阿爸,你是阮永遠的驕傲 - digimagicprj.digimagic.com.tw/workshop_s/pdf/03_08_03.pdf ·...
TRANSCRIPT
一句話是阿莎力佮有進退。誠濟人撨代誌,講到尾,攏是「好
啦!一句話,自按呢」,毋免白紙寫烏字,日後嘛袂有長短跤話。
若佇菜市仔、夜市仔刣價買賣,嘛會聽著「包起來!一句話!」管
待進前烏白花,頭家若願掠長補短,價數會和就賣,袂和後擺才來
交關嘿!
一句話是拋碇佮起行。學英語欲穩觸觸,一工一句話,久來袂
嘛變會,一工擔一擔,嘛會曡成山。學母語閣較愛按呢,逐工攏著
和人用母語開講,那練那紡,袂輾轉嘛會感受著母語的媠佮好耍。
一句話看出喙水佮智慧。身體無定著無四序,就愛噤喙(khi
unn-tshuì);佮人接接若定起冤家,是毋是話到嚨喉空,擋仔就愛
踏較絚咧?好也一句,歹也一句,若欲氣身惱命罵囡仔毋讀冊拖屎
連,哪毋虔心祝福,貼心換一句「會忝袂?拍拚就有成功的機會。
」
一句話會當陪伴一世人。細漢阿公共我講「艱苦頭,快活尾」
,我倚靠這句話向前行,行出孤兒、貧民、歹命囝的運命。到這个
年歲,深深體會人生有種作無一定有收成,毋過,我寶惜追求理想
的勇氣佮過程,酸甘苦澀攏是真滋味,有加智慧就無匪類。陪伴的
彼句話,定定是無所求就來到地,烏白瞭過廣告、凊彩掀一本冊、
路邊聽人對話,機緣有夠、有體會,彼句就是你的。
一句話互相攏知,就無需要講出來。查某囝細漢的時,定定佮
我一人一間便所用拍壁對話,伊拍五下予我知影「阿母我愛你」,
我回三下講「我嘛是」。等有一工我老甲袂講話,只要牽 手的氣
力猶佇咧,用指頭仔點三下,予 知影袂當閣陪「誠失禮」、凡間
天頂「我愛你」。
加食無滋味,加話毋值錢。一大篇、一句話在你佮意;總講一
句,會記得貼心的好話愛勇敢講出喙!
一句話五峰國中/王秀容
若欲講透枝,著愛一大篇;若有講入心肝穎,一句話就值錢。
啥人(siáng)見講一大篇?
有的人大舌閣興喋:一句講,都袂曉話,伊講我不懂(put-
tóng),無講規欉好好「無錯」,一講予人看破跤手,規欉「錯」
了了,三講四毋著,愈講愈重耽。
有的人看一个影,生一个囝:何瑞奇醫科,講做阿端哥醬料,
哩哩囉囉,竹篙鬥菜刀,有的講無,無的講甲喙角全波,風聲嗙
影,一隻蝨母嗙甲水牛大。
有的人歹瓜厚子,歹人厚言語:管人生,管人死,管人食穿
無情理,生言造語,無刀殺人,咒誓予別人死,害人艱苦罪過,用
放送謠言來箍家己的地盤;若煏空,雞喙變鴨喙,一句毋知百般無
代,撇甲離離離,諍講無細膩。
有的人膨風水雞刣無肉:講一枝長長,講(káng)若米桶,講講
規畚箕做無一湯匙,暗時全步數,天光無半步,空喙哺舌,講的比
做的較濟,允人攏是騙人。
有的人甕肚漚步歹心烏漉肚:講話三角六尖,好話毋出門,
歹話脹破腸,這款人上好是莫佮伊拄搪,看著伊就外省人食檸檬「
旋」(suan)喔!
好佳哉,有的人講天講地,講鱟杓講飯篱,答喙鼓、激五仁、
講笑詼,見講講鄉里,袂去講家己。俗語、孽譎仔話鬥甲峇峇峇閣
會牽絲,臭彈歕雞胿,笑甲腹肚疼規暝。這款人講愈大篇,逐家愈
佮意。
講話毋是大篇就贏,就愛中人聽。一句話有當時仔比一大篇較
到搭;一句話是璇石,較贏一大篇若塗沙。「一句話」會當代表一
切。
教師組散文◎特優
6 7
阿爸雖然無真懸的學歷,因為累積真濟經驗佮熱心,經濟狀
況漸漸起色的時,捌佇庄仔頭做過社區理事長,嘛捌選過村長,
為莊仔頭做足濟代誌。有一擺選舉前,看著替阿爸助選的柱仔跤
真緊張走來厝裡講:「大的、大的!對方咧用漚步數,咱是毋是
嘛愛買票,無會真歹拚?」看著阿爸面色一沉講:「任何人攏毋
准提錢出來買票,就算選輸,嘛愛輸較媠氣的!」結果,阿爸以
三票之差輸予對方,阮知影阿爸的心情真艱苦,毋過,看佇阮的
目睭內,卻是輸甲足光彩!你的風範,是阮永遠的驕傲!
做漁會理事長的時陣,有一工暗時轉--來,聽著你講:「因
為海洋受著汙染,政府補助漁民幾若億,咱都無像遐的食錢的人
,會共錢囥佇家己的褲橐袋仔,若無,咱規家伙仔幾若世人食穿
攏免煩惱。」阿母應講:「你就是這樣,我毋捌看過有人做官的
無趁著錢,閣愛家己塌錢出來做代誌。」阿爸笑笑仔講:「你毋
捌聽過做官清廉,食飯攪鹽?咱的生活過會去就好,毋通痟貪到
時就鑽雞籠。」阿爸一直做好模樣予阮看,阮看著你的正直、清
廉佮清高的骨氣!袂輸吳稚暉先生留予伊序當仔的遺言:「生不
帶來,死乃支配,可恥!」
阿爸,阮足想你,你的病痛敢攏好矣?袂赴好好仔有孝你,
予阮足心酸嘛足遺憾!你一直恬恬仔用家己的方式做予阮看,阮
會永遠囥佇心內,你是阮永遠的驕傲!
阿爸,你是阮永遠的驕傲秀朗國小/賴瑾萱
猶咧欲到中秋暝矣,一目 仔,阿爸已經離開阮七冬矣,想著
阿爸破病 (the)佇加護病房受苦的模樣,阮實在足毋甘,毋甘看
一个遮爾好的人受著病痛折磨!下暗,我猶閣睏袂去矣,向望阿爸
會使行入我的夢中,阮足想欲知影你這馬過了好無?
看著壁頂掛著彼張阿爸徛佇通頭到,為地方出力四界走傱的相
片,彼當陣阿爸的腰脊骨歪一爿,行路跤小可仔跛一下跛一下,仝
款日夜咧為鄉里服務,阮兄弟姊妹,就是按呢綴著阿爸拍拼的跤步
大漢的,阿爸的形影,永遠留佇阮的心目中!
一个無讀偌濟冊的庄跤人,會當靠家己拍拼,辛苦撫養七个囡
仔,實在使人敬佩。會記得拄讀冊的時陣,阿爸為著替阮兄弟姊妹
繳學費,四界傱錢;阮看阿爸為著規家伙仔的食穿,踮佇赤焱焱的
日頭跤作穡,尻脊骿全生水痱仔,冬天,透早閣愛出去搧海風,逐
工為趁食走傱,從來嘛毋捌聽過你喊忝,看著你為著撫養囝兒,遮
爾辛苦咧趁錢,阮足毋甘的,干焦會當叫家己愛認真讀冊,袂當予
你失望。
彼當陣,阿爸逐工作穡轉--來,攏會先看報紙,暗頓食飽,閣
會看電視新聞,不時咧關心國家大事。彼時,若看著較艱難的字,
猶閣會問阮這个字按怎讀?是啥物意思?你細漢的時陣因為無錢通
讀冊,一直靠家己認真咧自學,恬恬仔做予阮遮的序細仔看!
彼年,有五、六个阿爸的好朋友相招欲考駕照,三更半暝,
看阿爸猶坐佇燈仔火跤背「交通規則」,比阮遮的做學生囡仔的
閣較認真,讀遐的規則對你來講應該真困難,彼站,毋捌學過英文
的你,毋知去佗抄一寡英文字母,你會先寫出 的樣,問阮欲按怎
讀,遐的字母你是按呢一个一个背起來的,彼擺考試,所有的阿伯
仔筆試攏無通過,干焦你考著,阮的老爸哪會遐爾 !
教師組散文◎優等
8 9
開甲滿滿是,瓜仔一條一條直直生,對尾指仔大,沓沓仔變做連
一支手骨都捎袂牢遐爾重,袂輸teh變魔術咧!無去想無感覺有啥
了不起,詳細共想,這敢毋是天公伯仔創造的奇蹟?莫怪當阮捀
(phâng)著芳貢貢的飯菜,阿爸、阿母定定共阮提醒:愛感謝天地
賞賜咱一切!
阿爸講:「咱sui5-e5仔sui5-e5攏有家己的個性,農作物嘛是
按呢,像木瓜愛種佇焦焦懸懸的塗裡,若是湳土的環境,根就會爛
去、欉嘛會死翹翹。菜瓜佮木瓜倒反,有澹濕的環境,才會當生出
一條一條鮮閣甜的菜瓜。」我感覺洛神花欉上好鬥陣,無計較環境
好bái,種落塗了後,家己恬恬仔大漢、開花、結子(tsí),閣送咱
規樹欉一粒一粒的紅寶石。
阿爸閣講:「咱愛尊重農作物有一定的生長期,俗語講:『
食緊,挵破碗!』千萬毋通用各種方法去共催逼,親像咱人嘛愛經
過十偌年的成長才轉大人,『耐心』是現代人需要學習的功課。」
「哇!阿爸nài遐爾gâu,阿爸正港是我心目中的英雄」
都市作穡人清水高中/廖張皭
阮兜蹛佇新北市,離捷運站無偌遠的所在,阿爸、阿母日--時
攏咧上班,我是一个誠平常的都市囡仔。毋過,自從阿爸租一塊田
園了後,阮兜的生活有真大的改變,我這个都市倯(sông),總算有
機會通摸塗、耍水、挽菜、掠蟲、挽果子。
逐工透早上班進前,抑是下班日頭欲落山的時陣,阿爸攏會
去園裡巡巡lau-lau咧,阿爸講:「植物佮咱人仝款,攏需要人關
心、照顧。」若拄著公司歇睏的時,就是阿爸去菜園加班的日子,
阿母若有閒嘛會去鬥相共,阿爸、阿母tshing-tsai7佇菜園仔作
穡,無閒甲大粒汗、細粒汗喢喢滴,看 規身軀重汗,衫仔褲澹漉
漉閣臭酸汗味,就知影園裡的穡頭有偌爾仔粗重。我免上課的日子
嘛會去鬥跤手,毋過,阮阿爸、阿母足疼惜我的,攏揀較輕可的工
課予我做,無就是做無偌久,就叫我去芭蕉樹跤歇睏、啉茶、食點
心。
阿爸堅持用上自然的方式種作,無欲用農藥佮化學肥料,阮兜
的「歡喜農場」正港是各種生物的樂園。田蛤仔、刺毛蟲、蝶仔、
蜂、露螺、蚼蟻,鬧熱滾滾,塗底閣有濟濟的杜蚓。早起時有誠濟
鳥隻飛來飛去。
露螺是peh懸peh低的高手,定定趁阮無注意的時陣peh起lih香
椿的樹椏,娘仔樹嘛tshing-tsai7有露螺仔kiá佇遐,阿毋驚跋倒
摔落來,敢講是遐看風景的角度較迷人?
蚼蟻會使講比工程師閣較厲害,無暝無日咧建設 的王國,連
檸檬樹椏頂葉仔密密的所在嘛有 的岫,塗跤滿四界免講嘛有 的
厝,加上 是好鼻獅,所以草苺的滋味,有偌爾仔甘甜,問 上了
解lah!佳哉, 攏有留淡薄仔分阮食。
春天,是各種農作物生湠的好時機。菜瓜、金瓜、苦瓜、瓠
仔,對一粒細粒子開始發穎、牽藤、生湠,經過一兩月日了後,花
教師組散文◎優等
10 11
光復了後,臺灣沓沓仔變成工業佮商業的社會,種稻仔趁無
錢。彼當時仔,屏東縣政府佇咧推廣種蔥頭,外公嘛綴咧變步。根
據調查,臺灣上適合種蔥頭的所在,就是佇屏東,尤其是枋山、楓
港、車城、恆春遮四箍圍仔,蔥頭愛佇日頭焱閣有冷風的所在才會
有好的收成,屏東毋但燒烙閣有落山風,拄仔好會使予蔥頭一个『
五星級』的環境;就按呢,外公兜開始種蔥頭。阿母綴阿爸上北學
修理車了後,大舅仔猶是無愛種田,所以外公只好倩人來種,大舅
仔較愛掠魚仔,只要伊會當有正當的頭路,外公嘛隨在伊啊。好佳
哉,大舅仔總算是浪子回頭,拍拚咧扞家,家己有目標,曷使人
講,伊就會知輕重,真正是「頭毛搵澹,無洗袂使」啊。
自搬來到台北,屏東的阿姑仔、阿舅仔,毋管是親的抑是表
的,三不五時仔就會寄鯰迷仔、伯勞仔、鹹魚仔、檨仔佮蔥頭予
阮。有的物件因為環境保育的觀念普遍了後煞袂使閣掠矣,毋過到
今, 仝款嘛不時佇咧寄楓港的人情味來予阮。阮厝裡五个兄弟姐
妹攏已經嫁娶,平常時仔食人頭路無閒 是無通見面的;這馬,
阿母逐回若接著屏東寄來的物仔,伊就會連鞭分做五份,一份一份
攢好勢通送來予阮。雖罔阮攏毋甘阿母按呢走傱,毋過伊想欲共故
鄉的思念傳予阮的行動,阮那好意思打斷咧。逐擺遠遠看伊白蔥蔥
的頭毛梳甲足整齊,捾著一袋一袋的蔥頭,峇微仔笑咧,勇健的跤
步那行那倚,我就感覺蔥頭彼款的甜,嘛予心肝頭變甲甜粅粅,實
在是使人幸福的啦。
蔥頭網溪國小/洪靜春
拄才共電話講煞,阿母就聽著電鈴佇霆,伊寬寬仔行到門邊,
攑起對講機,確定是電話中大妗仔共阿母交代的物件寄到位矣。想
起細漢的時陣,下港的親情、朋友,就不時會寄寡「禮物」來台北
予阿母,我總是想無,啊無偌濟錢,那就遐爾仔費氣;等我較捌代
誌,才知伊每擺收著的,是對故鄉厚厚的思念。尾暗仔,阮規个厝
內就攏是蔥頭糋的芳味,這个古早味,是阿母的手路菜,逐擺若收
著對下港寄來的蔥頭,伊就會隨展工夫,毋過,我知影伊其實是佇
咧想阿媽對伊的教示。
做烏手的阿爸一下轉來到厝,毋管伊規身軀癩 爛癆,彼个
指甲是烏趖趖,手一捏就窒咧喙裡去,阿爸佮阿母 兩人是蹛仝庄
的,對這味,嘛是有深深的數念。聽講阿爸是為著欲逐一隻鳥鼠煞
來熟似阿母。阿爸是一个艱苦囡仔,阿公佇伊十偌歲的時,有一改
的風颱天,欲去海墘仔巡伊的漁船仔,無細膩煞去予痟狗湧捲去;
有當時仔我攏會想講,阿公無的確會對外國轉來揣阮,想起來是真
譀古,毋過,這款連續劇定定出現的劇情,毋知佇我的頭殼內想過
幾百遍囉,其實我嘛知影這是無較縒的。
阿母就無仝啊,伊厝裡是種田的,外公佇日治時代是咧共人
教日語的,所以阿母自細漢就有讀冊的機會。毋過外媽對阿母的訓
練,毋捌因為讀冊煞來減少。阿母干焦有一个阿兄,外媽生了少,
這對兄妹仔都愛做真濟田裡的穡頭,拹水、沃肥、薅草、挲草、剉
柴、割稻仔……,逐項攏就愛學。大舅仔無愛讀冊嘛無愛作穡,伊
定定趁外媽無注意著,就偷旋出去 迌,工課攏放予阿母一个人總
貿,逐擺若講著遮的過去,阿母攏會講「人毋通干焦死坐活食,無
欲討趁。」伊毋是咧譬相大舅仔,是佇咧苦勸阮遮的囝,愛學功夫
佮本事,就趁少年。
教師組散文◎甲等
12 13
送暗頓的便當去予伊食,就按呢雖然阿爸真愛讀冊,毋過嘛就向
現實環境妥協,所以國民學校畢業了後,就去學做塗水替厝內鬥趁
錢。
阿爸自阮細漢時就常說:「做雞就tshíng,做人就反,你就愛
認真讀冊,毋通閣像阿爸按呢無讀冊,一世人做工,定定愛看頭家
的面色,工課無保障,食老無氣力,人閣毋倩矣!」伊也一直向望
阮大漢會當做「提筆」的工課,坐辦公桌吹冷氣,毋免像伊靠氣力
趁毛管空流汗錢,嘛會使買轎車出門較四序,才袂像阮細漢一家伙
出門坐oo-tóo-bái吹風閣曝日。不過這馬阮顛倒足懷念細漢時,阿
爸騎oo-tóo-bái載我,替我擋頭前霜風的彼種感覺,阮攬阿爸的腰
貼佇伊的背後,這陣阿爸的背影親像一粒山。
嘛會記得佇囡仔時,有一冬的十二月天,阮燒熱到40度,四肢
已經跤痠手軟,阿爸三步做兩步走,偝阮去診所。覆佇阿爸的尻脊
後,阮第一擺感覺著阿爸的緊張佮大心氣,雖然佇寒流來的暗時,
阿爸鬢角卻是一直滴汗,背後的衫嘛澹澹,彼个走傱的背影,過了
三十年,阮猶原袂予放袂記,佇彼个寒天,阿爸的尻脊骿是上蓋溫
暖,上蓋實在的倚靠。
今我佇台北教冊閣兼行政工作,寒暑假也著上班,比較khah無
閒,只有半年轉去一擺,每一次轉去故鄉台南,阿爸看起來就老一
寡,尻脊骿嘛閣較曲痀一屑仔 ,毋過印象中,彼个親像山的背影,
會一直予阮依倚;彼个偝我去看病的背影,會永遠佇阮的心內。
佇八月初七這工的透早,雖然才早起七點外,毋過日頭就焰煞
煞,天氣非常的翕熱,雖然這馬學校歇熱,毋過路裡趕欲去上班的
車輛猶原遐爾濟。我駛車欲去學校的半路,一隻oo-tóo-bái雄雄對
巷仔衝出來,差一點就去共我挵著,害我急擋,不過手內彼杯早頓
的奶茶煞來捙倒,淋甲規四界,騎oo-tóo-bái的彼个老先生嘛無落
來會失禮,反倒轉催油門離開。
看著彼位老先生騎著野狼125的oo-tóo-bái,車後斗閣用皮帶
綁一kha青色的籃仔,籃仔內囥真濟家私頭仔,兇狂狂好親像欲趕
去上班仝款,遐的裝備佮彼个形體,好親像記憶中老爸欲出門去做
塗水趁錢的背影,所以我並無受氣,顛倒是予我陷入數十年前回憶
當中。
會記得細漢的時陣,阿爸毋管是透風落雨,抑是燒山焰日,
一透早攏是騎oo-tóo-bái出去做工趁錢,為著欲飼厝內四个囝,連
拜六、禮拜都毋甘歇睏,除了身體毋拄好,規年迵天干焦停睏二九
暝到初五過年的時陣。囡仔時的我,毋捌代誌,常共老爸亂,叫伊
tshua我去tshit-thô,阿爸總是講:「厝內干焦阿爸一雙手咧趁錢
爾,我欲趁少年有氣力,頭家閣欲倩的時,加趁一寡,若較老矣,
無法度閣繼續靠勞力趁錢,毋知恁四个囡仔讀大學的學費欲對佗位
來,而且咱這陣猶閣是共人稅厝,總是愛儉錢買一間家己的厝。當
初細漢袂當理解阿爸的意思,就喙仔翹翹,認為阿爸想傷濟,每一
擺講的理由攏仝款,佇現此時我嘛已經做老爸矣,我才了解阿爸當
初時的擔頭是偌爾仔重!
阿爸出世佇戰後,彼个時代物質條件誠 ,經濟嘛非常的艱
拮!閣再加上in老爸佇落雨天趕卻擔鹽過鹽埕溝時,煞予滑倒摔著
傷,真早就來過身,阮阿媽只好四界去做園裡工。佇彼个需要惡補
到暗時,才會考tiâu初中的年代,厝內無錢予伊補習,嘛無人共伊
彼 背影重陽國小/吳昭慶
教師組散文◎甲等
14 15
經過一番的撨摵,來到警察局做筆錄的時,
「你的『酒測值』是0,是按怎會遮爾無細膩?」警察問。
「攏嘛是我彼个無緣的查某朋友害的,因為失戀閣想起過去的
種種,心肝足艱苦才會變按呢!」
「你真正食著弓蕉皮喔!歹勢!我一看著車挵甲靡靡卯卯,性
地著夯起來……」
「是我較毋著啦!毋過我一直想無是按怎拄才你一直叫我換
輪?我明明咧駛車是欲按怎換輪?」
「哈哈哈!少年仔,彼是台語佮英語相敆的孽譎仔話,換
『lane』是叫你換別逝駛,毋管是咱的人生抑是開車,換『lane』
佮換輪,攏會予咱的生命佮前途有料想袂到的機會佮出路。痛苦的
人行袂出來,有福氣的人會曉迒過,這个功課咱愛沓沓仔修。」
阿明目屎含著咧講:「感謝你的開破,我的心情加足好矣!暗
暝才看會著天星,萬項代誌攏強逼袂來,無緣的我會放伊去,閣再
重新開始。多謝你!」
無人知影生命中的佗一條路是正確的,每一擺的轉彎踅斡攏是
機會。越頭看過去無啥物毋好,毋過愛學會曉放下,人生的路才會
開闊。若事事項項攏欲抾牢咧毋願放,咱的枷就會愈夯愈濟,心念
佮腹腸就會愈來愈狹、看袂遠。所以,愛換『lane』用智慧的光來
引 咱行向彩色的人生,按呢咱的生活佮社會才會和諧、進步!
「講啥物山盟海誓,講啥物永遠欲做伙,你、我來分開才短短
三個月……」車窗外雷公爍爁乒乓叫,雨水袂輸用倒的仝款,害雨
捽仔仙掰都掰袂離;閣聽著這塊歌曲,予阿明想著昨昏阿雪講欲共
伊扯,害伊的心肝底嘛開始綴咧落大雨,滿腹的心酸鬱卒在心底,
揣無人通好敨氣,愈想愈凝,車嘛愈駛愈緊,一時失覺察,煞對頭
前的車大力共「唚」落去!這聲代誌大條矣……
人講:「相拍無揀位,相罵無揀喙」阿明雨傘攑咧趕緊落車,
車門一開,就聽著對方出喙開始嚷:「無你是目睭藏佇橐袋仔底,
攏無咧看是無?雨落遮爾大,你閣駛甲遮青狂是欲去投胎是無?愛
緊,你煞袂曉換『lane』去衝,看欲衝偌緊嘛無人會插你!」雖然
明其知影家己毋著,毋過聽著對方供體伊是欲去投胎,閣叫伊佇高
速公路頂換輪,阿明見笑轉受氣,規腹火開始著起來,大聲應:「
無代無誌你咒讖我車愛換輪是欲創啥?你莫共我拍觸衰好無!」「
我才無共你咒讖,青狂狗食無潘,你一定是開甲踅神去,若無,邊
仔彼條路攏無車,你是按怎無愛換『lane』去駛!今,食緊挵破
碗,害咱兩个佇遮淋猴,你有歡喜無?等咧警察來先開一包紅包予
你退燒,看你會心涼脾土開無!」阿明已經鬱卒甲欲死,閣聽著對
方按呢共伊洗面,愈想愈氣,毋閣看著警察遠遠咧來矣,只好先忍
咧才講!
「大人矣!雨落遮爾大,這个人無生目睭,一直硬死抨來欲共
我挵,害我無地閃……」
「請問你有啉酒無?咱先做『酒測』看莫!」警察講。
「無啦!我真正一滴都無啖著,是食著弓蕉皮,鬱卒,無注意
才共伊挵著!」
「你閣有才調拍拉涼,看起來應該是啉袂少喔!」
「無啦!我真正無啦!」阿明一直辯解,心內想:這聲真正種匏
仔生菜瓜,等咧食罰單矣!
換『lane』換輪大同國小/沈瑩玲
教師組散文◎甲等
16 17
廣告單,機會較大。」阮聽著攏喝毋通,這馬天氣遐爾熱,佇外口
走傱,若是著痧就害矣!我騙伊講:「彼廣告單一張印起來愛幾若
箍,掖出去若親像挕掉,無彩錢啦!」伊才準拄煞。兩、三工後,
伊敲電話予我,講伊揣著一間印刷廠,印彩色的一千張才八百箍,
講甲誠歡喜,講伊錢攏付矣,明仔載就會使去提。原來,阿母猶未
放棄伊的計畫,這幾工,伊一直騎機車四界去走揣印費較俗的店,
嘛真正予伊揣著囉。就按呢,阿母開始出去分傳單,伊的「附近」
範圍誠闊,毋但蘆洲,閣分甲士林、三重埔去。阮攏誠煩惱,阿母
已經六十幾歲囉,身體因為年久月深的操勞,毋是偌康健,伊一家
一戶行路去分廣告單,行甲兩肢跤攏腫起來。叫伊莫去,伊就趁小
妹去上班、阿爸咧睏晝的時陣,掩掩揜揜旋出去,逐家真正無伊的
法度。一直到一千張廣告單攏發完矣,阿母才無閣偷走出去。
佇阿母想著新辦法進前,大姊先共伊吩咐,講七月時無人欲看
厝,會當歇一月日,阿母才無新的動作。大姊閣共阮交代,愛趁這
個月緊安排阿母去tshit迌;抑是去上課,學一寡物件,予伊較無
閒咧,無伊一定會繼續蹽落去。
這就是我的媽媽,一个固執的老大人,阮攏知影伊的堅持是因
為愛,是對囝兒序細的疼痛,我共伊講厝真正毋免賣,因為伊做代
誌的決心,就是留予阮上好的財產。
這是一个發生佇今年熱天的故事,是一个平凡媽媽的故事,這
个故事予我看著啥物叫做堅持。
我的阿母是一个庄跤囡仔,自細漢就誠操勞,伊的性癖真骨
力,查某囝攏大漢,會當趁錢予伊矣,伊嘛是繼續去菜市仔做生
理。伊講伊猶會做,無想欲共查某囝提錢。這幾年,伊的腰脊骨愈
來愈無力,無法度提重的物件,伊才承認伊老矣,決定今年欲退
休。阮攏想講阿母總算會當好好仔歇睏一下,想袂到伊開始計畫一
件大代誌,就是賣厝。
阮彼間厝已經蹛十外年矣,蹛甲好勢好勢,阿母雄雄講欲賣,
規家伙仔攏驚一趒。我問阿母是按怎想欲賣厝?阿母講:「恁姊妹
仔攏嫁出去矣,我佮恁老爸毋免蹛遐爾大間的厝,厝賣賣咧,會當
分一寡錢予恁。恁大姊蹛的彼間厝嘛舊矣,翻厝愛開袂少錢;你厝
款會使還一寡,負擔才袂遐重;阿婷伊有三个囡仔,開銷嘛誠大。
阮換一間較細間的來蹛就好。」搬厝是一件大工程,我苦勸伊莫遐
爾辛苦。我講:「你的查某囝、囝婿攏有咧食頭路,日子會當過,
你免煩惱啦!厝你蹛就好,而且,這站厝拄仔好咧落價,歹賣啦。
」阮阿母的想法佮我無仝,伊講:「就是厝佇落價,才愛緊賣,無
會愈賣愈無價。」
第二工,伊就去揣賣厝的中人,委託in替阮賣厝。來看厝的
人誠濟,毋過人攏嫌傷貴,攏講袂成。阿母講:「中人兩爿攏愛
抽,價數傷懸,才會歹賣,我家己來賣看覓。」伊隨講隨做,去訂
做一塊賣厝廣告的紅布條,掛佇門跤口;閣叫我做幾張廣告單,伊
欲提去貼佇附近的公佈欄。阿母的步數誠有效,敲電話來問的、來
看厝的,攏變濟矣,毋過厝嘛是無賣出去。阿母毋願放棄,伊閣想
新步,伊講:「咱廣告貼佇遐等人看,傷慢啦!規氣我來去附近分
賣厝記鷺江國小/曾琬祺
教師組散文◎佳作
18 19
二姊常常講著小雪總是講甲喙笑目笑,有一種滿足的表情。
小雪來到 家,毋但帶予一家的歡樂,也彌補伊沒查某囝的遺憾。
我常共二姊講:「恁兜小雪實在是真好命,照顧伊敢若照顧人仝
款,伊一定是前世燒好香,才會來恁兜予恁飼,真是好狗命,唉!
真正是人不如狗哩!」
每年伊的生日,二姊就招一陣親戚朋友來 兜幫小雪過生日,
逐家攏足佮意伊,大人、囡仔攏愛和伊 迌。佇FaceBook留言的朋
友,除了祝小雪生日快樂,逐家攏呵咾伊是一隻聰明可愛的狗!今
年小雪十歲,相當是人類七十歲矣,這工,大外甥雞卵糕拄才提進
門口,伊就歡喜甲衝過來幫伊開紗(se)門,因為人食的雞卵糕配
方佮寵物專用無仝款,容易造成伊身體負擔,雖然伊真愛吃,毋過
並無予伊食傷濟,只是意思意思一下爾爾,難得予小雪食這種高熱
量的食物,伊也吃甲足歡喜。寵物毋是人的一生,但是人卻是伊的
一世人,希望伊會當健健康康,一直陪伴二姊 一家!
二姊有二个後生,二姊和姊夫攏誠希望有一个查某囡,因為
二姊身體無講蓋好,生完二个了後,就無閣生矣!在一个機緣下,
朋友送 (in)一个查某囡---小雪。小雪毋是人,伊是一隻真古
錐的拉不拉多狗。一向愛清氣的二姊,本底無愛飼寵物(thióng-
but)不過二姊一家伙仔看著伊攏真佮意伊,因為伊是母的,所以
就共伊當做是查某囝仝款對待。
講著小雪,伊是一隻很有人性又閣古錐的狗仔,每當厝裡的人
欲出門上班上課,伊都愛家己佇厝,小雪就綴前綴後(tuè-tsîng-
tuè-au)徛佇門口用伊痴痴的眼神向望看會當 伊出門。若是聽
著轉來的人開門聲,就隨跑到門口歡喜甲尾溜搖來搖去傱來傱去
(tsông lâi tsông khì),歡喜甲噗噗跳!姊夫是做生理的,每
日無閒到暗,無論偌疲勞姊夫攏會 伊出門走走跳跳的,二姊嘛不
時燖大骨湯予伊食,二个外甥嘛會幫伊洗身軀整理伊的毛,全家旅
行時,BMW嘛有伊專屬的座位。全家對這个查某囝、小妹是惜命命
喔!
因為工作關係二姊時常到國外,有時陣出去誠久,伊若敲電話
轉來,攏會用電話佮伊講話,小雪聽著二姊的聲,雖然只會「汪!
汪!」的叫,不過若像囡仔咧叫「媽媽,我真想妳,妳緊轉來啦!
」二姊回國拄入門小雪尾溜搖袂停,歡喜甲往二姊身上跳,將她仆
倒佇塗跤(thôo-kha),二个又是親又是抱的,眼角閣含著目屎,
親像囡仔共父母司奶(sai-nai)。毋知影啥物時陣,小雪突然間
會曉新技能(ki-lîng)”敲門”(khà-mng)!佇真濟(tse)擺
(pái)使用發覺有明顯的效果了後,這馬(tsit-má)有所求時都
會敲二姊的房間門,會當講是逐工敲,連半暝也敲,二姊完全是予
伊創治甲也好笑也好氣的狀態矣!
二姊兜的小雪安和國小/蔡岳彤
教師組散文◎佳作
20 21
史掀過去?未來予我和恁勇敢向前行……」
浪子啊!仙人拍鼓有時錯,跤步踏差啥人無?慈祥的爸母恬恬
共你講:「人生的痛苦佮快樂,往往來自內心的體驗,有跋才會大,
平安轉來就好!浪子回頭金不换,荏荏馬嘛有一步踢,你雖然是阮
的向望佮寄託,毋閣你毋免和阮有相仝的性命過程。」一時間,你
發覺著你的生活方式和生存條件,其實已經予爸母的內心帶來無限
的心酸佮沉重。面頭前,爸母這款簡單平凡的期待,予你的心肝頭
浮現出一種講袂出喙的虧欠。
你講:親愛的阿爸、阿母,恁的深情大愛,予我聽著世間上媠
的聲嗽。過去,我目睭看懸,無看低,未曾學行先學飛,未曾掖種
想挽瓜,佇遮我共恁懺悔!對這馬,我欲一步一跤印;對未來,我
欲重新走揣奮鬥的目標,勇敢向前行,多謝恁的牽教!
人生是一个充滿覺悟佮啟發性的過程,有的人,少年袂曉想,
生活放蕩、愛 迌,in這款無了時的浪蕩個性,日後的命運,定著
會遭受著別人無仝的評價佮試探。
大學是人生旅途中重要的坎站,也是籌備未來生活的一个學習
階段,毋閣當課業的壓力共你纏甲強欲袂喘氣,大到予你對課程的
學習並無抱著任何的向望時,你講你欲真實來面對家己,無欲予別
人的期待決定你的人生,所以你欲放棄往時所學的,重新予家己享
受性命的確實滋味。
雖然這是一條無受允准的路,毋閣「逃出來」的思想,予你佇
這場「學習權力」的鬥法中,你愈行愈膽,無咧懍啥人。你是完完
全全的主人,致使佇彼年「清明」的三更暝半,你恬恬仔共包袱仔
款款咧,無聲無說來踏入面頭前彼片茫茫的未知世界,你想欲利用
「離家出走」來逃脫無形的限制,成做一个辜負爸母期待的浪子。
爸母是孕育咱性命的人,佇爸母的眼中,囝兒就是唯一,就
是所有,咱有啥物理由會當放捒爸母的愛?離家出走的浪子啊!你
敢知影你這款兇狂的行為,帶予爸母的煩惱佮驚惶,袂輸弓開的利
箭,一箭接一箭,箭箭射對in袂堪得的身軀頂,你這个無情的打
擊,嘛不時予in的目屎四淋垂,天頂的彩雲,一時間,也來變做烏
雲。
因為父母疼囝長流水,所以時間對充滿愛的序大人來講,永遠
都袂傷長,從你離家出走的一冬外來,靠著厝裡慈母彼一擺一擺、
一聲一聲愛的呼叫佮款勸,落尾終也感動著你這个跋落去坑崁的浪
子。電話中你輕輕仔講:「浪子的心情,親像天頂閃爍的流星,浪
子的運命,親像鼎底狗蟻的心裡,我嘛是想欲,我嘛是想欲,重新
來做起,親愛的阿爸、阿母,天光矣,我敢會當共過去當做一頁歷
浪子厚德國小/陳素年
教師組散文◎佳作
22 23