DRAMA’G PELIKULA

Mas lingaw gyud sa

MGA ARTISTA MOTAMBONG SA BANGGA SA PELIKULILA

Kon duna ma’y red carpet sa mga artista sa Oscar Awards, ang KBNZ wa’y red carpet apan duna’y mga artista nga motambong sa Bangga sa Pelikulila nga lakip sa Gabii sa Drama’g Pelikula karong Huwebes Septiembre 12, 2013 alas 7:00 sa gabii sa St Mary’s Social Hall, 117 Onewa Rd Northcote, Auckland. Si Tess Baclay, bituon sa mga popular nga mga drama sa radyo, mosalida pinaagi sa usa ka “one woman show”. Si Tess maoy nagdala sa papel sa bida sa “Flora del Cielo”, “Sa Mga Mata ni Angelita”, “Suginlan Ko Ikaw”, og “Magnon”. Motambong usab sila si Harry Chua, direktor og artista, sa pelikulila nga giulohan og “Kausaban” og si Mabel

Sotto nagadala sa komedi, “Ahay! Kinabuhi ko sa Abroad”. Kining duha ang mga tampo sa Bangga sa Pelikulila. Ang makalingaw kaayo nga accountant-komedyante Ado Flores maoy emcee sa tulumanon. Isalida sa Gabii sa Drama’g Pelikula ang mga pinili nga mga pelikulila: “Komedi Koleksyon” ni Ching Mandawe; “Missing Piece” nga finalist sa Sinulog Short Film Festival; “Traffic Jam” ang 1st Runner Up sa International Zumba Video Competition; “Papiktura ko Guwapo”, usa ka lyric/music video sa sikat nga kanta sa Vispop; og “From Cebu with Love” nga ginama ni Jessica Soho. Wala’y bayad ang pagtan-aw sa makalingaw nga tulumanon. Giawhag lamang sa mga tigdumala nga magdala og isnaks og sopdrink kon dili popcorn og sorbete ang mga motan-aw. Ang KBNZ nagpasalamat ni Cyril Bas, ang servant leaders sa TawagAwit-St Mary’s Chapter sa pagreserba sa dapit sa kalingawan.