! ! ! !小村故事多!充满喜和乐"小姐

勿出门!相亲楼台阁#

有趟仔去参加一个读书活动，齐巧，同一只门堂子还有一场相亲活动。结果，人轧辣一作堆，一时头里搞勿清爽啥人来做啥。辣末生头听到一个男声，蛮响：

侬是来相亲嗰，还是来读书嗰？回答是一个女声，稍许轻一眼：相亲。屏勿牢差点笑出来，想想时代

勿同了，相亲搿种事体用勿着暗黜黜了。摆辣老早仔，相亲活动还是要迓迓交嗰。

记得有一趟去安徽宏村旅游，参观当地旧时民居。搿是一家大户人家，造房子相当用心，不仅房间多，功能也相当齐全。书房外头是一扇防盗门，意思

是，万一屋里碰着强盗抢，先要保护嗰是老师跟小朋友。屋里有麻将室，里向麻将台个

摆放也有讲究———勿能跟墙平行，必须抵角摆放。据说是因为搓麻将属于偏财，假使台子摆正了，主人是要输钞票嗰。

客堂靠前两侧有两间老小个房间，叫做耳房，据说当年房屋主人请人来屋里唱戏就要用到搿两间房间，一间拨乐队，一间拨演员。搿能看来，从前唱戏人像煞见勿得人，叫到屋里来，也要叫伊拉孵辣耳房门里，关好仔门唱，只闻其声，不见其人。顶顶好白相嗰还是小姐绣房个

墙壁浪向有两只小洞，导游讲搿叫“相亲孔”。据说，当年屋主女儿到了出嫁年龄，屋主就寻机会请十里八

乡看得上眼个小伙子到底楼小客厅里作客，上头就是绣楼，小姐可以居高临下从相亲孔里细细

交看，寻找满意个郎君。听导游讲得扎劲，心里实在是有交关事

体搞勿清爽：当年坐辣下头个小伙子阿晓得上头有人辣辣偷看？假使晓得了，阿会觉着委屈———拨人家拣来拣去算啥名堂？还有，勿晓得迭能介个相亲能看几趟？毕

竟关系到小姐一辈子个幸福，好像一趟定终身勿大够哦。就算是唐伯虎搿能个风流才子，也是看到秋香对伊笑仔三笑，伊才觉得心里放勿落嗰。

!沪语解释"

轧辣一作堆$挤作一堆#

辣末生头$突然#

暗黜黜$暗地里#

迓迓交$悄悄地#

细细交$仔仔细细地#

放勿落$放不下#

! ! ! !锯子的锯，上海人读成（!"），文字该怎么写，有点疑惑。《上海方言词典》以空格代之。明清时，有文献记为“钅解”。明代朱燮元《督蜀疏草》卷七：“差人往各土司商议，见在钅解板造船搭桥等情。”其中“钅解板”，即锯木成板。清代道光四年《凤凰厅志·苗防》：“黄杨木、楠木钅解成板片，砍印斧记放山下。”#$%&年出版的李劼人的长篇历史小说《大波》中，也用到钅解字：“杉木板子钅解得多轻巧哟！”'(()年出版的《中华字海》里还能查到这个字。然而，早期的字书里并无“钅解”字，这只

是“解”的增旁字，是近古以来诸多新创汉字之一。“钅解”的原型，就是“解”。“解”在古汉语中是多音多义字，其中的一个读音就近似于（!"），在《广韵》中属“古隘切”。刊于宋代的《周易正义》说：“解有两音，一古贾反……一谐贾反。”现在的上海话许多时候依然把“解”读若 !"：解鞋带、解纽扣、解释

清爽、股票解套等等。“解”的主要释义在《说文解字》中已说得明白：“判也，从刀判牛角。”就是拆分、剖开；用在树木上，自然是普通话“锯”的概念。南朝《世说新语·赏誉》有“胡母彦因吐佳言如屑”一句；之后刘孝标注释这句话的意思是：“言谈之流，靡靡如解木出屑也。”唐代刘恂《岭表录异》：“木性如竹，紫黑色，有文理而坚，工人解之以制博弈局。”这里的“解”都是“锯”的意思。《金瓶梅词话》第六十七回：“我的儿，你肚子里枣胡解板儿，能有几句儿。”说的是枣核太小，锯不成板；用“句”谐音“锯”，嘲讽春鸿行酒令时说不上几句词。“钅解”（!"）在上海话中用得较多。钅解树、电钅解、钅解条皮，木匠钅解子钅解木头；把“钅解”说成“锯”（*+），总不那么顺口。,-#.年“中国汉字听写大会”发起“全民焐热冰封汉字行动”；如果在上海话中有一部分冰封古汉字需要重新焐热，那么“钅解”字或可列其间。

! ! ! !上世纪 /-年代，有一个叫阿根个老宁波经常来阿拉弄堂推销伊自制搿盐炒豆。“三北盐炒豆———”带有上海口音搿宁波腔，一旦辣弄堂里响起来，阿拉搿帮小八拉子侪会蜂拥而来，用零用钿买盐炒豆，又松又脆，还带点奶油香，味道交关崭。或许是因为生意太好了，后来老

宁波就开始出花样，搞摸彩游戏。伊有一只厚帆布书包，里向放满竹牌，上面写有“将、士、象、车、马、炮、卒”等字，一分洋钿摸一趟。摸到“卒”，%粒盐炒豆，摸到“马、炮”可以拿 / 粒，摸到“车”'- 粒，摸到“士、象”,- 粒，摸到“将”%-粒，假使摸到“斯大林”、“列宁”，分别可以拿到 /-粒和 '--粒。一开始，大家侪觉得有趣，所以一听见小囡叫“老宁波来了”，屋里大人侪会拿几张分币，让伊拉去试试运道。勿过，无论哪家小囡，运道侪勿会

忒好，大多数摸到嗰侪是卒，很少摸到马炮，更勿要讲车、士、象了。有一天，几个小囡围牢阿根起哄，讲伊是骗子，书包里根本没有士、象、将等“大牌”。老宁波听了，不慌不忙从书包里摸出写有士、象、将等字个竹牌，然后讲：“看到口伐？那搿点小鬼头手气蹩脚，摸不到不要怪我个竹牌！”搿能一来，小囡侪服帖了，不再吵闹，只怪自家运道不好。

弄堂里有个小囡叫阿毛，脑子活络，特别会白相。小辰光，我跟伊一道刮香烟牌子、打弹子、滚铁圈、踩高跷，白相得昏天黑地。至于掷骰子、打扑克、搓麻将、斗赚绩，阿毛样样精通。比如白相纸头做搿“斗田鸡”游戏，伊就用画报纸做成正反两面一样，结果勿论别人哪能吹，伊个“田鸡”侪不翻身，只会赢不会输。真正是人小花头浓，胆小吃大葱。阿毛一直怀疑老宁波书包里向有

花头。有一趟，趁老宁波勿注意，伊拿手伸进书包里一阵乱摸，终于被伊发现秘密。原来，搿只书包里有两层，下面一层有交关小袋，里向塞满写有士、象、将等“大牌”；隔一层厚帆布搿上面，则放满兵、卒跟少量马、炮。小朋友去摸，只能摸到上面一层；如果侬怀疑伊，伊就会从夹层里摸出一张张大牌来，弄得侬呒没闲话讲。阿毛拿秘密一揭穿，小朋友侪哄

闹起来，围牢老宁波骂，讲伊勿要面孔。老宁波被骂得面孔通红，急急忙忙

逃走了。从此以后，老宁波再也不到阿拉弄堂里来了。辰光一长，小朋友侪觉得缺少了点啥，又开始想念起了迭个老宁波，搭仔伊个盐炒豆。于是，大家转而抱怨阿毛，讲侬迭搿小赤佬，真是吃饱饭多管闲事，卖弄小聪明，结果弄得大家交关勿开心。

! ! ! !要当好一名煮妇不简单，特别是辣辣三年经济困难时期，大家收

入侪不高，市场浪向供应也严重不足，搿种情况之下要让家人吃饱又吃好，每一家煮妇侪必须精打细算。鸡蛋是当时饭桌上最常见个荤菜，阿

婆心疼我和弟弟长身体，中午会煎两只荷包蛋，戏称“太阳蛋”。俗话讲：“天无二日”，勿过阿拉屋里向个“太阳”一直是两只。即使全家人一道吃晚饭，作为“太阳”个荷包蛋始终只有两只，归我和弟弟享用。煎好蛋之后，镬子里还有一点油花，阿

婆加点酱油，加点绿叶菜，就是一道汤，戏称“太阳汤”。“太阳汤”里有碧绿生青个菜叶，有香喷喷个油花，深得全家人个欢喜。对我来讲，搿只“太阳汤”就是经典，即使到了现在，我还是经常会亲自动手做搿能一道汤———荷包蛋菜汤，只勿过当年个美味现在只是一道最普通不过个家常菜了。阿婆还有一道拿手菜，叫“蟹粉炒蛋”，

记忆里搿道菜只有屋里来了客人才能尝到。其实，搿道菜里是一点蟹也呒没嗰，只是辣炒鸡蛋里加了醋、糖和生姜末，另外还有一点切成碎末个胡萝卜和黑木耳，看起来有点像蟹黄。摆到现在来讲，搿绝对可以算是“假冒

伪劣”了，但当年真个感觉吃出了大闸蟹个味道。现在有辰光到饭店点菜，我也经常会点一只“蟹粉炒蛋”，搿只菜里是真个有蟹粉嗰，只是再也吃不出当年个味道了。当年肉是凭票供应嗰，本帮名菜“外婆

红烧肉”阿拉上海人一年也难得吃一趟，而且一定还要添加交关辅料，常见个辅料包括百叶结、豆腐干、梅干菜等，有时还会拿

春季青菜个外叶（现在一般侪是厾脱嗰）放辣盐水里汆过，晾干后做成菜干，烧肉时加一点。红烧肉个肉香侪被搿点辅料“骗”走了，结果往往是“辅料吃出肉味道”，有人就是专门欢喜吃红烧肉里个百叶结和豆腐干，对肉反而不感兴趣了。平时做成肉菜，肉一般侪会被斩成肉丝、

肉末。记忆里冬季个“烂糊肉丝”是最受欢迎嗰，二两肉和半颗大白菜一道炖，带汤带水，有荤有素，是阿拉小辰光最常见个盖浇饭。蘑菇能够提鲜，勿过当年阿婆是不舍得买嗰，有辰光碰巧买到蘑菇根，就会加进烂糊肉丝里，全家人侪吃得眯花眼笑。现在天气一冷，食堂里就经常供应烂糊

肉丝，我每次看到总归是要买一份嗰。除脱“烂糊肉丝”，“蚂蚁上树”也是我个

最欢喜个小菜。其中“蚂蚁”其实就是剁碎个肉末，而“树”则是粉条，所以“蚂蚁上树”其实就是“肉末粉条”，当年阿婆烧个“蚂蚁上树”里树多得像森林，但蚂蚁只有三两只，却可以“骗”我吃下两碗饭，之后还要期待阿婆再让“蚂蚁”爬次树。

如果到了逢年过节等肉菜供应比较丰富个辰光，“红烧狮子头”绝对可以算是“硬菜”。只是为了让家里每个人侪可以分到一只，肉末里面一定要加生粉嗰，这样一来，肉圆咬上去松松垮垮，呒没啥嚼劲，我情愿舍肉喝汤，红汤拌饭我还是爱的。有了肉末，放入青菜，就可以做阿拉上海

人欢喜吃个菜肉馄饨了。石库门一家包馄饨，家家有分享，一份快乐大家分享就是 0份快乐，搿也是从小石库门教会我个人生道理。

特殊时期个“大兴菜”是一种无奈，里面透露出来嗰是巧妇们个智慧。到了现在，市场里食材供应极大丰富，可以讲应有尽有，但是要想让一家人侪吃得健康，仍旧要考验阿拉“掌勺人”个智慧。

本版编辑∶钱 卫

新民网：www.xinmin.cn 24小时读者热线：962555 编辑邮箱：qianw@xmwb.com.cn 读者来信：dzlx@xmwb.com.cn202018年12月23日 星期日

上海闲话 /

门槛精 温吞水

木匠钅解子钅解木头沪语中古语 文 ! 叶世荪

老里八早 老宁波跟三北盐炒豆文

!

周允中

图文 ! 沈一珠

!大兴菜"味道好文 ! 管 弢

茄山河

相亲楼台阁闲话闲画

沪谚熟语印! ! ! !门槛精：很精明。形容某人办事精明周到，精打细算，总不会吃亏。温吞水：不冷不热的水。比喻缺少热

情，行动迟缓的性格和习惯。篆刻!周建国