en pere sense por
DESCRIPTION
Conte popular escrit per alumnes de BarcelonaTRANSCRIPT
Pere ur itteggwden
Ira illa ijj n uḥenjir qqaren-as Pere, ur issin min teɛna tiggwdi, ur ijji wi isseqsa x
min teɛna, ma d tameslayt, ma d lweḥc, ma d bnadem. Maca iwdan ur ssinen
mux d-as γa sfehmen min teɛna. Ar wami d ijj n wass, yuḥḥel ma ad isell i
yewdan qqaren qa ggwden, ar umeggaru, isafar di ddunnit ḥuma ad irzu x tiggwdi.
Iqqim iggur iggur, arami yewweḍ ar ijj n udewwar deg-s ijjt n lxirbet, inna-s
imken ad t-jjen a dinni iṭṭes. Maca umi ikker ad isqerqeb gi tewwurt, inna-yas ijj
n urgaz ur din ittadef ci, mizi tettas-ed dinni tiggwdi kul llilet. Pere, iɛejb-as lḥal,
inna-yas:
- ḥsen ɛad! X tiggwdi i rezzuγ. Ad ac-ijj rebbi. Mana tseɛdit-a γar-i
Argaz-nni innexleɛ, itγir qa d abuhali, ismeḥ dag-es, yugur. Ruxennit, yudef
Pere di taddart-nni, yufa dinni ṭṭebla teccur s macca. Immunsu, iruḥ ad iṭṭes deg
ijj n uxxam. Cwit, ibda ittessla “kriiiik-kriiiik”, uḍan-d ixsan n yewdan d ijjt n
lxecbet zi ssqef. Pere inḍu-yas yiḍes, ibda ittirar tibulatin s ixsan-nni. Men bed,
ibda itsemmiɛ ijj n ddriz d ameqran n tsensal, ffγen-d ci n iwdan d imezyanen,
sγuyyen x-as:
- necnin d iciṭanen ? I cekk min teɛnid? Mux temsal ur d-aneγ teggwided
ci?...Neccnin kul llilet, ntegg ddriz-a mizi umi bnin taddart-a, inna-as bab
n taddart: “taẓrut-a, ad tigg uciṭan”. Necnin nebni-tt. Ruxa necnin nxes ad netxales, mizi bab n taddart ur d-aneγ-ixelles ci! Tselled I ddriz-nni?
- Ziγenta d kenniw ig iggin ddriz-nni ur telli bu tiggwdi. Ayyaw. I necc ira
xseγ ad ẓreγ tiggwdi-nni min xef rezzuγ. Min teqqarem? Ur d-akum
txellisen ca taẓrut i teggim? Iwa ksim-tt, jjem-ayi ad tṭṣeγ, a icitanen n
cciṭan!
Teṭṭef-iten tiggwdi zi Pere , ksin taẓrut-nni, ur d-dwilen ɛemmer-s ar taddart-nni.
Tiwecca-ines ak tifawt, iffeγ Pere berra. Yufa Trajan-t irgazen, timγaren, reẓmen
g-es aqemmum mizi ur iggwid ci. Iɛawed-asen min d-as-yuqɛen, yuc-as bab n
taddart takemmust n tenɛacin.
Iqqim iggur, iggur, itseqqsa mani tella tiggwdi. Ijj n wass, tenna-as ijjt n twessart
qa mala iraḥ ar lfendeq n Passarrel, ad issen min teɛna tiggwdi. Iraḥ dini. Inna-
yas bab n lfendeq:
- tus-id tɛeḍled, ur d-ak teggeγ bu umensi. Ad ugureγ mizi kul azgen n
llilet, tteffeγ-d tiggwdi. Inna-yas ak ixef-ines “ɛlik d ṣṣeḥ”. Iksi ijjt n
tmeqlat, ibda iqella ci n tebṭaṭatin deg imejmar. Cwit, isell i yijj n wajjaj itekk-ed zeg usufeγ n ddexxan, issenhizza taddart tekmel.
- - ad uḍiγ, ad uḍiγ!
- uḍa-d mala texsed. Uḍa-d mani ma, γir ur d-wetṭi ci gi tmeqlat a yireẓẓa.
Ikkes tameqlat-nni zi tmessi, x-es, iwḍa-d zeg usufeγ n ddexxan, ijj n butgeɛrurt.
inna-yas i Pere s ijj n uzzal deg ufus:
- tessned a yireẓẓa, iqqim γir ijj n umeẓẓuγ d aẓelmaḍ ad kemmleγ i miyya,
ḥuma ad afeγ ijj n usfer (ddwa), ad ayi-ikkes tgeɛrurt. Ssewjed ixef-inek,
ad ak-qesseγ ameẓẓuγ.
Pere isiyyeb batata d zzit, ibda iccat-it s tmeqlat ar weɛrur, inna-yas:
- lla, ameẓẓuγ-inu aẓelmaḍ iɛizz x-afi aṭṭas am wenni afusi. Cek, ur
the’dajjed bu umeẓẓuγ ḥuma ad tekksed tageɛrurt, abuhali bu tuzzalt. S
ijj n arbɛa n teyyita s tmeqlat ad ak-waṭiγ aɛrur ktar zi missa n plantca.
Iqqim iccat-it arami d-as-isseḍleq aɛrur. Argaz-nni iɛjeb-as lḥal, ifreḥ aṭṭas, inna-
yas:
- umi d-tteffγed d argaz, tekksed-ayi tageɛrurt, ad ak-uceγ taqnuct n
tenɛacin.
Aḥenjir-nni iṭṭes mliḥ llilet tekmel, tiwecca-ines yugur s uqrab-ines iccur s
tenɛacin. Iggur, iggur, arami iwweḍ ar ijjt n taddart temγar, isqerqeb. Umi yufa
ur d-as-d-irẓem ḥedd, isɛan tawwurt, yudef. Yufa ijjt n tṭeblat teccur s macca. Ira
din tlata n teqnucin ccurent s teḥrirt takatalant (escudella), tlata n tengulin
meγrent am tjerrarin n ukarru d tlata n ṭurṭiyyat , kul ijjt anect n udewwar. Icca
Pere cwayt zi the’rirt, ijj n uzgen n ṭurṭiya d cwit n uγrum. Irzu x umkan mani γa
yetṭes, yufa tlata n kamat anect n barsiluna. Itṭes deg ijjten zzeg-sent. Dinni, usin-d iqemqamen-nni izeddγen di taddart-nni, bdan qqaren ijj ijj:
- ḥedd icca-ayi zi teḥrirt
- - ḥedd icca-ayi zeg uγrum
- ḥedd icca-ayi zi ṭurṭiya.
Udfen ar uxxam, ufin Pere iṭṭes. Snekkren-t-id s tγuyyet, inna-yasen:
- min da teggem a iḥenjiren? Mimmi i d-ayi tesfaqqem zeg iḍes? Netnin tγir-asen qa ijhed, nnan-as qa usin-d zeg ijj n umenγi ira ixessa-yasen ad
ssinni d-ksin ijj n uqedduḥ dag-es ijj n usafar isselsaq zzag-es ijj n uwessar izellifen i tqessasen netnin.
- lla walu, teqqarem ixerriqen, ur d-ackum-ttiqqiγ mala ur d-ayi-tejjim ad akum-kkseγ izellifen, ad ten-sselsqeγ.
Agellid n tmurt ira ur yufi mux as-γa-yegg ad infekk zeg iqemqamen-nni. Pere,
bla ma d-issen walu zi manaya, ikkes-asen izellifen, isselseq-iten s umeḍren, iqemqamen-nni mmuten s tiggwdi i ten-ileqfen. S manaya, agellid, yuc-as yelli-s i Pere. Tageldunt tessen ira Pere irezzu ad
issen min teɛna tiggwdi, tejj-it iṭṭes, tferreγ x-es aṣḍil n waman. Netta, ifaqq-ed
innexleɛ, ruxa, issen min teɛna tiggwdi.
Inelmaden n wis arbɛa n tmezgida n Drassanes.