait 11:15
SATA� �A OL SPIRIT �OGUT, OL BIRUA BILO�G YU —42
Satan I Save Bagarapim Bodi, Spirit Wantaim Man I Mekim Marit Pasin Wantaim Man, Kilim Bebi I Stap
long Bel Yet, Ol Spirit �ogut Kam Insait Man
Ol man...bel bilong ol i kirap olsem paia, na ol i mekem pasin nogut wantaim ol arapela man ...ol yet i kisim pe
nogut.... –Rom 1:27
Bikpela i no laikim tru....pasin bilong kilim nating ol arapela man. –Sindaun 6:16a,17b
-
“Olsem na em bai i go kisim 7-pela arapela spirit ol i winim em long mekim pasin nogut. Na ol bai i go insait
na stap long dispela haus. Pastaim dispela man i stap nogut, tasol nau em bai i stap nogut moa yet.” –Matyu
12:45a
Na yupela i no ken kirap nogut long dispela pasin ol i mekim. Yumi save, Satan yet i save senisim pasin bilong
en na kamap olsem ensel bilong lait. –2 Korin 11:14
Painim God i stap laip tasol. No ken singautim “narapela god” long save wanem samting bai kamap bihain,
long save wanem samting i stap insait long tingting.
Satan, em i man bilong bikhetim tok bilong God, em i sanap beksait long ol dispela. Wanem samting em i
kamapim save luk i gut pastaim, tasol em save bringim yu insait long kalabus bilong Satan. Krais tasol inap
long mekim yu kamap fri.
No ken givim yu yet long wanpela spirit i ken bosim yu sapos em i no kam long Holi Spirit bilong God. Bilipim
Buk Baibel na Bikpela Jisas Krais tasol. (Lukim KTH 19:13.)
PLE�TI BAI KAM �A GIAMA�IM PLE�TI OL �ARAPELA MA�MERI —43
Olgeta skul I stiaim man i go long we long dispela rot long god i fogivim yumi, na wasim yumi, na kisim
bek yumi long blut na bodi bilong Krais em i giaman tru na em bai giamanim plenti manmeri.
Orait Jisas i bekim tok bilong ol olsem, “Yupela lukaut. Nogut wanpela man i giamanim yupela. Long wanem,
planti man bai i kam na kolim nem bilong mi na tok, ‘Mi yet mi dispela man God i bin promis long salim i kam
bilong kisim bek ol manmeri bilong en.’ Na bai ol i giamanim planti manmeri. Na planti giaman profet bai i
kirap na giamanim planti manmeri.” –Matyu 24:4,5 na 11
Tasol sori tumas, planti man i stap birua bilong diwai kros bilong Krais. Planti taim mi tokim yupela pinis long
dispela pasin bilong ol, na nau mi tokim yupela gen, na wara i kamap long ai bilong mi. Ol i save bihainim ol
laik bilong bodi bilong ol yet, na ol dispela laik i stap olsem god bilong ol. –Filipai 3:18,19a
Gutpela Blut Bilong Jisas I Save Kisim Bek Man
Yupela i save pinis...God...i no givim ol samting bilong graum i save bagarap, olsem silva na gol, bilong baim
bek yupela...Em i baim bek yupela long blut bilong Krais. Dispela blut em i dia tumas. Krais em i olsem
wanpela pikinini sipsip i no gat mak o sua samting i bagarapim skin bilong en. Em i helpim yupela na yupela i
bilip long God. –1 Pita 1:18,19 na 21a
O, MI MA� �OGUT TRU! —44
Mipela olgeta i bin mekim sin na mipela i doti tru long ai bilong yu. Na ol pasin mipela i ting i stretpela na
mipela i save mekim, ol i rabis tru long ai bilong yu olsem hap laplap i doti nogut tru. –Aisaia 64:6a
Long dispela taim yupela i bin wokabaut long pasin nogut bilong dispela graun. Yupela i bin bihainim pasin
bilong hetman bilong ol spirit nogut i stap long skai, em dispela strongpela spirit i wok yet insait long bel
bilong ol man i save sakim tok bilong God. Bipo yumi olgeta i bin i stap wantaim dispela lain, na yumi
bihainim laik nogut bilong olpela bel bilong yumi tasol. Yumi bihainim laik bilong dispela olpela bel na laik
bilong tingting bilong yumi yet. Na long taim yumi bin i stap olsem, yumi inap kisim pe nogut God i redim
pinis bilong givim long olgeta manmeri i mekim dispela kain pasin.–Efesus 2:2,3
-
Na sapos sampela lain i no klia long as bilong dispela gutnius mipela i save autim, em ol dispela lain i stap long
rot bilong hel tasol. Satan, em giaman god bilong dispela graun, em i bin pasim tingting bilong ol dispela man i
no bilip, na lait bilong gutnius bilong marimari na sori bilong Krais, em i no inap i go insait long bel bilong ol.
Olsem na ol i no save lukim Krais, em i piksa tru bilong God. –2 Korin 4:3,4
Long Krais Tasol Yumi Bai Winim Pait
Olsem na yumi manmeri i pas wantaim Krais Jisas, lo i no inap kotim yumi moa. –Rom 8:1
OL MA� I �O TA�IM BEL OL I MA� BILO�G SATA� —45
Na gaden em i dispela graun. Na ol gutpela pikinini wit, em ol manmeri bilong kingdom bilong heven. Na gras
nogut, em ol manmeri bilong Satan. –Matyu 13:38
Yupela i pikinini bilong papa bilong yupela, em Satan. –Jon 8:44a
Long Adam, Yumi Stap Manmeri Bilong Sakim Tok Bilong God
“Man i no pren bilong mi, em i save birua long mi. Na man i no helpim mi long bungim ol manmeri, em i save
ranim ol i go nabaut.” –Matyu 12:30
Long Dispela As Yumi Mas Kamap �upela Gen long Spirit Bilong Krais
Olsem na sapos wanpela man i pas wantaim Krais, orait God i mekim em i kamap nupela man tru. Harim gut.
Nau olpela pasin i pinis olgeta, na nupela pasin i kamap pinis. –2 Korin 5:17
“Ol sipsip bilong mi i save harim maus bilong mi, na mi save long ol, na ol i bihainim mi. Mi givim laip i stap
gut oltaim oltaim long ol.”–Jon 10:27,28a
Harim. Nau tasol em i taim bilong God i mekim gut long yumi. Nau tasol em i taim bilong God i kisim bek
yumi. –2 Korin 6:2b
Tasol sapos yumi autim sin bilong yumi, orait God bai i mekim olsem em i bin tok. Em bai i mekim stretpela
pasin na lusim sin bilong yumi. Na em bai i rausim olgeta pasin nogut i stap long yumi na mekim yumi i kamap
klin. –1 Jon 1:9
KRAIS I WI� OLTAIM OLTAIM —46
Krais i save laikim yumi moa yet, na i no gat wanpela samting inap pasim dispela laik bilong en i kamap long
yumi wan wan. Sapos hevi i kamap long yumi, o sapos yumi karim pen, o sapos ol man i mekim nogut long
yumi, o sapos yumi hangre, o sot long klos, o sapos samting nogut i laik bagarapim yumi, o sapos pait i kamap
long yumi, ating dispela olkain samting bai i inap pasim laik bilong Krais? Nogat tru. Tasol Krais i bin givim
bel bilong en long yumi, na maski wanem kain samting i kamap long yumi, oltaim em i save mekim yumi i win
tru.–Rom 8:35 na 37
Olgeta man i stap pikinini bilong God, ol i winim strong bilong dispela graun. Yumi bilip long God, na long
dispela pasin yumi save winim pait na daunim strong bilong dispela graun.–1 Jon 5:4
“‘Orait man i gat yau, em i mas harim gut dispela tok Holi Spirit i autim long ol sios. Sapos man i winim pait,
orait mi bai givim em sampela mana nau i stap hait, na mi bai givim em wanpela waitpela ston. Na long
dispela ston mi bai raitim nupela nem, na i no gat wanpela man i save long dispela nem. Man i kisim ston, em
tasol bai i save.’” –Kamapin Tok Hait 2:17
-
“‘Sapos man i winim pait, na em i bihainim pasin bilong mi i go inap taim bilong olgeta samting i pinis, orait
mi bai givim em namba bilong i stap hetman bilong ol lain manmeri.’”–Kamapim Tok Hait 2:26
YU YET MAKIM HUSET LAI� YU BAI BIHAI�IM OLTAIM OLTAIM —47
Sanap Wantaim Krais long Heven
God i kirapim yupela pinis wantaim Krais, olsem na yupela i mas wok long kisim ol samting bilong antap.
Long dispela ples antap, Krais i sindaun long sia king bilong en long han sut bilong God. Oltaim yupela i mas
tingting long ol samting bilong antap. Yupela i no ken tingting long ol samting bilong graun. Krais em i as
bilong laip bilong yupela. Na taim em i kamap ples klia, bai yupela tu i kamap wantaim em long bikpela lait na
bilas bilong God. Olsem na yupela i mas kilim i dai olgeta pasin bilong dispela graun i stap long bel bilong
yupela. Mi tok long olkain pasin olsem, pasin pamuk na pasin doti, na pasin bilong bel i kirap long mekim ol
pasin nogut, na pasin bilong mangal long ol samting bilong narapela man. Dispela pasin bilong mangal em i
wankain olsem pasin bilong lotu long giaman god. –Kolosi 3:1, 2,4,5
O Kisim Bagarap Wantaim Satan Oltaim Oltaim
“Orait na king bai i tokim ol lain i stap long han kais olsem, ‘Yupela manmeri bilong lus, yupela klia long mi
na yupela go long paia i no save dai, em dispela paia ol i redim pinis bilong Satan wantaim ol ensel bilong en.
–Matyu 25:41
Ol man nogut na ol lain manmeri i save givim baksait long God, olgeta i mas i go i stap long ples bilong ol man
i dai pinis. –Buk Song 9:17
KI�GDOM BILO�G HEVE� EM LO�G YU —48
Daunim Yu Yet
Orait Jisas i singautim wanpela pikinini i kam na em i sanapim em namel long ol. Na em i tok olsem. “Mi tok
tru long yupela, sapos yupela i no senis na kamap olsem ol liklik pikinini, bai yupela i no inap i go insait long
kingdom bilong heven. Man i daunim em yet na i kamap olsem dispela liklik pikinini, dispela man bai i gat
biknem tru long kingdom bilong heven.”–Matyu 18:2-4
Tok Sori long Sin Yu Bin Wokim
Jon, dispela man bilong givim baptais, em i kamap long ples i no gat man, na em i autim tok long ol manmeri i
mas tanim bel na kisim baptais, na bai God i tekewe sin bilong ol. Taim ol i kalabusim Jon pinis, Jisas i kam
kamap long distrik Galili na i wok long autim gutnius bilong God. Em i tok olsem, “Taim God i makim em i
kamap pinis, na Kingdom bilong God em i kam klostu pinis. Yupela i mas tanim bel na bilip long gutnius.”
–Mak 1:4 na 14,15
Nogat tru. Mi tokim yupela stret, sapos yupela i no tanim bel, orait wankain samting bai i kamap long yupela
olgeta. –Luk 13:3
“Olsem na yupela i mas senisim tingting nogut bilong yupela, na tanim bel, na bai God i rausim ol sin bilong
yupela. Sapos yupela i mekim olsem, orait Bikpela bai i givim nupela strong long yupela. –Aposel 3:19,20a
(Go long pes bihain.)
KISIM KRAIS OLSEM MA� BILO�G KISIM BEK YU TUDE!
-
Givim Yu Yet long Jisas Krais
Yu mas putim laip bilong yu long han bilong Bikpela. Bilip strong long em, na em bai i helpim yu. –Buk Song
37:5
“God i gat wanpela Pikinini tasol i stap. Tasol God i laikim tumas olgeta manmeri bilong graun, olsem na em i
givim dispela wanpela Pikinini long ol. Em i mekim olsem bilong olgeta manmeri i bilip long em ol i no ken
lus. Nogat. Bai ol i kisim laip i stap gut oltaim oltaim.” –Jon 3:16
Na tupela i tok olsem, “Yu mas bilip long Bikpela Jisas, na bai God i kisim bek yu wantaim ol lain bilong yu,
na bai yupela i bilong em.”–Aposel 16:31
God I Save Larim Yumi Kamap Pikinini Bilong Em
Tasol sampela manmeri i kisim em, em ol lain i bilip long nem bilong em. Na em i givim namba long ol bai ol i
ken kamap pikinini bilong God.–Jon 1:12
Tokaut Klia long Jisas Em I Bikpela
Sapos yu tokaut klia long Jisas em i Bikpela, na sapos long bel bilong yu yu bilip long God i bin kirapim bek
em long matmat, orait bai God i kisim bek yu. Long bel yumi save bilip na God i kolim yumi stretpela
manmeri. Na long maus yumi save autim bilip bilong yumi na God i kisim bek yumi. Buk bilong God i gat tok
long dispela samting olsem, “Ol man i bilip long em, ol bai i no inap kisim sem.” –Rom 10:9-11
If you are interested in receiving additional Scripture booklets, write to the publisher in English
at the address below or order online:
World Missionary Press, Inc.
P.O. Box 120
New Paris, Indiana 46553-0120 U.S.A.
World Missionary Press Home Page | Go to the Top of This Page