dr%c3%b6g a%c3%b0 fors%c3%b6gn samkeppnisl%c3%bdsingar
DESCRIPTION
http://hugmyndasamkeppni.is/images/skjalasafn/R%C3%9AV_l%C3%B3%C3%B0/Dr%C3%B6g_a%C3%B0_fors%C3%B6gn_samkeppnisl%C3%BDsingar.pdfTRANSCRIPT
Reykjavíkurborg Umhverfis- og skipulagssvið
SKIPULAGSFULLTRÚI
BORGARTÚN 12-14 105 REYKJAVÍK
SÍMI 411 1111 BRÉFASÍMI 411 3071
NETFANG: [email protected]
Drög að forsögn fyrir samkeppnislýsingu
Janúar 2015
Reykjavíkurborg og RÚV í samstarfi við Arkitektafélag Íslands
Efnisyfirlit
1 Forsagan 3
1.1 Inngangur - almennt um svæðið 3
1.2 Forsaga 3
2 Forsendur 4
2.1 Borgarhluti 4
2.2 Hverfið/svæðið 5
2.3 Samkeppnissvæði 5
2.4 Orkuveita Reykjavíkur 7
2.5 Efstaleiti 1 / RÚV lóðin 7
2.6 Íbúðasamráð 7
3 Viðfangsefni samkeppninnar 8
3.1 Meginmarkmið 8
3.2 Einkenni skipulags 8
4 Tilhögun samkeppni 9
4.1 Almennt um tilhögun 9
4.2 Lykildagsetningar (áætlun) 9
4.3 Forval 9
4.4 Keppnisgögn 10
4.5 Skipun dómnefndar 11
4.6 Skil á gögnum 11
4.7 Fyrirspurnir og skil 11
bls. 3
1 Aðragandi
1.1 Inngangur - almennt um svæðið
Reykjavíkurborg og RÚV efna til hugmyndasamkeppni um svæðið sem afmarkast af Listabraut í
norðri, Háaleitisbraut í austri, Bústaðavegi í suðri og Efstaleiti í vestur samkvæmt forsögn þessari og
gildandi samkeppnisreglum Arkitektafélags Íslands.
Yfirlitsmynd af samkeppnissvæðinu
Ætlunin er að endurskoða uppbyggingamöguleika á lóð RÚV við Efstaleiti og samliggjandi lóðum
innan reitsins. Endurskipuleggja á svæðið með þéttingu og gæði byggðar að leiðarljósi.
1.2 Forsaga
Í bréfi borgarstjóra, Dags B. Eggertssonar til borgarráðs þann 14. október er varðar viðræður
Reykjavíkurborgar og Ríkisútvarpsins um húsnæðismál og nýtingu lóðar við Efstaleiti 1 gefur að líta
eftirfarandi texta:
„Lagt er til að settur verði á laggirnar vinnuhópur Ríkisútvarpsins og Reykjavíkurborgar og í honum
eigi sæti tveir fulltrúar frá umhverfis- og skipulagssviði, tilnefndir af sviðsstjóra umhverfis- og
skipulagssviðs og einn frá skrifstofu eigna- og atvinnuþróunar, tilnefndur af skrifstofustjóra skrifstofu
eigna og atvinnuþróunar, auk þeirra fulltrúa sem RÚV skipar. Hópurinn skal gera lýsingu/forsögn að
skipulagi þar sem þarfir RÚV auk áherslna Reykjavíkurborgar í skipulagi um þéttingu og gæði byggðar
verði hafðar að leiðarljósi. Eftir samþykkt lýsingar í umhverfis- og skipulagsráði yrði hún síðan hluti af
samkeppnislýsingu fyrir skipulagssamkeppni um svæðið sem hópurinn myndi undirbúa. RÚV yrði í
forsvari fyrir samkeppninni en með aðkomu Reykjavíkurborgar til að mynda í formi fulltrúa í
dómnefnd samkeppninnar. Samhliða skipulagsvinnunni verði gengið frá nýjum samningum milli RÚV
og Reykjavíkurborgar um lóðina og þær heimildir sem kunna að verða til við breytingar á
deiliskipulagi“
Í framhaldinu var skipaður undirbúningshópur um verkefnið með fulltrúum RÚV og
Reykjavíkurborgar:
Ásgeir Ásgeirsson arkitekt hjá T.ark (RÚV)
Borghildur Sturludóttir, arkitekt, verkefnisstjóri hjá skipulagsfulltrúa (RVK)
Jón Kjartan Ágústsson, skipulagsfræðingur, verkefnisstjóri hjá skipulagsfulltrúa (RVK)
Lilja Grétarsdóttir, arkitekt, verkefnisstjóri hjá skipulagsfulltrúa (RVK)
bls. 4
Óli Örn Eiríksson deildarstjóri, SEA skrifstofa eigna og atvinnuþróunar (RVK)
Margrét Magnúsdóttir lögfræðingur, skrifstofustjóri (RÚV)
Ríkharð Ottó Ríkharðsson rekstrarhagfræðingur, sjálfstætt starfandi ráðgjafi (RÚV)
Borgarráð samþykkti þann 29.janúar 2015 drög að forsögn fyrir samkeppnislýsingu vegna
hugmyndasamkeppni um lóðina að Efstaleiti 1. Í þeim drögum kemur m.a. fram í meginmarkmiðum
eftirfarandi: Að huga að nánasta umhverfi svæðisins og tengingum við það. Hæðir húsa skulu taka mið af aðliggjandi byggð
sem er allt að sex hæðir að vestanverðu og 2-3 hæðir að austanverðu. Á öðrum nærliggjandi þróunarsvæðum er
gert ráð fyrir 40 - 150 íbúðum á hektara, sem þýðir um 170 til 660 íbúðir á lóðinni. Eflaust yrðu þær eilítið færri sé
tekið tillit til grunnflatar Útvarpshússins. Sé gert ráð fyrir sambærilegri nýtingu og á öðrum þéttingarsvæðum, þar
sem nýtingarhlutfall er allt að 1,0-2,5 yrði mögulegt heildarbyggingamagn á lóðinni á bilinu 45 til 112 þús. m2 (er
Útvarpshúsið hluti af þessari stærð). Ef litið er til nágrannalóða eins Kringluna (Þ54) er áætluð aukning
atvinnuhúsnæðis um 100 þúsund fermetrar, miðað við fullbyggt svæði, eða 100 íbúðir á hektara.
Þessi meginmarkmið hafa tekið breytingum , þannig að nú er stuðst við lágmark Aðalskipulagsins og
að allar tillögur sem berast verða skoðaðar með almennum markmiðum AR að leiðarljósi, svo sem
gæði byggðar og byggðarmynstur nærliggjandi reita. (sjá kafla 3.1 um „megin markmið“).
Þann 23.02 2015 gerðu Reykjavíkurborg og Ríkisútvarpið með sér samkomulag um lóðarréttindi og
byggingarrétt í tengslum við skipulagssamkeppnina. Reykjavíkurborg fær 20% af samþykktu
byggingarmagni/íbúðareiningum til uppbyggingar leigumarkaðar en þó aldrei fleiri en 40 íbúðir.
Búsetuform á þessu svæði verður blandað; leiguíbúðir, stúdentaíbúðir, búseturéttaríbúðir,
félagslegar íbúðir og/eða nýtt búsetuform Reykjavíkurborgar sem nefnt er „Reykjavíkurhús“.
Félagsbústaðir hf. munu hafa kauprétt á markaðsverði, fyrir allt að 5% af íbúðum á lóðinni fyrir
félagslegt leiguhúsnæði.
2 Forsendur
2.1 Borgarhluti
Saga og þróun
Það svæði sem fellur undir borgarhlutann Háaleiti-Bústaði tilheyrði aðallega tveimur jörðum þegar
Reykjavík byrjar að byggjast upp, þ.e. jörðunum Bústöðum og Laugarnesi. Grensásinn liggur í
norðursuður stefnu eftir hverfinu og hallar landi frá honum til austurs og vesturs. Fram undir seinni
heimsstyrjöld þróaðist Reykjavík að mestu sem samfelld og heilsteypt byggð út frá einni þungamiðju í
gömlu miðbæjarkvosinni. Borgarhlutinn liggur í um 50 – 60 m hæð yfir sjávarmáli.
Staðhættir
Landslag borgarhlutans einkennist af holtum og ásum en á milli þeirra voru eitt sinn mýrar sem hafa
verið þurrkaðar upp. Mýri sem var í norðvestur hluta Háaleiti-Bústaða nefndist Kringlumýri. Langt og
mikið holt sem liggur eftir borgarhlutanum miðjum frá vestri til austurs ber heitið Bústaðaholt (einnig
nefnt Bústaðaháls). Stórar umferðagötur umlykja borgarhlutann, þvera, og skipta honum upp í hverfi
og minni hverfiseiningar. Þau fjögur hverfi sem mynda borgarhlutann eru Háaleiti-Múlar, Kringlan-
Leiti-Gerði, Bústaða- og Smáíbúðahverfi og Fossvogshverfi-Grófir.
bls. 5
Starfsemi:
Eftirtaldir grunnskólar eru í borgarhlutanum: Breiðagerðisskóli (1.-7. bekkur), Háaleitisskóli í Álftamýri
(1.-10. bekkur), Háaleitisskóli í Hvassaleiti (1.-7. bekkur), Fossvogsskóli (1.-7. bekkur) og
Réttarholtsskóli (8-10. bekkur). Leikskólar eru 9 talsins, en dreifing þeirra er reyndar frekar ójöfn í
hverfunum Kringlan-Leiti-Gerði og Bústaða- og Smáíbúðahverfi.
Í Aðalskipulagi Reykjavíkur 2010-2030 er gert er ráð fyrir að núverandi grunn- og leikskólar á þessu
svæði geti tekið við auknum fjölda nemenda, en gera má ráð fyrir að hlutfall barna yngri en 16 ára
lækki í hverfinu þegar líður á skipulagstímabilið.
Mikil og fjölbreytt atvinnustarfsemi er í næsta nágrenni við svæðið þar sem m.a. má finna aðra af
tveimur stærstu verslunarmiðstöðvum Reykjavíkur; Kringluna, auk ýmissa opinberra stofnana, svo
sem framhaldsskóla, leik- og barnaskóla, heilbrigðisstofnanir, þjónustumiðstöð eldri borgara, auk
skrifstofu og þjónustustarfsemi. Aðgengi að verslun og þjónustu telst því gott á þessu svæði
Reykjavíkur.
2.2 Hverfið/svæðið
Byggðarmynstur
Hverfið Hvassaleiti-Kringlan-Leiti-Gerði er 82 ha að stærð og er fjöldi skráðra íbúða 1508
(Borgarvefsjá jan. 2014). Samkvæmt því er íbúðaþéttleiki 18,4 íbúðir/ha. Sé aðeins horft á skilgreind
íbúðarsvæði í aðalskipulagi (61 ha) þá er íbúðaþéttleikinn í hverfinu 24,8 íbúðir/ha. Hvoru tveggja
telst vera undir lágmarki viðmiðunargilda Reykjavíkurborgar. Áberandi er hversu margir íbúar eru yfir
67 ára aldri í Hvassaleiti Kringlan-Leiti-Gerði en hlutfall þeirra er 25% af íbúum sem er 14% hærra en
hlutfall þessa aldurshóps í allri borginni.
Lágt hlutfall er af minni fjölbýlishúsum (undir fjórum hæðum) í hverfinu samanborið við Reykjavík í
heild en þar munar 17%. Fjöldi fermetra í atvinnuhúsnæði í hverfinu er um 138.100m2.
Samgöngur
Almenningssamgöngur gagnast íbúum fremur vel þar sem strætisvagnar ganga eftir öllum
aðalgötunum sem umlykja svæðið auk þess sem strætisvagnaleið er eftir Háaleitisbraut og Listabraut.
Biðstöðvar eru með 250-500 metra millibili sem telst vera gott með tilliti til viðmiðunargilda
borgarinnar. Göturýmið almennt í hverfinu er breitt og því er hægt að gera á því breytingar íbúum,
vegfarendum og umhverfi til heilla. Göturými Háaleitisbrautar er breitt og mögulegar þrengingar líkt
og gert hefur verið á móts við Smáagerði við Austurver.
2.3 Samkeppnissvæði
Reiturinn sem samkeppnissvæðið afmarkast af er Listabraut í norðri, Háaleitsbraut í austri,
Bústaðavegur í suðri og Efstaleiti í vestri og er svæðið 58.774m2/5,9 ha að stærð, en sjálf RÚV lóðin
er 43.915m2 eða 4,4 ha. Lóðin er vel staðsett miðsvæðis í borginni og bíður upp á mikla möguleika á
hagkvæmri nýtingu á innviðum borgarinnar.
bls. 6
Kort af umhverfi samkeppnissvæðis ásamt lóðarmörkum
Aðalskipulag
Hluti þéttbýlisuppdráttar Aðalskipulags Reykjavíkur 2010-2030
RÚV reiturinn er skilgreindur sem þróunarsvæði Þ58 með landnotkunina miðsvæði M21. Í
Aðalskipulagi Reykjavíkur 2010-2030 segir um þessar landnotkunarskilgreiningar:
Þ58 „Samfélagsþjónusta og miðsvæði. Einkum stofnanir og opinber þjónusta. Áætluð aukning
byggingarmagns um 5.000-10.000 fermetrar. Landnotkun nyrst á svæðinu breytist í miðsvæði.“
M21 „Listabraut. Skrifstofur og þjónusta. Einnig möguleiki á íbúðum.“
Í Aðalskipulagi segir ennfremur um miðsvæði (M): Á miðsvæðum er fyrst og fremst gert ráð fyrir
verslunar- og þjónustustarfsemi, stjórnsýslu og skrifstofum, veitingahúsum og hótelum. Einnig er gert
ráð fyrir íbúðum á fjölmörgum miðsvæðum, einkum þó á efri hæðum bygginga. Miðsvæði þjóna ýmist
öllu landinu, höfuðborgarsvæðinu öllu eða nokkrum íbúðarhverfum. Á miðsvæðum er almennt
fjölbreyttari starfsemi en rúmast á verslunar- og þjónustusvæðum.
bls. 7
Jafnframt segir um skilgreiningar á íbúðarbyggð (ÍB) í Aðalskipulaginu (AR2010-2030 bls. 204): “Á
íbúðarsvæðum er almennt gert ráð fyrir íbúðarbyggð ásamt tilheyrandi nærþjónustu.* Helstu
þjónustukjarnar og stofnanir og útivistarsvæði eru afmörkuð sérstaklega á uppdrætti. Innan
skilgreindra íbúðarsvæða er mögulegt að gera ráð fyrir fjölbreyttri atvinnustarfsemi enda sé um að
ræða þrifalega starfsemi sem ekki veldur ónæði.
*Undir nærþjónustu getur, auk opinberrar grunnþjónustu og dagvöruverslana, m.a. fallið almenn þjónustustarfsemi (s.s.
hárgreiðsla), veitingastaðir í flokki I og eftir atvikum í flokki II, menningarhús, íþróttahús, gallerí og þrifalegur smáiðnaður.“
Deiliskipulag
Í gildi eru deiliskipulagsáætlanir fyrir Efstaleiti, samþykkt 25. júlí 2007 og Efstaleiti 3, 5, 7 og 9
samþykkt 2. maí 2014. Á samþykktum lóðaruppdrætti fyrir Efstaleiti er kveðið á um frekari
stækkunarmöguleika útvarpshúss en með þessari forsögn er hætt við þá stækkunarmöguleika. Í
deiliskipulagi fyrir Efstaleiti 3, 5, 7 og 9 kemur meðal annars fram að heimildir séu fyrir fullar tvær
hæðir og 3. hæð allt að 50% af grunnfleti núverandi húss.
Stefnt er að því að gera nýtt deiliskipulag fyrir samkeppnissvæðið sem tekur mið af sigurtillögu
hugmyndasamkeppnarinnar.
2.4 Orkuveita Reykjavíkur
Kvöð er um hitaveitulögn og aðkomu að henni, dreifistöð RR og aðkomu, jarðstrengi og gröft RR á
nokkrum stöðum á lóð nr.1 við Efstaleit. Sjá nánar mæliblað. Hafa ber í huga að ef lögnin er færð þá
er slíkt kostnaðarsamt (um 300.000 á meter) auk kostnaðar við að fjarlægja eldri lögn.
2.5 Efstaleiti 1 / RÚV lóðin
Á lóðinni stendur Útvarpshúsið, höfuðstöðvar Ríkisútvarpsins, 16.300 m2 að flatarmáli. Húsið er í
grunnin 2 hæðir auk kjallara og turns sem er mest sex hæðir. Gert er ráð fyrir að hægt sé að breyta,
byggja við eða breyta notkun Útvarpshússins. Áformað er að Ríkisútvarpið haldi áfram starfsemi í
hluta húsnæðisins en aðrir hlutar þess verðir leigðir út til annarrar starfsemi.
Útvarpshúsið er kennileiti í dag, keppendum er í sjálfsvals vald sett hvort þeir viðhaldi byggingunni
sem kennileiti eða felli það inn í fyrirhugað byggingamynstur. Hér á landi og í nágrannalöndunum fá
mikilvægar bygggingar, kennileiti, oft ákveðið helgunarsvæði. Lega Útvarpshússins, staðsetning og
umfang þess gerir það að verkum að huga þarf vel að því hvernig byggt er að eða við húsið til að
kennileitið fái áfram að njóta sín.
2.6 Íbúðasamráð
Nú þegar hefur svæðið verið kynnt sem þróunar / uppbyggingarsvæði, en frekari kynning og fundir
verða haldnir þegar að tillögur liggja fyrir.
bls. 8
3 Viðfangsefni samkeppninnar
3.1 Meginmarkmið
Áhersla er lögð á að samkeppnissvæðið verði með yfirbragði góðrar byggingarlistar og að
skipulagstillögur í samkeppni taki mið af meginmarkmiðum og framtíðarsýn Aðalskipulags
Reykjavíkur 2010-2030 um þéttingu byggðar, græna borg og borg fyrir fólkið.
Að koma með framsæknar skipulagshugmyndir um nýja blandaða byggð, spennandi
almenningsrými og fyrirkomulag vistvænna samgöngumáta.
Að nýta þær byggingar sem fyrir eru í nýju og/eða breyttu samhengi, eftir því sem kostur er
og við á.
Að huga að nánasta umhverfi svæðisins og tengingum við það. Hæðir húsa skulu taka mið af
aðliggjandi byggð sem er allt að sex hæðir að vestanverðu og 2-3 hæðir að
norðanverðuaustanverðu
Að eitt af megin viðfangsefni samkeppninnar verður að horfa til skipulags svæðisins með tilliti til fyrirkomulags og þéttleika byggðarinnar, keppendur eru hvattir til þess að skoða vel möguleika er þetta varðar. Ef þéttleiki verður meiri en fram kemur í AR (þar sem kveðið er á um lágmark 60 íbúðir á hektara) verður tekin afstaða til þess út frá öðrum megin markmiðum svo sem gæðum byggðarinnar og byggðamynstri nærliggjandi reita.
3.2 Einkenni skipulags
Eftirfarandi þættir skulu einkenna skipulag svæðisins:
Samfélag:
Byggja skal í samræmi við Húsnæðisstefnu Reykjavíkurborgar 2020 og stuðla þannig að uppbyggingu
leigumarkaðar og félagslegri blöndun íbúa. Búsetuform verði blönduð; eignaríbúðir, leiguíbúðir og
búsetuíbúðir. Stefnt verði að því að 20-25% íbúða í hverfum verði leiguíbúðir, stúdentaíbúðir,
búseturéttaríbúðir og/eða Nýju Reykjavíkurhúsin. Einnig verði stefnt að því að Félagsbústaðir hf. hafi
kauprétt fyrir allt að 5% íbúða fyrir félagslegt leiguhúsnæði.
Rökréttar tengingar nýrrar byggðar við nærliggjandi umhverfi.
Fjölbreytt fyrirkomulag íbúðarhúsnæðis og ber því að taka tillit til aldursamsetningar innan hverfisins
þegar farið er í að þétta byggð og ákvarða tegund íbúða fyrir svæðið.
Gæði byggðar:
Áhersla er lögð á 2-6 hæða byggð.
Heildstæðar götumyndir og blönduð, fjölbreytt byggð íbúðarhúsnæðis, skrifstofa, verslana og
þjónustu.
Hagkvæm borgarþróun sem styður við vistvæna ferðamáta og hagkvæma nýtingu innviði
borgarinnar.
Samgöngur:
Virkir samgöngumátar verði í fyrirrúmi, þ.e. umferð gangandi og hjólandi.
Aðgengi fyrir almenningssamgöngur verði sett í forgang.
Tengja svæðið við miðsvæði Kringlunnar og nágrenni, ásamt grænum svæðum í kring.
Samgöngulausnir sem styðja við samgöngumarkmið í nýju Aðalskipulagi Reykjavíkur.
bls. 9
Vistkerfi og minjar:
Að tryggja náttúrulegan fjölbreytileika lands, lífríkis og menningaminja með markvissri verndun og
viðhaldi.
Orka og auðlindir:
Stuðla þarf að sjálfbærri nýtingu orku og auðlinda, svo sem vatns, rafmagns og lands.
Auka kolefnisbindingu með gróðri.
Sýna lausnir um endurvinnslu og markvissri úrgangsstjórnun.
Mannvirki:
Vistvænar lausnir í byggingartækni og mannvirkjagerð.
Blöndun af fjölbreyttum íbúðastærðum og gerðum.
4 Tilhögun samkeppni
4.1 Almennt um tilhögun
Stefnt er að því að samkeppnin verði lokuð hugmyndasamkeppni um skipulag svæðisins og að valdir
verði fimm aðilar/teymi að undangengnu forvali. Allir þátttakendur fá greitt fyrir tillögur sínar
kr.750.000 auk vsk. RÚV í samstarfi við Reykjavíkurborg áskilur sér rétt til að nýta hverja tillögu að
hluta eða í heild. Greitt verður aukalega kr. 1.500.000 auk vsk. fyrir verðlaunatillögu.
Áframhaldandi skipulagsvinna á svæðinu verður ekki bundin við þátttakendur eða verðlaunahafa
eingöngu. Keppnin stendur yfir í 2 mánuði frá afhendingu gagna til skila. Allar tillögur verða til sýnis
almenningi meðan dómnefnd er að störfum. Nafnleynd hvílir á framlögðum tillögum þar til dómnefnd
hefur skilað áliti sínu. Gert er ráð fyrir að ein tillaga verði valin Verðlaunatillaga. Allar tillögur og öll
samskipti verða á íslensku. Þátttakendur fá greitt eftir að skilagögn hafa borist og tillögur dæmdar, að
því gefnu að teymið hafi unnið tillögur sínar í samræmi við keppnislýsingu og kröfur sem lagðar hafa
verið fram þar. Valin teymi fá afhent gögn og eftir það skulu öll samskipti vera við trúnaðarmann.
4.2 Lykildagsetningar (áætlun)
Samráð og forval auglýst janúar 2015
Forvals umsóknarfrestur febrúar 2015
Niðurstöður forvals mars 2015
Samkeppni hefst mars 2015
Fyrirspurnarfrestur mars 2015
Svör við fyrirspurnum apríl 2015
Skil á gögnum maí 2015
Dómnefnd lýkur störfum júní 2015
4.3 Forval
Gerðar eru lágmarkskröfur um hæfni aðila/teymi (umsækjenda) til að öðlast þátttökurétt. Gefin eru
stig fyrir þátttöku og árangur í samkeppnum á liðnum árum. Þeir sem flest stig hafa eru valdir til
bls. 10
þátttöku í keppninni. Krafa er um að aðilar/teymi séu sérfræðingar og hafi rétt til að leggja inn
aðaluppdrætti eða skipulagsuppdrætti.
Aðilar/teymi fylla út töflu sem er aðgengileg á uppgefnu vefsvæði í auglýsingu. Tafla þessi og stigagjöf
verður mat umsækjenda á eigin hæfi. Forvalsnefndin mun fara yfir matstöflur.
Stigagjöf í forvali:
a) Hvert sambærilegt verkefni við það sem hér um ræðir - (þróun skipulags á byggðu svæði -í
sambærilegu umfangi): 6 stig, hámarksstigafjöldi 18 stig.
b) 1.-3. sæti í : í hönnunar/skipulagssamkeppni 5 stig, hámarksstigafjöldi 15 stig.
c) Innkaup eða viðurkenning fyrir athyglisverða tillögu hönnunar/skipulagssamkeppni: 3 stig,
hámarksstigafjöldi 9 stig. Síðustu 15 ár
d) Þátttaka í samkeppni 1 stig, hámarksstigafjöldi 5 stig.
e) Önnur störf - (t.d fræðistörf (útgáfa), störf á opinberum vettvangi, (hámark 5 stig)
Heimilt er að leggja fram fleiri en eitt verkefni fyrir hvern lið.
(lágmark 35 -hámark 52 stig)
Í forvalinu er miðað er við að velja 5 umsækjendur sem uppfylla 35 stig til þátttöku í
hugmyndasamkeppninni. Ef fleiri en fimm umsækjendur uppfylla 35 stig verða tveir stigahæstu valdir
til þátttöku. Ef fleiri en tveir verða stigahæstir verður dregið um þessi tvö efstu sæti þeirra á milli.
Dregið verður um hin þrjú sætin sem eftir eru úr hópi allra umsækjanda sem uppfylla 35 stig. Ef færri
en 5 umsækjendur uppfylla 35 stig eru valdir 5 stigahæstu umsækjendurnir til þátttöku.
Forvalsnefnd skipa eftirfarandi aðilar:
Borghildur Sturludóttir arkitekt - RVK
Lilja Grétarsdóttir arkitekt - RVK
Margrét Magnúsdóttir skrifstofustjóri - RÚV
Þórarinn Þórarinsson arkitekt - AÍ
Arkitektafélag Íslands tilnefnir ráðgjafa úr röðum félagsmanna sinna til að fylgjast með framkvæmd
forvalsins fyrir hönd AÍ.
4.4 Keppnisgögn
Auk keppnislýsingar verða keppendum útveguð eftirtalin gögn, sem verða gerð aðgengileg á
samkeppnissvæði borgarinnar www.hugmyndasamkeppni.is
► Aðalskipulag Reykjavíkur 2010-2030, ásamt greinargerð.
Gildandi deiliskipulags áætlanir á svæðinu.
► Stafrænn kortagrunnur ásamt loftmynd af samkeppnissvæði.
Þess utan er bent á eftirtalin lög og reglugerðir:
► Skipulagslög nr. 123/2010.
► Lög um mannvirki nr 160/2010.
bls. 11
► Skipulagsreglugerð nr. 90/2013.
► Byggingarreglugerð nr. 112/2012.
► Lög um menningarminjar nr. 80/2012.
► Lög um náttúruvernd nr. 44/1999.
► Menningarstefna í mannvirkjagerð.
4.5 Skipun dómnefndar
Stefnt er að því að fimm aðilar verði í dómnefnd og verður hún skipuð að loknu forvali.
4.6 Skil á gögnum
Stefnt er að því að skilað verði 2 uppdráttum í A1 með greinargerð, uppdráttum skal skila á pappír
límdum á frauð og jafnframt sem pdf á diski. Nánar verður gerð grein fyrir framsetningu á því sem ber
að skila í keppnislýsingu, svo sem mælikvörðum, grunnkortum og sneiðingum.
4.7 Fyrirspurnir og skil
Arkitektafélag Íslands skipar trúnaðarmann keppenda. Keppni hefst þegar gögn hafa verið afhent
þeim sem eru valdir til þátttöku. Nánari upplýsingar munu verða settar fram um fyrirspurnir og skil
þegar valdir hafa verið aðilar til þátttöku.