feesblad - gereformeerde kerk strand · jeanne van der walt van wyle hannes van der walt en sy vrou...
TRANSCRIPT
.
40 Jaar van Genade
Ons gemeente was op 27 Mei ‘n wonderlike 40 jaar oud. Deur die Here se genade het
die gemeente gegroei en is die Woord uitgedra. Ons kan vandag in dankbaarheid kniel
en alle eer aan God gee vir soveel seëninge.
Die spesiale uitgawe fokus op die geskiedenis, groei, gemeentelewe en toekoms.
Feesblad GK Strand 40
18 November jJ
‘N TERUGBLIK
Danksy goeie navorsingswerk deur Rina Grové met die saamstel van die feesboek
vir die 25-jarige herdenking, het ons vandag ‘n duidelike beeld van ons gemeente
se ontstaan.
Tradisioneel was die Gereformeerdes maar yl gesaai in die destydse Kaapprovinsie.
Aanvanklik is kerklike bediening uit Kaapstad gedoen, maar soos wat die
Gereformeerdes meer geword het, is nog gemeentes gestig en is die verspreid
wonendes van gemeente na gemeente aangestuur.
Hier in ons gebied het Hein en Maxie Hamersma hulle teen 1960 in die Strand
gevestig. Aan die oostelike punt van die latere Strandgemeente se grense, het
Josef en Lettie Kruger hulle in 1964 gevestig. Teen 1968 was daar 3 gesinne,
naamlik die Hamersma’s, Daan en Joyce Liebenberg en Pieter en wyle Gerda
Snyman in die Strand woonagtig. Geleidelik het al hoe meer lidmate ingetrek sodat
daar teen 1978 reeds 90 belydende en 56 dooplidmate was. Die Strand is
uiteindelik uit Stellenbosch bedien en soos die lidmate meer geword het, het hulle
ook meer onafhanklik begin funksioneer. Van 1974 af word twee eredienste per
maand plaaslik gehou. In 1976 vermeerder dit na een elke Sondag. Uiteindelik stig
die Strand dan ook as ‘n gemeente van Stellenbosch af op 27 Mei 1978. Van 25
Junie 1978 word twee dienste elke Sondag in die kerkgebou van die Sewendedag
Adventistekerk gehou.
Na afstigting was die Strand nog tot in 1982 in kombinasie met Stellenbosch. Die
gebiede Caledon en Hermanus is ook in 1978/79 deur die Klassis by die Strand
ingedeel. Reeds in Augustus 1979 word daar gedink aan die opsegging van die
kombinasie met Stellenbosch. Die Strand kry op 17 Maart 1982 volle
onafhanklikheid as die kombinasie opgesê word en gaan oor tot die beroeping van
sy eie predikant. Die eerste drie predikante wat beroep is, het nie die roeping
opgevolg nie. Uiteindelik word proponent Peet Aucamp beroep en volg die roeping
op. Hy word op 4 Desember 1982 as eerste eie predikant van die Strand bevestig.
KERKBOU
Reeds voor die afstigting van die gemeente het die lidmate hulle daarvoor begin
beywer om ’n kerkgebou op te rig en so ‘n tuiste in die Strand te vestig.
Onderhandelinge om die historiese moederkerk in Somerset-Wes te bekom het
skipbreuk gely. Die perseel waarop die kerkgebou en kerkhuis staan, is van die
Morkel-broers gekoop vir die bedrag van R 15 500-00.
Teen November 1978 is die Transportakte op die grond reeds afgehandel. Op 17
Februarie 1980 is besluit om voort te gaan met die bou van ’n kerkgebou. Die
bouwerk begin op 19 Mei 1980 en op 29 November 1980 is die kerkgebou in
gebruik geneem. Die hoeksteen is deur Hein & Maxie Hamersma gelê en die deur
is oopgesluit deur Hertzog Boersma.
Die koste van die kerkgebou is beperk tot R 69 000-00 omdat die lidmate
ingespring en baie van die werk self gedoen het.
Reeds op 15 Junie 1981 is op ’n gemeentevergadering besuit om ’n pastorie te
bou. Na die verbreking van die kombinasie en die aanvaarding van die beroep
deur Ds. P. Aucamp in 1982, het die lidmate weer self skouer aan die wiel gesit
en begin bou. Die pastorie is voltooi teen ’n koste van R 70 000-00.
Met al die bouwerk was dit veral broeders Venter en Liebenberg wat ’n leeue
aandeel gehad het. Na die afsterwe van Maxie Hamersma in 1988, kry die
gemeente ’n aansienlike erflating van R 143 000-00. Dit is eers belê en later is die
grootste deel gebruik om die kerkgebou, wat alreeds te klein was, te vergroot.
So het die gebou soos ons hom vandag ken sy beslag gekry.
PREDIKANTE 1978 – 2018
Dr.J H van Wyk 1978 – 1981
(in Kombinasie met Stellenbosch)
Prof. Cassie Venter 1981-1982
(in Kombinasie met Stellenbosch)
Ds. Jan-Louis du Plooy
1991 - 1998
Ds. Dinant Zwemstra
2015 - hede
Ds. P Aucamp
1982 - 1991
Ds. Jan van der Walt
1998 - 2015
HISTORIESE FOTO’S
EERSTE DINGE IN DIE GEMEENTE Die eerste Kerkraad:
Daan Liebenberg, Johan Venter, Henk Klapwijk, Wiecher van der Laan, Roelf du Plessis,
Gerard Ter Haar, Rudi Ter Haar, Gert du Plessis.
Die eerste baba wat gedoop is:
Op 18 Junie 1978 was Rudi, seuntjie van Rudi Ter Haar hier gedoop. Klein Rudi is op 25 Mei
1978 gebore.
Die eerste katkisante:
Piet Henning, Karin Liebenberg, Odette Venter, A.Verburg
Eerste Nagmaalviering
Sondag, 20 Augustus 1978
Eerste vrouediakens
Die eerste susters is as diakens bevestig op 4 Mei 2003. Hulle was Retha Coetsee, Thereza
Lunninge en Elbie Bingle.
EERSTE DINGE IN DIE KERKGEBOU
Eerste Katkisant
Johanna Nagel op 15 Februarie 1981
Eerste Koster
Lea Ter Haar
Eerste troue
Niens Henning op 21 Junie 1981
Eerste Baba wat gedoop is
Jeanne van der Walt van wyle Hannes van der Walt en sy vrou Annette op 30 Augustus
1981.
Eerste begrafnis
Eise Hamersma, in Oktober 1981 en kort daarna Hendrik Henning en Gerda Snyman. Almal
het ‘n lang verbintenis met Strandgemeente gehad.
MOSAMBIEK UITREIK 1998 – 2018 Die Mosambiek Uitreik is reeds 20 jaar aan die gang! Dit alles het in Junie 1998
begin toe Elbie Bingle, Dirkie Meyer en Bertus Human saam met die NG Kerk
Helderberg Mosambiek toe is. Hulle het die 400 km met ’n motor aangedurf om by
Meganja Da Costa te gaan werk.
In Junie 1999 het ons met ons eie span en voertuie die uitreik selfstandig aangepak.
Die lede van daardie eerste span was Elbie Bingle, Dirkie Meyer, Bertus Human,
Niel Human, Gideon Venter, Carl Logann, Tanya Daniels, Izak van der Walt, Ria van
der Walt en Ds. Jan van der Walt.
Hierdie span het die fondasie gelê vir die uitreike wat in die volgende jare sou kom.
Op elke uitreik is onder moeilike omstandighede met die vrouens, kinders en leiers
gewerk. Die spanlede het dramas opgevoer en later die Jesus film vertoon en
Bybelstudie gedoen. Ons spanne het eers op Magodane gewerk en daarna na
Mocuba verskuif waar ‘n kerk gestig is. Die Strandgemeente het hierdie gemeente
gehelp om ‘n kerkgebou op te rig. Ons gemeente het die staalstruktuur verskaf en
uitreikspanne het gehelp om die struktuur op te rig - soos Theo Mastenbroek. Die
afgelope twee jaar is die mure gebou en Ds Danie Murray het hier gehelp.
Vanjaar het Ds. Vinicius Bantim en sy gesin by ons aangesluit om behulpsaam met
die uitreike te wees en hulle was reeds in Julie Mosambiek toe op ‘n baie geseënde
uitreik.
In die afgelope 20 jaar sien ons God se hand op hierdie projek en ons glo dat dit
van krag tot krag sal gaan solank ons die Here se seën hierop afbid.
DIE BLYE BOODSKAP..... Die Strand gemeente het oor die jare betrokke geraak by baie uitreikprojekte,
plaaslik maar ook verder van die huis af. Dit is in opdrag van Jesus se opdrag met
Sy Hemelvaart : “... gaan maak dissipels van alle nasies”
Hieronder is net ’n paar van ons projekte oor die jare:
MITCHELLS PLEIN Rita Grobler het soos volg in die 25-jaar Feesboek geskryf:
“ In 1999 het ‘n groep lidmate die kursus Getroue Getuies onder leiding van Ds
Jan van der Walt voltooi. Die kursus het ten doel gehad om mense voor te berei
vir evangelisasiewerk in Mitchells Plein.
In September 1999 het ons saam met gemeentelede van Grassy Park en Mitchells
Plein begin om dit wat ons in die kursus geleer het, toe te pas.
Ons het Maandagaande by die huis van broeder David en suster Mary Ontong
bymekaar gekom. Nadat Ds Rodney van Wyk ons met skriflesing en gebed
bemoedig het, het ons in groepe van twee of drie uitbeweeg en van deur tot deur
gegaan.
Daardie eerste keer wat ons uitgegaan het, was ons baie opgewonde, maar tog
het ons harte in die keel geklop. Ons het geweet dat die kursus ons net die teorie
geleer het, maar hierdie was die werklikheid. Dit was egter baie gou duidelik dat
ons ‘n behoefte van baie mense aangespreek het. Mense het hulle geloof en
hartseer met ons gedeel. Die hartseer van armoede, waar meer as een gesin in
‘n baie klein huisie bly of gesinne wat in die aand gaan slaap sonder dat hulle iets
gehad het om te eet. Kinders wat sonder kos skool te gaan. Die hartseer van
gesinne wat deur drank- en dwelmmisbruik benadeel word. Die hartseer van
gelowige ouers wie se kinders die Moslemgeloof aangeneem het. Ons kon soms
op materiële gebied help, maar omdat ons bereid was om te luister en kon vertel
van God se liefde en nabyheid in enige situasie, is baie mense versterk. Ons het
verhoudings met mense gebou deur opvolgbesoeke. Later is begin met katkisasie
vir volwassenes en mense het belydenis van geloof afgelê.”
Die bande met Mitchells Plein is steeds sterk en die gemeente het ons en al die
GK gemeentes in Klassis Boland genooi na ‘ n eenheidsfees op 2 Desember!
GEMEENTE BEAMPTES Die afgelope 40 jaar was ons as gemeente geseën om lidmate te kon hê wat hul
talente en gawes tot opbou van die gemeente kon gebruik.
Administratiewe Beamptes:
Rita Raave 1994 - 1997
Kotie Taljaard 1997 – 2010
Rika du Plessis 2010 – 2011
Retha Vos (Oostenbrink) 2011 – 2013
Hannelie Mostert 2013 – hede
Orreliste
Elane Costerus
Lientjie Dekker
Dr G van der Tas
Sr Olivier
Francis de Wet
Marette Hamersma
Karen du Plessis
N Grobler
H van Eck
IJ Viljoen
Arie de Blois
Jonathan Coetzee
Ons dank gaan na al die beamptes en ons dank en loof God dat Hy altyd voorsien
en in beheer is.
ONS LIDMATE WAT DIE GEMEENTE GEBOU HET
Ons is bevoorreg om nog lidmate hier by ons te hê wat amper van die begin af deel
was van die bou van die gemeente. (Die lys volg nie enige rangorde nie.)
Pieter Snyman Gerard en Lea Ter Haar
Pieter en Lisbé Wever Joyce Liebenberg
Mossie & Martie Mostert Friedl & Elbé van der Merwe
Willem & Marlene Reyneke Hannes & Janette Styger
Koekoes Blom Magdalena Badenhorst
Klein de Beer Flip du Plessis
Jan du Preez Buks & Leonie Kruger
Louis & Erna Kruger Sarel & Bell-Elise Lubbe
Theo Mastenbroek Dirkie Meyer
Babs Meyer Hugh & Hermie Michler
Dorothy Pretorius Lena Fraser
Dorette en Casper Schutte Les & Alta Skelton
Susan Smit Daleen Snyman
Co & Arend Streutker Koos & Kotie Taljaard
Louis van der Vyver Ammi Venter
JP & Anel van der Walt Christa Appelcryn
Natuurlik het alle lidmate ’n bydrae gelewer, maar hierdie lys – alhoewel nie volledig
nie - bevat die name van gemeentelede wat reeds sedert die afstigting betrokke
was en andere wat reeds baie jare lidmate van die gemeente is.
STRANDGEMEENTE VANDAG EN MÔRE