hayrat - n.ziyouz.com
TRANSCRIPT
1
Hayrat
NURJAHON AVAZOVA
HAYRATShe’rlar
TOSHKENT«ADIB» NASHRIYOTI
2011
www.ziyouz.com kutubxonasi
2
Nurjahon Avazova
ÓÄÊ: 821.512.133-1ÁÁÊ: 84 (5¡)6 À21
Ushbu kitob O‘zbekiston Yozuvchilar uyushmasiYoshlar bilan ishlash bo‘limi tomonidan nashrga
tavsiya etilgan.
ÓÄÊ: 821.512.133-1
ÁÁÊ: 84 (5¡)6
ISBN 978-9943-317-46-8 © «ADIB» nashriyoti,2011 © N.Avazova, 2011
Avazova, Nurjahon. Hayrat: she’rlar / N. Avazova. – T.: ADIB
nashriyoti, 2011. – 64 b.ISBN 978-9943-317-46-8
À21
www.ziyouz.com kutubxonasi
3
Hayrat
EZGU AN'ANA
Yurtimizning turli hududlarida yashab, she’r va hiko-yalar mashq qilib kelayotgan, adabiyot ostonasiga o'zla-rining ilk qadamlarini qo‘yayotgan iqtidorli yoshlarimizminglab topiladi. Bugun boshlovchi misralar yozib, tahr-iriyatlarga yoki ustoz adiblar qoshiga iymanibgina bora-yotgan bu yigit-qizlar ertangi kunimizning taniqli yozuvchiva shoirlariga aylansa, ajab emas.
Muhtaram Yurtboshimizning "Adabiyotga e’tibor -ma’naviyatga, kelajakka e’tibor" nomli risolasida "agar bizO'zbekistonimizni dunyoga tarannum etmoqchi, uningqadimiy tarixi va yorug‘ kelajagini ulug‘lamoqchi, uniavlodlar xotirasida boqiy saqlamoqchi bo’lsak, avvalamborbuyuk yozuvchilarni, buyuk shoirlarni, buyuk ijodkorlarnitarbiyalashimiz kerak", degan fikr asosiy maqsad-mud-daolardan biri sifatida alohida ta’kidlangani bejiz emas.Bugungi barcha g‘amxo‘rlik va e’tibor ana shu maqsadro‘yobiga qaratilgan.
Mamlakatimiz mustaqillikka erishgan dastlabki kunlar-danoq yoshlar siyosati eng birlamchi masalalardan birigaaylandi. Mana, yigirma yildirki, ushbu muhim masala kuntartibidan tushgani yo‘q. Aksincha, yildan yilga yoshlarqatlamiga bo‘lgan e’tibor ortib bormoqda. Shu ma’noda,o‘tkir didli, badiiy saviyasi yuksak yosh ijodkorlarni tarbiyalash
www.ziyouz.com kutubxonasi
4
Nurjahon Avazova
uchun yaratilgan bugungi sharoitlarni hech bir davr bilanqiyoslab bo‘lmaydi.
Ana shu yuksak e’tibor samarasi o‘laroq, o‘tgan 2010yilda O‘zbekiston Yozuvchilar uyushmasi va "Ijod" jamoatfondi tomonidan bir guruh yosh shoir, yozuvchi, publisist vaadabiyotshunoslarning ilk kitoblari nashr etilgani va bar-cha ta’lim muassasalariga bepul tarqatilganidan yurtdosh-larimiz yaxshi xabardor. Ezgu an’anaga aylanib ulgur-gan "Birinchi kitobim" loyihasi doirasida bu yil ham badiiyadabiyotning turli yo‘nalishlarida ijod qilib kelayotganiste‘dodli yoshlarning ilk kitoblari nashrga tayyorlandi.Ahamiyatli tomoni shundaki, bu ijodkorlar "Do‘rmon" ijoduyida o‘tkazilgan seminarlarda tanlab-saralab olindi,qo‘lyozmalar o‘sha joyning o‘zida - ustoz va shogirdlikan’anasi asosida qiyomiga etkazildi.
Qo‘lingizdagi mana shu kitob ham o‘sha mashaqqatliva serzavq mehnatning mevasi, umidli yosh ijodkorningdastlabki qadamidir.
www.ziyouz.com kutubxonasi
5
Hayrat
RUHIM TAJALLISI
HAYRAT
Gul to‘la gulzorga tashlayman qadam,Qalbimda eng toza tuyg‘ular yashar.Goho, unga ko‘zim tushgan damEzgu ishlar tomon yuragim shoshar.
Ko‘z o‘ngimda dunyo yashnaydi qayta,Charaqlab ketgandek bo‘lar atrofim.Yuksalib boraman nomini ayta,Shu damda ko‘klarga yetadi ohim.
Surating bunchalar kamolli, dilbar,Go‘yo Iso Masih nafasidek pok.Husningga tasadduq, qanchalar dil zor,Yusufiy har husn poying uzra xok.
Sollanib gulzorga tashlaysan qadam,Majnuntol ko‘yingda egar boshini.Men esa, hayratda turaman bu dam.Sendan yashirolmay ko‘zim yoshini.
www.ziyouz.com kutubxonasi
6
Nurjahon Avazova
BU AYOL
Baxtsizman, deb yig‘lamadi u,Tashvishlarga ko‘ndi, tik turdi.Ko‘nglidagi orzulariniFarzandlarin baxtida ko‘rdi.
U hayotga mag‘rur boqqancha,Senga yoshim ko‘rsatmam, dedi.Alamlarning bag‘rin yoqqanchaBaxtdan baxtli bo‘lmoqchi edi.
Ta’nalarga dosh bergan yurakYig‘lamadi bormi deb panoh,Kimdir dedi: “Sevdim!.. Sen kerak..”Shu on yig‘lab yubordi nogoh.
www.ziyouz.com kutubxonasi
7
Hayrat
VAQT
Vaqt aslida bir purviqor tog‘,G’urur bilan yo‘llar ochasan.Vaqt aslida kattakon so‘roq,Bu so‘roqdan qayga qochasan?
www.ziyouz.com kutubxonasi
8
Nurjahon Avazova
NOMLADIM UL TUNNI
LAYLATUL QADR
Hayot to‘zonida umrim yo‘qoldi,Hislar bo‘ronida ko‘nglim yo‘qoldi.Yolg‘iz o‘zing qolding, bir o‘zim qoldim,Ne qilay, avvalim, so‘ngim yo‘qoldi.
Nigohing tutgandi hayot iforin,Hayrat yoshlaridan ko‘kardim qayta.Nomladim ul tunni Laylatul Qadr,Yuksala boshladim nomingni ayta.
www.ziyouz.com kutubxonasi
9
Hayrat
UNING IZLAGANI
DIYDORDIR ASLI
Jonsarak ruhimning yarmi tanamda,Yarmi zamonlarga ulanib ketgan.Yarmi o‘rtangancha g‘amda, alamda,“Analhaq” so‘zining mag‘ziga yetgan.Yarmi ko‘z nurimda dunyo kuzatar,Yarmi shu dunyoni bo‘lar ikkiga.Yarmi arosatdan imon qo‘zg‘otar,Yarmi nafs, borliqni o‘zin mulkigaQo‘shmoq ilinjida betin yonadi.Yarmi vijdon erur, kechib uyg‘onib,O’zin qilmishidan mudom tonadi.Ichsa-da haqiqat suvin sipqorib,Yarmi ishq mulkida sargardon kezar.Yarmi ibodatga bog‘lamish belin,Yarmi o‘zligini dildan his etar.Yarmi sabolarga boy berar sirin....Dunyoda hukmron mavjudlik sasi,Aslida mehrdan yaralgan odam,Uning izlagani diydordir asli,Tegrasida chorlab turibdi olam.
www.ziyouz.com kutubxonasi
10
Nurjahon Avazova
RUHIM OVOZINI HECH KIM
ESHITMAS
Hech kimning men bilan ishi yo‘q,Meni yo‘qlaydigan kishi yo‘q,Hamma odamlarning parvoyi falak,Ruhimning yashashga shundan hushi yo‘q.
Kimlardir umrini bezamoqda ham,Mish-mish, ig‘vo, hasadlar bilan.Ibodat qilsalar, ko‘kka boqarlarYaratganga da’vo va shartlar bilan.
Ba’zan g‘iybat qilib, gap ham sotishar,Bundan ilgari ham yashab qo‘ygandek.U dunyo haqida va’zlar aytishar,Jannat ne’matini oshab qo‘ygandek.
Serg‘avg‘o muhitga sig‘mas yuragim,Ishq deya yuragi dog‘liq lolaman.Ruhim ovozini hech kim eshitmas,Hayronman, yo hali nodon bolaman.
www.ziyouz.com kutubxonasi
11
Hayrat
USTOZLARGA
Qo‘llarimda jaranglar sozim,Bugun chindan yangroq ovozim,Ustoz pandi — bahorim, yozimSizga ta’zim, sizlarga ta’zim.
O’gitingiz — kelajak darsi,Tashvishingiz — yuragim darzi.Sizni sevmoq hayotim qarzi,Sizga ta’zim, sizlarga ta’zim.
www.ziyouz.com kutubxonasi
12
Nurjahon Avazova
YURAGIMDA BAHOR NOZ
UYQUDADIR...
Yuragimda bahor noz uyqudadir,Umid ham qalbimda unmagan chechak.Hayotim xayolot fazolaridaTo‘qiydi o‘ziga sirli bir ertak.
Har soniya — go‘zal tilsim darchasi,Asrorlar olami bag‘rida pinhon.Mangulikka tomon yetaklaydi vaqt,Burchi shu, kechikish bilmaydi bir on.
Men esa o‘ylayman burch tuyg‘usini,Insoniyat qarzi – farzi nimadir.Nechun inson aqlin ezgulik emas,Goh qabih xayollar sudrab ketadir.
Men hanuz tushunarman, saodat nadir,Har bir saodatning yo‘ldoshi kulfat.Bilmasman, qay qalbda topdim chin qadr,Sezdirmay nish sanchar men bilgan ulfat.
Nechun javob yo‘qdir, savolim bisyor,Gungu—lol tabiat holiga hayron.Samo qovoq uyar, yog‘ar pag‘a qor,Men kabi dunyoning yuragi vayron.
www.ziyouz.com kutubxonasi
13
Hayrat
Hayot oqliklarga o‘ralar bir zum,Betinim o‘ylardan charchagan zamon.Der menga: qor misol qalbingni pok qil,Savob shu, gunoh ne, o‘zingga ayon.
Dildan iztirobni quvmoq bo‘larman,Yig‘layman, yoshlarim yomg‘irga o‘xshar,Zamin der: qayg‘urma, azizim, quvon,Poyimga gullardan poyondoz to‘shar.
Ha, hayot gullarga o‘ralar shu zum,Go‘yoki telbaga o‘xshaydi olam.Beg‘ubor qahqaha urar tabiat,O’zi kim? Dunyo ne? Payqamas odam.
Bulutlar yig‘laydi ko‘z yoshin to‘kib,Samoda tugaydi eng so‘nggi bardosh.Toqati tog‘ bo‘lib, bag‘ri bo‘lib qonAdirni kuydira boshlaydi quyosh.
Vaqt shoshib kelgancha ona misoliGullarni qaygadir yetaklab ketar,Ushbu dam bir inson gullagan umrinBoylikka boy berib, manzilga yetar.
www.ziyouz.com kutubxonasi
14
Nurjahon Avazova
HAQIQAT MANZARALARI
Ko‘ksimda tipirlar chalajon bir qush,Qismat qafasida beayov bandi.Shudir mudroq ruhim ko‘rayotgan tush,Menmanmi afandi, dunyo afandi?
* * *Nurning jamolini sevganda kishiIzlanish, intilish bo‘lar tashvishi.Oydin kechalarni bedor o‘tkazar,Oy kabi zulmatni yoritar ishi.
www.ziyouz.com kutubxonasi
15
Hayrat
* * *Osuda otganda tongimiz rohat,Imillab, goh shoshib o‘tadi soat,Ertam ne kechishin bilmay, halakman,Taqdir peshonamga yozgandir ne xat?
* * *Otmagan tonglarning ifori menda,Kelmagan kunlarning diydori menda.Qancha nasihatlar havoga uchar,Vaqt degan ne’matning uvoli menda.
www.ziyouz.com kutubxonasi
16
Nurjahon Avazova
* * *Davron charxpalagi aylanar, ey yor,Odamzod hamisha bo‘lmas baxtiyor.Bugun tashvish ichra qolgan esang, bil,Erta tole yo‘ldosh, shodlik senga yor.
* * *Dunyo ayvonidan uzgan gulim – ishq,Olov daryosidan ichgan suvim – ishq.Qalbimni zamindan Arshga chorlagan,Oltin yol tulporim, oltin so‘zim ishq.
* * *Har kimni tabib deb borib bo‘lmaydi,Dil dardin har kimga yorib bo‘lmaydi.Tun bilan kun aro hayot yaralgan,Tunni kun bilganga kim ham kulmaydi.
* * *Guldan ifor kutgil, ilondan zahar,Bulbuldan navo kut, sabodan xabar.Osmondan izlama, baxting zaminda,U seniki, tole yor bo‘lsa agar.
* * *Bas, yetar. Ko‘nglimga bermagin ozor,Seni ma’yus ko‘rmoq — qalbim titrog‘i.Bu dunyo — o‘sha sen anglagan bozor,Undan baxt xarid qil, qalbim ardog‘i.
www.ziyouz.com kutubxonasi
17
Hayrat
AZIZIM, SHE’R BO‘LIB TO‘KILDIM
MEN HAM
Dunyo g‘alviridan to‘kildim men ham,Qismat bitigiga bitildim men ham.Dilimni yondirgan telba hislardanNe baxtki, bir yo‘la qutuldim men ham.
Yengildim, men uni yengdim nihoyat,Taqdir meni siylab, etdi inoyat,Ash’orlar bitmoqqa qanot bog‘ladim,Adashsam, yo‘ldoshim bo‘ldi hidoyat.
Qaysi qalb zulmatin yoritdim oydek,Qaysi qalbga kulib keltirdim ko‘klam.Qalbimda navolar toshganda soydek,Azizim, she’r bo‘lib, to‘kildim men ham.
2-N.Avazova
www.ziyouz.com kutubxonasi
18
Nurjahon Avazova
TABIAT, RUHIMSAN — QALBIM
DUNYOSI
Tuyg‘ular jilovin tuta olmadim,Mayli, o‘ynayversin qayga ketardi.Axir shamol qancha asov bo‘lmasinDargohidan o‘tib qayga yetardi.
Qirlarning bag‘rida xayolga cho‘mib,Qamrab olayapman tasavvurimga.Yo‘q, asli men o‘zim borliqqa do‘nibSuvratim chiz dedim musavvirimga.
Tabiat, ruhimsan — qalbim dunyosi,Sen mening o‘zimdan o‘zimga mujda.Seni g‘uborlardan asrasam tokiHayotimda sodir bo‘lar mo‘jiza.
www.ziyouz.com kutubxonasi
19
Hayrat
BILMADIM
Burch deya bosh egsang, kulsa ag‘yorlar,Xiyonat qilsalar sevilgan yorlar,Goho, gunohsizga tikilsa dorlar,Bilmadim hayotning ma’nosi nima?
Fikrlar keladi miyangga g‘ujg‘on,Bari der: men to‘g‘ri, ko‘zni och, uyg‘on!Bir boqsang, bari chin, bir boqsang, yolg‘on,Bilmadim hayotning ma’nosi nima?
Bosgan har qadaming qaysi yo‘l sari,Qaysi manzil sari bu yo‘llar bari.Dunyo hikmati ne? Bilmam, der qari,Bilmadim hayotning ma’nosi nima?
Har ishdan falsafa qidirib ko‘rdim,Savob ishlar sari yuzimni burdim,Haqiqat oldida bosh egib turdim,Hayotim ma’no-mazmuni shumi?
Yashamoqning mangu qonuni shumi?
www.ziyouz.com kutubxonasi
20
Nurjahon Avazova
BU YOLG‘ON DUNYONING ROSTI
BORMIKAN
Bu yolg‘on dunyoning rosti bormikan?Pokdomon ekanmi, makr yormikan...Baxtim deb topganim qayg‘uzormikan,Bilolmay sarsonu hayrona o‘zim.
Hayotda goh nodon, goh shodon ko‘rdim,Ko‘ngil deb yurganni sargardon ko‘rdim.Baxt asli sarobdir, har zamon ko‘rdim,Anglolmay ko‘zlari giryona o‘zim.
Ayol zotin joni qirqta deydilar,Qirqi ham jabringdan to‘ydi, kuydilar.Qo‘sh ko‘zing qo‘sh jallod, bag‘rim o‘ydilar,Sen deb yona-yona vayrona o‘zim.
www.ziyouz.com kutubxonasi
21
Hayrat
BAXT BU
Baxt – bu orzularga yetmoqlik emas,Zero, orzularning karvoni uzun.Baxt – bu armonlarni tark etmoq emas,Armonlar qalbdagi abadiy tugun.
Gar tongda xotirjam uyg‘ona olsang,Tashvishlarni yengar shaxding alanga.Qaynoq hayot ichra shaxdam kirolsang,Bir surur yugursa butun tanangga.
Baxt shudir! Tashvishni yengib o‘tolsang,Savoblar etolsang, yayrab-kulolsang.Men seni shu go‘zal baxtla qutlayman,Sinovlar kelganda sobit turolsang.
www.ziyouz.com kutubxonasi
22
Nurjahon Avazova
FAQAT MUHABBATNI AYLADIM
YO‘LDOSH
Goh yo‘lda adashdim, goh aqlim shoshdi,Ko‘rib go‘zalligin yuragim toshdi.Qilgan xatolarim ko‘zimni ochdi,Dunyo bilan ko‘nglim ayladim dildosh.
Goh dilim tinglashga bitta hamdard yo‘q,To‘zon ham aytadi: menda bir gard yo‘q.Netay, do‘st bo‘lmoqqa bitta ham mard yo‘q,Ollohni do‘st bildim, Ollohni sirdosh.
Yashamoq kurashdan iborat ekan,Umr qumga bino imorat ekan,Har ne ezgulikka ishorat ekan,Sevgini do‘st bildim, imonni dildosh.
Bog‘imda bulbullar sayragan chog‘da,Hikmat ko‘rganimda har bir yaprog‘da,Qaydaman, tog‘dami va yoki bog‘da,Faqat muhabbatni ayladim yo‘ldosh.
www.ziyouz.com kutubxonasi
23
Hayrat
MEN TELBA, YO DUNYO
TELBADIR ASLI
Telbaman, dunyoning vayronalariMing tilda sirlashib, so‘zlaydi ertak.Ko‘nglimning ming bitta darvozalariLang ochiq, ularga chin mehmon kerak.
Men telba, yo dunyo telbadir asli,Zamonlar bag‘ridan izlayman yo‘lim.Almashar dunyoning to‘rt sirli fasli,Tug‘ilish, Ulg‘ayish, Baxt hamda O’lim.
Men-chi, hayronaman yo‘lin yo‘qotgan,Chorlaydi to‘rt yondan to‘rt sirli kitob.To‘rt tilda bitta yo‘l ko‘rsatib, qotganAqlimni uyg‘otmoq istashar shu tob.
Taqdir kitoblarin bir-bir varaqlab,Jonimga tengdosh, mos so‘z qidiraman.Topganda ul so‘zni, dunyodan to‘yib,So‘ngi libosimga bo‘z qidiraman.
Men telba, yo dunyo telbadir asli.
www.ziyouz.com kutubxonasi
24
Nurjahon Avazova
BEDOR QALB QO’SHIG’I
QALBIM QUYOSHI
Shabnam yuzingizga chayar yuzini,Gullar iforini oladi sizdan.Nafis qaddingizga qarab, o‘zgarib,Sarvlar tik turmoqni o‘rganur zimdan.
Siz, dilning qatiga jo bo‘lgan jahon,Suluvlar sarvari xurshidi tobon.Sizni ko‘rmoq uchun jon ilhaq erurHar tong quyoshini kutgandek osmon.
www.ziyouz.com kutubxonasi
25
Hayrat
YUKSALISH
Yuragimda bir savol yashar,Yuragimda bir olov yashar.O’shal olov otashi nogohVujudimda lov-lov tutashar.
- Ol,- dedi, ishq sharobin ichdim,Dilimdagi tugunni yechdim.Ishqning o‘tlig‘ daryosin kechdim,Botinimda zamonlar shoshar.
Ustixonim kuyib, kul bo‘ldi,Gul dunyoim goho cho‘l bo‘ldi,Xokisor dil kimga qul bo‘ldi,Manzili ne, qayerga shoshar?..
Ufqlarga tutashar ruhim,Osmonlarga tutashar ohim.Madad bo‘lgin o‘zing, ilohim,Dilda tilsim sabosi esar.
Ruhim esa, nenidir sezar...
www.ziyouz.com kutubxonasi
26
Nurjahon Avazova
MUHABBAT GULI
Borliqda hukmron mangu latofat,Almashib yonadi qancha fasllar.Muhabbatning jufti bo‘lib sadoqatYasharib boradi o‘tib asrlar.
Gullarni sevaman, kunni sevaman,Sevaman mehnatdan kelsa rohatni.Arshim — ISHQ yuksalib boraveraman,Bulutlarga tashlab g‘amu nafratni.
Asrayman dilimda muhabbat gulin,Parvarish etaman nihollarini.Ular o‘rgatadi ezgulik yo‘lin,Adashganlar bersin savollarini.
www.ziyouz.com kutubxonasi
27
Hayrat
FARZANDLARIM DADASIGA
Qahringiz toshdan qattiq,Mehringiz boldan shirin.Sizga etilgan tortiqIshqim dilda yashirin.
Baxtu iqbolimizsiz,Dil sokin dunyongizda.Suyangan tog‘imizsiz,Yashaymiz joningizda.
Farzandlar dadam desa,Ko‘nglim ko‘kla bo‘ylashar.Soyangizda sohibim,Baxt ham biz bilan yashar.
Har tongni qarshilaymiz,Ko‘ngil – olam quvonchda.Ko‘ngilda yongan quyoshKelajakka ishonch-da!
www.ziyouz.com kutubxonasi
28
Nurjahon Avazova
SIZNI DILIM YO‘QLAGACH
Sizni yo‘qladi dilim, paymonalar to‘ldi-ku,Intiqu muhtojingiz lahzada ming o‘ldi-ku.Lahzalar ming yillarga kengayib ketib, ey voh,Keng jahon choh misoli tor zimiston bo‘ldi-ku.
Keling, ahvol so‘rgani, dardga darmon bo‘lgani,Bu telbavash holimga shohi Mashrab kuldi-ku.Nurafshon eting dilni, Nurjahon so‘rar shulni,Sizdan kutib bir sado jon aro nur so‘ndi-ku.
www.ziyouz.com kutubxonasi
29
Hayrat
KECHIRING
Dil vayron, aql hayron, sizni xafa qilibman,Ko‘zlarim har yon giryon, sizni xafa qilibman.Osmon qovog‘i soliq, dilginam g‘amga to‘liq,Kechirarmikan Xoliq? Sizni xafa qilibman.
Gullar yuzin ters burar, yuragim sekin urar,Ul havoni ko‘p ko‘rar, sizni xafa qilibman.Ko‘zlarimga bir qarang, chidab turibman arang,Boshginam chindan garang, sizni xafa qilibman.
Derlar dunyo go‘zal gul. Quchog‘iga qani yo‘l?Yonmasimdan bo‘lib kul, sizni xafa qilibman.Tashvishlar ko‘p bir boshda, aqlsizman shu yoshda,Hech kim demas “bu yosh-da” sizni xafa qilibman.
Arzandalik o‘tmaskan, singan ko‘ngil bitmaskan,Yomonni yer yutmaskan, sizni xafa qilibman.Kechirmaysiz, sezaman, yuragimni ezaman,O’z-o‘zimdan bezaman, sizni xafa qilib man.
www.ziyouz.com kutubxonasi
30
Nurjahon Avazova
YONOQLAR
Qip-qizil olovlanarQirmiz olma — tovlanar.Buncha go‘zal tuzog‘i,G’arib dillar ovlanar.
Ko‘rsang, bag‘ring o‘rtanar,Zulflar yuzga cho‘lg‘onar,Yuragingga cho‘g‘ tushib,Unda ilon to‘lg‘onar.
Qip-qizil olovlanar,Ol yuzda nur tovlanar.Go‘zal hatto tuzog‘i,Aqlu hushing ovlanar.
www.ziyouz.com kutubxonasi
31
Hayrat
SENSIZ
Umidim – ko‘zimda qalqib turgan yosh,Ey voh, bunchalar ham bo‘lding bag‘ritosh.Nahot yig‘lamoqdan o‘zga yo‘q iloj?Sensiz ko‘z yoshlarim selga aylandi,Boshga ofat bo‘ldi, do‘lga aylandi.
Bilsang dil mulkida to‘rt faslim eding,Nigohing – hoqonim, men taslim edim.Men asli yo‘q edim, sen aslim eding.Sensiz olovlarim kulga aylandi,
Turmush musht tugilgan qo‘lga aylandi.
So‘nggi dam so‘z aytmay ketding, azizim,Gunohim nimaydi, jonim, lazizim,Zolimim, seni der ko‘ngli nafisim,Bag‘rim qaqrab yotgan cho‘lga aylandi,Armon adog‘i yo‘q yo‘lga aylandi.
Qayt endi, hayotim, yashayin men ham,Qayt endi, bayotim aytayin men ham,Rahm etgil, sayyodim, yayrayin men ham,Kelsang, sog‘inchlarim baxtga aylanar,Hazin kulbam oltin taxtga aylanar.
www.ziyouz.com kutubxonasi
32
Nurjahon Avazova
ESINGDAMI?
Esingdami, gullarga to‘libKetgan edi o‘shanda zamin.Hayotimga quyoshdek kirib,Yoritganding ko‘ngil maxzanin.
Esingdami, dalli-devonaBo‘lganingcha, yozarding xatlar.Yonoqlarim lolazor bo‘lib,Javobiga yozardim baytlar.
Orzumizdek oppoq edi qish,Borlig‘u dil bir xil rang edi.Gulga to‘lib kelgan navbahorQalbimizga hamohang edi.
Dil taftidan olgandek pardozOlov bo‘lib kelar edi yoz.Ishq bog‘iga xazon kelgan kez,Esingdami, kelgan edi kuz.
Qaylardasan endi, yagonam,Oy ham ma’yus bizni kuzatib.Tanish edik, bo‘ldik begona,Bu xatoni bo‘lmas tuzatib.
www.ziyouz.com kutubxonasi
33
Hayrat
HUVILLAB YOTIBDI YURAGING
NEGA?
Men baxtin izlagan bitta sargardon,Nega nigohlaring men uchun bo‘m-bo‘sh?Huvillab yotibdi yuraging nega?Azizim, qaydasan? Samolardan tush!
Tiz cho‘kdim poyingga, sezdingmi, ey yor?Goh yig‘lab, goh kulib mehrimni berdim.Yoningda hajringda bo‘lsam-da abgor,Sevmasang, sezmasang nima ham derdim.
Nima ham der edim, qismat muqarrar,Nima ham der edi tolei zabun.Mahshar kuni seni izlab, yonadiKo‘zlaringni yana uchratmoq uchun.
3-N.Avazova
www.ziyouz.com kutubxonasi
34
Nurjahon Avazova
SEZASANMI?
Ko‘ngil visol istaydi,Sevgi izhor istaydi,Yonib, seni qo‘msaydi,Yonishim sezasanmi?
Dilda hijron yig‘laydi,Ohu fig‘on yig‘laydi,Jonim, ishon, yig‘laydi,Xonishim sezasanmi?
Yor, sensiz dunyolardan,Ko‘zga to‘tiyolardan,Jamiki ziyolardanTonishim sezasanmi?
Sezganda kelasanmi?
www.ziyouz.com kutubxonasi
35
Hayrat
QO‘SHIQ
Nigohimda nurim bor,Mehrdek shuurim bor.Unutmang, g‘ururim bor,Jonim sizga, jonim.
Gullardan ko‘shk qurarman,Iforida yurarman,Shirin xayol surarman,Jonim sizga, jonim.
Mag‘rurlik — devonalik,Bas, yetar begonalik!Ey, barno farg‘onalik,,Jonim sizga, jonim.
www.ziyouz.com kutubxonasi
36
Nurjahon Avazova
SOG‘INDIM
Kelgin, mehribonim, yuzing sog‘indim,Kel, ko‘zga surtgali izing sog‘indim.G’am qushi ko‘zimga inlar qurmoqda,Qorlarni eritsin so‘zing, sog‘indim!
Sog‘indim! Sog‘indim!! Sog‘inib ketdim!!!Ishqning surati bor ko‘zing sog‘indim.Poyingga lolazor etib poyondozO’zganimas, yolg‘iz O’ZING sog‘indim.
Kutganda kelmasang, ko‘zga ilmasang,Zor yig‘lab, zor yig‘lab, o‘zim sog‘indim.Kimga arz qilardim dardim bilmasang,Yaratganga borar ro‘zim sog‘indim.
www.ziyouz.com kutubxonasi
37
Hayrat
MUHABBATGA
Qo‘lim cho‘zsam, osmon muhabbat,Yuraklarda armon muhabbat.Senga har ne oson, muhabbat,Kel, mening ham mehmonim bo‘lgin.
Qo‘yosh bo‘lib yorit kulbamni,Yurganmishsan kezib o‘lkamni,Kutgim kelmas endi ko‘klamni,Kelu tezroq mezbonim bo‘lgin.
Ta’rifingdan zabonim go‘zal,Intiq etding, yuragim kasal,Peshvoz chiqib, bo‘libman o‘sal,G’amli kunda panohim bo‘lgin.
Senla boqdim, dunyo o‘zgacha,Xayrlashma endi kuzgacha,Kirgunimcha toki yuzgachaO’zing, o‘zing hamrohim bo‘lgin.
www.ziyouz.com kutubxonasi
38
Nurjahon Avazova
KEL ENDI SABRIMGA
MUKOFOT BO‘LIB
Ko‘zlarim xumori, qaylardasan, ayt,Ey, baxtim tumori, kel, ortingga qayt!Sensiz qiynaldim-ku, qara, qancha payt,Kel endi sabrimga mukofot bo‘lib.
Oy bilan tonggacha sirlashgan tunimDerdim: ajratolmas bizlarni o‘lim.Yuragimda sog‘inch topgancha qo‘nim,Ohim oyga yetar salovot bo‘lib.
Qo‘llarim uzatsam yetmas joydasan,Gohi xayolimda, gohi oydasan.Azizim, qaydasan, axir, qaydasan?Kel, notinch ruhimga xalovat bo‘lib!
Ketding, ko‘nolmadim mening sevgilim!
www.ziyouz.com kutubxonasi
39
Hayrat
SENI IZLAB TENTIR XAYOLIM
Zamin poyondozdir gulchambar taqib,Quyosh boshim uzra to‘kar zarini.Mayin yel sochlarim tortqilar sekin,Yaproqlar pichirlar dil izhorini.Ruhim tabiatning bu ehsonigaMahzunu beparvo boqadi, hissiz.Ko‘zlarim atrofga boqar jonsarak,Izlarman izlaring, topolmam, essiz.Sen yo‘qsan, sen bilan ketgan bahorim,Qalbimni isitgan yozlarim ketgan.Seni izlab tentir xayolim,Ishonchimni yolg‘izlik yutgan.Nahot, shuncha gunohim bordir,Tomirimda azoblar oqar.Qovjiragan umid bog‘idaHatto o‘lim o‘zini yoqar.Kelgin, xaloskorim,Bo‘lma bag‘ritosh.Sabo sendan keltirsin xabar,Qarg‘ish olgan sevgi bog‘idaHayot kulib, uyg‘onsin sahar.G’ururim qarshingda etgusi sajda,
www.ziyouz.com kutubxonasi
40
Nurjahon Avazova
Qilgan gunohlarin jazosi uchun.Seni ishqim ko‘tarar boshgaMuqaddas poyingning tavofi uchun.Yo‘q, bu hol gunohim yuva olmaydi,Sen baridan buyuksan, buyuk!Men ruhimni topshirgum sengaHukmron bo‘laqol, bo‘laqol suyuk.
www.ziyouz.com kutubxonasi
41
Hayrat
HAJRING OLOVIDA
YONADI BEDOR
Qismatning burjida seni etib yod,Ishqning mehrobida yuragim yig‘lar.Istaydi sen bilan bo‘lmoqni obodLek, ilinj topolmay bag‘rini tig‘lar.
Hajring olovida yonadi bedor,Na ortga, na oldga bir qadam yo‘l bor.Sen deya topgani alam va qayg‘u,Uning bor bisoti nomus ila or.
Arosat bag‘rida muallaq qolganQismatning burjida bir ko‘ngil yig‘lar,Hanuz uyg‘otolmas, bardoshi tolgan,Aqlni quchoqlab matonat uxlar.
Yuraging uxlaydi bir qo‘shiq bo‘lib,Yoshlarim dengizi oqadi to‘lib.
www.ziyouz.com kutubxonasi
42
Nurjahon Avazova
MUHABBATING MUHTOJI O‘ZIM!
Mehring bilan ko‘nglimni yorit,Muhabbating muhtoji o‘zim.Sehring bilan ko‘z yoshim arit,Yuragingning gultoji o‘zim.
Ko‘zlarimda kunning havasi,So‘zlarimda tongning nafasi.Nahot qalbing uyg‘otolmaydiYuragimning olovli sasi.
Muhabbating muhtoji o‘zim!
www.ziyouz.com kutubxonasi
43
Hayrat
SENI DEB TOPGANIM BAXTMI,
ALAMMI?
Seni deb topganim baxtmi, alammi,Dildagi og‘riq ne, eski yarammi,Bir umr g‘arib dil senga qarammi,Bilmadim, yorijon, bila olmadim.
Yor, kimni sevasan, kimdan tonasan,Ne ishdan kul bo‘lib, nedan yonasan,Jimlik dunyosidan qachon qonasan,Ko‘ngil qulfing hanuz ocha olmadim.
Yillarning yo‘liga bahor gul sochdi,Hijron uni yulib, yo‘qlikka qochdi.Qalbda umid guli yana yuz ochdi,Taqdirning jumbog‘in yecha olmadim.
Seni deb topganim baxtmi, alammi?
www.ziyouz.com kutubxonasi
44
Nurjahon Avazova
SENINGDIRMAN
Har qadamda habib o‘zing,Qalbim bemor, tabib o‘zing,Farog‘atga eltar So‘zing,Seningdirman, seningdirman.
Sajdagohga yetdi boshim,To‘xtatolmam ko‘zda yoshim,Shunday damda bo‘l sirdoshim,Seningdirman, seningdirman.
Seni dedim — obod bo‘ldim,Goh unutib, barbod bo‘ldim,Lavhing aro men yod bo‘ldim,Seningdirman, seningdirman.
Qo‘lla, derman, qodir Olloh,Ikki dunyo nodir Olloh,Ko‘p gunohim bordir Olloh,Lek seningman, seningdirman.
Dil tubini nurga to‘ldir,Imon degan durga to‘ldir.Umrimni sururga to‘ldir,Seningdirman, seningdirman.
www.ziyouz.com kutubxonasi
45
Hayrat
SEVASANMI?
Ruhim giryon, dil vayron,Ayt, meni sevasanmi?Holimga bo‘lmay hayronAyt, meni sevasanmi?
Joningga jo bo‘lgim bor,Seni deya o‘lgim bor.Lablarimda kulgum bor,Ayt, meni sevasanmi?
Oydek to‘lay bag‘ringda,Mayli, o‘lay qahringda.Kaniz bo‘lay shahringda,Ayt, meni sevasanmi?
Xaridorim bo‘l o‘zing,So‘ldi, qara gulyuzing.Xaloskorim bir o‘zing,Ayt, meni sevasanmi?
Bir sevgi hayotimdir,Kuylasam bayotimdir.Topgan bor bisotimdir,Ayt, meni sevasanmi?
Qayt, meni sevasanmi?
www.ziyouz.com kutubxonasi
46
Nurjahon Avazova
JONIM, HAYOTINGGA MAZMUN
ET MENI
Sevgi – ko‘zlarimni ko‘r qilgan olov,Sevgi – sochlarimga tushgan oq qirov.Istamam sen uchun bo‘lmoqni birov,Jonim, hayotingga mazmun et meni.
Taqdirlar turfadir, tuyg‘ular turfa,Yig‘ilar turfadir, kulgular turfa.Yuragimni ezgan qutqular turfa,Jonim, hayotimga mazmun bit meni.
Umrim o‘tmoqdadir seni kutgancha,Yolg‘izlik qiynagan tunlarim qancha,Alamli hayotim tugab-bitgunchaSen sari ketyapman, jonim, kut meni.
www.ziyouz.com kutubxonasi
47
Hayrat
LABLARIMNI
KUYDIRAR ISMING
Lablarimni kuydirar isming,Qarog‘imda ishqning quyoshi.Shaffoflashib ketmoqda jismim,Marvariddir ko‘zimning yoshi.
Ko‘zlaringda ishqning surati,Ko‘zlarimda xumoriy jodu.Kel, baxtimiz sarhadlaridanOlam uzra taralsin yog‘du.
www.ziyouz.com kutubxonasi
48
Nurjahon Avazova
UMRIM O‘TAYOTIR
QO‘MSAYMAN SENI
Sen ketding, nurafshon kunlarim qora,Quridi shodlikdek daryoi azim.To‘zg‘igan xayolot dunyosi aroArmonu qayg‘ular qurishar bazm.
Ko‘nglimga kuz keldi, hislar xazonrez,Umid daraxtini armonlar yoqar.Sabrim tugab borar sensiz, so‘nggi kezQayg‘um ayriliqdan tumorlar taqar.
Sen ketding qay dilga bahoring boshlab,Dilim rashk o‘tida kuyar, qovrilar.Hayotim yodingla qayta yaralib,Yana xayolingla yelga sovrilar.
Umrim o‘tayotir qo‘msayman seni,Chehrang, ovozingni unutolmayman.Garchi, so‘liyotgan lola bo‘lsam hamSendan-da, o‘zdan-da voz kecholmayman.
www.ziyouz.com kutubxonasi
49
Hayrat
QOR HAM EZIB
YOG‘MOQDA YANA
O’tiribman ezilib, eslab,Qor ham ezib yog‘moqda yana,Eslamaysan parizodingni,Qancha kunlar o‘tibdi, qara.
Boqadirman ko‘zguga ma’yus,Sen go‘zalsan, degim keladi.U ham sensiz chekyapti afsus...Degim, o‘zni sevgim keladi.
Unutolmay yondim, yolg‘izim,Orzularim erir qor bo‘lib.Kel, chorlayman hanuz yolvorib,Kutayapman intizor bo‘lib.
4-N.Avazova
www.ziyouz.com kutubxonasi
50
Nurjahon Avazova
BANDI DIL
Tegramda gir aylanar dunyo,Gullar sarxush, sayrar bulbullar.Yo‘q, bu tushmas, emas bu ro‘yo,Rost, gullaydi bunda ko‘ngillar.
Bir go‘zallik kashf etib olam,Sabolar sho‘x salomlar eltar.Ko‘zdan oqar kavsariy jolam,Ilhom shirin kalomlar eltar.
Osmonimda gullar yulduzlar,Dunyo go‘yo sehrli qo‘shiq.Tilsimotga do‘nar kunduzlar,Aqlu ko‘ngil do‘st — yo‘l beto‘siq.
Tilsimotni parchalab go‘yo,Tegramda gir aylanar dunyo.Muhabbatga bandi bo‘lsa dilOlam to‘la, dil to‘la ziyo.
www.ziyouz.com kutubxonasi
51
Hayrat
IQROR
TONGGI MADHIYA
Yana tong otdi!Beg‘ubor, musaffo.Bahor tongi!
Oldinda...Oldinda... butu-u-u-u-u-u-u-un Ku-u-u-u-un...Behad sehrli!Uni qanday ranglarga bo‘yash,Bemisl,betakror,go‘zal zeb berishSening izmingda.
Yana tong otdi!O-o-o-o-o-op-poq qog‘ozdek.Sen – uning rassomi,Turibsan qoshida,Qo‘lingda qalam.Bit unga bugungi kun lavhasini!
www.ziyouz.com kutubxonasi
52
Nurjahon Avazova
* * *Orzularing olamcha bormi,Intilganing faqat DIYDORmi,Yashamoqning o‘zi go‘zaldir.Muammo tugundir,Yechimi – fursat.
Qoqilma,Egilma,Sira aldanma!O’zingni sev!O’zgalarni sev!Hayotni sev!Yashash go‘zal-a?
Sezmadingmi?..Qalbingga qara!
www.ziyouz.com kutubxonasi
53
Hayrat
ANGLASH BAXTI
ISamodan ongimga mujdalar yog‘ar,Ochilar ohista sirlar g‘unchasi.Dunyo maktub bitib, eshigim qoqar,Yulduzlar – sirli harf, oy – tugunchasi.
O, meni chorlaydi ishqning o‘lkasi,Eng ajib tuyg‘ular etgancha sovg‘a.Yetmish bir tomirim hislar yo‘lkasi,Yurak iloh sari intilar olg‘a!
Qop-qora sochlarim bir-bir oqarib,Zulmatdan oydinlik topa boshlaydi.Yillarga berkingan yolg‘onlar arib,Haqning mo‘jizasi ko‘zim yoshlaydi.
Somon yo‘li menga sir aytar shu on,Har yulduz - sirli harf, oy - yorqin muhr.Men esa samoga boqarman hayronBir sevgi chorlaydi, chorlar bir mehr.
Muqaddas tuproqqa peshonam qo‘yib,Samoga yukingum sarhushu behol.Yulduzlar yig‘laydi bu hisni tuyib,Vujudim — javobi jumboq bir savol.
www.ziyouz.com kutubxonasi
54
Nurjahon Avazova
IIOsmon ko‘zlarimga singib, yo‘q bo‘lar,Qirmizi gullari bag‘rimga enib.Za’faron har giyoh dardimga do‘nar,Yarim oy shoxiga qalbim ilinib.
Samoda sir to‘la bir maktub bitganGo‘zalni ko‘ray deb qalbimda firoq.Butun borlig‘imni shu ISHQ zabt etgan,Yo‘liga intilar men yurgan so‘qmoq.
O, butun olamning mangu sarvari,Musaffo poklikka ibtido, mavjud!Mehru shuuringdir ko‘nglim gavhari,Yodingsiz yuragim savdoyi Hud-hud.
Bu hisni tuymagan hali hech shoir,Kelmagan dunyoga men kabi mehmon.To‘kkan yoshlarimdan tasbehlar tizib,Bugun O’ZLIGIMga qaytyapman, ishon!
Yana uyg‘onyapti qalbimda bahor,Endi begonadir g‘amning chillasi.Umrim diydoringdan har dam umidvor,Sirli tuyuladi azon pallasi.
www.ziyouz.com kutubxonasi
55
Hayrat
IIIMo‘jizang bag‘rida yashayveraman,Har dam, har nafasim hijronga nuqta.Shu yolg‘on umrni avrayveraman,Tanim shu zaminda, xayolim ko‘kda.
Umr deb atalmish tilsimot bag‘rinKezgancha, ming hisga duchor bo‘libman.Qo‘limga jilvangdan tutib shamchiroq,O’zingdan O’ZINGni izlab yuribman.
www.ziyouz.com kutubxonasi
56
Nurjahon Avazova
O‘ZING QUYOSHIMSAN
Qalbimning musaffo buloqlaridekJildirab ko‘z ochgan go‘zal muhabbatFaqat sening noming so‘zlab oqadi,Go‘zal muhabbating ruhimga madad.
Yo‘lingga muntazir g‘arib ostonamMuborak poyingla muqaddas, ulug‘.Yoniq satrlarim — mening dilnomam,Sen sabab hayotim iforga to‘liq.
Ollohim kanizlik hadya etibdi,Kechir gunoh etsam, shohi jahonim.Tosh qalbim muz kabi erib ketibdi,O’zing quyoshimsan, baxtga posbonim.
www.ziyouz.com kutubxonasi
57
Hayrat
HUMOYUNGA
(Endigina tetapoya qilayotgan o‘g‘lim Humoyunmuvozanat saqlolmay nogoh qoqilib tushdi)
Qo‘llarimni tutib turibman,Qo‘llaringni uzatgin sen ham.Kurashlardan bunyod dunyodaQadding tik tut doimo, erkam.
Qalbimdagi dunyoni beray,Mehrim tafti soching silasin.Qarog‘imda tutay, ardoqlay,Tunda ochun baxting tilasin.
Qo‘llarimni tutib turibman,Qo‘llaringni uzatgin sen ham.Dunyo senla to‘kisdir asli,Asli sensiz dunyo biri kam.
www.ziyouz.com kutubxonasi
58
Nurjahon Avazova
MENI HAM ESLAB QO‘Y
NAVBAHOR FASLI
Ey, do‘sti nodirim, o‘zing yaxshisan,Diydoringga ikki jahonim sadqa.Hayotim, xayolim, ko‘nglim naqshisan,Jahon na, ol, ruhi ravonim sadqa.
Muhabbat masofa tanlamas asli,Yuragimga mangu yaqinim mening.Meni ham eslab qo‘y navbahor fasli,Kunduzi quyoshdan yorqinim mening.
YUZ YIL ASLI BIR LAHZAGA TENG
Yuz yil asli bir lahzaga teng,Dil qasridan topganman najot.So‘ngsiz maftuningga aylandim,Sarhushdirman jilvangdan, hayot!
Har nafasim – bir qadah sharob,Bu ne visol hijronlari yo‘q.Bag‘ringdaman o‘lgunimcha to,Bu ne baxtkim, ko‘ngil buncha to‘q.
www.ziyouz.com kutubxonasi
59
Hayrat
TUSHLARIMGA KIRIB, UYG‘OT
MENI HAM
Oqqushlar baxtlilar ishq dengizida,Tushlarimga kirib, uyg‘ot meni ham.Hayot mujassamdir sevgi so‘zida,Uchgim kelsa, qanot bilay seni ham.
Tumanlar bag‘rida mudrab yotgan qush,Ovozing istaydi, jonim, ovozing.Yo‘qlikka mahkumdek bezovta, homush...Uyg‘otib yuborsin, chalaqol sozing!
QARA, BAHOR KELMISH OLAMGA
YANA
Qara, bahor kelmish olamga yana,Qirda qizg‘aldoqlar bir-bir ochilmish.Yana boychechaklar etmish tantana,Qaldirg‘och tush ko‘rmish, tushda lochinmish.
Samovot zaminga shaydo bir oshiq,Goh shodon kuladi, goh to‘kar ko‘z yosh.Atirgul g‘unchada asrar sir, oshiq —Hazilkash shabboda esar sho‘x, bebosh.
www.ziyouz.com kutubxonasi
60
Nurjahon Avazova
Gullardan boshiga chambarak taqib,Ko‘m-ko‘k maysalarga burkab o‘zini,Zamin ham samoga ishva-la boqib,To‘kkan yoshlariga yuvar yuzini.
Bunda tun bilan kun shahdidan tushmish,Ikkovi teng bo‘lmish uzr so‘rashib.Shu kun bayram bo‘lib, Navro‘z atalmish,Olam sovuq edi ular kurashib.
Bahor mehr fasli, muhabbat fasli,Har dilga ezgulik, sevinch, fayz kirar.Bahor ishq nuridan yaralgan asli,Go‘zallik dillarga oshiyon qurar.
www.ziyouz.com kutubxonasi
61
Hayrat
MUNDARIJA
RUHIM TAJALLISI
Ezgu an’ana................................................3
Hayrat.........................................................5
Bu ayol.......................................................6
Vaqt...........................................................7
Nomladim ul tunni Laylatul Qadr................8
Uning izlagani diydordir asli.........................9
Ruhim ovozini hech kim eshitmas.................10
Ustozlarga..................................................11
Yuragimda bahor noz uyqudadir.................12
Haqiqat manzaralari....................................14
Azizim she’r bo‘lib to‘kildim men ham.........17
Tabiat, ruhimsan — qalbim dunyosi............17
Bilmadim....................................................20
Bu yolg‘on dunyoning rosti bormikan...........21
Baxt bu......................................................22
Faqat muhabbatni ayladim yo‘ldosh............22
Men telba, yo dunyo telbadir asli................23
BEDOR QALB QO‘SHIG’I
Qalbim quyoshi..........................................24
Yuksalish...................................................25
www.ziyouz.com kutubxonasi
62
Nurjahon Avazova
Muhabbat guli...........................................26
Farzandlarim dadasiga..................................27
Sizni dilim yo‘qlagach.................................28
Kechiring...................................................29
Yonoqlar..................................................30
Sensiz.......................................................31
Esingdami.................................................32
Huvillab yotibdi yuraging nega...................33
Sezasanmi..................................................34
Qo‘shiq.....................................................35
Sog‘indim..................................................36
Muhabbatga..............................................37
Kel endi sabrimga mukofot bo‘lib...............38
Seni izlab tentir xayolim.............................39
Hajring olovida yonadi bedor.....................41
Muhabbating muhtoji o‘zim.......................42
Seni deb topganim baxtmi, alammi.............43
Seningdirman.............................................41
Sevasanmi..................................................45
Jonim, hayotingga mazmun et meni.............46
Lablarimni kuydirar isming..........................47
Umrim o‘tayotir qo‘msayman seni...............48
Qor ham ezib yog‘moqda yana..................49
Bandi dil...................................................50
www.ziyouz.com kutubxonasi
63
Hayrat
IQROR
Tonggi madhiya .......................................51
Anglash baxti.............................................53
O‘zing quyoshimsan......................................56
Humoyunga...............................................57
Meni ham eslab qo‘y navbahor fasli...........58
Yuz yil asli bir lahzaga teng.......................58
Tushlarimga kirib, uyg‘ot meni ham............59
Qara, bahor kelmish olamga yana...............59
www.ziyouz.com kutubxonasi
64
Nurjahon Avazova
NURJAHON AVAZOVA
H A Y R A T
She’rlar
Muharrir: Nosirjon Jo‘rayev
Rassom: Nazokat BoltaboyevaBadiiy muharrir: Iqbol Abdurazzoqova
Texnik muharrir: Nodir Suvonov
Nashriyot litsenziyasi ¹ 181. 08.12.11.Terishga 16.09.2011 da berildi. Bosishga ruxsat
02.12.2011 da berildi. Bichimi 70x90 1/32. Ofset bosmausulida bosildi. «Academy» garniturasi. Shartli b.t. 2,34.
Nashr-hisob t. 2,14. Adadi 20.000 nusxa.Buyurtma ¹ 11-870
«ADIB» nashriyotida tayyorlandi.100027. Toshkent. O‘zbekiston ko‘chasi, 16-uy
Tel: (8371) 245-89-24.
«O‘zbekiston» nashriyot-matbaa ijodiy uyi bosmaxonasidachop etildi. 100129, Toshkent shahri, Navoiy ko‘chasi, 30.
www.ziyouz.com kutubxonasi