gedagte vir die maand hoe lyk jou spore? fritz snyman w koor… · sondag 1 desember met sy eie...
TRANSCRIPT
Wintertyd is jag-tyd en ek is mal
oor jag! As ‘n mens op ‘n toegespande
plaas jag, is spore nie so belangrik nie,
maar as jy op ‘n “oop-plaas” jag, is dit
ongelooflik belangrik om die diere se
spore dop te hou om sodoende hulle
bewegings vas te stel.
Dit is baie interresant om te sien
hoe die verskillende wildsoorte se
spore van mekaar onderskei kan word.
Elkeen laat ‘n unieke spoor agter.
Mense wat baie van spore weet,
kan vir jou presies sê watter dier op ‘n
spesifieke plek geloop het. Selfs of die
dier geloop, gehardloop of gestaan het.
Ook min of meer hoeveel diere daar in
die trop was. Van die goeie
spoorsnyers kan selfs onderskei tussen
‘n bul of koei se spoor. En van die
bestes kan ‘n spesifieke dier se spoor
tussen honderde ander spore uitken.
Ek het die afgelope jagseisoen
weer saam met so ‘n meerster van die
spoorkuns gejag en ons het een spe-
sifieke dier se spoor letterlik vir kilome-
ters gevolg.
Terwyl ons so loop het ek skielik
begin wonder: Hoe lyk my eie
voetspore?
En dan nie noodwendig die merk
in die grond agter my nie, maar die
merk wat ek nalaat in die lewens van
die mense met wie ek elke dag te doen
kry.
As my gesin of my kollegas of die
studente in my wyk, of die dame agter
die toonbank in Pic n Pay my spoor sou
moes beskryf, hoe sou hulle sê lyk dit?
Is dit spore van lewe en genade en
vergifnis en blydskap en hoop?
Spore wat vir jare nog in mense
se harte ingesink sal wees, omdat dit ‘n
verskil in hulle lewens gemaak het. Of
is dit ook maar spore wat sommer vin-
nig deur die wind doodgewaai sal word.
Of erger nog, bloedspore. Spore van
vergelding en nie-omgee en eie-ek.
Spore wat ander onder jou stukkend
trap.
Sal ‘n goeie spoorsnyer wat op
ons spoor loop kan sê: Hier het ‘n vol-
geling van Jesus geloop. Of sal dit vir
hom moeilik wees om ons spoor van
dié van die wêreld te kan onderskei.
Mag my en jou se voetstappe in
die lewe van mense rondom ons wees
soos Jes 52:7 sê: “Hoe wonderlik klink
op die berge die voetstappe van hom
wat die goeie boodskap bring, wat
vrede aankondig, wat vir Sion sê Jou
God is Koning.”
No. 670 November 2019
GEDAGTE VIR DIE MAAND
Hoe lyk jou spore? - Fritz Snyman
Die bekende skrywer, GK
Chesterton, het gesê dankbaarheid beteken “takings things with grati-tude and not taking things for grant-ed”. Dankbaarheid, het hy ver-duidelik, gee ons ‘n nuwe perspek-tief en help ons om ons baie seëninge raak te sien: hoe meer dinge ons voor dankie sê, hoe meer dinge ontdek ons om voor dankbaar te wees!
Dit is dalk ook wat gebeur in die verhaal van die tien melaatses waarvan Lukas 17 vertel. Nadat Je-sus die tien melaatse mans gesond maak, draai net die een man – die Samaritaan – terug, om vir Jesus dankie te sê. Jesus sê vir hom: “Staan op en gaan huis toe. Jou geloof het jou gered”. (Lukas 17:19). Al tien die melaatse mans het fisies gesond geword; maar net hierdie man het ‘n regte ontmoeting met die Here gehad, en is ook geestelik genees.
Daarom is dankbaarheid ‘n geestelike dissipline wat ons inoefen en waarin ons God op ‘n nuwe maniere raaksien. Die Jesuïtiese vader, Ignasius van Loyo-la, het aanbeveel dat ons mistens twee keer ‘n dag (as deel van ons daaglikse examen of nadenke oor die dag), die dinge moet lys waar-voor ons dankbaar is omdat dit ons help om die Here op ‘n wonderlike manier te beleef. Want dít is die kern van ons dankbaarheid – om nie net die dinge wat ons het, raak te sien nie, maar om God – wat dit alles gee – te ontmoet. Dan kan ons selfs in tye wat dit swaar gaan en wanneer ons sukkel om lekker dinge
raak te sien, staande bly, omdat ons weet dat Hy vir ons sorg.
In hierdie laaste deel van die jaar nooi ons jou om die dissipline van dankbaarheid te oefen.
Probeer die Here se geskenke in jou lewe raak te sien, en maak tyd om vir hierdie dinge dankie te sê. Dink na oor mense wat ‘n rol in jou lewe speel, en sê vir die Here (en vir hierdie mense) dankie. Stap deur jou huis en herleef spesiale dinge wat in elke vertrek gebeur het; probeer elke stukkie kos regtig proe; versorg jou lyf, strek jouself lekker uit of masseer jou voete; gaan stap in die natuur of sit ‘n mooi blom op jou tafel; gesels met die mense wat vir jou petrol ingooi of wat jou inkopies oplui; geniet ‘n mooi boek of pragtige musiek; dink aan die wêreld- en regeringsleiers wat planne vir die toekoms probeer maak, en sê dankie.
Ons nooi jou ook om by ons eredienste op Sondae te kom dankie sê. By ons Kerssangdienste, waar ons vir die Here dankie sê dat Hy naby aan ons kom. By ons Dank-fees waar ons ook vier jongmense se aanneming en voorstelling vier. By die Nagmaal wanneer ons die senior studente groet ‘n nuwe lew-ensfase ingaan. Moet dit nie mis nie!
Ons nooi jou om ook ‘n spesiale Dankfees-Dankoffer te maak. Die ou Israeliete het altyd aan die begin van die oes en aan die einde van die oes elke keer ‘n tiende van hul opbrengs vir die Here gegee. Op die manier het hulle erken dat alles wat hulle het, uit die Here se hand kom. Ons het nie meer dieselfde feeste as hulle nie, maar maak ‘n dankoffer waarin jy weer die Here se sorg ontdek en bely.
Mag die Here ons elkeen in hierdie tyd van Dankbaarheid opnuut ontmoet en oorweldig met sy liefde!
Die Dissipline van Dankbaarheid—Arno Meiring
REDAKSIE Arno Meiring Gerhard vd Linde
UNIVERSITEITSOORD Telefoon: 012 3620663/4 Posbus 11100, Hatfield, 0028
E-pos: [email protected]
Webwerf: www.universiteitsoord.co.za
Bankbesonderhede: NG Gemeente Universiteitsoord ABSA Takkode 632005 Tjekrekening 540 580 006
Luke du Toit, seun van Monica en Riaan, is gedoop op 13 Oktober.
Leonard van Dyk, seun van André en Lize-Marie is gedoop op 6 Oktober.
November
LIEF EN LEED
Die Y-netwerk bestaan uit
13 gemeentes wat saam werk ten
opsigte van ’n breër jeug-
bediening. Die netwerk bestaan al
vir 10 jaar en die gemeentes wat
hiervan deel is het ‘n hart vir ons
land se tieners en hoop dat die
verskil in hulle lewens so groot sal
wees dat hulle ’n groter verskil in
Suid Afrika en die wêreld sal maak.
Ons glo sterk daarin dat 13 ge-
meentes wat saamwerk as die lig-
gaam van Christus, die konin-
kryksbeginsels van Jesus onder-
streep.
Die Y-netwerk se grootste
projek is die Seekamp wat elke jaar
by TO Strand plaasvind in die Sep-
tember vakansie. Lees bietjie wat
Universiteitsoord se Seekamp-
leier, Stephanie Chambers te sê
het oor díe kamp:
Sand orals, aangeplakte
sonbrandroom, dehidrasie,
sonbrand ongeag van die hoeveel-
heid sonbrandroom, sand ongeag
van wat jy aan het, min slaap, ‘n
baie opgewonde busrit en boonop
ongeveer 200 tieners! …klink nie
juis na ‘n kamp wat jy gaan vergeet
nie, en dit was beslis ook nie.
Seekamp 2019 was vir my ‘n
onvergeetlike kamp, want ten
spyte van alles wat kon skeef loop,
het ek God in alles ervaar – die
koel oggende wanneer jy vroeg
opstaan en die sonsopkoms oor
die see sien, die golwe wat bruis
en breek terwyl ons stiltetyd hou
op die strand, die vreemdelinge
wat nou vriende is, die
ongelooflike aanraking terwyl ons
worship en die laat (en ek bedoel
láát) aand gesprekke met tieners.
In net een week het ek
soveel gegroei. Jy sal dink die te-
mas wat met soveel krag en passie
behandel is, is net van toepassing
op die lewe van ‘n tiener, maar…as
jy harder huil as die tieners kom jy
gou agter dat God nie net werk
met ‘n sekere ouderdom nie. Hy
werk met álmal!
Die aktiwiteite was met
soveel kreatiwiteit en oorgawe
aangepak en dit het soms gelei tot
baie emosionele reaksies. Maar
op ander tye het ons ons mae seer
gelag vir wat die tieners alles kon
uitdink. In ʼn week raak mens so
lief vir die tieners en jou nuwe
vriende dat om te vertrek net so
hartseer was soos wat dit gewens
was.
Seekamp is beslis ʼn kamp
wat ek hopelik nog vir baie jare
gaan aanpak, want die rol wat jy
speel in daardie tiener se lewe, as
‘geestelike leier’, kan soveel be-
teken en soveel verander in
daardie kind – en as jy die voorreg
het om dit te kan doen en ons jeug
te kan help – wat is ʼn bietjie
sonbrand dan eintlik ?
Seekamp 2019 —Stephanie Chambers
MARTUS REDAKSIONEEL Waarheid of Naarheid?
Hy dra ‘n corduroy broek en ‘n
Springbok-trui. My polisie-man oupa
sou jaloers gewees het op sy snor, maar
sou beslis gefrons het oor sy deurme-
kaar bos krulle.
“Wat kan ons doen om ‘n verskil
te maak in Suid-Afrika?”, het ds. Arno
hom gevra.
Hy erken openlik dat hy nie eint-
lik weet nie. Daar het al soveel dinge
verander in Suid-Afrika. Meeste daarvan
goed. Hy sien dat ouer mense soms
sukkel om hierby aan te pas. Daar is
steeds rasse-spanning, ‘n gevoel van
“ons teen hulle”.
Maar hy het ‘n paar idees.
2019/2020, meer as ooit, is ‘n
tyd om te luister. Net dit. Nie nood-
wendig te luister en te reageer nie, net
te luister. Jy hoef nie op social media te
post en te share dat jy die cause onder-
steun nie. Luister net. Dit kan byvoor-
beeld waardevol wees om na iemand
van ‘n ander ras te luister oor wat met
hulle gebeur het en hoe dit hulle geraak
het. Selfs al was jy nie skuldig daaraan
nie.
Worry oor jouself. En nie op ‘n
selfsugtige manier nie. Eerder op ‘n
introspektiewe manier. Worry oor
jouself. Besluit wat jý kan doen om ‘n
beter mens of beter Christen te wees en
hou op worry oor wat ander mense dink
en doen. Hou jou kant skoon. Gee an-
der mense ruimte om hulleself te wees,
al is dit anders as jy, al verstaan jy dit
nie. Judge mekaar ‘n bietjie minder.
Moenie die rede wees hoekom hulle die
rug draai op die Christen-geloof nie.
Wees gaaf met mekaar. Hoe
reageer jy op mense wat anders as jy
voel, dink of doen. En almal maak soms
foute. Is jy bereid om hulle ‘n tweede
kans te gee? Of kry slegs sekere mense
‘n tweede kans terwyl ander summier
afgeskryf word? Of dink mense van jou
ook “deel ek ‘n gelóóf met hierdie per-
soon”?
‘n Bietjie meer geduld, ‘n bietjie
meer verdraagsaamheid, ‘n bietjie meer
vergifnis.
As jy Schalk Bezuidenhout se
praatjie gemis het, gaan luister gerus na
die opname op ons webtuiste. Hy is
beslis ‘n bietjie anders as jou gemiddelde
NG Kerk lidmaat, maar dalk kan ons
gerus na hom ook luister.
EREDIENSROOSTER
April
Sondag 3 November—Dankfees
9:30 Arno Meiring
19:00 Jana de Lange
Sondag 10 November—Nagmaal
9:30 Jana de Lange
19:00 Fritz Snyman
Sondag 17 November— Gesinskerssangdiens 9:30 Arno Meiring
19:00 Fritz Snyman
Sondag 24 November
9:30 Hannes van der Walt
19:00 Jana de Lange
Sondag 1 Desember
9:30 Arno Meiring
19:00 Arno Meiring
Sondag 8 Desember
9:30 Fritz Snyman
19:00 Fritz Snyman
Sondag 15 Desember
9:30 Jana de Lange
19:00 Jana de Lange
Maandag 16 Desember - Versoeningsdag
8:00 Gesamentlike diens
Sondag 22 Desember
9:30 Arno Meiring
19:00 Arno Meiring
Woensdag 25 Desember - Kersdag
8:00 Jana de Lange
Sondag 29 Desember
9:30 Jana de Lange
19:00 Jana de Lange
Dinsdag 31 Desember - Oujaarsdiens
19:00 Jana de Lange
BOEKERUBRIEK
Re-thinking Christianity -Gerhard van der Linde
Ward, Keith. 2007. Re-thinking Christianity. Oxford: Oneworld.
Ward, professor in
Godgeleerdheid by Gresham Col-lege, London en Regius professor emeritus in Godgeleerdheid by die Universiteit van Oxford argumenteer in die boek “that Christian faith has re-invented itself many times” (bl. vii). Hy wys daarop dat daar `n verskeidenheid teorieë is oor hoe Jesus regtig was, soos wat daar vele variëteite is van die Christelike geloof.
Die verhale in die evangelies reflekteer gebeure wat eers deur mondelinge oorvertelling interpreteer is, en daarna deur die evangelie-skrywers herinterpreteer is, elkeen met sy eie perspektief. Daar is wei-nig sprake van historiese akku-raatheid soos ons dit verstaan. Daar is verskeie oortuigings in die evan-gelies wat ons nie kan deel nie, soos waar en wanneer die koninkryk sal kom (Markus 13:30), en wat herdink moet word om die waar-heidsmoment daarin te ontdek.
Die vroegste geskrif in die Nuwe Testament is 1 Thessalo-nisense, waarin Paulus se lering reeds aansienlik verskil van dié van die apostels wat Jesus self aange-stel het. Waar die vroegste Chris-tene nog vasgehou het aan die To-rah – Jesus self het dit nooit af-gewys nie – is dit `n basiese aspek van Paulus se lering dat die ge-lowige vrygemaak is van onder-worpenheid aan die Wet.
In sy bespreking van Paulus se leringe in Romeine merk Ward op “there are no clear doctrines here, doctrines that put an end to specula-tion and disagreement” (bl. 47). Ek sou die voorbeeld noem van Romei-ne 8:30 – hoe presies moet ons dit verstaan? Onderskryf Paulus hier die Calvinistiese leer van die uitverk-iesing soos ons dit in die kategese geleer is met die Heidelbergse Kat-egismus?
Ward wys ook daarop dat Je-sus se leringe oor die koninkryk, oor die Torah en oor die koms van die Seun van die Mens radikaal hersien is deur die vroeë kerk, met Paulus vooraan. Dit laat my met die vraag wie ons eerder moet glo – Jesus of Paulus die teoloog?
Ward bespreek verskillende opvattings oor die Drie-eenheid, van die Grieks-Ortodokse tradisie deur Augustinus tot by `n eietydse teo-loog soos Karl Rahner. Hy wys op die probleme wat ont-staan wanneer verwys word na die “persone” van God, en argumenteer dat ons miskien aan God kan dink in navol-ging van die veertiende-eeuse Ortodokse teoloog, Gregorius Pala-mas, “(who) elaborated a distinction between the divine ousia, which is completely unknowable, and the divine energeia, the divine acts in relation to us, by which alone we know God” (bl. 78). Dit herinner my aan die Kabbalistiese idee van die Ein Sof, die onkenbare Oneindige, wat sigself deur middel van “uitstralings” op verskillende maniere openbaar. Ward ontwikkel Pala-mas se gedagte in terme van God as `n vorm van “energie” wat in ver-skillende verhoudings staan tot die kosmos.
Ruimte ontbreek om op al die temas in Ward se boek in te gaan. Hy skryf toeganklik oor ingewikkelde onderwerpe, en verreken kritiese vrae en ontwikkelings in die Christe-like tradisie sonder om basiese ler-inge te laat vaar. In dié opsig sou die leser kon vra of Ward werklik die Christelike geloof her-dink, of bloot herverpak.