En mine tjline Tjest üet Holt

hab etj feel öle Fotos.

Dee tüsch etj nechj op ol doot Gold,

nechj op doot detjste Auto.

Dei öle Belda woore jeel,

dei Tiet koon jeel fefoowe,

wan hie en doo ne Atj ok feelt

en maunche habe Noowe.

Doch deet doot göet dei the betjetje,

dei öle Belda üete Tjest,

etj mag doot seija wö dei retje

mi woot dan woom, wan mi mul frest.

... Hia es ons schmoket, scheinet Hües,

hia send wi tjlin dei Elre jung,

hia etj en eine nije Blües,

hia schoakel etj met gröetem Schwung.

Hia send wi Metjes üete Kloos,

hia es dei Schöel fe ons ool üet,

donn stund ons up dei breide Goos,

wö hod etj blöes do nu jelüet.

Hia jeet de Zug vom Buhnhof löes,

dei Schemedaun jepackt them reise.

Von Tüs dei Lepel en doot Kröes

rolld ooles met op jane Jeleise.

Hia etj en dü sö jung en schmock,

din nija Doompa woot dü kofst,

hia etj em seija korten Rock,

hia lüescht nu mi bi ons om Post.

Hood etj doot eija doch jewest,

doot wi sö schwend feplatje,

jeschlute hod etj mine Tjest

wod doot Jewesne goo nechj watje.

Flechjt hood dei Tiet e Schrett felangsomt,

dei Belda weere vfleicht nechj jeel,

wi were jung en schmock noch lang sö

en onse Joare nechj sö feel?

Doch es doot nechj en miene Kroofte,

dei Tit em Töem von the höle.

Gott haft doot eimuel sö jeschooft:

woot jung fendoog, es morje Öelet!

27.05. 06

Kemalebloom Kemalebloom, dü Bloom, oom Wachj, 

steist einsom en feloote 

von desem Stech tjemst dü nechj wachj,  

wiels enne Eed dei Wartele loote. 

Etj foo febie, dü wenjst mie tö, 

dreest dien Jesechjt mie henjaroon. 

Ein Mensch the seine best dü fröh 

ein Tjent, ne Früh öeda ein Moon!  

Ein jiedra woot von die bejereist? 

Olein the bliewe deit doch wei?  

Sie , bette doorom nechj feleije,  

doot dü olein om Wachj hie steist,  

luet sechj dei Mensche on die freije, 

doot es ein Deinst woot dü hie deist. 

Dü woscht jewes doo fea belöent. 

Woscht rohre Friedenstruene, 

 wan dan em Farjöa dü jekröent 

met noch ne Bloom om Wachj woscht stoune. 21. 06. 06 

 

 

 

Etj ha jeheet en einem Leid 

(etj weit nechj meija woo doot heit) 

etj weit bloos doot, dei Autor seed 

voll deipem Senn, gaunz irenste Weed: 

Volle Ohre betje sechj 

ladje stoune houch. 

 

 

 

 

 

Dout wee je mi voll Wechjtechjtjet 

will doot met Mensche ouk soo jeet, 

will gröetsch en stolz doot sent wi schwend 

en emma wada senjt dei Went 

volle Ohre betje sechj 

ladje stune houch. 

 

Maunch eine Oh es voll en schwoo 

drachjt felfach Frucht von Joa the Joa,  

sei es jebetjt goonz deip bet unje,  

paust op doot wi dei nechj noch klunje, 

wills volle Ohre betje sechj 

dei ladje stoune houch 

 

En maunche Oh es lechjt en boowe 

steet stolz en houch dem Kop jehuewe 

sei tjetjt von boowe wit en breit 

en heet op eimoul ook doot Leid: 

volle Ohre betje sechj 

ladje stoune houch. 

 

Doot sen dei Schnettasch rüet jekueme 

dei Ernte woot nüe rauf jenueme 

maun heft dei volle Ohre op 

dei ladje kloonjt maun opem Kop 

 

wils volle Ohre betjte sechj 

dei ladje stounde houch. 

 

 Wan etj doch soone Oh koon sene, 

von dei maun koon feel Frucht jewene 

doot betje nechj the feel wood woore 

bet Schnettasch saumle eere Ohre 

dei Ohre dee sechj betje 

nechj dei, dei stoune houch.   06.08.04. 

 

 

 

 

 

 

 

 

 

 

 

 

 

 

                        Dei Hoawst tratjt ewrem goonze Launt 

met sine boonte Foowe 

dei Somma retjt am siene Hoont: 

hei mot bet opjoa stoowe. 

Hei haft jegoute, hei haft jewoomt, 

hei haft jejreint, jeblechjt, 

en manke Bloome soo feel jesomt 

en onse Schockel em Went jewechjt. 

Dei Somma jeet, etj saj ‐ Adei 

bet hei woot wada koume 

dei Aufscheit deet en betstje wei 

dei Hoawst haft Plautz jenueme. 

Hei tratjt olwada Selwadreed 

jesponne fien en denn 

dei Veajel setje woame Stede 

dei Büa rimmt de Ernte en. 

Hei haft jeforwe jehl dem Böum  

bi onse Noobasch ewre Goos 

em Goode blechjt dei lazte Blöum 

en ope Weed fedreicht daut Groos. 

Bepenselt es met roode Foow 

dei oole Schauteboom be ons 

etj denjdj: ein Fia brennt doo! 

Es doot nechj eine groote Konst? 

Met Foow besprezt, beschlakst, beguete 

es jida Boom ok Bosch, ok Oost, 

                         haft ok dei Somma ons feluete 

ne scheine Tiet es ok dei Hoawst!    06.04.09. 

  

Hoawstjedanke Doot sodat en sodat     

de Hemmel es grau, 

woot es mie soo kodrechj 

weit etj nechj jenau 

Dei Woltje dei henje 

mi mest enem Jnetj, 

dei Hoawstwent deet drenje  

dem Somma vom Fletj. 

Dei Veajel dei dreeje 

them Aufscheit ne Rund 

woot mokt mie feleije 

wann etj doot festound. 

Mien Böum steit noch ema 

en Jeduld ooles drachjt 

"Doot mot mul soo sene" 

oos wann hei mi sachjt. 

Num Somma tjemt Hoawst 

doot es doch goonz kloa. 

En ema doch omferhowst 

es de Tiet wada doo. 

Woot etj ha jeseet 

wort oles bewoot, 

oos Onkrüet em Weet, 

oos Destle em Hoat. 

En rane nü Truene 

mi ewrem Jesechjt, 

es min Somma feguene 

min Hoawst helt Jerechjt. 20.09.06. 

 

 

 

 

 

 

                    

 

 

 

 

 

 

 

 

Düe best söh gröet,

düe best söh stöetj .

Etj si die göet,

düe Gotteswöetj.

Düe nemmst op die

dem jratsten Wend

düe stest mi bi

etj si ein Tjent.

Düe hast met mi

so lang Jeduld,

düe schelst mi ni

hab etj ok Schuld.

Düe stest gounz foost

tjanst diene Plecht

drajst diene Loust

en wettascht nech.

Düe best mi trüh

the jida Tit,

düe jefst fel Rüh

en leiwst tjein Strit.

Daut es tjein Wensch,

daut es thein Dröum,

düe best tjein Mensch,

düe best ein Böum. Juni 2004  

 

 

 

                                                            

 

                                           

 

 

 

Wi tjene feel met onse Henj

söe mounch ein Wotj wi woge,

doch henjt dout ouf wout wi

fen' Kop, op onse Schoulre droge.

 

 

 

 

 

Etj well jünt wout fetale 

von jane scheine Tit 

oos etj noch ohne Sorje, 

oos etj noch nechj befrit. 

...dei Tjenjatit es lang vegoune 

doch weit etj gounz jenau, 

we Pa ein seja stotja 

en Mama noch nech grau. 

Wi hode feel jedoune 

met Goode, Jans en Schwin, 

en Nachtbeere tepletje 

we etj ol nech tetlin. 

Doot tjline Nekeledarp 

doot jeftet goonech meeja 

doot Hües von mine Elre, 

dem Uwe met dei Reija. 

Döö we so hoch de Hemmel, 

dei Timjün retjt so schein 

doa kun maun Süromp pletje 

tweschne Böetjebeim. 

Dei Schnei we doa vel wetta 

dei Dine bet oum Dack, 

söe lach em gröete Ruslaund 

dout tjline ditsche Darp. 

Doa si etj moul jebure 

doa word etj langsom gröet, 

es doot dort mine Heemat? 

Es doa noch we mi göet? 

...dei Zug es ofjefohre 

von jane Staziöen 

es olles dout jewese 

öeda es dout blöes ein Dröum? 

Etj he de Vejel senje 

vom Frede ope Welt, 

wi tjene ons nechj tjeipe 

ne Heemat fe fel Jelt. 

 

                                   

 

                                           

 

 

 

 Etj well moul rüet üet dese Stout 

etj well moul wachj von oul dei Mensche, 

etj hab jenouch, von oulem wout, 

en doch es wout te wensche. 

Dout es so lüed, dout es so drock 

en ema knaupa woat dei Tit, 

en fel te stöetj jet onse Klock, 

schwend send dei Joere opjefliet. 

Etj well dou han, wu Rüh en Fred 

wu tjeina hilt en tjeina klocht. 

Wu maun festeht sech oune Wed 

en tjeina es fezogt. 

Do wu de Sonn nech üenja jet, 

wu  Leiw  wot gröet jeschrewe,  

do well etj han, etj weit dout jet, 

will Jesus es min Lewe.   02.08.04. 

 

 

 

 

 

 

 

 

 

 

 

                           

 

 

Woot es blöes löes op onse Eed 

doot töbt en schedat breit en wit, 

dei Mensche fenje  tjeine Freed 

maun sachjt‐„det es de baste Tit“. 

Wu jacht dei Kugel met ons han 

derchj Wüste en derchj Weila. 

Det es de stoetjste Autobann 

hia heit doot ‐ fots the Höele. 

Hia jeft doot tjeinen breiden Reime 

nechj stoetje, fauste Schnale, 

fepause kounst dei Üetfoat einmuel 

o, weij! On dee febie the praale. 

 

 

 

.Maunchj eine es ol rüet jeschlisat 

wils hei sechj nechj the höele west 

maunch eine woot jescheet jeplisat 

en es noch ema nechj ein Tjrest 

 

 

 

 

 

 

 

 

 

 

 

Lewesautoboun 

Wö lang west dü sö onbedocht 

sö blent em werwar joge? 

 

                                   Jesus lüet, wö lang blöes noch 

koonst dü bi tjeinem froge. 

Dei Eed dei es tem erente riep 

sö sachjt ons Gotteswuet. 

O Mensch, bliew stoune , en bejrip 

en Jesus Hoont em Glöewe fuet. 

Dann hast dü einen sechjren Holt 

op diene Lewesautobann 

feschönt blewst dü von feel Jewoult 

tjemst jletjlechj oon en Kanaan.     

                                                   20. 07. 06. 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

              Dietschlaund, dü dietschet Launt 

      etj bangd mi aul ema nu die.  

Fe mi wescht wit en onbekoont, 

                     sö os fe die doot Launt Sibirj 

 

 

 

                                   Dei Reis wee them somma jeplount, 

                                          Adei voll sö schwoo mi the saje, 

                                          wi fuhre drei Dog mete Buen 

                                           bet Moskau vom widen Altaj. 

                                                   Dü Bootjeboom dejchjt onem Fletj 

wan saj etj die wada  "Gendach", 

Wi foore num Wasten, jletj, 

leew wöel miene Stapp Kulunda. 

Ons Hües‐ waut de Elre jebüet 

doot bange nu die deit mi wei, 

etj spee‐nu mi ema noch lüet 

miene Heemat, min Darp Polewoj. 

Fooken si etj dort enem Dröom 

wu sechj mine Tjentcheit deid weeje 

leehn mi oon ons Bootjeboom 

en jereis die ‐dü wiede Rossija.   28. 04.07