foto: side 1 og 2 (førde arbeidarparti). side 18 (førde...
TRANSCRIPT
Foto: Side 1 og 2 (Førde Arbeidarparti). Side 18 (Førde Kommune). Side 6 og 12 (Arild Nybø). Side 14, 13, 5, 4 og 3 (Jostein Vedvik) Alle andre (Colurbox.com).
Side 2 av 18
Førde Arbeidarparti har fellesskap, likskap og solidaritet som verdigrunnlag. Vi trur
på fellesløysingar fordi vi då får til meir, og det gir tryggleik og endå fleire
mogelegheiter for den enkelte.
Vi vil at Førde skal vere eit ope , inkluderande og raust samfunn der alle skal
kjenne seg trygge og respekterte.
Utviklinga i kommunen og regionen vår må bli styrd ut frå kunnskap om fortid, notid
og framtid. Vi må byggje på ny teknologi, søke ny kunnskap og handle ut frå
klokskap. Det er viktig å rekruttere kunnskapsrike medarbeidarar, samstundes som
tilsette får høve til fornying og auka kompetanse. Slik kan vi optimistisk møte
utfordringane i vår tid som klimaendringar, tilflytting, høgre snittalder, ny teknologi og
sentralisering til storbyane, og slik kan Førde ta ansvar som fylkessenter.
Side 3 av 18
Førde Arbeidarparti ser at vår kommune har eit stort ansvar for byggje regionen og
fylket, både ved at Førde slår seg saman med nabokommunar og har eit godt
samarbeid med andre kommunar og fylkeskommunen. Vi må ta vare på vekstkrafta
som næringslivet, høgskulen , spesialisthelsetenestene og dei andre offentlege
institusjonane har. Det er Førde si sentrale plassering som gir gode
konkurranseføresetnader, og dei vi må utnytte til beste for regionen og fylket. Førde
har eit kompetansemiljø som bør og må gi grunnlag for vekst og utvikling.
Førde Arbeidarparti vil difor:
Arbeide for å få fleire statlege oppgåver til Førde
At høgskulen satsar på fleire studielinjer
Byggje ut området rundt sentralsjukehuset og høgskulen til ”Campus Førde”
Ta sitt ansvar for utbygginga av samhandlingsreforma i regionen
Samarbeide med andre kommunar om utbygging av tenester der det er
ønskjeleg
At Førde må halde fram med å utvikle seg som eit handels- og kultursenter
Side 4 av 18
Det som er viktig for å oppretthalde vekstkrafta er ein god bustadpolitikk. Bustad
for alle er eit mål for oss!
Førde Arbeidarparti vil difor:
At Førde kommune i langt større grad skal vere premissleverandør i utviklinga
av nye bustadområde ved kommunal regulering og i tett samarbeid med
utbyggjaren
At Førde Tomteselskap skal vere ein viktig utbyggingsreiskap for kommunen
Det skal byggjast bustader tilpassa alle grupper, areal- og kostnadsmessig.
o Særleg skal ein leggje til rette for at det blir bygd rimelege bustader for
unge som skal inn på bustadmarknaden.
Setje av sentrumsnært område for einebustader
At det blir lagt til rette for bustadfelt i grendene.
Side 5 av 18
For å skape vekst i Førde kommune må vi etablere nye arbeidsplassar. Førde skal
vere ein næringsvenleg kommune som tek godt i mot og arbeider for nyetableringar
og vekst i eksisterande verksemder. Arbeidarpartiet vil styrke kommunen sitt arbeid
for å få etablert fleire arbeidsplassar.
Førde har gode naturvilkår sett i høve fylket for landbruk og skogbruk, og her er ein
sterk næringskultur innan dette feltet! Dette fører med seg industriutvikling og fleire
arbeidsplassar. Førde Arbeidarparti vil leggje til rette for utvikling av eit sterkt
landbruk og skogbruk.
Næringslivet er avhengig av å få tilført kompetanse på alle nivå. Det er viktig at vi
sikrar eksisterande og utviklar nye utdanningstilbod i kommunen i takt med dei
næringslivet etterspør.
Førde Arbeidarparti vil difor:
Etablere hensiktsmessige areal for ulike næringar
At industriområdet på Moskog må etablerast i perioden
Jobbe for eit godt vidaregåande utdanningstilbod.
Utvikle Teknisk fagskule
Vere aktive for å få på plass og utvikle eit fungerande næringsutviklingsapparat
Tilsette eigen kommunal nærings- og utviklingssjef
Leggje til rette for næringsutvikling gjennom tett samarbeid med innovasjonsselskap og andre aktørar.
Leggje til rette for næringsklynger
Etablere møteplass mellom næringsliv og kommune
Stille krav til bruk av lærlingar i kommunen
At kommunen skal ha ei aktiv og strategisk rolle i selskap som dei eig eller er medeigar i, til dømes ”Firda billag AS”
At kommunen skal spele på lag med reiselivsaktørane for å skape vekst
Jobbe for å få etablert ei «Via Ferrata» løype i kommunen
Side 6 av 18
Gode kommunikasjonar som veg, hurtig datakommunikasjon og flyplass er viktig for
eksisterande og framtidig næringsliv. Førde lufthamn – Bringeland er vår nærflypass,
og den vil vi forsvare! Vi må òg sikre oss at vi har tilgang til framtidige hamneområde.
Førde Arbeidarparti vil difor:
Jobbe for at flytilbodet skal oppretthaldast og utviklast vidare til beste for regionen
Arbeide for utbetring og rassikring av riksveg 609 til Askvoll
Stimulere til vidare satsing på utbygging av fiberinfrastruktur
Byggje ut sykkelstiar, gangstiar som knyter dei ulike områda av Førde nærare saman
Byggje gode turstiar for alle grupper brukarar
Side 7 av 18
Førde Arbeidarparti vil arbeide for at vi får ei stabil og god helseteneste for born,
ungdom, vaksne og eldre. Vi har som intensjon at så mange av dei som kan, får
behandling i kommunen, og helst heime, så lenge som det er forsvarleg og muleg. Vi
vil støtte tiltak som styrkjer Førde sentralsjukehus, største arbeidsplassen i
kommunen, sin posisjon.
Ei god folkehelse er både ressurssparande og gir trivsel, tryggleik og velvere for
den enkelte. Gode folkehelsetiltak blir skapt i samarbeid mellom det offentlege og
friviljuge organisasjonar og engasjerte enkeltpersonar. For Førde Arbeidarparti er
folkehelseperspektivet svært viktig.
Førde Arbeidarparti vil difor:
I denne perioden byggje ut sjukeheimstilbodet med fleire plassar tilpassa ulike behov, ikkje minst for dei med demens
At kommunen lagar ein kompetanseplan som synleggjer behovet for helsearbeidarar og klargjer kva som bør prioriterast.
At ein ikkje konkurranseutset helsetenestene.
At folkehelseperspektivet skal vere ein del av all kommunal planlegging
At ”aktiv på dagtid” skal halde fram
At heimetenesta, dagsentertilbodet og korttidsplassar på sjukeheimen får midlar til å utføre dei tenestene som innbyggjarane treng.
Det vert sikra nok lærlingeplassar for elevar i vidaregåande skule som vel å utdanne seg til helsefagarbeidar.
Det vert arbeidd for oppretting av interkommunale audiografstillingar slik at høyreapparatbrukarane i sogn og fjordane kan få hjelp ute i kommunane og ikkje alltid må til sjukehuset for å få hjelp.
Det vert lagt til rette for at fagfolk buset seg her, m.a. Ved at det er tilbod om bustadtomt , også einebustader, sjukehusnært for dei som ønskjer det
Side 8 av 18
Førebygging
Arbeidarpartiet trur at førebygging av sjukdom og helseplager er betre og lettare enn
behandling. Ein vil leggje forholda til rette for å gje folk hjelp så tidleg som mulig og
enklast mulig.
Førde Arbeidarparti vil difor:
Styrke helsesøstertenesta i grunnskulen og vidaregåande skule
Styrke helsestasjonsarbeidet slik at førde kommune kan oppfylle nasjonale krav til desse tenestene.
Sikre helsestasjonen på kveldstid på rådhuset i førde
Styrke miljøkoordinatortenesta på vidaregåande skular
Støtte utvikling av samarbeid mellom spesialisthelseteneste, legevakt og det helsefaglege miljøet på vie i førde når det gjeld både pasientbehandling, utdanning og forsking. Forsking innan velferdsteknologi er svært aktuell, og eignar seg som samarbeidsprosjekt mellom helse og ingeniørutdanninga t.d. velferdsteknologi er nyttig for å auke tryggleiken for mange og skape eit meir sjølvstendig og friare liv
Frivilligheitssentralen må utviklast vidare som ein ressurs for t.d. eldre og som rusettervern.
Ruspolitikk
Arbeidarpartiet vil føre ein politikk som har som hovudmål å drive rusførebyggande
tiltak gjennom haldningsskapande arbeid både i høve alkohol, narkotika og
pillemisbruk.
Arbeidarpartiet støttar seg til rusmiddelforskinga som viser at alkoholproblema i
samfunnet står i direkte samanheng med alkoholomsetnaden . Vi vil difor føre ein
politikk som har som hovudmål å redusere skadane av alkohol i samfunnet.
Førde Arbeidarparti vil difor:
Føre restriktiv politikk når det gjeld type utsalsstader, salstider og skjenketider for alkohol
Stø ein streng kontroll av salsstader og skjenkestader
Styrke det rusførebyggjande arbeidet i skulen og prøve å få inn opplysning om rus som faste saker i foreldremøte i barne og -ungdomsskulen, t d i form av ørebro prevention program( øpp )
Vidareføre bruken av ”ungdomskontrakt” som er eit samarbeidsprosjekt mellom ungdomen, foreldra og politiet som hindra at rusbruk og kriminalitet utviklar seg.
Sikre gode møteplassar for ungdom, t.d. på førdehuset, i skrivarløa og andre stader som kan vise seg å verte aktuelle
Styrke ettervern innan rusomsorga. Dette må sikrast ved at m a psykiatritenesta, heimetenesta, og kronborg ressurshage får ressursar til dette
Side 9 av 18
Førde Arbeidarparti ønskjer å byggje eit samfunn med gode oppvekstvilkår for barn
og unge. Førde er ein trygg stad å vekse opp, med god felles identitet, der alle er
inkluderte i fellesskapen og kjenner seg trygge og blir tatt vare på. Gjennom
barnehagen og skulen skal vi og byggje framtidig kunnskap i førdesamfunnet.
Med tilnærma full barnehagedekning skal vi no arbeide for høg kvalitet i barnehagen.
Barnehagane må sikrast eit godt pedagogisk innhald gjennom tilsette med kvalifisert
utdanning. Førde Arbeidarparti vil arbeide for at alle tilsette i barnehagen skal ha
fagutdanning, at minst halvparten av dei tilsette i barnehagesektoren skal ha
pedagogisk utdanning. Førde kommune skal tilby lærlingplassar for barne- og
ungdomsarbeidarfaget i barnehagane sine.
Mange av barnehagane treng vedlikehald og fornying. Vi vil bruke det økonomiske
handlingsrommet vi har, til å ruste opp dei kommunale barnehagane til moderne
standard.
Side 10 av 18
For oss er og eigarskapen til sektoren viktig. Fram til no har det vore ei målsetting å
få full barnehagedekking raskt. No skal vi ta grep om eigarskapen. Det vil framover
bli behov for nye barnehagar i Førde. Førde Arbeidarparti ønskjer at nye barnehagar
skal byggjast og eigast av kommunen.
Skulene i Førde hevdar seg godt nasjonalt. Ved satsing på godt samarbeid med
heimen, fleire og betre utdanna lærarar, stimulerande læringsmiljø og godt utstyrte
skulebygg vil dette halde fram. Ei av hovudutfordringane i dag er at Førde kommune
brukar relativt lite ressursar i skulen. Førde Arbeidarparti ønskjer å bruke det
økonomiske handlingsrommet ein måtte få til å auke ressursane til drift av skulane
gjennom fleire lærarar og nytt materiell. Vi vil sikre skulane ein god ressurstilgang.
Utvikling av tenestene handlar om kunnskap. I Førde Arbeidarparti ønskjer vi å vise
lærarane tillit. I den seinare tid har bruken av kartlegging og andre måleinstrument
vore diskutert. I Førde ønskjer vi ikkje ei utvikling der resultat skal brukast til å måle
skular opp mot kvarandre, men til å fremje læring hos den enkelte elev. Vi vil difor ha
ei tydeleg innretning på kvalitetsverktyet i sektoren for å sikre at
resultatinformasjonen vert nytta til å heve kvaliteten på opplæringa, og ikkje som eit
konkurranseinstrument.
I ei tid der fylkeskommunen står overfor store økonomiske utfordringar, vil ein
oppleve at skulestrukturen på den vidaregåande opplæringa kjem opp til debatt.
Førde Arbeidarparti skal arbeide målretta for å sikre eit godt vidaregåande
opplæringtilbod i Førde.
Førde Arbeiderparti meiner det er viktig med eit godt utvikla SFO - tilbod. Dette er
identitetsskapande og sosialt utjamnande, og Førde Arbeidarparti vil arbeide for at
SFO -tilbodet skal styrkast.
Førde Arbeiderparti vil difor:
Lage ein plan for kvalitetsretta utbygging av Førdebarnehagen
Ruste opp dei kommunale barnehagane
Sikre at nye barnehagar skal eigast og drivast av Førde kommune
Arbeide for at halvparten av dei tilsette i barnehagane har pedagogisk
utdanning
Arbeide for stønad til etterutdanning og vidareutdanning
Arbeide for at alle tilsette i barnehagane har fagutdanning
Sikre skulene ein god ressurstilgang, og auke satsinga på opplæringssektoren
ved økonomisk handlingsrom.
Gjennom dialog med Førde kommune fremje godt skuleeigarskap med god
bruk av informasjon
Arbeide for styrking av SFO -tilbodet til funksjonshemma
Satse meir på psykisk helse i skulen
Side 11 av 18
Arbeidarpartiet ønskjer å byggje ein by der alle kjenner seg inkludert; der ein kan
utvikle seg som menneske, ha eit arbeid, dyrke sine interesser, sin religion og vere
seg sjølv i eit fellesskap. Alle må få tilgjenge til kunst- og kulturopplevingar uavhengig
av bustad og inntekt.
Vi vil at Førde skal vere eit idretts- og kultursenter i Sogn og Fjordane; eit senter
for teater, dans, musikk, bildande kunst og idrett av ulike slag. Byen skal særleg
byggje på og fremje nynorsk språk og kultur, slik at den blir opplevd som
”Nynorskbyen” i Vest!
Førde Arbeidarparti vil difor:
Stø tiltak som utviklar og styrker Førde -identitet
Stø dei friviljuge organisasjonane
Arbeide for at det blir opprett eit ”kulturråd” til liks med ”idrettsrådet”
Stø opp om og byggje vidare ut Førdefestivalen, Sogn og Fjordane teater og
Sogn og Fjordane kunstmuseum/Musea i Sogn og Fjordane
Side 12 av 18
Førde utviklar seg som ein by for profesjonelle kunstnarar, ei ”kulturklyngje” som
trekker til seg kunst- og kulturinteresserte; ein by som satsar på kulturbaserte
næringar.
Byggje ny Førde kulturskule i tilknyting til eit ombygt og modernisert Førdehus
Førdehuset skal framleis vere det sentrale kulturbygget i Førde og vidareføre
ideen om ” Det utvida kulturomgrepet”, tanken om at kultur og idrett høyrer saman
og utfyller kvarandre, ånd og fysikk. Vi vil eit Arena Førde
Medverke til at Oddvar Torsheim får ei eiga fast utstilling i Førde
Ha gratis halleige for born og ungdom under 18 år
Stø tiltak som ”Den kulturelle skulesekken” og ”Den kulturelle spaserstokken”
Stø utbygging og modernisering av Førde bibliotek, gjerne i retning av eit
”litteraturhus”
Stø ei grundig planlegging av storhall både for bygging og drift
Byggje idrettshall på Halbrend
Planleggje og byggje ut eit godt Førde Stadion
Stø utbygginga av Kråkenesmarka som skyttarstadion og motorsportanlegg
Stø utbygging av Langeland Skisenter og Blomlia. Samarbeide med Jølster om
Bjørkelia skisenter
Satse på utbygging av turvegar både i sentrum og i utmarka.
Satse på sykkelvegar.
Stø ei vidare utbygging og ferdiggjering av Hafstad Idrettspark.
Side 13 av 18
Førde Arbeidarparti vil arbeide for at Førde kommune vert ein attraktiv stad for ungdom. Vi vil arbeide for at ungdomen får utfalde seg på gode møteplassar og ha gode skuletilbod, fleire lærlingplassar, rikt kulturliv og sterke ungdomsorganisasjonar. Ungdomen er framtida, og deira meining er viktig for oss, difor ønskjer vi å styrke ungdomens bystyre. Førde vil skape ein pulserande studentby, gjennom gode møteplassar, aktivitetar og eit godt studentliv. Førde Arbeidarparti vil difor:
Legge til rette for dei som ynskjer lærlingeutdanning
Kjempe for eit godt skuletilbod for alle
Leggje til rette for ei god oppfølging for vanskelegstilte i skulen i overgangen frå barneskule til ungdomsskule, og ungdomsskule til vidaregåande
Leggje til rette for styrka ungdomsdemokrati, gjennom ungdomens bystyre
Gje ungdomens bystyre tale og forslagsrett i bystyret
Arbeide for eit godt busstilbod for unge
Leggje til rette for gratis og gode møtelokale for ungdomsorganisasjonar
Satse på bustadbygging for unge som ynskjer å etablere seg i Førde
Etablere sommarjobbordning gjennom kommunen, som gjev ungdomen lettare tilgang til arbeidsmarknaden, og dei får jobberfaring
Halde på ungdomshelsestasjonen, og vidareutvikle tilbodet Heve øvste grensa for gratis prevensjon frå 20 år til 25 år
Arbeide for etablering av næringshage for unge gründerar
Side 14 av 18
Alle kommunar har eit fellesansvar i satsinga på eit godt klima og miljø. Førde Arbeidarparti vil styrke kommunen si satsing på sykkelby - identiteten. Dette gjer vi gjennom betre sykkelveger, fleire sykkelstativ, leige av bysyklar, m.m. Vi må bygge fleire ladestasjonar for el-bilar, og styrke kollektivtilbodet gjennom rimelege bussbillettar og fleire avgongar. Førde Arbeidarparti er for gruvedrift ved Engebø-fjellet, men er imot eit fjorddeponi i Førdefjorden. Klima og miljø må vege tyngre enn økonomisk gevinst. Transportsektoren står for ein tredjedel av klimagassutsleppa i Noreg, difor ønskje Førde Arbeidarparti at kommunen skal jobbe for klimavenlege offentlege køyretøy i Førde. Førde Arbeidarparti vil difor:
Innføre kjeldesortering, eksempelvis plast, matavfall, metall m.m.
Kjempe imot fjorddeponi i Førdefjorden
Halde fram med å utvikle sykkelbyen Førde
Bygge fleire sykkelstativ og -garasjar rundt om i sentrum
Bygge fleire lade-stasjonar for både bil og sykkel
Betre kollektivtilbod, eksempelvis fleire avgangar
Alle nye offentlege motorkøyretøy i kommunen skal vere av klimavenleg teknologi, eksempelvis gass, el-bil, hydrogen m.m.
Bygge i høgda for å spare areal og miljø
Fortetting av Førde kommune, der bustader og arbeidsplassar i større grad vert lokalisert rundt kollektivknutepunkta
Side 15 av 18
Førde er eit moderne samfunn i vekst. Ein viktig del av denne veksten er innflyttarar
og innvandrarar. Stansar veksten i Førde, stansar og veksten i fylket. Det er såleis
viktig at førdesamfunnet legg til rette for at nye borgarar kan kome hit, busetje seg,
finne sitt arbeid og kjenne seg heime. Det skal vere lett for innvandrarar å kome i
arbeid slik at dei skal kunne leve av eiga inntekt. Her har både kommunen,
næringslivet , dei friviljuge organisasjonane og samfunnet elles ei viktig sams
oppgåve. Førde Røde Kors, Norsk Folkehjelp, Førdefestivalen og ulike kyrkjelege
organisasjonar og enkeltpersonar gjer ein god jobb, som vi støttar. Det er viktig at
innvandrarar får vere med på dei arenaer det dei kan byggje nettverk.
Samarbeidet mellom flyktningmottaka i Førde og Jølster, Norsksenteret i Førde og
NAV er godt, men viktige tiltak kan gjere det lettare for desse institusjonane. Førde
Arbeidarparti ønskjer ein aktiv politikk ut frå ein gjennomdebattert handlingsplan.
Førde Arbeidarparti vil difor:
Arbeide for å auke kunnskapen om innvandrarar til Førde
Talet for busetjing av innvandrarar som kommunen og regionen tek imot, skal auke
Arbeide for at Norsksenteret får fleire større klasserom
Side 16 av 18
Styrke Norsksenteret sitt arbeid med å integrering, rådgiving og norskopplæring og at introduksjonsprogrammet blir så godt som mogeleg og veltilpassa den enkelte innvandrar med omsyn til rådgiving
At det blir oppretta eit etableringsprogram for innvandrarar busett i Førde, slik at dei får arbeid eller utdanning, gjerne ved trainee -program, vikarstillingar og liknande
Bruke og synleggjere suksesshistorier for å vise kva som kan vere mogeleg å få til
Motivere kommunen, offentleg institusjonar som Førde Sentralsjukehus og næringslivet til å ta imot fleire for språkpraksis
Motivere til at verksemder set seg som mål å ha ein viss prosent tilsette med innvandrarbakgrunn
Byggje rimelege bustader ut frå eit sosialt bustadprogram
Stø sosiale og kulturelle tiltak, både kommunale og av friviljuge, som fremjar integrering og aukar fritidstilboda. Til dømes Bornas verdsdag (Førdefestivalen) , Røde Kors flyktningekoordinator /guide, Førde internasjonale kor og liknande tiltak.
Stø tiltak som styrkar likestilling mellom kjønna og legg til rette for ei god familiebygging for unge innvandrarar
Leggje til rett for at Førde kan ta imot mindreårige innvandrarar
Busette innvandrar- familiar i fleire bu- område og fordelt på fleire skular
Side 17 av 18
Gruppa ”eldre” blir stadig større og meir samansett. Mange har svært god helse og
lever aktive liv, medan andre har trong for meir tilrettelegging , har gjerne samansett
sjukdomsbilete og treng ulik grad av støtte og oppfølging frå familie. Deltaking i
politiske og sosiale organisasjonar vil vere viktig både for samfunnet og den enkelte.
Å gjere nytte av røynsle, kunnskap og arbeidskraft og å vere til nytte er to sider av
same sak. Gode sosiale samvær og aktivt liv førebyggjer einsemd og sjukdom.
Førde Arbeidarparti vil difor:
Ha eit nært og godt samarbeid med dei eldre sine organisasjonar
Stø tiltak som aukar eldre si deltaking i samfunnet
Stø tiltak som ”Den kulturelle spaserstokken”,” Seniordansen”,
”Senioruniversitetet” , ”seniornettverket” og andre liknande kulturtilbod
Stø tiltak som kan leggje til rette for og motivere til mosjon og aktivitet
Side 18 av 18
Dei tilsette i Førde kommune yter stor innsats og er svært lojale og pliktoppfyllande i
sitt arbeid. Kommunen leverer gode resultat både i økonomistyring og tenesteyting.
Det viser brukarundersøkingar. Leiinga og tilsette lyttar til innspel både frå
innbyggjarane og frå politikarane, og det er eit godt og tillitsfullt samarbeid.
Førde Arbeidarparti er kritisk til organisasjonen til tider kan virke noko uoversiktleg.
Når den politiske makta er sentralisert til eitt organ som både er formannskap,
finansutval og planutval, er det vanskeleg å få ein brei og god politisk debatt. Ei
større spreiing av politisk makt er noko som må takast opp til vurdering, særleg med
tanke rollene til dei politiske komiteane.
Førde arbeidarparti vil difor:
Vere aktivt deltakande i debatt og tiltak for å sikre heilskapen i dei kommunale
tenestene. Vi vil særleg lytte til brukarane og dei tilsette
Aktivt følgje med i Kommunenes Sentralforbund KS sine forslag og tiltak og ta
opp aktuelle saker til debatt
Det blir tilsett nærings- og utviklingssjef direkte under rådmannen.
Samfunns og utviklingskomiteen blir omgjort til Komité for næring og utvikling