ტესტი

სახვით და გამოყენებით ხელოვნებაში

ნოემბერი

2015

ინსტრუქცია

სახვითი და გამოყენებითი ხელოვნების ტესტი შედგება სამი ნაწილისგან: I. დახურული კითხვები; II. “წინადადების შევსება”,

„ჭეშმარიტია-მცდარია“, შესაბამისობა; III. ღია კითხვები.

ტესტის პირველი ნაწილის დახურული კითხვები (დავალება №№1-24) ვიზუალური მასალის მიხედვით 4 ჯგუფადაა დაყოფილი.

ტესტის ყოველ მომდევნო გვერდზე ვიზუალური მასალა და მასთან დაკავშირებული თითო დავალებაა განთავსებული, რის გამოც

ერთი და იგივე გამოსახულება ტესტში რამდენჯერმე მეორდება.

ტესტის I ნაწილში მოცემული დავალებების (№1-24) და ასევე II ნაწილის № 38 დავალების შესასრულებლად საჭიროა პასუხების

ფურცელზე შესაბამისი უჯრედები მონიშნოთ Χ-ით. თუ პასუხების ფურცელზე უჯრედი შეცდომით მონიშნეთ, მაშინ უჯრედი

მთლიანად გააშავეთ და მონიშნეთ სხვა უჯრედი.

დანარჩენ დავალებებს უნდა უპასუხოთ სიტყვიერად. პასუხების ფურცელზე დაშვებული შეცდომა შეგიძლიათ გადახაზოთ და

გვერდით (ან ზემოთ) მიუწეროთ სხვა პასუხი.

წერეთ გარკვევით. ღია დავალებების პასუხები საგანგებოდ ამ დავალებისათვის გამოყოფილ მონაკვეთზე განათავსეთ.

ტესტის ყოველი ნაწილის შესასრულებლად აუცილებელი ინსტრუქციები მოცემულია ბუკლეტში და თან ახლავს შესაბამის

დავალებებს.

ყურადღებით გაეცანით ინსტრუქციებს და არ დაგავიწყდეთ პასუხების გადატანა პასუხების ფურცელზე!

ტესტის მომდევნო გვერდზე გადასასვლელად გამოიყენეთ ღილაკი , ხოლო წინა გვერდზე დასაბრუნებლად ღილაკი .

ტესტის მაქსიმალური ქულაა - 70.

ტესტზე სამუშაოდ მოცემულია 3 საათი.

გისურვებთ წარმატებას!

1

1-24 დავალების ინსტრუქცია:ოთხი სავარაუდო პასუხიდან (ა, ბ, გ, დ) მონიშნეთ ერთი. პასუხების ფურცელზე სწორი

პასუხის შესაბამისი უჯრა მონიშნეთ X ნიშნით.

1. დააკვირდით საილუსტრაციო მასალას და აღნიშნეთ, რა დანიშნულების მქონე არქიტექტურული ნაგებობაა

წარმოდგენილი სურათებზე?

ა. საფორტიფიკაციო; ბ. საკულტო; გ. მემორიალური; დ. საზოგადოებრივი.

1. 2.

2

2. სურათებზე წარმოდგენილია ნაგებობის

ა. ინტერიერი; ბ. ექსტერიერი; გ. ტრანსეპტი; დ. საკურთხეველი.

1. 2.

3

3. რა სტილის ნაგებობაა წარმოდგენილი პირველ სურათზე?

ა. რომანული; ბ. გოთური; გ. კლასიცისტური; დ. ბაროკო.

1. 2.

4

4. რომელი ქვეყნის არქიტექტურული ნიმუშებია წარმოდგენილი საილუსტრაციო მასალაზე?

ა. გერმანია; ბ. ინგლისი; გ. ესპანეთი; დ. საფრანგეთი.

1. 2.

5

5. რა არ არის დამახასიათებელი პირველ სურათზე წარმოდგენილი ნაგებობისათვის?

ა. დეკორატიული მორთულობისა და შეისრული თაღების სიმსუბუქე;

ბ. ფასადის მასიური, მძიმე კოშკები;

გ. ნახევარწრიული ფორმის თაღების საშუალებით გაფორმებული მასიური კედელი;

დ. პორტალის (შესასვლელი) თავშეკავებული, სადა დეკორატიული გაფორმება.

1. 2.

6

6. რომელია ყველაზე მნიშვნელოვანი (წამყვანი) მხატვრული ელემენტი მეორე სურათზე წარმოდგენილი ნაგებობის

გაფორმების დეკორატიულ სისტემაში?

ა. ნახევარწრიული ფორმის სარკმელები;

ბ. შეისრული ფორმის ნიშები რელიეფებისათვის;

გ. შეისრული ფორმის სარკმელები;

დ. წრიული (ვარდული) ფორმის სარკმელები.

1. 2.

7

7. რა განასხვავებს მეორე სურათზე წარმოდგენილ ნაგებობას პირველ სურათზე წარმოდგენილი ნაგებობისგან?

ა. ფასადის სამ იარუსად დაყოფა;

ბ. პირველ იარუსზე 3 კარისაგან შემდგარი პორტალი;

გ. ფასადის ზემოთ აზიდული შეისრული ფორმები;

დ. ხელოვნების სხვადასხვა დარგის სინთეზი.

1. 2.

8

8 . რა აქვთ საერთო საილუსტრაციო მასალაზე გამოსახულ ნაგებობებს?

ა. ფასადის არქიტექტურული გააზრება;

ბ. არქიტექტურული მასების სიმსუბუქე;

გ. დეკორატიული მორთულობის სიუხვე;

დ. მასიური არქიტექტურული ფორმების სიმყარე.

9

9. ხელოვნების რომელი დარგის ნიმუშია წარმოდგენილი ფოტოზე?

ა. რელიეფი; ბ. მონუმენტური ქანდაკება; გ. კამერული ქანდაკება; დ. უშებტი.

10

10. რა მასალაშია შესრულებული ფოტოზე წარმოდგენილი ხელოვნების ნიმუში?

ა.მარმარილო; ბ. ხე; გ. ბრინჯაო; დ. თიხა.

11

11. სტილური თვალსაზრისით რომელი მხატვრული თავისებურება არ არის დამახასიათებელი წარმოდგენილი

ხელოვნების ნიმუშისათვის?

ა. ანატომიის ცოდნის საფუძველზე აგებული ფიგურების უტრირებული და ექსპრესიული ფორმები;

ბ. მძაფრი დრამატიზმი, შექმნილი ფიგურათა ჟესტებითა და მათი სახეების სულიერი დაძაბულობით აღსავსე

გამომეტყველებით;

გ. ფიგურათა ზედაპირის გლუვი ფაქტურა, რაც შუქ-ჩრდილის თანაბარ მონაცვლეობას ქმნის;

დ. კომპოზიციის დინამიზმი, შექმნილი ფიგურების მოძრავი და სტატიკური პოზების ურთიერთდაპირისპირებით.

12

12. წარმოდგენილი ხელოვნების ნიმუშის ავტორია:

ა. მიქელანჯელო; ბ. ანტონიო კანოვა; გ. ოგიუსტ როდენი; დ. ლორენცო ბერნინი.

13

13. ხელოვნების რომელი ჟანრის ნიმუშია წარმოდგენილი ფოტოზე?

ა. ყოფითი; ბ. პორტრეტი; გ. რელიგიური; დ. ისტორიული.

14

14. რომელი განმარტება არ შეესაბამება წარმოდგელი

ხელოვნების ნიმუშის დანიშნულებას?

ა. დეკორატიული;

ბ. მემორიალურ-სიმბოლური;

გ. შემეცნებითი;

დ. საკულტო-რიტუალური.

15

15. ხელოვნების რომელი დარგის ნიმუშია წარმოდ-გენილი

ფოტოზე?

ა. დაზგური ფერწერა;

ბ. მონუმენტური მხატვრობა;

გ. მინიატურა;

დ. ხატწერა.

16

16. რა მასალაა გამოყენებული წარმოდგენილი ხე-ლოვნების

ნიმუშის შესაქმნელად?

ა. ტილო და ზეთის საღებავები;

ბ. მუშამბა და ზეთის საღებავები;

გ. ქაღალდი და აკვარელის საღებავები;

დ. ბათქაში და ტემპერის საღებავები.

17

17. ხელოვნების რომელი ჟანრის ნიმუშია წარ-მოდგენილი

ფოტოზე?

ა. ყოფითი;

ბ. პორტრეტი;

გ. რელიგიური;

დ. ისტორიული.

18

18. რომელი მხატვრული თავისებურება არ არის დამახასიათებელი წარმოდგენილი ხელოვნების

ნიმუშისთვის?

ა. კომპოზიციური წყობის ფრონტალური ხასიათი;

ბ. კომპოზიციის სადღესასწაულო ხასიათი;

გ. მხატვრული სახის მონუმენტური ხასიათი;

დ. დეტალების ნატურალისტური სიზუსტით გადმოცემა.

19

19. ჩამოთვლილთაგან რომელი განმარტება შეესაბამება

წარმოდგენილი ხელოვნების ნიმუშის ფერადოვან

გადაწყვეტას?

ა. მომწვანო-მოყავისფრო კოლორიტის თავშეკავებული

ხასიათი;

ბ. მოშავო-მოვერცხლისფრო ტონების მეტყველი ხასიათი;

გ. ლურჯის, ვერცხლისფრის, შავისა და მწვანეს

ჰარმონიული ურთიერთკავშირი;

დ. ჟღერადი, მკვეთრი ლაქების ექსპრესიული

დაპირისპირება.

20

20. მხატვრული თავისებურებებით სახვითი ხე-ლოვნების

რომელ ფორმასთან ამჟღავნებს კავშირს წარმოდგენილი

გამოსახულება?

ა. შუა საუკუნეების ქართულ მონუმენტურ მხატვრობასთან;

ბ. რენესანსის ეპოქის დაზგურ მხატვრობასთან;

გ. შუა საუკუნეების ქართულ მინიატურასთან;

დ. XIX საუკუნის ქართველი რეალისტი მხატვრების

შემოქმედებასთან.

21

21. რომელი არქიტექტურული ტიპის ნაგებობაა წარმოდგენილი პირველ სურათზე?

ა. ბაზილიკური; ბ. ჯვარ-გუმბათოვანი; გ. დარბაზული; დ. გუმბათიანი დარბაზი.

1. 2.

22

22. რომელი მხატვრული ელემენტია საერთო ორივე არქიტექტურული ნაგებობის გაფორმების დეკორატიულ სისტემაში?

ა. ფიგურული რელიეფები;

ბ. მრავალფეროვანი ორნამენტული მორთულობა;

გ. ფასადების გაფორმება უწყვეტი თაღედით;

დ. სიმეტრიულად განლაგებული ღრმა ნიშები აღმოსავლეთ ფასადზე.

1. .2.

23

23. რა არ არის დამახასიათებელი მეორე სურათზე წარმოდგენილი ნაგებობისთვის?

ა. აღმოსავლეთ ფასადის გაფორმება ცენტრში დიდი ჯვრითა და სარკმლის ქვეშ განლაგებული შეწყვილებული

რომბებით;

ბ. ჩაწერილი ჯვრის ტიპი;

გ. აღმოსავლეთ ფასადის გაფორმება ხუთთაღოვანი სისტემით;

დ. ცენტრალური ნავი, გადახურული ორქანობა სახურავით.

1. 2.

24

24. განსხვავებული არქიტექტურული ფორმის მიუხედავად, შესაძლებელია თუ არა, რომ ფოტოზე წარმოდგენილი ორივე

არქიტექტურული ნიმუში ერთი და იგივე დანიშნულების მქონე ნაგებობას წარმოადგენდეს?

ა. შესაძლებელია, რადგან შუა საუკუნეების ქართულ ქრისტიანულ არქიტექტურაში ორივე ტიპის ტაძარი იყო გავრცელებული;

ბ. შეუძლებებლია, რადგან პირველ სურათზე გამოსახული ნაგებობა საერო, ხოლო მეორე სურათზე წარმოდგენილი ნაგებობა

კი საკულტო ხასიათისაა;

გ. შესაძლებელია, რადგან ზოგადად არქიტექტურული ნაგებობის ფუნქციასა და მის ფორმას შორის არანაირი კავშირი არ

არსებობს;

დ. შეუძლებელია, რადგან წარმოდგენილი არქიტექტურული ნაგებობები სხვადასხვა კულტურის ნიმუშია, განსხვავებული

არქიტექტურული კონსტრუქციითა და დეკორატიული სისტემით.

1. 2.

25

დავალება 25-29. წინადადების შევსება

ინსტრუქცია: დავალებებში მოცემულია წინადადებები, რომლებშიც სიტყვებია გამოტოვებული. ცარიელი ადგილები

წინადადებაში ხაზებითაა აღნიშნული. წინადადება სიტყვებით ისე უნდა შეივსოს, რომ აზრობრივად გამართული,

ჭეშმარიტი მტკიცებულება მივიღოთ.

ნიმუში:

ერთი და იგივე გამოსახულების რიტმული განმეორება ornaments ქმნის.

26

დავალება 25.

სახვითი ხელოვნების ელემენტს, რომელიც გამოსახულების ზედაპირის თავისებურებას გამოხატავს

ეწოდება.

27

დავალება 26.

თუ ზედმეტად ბევრი მუქი ტონალობის მონაკვეთი კომპოზიციის მხოლოდ ერთ არეზეა გამოყენებული, შეიძლება ითქვას,

რომ დარღვეულია.

28

დავალება 27.

სურათზე სივრცის ილუზიის შესაქმნელად მხატვრებმა კანონები გამოიგონეს.

29

დავალება 28.

მხატვრობაში მოცულობითი ფორმის შექმნის ერთ-ერთი მხატვრული საშუალებაა.

30

დავალება 29.

კუთხეს, საიდანაც მხატვარი ხედავს, აღიქვამს და გამოხატავს საგანს ან მოქმედების ადგილს

ეწოდება.

31

დავალება 30- 37. „ჭეშმარიტია-მცდარია“

ინსტრუქცია: შეაფასეთ ჭეშმარიტია თუ მცდარი მოცემული მტკიცებულება. და მონიშნეთ შესაბამისი უჯრა. თუ მიიჩნევთ,

რომ მტკიცებულება მცდარია საგანგებოდ გამოყოფილ არეში ჩაწერეთ მცდარად შეფასებული მტკიცებულების სწორი

ფორმულირება. მხოლოდ მცდარის შესაბამისი უჯრის მონიშვნის შემთხვევაში პასუხი სწორად არ ჩაითვლება.

შენიშვნა: თუ ფიქრობთ, რომ ფორმულირება მცდარია და თვლით, რომ მტკიცებულებაში მოცემული განმარტება

თავისთავად სწორადაა ჩამოყალიბებული, თუმცა მოცემული ტერმინის ან/და სიტყვის ახსნას არ წარმოადგენს, მაშინ

განმარტება უცვლელი დატოვეთ და იმავე განმარტებისთვის მოძებნეთ და მიუსადაგეთ შესაბამისი ტერმინი ან/და სიტყვა.

32

დავალება 30.

დეკუპაჟი ფერადი ქაღალდისგან სასურველი ფორმის მარტივი გამოსახულების გამოჭრისა და დაწებების მხატვრული

ტექნიკაა.

ჭეშმარიტია □ მცდარია □

33

დავალება 31.

სპექტრის ფერების ერთობლიობა თეთრ ფერს ქმნის.

ჭეშმარიტია □ მცდარია □

34

დავალება 32.

გეგმაში ჯვრის ფორმისა და გუმბათიანი გადახურვის მქონე ნაგებობას ქართულ საკულტო არქიტექტურაში ბაზილიკა

ეწოდება.

ჭეშმარიტია □ მცდარია □

35

დავალება 33.

ხაზის საშუალებით გრაფიკულ კომპოზიციაში ემოციის გადმოცემაა შესაძლებელი.

ჭეშმარიტია □ მცდარია □

36

დავალება 34.

კინო და თეატრი ხელოვნების სინთეზური დარგებია.

ჭეშმარიტია □ მცდარია □

37

დავალება 35.

ესკიზი სურათის, სკულპტურის, არქიტექტურული პროექტის წინასწარი მონახაზია.

ჭეშმარიტია □ მცდარია □

38

დავალება 36.

წვრილი წერტილოვანი მონასმები პუანტილისტი მხატვრების ძირითადი სახვითი საშუალებაა.

ჭეშმარიტია □ მცდარია □

39

დავალება 37.

სიურეალიზმი გამოსახულებას შლის გეომეტრიულ ფორმებად.

ჭეშმარიტია □ მცდარია □

40

დავალება 38. დაადგინეთ შესაბამისობა

ინსტრუქცია - წარმოდგენილი გრაფიკული სურათის შესაქმნელად გამოყენებულია სახვითი და გამოყენებითი

ხელოვნების ელემენტები და პრინციპები, რომელთა დასახელებები მოცემულია ჩამონათვალში:

ა. შუქი;

ბ. ჩრდილი;

გ. მონასმი;

დ. ჯვარედინი დაშტრიხვა;

ე. დაცემული ჩრდილი;

ვ. ათინათი (ბლიკი);

ზ. კონტური;

თ. რეფლექსი.

ჩამონათვალში სახვითი ხელოვნების ელემენტებისა და პრინციპების 8 დასახელებაა მოცემული. ჩამონათვალიდან 6

მითითებულია სურათზე. შეუსაბამეთ ჩამონათვალს სურათზე მითითებული ხელოვნების ელემენტებისა და პრინციპების

აღმნიშვნელი რიცხვები და შესაბამისი უჯრა პასუხების ცხრილში X-ით მონიშნეთ. პასუხები გადაიტანეთ პაუხების

ფურცელზე.

4

.

1

.

3

. 5

.

2

.

6

.

41

წერითი დავალებების ინსტრუქცია

ყურადღებით გაეცანით დავალებებს და გაიაზრეთ ისინი.

ნაშრომი შესრულებული უნდა იყოს გასაგები ხელწერით. ის მონაკვეთები,

რომელთა ამოკითხვაც გაძნელდება, არ გასწორდება და შეფასებისას

მხედველობაში არ იქნება მიღებული.

ოთხივე წერით დავალებას თან ახლავს მითითებები. ამ მითითებებს უნდა

უპასუხოთ ისე, რომ ნაშრომი აზრობრივად ერთიანი, მთლიანი გამოვიდეს

და არ იყოს კითხვებზე ცალ-ცალკე გაცემული პასუხების მექანიკური ჯამი.

ჩამოაყალიბეთ თქვენი აზრი ნათლად, მკაფიოდ და დასაბუთებულად.

ნაშრომი შეფასდება იმის მიხედვით, თუ რამდენად ჩანს მასში

არგუმენტირებისა (საკუთარი მოსაზრებების მაგალითებით დასაბუთების)

და დამოუკიდებელი აზროვნების უნარი.

მსჯელობა უნდა იყოს ლოგიკურად გამართული, აზრი გასაგებად

გამოხატული.

ტესტში დატოვებულია ადგილები შავი სამუშაოსათვის. ეს ნაწერი არ

სწორდება. გადაიტანეთ ნაშრომი პასუხების ფურცელზე.

პასუხების ფურცელში დაშვებული შეცდომა გადახაზეთ, ფრჩხილებში ნუ

ჩასვამთ და ნურც დაჯღაბნით.

42

დავალება 39 (4 ქულა). მიაკუთვნეთ წარმოდგენილი ფერწერული ნიმუში გარკვეულ მხატვრულ ეპოქას ან/და

მიმდინარეობას. ხელოვნების ნიმუშისა და თქვენ მიერ დასახელებული პერიოდისათვის დამახასიათებელ მხატვრულ

ნიშნებზე არგუმენტირებული მსჯელობით გაამყარეთ თქვენი მოსაზრება.

შეასრულეთ წერითი დავალება შემდეგი მითითებების მიხედვით:

1. გააანალიზეთ წარმოდგენილი სურათის მხატვრული თავისებურებები ფორმისა და სახვითი საშუალებების მიხედვით;

2. თქვენ მიერ გაანალიზებული სახვითი საშუალებების მიხედვით მიაკუთვნეთ სურათი მხატვრულ

სტილს/მიმდინარეობას;

3. განმარტეთ თქვენ მიერ დასახელებული მხატვრული სტილის/მიმდინარეობის ზოგადი თავისებურება;

4. იმსჯელეთ სტილის/მიმდინარეობისა და სურათის მხატვრულ-სტილურ შესაბამისობაზე.

43

დავალება 40 (4 ქულა).

საილუსტრაციო მასალაზე წარმოდგენილია სიქსტის კაპელას

დასავლეთ კედელზე გამოსახული მიქელანჯელო ბუონაროტის

მიერ 1535-1541 წლებში შექმნილი კომპოზიცია „საშინელი

სამსჯავრო“

დააკვირდით ილუსტრაციას და გააანალიზეთ, რომელი სახვითი

ხერხები გვაძლევს საშუალებას კომპოზიცია რენესანსის ეპოქას

მივაკუთვნოთ (ჩამოთვალეთ 3 სახვითი საშუალება), ხოლო

რომელი სახვითი საშუალებების საფუძველზე ამჟღავნებს სურათი

ბაროკოს სტილთან სიახლოვეს (ჩამოთვალეთ სულ მცირე 3

სახვითი საშუალება).

44

დავალება 41 (4 ქულა). მოახდინეთ ხელოვნების ნიმუშის იდენტიფიცირება. რაზე მოგვითხრობს წარმოდგენილი

ხელოვნების ნიმუში? გააანალიზეთ ნამუშევარში გამოყენებული 3 სახვითი საშუალება და 4 გამოსახულება, რომელსაც

სიმბოლოს დატვირთვა აქვს, რაც ნამუშევარში აზრისა და იდეის გადმოსაცემადაა გამოყენებული.

45

დავალება 42 (15 ქულა). გამოიყენეთ ქვემოთ მოცემული რეპროდუქციები და მითითებების 4 პუნქტის მიხედვით

შეასრულეთ დავალება.

შეადარეთ გამოსახულებები ერთმანეთს:

1. დაადგინეთ ხელოვნების ნიმუშების საერთო და განმასხვავებელი მხატვრული ნიშნები:

რა თემაზეა შექმნილი ხელოვნების ნიმუშები? ხელოვნების რომელი დარგის ნიმუშებია წარმოდგენილი?

რომელი სახვითი საშუალებები და სახვითი ხერხებია ავტორების მიერ გამოყენებული აზრისა და იდეის გამოსახატად

და/ან ხასიათის შესაქმნელად? (5 ქულა)

პიკასო. ამბრუაზ ვოლარის

პორტრეტი.

1910 წელი

პოლ სეზანი. ამბრუაზ

ვოლარის პორტრეტი

1899 წელი

46

2. ხელოვნების თითოეული ნიმუში სტილური მახასიათებლების მიხედვით მიაკუთვნეთ ხელოვნების ისტორიის

გარკვეულ პერიოდს. დაასაბუთეთ თქვენი მოსაზრება! (3 ქულა).

3. განიხილეთ წარმოდგენილი ხელოვნების ნიმუშები ისტორიულ, რელიგიურ და კულტურულ კონტექსტში - იმსჯელეთ,

ახდენს თუ არა გავლენას ისტორიის, რელიგიისა და კულტურის თავისებურებები ხელოვნების განვითარებაზე,

რამდენადაა ეს გავლენები ასახული მოცემულ გამოსახულებებზე. თქვენი მოსაზრებები გაამყარეთ არგუმენტებით (4

ქულა).

4. გამოხატეთ საკუთარი დამოკიდებულება ხელოვნების ნიმუშების მიმართ, დაასაბუთეთ თქვენი მოსაზრება (3 ქულა).

პაბლო პიკასო. ამბრუაზ

ვოლარის პორტრეტი.

1910 წელი

პოლ სეზანი. ამბრუაზ

ვოლარის პორტრეტი

1899 წელი