htawt shut n-mai sai lagaw lahkam ni- daw- (4)
TRANSCRIPT
-
7/30/2019 Htawt Shut N-mai Sai Lagaw Lahkam Ni- Daw- (4)
1/11
Htawt shut n-mai sai Lagaw lahkam ni
Daw- ( IV ).
KIO hte Myen ni a Simsa lam hpe n-dai May shata shawng na bat hkanMadu a Mungdan kata e shawng nnan lu hkrum zup na hpe Myen Dat Kasa ni myit
mada tawn da ma ai. Hpungdim dat bawng ban jahkrum ra ai lam ni hpe galaw lu
na matu Wungyi Awng Min wa hku nna KIO hpe saw shaga tawn ai lam chye lu ai.
KIO Shanglawt Asuya ni hku nna mung shanhte a
kata lam jahkrum ra ai lam ni, Maigan na shang lawm na Lapran Salang Observer
ni hte matut mahkai hkyen lajang ngut ai hpang bawng ban hpawng lu hpang sana
re lam Peace Center de shana wa ma ai. Bawng ban hpawng hpat wat ten hta 28-
4-2013 ya shani, Pangsai hte Munggu de Myen ni hte laja lana gasat taw ai lam na
lu ai.
N-dai lang bawng ban hpawng hta Miwa mung sha
n-ga, kaga Maigan Mugdan ni mung lawm nna shanhte a hkawm sa lam hte
Wungyi Awng Min a Maigan hkrun lam ni hkawm sa ngut jang bawng ban hpawng
hpe bai matut galaw sa wa na lam chye lu ai. N-dai laman hta Myen ni gaw- KIA
hpe TNLA Ta-awng(Balawng) hte Sam SSPP/SSA ni n-lu garum hkra gasat di taw
nga ma ai. Laiza de gasat ai lam hkring ai hte Ta-awng Balawng hte Sam ni hpe
gasat hpang sai.
Myen ni a Gap jahkring ai lam ni hpe atsawm bai
maram yu yang-shanhte galaw taw ai lam ni gaw- Simsa lam a matu n-re sha,
shanhte a Hpyen Masing jahkrat na matu sha re hpe mu mada lu nga ai. Dai
majaw Myen a Simsa lamSimsa lam nga nna n-sen shawu masu taw ai gaw-
Mungkan a man e madat pyaw hkra tsun jahpai ai lam sha rai nna- Ga hkum, Ga si
hte Masu sha taw ai lam sha rai nga ai. Ga shadawn tsun ga nga yang- Ne Winprat hta Pyitu PaingPyitu Paing nga ai gaw- Mung masha ni she Madu sha taw ai
zawn nga grai madat pyaw tim, kaja wa Madu sha mat wa ai gaw shanhte MSL ni
sha rai nga ai. Ga hkum, Ga si hte Maw Hkalawk sha mat wa ai lam rai nga ai. Ya
mung- Simsa lamSimsa lamda. Grai gaw madat pyaw nga ai. Raitim Lagat n-tsin
hte Kan Mase katut na hkrit ra nga ga ai. Hkrak sha nga yang- Myen ni gaw Simsa
-
7/30/2019 Htawt Shut N-mai Sai Lagaw Lahkam Ni- Daw- (4)
2/11
lam teng sha galaw mayu nna n-rai nga ai. Shanhte hpe Rawt malan hpung ni
jawm hpyin sha na hkrit ai majaw, Maga mi jahkring, Maga mi gasat re ai Ma
Akwoit sha rai nga malu ai. KNU ni mung dai hpe grai kam nna- Thuya Shweman
ni, ASSK ni hie Dungying pyi ka manawt nna, Mani Nying taw nga ma ai. Lani mi
bai Katut Naw na sha re.
Kabu hpa langai mi gaw- Shanglawt KIO/A hte Ta-
awng (Balawng) Hpyen hpung ni, Sam ni, ABSDF Myen Jawngma hpung ni,
Yakhaing Hpung ni, Kokang Hpung ni rau sha Myen Hpyen Gwi Chyit ni hpe jawm
gasat taw nga ai lam rai nga ai. Gap jahkring na matu gaw 1994-ning na myit
hkrum da ai hte maren hkan sa yang,kaga lak san Gap jahkring pyi n-ra ai lam
Shanglawt KIO/A Asuya ni tut tsun nga ding yang rai nga ai. Raitim-ya byin taw
nga ai lam ni gaw-
11-3- 2013 ya shani, Shweli e myit hkrum tawn da ai Statement (5) hpe
Myen ni n-hkan sa ai majaw bai gasat hkat wa ra ai lam rai nga ai. Shata mi jan sha
naw rai yang Myen ni Ga Sadi jahten sai. Hten tim hten ai hku sa, N-yawt tim n-
yawt ai hku sa na lam sha rai sai. N-yawt nna lam hkawm ai Chyahkan Kanu gaw
Lagaw yawng run ma na gade nna sai. Dai majaw Ngang kang ai gap jahkring ai
lam lu la na matu gaw- dai Gap jahkring ai hpang e Mung Masa lam hku nna
hparan jahkrum ya lu ai Observer ni nga ra nga ai. Dai lapran Mungdan Dat Kasa nimung byin nga ai Manghkang ni hpe atsawm sha- pu pu, le le chye tsun hparan ya
na ahkyak nga ai.
UNFC ni yawng shang lawm nna bawng ban ai
Dawdan Minutes ni mung ra na ga ai. Dai myit hkrum Dawdan ai Agenda ni ma
hkra mung Pahkam(Warrantee) nga ai, Ngang kang ai lam ni rai ra nga ai. Dai
majaw shawng lam de htawt sit na Lagaw Lahkam ni ma hkra gaw*Pang Long
Agreement- kata kaw sha rai ra na ga ai. Dai Lagaw lahkam ni n-shut n-shai na
matu mung - Hkrumzup Hpawng ( Conference) ni law law lang galaw ya ra na re
ngu mu mada lu nga ai.
Grau nna- Shanglawt KIO/A Asuya hte Myen asuya
ni chyu sha bawng ban ai hku n-re sha, UNFC hku nna Ningmu ni,Ra sharawng ai
lam ni, Byin shangun mayu ai lam ni hpe Second Pang Long hku nna Awng Min
-
7/30/2019 Htawt Shut N-mai Sai Lagaw Lahkam Ni- Daw- (4)
3/11
hpung ni hte Maigan Mungdan ni a man e tsun hparan Dawdan shagrin la ra na ga
ai. Dai gaw- Ngang kang ai Munghpawm Myen Mungdan gaw de la lu na N-pawt
n-hpang rai nga sai. Raitim, yak ai langai mi gaw- Myen ni Gap jahkring hte Simsa
lam bawng ban ai lam ni gaw UNFC ni hpe Hpyen man hpaw lu na matu Lagaw
lahkam jahtuk , sharai la ai lam sha rai nga ai. Dai hpe anhte ra ai maga de gara
hku dun gayin la na- ngu ai hpe myit ra na ga ai.
23-4-2013 ya shani Du Kaba Gen-Gunhtang Gam
Shawng gaw Mai Ja Yang kaw-
YaMyen ni hte lang hte lang hkrum shaga ai shaloi-maga mi hte
maga mi Ningmu n-bung hkat ai lam ni nga ai. Mung masa bawng ban ai lam de n-
du lu dingsa Majan gaw naw byin nga na sha re. Majan hkring mat ai n-re. Mung
masha ni hku nna gara hku sadi sahka hte nga ra na lam ni tsun sang lang dan
lai mat wa nna, Mung masha ni mung myit hkrum ai lam chye lu ai. Gasat let
bawng ban, Bawng ban let gasat. Dai gaw jaw dik, hkrak dik rai nga sai. KIO/A
Asuya ni hku nna, lam magup hpe Kanu Kawa rai nga ai Mung masha ni hte bawng
ban, jahkrum, hpaji la ai lam gaw- Padang Hkrun Lam a Ngang kang ai N-pawt
Foundation nan rai nga sai.
Hpa majaw i? nga yang.. Myen hpyen ni
gaw- shaning (60) ning jan Mungdan hpe up hkang lai mat wa ai hta Mungdan
gaw- Gabawng kachyawng, n-ru n-ra, ahtu agawng, n-hpru n-mai ai lam ni hkrai
hpring chyat lai wa sai. Dai gaw- Mung masha ni hpe shingdu dat ai akyu rai nga ai.
Dai majaw- Tinang hta Jan shawng kra, Numhkaw shawng kabye ai Sak kung Kanu
Kawa ni kaw na hpaji la, mahkrum madup la re ai lam ni gaw htawt sit n-shut lu ai
Lagaw lahkam ni byin tai wa lu nga ai. Hpa majaw i? nga yang shanhte gaw- kade
lang mung htawt shut, kataw shut yu sai ni rai nga ai.
Myen hte-lai wa sai hkrum zup hpawng ni,ya bai du na hkrum zup hpawng ni hpe bai maram yu ai shaloi- Mung masa bawng
ban ga ngu ai hta Gap jahkring ga nga ai maga de mahtang Joi Jang grau law ai
hpe mu mada lu ai. 1994-ning gap jahkring da ngut sai hpe hpa majaw- Gap
jahkring na lam hpe chyu N-gup she lawu hkra tsun taw a ta? Mahtai gaw-
-
7/30/2019 Htawt Shut N-mai Sai Lagaw Lahkam Ni- Daw- (4)
4/11
(1). Ya shanhte a hpyen dap ni sa tawn da ai shara kaw nna- shanhte
a Jarit Boundary masat la kau na-
(2). Simsa lam tsun masu nna Shanglawt Ginra hte ni htep dik ai kaw
du hkra shanhte a Myen Hpyen dap ni hpe shara la tawn da shangun na. Malumasha, Laknak ni jahting tawn da nna Gasat na Ready galaw tawn da shangun na.
(Dai hpe yu yang- Simsa na hta, Gasat na hpe grau hkyen lajang taw nga ai hpe mu
mada lu nga ai).
(3). Shanglawt ni bai n-htang Ninghkap gasat jang ,KIO/A ni Simsa
Lam ra ai ni n-re nga, Jahte tam Mungkan de bai Wau dan nna, Majan kaba bai
hpaw hpang na.
(4). Ta-awng (Balawng) ni, Sam ni hte Shanglawt ni matut mahkai n-lumat hkra gasat di kau na. KIO/A hpe gap jahkring ga, Simsa lam bawng ga nga
abawk masawp,aten garawt da nna, Sam hte Balawng ni hpe gasat shamyit na.
(5). Sam hte Balawng ngut jang UWSA hpe bai gasat na-
(6). UWSA ni hpe gasat ngut jang- KIO/A hte Mung Masa lam bawng
ban masu nna, UK mi dung dung, US, UN.. kadai mi dung dung, UNFC ni N-byin
mai ai Ahkaw Ahkang ni chyu hpyi taw nga ma ai nga- Peace Talk hpe jahten kau
na. (Sa dung madat lawm ai Maigan ni pyi Manya shatai hkrum na. Hpa majaw i?
nga yang Mungdan langai mi a Dinghku lam hpe kaga Mungdan ni shang je bat n-
mai ai majaw rai nga ai). N-byin mai ai ahkaw ahkang ngu ai gaw Shanglawt KIA
hte UNFC ni hpe State Defence jaw na lam rai nga ai. American zawn re
Democracy Mungdan kaba ni pyi Hpyen Dap langai sha nga ai..nga nna tsun taw
nga ai re. Dai majaw nahte Jinghpaw ni, UNFC ni Laknak hte Simsa lam galai nna,
Madu Up hkang Mungdaw la mu- nga chyalu re. Anhte Madu Up Hkang Mungdaw
jaw taw sai lu. La na n-la na gaw nanhte a myit sha re nga na. U hpe yu nna, U
Yawm wa taw ai Myen ni gaw- Anhte Jinghpaw hte UNFC ni hpe Laknak ap/ Madu
up hkang Mungdaw jaw masu/ Shi ning,Shi Manga ning rai jang- Moi na Sama
Duwa Sinwa Naw ni, Zanhta Sin ni hpe zawn Mungdaw Rung Npan kaw na bai
Garawt jahkrat/ Shanhte Myen ni bai up. Chye taw chyalu rai nga ai.
-
7/30/2019 Htawt Shut N-mai Sai Lagaw Lahkam Ni- Daw- (4)
5/11
Teng sha nga yang-Mungdan langai hta-
Hpyen Dap langai sha nga ra ai nga tsun ai wa gaw, Ginjaw kaw na jum tek up
hkang ai Communist (shn) Hitler a Nazi up hkang lam (shn) Japan ni a Fascist
Hpyen up hkang lam galaw mayu ai Ga n-sen sha rai nga ai. Jet ai Democracy
Mungdan langai mi gaw, Munghpawm Hpyen Dap United Army, Navy Hka Dap, Air
Force ni rai ra nga ai. Ginjaw a- Federal Ahkaw Ahkang lu ai Madu Up Hkang
Mungdaw langai mi gaw- State Governor ni Direct up hkang ai State Defense Force
SDF (shn) State Guard (shn) State Militias- Unit ni rai ra nga ai. ( State Defense
Force- Wikipedia, the free encyclopedia en.wikipedia.org)
State Defense Forces(SDF) (Also known as State Guards,
State Military Reserves(or) State Militias) in The United States are Military Units
that operate under the sole Authority of a State Government. They are patiallyregulated by The National Guard Bureau. But they are not a Part.
Soviet Russia, Miwa Communist, Britian,
American hte kaga Mungdan shagu mung Hpyen Dap langai sha nga ai hpe tsun lu,
mu mada lu tim, dai Hpyen Dap ni a Gawda ai Hkrang hte, galaw lu ai Ahkaw
Ahkang ni gaw- Comunist hte Democracy Mungdan ni n-bung nga ai. Anhte W-P
Sha ni hpyi taw nga ai gaw- Communist, Fascist, Nazi Hkrang n-re. Raitim Myen ni
gaw- Hpyen Dap langai sha nga ra ai. Ngai tsun ai(Ka/Lung- Kakoiye ne LungchungYe) kaw na tsun ai sha madat ra ai nga jang, Dai gaw- Democracy mungdan langai
mi a Munghpawm Hpyen Dap gara hku mung n-mai byin sai. Shanhte chyu
up,shanhte chyu Roi sha n-na, kaga ngam nga ai Mungchying sha ni hpe Mayam
shatai mayu ai Maw Lanyet rai nga ai. Anhte W-P Sha ni Mayam tai na kun?
Magamtai na kun?...sung sung li li myit yu nna, Tawkhprut daw dan la ra na
Ahkyak dik ai Ten Ladaw nan rai nga saga ai. N-dai lang bai Lagaw lahkam htawt
shut nna Gashawt, kataw mat jang gaw- Myen Mung hta hkum gazik, Jinghpaw
Mung kaw pyi Jinghpaw Lagaw hkang tam mu sana n-re . Dai hpe myit dum let, N-dai lang Bawng ban yu nna Kajim Kajam nga jang gaw, Agying bai Anut shakri hkat
ra na masa hpe mu mada lu ai. Dai majaw- Bai hkrum jahta na Hpungdim Agenda
hta-
Myen ni sha lawm ai Bama Tatmadaw..ngu
-
7/30/2019 Htawt Shut N-mai Sai Lagaw Lahkam Ni- Daw- (4)
6/11
Na kun? Mungchying sha ni yawng shang lawm ai Pyihtawng Zu Tatmadaw ..ngu
na kun? Union Military (or) State Defence hpaw na ahkang n-jaw lu ai nga jang
gaw- Myen hte bai matut Sat hkat ra na sha rai sai. Myen ni mung- UNFC ni Mung
masa lam jahta jang State guard hpyi nan hpyi wa na mara ai nga ai hpe chye
tawn da chyalu re majaw-
April -26/2013 ya shani kaw nna pyi
Myitkyina de MiG-29 Jet Fighter (8) wa sa tawn da masai. Shanhte tsun ai hku
hkan yang hkan, n-hkan yang mu ai n-rai?...nga nna Nying jahkrit dan ai lachyum
rai nga ai. Shawng nnan- Bawng ban hpawng hte Shanglawt hpe aten garawt da
nna- Ta-awng, Sam hte UWSA ni hpe gasat na. Dai hpang- Ya Show Room e madun
tawn da ai Fighter Jabyak ni hte Shanglawt hpe Nga Chyaw si ni hte gap sharu
bun na. Ngut jang - Shanglawt hte ni dik ai kaw shara jahkrat da shagun sai Myendap ni hpe masha n-gun hte kade si yang si, htim gasat shangun n-na Shanglawt
KIO/A hpe Gasat shakre kau na. N-dai lam ni gaw Myen ni a Katsu Bawnu hte myit
saku taw nga ai Yupmang ni rai nga malu ai. Raitim..
Fihter N-bungli ngu ai gaw.Pa layang kaw she bungli
byin tim, Nam Mali kaba jang, hpa akyu n-rawng mat nga ai. Shara mi kaw hpawng
de nna n-rai jang, Uhpung hte Htim gasat ai lam n-galaw jang, shanhte N-bungli
Bawm kade tsa lu sharu bun na ma ta? Myitkyina de pyi n-dai Fighter ni hpe garigawa, ashun ashan, salat hte grit rai she n-gawt lung wa nga ma dawng. Hpa
majaw nga yang- Fighter Jet langai mi majoi pyen gawai chyai na sha pyi jarik
jahka n-loi nga ai. Dai majaw Practice n-nga ai Majan pa de rawt sa wa na ngu ai
gaw tinang a si n-hkun, tinang htu ai hte bung nga ai. Langai,lahkawng gap Amya
kau dat ya jang- N-mai dingchyung nna hprawng na ni rai nga ai. Fighter hte lung
wa ai ngu nau yu kaba, yu kahpra na lam nnga ai. Air Port kaw na gawt lung na
pyi- Tire malawk hkrat na she n-tsang taw nga ma dawng. N-bungli Gap Sinat
Kaba ni shagreng da,Lagaw Tingse ni dum gangat let hkap tau hkalum la ga. Simayu ai ni hpe gaw nau n-mai matsan dum ai. Thats right?
Jinghpaw mung hte Sam mung Dingdung KIA
gasat poi ni de- Lawu Myen mung de na sa tawn ai Myen hpyen n-gun gaw Myen
hpyen dap n-gun yawng a htam (3) kaw na htam (2) tup re lam na chye lu ai.
-
7/30/2019 Htawt Shut N-mai Sai Lagaw Lahkam Ni- Daw- (4)
7/11
Malawng maga gaw Lawu Myen mung de na rai nna, hpyen gasat mahkrum
madup nau nnga ai ni law malawng re lam hte asak n-hpring ai Ma hpyen la grai
law ai lam na chye lu ai. Mandalay Nanduing Hpyen dap e mung Jinghpaw Mung,
Sam mung de Majan rawt mat ma ai majaw Myen Hpyen la ni gase mat masai lam
chye lu ai. (May-2,2013 Mtks)-
N-dai shiga hpe na dat ai hte pyi- Anhte a KIO/A
Myutsaw Share Shagan ni dang taw chyalu rai sai ngu ai hpe chye na lu nga ai.
Hpa majaw nga yang- dai Nyep baw baw re Myen Hpyen Ma Hkalung ni hpe
Lahpaw hte sha hkan shachyut gap tim pyi ,Sinat kabai jahkrat nna N-mai she
dingchyung hprawng dumbre mat wa na ni rai nga ma ai. Dai Hpyen Ma hkalung
ni gaw- Hpyen Gasat kung nna n-rai. Shat sha na n-lu,Bungli n-kam galaw nna
Hpyen la sa la masu ai ni rai nga ma ai.
Myen Gwi chyit asuya ni mung- prat hte prat Myen
Mungdan hpe up hkang lai mat wa ai hta, Mare kaba (Kata de na) Mung masha ni
hte Laknak hpai ai (Shinggan de na) Rawt malan Hpung ni matut mahkai, sahpaw
hkrum mat na hpe hkrit dik rai nga ma ai. Dai majaw mung- Gap jahkring ga, Simsa
ga nga- hkalem taw nga ai re. Hpyen asuya a Sat,Nat, Zing ri, gashun gashe ai
Namchyim hpe rai n-chye ai Lawu Myen mung(Letpadaung) de na Myen (mung
masha) ni gaw- Shanhte a Dum Nta ni hpe Hpyen asuya ni Buldozar hte sa ganawagrawp zing la kau ya jang she- Uhku Myiwak zawn Myi- tu kajawng mat manu ai.
Dai hta n-ga, shanhte galaw sha taw nga ai Hkau hting, hkau na Eka (7800) jan hpe
Miwa Wa hkyi Company ni hpe Magri htu na matu dut sha kau ya manu ai.
Magri htu ai majaw- Hka shi, Hka nawng ni mung yawng hkyeng chyang
ma,Nbung ni mung n-san seng mat ai majaw Mare masha ni machyi makaw rai Si
ru jawng wa, dai hta n-ga, Hpungkyi ni hpe du hkra Wan Bawm kabai bun nna Sat,
Nat ai hkrum jang she- Anhte Jinghpaw ni hpe Myen hpyen ni Roi rip, Dip sha ai
Tsin- yam ni hpe myit tau chye wa manu ai. Dai majaw mung-
Jinghpaw mung e laja lana byin nga ai Hpyen Majan ni
hpe jahkring kau lu na matu- Simsa lam ra sharawng ai Myen (mung masha) ni
gaw- 2013 ning January shata (20) ya jahpawt hkying (7:00) hta Yangon kaw nna
Jinghpaw mung Laiza mare de du hkra, Deng (700) jan tsan ai Hkrun Lam hpe
-
7/30/2019 Htawt Shut N-mai Sai Lagaw Lahkam Ni- Daw- (4)
8/11
hkawm lung lai wa masai re. Laika ka ai wa gaw-Tinang a W-P myu sha ni hpe Asak
hte maren tsawra, Manu shadan ai wa re. Raitim Myu sha ni a matu Deng (10)
hkum tsun, Deng (3) pyi rai n-hkawm ga yu nngai. Rai yang N-dai Myen ( Mung
masha) ni hpa majaw n-dai ram shakut shaja nna, Lagaw kade machyi tim-
Sumpan ahkyen nna Layawt labye shakut shaja nna Laiza de n-du du hkra hkawm
shakut lung wa ma ta?
Lai wa sai shaning ni hta-Myen Sa wa hpyen ni anhte W-P myu
sha ni hpe Myu shamyit Genocide galaw wa ai majaw-Laika ka ai wa a myit hta
Myen ni hpe Maroi nni, Masin n-si dik la ai re. Myen ngu ai ganang mu mu, Sat
nan Sat kau ra ai ngu- myit n-gut dik ai re. Masu na, hkalem na,Roi rip na ngu ai
gaw.. Satan a bungli re. Dai bungli hpe Myen Hpyen Gwi si n-dai ni galaw nga ma
ai. K-K mung Satan hpe mara raw ya u, hkum sa hkra- gaw n-nga na re. HkristuHpyen ni rawt mu..Gumlau Hpyen htim mu..she nga n-hten? Dai majaw-
Myen- yawng hkra anhte a Hpyen re. Mu ai kaw sat
ra ai. Hkyam sa n-mai jaw aingu hkam la lai wa yu ni ai. Raitim..N-dai zawn tsan
la ai Lawu ga de na Anhte a Shanglawt Mungdan Laiza de du hkra- Lagaw lam hku
hkawm shakut lung wa ai Myen ( Mung masha) ni gaw- anhte a Tsin yam hpe- Pu
gang Sin machyi ai ni she rai nga ma hka!.. ngu- chye na wa ai. Shanhte a tsawra
myit hpe mu mada lu nna, Kabu chyeju dum let Myiprwi ni pyi lwi hkrat hkam shani ai. Teng sha nga yang -Anhte a Hpyen Madung gaw Fascist Myen Hpyen asuya
hte shi hpe Wan nawn garum ya taw nga ai Miwa (Wa hkyi) ni she re hpe garan
ginghka chye na lu mat ni ai. Dai majaw Myen hpyen asuya a Dip rip, dang sha
hkrum taw nga ai Myen (Mung masha) ni hpe mung Anhte Matsan dum, N-gun
zinlum, Lakawn la ra na rai nga ga ai.
1912-ning October (31) ya Myitkyina mare Gawk
Nu kaw International Thayrawada Dakkasu Lithkam Hpa-awn Professor
Dampaduta Sayadaw Ashin Sekkingda kaw n-na Jinghpaw Hpyen yen Tsin yam ni a
matu Lap sen- 1000 (Hkying mi) garum ai lam na chye lu ai. Ja gumhpraw law ai n-
law ai ngu ai hta Myen (Hpyen asuya n-re ai ni) a Anhte W-P Jinghpaw ni a n-tsa e
tawn da ai Tsawra myit hpe mu mada lu nga ai. Dai hta n-ga- 2012- ning June shata
(13) ya Jahpawt hkying (9) hta e mung-Tsin yam hkrum ai Yakhaing Hpu nau ni hpe
-
7/30/2019 Htawt Shut N-mai Sai Lagaw Lahkam Ni- Daw- (4)
9/11
Myen mung Bawlung Ginjaw Hpa-awn U Zaw Zaw & Group ni kaw nna Lap Sen-
5009 (Hkying manga jan) hpe sa garum lai wa sai lam chye lu ai. N-dai lam ni gaw
Myen yawng hkra anhte Mungchying sha ni a Hpyen n-re, ngu ai hpe madun dan
ai lam ni rai nga ai. Raitim- Myen Hpyen asuya ni garum ai hpe gaw Chyingnam
Tum mi ram pyi n-mai hkap la na ga ai. Myen (Mung masha) ni anhte Jinghpaw ni
hpe tsawra myit madun ai Uhpung Uhpawng law law nga ai hta na-Yangon kaw na
Simsa Lam hkawm hpung ni hpe-
Anhte hpe Myen hpyen asuya ni laja lana gasat taw ai
kaw na jahkring kau lu na matu n-dai zawn tsawra myit lung wa madun ai majaw
grai kabu chyeju dum ga ai ngu nna, MalumTsa Hku ni woi lu, shada kabu
shakram hkat , Sumla ni dem, Htawngka ni woi ka rai nna sha, bai n-htang shabai
kau hkrup saga ai kun?
Hkrak nga yang Dai Simsa Lam hkawm hpung kaw
lawm ai Hpungkyi ni hte Mung masha ni gaw- Myen raitim, Hpungkyi ni hpe Wan
Bawm hte kabai bun nna Sat, Nat ai Hpyen asuya ni hpe grai myit machyi,Maroi
nni ai ni rai ma ai. Dai n-pawt n-hpang gaw shanhte hpe Yangon kaw nna Laiza du
hkra Lagaw Lam hkawm lung wa na Atsam jaw ya ai hpe mu mada lu ai. Shanhte a
Yaw shada ai lam ni hta- (1). Jinghpaw mung de Laja Lana byin nga ai majan ni
hpe shazim lu na matu- (2). Shanhte a tsawra myit hpe madun nna Myen hteJinghpaw a lapran na N-ngwi pyaw hkat ai Myit Ningma Hkang ni hpe shapri
shamat kau lu na matu- (3). Jinghpaw ni zawn shanhte Myen ( Mung masha) ni
mung Hpyen asuya a dip lu dip sha, Roi rip hkrum nga ai lam, Dai majaw- Myen
Hpyen asuya a Hpyen Gyep din n-pu na woi shalawt la lu na KIO/A Asuya hpe Kanu
Kawa kam kam, myit mada tsawra hkungga let du lung wa ai ni rai nga ma ai.
Raitim..,
N-dai simsa Lam Hkawm Hpung hta Myen Hpyen Kin-yu
ni mung lawm na re. Chye garan ginhka na gaw anhte a lit rai nga ai. Dai Spy ni hku
nna- hkan masem yu yang, Mung masa lam kaga jahta ai mi n-mu hkrup, Hpyen
asuya hpe mung kadai n-shatan,Rau jawm lu jawm sha, Sumla jawm gayet rai-
mani jahta let, Yangon de angawi apyaw hte sha bai n-htang Uhwi hkrat mat wa
masai da nga ai shiga hpe Naypyidaw kaw na ni na ai shaloi, Mungkan hta pyaw
-
7/30/2019 Htawt Shut N-mai Sai Lagaw Lahkam Ni- Daw- (4)
10/11
dik, kabu dik htum gaw- kadai rai na shadu ga ta? Bawkrin Theing sein hte Katsing
si na Min Awng Hlaing sha rai nga ai. Shanhte hkrit dik gaw- Sharaw nre. Numla n-
re. Shanhte hkrit tsang dik gaw-(Shing gan na) Rawt Malan Hpung ni the(Kata
na)Mung Masha ni gahkyin zinlum mat nna-shanhte hpe N-gun kaba hte bai Je
Hpre Rawt Malan wa na hpe Nuclear Bawm hta pyi grau hkrit nga ma ai. Raitim ya
gaw-Lam Hkawm Hpung hte Laiza de na KIO/A ni,Mung Masha ni -Myen Hpyen
asuya hpe Rau jawm gumhpawn nna Rawt Malan na shiga ni-Na mayu tim pyi
kadai n-ka ap,kadai n-gazik, Myit su su ma ai wanga nna shakawn taw na masai.
Dai majaw- Simsa Lam Hkawm Hpung ni, Lam kade hkawm hkawm, Lagaw
shatsu, Gyep din jahpa sha re hpe Myen Hpyen ni chye mat masai. Shanhte tsang
ai gaw KIO/A Shanglawt ni hte Lawu Myen Mung na Mung shawa ni Sahpaw
hkrum mat nna Myen mung ting gasu kabrawng wa sana kun? nga nna- Lahputgari taw, Salat gali taw nga ma ai re. Raitim ya gaw grai tak kaba tawn da ai
wa.. Majoi Yup n-hkru, Sha n-mu she rai mat saga ai nga- Myit Malai lu taw na
masai. Teng sha nga yang,
By-
Bum Chyangau.
( Daw -5- de bai matut hti ga)-
-
7/30/2019 Htawt Shut N-mai Sai Lagaw Lahkam Ni- Daw- (4)
11/11