Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

GAS NEWSVANGSEI INDANEK. SalbungBooking :09-02-2018 to 10-02-2018delivery :14-03-2018 (wed) Time : 9AM -11AMstOCK : 306

GAS NEWS Agency : KIM JOEBooking :13th. FeB. , 2018 to 13th.March.,2018delivery : 14-03-2018 (wed) Time :9AM-tillstockStock :306@rate:Rs. 798(19 & 5kg. available)

HmasawnnaTharVol-33/148 | Churachandpur | email:hmasawnnatharnews@yahoo.com | Phone:+91-3874-236846 | Rs6/-percopy

thla|au (MaRCh) 14, 2018 nilaini (wednesday)

NEWS TOMkiMcHANcHIN LAKTAWI

GAS NEWS Agency : SASBooking :15th. Jan. , 2018 to 5th. FeB. 2018delivery :14-03-2018 (wed) Time : 9AM till stock laststOCK : 306 @rate:Rs. 798/- PMUY Connection available

Lekhabu tharCCPuR: Rev. Dr Jacob Pudaite, Sielmat in a buot-sai “Who’s Who in the Bi-ble in Hmar” ti lekhabu chu mipui a nuom taphawt tiem thei dingin March 8, 2018 khan tlangzar a nita a. A dit hai ta dingin Veritas Book Centre, Near Sielmat Chris-tian Hospital-ah Rs. 250 a inchawk thei ning a tih. Hi lekhabu a hin Bible a mihriem hming 2000 chu-ong zet a um a, hieng Bible-a hming hai umzie le an chanchin tawi tawifel taka zieklang a nih.

CMHT Enrolment Pherzawl District ah PheRzawl: Mi pasie hai t\hangpuina dinga sawrkarin an duong Chief Minister-gi Hakshelgi Tengbang (CMHT) hnuoia enrolment fe mekah tuta kar hin Pherzawl District a nei \an ning a tih. Hi taka inzieklut nuom hai chun mani sungkuo Aadhar Card photo copy le lo inring ding a nih. Enrolment thaw man Rs. 50/0 ning a tih.

Home Minister Union Home Secretary inbiekna buotsai dingin a hril;

MHJU in a dem thu a puong veaizawl/CCPuR: March 10, 2018 a Mizoram le As-sam inrina Bairabi Zophai hmuna Zofafe Chawlbuk bawl tumna le inzawma buoina tlung le inzawma Mizoram Chief Minister Pu Lalthanhawla in sawrkar thlungpui kut hung rawl dinga ngenna lekha a pek chu zanikhan Union Home Minister Rajnath Singh in a hung dawnkir a, hi buoi-na chunthuah Mizoram le Assam sawrkar hai chu in-remna le muongna a hung um theina dinga theitawp suoa hma la ding le, an state pahni hai kara inhri-etthiemnawna um chingfel ding dingin a hril. Hi baka hin ramri buoina chungthuah Union Home Secretary chu Mizoram Chief Secretary le Assam Chief Secretary hai kar thar sung inbiekna buotsai pek dinga an hriettir thu Home Minister in Mizoram CM dawnletna a hung peka hin an ziek a. Chief Secretary hai an inbiek zo pha a \ul chun hieng state pahni haia Chief Minister han inbiek-na nei hai sienla, Bairabi le a sevel ramri zula buoina a um nawna dingin state sawrkar khawmin hma la dinga a ngenna thu an ziek bawk. Bairabi hmuna ramri chungthua buoina suoka khan Juornalist iemaniza-tin hliemna an tuok pha a, hliemna tuok hai lai Manipur-a inthawka insuo Manmasi Digest reporter H. Lalthuthlunga Zate @ H. Zate khawm Assam

Police hai chetnaah na taka vuokhliem niin a pang lawn thei lo hiela vuokhliem a ni el chau ni loin a Mobile Handsed le a thil chawi dang dang hai an lakpek a nih. Pasal chau ni lovin nuhmei journalist hai chen khawm Chanchinbu-mi an ni thu an hril hnung khawma kut kei chuong lovin an hlap tawl a, News-18 reportr Emgassy Law-bei bakah All India Radio correspondent Catherine Sangi hai khawm an pang duk cher chura vuok an nih. H. Zate hi Hmasawnna Thar –ah columnist ni vein an khattawkin thusep hung ziek hlak a nih. Hienganga Journal-ist hai chunga Assam Po-lice hai nunrawngna a hi Students le Organisation tum tum hai chun an dem hle thu an puong tawl ta bakah Press Club of India (PCI), Indian Women’s Press Corps le Federation of Press Clubs in India han joint statement insu-oin Juornalist hai chunga thil tlung hi an dem takzet thu an puong a, Assam

sawrkar chu hi thil tlunga inrawl Police personnel hai zawngdawka an chunga ac-tion natak la dingin an ngen a nih. Bairabi hmuna thil tlun-ga Juornalist hai chunga Assam Police hai nun-rawngna le inzawm hin Manipur Hill Journalists’ Union (MHJU) khaw-min March 13, 2018 khan Presss Communique in-suoin Assam Police hai chetna a dem thu a puong. Hienganga Journalist hai chunga chetna hi India Constitution hnuoia Free-dom of Expression beina a nih tiin S. Nengkhanlun, Gen. Secy. MHJU in Press Communique an suoa chun an ziek. Juornalist hai chunga Assam Police hai chetna hi Freedom of Press bawsi-etna nasa tak a ni leiin Union chun a dem hle a, Assam sawrkar chu hi thil tlunga hliemna tuok hai compensation pe nghal din-gin a phut. Hliemna tuor juornalist hai a tuorpui thu MHJU Press Communique chun a ziek bawk.

March 16-ah CorCom in darkar 17 total shut down

iMPhal: March 17, 2018 a Prime Minister Naren-dra Modi Imphal-a a hung inzin ding boycott-nain CorCom chun Manipur pumpui huopin March 16, 2018 zing dar 1 a inthawk zantieng dar 6 chen, darkar 17 sung total shut down an thaw ding thu Publicity Secretary, CorCom chun zanikhan thusuok a siem. Total shut down hin Exam

fe mekhai, mihriem thina le inzawma thil thawna, fire service le medical emergen-cy thil hai chu huomsa naw nih tiin CorCom thusuok chun a hril. CorCom a hin PREPAK, PREPAK(PRO), UNLF le PLA/RPF an \hang tawl a nih. PM hung inzin dinghi umziebo le mipuihai hnawchepna ding a nih tiin CorCom chun a hril.

Darkar 48 Manipur bandh thaw an tumiMPhal: JAC Against Forced Inauguration of Mapithal Dam JAC-AF(MD) chun March 14, 2018 zanrila inthawk March 16, 2018 zanril chen, darkar 48 sung Mani-pur bandh an thaw ding thu an puomglang. JAC chun

hi Dam siemna le inzawma zangnadawmna (compen-sation) pek dinga tihai chu pekzo anni hmakhat Dam hawng hi an remti naw a, Dam hawng tuma um dodalnaa bandh hi thaw an tum nii JAC-AFIMD thu-suok chun a hril.

MS University-ah buoina a suok

iMPhal: MS University, Baroda, Gujarat a kai Ma-nipur mi Students le tuol-sung Students-hai inkarah buoina a suok a, Mani-pur students han an umna Hostel an suoksan pha. Hi buoina hi lo chingfel vat dingin Manipur CM chun Gujarat CM kuomah ngen-na a siem. Hi University-ah hin buoina suok thar a um nawk thu chu hriet a ni ta nawh.

Manipur mi pasal 1 a thisaa hmuiMPhal: Satgoulen Kip-gen. s/o Nehlet Kipgen of Keithelmanbi, Champhai Veng chu Tamil Nadu State-ah a thisaa hmu a nih. A hmel inlang danin mi

vuok hlum a hawi. Satgou-len Kipgen hi tlangval a la ni a, Kerela State a sin zu thaw, March 10, 2018 a kha Kerela state suoksana Rela Manipur hug pan a nih.

Minimum Wages Act, 1948 hnuoiah scheduled employment 9 sukpung dingiMPhal: Manipur DIPR hmal-akna a press conference series tum tum nei mek-ah zani khan M. Bheigyachandra Singh, Labour In-spector in thu a hril a, Minimum Wages Act, 1948 hnuoia Sched-uled Employment 15 ni hlak kha 9 a sukpung ning a ta, a rengin 24 ni tang a tih tiin a hril a, thawktu hlaw ding, ‘minimum rates of wages’ khawm an hmatienga sukfel ning a tih tiin a hril bawk. Hi huna Pu K. Tikendra Singh in a hrilna a chun, Trade Unions Act 1926, Industrial Employment (Standing Orders) Act 1976 le In-dustrial Disputes Act 1947 hnuoia hin Trade Unions zieklut thar 96 an um a, anni \hang sa in trade Unions 355 han kum tinin an membership an verify hlak a, an rengin Labour Department hnuoiah income and expenditure le office bearers \han-gin an annual account enkawl an nih tiin a hril. Labour Inspector chun, Manipur a Building le Construction Workers’ Welfare Scheme hai hi Manipur Building and Other Con-struction Workers’ Welfare Board hmalakna hnuoia implement thaw

hlak an nih tiin a hril. Manipur Building and Other Construction Workers’ Welfare Scheme hnuoia hin January 31, 2018 chen khan 1,18,332 building workers hai chu beneficiaries a zieklut an ni tah tiin a hril bawk. MB&OCW Schemes hin La-bour Department hnuoia inzieklut labours han accidents, pension hlaw lak, In bawlna ding loans/ad-vances lak, Insurance Schemes le a dang dangah harsatna an nei chun sum le pai, ‘financial assistance’-ah \hangpuina a pek hlak a, an nau-hai inchukna, natna inenkawlna le building workers inzieklut han nau an nei hun haiah Aam Admi Bima Yojana, Pradhan Mantri Surakshya Bima Yojana, Pradhan Mantra Je-

evan Jyoti Bima Yojana le Atal Pension Yojana hai fethlengin a \hangpui thei bawk a, registered labour hai chu a thlawna puon\hui training pe in an pasal le an nau an innghatna (dependent) hai skill de-velopment pek hlak an ni bawk tiin Labour Inspector chun a hril. Rashtriya Swasthiya Bima Yo-jana (RSBY) hi Manipur-ah Mani-pur RSBY Society in implement a thaw a na, BPL sungkuo, MGN-REGA hnuoia Job Card workers, Street Vendors le Ministry of La-bour & Employment, Government of India hnuoia Domestic Workers 1,69,252 han ham\hatna an dawng theina dinga hmalakna a na, tlan-gram le phairam hai huom a tih. Hi scheme hnuoia ‘Health Card’ chu

Manipur a hospital 8 haiah hmang thei dinga siem an ni tah. Labour hai hlaw pek le suktlawm (deduc-tion) thua chun Payment of Wages Act, 1936 besana enkai hlak a na, Manipur sawrkarin ‘minimum wages rates’ khawm ni tin Rs. 122.10 ni hlak kha Unskilled la-bour hai tadingin Rs. 225.00 in a sukpung a, Semi – Skilled Labour hai Rs. 132.60 le Skilled labour Rs. 277.00 in a sukpung bawk tiin La-bour Inspector chun a hril. Enforcement of the Equal Re-muneration Act, 1976 hnuoiah nuhmei hai siehnuoina hi ngaimaw hle a na, Child Labour (Abolition & Regulation) Act, 1986 hin naupang kum 14 hnuoi tieng sin inthawtirna, ‘child labour’ chu a khap a nih. Payment of Gratuity Act, 1972 hi labour han an sinthawna le inzaw-ma hlaw bonus-a an hmu ding le an sinthaw chawlsan na ding thua en-kawltu dinga hmang a nih tiin La-bour Inspector chun a hril a. Press conference a hin Pi W. Phajatombi Devi, Joint Director, IPR le Pu H. Biren Singh, Labour Inspectors hai khawm an \hang ve.

Jt. Student Org. in Govt. Office hai an khar

CCPuR: All Tribal Stu-dents’ Union, Manipur (ATSUM) thupek dung-zuia March 10, 2018 nia District sunga Student Or-ganization tum tum han Zonal Education Office (ZEO) chabi-a an kal Dis-trict Administration le Dis-trict Police \hangruol han zani hmasaa a kalna Chabi suksie in an hawng a. Hi hnung hin ATSUM hnu-oia um Student Bodies han zanikhan Chabi thar hmangin an kal \ha nawk a, sienkhawm District Police han a kalna chabi hi suksein

an hawng nawk. Hienganga District Ad-ministration le Police han SP/CCPur thupek dungzuia tharum hmanga ZEO Of-fice kalna an suksiet nawk chungthua hin Student bodies pawl tum tum hai chun District Administra-tion chu Student pawl tum tum hai iengmaloa ngainaa ngaia lungawi loin zanikhan Joint Students Organisation chun SDO/CCPur, Transport Office le sawrkar office hai popo kharin chabi in an kal. ZEO Office a chun

Police Personnel \hahnem-tawk tak Tear Gas leh an duty. ZEO Office hi hawng nisienkhawm thawktu kai hmu ding an um chuong naw niin ei thu dawngna chun a hril. Sawrkar office hai an kalna le inzawm hin thil ditumlo a lo tlung chun DC le SP/CCPur in mawphur an tih tiin Joint Student Or-ganisation in thusuok an-siema chun an ziek a. An thil phut le inzawma inrem-na a um hmakhat District sunga Office popo khar a ni thu an puong.

Education Department hnuoia thawktu hai Ser-vice Book digitalization thaw ding le inzawma Ser-vice book popo Imphal-a Directorate hmuna sielut dinga sawrkarin order an suo dodalnaa ATSUM in Hill District-a ZEO Office hai an khar a ni a. ATSUM chun Digitalization hi an dodal naw a, sienkhawm Directorate-a service book siea um hin thawktu hai ta dingin harsatna an tlun ding bakah Digitization thaw huna ziekdiklo tam tak hung um ding leia thawktu han harsatna an tuok ding a nih tia Directorate khera Digitilization thaw hi an dodal a ni a, ZEO Office tina khawm thaw thei a ni thu le a \ul chun ZEO Of-fice haiah hmangruo sie dingin sawrkar an phut a nih.

Baruni Hills-ah cable car service vat ta ding: Shyamkumar

iMPhal: Forest and En-vironment minister Th. Shyamkumar chun zan-ikhan Chingoi Baruni, An-dro Langmaiching hmunah ‘Lainingthou Shanglen’ a hawng. Hi huna thu a hrilnaa chun, Andro to Khallong le Khallong to Naharup Pagong

inkar-ah Cable Car service a um vat ta ding thu a hril. Hi thil hin Nongmaijing Ch-ing (Baruni Hills) fe nuom khuolzinmi le kum upa tieng hai ta ding awlsam lema Ba-runi Hills tlung theina a hung intlun ding thu a a hril. Cable Car chungthua

hin Chief Minister khawm a lo hrilpui ta a, Ministry of Tourism ah proposal thawn vat a nita ding thu le hi thil hin state economy a hung sukpung ding bakah hi lai bielah hmasawnna nasa tak a hung intlun pha ding thu Shyamkumar chun a hril bawk. Chun, hi lai hmun hi tourist le Pilgrimage centre a siem ning a ta, tlangsipa inthawk Imphal khawpui le hmun dang dang hai thlir thei a ni ding thu a hril. Chun, hi lai hmuna hin Forest Depart-ment in office hawng an ta, thing le ruo le thil dang dang phunin an enkawl ding thu a hril bawk.

PM in Projects 14 hawngna le lungphumna

iMPhal: Prime Minister Narendra Modi chu March 16, 2018 khin Imphal-ah hung inzin a ta, Projects hran hran 14 hawngna le

thawna ding lungphumna nei a tih tiin CM N.Biren Singh chun zanita Luwang-sangbam Cricket Stadium a va enfel huna a hril. PM hi

March 16, 2018 9:25AM in Bir Tikendrajit International Airport, Imphal hungtlung a ta, Airport a inthawk IAF Helicopter in Manipur Uni-versity, Canchipur pan a ta, 105th Indian Science Con-gress a hawng zovin Heli-copter bawkin Luwangsang-bam pan ata, Luwangpokpa Multi Sports Complex, Lu-wangsangbam hmuna vant-lang inkhawmna huna thu hril a tih. CM N.Biren Singh chun PM dit danin Projects zi fel tasa hai chau hawng a ni ding thu a hril.

HI-GHQ in a sûn thu a puong

CCPuR: March 12, 2018 a fam lo chang tah Hmar Inpui, Barak Valley Region (Assam) a President term khat lo chel tah Pu Rochan-lien |aite @ RC |aite (80) S/o Pu Zohminglien |aite of Hmarkhawlien, Cachar/Barak Valley, Assam chu an pamin a sûn hle a, a i maksan a sunghai khawm a

tuorpuiin a sûnpui tak zet a, hnam ta dinga channa a ni thu Hmar Inpui, Gen. Hqrs (Hmar Supreme House) chun a puong. Ama hi hnam ta din-ga thaw hlawk em em el niin chu hai laia chun Hmar Students’ Associa-tion (HSA) Barak Valley Jt. Hqr (Cachar Jt. Hqr tia tuta hmaa ko hlak) Found-er President a nih a. HPC (D) Assam Region le As-sam sawrkar inbiekna a hai khawm Barak Valley a inthawk vawihni lai in-bieknaa palai a lo \hang tah, Hmar Literature Soci-ety (Assam) a khawm Ad-viser lo ni ta hlak le Hmar LP School hran hran a hai khawm thawkin Head Teacher Retired a ni bawk a nih.

AR han solar lamp 18 an pekiMPhal: Pherzawl district a um Aina battalion Assam Rifles han March 11, 2018 khan Khoken village le Song-sang village a um sungkuo harsa zuol 18 hai solar lamp a thlawnin an pek. AR hai hin tlangram kuo tina In sukvar tuma an hmalakna le inzawma solar lamp hai hi an pek a na, a khawmi han AR hai chungah lawmthu an hril.

HSLC Exam 2018 a fe mek

CCPuR: February 20, 2018 a inthawk Board of Secondary Education Manipur (BSEM) huoihawtnaa HSLC Examination, 2018 \ana um chu a fe pei a, CCPur district a khawm exam centre pathum haiah exam hi nei a ni a, zanikhan Mathematics Subject exam a nih. CCPur District-a HSLC Exam Centre 3 hai lai Ebenezer Academy chu Main cen-tre a hmang a ni a, A-Block ah Roll No.

17967-18656 inkar Roll No. 47126 le 17 an rengin candidate 692 an um a, B-Block ah Roll No. 17994-18518 inkar candidate 525 an um. Sub-Centre in Don Bosco Hr. Sec. School le Children’s Training Hr. Sec. School hai hmang a ni a, Don Bosco Sub-Centre A-Block ah Roll No. 19864-20290 inkar Roll No. 19 an rengin candidate 608 an in\hung a, B-Block ah Roll No. 20291- 20598 inkar candidate 308 le C-Block ah Roll No. 20599-21125 inkar candidate 527 an in\hung. Children’s Training Hr. Sec. School Sub-Centre ah Roll No. 19120- 19683 inkar student 564 an in\hung a, tukum CC-Pur district-a candidate umzat chu an rengin 3,158 an ni a, exam centre biel sung haiah 144CrPC zam a nih.

Pistol leh pasal pakhat man

iMPhal: Tengnoupal District Police chun March 13, 2018, 4:30AM khan Kondang Lairembi Temple area hmunah pasal pakht Md. Ajmal Khan (35), s/o Md. Zeharuddin of Lilong Haoreibi Makha Leikai chu Pistol pakhat le magazine leh an man. Home Minister Rajnath Singh hung inzin ding le inzawmin tulai hin veng-himna sin nasa taka sukkhau

a ni a, hi le inzawma SP Tengnoupal S. Ibomcha Singh inrawinaa DSP (CDO) Moreh, Thomas Thokchom le OC (CDO) Moreh P. Ta-run Kumar hai inrawinaa frishking an thawnaa Md Ajmal hi an man a nih. Md. Ajmal hi Moreh a inthawk Imphal hung pan Maruti Van WB18E 9472 a chuong a ni a, hi thil tlung le inzawm hin a chuongna Van khawm man a nih.

Hmasawnna Thar2 thla|au (MaRCh) 14, 2018 nilaini (wednesday) aRtiCle/health & eMPlOyMent news

Editorial Boardlalmalsawm sellate: Editor& Publisherroding l. sellate: Jt. Editor ramditum ralsun: Asst. EditorJoseph Joute:Freelancelalsansuok pulamte &samuel Zothanglien@sZ Zote:Sports lalruotlien dulien:ComputerAssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

Editorial

Tuolsuong SUNZAWMNAVAWISUN THUPUILalpa dan chu a \ha famkim a, hringna a siem \ha hlak, Lalpa thupek chu ring a um a, mi mawl a sukvar hlak. ~ Sam 19:7

Beiseina tharDemocracy ram ei ni a, mipui han ei aiaw dinghai ei thlang a, chuonghai chun mipui aiawin ro an rel a, chu chu mipui sawrkar ti a nih. Sawrkarna siemtu Party han an party mi le sahai ditsak bik an ching hlak. Hienganga party mi le sahai ditsak bikna hi tu party khawm hung sawrkar hai sienla a um naw thei naw a, a awm tawk chin chu mipui tiengpang khaw-min ei hrietthiempui hlak niin an lang. Amiruokchu, a taluo le a awm lo baksak hiela party mi le sa hai chau ditsak bikna ruok hi chu hrietthiem a harsa a, mipui inpumkhatna le \hangruolna a suksiet a, khawtlangah chen \hangruolna a sukbahla pha hlak. A tuortu chu tu dang anni naw a, mipui tho ei ni hlak. Veng sunga hmasawnna sin thawna chun-gchangah khawm party mi le sa inditsakna a lien hlak a, sin thaw \hat lo a hung um khawmin mipui tieng sawiselnain ngaisak a hlaw naw a, mipui nekin mimal pakhatin ngaipawimaw an hlaw rawp hlak. March 15, 2017 khan Manipur-ah BJP inrawi le \huoina hnuoiah sawrkar thar, Coalition Govern-ment a hung pieng a, sawrkar tharah hin Manipur mipuihai chun thil thar, hmasawnna thar, riruongna thar le hlawtlingna thar ei beisei a. Hi thil hi a ni dan ding hrim a nih. Beiseina thar ei nei ang ngeiin sawrkar hmasaa la um ngai lo le la thaw ngai lo thil thar tam tak thawin a hung um a, lawm a um. Hmatieng peiah iem a hung ang ding ti chu ei hriet nawh. Sawrkar thar hin a thuhril le a thil thaw hai hi a bawzuina tiengpang hung ngaitha naw sienla nuom a um. March 15, 2018 khin Manipur a BJP \huoina hnuoia Coalition Government chu kum khat a tling ta ding a ni a. Hi lawmna le March 16, 2018 a Manipur University, Canchipur-a 105th Indian Sci-ence Congress hawng ding le sím ve dingin PM le Union Home Minister hai chu Imphal-ah an hung inzin ding a ni a. Hi huna hin PM le Home Minister hai chun Manipur ram le a mipuihai ta dingin thil thar thaw ding an hril or an puonglang ngei beisei a um. An hung inzin ding hin mipuihai chu beiseina thar a mi pek a nih. Iengang hmasawnna thar am an hung thaw le hril ding tuhin ei la hriet naw a, ei rama la um ngai lo le la thaw ngailo hmasawnna thar an hung thaw le an hung hril dingah mipui han lo beisei phawt ei tiu. Manipur a BJP \huoina hnuoia Coalition Gov-ernment kum khat a tlingna ding le inzawmin tu-lai hin thil thar hawng a ni deu zing a, lawm a um. Amiruokchu, project thar or scheme thar hawnga um hai hi zo fel sa vawng hnunga hawng nisienla nuom a um. Tulaia project thar le scheme thar hawnga umhai hi sawrkar hmasa, Congress party sawrkar lo thaw \an hai kha anni deu vawng a. Sawrkar hmasa thil lo thaw tasa zo fel thei lo le hawng thei lo dinga sawrkar tharin a hung bawzui hi lawm a um bawk a nih. A bul lo thaw \antu Congress party in project le scheme zo fel lo hawng ni naw sien la tia rawtna le thurawn an siem hi sawrkarna cheltu le a ram mipuihai khawmin ngaipawimaw ngei inla nuom a um. Project or Scheme zo fel lova hawng hi chu ei thawhla a, a tuortu chu mipui ei ni hlak. Ei hriet seng angin Congress sawrkar hun lai khawm khan Project le Scheme la zo fe lo hawng iemanizat a um a, ei thawhla a nih. La zo fel ni si lo project le scheme hawng lo ngam hi tuta sawrkar fe mek khawm hin tum sienla nuom a um. Congress party in sawiselna an siem khawm hi a ni naw za-wngin la naw sienla, sawiselna \hain ngai thei siela nuom a um. Thil \ha ding le hmasawn lemna dinga insawiselna hi chu hrietthiem le pawm thiem ding a nih. Sawiselna \ha naw chu a hmingsiet zawng le an sukmuolpho zawnga indemna hi a nih. Sawiselna a hung um chun thil \ha a hung rasuok hlak. PM le Home Minister hung inzin ding hi lo dang le hnawl ding a ni naw a, thil lawmumah ngai a, ei \ul le mamaw hai lo hril le ngenna huna ei hmang nuom a um. Manipur sawrkar hnuoia thawktu han 7th Pay an ngen a, sienkhawm state sawrkar chun ama khat chau chun a pek theinaw ding thu a hril a, hi thu hi thudik a nih. Hi lei hin an hung inzin huna hin hi thil hi thaw pek dinga lo ngen ngawi ngawi chi a nih. Meghalaya le Tripura Assembly Election vote campaign lai khan BJP chun 7th Pay hi vote zawngna campaign hlain an hmang a, hieng state pahnihai hi a pek thei chun Manipur a sawkar thawktuhai khawm a pek thei ve ring a um a nih.

eMPlOyMent newsIAF Group y recruitmentIndianAirForcehnuoiahairmenGroup‘Y’(Non-Techni-cal)recruitmentrallyMarch17-19,2018inkarsungkhinAFC,Guwahati,Borjhar,Assam-ahneiningatih.

Hirecruitment-a\hangnuomManipurmihaitadinginwebsitewww.airmenselection.gov.inahelegibilitycriterialethuchienglemhriettheiningatihtiinDeputyCommis-sioner,ImphalWestDistrictchuninhriettirnaasiem.

2. nABArd announcedJobnotificationtohirecandidateswhocompletedAnyGraduate,AnyPostGraduateforthepositionofOfficer.Vacancy1 OfficerQualification AnyGraduate,AnyPostGraduateVacancies 92PostsExperience FresherJobLocation MumbaiLastDatetoApply:02/04/2018OtherQualificationDetails:1.PostName:OfficersinGrade‘A’-AssistantManagerinGrade‘A’(RuralDevelopmentBankingService)2.NoofVacancies:92 For all details related to vacancieses, educationalqualification, age, application fee, selection procedure,etc.,please seedetailedadvertisementathttps://www.nabard.org/careers-notices.aspx?cid=545&id=26AddressNational Bank For Agriculture And Rural Development,PlotC-24,GBlock,BandraKurlacomplex,BKCRoad,Ban-draEast,Mumbai,Maharashtra400051SelectionProcedureSelectionWillbeBasedeitherWrittenExam/InterviewHow to ApplyInterested candidates can apply through the Offi-cial website https://www.nabard.org/careers-notices.aspx?cid=545&id=26onorbefore2April2018

Jaya Bachchan in hmangruo 1,000 cr a nei; MP hausatak ni dinga ringnew delhi: Rajya Sabha inthlang-na dinga Samajwadi party ticket a ngir dinga nomination file, Bollywood ac-tress le politician Jaya Bachchan chun hmangruo (sukchang le sukchang thei lo) 1,000 crore a nei leiin MP laia hausatak ni dinga ring a nih. Pi Jaya in affidavit-a a suklang danin, ama le a pasal Amitabh Bachchan chun kum 2012 a nomination a file laia Rs. 152 crore a nei anga a suklang lethni Rs. 460 crore manhu sukchang thei hman-gruo neiin an hril a, 2012 kuma Rs. 343 crore lethni anghu Rs. 540 crore manhu sukchang thei lo hmangruo neiin an hril bawk. Pi Jaya affidavit-a an ziek dan chun, an nupa in gold le jewellery Rs. 62 crore manhu vel an nei a, ama nekin a pasal Amitabh in Rs. 36 crore manhu

a tam a nei niin a suklang. Bachchans sungkuo hin motor 12 an nei a, a ren-gin Rs. 13 crore manhu a nih. Motor an nei hai lai hin Rolls-Royce, Mercedes 3, Porsche le Range Rover hai an \hang. Amitabh in Tana Nano le trac-tor a nei nia suklang a ni bawk.

Amitabh le Jaya hin Sana (watch-es) Rs. 3.4 crore le Rs. 51 lakh man-hu an bun a, pen khawm Rs. 9 lakh manhu neiin an inhril bawk. Mihriem chengna In hmun tum tuma an nei hai lai Brignogan Plage, French-ah 3,175 sqm a lien hmun an nei niin Pi Jaya chun a suklang a, Noida, Bhopal, Pune, Ahmedabad le Gandhinagar a hai khawm mihriem chengna In le hmun \ha tak tak an nei thu a zieklang sa bawk. Pi Jaya hin lo neina hmun (ag-ricultural plot) 1.22 hectares a lien le Rs. 2.2 crore manhu Kakori area, Lucknow-ah a nei a, chu ang bawkin, a pasal Amitabh khawmin 3 acres a lien, Rs. 5.7 crore manhu Daulatpur area, Barabanki district-ah a nei ve a nih.

Nagaland CM Rio in vote of confidence-ah hratna changKOhiMa: Nagaland Chief Minister thar le People’s Democratic Alli-ance (PDA) party \huoitu Neiphiu Rio in zani khan Nagaland Assembly-ah MLAs 59 hai laia 33 in an thlawp leiin ‘vote of con-fidence’ a hmu. Mr. Rio hi March 16, 2018 hma ngeia sawrkarna siem thei a ni zie

suklangna dinga ‘floor test’ nei dingin Governor PB Acharya in a ph<t a nih. Zani khan 13th Naga-land Assembly in\hung \an a na, first session-ah Pro-tem Speaker Mmhonlumo Kikon inrawina in floor test nei a na, chu hnungin As-sembly Speaker ding thlang a na, Nationalist Demo-

cratic Progressive Party (NDPP) MLA Er. Vikho-o Yhoshu thlang tling a nih. Opposition NPF han Speaker dingin Dr. Imtiwa-pang an nominate a, NDPP nominee Er. Yhoshu in Dr. Imtiwapang hi vote 7 a hne in a tling a nih.Nagaland ruling PDA hin NDPP MLAs 18, BJP

MLAs 12, JD (U) MLAs 1, NPP MLAs 2 le Inde-pendent MLA 1, an rengin MLAs 34 neiin sawrkarna an chel a nih. Nagaland As-sembly chu March 14 le 21, 2018 inkar sung chawl ning a ta, March 22, 2018 a \an nawkin state Budget 2018-19 phar ning a tih.

congress han Parliament session an sukbuoi: Parliamentary Affairs Ministernew delhi: Parliament Budget session \an nawk a nia inthawk ni tinin Con-gress han thupui tum tum hmangin Parliament in\hung Inpui pahni-ah an la sukbuoi zie niin Parliamen-tary Affairs Minister Ananth Kumar in zani khan intumna a siem. Zanita New Delhi hmuna BJP Parliamen-tary Board meeting zova chanchinbumihai hmaa thu a hrilna a chun, sawrkar chun thupui hran hran hai hriltlangna nei a nuom thu

a hril hlak a, amiruokchu, Congress han sawrkar thu ngai lovin buoina tum tum an siem lui hlak a nih tiin Mr. Kumar chun a hril. Mr. Kumar in a hril

peina-ah, Congress hai hin democracy dan sukdal a Lok Sabha le Rajya Sabha hai hi umzie nei lo (non-func-tional) a siem an tum a nih tiin intumna a siem. Parlia-

ment in\hung a hlawtling theina dingin Congress le opposition party dang dang han Inpui inza dingin Mr. Kumar chun a fiel a. A hril peina-ah, congress hin bu-fak tlangna politics a hrat tumna, ‘dinner politics’ an khel mek a, election tum tuma hneban an ni lei a nih. BJP ruok chu election-ah hrat pei a ta, India mipuihai sawrkar \ha tak le ‘people-friendly policies’ siem pek pei a tih tiin Mr. Kumar chun a hril.

AP-ah NSCN (K) OGWs 2 manitanaGaR: Longding battalion Security Forces han Niausa Village, Arunachal Pradesh hmuna mobile check post-ah NSCN(K) Over-Grounds Worker (OGWs) pahni, Nauki Jugli W/o self styled Revenue Secretary Pholai Ponglaham alias Folay of New Shallang village, Changlang District le Jamna Lowang of Rusa village, Longding Dis-trict hai chu sumfai Rs. 1.2 lakh le mobile phones 4 leh an man. Nuhmei pahni hai hi Security Forces han zawna an indawn hunah an \awng in-^wk a, chu hnunga uluk taka dapna neia an d^wp hunah an inpuong a nih. Sumfai Rs. 1.2 lakh an chawi chu Rangluwa Village khawmi haia inthawk dan lova an lak a ni thu police kuomah an puong bawk.

Central jail a intang hai \ha taka enkawl an nih: Kunjakeshor SinghiMPhal: Manipur Jail Department chun jail a intang hai hringnun suk-changkanga nun pangngai an nei theina dingin theit-awpin hma a lak zing a, jail a inthawk an suok hunah mi pangngai taka hringnun an hmang theina dinga enkawl-na \ha taka pek an nih tiin Pu A. Kunjakeshor Singh, Superintendent of Po-lice, Manipur Central Jail, Imphal chun a hril. Hi thu hi Manipur sawrkar kum khat a tling lawmna ding le inza-wma press conference tum tum DIPR in an huoihawt huna Pu A. Kunjakeshor Singh in a hril a nih. Manipur Central Jail SP in a hril peina-ah Art of Living Society, Manipur Chapter hnuoiah Manipur Central Jail, Imphal le Ma-nipur Central Jail, Sajiwa

a intanghai tadingin ‘Yoga programme’ huoihawt an nih tiin a hril. Sajiwa Jail a intang pasalhai Plastic bags le Plastic morah (plastic \hungna) siem dan inchuktir an na, Manipur Central Jail, Imphal a nuhmei intanghai chu Social Welfare Depart-ment, Government of Ma-nipur hnuoiah puon \hui le embroidery training pek an nih. Nuhmei training course zova suok hai chu fak an zawng theina dingin Social welfare Department in puon\

hui khawl a thlawnin a pek pek bawk. Hieng hai baka hin nuhmei intang \henkhat chu dish washing detergent powder, inhnelna- dolls le thil dang dang siem inchuk-tir an na, an them suok za-wra um haia inthawk 40% an khawrsa man dinga pek pei an nih tiin Pu A. Kunjake-shor Singh chun a hril. Manipur Central Jail, Sajiwa-ah painting sec-tion khawm siem a na, 2013 kum khan postures an paint hai New Delhi

hmuna ‘33rd Asian Pacific Conference on Correctional Administration’-ah phol-ang an nih. Harmonium, Bongo drums, Flute, Gui-tars le musical instruments tum tum umna Music room khawm siem a na, Manipur Central Jail, Sajiwa a Gym siem-ah ni tinin intang 180 vel an \hang zie bawk. Jail Department hnuoia teach-ers han intanghai hrietna tieng an in\hanglien theina dingin inchuktirna tum tum an pek hlak a, HSLC, PUC (10+2) le IGNOU exami-nations haiah jail a inthawk exam pe iemanizat an um a nih. Intanghai ‘Free Legal assistance’ pek an ni bakah, counsellor thiem han an pawimaw dungzuiin coun-selling an pek hlak tiin Pu A. Kunjakeshor Singh chun a hril.

Hope Baptisth Home in 16th Anni-versary an hmang

CCPuR: Ministry of Baptist Partnership Min-istry, NTBC hnuoia um Hope Baptist Children’s Home chun zani zantieng 1:00PM khan Garlow Me-morial Chapel, NTBCA Campus, Bible Hill, Reng-kai-ah an Home kum 16 tling lawmna an nei. Hi huna hin Rev. B. Chinzahao, Supervisor, HBCH in introduction le report a pek. Home hi kum 2001 a \an niin, \an

kum hin naupang 25 an um a, tukum naupang 65 an um a, 2001 a inthawk 2018 chenah naupang 150 chuong admit an nita thu a hril. Hun hmang sung hin Rev. Dr. HC Stephen, Ex-ecutive Secretary NTBCA, Pastor James Pettit, Lake-wood Park Baptist Church USA, Governing Council NTBCA, le midang dangin thu an hril a, zantieng ruoi an kiltlang.

In pakhat a kang

CCPuR: march 12, 2018, 11:45AM vel khan Than-lon Sub-Division sunga Tuipiphai khuoa Mr Kai-thiansuong (28) chengnain mein a kang. In kang hi a chung ngaidi, a bang rap a ni a, kangmei suok huna hin in neitu chu rama sin thawa

um a nih. Inkang hi Tu-ipiphai Aided Jr. H/S Head-master Lamhen Singsit in-rawinain student han an \helmit. In kang hin bufai bag 1, huhum \in 30 vel le bur le bel bakah thuomhnaw lakdawk hman um loin a kangsiet vawng a nih.

Doctorate degree hmuCCPuR: Siambiakmawi w/o Ensuanlal Guite, Lailam Veng, Lamka chun Assam Univeristy, Diphu Campus hnuoiah Doctor-

ate degree a hmu. A thesis chu “Identity & Difference in Contemporary Fiction from Northeast India” ti a nih.

YAS Minister in playground 2 a hawng

iMPhal: YAS Minis-ter Pu Letpao Haokip in zani khan NLCPR (Non-Lapsable Central Pool of Resources) hnuoia siem thar playground pahni - Bakshi Sports Ground, Hungpung le Tangkhul Naga Long Ground, Wino Bazar, Ukh-rul district headquarter hai khuollien ni pumin a hawng. Khuollien Pu Letpao Haokip in thu a hrilna a chun, sawrkarin tangram le phairam hai fields hran hran-ah inang tlang taka dawmsang a tum a nih tiin uor takin a hril a, tlangrama \halai sports tienga thiemna

inril tak tak nei an um a, hieng hai hi an thiem thil hriet suoka sukhmasawn ding an nih tiin a hril bawk. Manipur sawrkar tharin ‘Go To the Hills’ governance a fepui chu thupui taka neiin hma a lak sunzawm zing a, hi le inzawma playground thar hai hi hawng thei an nih. |halai han games and sports tieng hi neka nasa lem hin \hang lang ei tiu a, ei thiemna tak tak hriet suok a ni pha chu infrastructure \hat nawna hi sawisel tham an nawh ti hresuok ei tih tiin Pu Letpao Haokip chun a hril.

Bishwajit in ICP, Moreh a enfelMOReh: Commerce, Textiles and Industries Minister Th. Biswajit Singh chun zanikhan Moreh, Tengnoupal District-a Inte-grated Check Post (ICP) a enfel. Moreh Gate Number 1 a ICP hin ramria insung-dawngtuona na kawngah nasa takin hmasawnna an tlun ding thu, transaction cost a suktlawm pha ding

thu hai Biswajit chun a hril. ICP, Moreh hi sawrkar

thlungpuiin Integrated Check Post a siem 13 hai laia pakhat a nih. Pu Bishwajit hi Tengnoupal DC Kh. Raghumani; Teng-noupal SP Dr S. Ibomcha Singh le Land Port Au-thority of India officials le midang dang han an zui.

Kwatha-ah pat ch$ngna hmasatak a hawng

MOReh: Commerce, Textiles and Industries Minister Pu Thongam Biswajit Singh in zani khan Kwatha village, Tengnoup-al district-ah pat ch$ngna hmasatak khuollien ni pu-min a hawng. Hi huna Pu Biswajit in thu a hrilna a chun, pat ch$ngna hin lo-neituhai sin siem pek a ta, sin nei nawna (unemploy-ment) suktlawmin hi lai hmuna chenghai economy a la dawmsang ding a nih tiin a hril. Kwatha village a hin pat-in a tharsuok inhma leiin pat ch$ngna dinga hmun \ha tak a na, tuta hmalakna hin Manipur-ah pat herna khawl, ‘spinning

mill’ a siem thar nawk ding a nih tiin Pu Biswajit chun a hril bawk. Pu Biswajit chun hi lai hmuna de-velopment intlunna dingin education hi a pawimaw a

nih tiin a hril. Manipur sawrkar chu mi rethei, mi harsa le hnuoihnungtak hai \hangpuina dinga sinthaw a nuom a, hi le inzawmin, hi lai hmuna hin pat ch$ngna hi a hlawk dinga ring a ni leiin sawrkarin pat tharsuok hai inchawk dingin hma lang a tih. Kwatha village kutsuok ruotuia inthawka siem “soibum” khawm hi an chawtuhai mit a hma neka a lak theina dingin a bawm le packing thaw dan sukdanglam a \ul a, chu hmalakna chun Kwatha vil-lage economic ngirhmun a dawmsang thei bawk a nih tiih Pu Biswajit chun a hril.

3thla|au (MaRCh) 14, 2018 nilaini (wednesday) natiOnal/inteRnatiOnal & adveRtiseMent Hmasawnna Thar

laKtawi

(8,10,12,14,16,18)

US First Lady hlui Hillary Clinton India ramah

new delhi: US Secre-tary of State hlui le First Lady hlui Ms Hillary Clin-ton chu iemanichen chawl hmang dingin India ramah a hung inzin a, zanikhan In-dia ram suoksanin US a pan nawk tah. Hillary hi a sunghai le ruol\ha \henkhat hai leh ama mimal thila ni 3 sung cham dinga Inrinnia kha India rama hungtlung niin

hi ni hin Mumbai-a Con-clave ah a \hang a, hi zo hin Indore tieng a pan a nih. Indore a tlung hnung hin Maheshwar a pan a, Khar-gone district-a Narmada va-dung kam le Ahilya Fort hai a sir. Holkar Kingdom suon Richard Holkar fielna anga Hillary Clinton hi Ma-heshwar a hung inzin a nih. Thaw\anni khan Dhar dis-

trict-a historical munuments umna Mandu a sirkuol a, darkar 2 lai zet hun a hmang. Ms Hillary chun ar-chaeological site hai a fang naa inthawk Indian history tam tak an chuksuok thu le inhawi a ti thu a hril. Clinton hin Jahaz Ma-hal bakah Hindola Mahal (swinging palace), Hoshang Shah Maqbara (mouso-leum) le Jama Masjit hai khawm a sir. Clinton hi kum 2016 US Presidential election a khan Democratic party can-didate a ni a, zani zingkar khan Indore panin a vuong a, Indore a inthawk Jodhpur a pan a, Jodhpur a inthawk US a pan nawk ta a nih. Mumbai Conclave-a Clinton in thu a hrilnaa chun Democracy sukhrat na dinga theitawp suo a \ul thu a hril.

Palestina PM Hamdallah convoy bomb hmanga bei; himin a suok

Gaza: Palestina Prime Minister Rami Hamdal-lah chu zanita Gaza hmu-na Water treatment plan hawng dinga a fenaah bomb hmanga bei a ni a, sienkhawm Mr Hamdal-lah chu dam le himin a suok dawk a, sienkhawm a con-voy motor \henkhat bomb puok hin a suksiet bakah hliemna tuok iemanizat an um bawk. President Mahmoud Abbas chun hi thil tlung hi a

dem a, mi dawizep thilthaw a nih tia hrilin, hi hmuna che hlak Hamas pawl kuth-nung a nih tiin an tum. Hieng laizing hin Hamas chun hi thil tlung hi thil invetthlak tak a nih tiin an suizui ding thu an hril. Mita hmutu hai hril dan chun Prime Minister Hamdallah in Erez Cross-ing fethelnga Gaza a lut sawtnawte hnungah mo-torcycle a chuong pakhatin Prime Minister chuiongna

zuitu motor hnung taka chu bomb hmangin a deng niin an hril. Bomb hmanga bei nisien khawm Mr Hamdal-lah chun a hawng dinga ti water treatment plant hi a hawng tho. UN Special Co-Ordina-tor for Middle East Peace Process Nickolay Mlad-enov khawmin hi thil tlung hi a dem thu hrilin, bomb sukpuoktu hai man le hrem ngei dingin a hril.

Bus eksiden leiin mi 13 an thi

dehRadun: Uttara-khand-a Almora district a chun zanikhan Bus pakhat changsuolin rawlah a tlan-liem leiin mi 13 in thina an tuok bakah midang tam takin hliemna an tuok niin District Magistrate Eva Ashish Srivastava chun a hril. Eksiden tlungna hi Dehradun a inthawk km. 120 vela hla Potam lai niin thina tuok hai lai hin driver khawm a \hang. Hliemna tuok hi 12 chuong anni a, hliem hai laia 4 hai chu an hliem inrik a hril a nih. Bus hi a tlanhrat taluo leia eksiden ni dinga ring a nih.

Crime investigator thiemtak award pek dingnew delhi: India rama Police forces tum tuma thil suina tienga thiemna nei hai award pek dingin sawrkarin dan a siem thar a, chu dungzui chun, crime in-vestigator thiem tak ‘Union Home Minister’s Medal for Excellence in Police Inves-tigation’ award inhlan ni ta hlak an tih. Hi award hi States le Union Territories

a Police forces le Central Investigating Agencies haia Sub-Inspector le SP rank chen han dawng thei an tih tiin zanita Home Ministry thusuok chun a hril. Home Ministry thu-suokin a hril pei dan chun, ‘crime data’ kum 3 sunga mi dungzuiin kum tin med-als 162 peksuok hlak ning a ta, chu hai laia 137 chu

States le Union Territories a forces han dawng an ta, a dang 25 chu National In-vestigation Agency, CBI le Narcotics Control Bureau han dawng an tih tiin a hril. Medals a hin nuhmei quo-ta ding bik khawm siem ning a ta, a dawng dinghai hming chu kum tin August 15 zata puonglang hlak ning an tih.

Maoist hai bomb puok-ah CRPF jawan 9 thi

RaiPuR: Sukma district, Chhattisgarh-ah zani 12:30 PM vel khan Maoist hai bomb kam, Mine-Protected Vehicle (MPV) ni dinga ring a puok a, CRPF jawan 9 in thina an tuok a jawan dang iemanizatin hliemna an tuok bawk. Sukma police thu-suokin a hril dan chun, 212 battalion CRPF hai motor a bomb hi kam niin a hril a, bomb puok zo hin Armed Forces tam lem lutin san-suokna sin an thaw nghal

a, hliem hai chu helicopter hmanga Raipur hospital a en-kawl dinga \huoi niin a hril. 212 battalion CRPF le Maoist hai chu zani zingkar dar 8:00 AM vel khan an inkaptuo a, chu hnunga dap-pui thaw dinga suok CRPF han bomb puok hi an tuok a nih. Bomb chu a hrat hle leiin CRPF hai motor khawm an dar vawng a, Armed Forc-es dang han bomb sukpuoktu hai man tumin dappui an thaw sunzawm nghal a, hi

thu ei sut chenin kaphlum le man an nei thu hriet a la ni nawh. Sukma district hi Maoist hai hratna biel a na, hi dis-trict sunga hin Maoist han vawi tamtak Security Forces hai ambush in an bomb ta hlak a. Nikum March 11 khawm khan CRPF convoy ambush in CRPF jawan 12 zet an kaphlum a, chu hnung April 24, 2017 khawm khan paramilitary forces hai am-bush nawkin jawan 25 zet an kaphlum bawk. Union Home Minister Rajnath Singh in helpawl-hai bomb puok a thi jawan hai a sunna thu a puong a, hi chungthua hin DG inbiek-puiin forces tam lem tirlut an ni ding thu hrilin, hliemna tuokhai an dam vat theina dinga a \awng\aipui thu a hril.

US Defence Secretary Mattis hrillawk lovin Kabul-ah an zinKaBul: Afghanistan sawrkar le Taliban han in-biekna nei dinga hma an lak mek laiin, zani khan hrillawk lovin US Defense Secretary Jim Mattis chu Kabul-ah an zin. Chawlkar 2 liemtah khan Afghan President Ashraf Ghani in Taliban hai leh peace talks an neina ding ‘peace plan’ a hawng a, US Defense Sec-retary hi inbiekna nei dinga an insingsa mek thua inzin a na, Kabul a tlung le inruolin an ram \huoituhai an hmu-pui a, Taliban han sawrkar an inbiekpui ding thu la hril-lang naw hai sien khawm, an pawla \huoitu \henkhatin inbiek dinga an inhawng thu an hril niin Mr. Mattis chun a hril. Military jet hmanga Ka-bul inzin Mr. Mattis chun a \um hunah chanchinbumihai an biekpui a, “Taliban hai hi \um khat thilthu in a ruolin

an hung naw el thei, leilak seitak daw in a um mek a, Afghanistan sawrkar le in-biekna nei nuom Taliban \huoitu lai tamtak an um hriet a nih” tiin a hril. Afghan President Ashraf Ghani in ‘peace plan’ a tlangzar chu ama inrawina a siem a na, chu hai lai chun Taliban pawl chu political party anga pawmna ding a \hang sa a nih. Mr. Mattis in a hril pei dan chun, khawvel hrieta helpawl Taliban hai hi inremna dawkam awt dingin an inpei zing a, amiruok-

chu, Afghanistan sawrkar ni lovin, US inbiekpui an nuom niin a hril. Afghansitan sawrkarin peace plan a siemna thuah Taliban hai khawmin \awngbau an insuo veh a, Afghan sawrkarin a thuhne theina dinga peace process chu neipui a tum niin an hril a. Jakarta hmuna Islamic scholars’ conference um ding an boycott thu puongin, Afghan sawrkar hmalakna chu an thlawp naw ding thu an hril a nih. Hi le inzawm hin Mr. Mattis chun, “tu tak

hin Afghanistan sawrkar hi a \huoitu ni dingin US in a ditsak a, inremna lampui hraw meka hin inrawitu niin hma la raw seh” tiin a hril. Afghanistan rama Tali-ban le helpawl tum tum hai chetna leia buoina chu kum 16 neka tam a um tah a, hi le inzawmin, Mr. Mat-tis chun inremna tluontling a um theina dingin Afghan sawrkar chu theitawp suo dingin a ph<t a nih. Afghanistan rama in-remna le muongna a um theina ding hin US chun Barak Obama hun lai daia inthawk theitawp a suo zing hlak a. Tuhin US force 3,000 vel Afghanistan rama sinthaw dinga tirlut nawk an na, an rengin American forces 14,000 vel an um tah a nih. Chu hai laia 8,500 vel chu Obama sawrkarin a maksan an nih. Chuong lai zingin, Af-

ghanistan rama helpawl lientak Taliban hai chun ralthuom chelekin helna tum tum an siem zing a, tukum January thla sung ringawt khawm khan \um 472 zet an che hman a nih. Civil mihai chunga suolna hi ngaitha ding an nawh tiin Mr. Mat-tis chun a hril a, Taliban hai hi an lungril innemin thla khat/hni hnunga chu Afghan peace process hung zawm thei an tih tiin a beiseina thu a hril bawk. Pentagon chief a ni hnunga Mr. Mattis hin za-nita hi \um thum hrillawk lova Kabul-ah an zinna a ni tah. Trump in US President mawphurna a chela inthawk Pakistan ram ngirhmun khawm a danglam hrat hle niin Mr. Mattis chun a hril a, hi hma khan Taliban leh an inkap leiin Trump in Pakistan hi a lo vau tah a nih.

Karti CA bail a insuo

new delhi: INX Me-dia thubuoi leia man Karti Chidambaram a Chartered Accountant (CA) S Bhas-kararaman chu zani khan Special judge Sunil Rana in bail a insuo a remtih. Mr. Bhaskararaman hi Febru-ary 16, 2018 a Enforcement Directorate (ED) han man a na, bail-a a suok theina ding hin ‘bail bond’ Rs. 2 lakh pek dinga ph<t a na, ED han an mamaw hun huna ko thei dinga um ding le India ram suoksan lo dinga ti a ni bawk. Mr. Bhaskararaman hin thu indawn dinga man a ni leiin jail-ah an tang theina ding san a um nawh tiin zani khan bail phalna hi a ngen a nih.

HM Rajnath in Udham Singh a statue a hawng

aMRitsaR: Union Home Minister Rajnath Singh in zani khan Jallian-wala Bagh, Amritsar hmu-na freedom fighter Sardar Udham Singh a statue siem thar a hawng. Statue hi \hang 4 zet liemtah a in-thawka siem dinga ph<t an tah a, NGO International Sarab Kamboj Sabha hmal-akna a sukpuitling le Rajas-than state a Rs. 10 lakh sen-ga siem a nih. Statue chu Jallianwala Bagh massacre lutna lai taka inngirtir le marble ngawta siem a nih. Udham Singh hi India ram zalenna suoltu laia inlar le mi huoisen tak a na, March 13, 1940 khan Caxton Hall, London-ah April 13, 1919 huna British sawrkarin India mihai nun-rawng taka an that phuba lakna in Michael O’ Dwyer a that a nih.

PM in ‘TB Free India Campaign’ a hawngnew delhi: India ram-ah kum 2025 chena Tuberculosis (TB) natna sukbo tumna le inzawma sawrkarin ‘Tuberculosis Free In-dia Campaign’ a huoihawt chu zani khan Prime Minister Narendra Modi in a hawng. PM Modi chun World health Organisation (WHO) in kum 25 liemtah khan ‘emergen-cy’ a puong tah a, India khawm TB dona hin hun sawt tak sung \hang a lak ve tah tiin a hril. Campaign hawngna hi PM Modi in ‘Delhi End TB Summit’ hawngna le inruola a nei a na, hi summit hi khawvel-ah TB natna a tawpna ding le inzaw-min hriet zing ning a tih tiin a hril. India in kum 2025 chen TB sukbona

dingin target a siem a, DBT fethlen-gin sawrkarin hmalakna a nei zing tah a, hi natna sukbona dingin fak le dawn le damdawi hai sem zing an ni tah tiin PM Modi chun a hril. Campaign hawngna a hin Union

Health Minister JP Nadda le WHO Director General Dr. Tedros Adha-nom Ghebreyesus hai khawm an \hang. Mr. Nadda chun khawvela inthawk TB natna sukbo dingin India ram an pumpek a nih tiin a

hril a, Dr. Ghebreyesus khawmin India le rambung tum tum han TB natna an dona kawngah theitawpin a thlawp a nih tiin a hril ve. Tuberculosis Free India Cam-paign hi National Strategic Plan (NSP) in TB natna sukbona dinga ‘mission mode’ a siem dungzuia hmalak ning a tih. NSP hi Rs. 12,000 crore vela \hangpui a na, a hmalakna hnuoiah TB natna invawihai kum 3 sung diagnosis, treatment le support \ha tak pek ning an tih. Summit chu Health Ministry, WHO South East Asia Regional Office le Stop TB Part-nership han \hangruola an huoihawt a nih.

PM le Prez. in 2020 pha vuongnanew delhi: India rama a hmasatakna dingin Presi-dent le Prime Minister hai hmang ding vuongna \ha tak induong mek an na, kum 2020 hin tlang-zar hman dinga ti an nih. Vuongna chu Air India in an chawk Boeing 777-300 ERs hmelputa siem ding niin, a sungah VIP enclo-sures, press conference room le medical emer-

gencies a dingin damnaw phur theina ding room sie sa ni bawk an ta, a vuong hun sung khawma Wi-Fi connection \ha tak a hmu theina dingin technol-ogy hmangruo \ha taka in-thuom le missile a laka him theina ding, ‘anti-missile protection’ inbuk ni bawk a tih tiin zani khan senior government official chun a hril.

UP minister hlui a thi

luCKnOw: Uttar Pradesh Minister hlui le Lucknow khawpuia mi in-lar le pawimaw tak Begum Hamida Habibullah chu zani khan kum 102 mi niin a thi. Mrs. Begum hi Nawab Nazir Yar Jung Bahadur a naunu le National Defence Academy, Khadakwasla, Pune a founder Comman-dant Major General Inayat Habibullah a nuhmei a nih.

US in Ex Russian Spy chemical attack a dem washinGtOn: United States chun Russian spy hlui Sergei Skripal le a naunu kum 33 mi Yulia chemical/t<r hmanga beina, ‘chemical attack’ a dem thu zani khan a puong. Russian spy hlui le a naunu chu southern England a an chengna In lai t<r hmanga bei niin khawmuol hrie lova hmu an na, hi thil hi Russia sawrkar thilthaw a nih tia intumin rambung tum tum \huoitu hai khawmin an dem thu an puong ve. Anni ruol hin police officer pakhat khawm bei ve a na, tu chen hin khawmuol hrie lova enkawl zing an la nih. Hi thua White House

press secretary Sarah Sanders in thu-suok a siemna a chun, Russian spy hlui le a naunu hai beina hi mihriem inzana \hang lo le inhnuoisiena vawrtawp a nih tiin a hril.NATO Secretary General Jens Stolten-berg khawmin hi thiltlung hi thusuok si-emin a dem thu a puong a, NATO in UK ram \huoituhai leh inhriepaw in hi chun-gthua hmalak dan ding an ngaituo zing a nih tiin a hril. Zani zingkar khan British Prime Minister Theresa May khawmin Russian spy hluihai thil tuok chu pawi a ti thu hrilin, t<r hmanga bei an nina hi

Russia kuthnung a nih tiin a hril. `Chu lai zingin, Russia chun an ram-ah World Cup a um ding leia ram-bung dangin buoina an intlun tum niin intumna an siem thung a. Russian For-eign Ministry spokeswoman Maria Zakharova chun, Russia ramin intumna a tuok mek hi a sukphurtu um ‘political campaign’ a nih tiin a hril. Britian PM Theresa May chun zani khan National Security Council meeting a ko a, Rus-sian spy hlui le a naunu chunga thiltlung hi ‘intelligence’ source la khawma sui ning a tih tiin a hril.

Delhi cM Kejriwal a Advisor an ban

new delhi: Delhi Chief Secretary AAP MLAs han an vuokna le inzawma po-lice han zawna an indawn ve, Delhi Chief Minister Arvind Kejriwal a Adviser VK Jain chu zani khan mi-mal buoina suonlamin an ban. Mr. Jain hin an banna lekha Chief Minister’s Of-fice (CMO)-ah a thawn a, a copy Lieutenant Governor khawm a peksawng bawk. Ama hi Mr. Kejriwal a chairman na hnuoia Delhi Urban Shelter Improvement

Board (DUSIB)-ah CEO nia a pension hnung, nikum September thla kha n Kejri-wal a Adviser dinga ruot a nih. Mr. Jain hi Delhi CM a In-a Chief Secretary AAP MLAs 2 in an vuoka inthawk CMO-ah an lang ta nawh a, chawlkar hmasaka Court hmaa inlang dinga an ko \umin, AAP MLAs Prakash Jarwal le Amanatullah Khan han Kejriwal a In-ah Chief Secretary inhuolin an vuok lai a hmu thu a puong a nih. Hi thil tlung le inzawm hin Delhi government employ-ees hnuoia ‘joint forum’ chun Delhi CM Mr. Kejri-wal chu hremna pe dingin an ph<t mek bawk.

Pakistan in thla 2 sungin \um 633 ceasefire dan a bawsiet

new delhi: Jammu and Kashmir a LoC le Interna-tional Border hmun haiah Pakistan in thla 2 liemtah sung khan ceasefire dan \um 633 a bawsiet a, chu-ong huna chun Security per-sonnel 10 le civil mi 12 in thina an tuok pha a nih tiin zani khan Union minister of state for Home Hansraj

Gangaram Ahir in Lok Sab-ha an hriettir. Mr. Ahir chun ceasefire dan bawsietna \um 432 chu Line of Control (LoC) hmuna tlung a na, \um 201 chu International Border a tlung a nih tiin a hril bawk. Kum 2017 sung khan LoC-ah \um 860 ceasefire dan bawsietna a tlung a, In-

ternational Border-ah \um 111 a tlung bawk a, chuong huna chun civil mi 12 in thi-na an tuok bakah midang 59 in hliemna an tuok a nih tiin Mr. Ahir chun a hril. Lok Sabha in\hung huna zawnna dawnna a Mr. Ahir hin a hril a na, Pakistan in ceasefire dan a bawsietna hi ni tinin a pung pei a nih tiin a hril.

Telangana MLA 2 a hnawt dawkhydeRaBad: Telangana Assembly session \an nia Governor in thu a hril laia mawi lo taka an che leiin zani khan Telangana Assembly speaker Madhusudhanachary in Congress MLA 2 Assem-bly hall a inthawk hnawt dawkin Congress members 11 a ban. Assembly hall a in-thawka hnawt dawk hai chu Komatireddy Venkatreddy le

Sampath Kumar hai an na, an pahni hin Budget session \an ni March 12, 2018 khan Gov-ernor in thu a hril laiin micro-phone a dengin Legislative Council Chairman Swamy Gowd an inhliem a nih. Congress members 11 hai khawm hi Governor thuhril laia mawi lo taka an che leia ban tho an nih. Zanita inpui in\hung an \an le inruolin,

Speaker chun MLAs hai mawi lo taka an chetna chu pawi a ti thu uor takin a hril a, an chetna chu democracy dan kal a ni thu hrilin, bana um MLAs hai chu marshal hai inpuia inthawk in hnawt suoktir an nih. Chief Minis-ter Chandrasekhar Rao chun hi ang ching zawm nawk MLAs hai chu indawi ni naw ni hai tiin a hril.

Nagaland cM hlui Mar 17-in NIA hma-ahKOhiMa: Nagaland Chief Minister hlui TR Zeliang in sawrkar fund hmanga helpawlhai a \hangpui hlak tia intumna leia National Investigation Agency (NIA) headquarters, New Delhi hmuna lekha pawimaw hai le zanita in-lang dinga ti chu March 17, 2018 a dinga sawn nawk a nih. Mr. Zeliang in Assem-bly session ding leia sukhla pek dinga a ngenna NIA in an pawm leia a hun hi sawn hlat a nih. NIA in Mr. Zeliang an intumna le inzawm hin Jan-uary 18, 2017 khan NIA han Nagaland department tum tuma offices hai an dap a,

helpawlhai \hangpuina re-ceipt Rs. 2 crore anghu an mansuok. Mr. Zeliang a ruol hin a Officer on Special Duty (OSD) le staffs 2 khawm in-lang dinga ko sa an nih. Mr. Zeliang a sawrkarin fund indik lo taka helpawlhai \hangpuina dinga a hmanga intumna hai chu Directorate of Information Technology, Directorate of Soil and Wa-ter Conservation, Director-ate of Irrigation, Directorate of Rural Development, Di-rectorate of Urban Devel-opment, PWD, Roads and Buildings le Directorate of Information and Public Re-lations departments hai an nih.

Sonia Gandhi in zantieng bu a fakpuinew delhi: UPA Chair-person Sonia Gandhi in zani zan khan New Delhi hmuna a chengna In-ah oppositions party \huoitu 20 vel zantieng bu (dinner) a fakpui. Hi huna hin NCP \huoitu Sha-rad Pawar, SP \huoitu Ram Gopal Yadav, CPI \huoitu D Raja, CPI (M) \huoitu Mohd. Salim, TMC \huoi-

tu Sudip Bandyopadhyay, DMK \huoitu Kanimozhi le RJD \huoitu Tejasvi Yadav hai khawm an \hang. Bufak huna hin thupui tum tum hmangin hohlim tlangna an nei a, an meeting hin 2019 Lok Sabha election hunah opposition party tum tum hai an inpumkhatna ding a hung rasuok dinga ring a nih.

Sc in Aadhaar deadline tiemchin

umloinnew delhi: Supreme Court chun Mobile num-ber le Bank Account hai Aadhaar le thlungzawm thei hun tiemchin um loin a suksei. A hma chun Aad-har le account thlungzawm thei hun hi March 31, 2018 chen a ni a, sienkhawm thuthlukna mumal tak siem a ni hma po a dingin suk-sei a nih tiin Chief Justice Dipak Mishra inrawi Con-stitution Bench chun a hril. Aadhar Act hi India con-stitution kal a nih tia khin-gletna um mek a nih.

Hmasawnna Thar4 EntErtainmEnt / SportSthla|au (MaRCh) 14, 2018 nilaini (wednesday)

Selena Gomez le Justin Bieber An In\he Nia Hril

lOs anGeles: Tleirawl inhmangainaa hin chu ieng po khawm tlung thei zing a nih. An tleirawl tea inthawka hlasakthiema inlar ve ve, inlaichinna tieng khawm hmangaina leia hming inthang ve ve Selena Gomez le Justin Bieber hai chu vawi khat in\hea thawk khat puitling tah tia an inzui nawk hnungin an in\he nawk tah niin Us Weekly chun a ziek. Selena Gomez hi The Weeknd leh kum 2 vel an inzui hnungin Justin Bieber khawm ngaizawng nei lova thlarau tieng damna ding a buoipui lai tak, leh an inkawp nawk a nih; ni kum October thlaa inthawk khan. Us Weekly hril dan chun, Justin Biber (24) le Selena Gomez hi anni chu an inditin an inhmangai hle a. Justin Bieber a nu khawmin Selena Gomez hi a ditpuia. Anachu, Selena Gomez nuin The Weeknd (Abel) a lo ditpui ta hnung a ni leiin Justin Bieber hi a ditpui naw leia in\he niin a hril. “Justin sunghai chun Selena hi an ditpui a. Selena sunghai ruok chun Justin hi an la ring tak tak thei nawh. Selena Gomez chun Justin hi a danglam tah a, ni dang nungchang ang an ta nawh, a tia chu a nu Mandy Teefey-in a la ring naw niin a hril. S e l e n a G o m e z n u

Mandy Teefey hin ama khat chauvin Selena hi a enkawl a nih a. A damnaw sung khawm tukhawm enkawlpuitu ding an um naw bawk leiin a nu hi a thu hle ringawt el a nih. A naunu rinum tuor nawk ding hi a dit naw lei chu a nih taka. “Sorry” saklartu Justin hi a nungchang hlui ang bawk a la ring lei khawm a nih. Mandy Teefey chun hun sawt tak Justin Bieiber hi a biek ta naw niin a hril. A hma chun text dam an in-text hlak. Hienglai zing khawm hin, “Selena chu nunghak puitling a nih ve taa amaa thutlukna siem thei an tah. Selena chu a hlim thei dan danin a hringun a hmang thei an nawm, him tak le hrisel taka a umna ding a

nih phawt chun. Miin ka thunun (control) an ngai ang hin chu ka control nawh. Puitling an ve tah a, amain thutlukna le ditthlangna siem thei an tah” tiin a hril. Selena Goez le Justin hi 2009 a inthawk khan an tleirawl inlar tak tak lai an inngaizawng a. Kum 5 vel hnung 2014 khan thubuoi neu neu le inhrietthiemnawna \henkhat leiin an in\he a. Chu hnung chun Selena chu The Weeknd leh an inzui a. Justin chu World Purpose tour neiin 2017 bul tieng khan thlarau damna zawngin concert po po a \hul a. Kum tawp tieng Selena leh an inzui nawka, tuhin hieng hin chanchin hriet a hung ni nawk ta a nih.

Short film ‘Cakewalk’ ah Esha Deol chang ding

MuMBai: Businessman Bharat Takhtani leh an in-nei hnunga film chang ie-manichen lo chawlsan tah Esha Deol chun Hindi short film ‘Cakewalk’ a inchang dingin an puocha mek. Cakewalk hi Hema Malini biographer Ram Ka-mal Mukherjee in story a ziek le ama enkaina hnuoia inchang ding a ni a, Esha chun a film a hin Chef lem an chang ding a nih. Esha Deol (36) chun Ka nu chanchin lekhabu a ziekna le inzawma inter-view a mi thaw huna hi film siem dinga ngaituona hi Ram Kamal lungrila hung um a nih tiin a hril. Esha hi October, 2017 a kha Bharat Takhtani le innei an ni a, hi hnung hin

film chang tiengpang a chawlsan vang vang a, a pasal Takhtani le tuhin nau nuhmei Radhya an nei ta a nih. Hi film –a co-di-rector ding chu Abhra Chakraborty a nih. Mr Chakraborty hi Elar Chaar Adhyay film leia National Award lo dawng tah Ben-gali director Bappaditya Bandhopadhya \hangpui-tua lo \hang a nih. Cakewalk short film hi Assorted Motion Pictures le SS One Entertainments hnuoia Dinesh Gupta, Shailendra Kumar le Aritra Das han an produce ding a ni a, model a inthawk tele-vision actor hung ni tah Ta-run Malhotra chu pasal-ah changtu takin \hang a tih.

Kerry Katona, a pasal hlui in a that tuma inthawk \ithawng zing

sussex: Atomic Kitten band member hlui hlasak-thiem Kerry Katona chu a pasal hlui George Kay in that dingin a vau nia hril a ni hnungin a hring-na \itthawng zingin hun a hmang a hril a nih. Kerry Katona (37) le George Kay hai hi kum 6 an innei hnunga nikum June thlaa kha in\he an nih. Kay in an naunu

Dylan Jorge (3) video call a hung thaw huna Kerry hin a lo sukbuoin an biek tir nuom naw a, chu takah rugby player hlui George Kay hi lungsen le that dinga a vau nia hril a nih. Hi thil tlung lei hin Kerry chun \itthawngin Ina inthawk Sussex Po-lice ah report a pek nghal nia hril a nih. Sussex Po-lice khawmin hi thil tlung

thuah complaint an dawng ngei thu an sukchieng a, sienkhawm case chu regis-tered a ni nawh. Kerry Katona hi celeb-rity dang hai ang bawkin pasal tiengpang chun a tluong ve naw hle. Kum 1999 a boy band Westlife le Atomic Kitten in tour an neitlang hunah a pasal hmasa tak dingin Westlife member Brian McFad-den leh inneiin nau pahni Molly le Lilly-Sue 15 hai an nei a, sienkhawm Mc-Fadden in a hlem leiin an hung in\he nawk a. Hi zo hin a pasal pahnina dingin taxi driver Mark Croft leh inneiin nau pakhat an nei nawk a, sienkhawm sawt dai chuong loin an hung in\he nawk a. Chu hunga Kay le hung innei nawk an nih.

Serena Williams chu a sang-nu Venus in a hlapdawk

indian wells: World No. 1 hlui Serena Williams chu a nau nei zo hnunga women’s single competi-tion a khel hmasa takna dingin Indian Wells Inrinni liemtaa 29th seed Dutch ten-nis khel thiem Kiki Bertens

a hneban hnungin Thaw\anni zankhan a unu Venus Williams leh an inkhel a, a sangnu Venus Williams in 6-3, 6-4 a hnein Indian Wells khel meka inthawk a hlapdawk tah. Tuta \um hi Serena le

Venus Williams hai unau womens single-a an inhmu vawi 29 a nitah. Kum 2017 Australian Open final-a an inhmu hnunga tuta \um hi an inhmu/inkhing nawk hmasa takna a ni a, Aus-tralian Open 2017 final a khan Serena chun a naupai pumin a sangnu Venus hi hnebanin Australian Open title a lo lak a nih. 10th seed Venus in a unu Serena a hne hnung hin round of 16 a lut a, match nawkah Anastasija Sevas-tova annawleh 12th seeded Julia Georges leh inkhel an tih.

Roger Federer le caroline Wozniacki an fe tluong pei; Sloane Stephen hrat lo

indian wells: World No. 1 Roger Federer chun BNP Paribas Open title khel mekah zani hmasa khan world ranking 25 na Filop Krajinovic chu 6-2, 6-1 a hnein a la fe tluong pei. Chun, Australian Open Champion Caroline Woz-

niacki chun Thaw\anni khan Indian Wells third round-ah Aliaksandra Sasnovich chu 6-4, 2-6, 6-3 in a hnein a la fethleng hram. Hieng laizing hin US Open Champion Slaone Stephen (24) chun world number 19 Daria Kasatki-

na hne zo loin Indian Wells khel meka inthawk Daria Kasatkina in a hlapdawk. Sloane Stephen hin Grand Slam title (US Open) a lak zo hnunga tournament a hmasawn nawk hmasatak na a ni a, hienga hlapdawk a ni el hi an beisei naw a nih. September thlaa US

open final a khan unseeded Stephens hin America mi tho Madison Keys chu 6-3, 6-0 a hnein US Open title a lo lak a nih. Stephens hi kum 30 a tling hunah Ten-nis khel chawlsan tum niin a retire hma hin Grand Slam title pakhat bek la lak nawk inbeisei a nih.

Indian Super Cup inaugural March 31-ah;

Match hmasa takah chennaiyin Fc le Aizawl Fc an inhmu ding

BhuBaneshwaR: Indian Super Cup khel ding le inzaw-min All India Football Federation (AIFF) chun Cup inaugu-ration March 31, 2018 a nei dingin zani hmasa khan official in a puong tah. Indian Super Cup knockout tournament-a hin teams 16 inkhel an ta, hi taka ding teams 12 chu ISL le I-League stand-ing dungzuia sukfel a nita a, slot pali haia ding chu league pahni haia bottom four team han qualifier an khel zo hnungah sukfel ning a tih. Super Cup games popo hi Bhubaneshwar hmuna khel vawng ding a ni a, final chu April 20, 2018 a inkhel ning a tih. Opening match ah 2015 Indian Super League champions Chennaiyin FC le 2016/17 I-League champions Aizawl FC inkhel an tih.Qualifiers:

ISL team a inthawk Delhi Dynamos, ATK, NorthEast United le Mumbai City FC hai qualifiers a inkhel an ta, anni hin I-League a Indian Arrows, Churchill Brothers, Chennai City le Gokulam Kerala hai inkhingpui an tih. Dynamos le Churchill brothers in March 15, 2018, 5PM ah inkhel an ta, North East United v/s Gukulam in 8:PM ah inkhel an ta, March 16 in Mumvai City FC v/s Indian Ar-rows zoah ATK v/s Chennai City inkhel nawk an ta, hi taka hrat (winners) team 4 hai chu tuta slot la ruok haiah sie ning an tih. Super Cup final tournament schedule chu a hnuoia ang hi a ni a, Aizawl FC le Bengaluru AFC Cup la khel ding leiin quarterfinals chu March 31, 2018 hnunga puong ni chau a tih. March31:ChennaiyinFCvsAizawlFCApril1:BengaluruFCvsGokulamKerala/NEUnitedApril1:MohunBaganvsDelhiDynamos/ChurchillBrothersApril2:MinervaPunjabvsJamshedpurFCApril3:FCGoavsATK/ChennaiCityFCApril4:FCPuneCityvsShillongLajongApril5:EastBengalvsMumbaiCityFC/IndianArrowsApril6:NerocaFCvsKeralaBlastersQuarter-finals:Tobeannouncedlater.April16:Semi-final1.April17:Semi-final2.April20:Final

Hamburg le Southampton in Coach/Manager an ban

haMBuRG: Bundesliga a points 18 hmua a mawng-dap dawttu 17-na ni mek Hamburg chun an coach Bernd Hollerbach banin an coach thar dingin Christian Tiz an ruot. Bernd Holler-bach hi Hamburg in coach dinga an ruotna chawlkar 7 chau a la liem a nih. Tuta an coach thar hi season fe mek tawp chena dinga an ruot a nih. Hamburg hin Inrinni a Bayern Munich in 6-0 a an hneban \hangin

match 7 zet an lost ta a nih. Chun, relegation lut thei ngirhmuna um zung Southamton chun an Man-ager Mauricio Pallegrino an ban. Inrinni-a South-ampton in New Castle 0-3 a an hnenaw hnunga an Manager hi an ban a nih. Pallegrino hin June thlaa kha French mi Claude Puel thlakthlenga manager sin a hung chel a nih. Southampton chun manager thar ding an hmatienga ruot an tum a, Coach thar hung ni thei dinga hril hai chu Stoke City manager hlui Mark Hughes, Watford boss hlui Marco Silva le West Ham United head coach hlui Slaven Bilic hai an nih.

Carrick in tuta season bak khel tum ta lo

ManChesteR: Man-chester United captain Michael Carrick (36) chun tuta season fe mek hnung-tieng chu football khel a tum tanaw thu official in a sukchieng tah. Football khel a chawlsan pha man-ager Jose Mourinho coach-ing staff tieng a zawm el theia hril a nih. Carrick hin kum 36 sung football a khel ta a, nikum a inthawk khan a lungphu indikaw leia dam-dawia inenkawl zing a nih. Carrick hin Totten-

ham Hotspur a inthawk kum 2006 khan Old Traf-ford a zawm a, Premier League titles vawi 5 bakah Red Devils-a a khel laiin Champions League title a lo lak bawk. Wayne Rooney in Everton a zawm hnungin club captain hung niin United ta dingin goals 24 a thun ta a nih. Man-chester United hi Preamier League fe mekah pahnina an ni mek an ni a, hma\huoitu Manchester City leh an karah points 16 a la tla a nih.

Premier League:

Man. city chun Stoke hnein Premier League title an hnai peilOndOn: Premier League hma\huoitu Man-chester City chun zani zing-kar khan Britania Stadium-ah David Silva goal pahni thun hmangin Stoke City an hne nawk leiin Premier League title an lakna ding a hnai pei. Zani zingkara Stoke City an hne nawk lei hin Manchester City chun games 30 ah points 81 an hmu ta a, pahnina ni mek Man. United leh an karah points 16 zet a tla ta a nih. Tuhin games 8 khel ding an la nei a, title an lak theina dingin game 3 chauah an hrat a \ul ta a nih. David Silva hin goal hmasa minuts 10 naah

thunin first-half chenah 1-0 in Stoke City hi an hne a, second-half minutes 50 naah Silva hin City ta dinga goal khat a hung thun nawk leiin a tawp chenah 2-0 in Stoke City hi an hne a nih. City chun March 31, 2018 khin Everton inkhel-

pui nawk a ta, hi huna hratna a chang nawk chun April 7, 2018 khin pahnina ni mek Manchester United inkhelpui nawk a ta, United a hne nawk lem chun tuta season-a Premier League title chu an chan lieu lieu anga ngai thei a hung nita ding a nih.

Vikram Chatterjee bail phal pek

MuMBai: Model Sonika Chauhan thina le inzawma ni 18 jail an tang hnungin actor Vikram Chatterjee chu zanikhan Alipore court-a Additional District Judge Sujay Sengupta chun personal bond Rs. 50,000 le surety Rs. 50,000 pea bail-a suok a remti pek a nih. Mr Chatterjee hi Sonika Chauhan motor-a bawhluma intum a ni a, hi le inza-

wma July 6, 2018 a kha South Kolkata hmuna man a nih. Man a ni hlim hin under section 304 A (death due to negligence) of Indian Penal Code (IPC) hnuoia bailable case file khum a ni a. Sienkhawm a hnun-gin Police han Section 304 hnuoiah non-bailable case an file khum nawk a nih. Mr Chatterjee hi bail-a suok phal pek nisienkhawm Court chun a passport pelut dingin an hriettir bakah hearing dinga ko a ni hun huna inlang dingin a hril. Kar hmasa khan Kolkata police chun Vikram Chatterjee hin speed limit pelin hrat taka motor khal a nih ti sukchiengna a um tiin chargesheet an file khum a, chargesheet a hin witnesses 40 hming a chuong bakah nuhmei 8 hai statement an lak hai Judicial Magistrate kuomah an pe-klut a nih. Hi thil tlung le inzawma foren-sic test neia um dungzui chun Car hi 105 km. per hour a hrata a khal niin a hril.

Indian Super LeagueChennaiyin FC in Goa 3-0 a hnein final an lutChennai: Indian Super League (ISL) fe mekah Chennaiyin FC le Goa FC han first leg-a 1-1 a an indraw hnungin zan-ikhan Jawaharlal Nehru Stadium-ah semifinals leg 2 an inkhel a, Chennaiyin FC chun Goa FC hi 3-0 a hnein ISL final an lut ve tah.

Goal hmasa Jeje Lak-pekhluah in minutes 26 naah Chennaiyin FC ta dingin goal a thun a, hi zo minutes 29 naah Dhanpal Ganesh chun Chennaiyin FC ta dingin goal khat hung thun ve nawkin first-half chenah 2-0 in Goa FC hi an hne a, second half minutes 90 naah Jeje in goal khat

a thun belsa nawk leiin a tawp chenah 3-0 in Goa FC hi an hne a nih. Zanita Chennaiyin FC final an lut le inzawm hin March 17, 2018 khin Ben-galuru FC chun final-ah Chennaiyin FC hi mikhuol an tih. Chennaiyin FC hi 2015 ISL champion an nih.

the 3rd edition: rengkai premier league (rpl)UpdAteMatch 24: 13/03/2018 @2:30 pmFULLTIME:FCRengkhawpui9-0DumbelluUtdRPL-HornbillCableNetworkManoftheMatch:EldadNgaite(10),FCRengkhawpuiGoal Scorers:FCRengkhawpui*EldadNgaite(10)33sec.,15”,40”*Varneikung(7)12”,25”,50”.*JohnZ.Zote(9)19”.*ObedLaldinsang(17)24”.*Sanglian(11)50”.Match 25: 14/03/2018 @2:30 pmZawlbûkFCV/SKnightsFCChief Guest:Dr.ImmanuelLalmalsawmPulamteM.O.,CHC,Parbung,PherzawlDist.

Khawvela lunghlu tlang lien tak pangana dollar 40 million a zawrB l O O M B e R G : Khawvela lunghlu (dia-mond) tlang lien tak pan-gana 910 carat Lesotho legend chu dollar 40 mil-lion a zawr a ni thu Gem Diamonds Ltd. Andwerp company in a puong. Lunghlu hi Africa rama an Letseng mine-a tukuma an chodawk niin

company chun an hril a, hi lunghlu tlang hi golf ball pahni tiet vel ding a nih.

Letseng mine hi lungh-lu lien le \ha chi chodaw-kna hmun inlar takel niin kum 2015 khan 357-carat le 2006 khan 603-carat Lesotho Promise lunghlu hai an lo chodawk bawk a, tukum sung tuchena hin lunghlu tlang 100 car-ats neka lien ding 6 zet an chodawk ta bawk a nih.