Xb’icheb’ aj Watemaal

TRADUCCIÓN 1 TRADUCCIÓN 2

¡Sa aach’ool Watemaal…! Ink’a’ ta tixmux

Li tkamsinq li xna’aj laamayej;

Ma jun ta aj mun li taawanq chi rahob’tesiik

Ma jun wa tatxtz’eq li neke’taqlank.

Wi wulaj wi kab’ej laaloq’laj na’aj

Jalan chik taa’ajoq nat’ok re,

Taawaalub’q chi b’oqok laaloq’laj lakam

Chi yo’laak malaj kamk toraj wi’.

(Xsumenkil)

Taawaalub’q chi b’oqok laaloq’laj lakam

Chi yo’laak malaj kamk toraj wi’;

Xb’aan naq eb’ laawalal aak’ajol te’xsik’

Xb’een wa kamk chi ru wank jo’ aj mun.

Chi ru laanajteril kaw chapleb’ ch’iich’

Katen chaq xb’aan xkawil laanim uq’

Li awleb’ ch’iich’ na’oksimank re li loq’laj

ch’och’

Ut li ch’iich’ nakolok li loq’al.

Jun kutan li ke’eechanink chaq aawe

Li k’ub’k’u chaq xb’aaneb’ ke’xb’aanu

Rik’in chaq li xch’ooleb’ ut xk’awilaleb’

Re xk’eeb’al raj aana’aj re aaraab’al.

(Xsumenkil)

Rik’in chaq li xch’ooleb’ ut xk’awilaleb’

Re xk’eeb’al raj aana’aj re aaraab’al,

Sa’ aak’ab’a’ xwan chaq li xkawilal xch’ooleb’

Ke’xk’a’uxla naq kolok ke’xb’aanu.

Watemaal sa aach´ool ut laaloq´laj na´aj

maajo´q´e tixmux laj rahob´tesinel;

maajun ta xaq chapb´ilaq re rahob´tesiik

chi moko eb´ li josq´ tate´xchuub´a.

Wi jo´q´e laachaab´il oxloq´il ch´och´

taraj xmaq´b´al jalanil tenamit,

wan sa´ iq´ laachaq´al ru q´uq´il t´ikr

chi kolok malaq chi kamk toxb´oq.

XKAWILAL XYAAB´

Wan sa´ iq´ laachq´al ru q´uq´il t´ikr

chi kolok malaq chi kamk toxb´oq.

chi xjunil laawalal kawkaw xch´ooleb´

junxil tkamq ut ink´a´ chapb´ilaq.

Chi ru laanajter kawil k´aamal ch´iich´

xaab´anu chaq chi ru laakawil uq´

li chaab´il ch´iich´ naka´anjelank li ch´och´

ut li ch´iich´ nakolok li xloq´al.

Li qanajter xe´toon ke´yalok chaq

chi anchaleb´ xch´ool chi xtawb´al aakolb´al

ut ke´xtaw chi maak´a´ junaq raxiik´

re xk´eb´al jun aana´aj re aarab´al.

XKAWILAL XYAAB´

Ut ke´xtaw chi maak´a´ junaq raxiik´

re xk´eb´al jun aana´aj re aarab´al.

Ut ke´oken chi xjunil chi anchaleb´ xch´ool

Ke´xb´aanu li xk´anjel re aarab´al.

Laalakam chan chan jun retel chi choxa

B’ar letzlo li xsaqal loq’laj choql,

Ra chalel sa’ xb’een li ani traj numtaak

Re xmuxb’al li xb’onol rilob’aal.

Laawalal aak’ajol jwal kaweb’ chaq xch’ool

Re xsik’b’al tuqtuukil usilal,

Ma joq’e te’eeleliq xb’aan yalok taachalq

Wi te’xkol xtzuul taq’a xjunkab’al.

(Xsumenkil)

Ma joq’e te’eeleliq xb’aan yalok taachalq

Wi te’xkol xtzuul taq’a xjunkab’al.

Li loq’al a’an xyi li xch’ool li xna’leb’

Reheb’ ajwi’ li xna’aj li xmayej.

An’o sa’ li xna’aj xnimalil ru tzuul

Sa’ xyiheb’ wiib’ xyaab’aal chi palaw,

Chaq’alil loq’laj q’uq’ nakatxhiltasi

Rub’el xxik’ nalemtz’un naraxo’.

Xik’aanel aj ralch’och’ nana’jink aawe

Kolb’a’ib’ re laaloq’laj na’aj;

Us ta xaq trupupiq toj taqe’q chi us

Tixq’axeb’ ru li k’uch ut li t’iw.

(Xsumenkil)

Us ta xaq trupupiq toj taqe’q chi us

Tixq’axeb’ ru li k’uch ut li t’iw,

Sa’ eb’ li xxik’ tixtaqsi sa’ xchamal choxa

Watemaal laak’ab’a’ junelik.

Chanchanat wi´ jun retel chi choxa

b´ar wi´ letzlo li xsaqal jun li choq

raxiik´ chaalel sa´ xb´een li ani xmaak xjosq´il.

Li xb´oneleb´ taraj xtz´ajninkil.

Xb´aan naq laawalal kaweb´ xch´ool,

xmetz´ew

li tuqtukilal nake´roxloq´i,

maajo´q´e te´reelelin li yalok

wi nake´xkol xch´och´ ut xjunkab´lal.

XKAWILAL XYAAB´

Maajo´q´e te´reelelin li yalok

wi nake´xkol xch´och´ ut xjunkab´lal.

Ka´aj wi´ aán li q´axal loq´ sa´ xch´ooleb´

Jo´ wi´ li xloq´al xna´aj xch´och´eleb.

An´o sa´ li xna´aj k´a´jo´ xnimal,

sa´ xyikeb´ li xyaab´al kiib´ chi palaw,

rub´el li xxik´ nalemtz´un jo´ q´anch´iich´

holokat sa´ xmu ch´ina´usil q´uq´.

K´iche´il xul wan sa´ laab´onb´il eetalil,

li q´anil ch´iich´ nakolok re laach´och´

usan wi najt xteram narupupik

q´axal najt wi´ chik chi ru li t´iw.

XKAWILAL XYAAB´

Usan wi najt xteram narupupik

q´axal najt wi´ chik chi ru li t´iw.

Ut sa´ eb´ li xxik´ tixtaqsi sa´ choxa,

Watemaal aak´ab´a´ junelik.