＜唔關我事＞ 第一稿 

日期：２０１６年１月１１日  

編劇： 倪凯樂 導演： 英文瀚老師、陳靖軒 

                       Main characters: 1.林浩軒(主角) 年齡：17 背景：因偷野被踢校，先同翔熟,得知翔以往事,後被人得知曾偷野，之後被龍利用，最後冇親手殺死翔，但目擊佢死 性格：普通，似有啲唔了解世事,怕得罪人 

1 

 

 2.吳建龍(欺凌帶頭人) 年齡：17 背景：因某事開始欺凌誠，令誠最後轉校，之後因為知道翔幫過阿誠而開始欺凌佢，最後錯手殺翔 性格：粗魯，惡，貪玩，不顧後果，衝動  3.林凱祥(被欺凌者) 年齡：終年17 背景：中三同誠好friend，之後因為阿誠求救而告發老師，之後老師辦事不力而導致阿誠轉校,之後開始被欺凌，認識軒,最後被龍殺 性格：忍耐，自責，自負，冷靜  4.曾少仁(曾sir) 年齡：55 背景：教中三時曾經被翔告知班上發生欺凌，結果沒有認真處理，只有口頭警告而導致事情惡化，後教中五再次發生欺凌,非常睇好翔,少時曾經被欺凌 性格：hea，沒能力,有陰影  5.阿閃(跟班1) 年齡：17 背景：中三時跟龍,阻止龍打誠,卻以精神折磨誠(唱衰),捉到軒曾偷野把柄,設計利用軒叫翔出去玩佢 性格：陰險，聰明(負面)，玩心計  6.糖少(跟班2) 年齡：17 背景：中三有份欺凌阿誠,欺凌翔程度少於龍及閃 性格：被動，懶，遲鈍  7.monkey(跟班3) 年齡：17 背景：因在班上知名道不低，也帶動大家有微少的討厭誠,後有份參與欺凌翔 性格：口才了得，花生友，號召力強   8.阿誠(中三被欺凌) 年齡：17 背景：中三與翔friend,後得罪龍而被欺凌,曾向翔求救,最後承受唔到轉校,冇再同翔聯絡,在法院出現,也在網上鬧軒 性格：記仇,憎恨  9.林俊佳(主角老豆) 年齡：53 背景：工作關係而令軒轉校，曾經同軒講：「啊仔，做返你自己就得喇，唔哂理人地，做好自己本份就得 啦。」唔想生事，最後軒衰左 性格：平凡，唔想有事  每幕出現人物 

2 

 

 Act 0 ­ Prologue 三名被罰生站在台一邊罰企，等待老師來。超ＨＥＡ  職員無所事事玩手機，校長簽緊文件  曾： 你地三個又同人打架……好心你地啦，都中五啦………成熟少少啦………唔好喺我退休前

搞咁多野啦……唉……(3人明顯不耐煩) 閃： (手插袋，寸嘴)曾ＳＩＲ，唔關我事架？我地被人打咋。好心你啦，咪唔好理我地囉！ 曾： 我成日同你地講。。。 糖： (打啊欠)，曾sir……好累啊……俾我返課室先啦……  校長入。三名學生即驚，唔敢出聲。 校： 做咩呀？件衫爛哂既？ 龍： 冇野呀。 校： 你地三個，常客黎喎。 三人： 。。。 校： 放學黎見我。 三人： 下？  校長入房。  跟： 咁走得未呀曾ＳＩＲ。放學又要見校長。 曾： 唉…………怕左你地，返去啦  一對父子入。3人走，閃撞到軒父 閃： 呿！ 父： 對……對唔住……  3人走，父見到曾  父： 唔好意思，請問轉校生要去邊登記？ 職員： 下？這裡便可。你拿返申論表出來。交比我啦。 父： 唔該哂。  校長走出來  校： 你係ＸＸ軒？ 軒： 哦。係呀。 校： 入來。 校： 坐呀。係呢。你係直資學校轉來喎……咩原因呢………？ 軒： 因為........發生過一啲事。 校： 咩事？ 軒： 偷野。 校： 唔。 父： 其實呢，佢其實。。。 校： 拿。你自己偷野，就要自己承擔。唔好下下要老豆幫你講說話。 

3 

 

軒： 哦。我之前偷野。俾之前間學校趕出來。 校： 咁你會唔會再犯？ 軒： （拎頭） 校： 拿，另外。我地學校既學生比較活躍Ｄ。餈器唔洗撼缸瓦既，唔洗同佢地嘈既。知唔知？ 軒： 哦。 校： 咁你下星一返來就上去5F班房啦。 軒： 哦  父子離開校長室。 （同時後面已換景中）  父： 阿軒，你要記住！唔好惹事生非，做好自己就得喇。 軒： 哦。 父： 總之記住，唔關你事既野就盡量唔好搞唔好理，拿拿林讀埋LEE兩年，考埋個DSE。 軒： 得喇。   (父搖一搖頭，嘆左一啖氣，走)    ­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­   Act 1  課室  老師未入，有啲學生瞓覺,有啲吹緊水,有啲玩緊手機,有啲無所事事,亦有啲係度整人。 睇得出班房好亂,有一種劣資學校感覺 曾sir同軒入,啲學生各自議論紛紛  曾： 你寫自己個名上去啦。 閃： WOW!(大叫無謂聲音) 曾： 好啦!大家靜啲啦!今日我地來左位.....  龍入。  龍:  (打斷突入)哇!咩事咁熱鬧啊? 曾: 你又遲到！你執番靚你件杉先啦! 龍: 得啦。曾少奶老師。（走回自己座位）（全班笑） 曾: 邊個教你咁冇禮貌 ? 龍: 咪你囉(全班笑) 曾: 算啦,返埋位坐。今日我地來左位新轉校生，介紹下自己啦。  軒: （深呼吸）大家好,我叫林浩軒。 同學： 點解轉過黎既？我地ＢＡＮＤ３架喎。 軒： ＥＲ。轉來呢度嘅原因係因為喺上一間學校偷......(欲言又止)因為屋企人搬屋關係.唔。係

呀。 4 

 

 曾: 咁我地歡迎佢黎啦。  眾人起哄。  曾: 好喇,大家靜啲喇.(眾人.停止)咁你就坐喺......... 龍: 曾sir,我隔離有個空位啊! 曾: 好啦，咁你就坐喺吳建龍隔離啦  軒行到過去坐底  龍: 喂。 軒: 我? 龍: 係啊,我係阿龍,我係全班最乖既！（跟班偷笑） 閃: Hi,我係阿閃。 糖: 叫我阿糖。 龍： 叫佢軟糖啦！佢軟架！（偷笑） Mon: ＹＯ！我係ＭＯＮＫＥＹ！ 軒: 叫我阿軒得喇。 龍： 出面個個叫奶ＳＩＲ。佢好似係曾，曾少奶～佢廢架。 龍: 你後面個個係呀閉，佢姓自既。叫自閉。 軒： 哦。 祥： 。。。  (鐘聲響)　燈轉。     ­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­  Act 2 SCENE 1 (課室)(放學前一堂) 曾sir喺黑板寫緊野,大部份同學都冇睇佢,自己做自己野,有啲瞓覺,有啲玩手機,得翔同軒寫緊筆記,認真聽書 龍: 哈....哈嘖! 用紙巾抹完鼻扔向祥。 閃: 伸個懶腰先.......(突然掃翔抬上啲野)......唉啊,快啲放學啦......(冇悔意) (曾sir突然轉身拍枱) 曾: 嗱,呢啲考試重點........唉....好心你地學下林凱翔啦，你地下年就公開試喇，你咁出去

會墊人底架咋。睇下佢,就係呢種態度先拿。。。 跟： 全級第一嘛。你講左一萬次喇，好煩呀！  (全班異口同聲「唉」左一下)  龍: 奶sir，你學下我呀媽啦！佢係女人！(全班笑) 龍： 你快啲講完放我地走啦。 曾： 你抄埋Ｄ筆記先好去唱Ｋ！ 龍: 哇～講呢啲..... 

5 

 

曾: 嗱,依家派份功課俾你地,做完聽日上堂對.(派功課)   (各同學傳紙,紙傳到龍手上) 龍: 哈........哈...哈嘖!!!(龍用張功課抹鼻,之後望向翔) 龍: 唔好意思啊,將你張功課當在紙巾 ,嘻嘻!　(龍抹完鼻扔左個紙球俾翔)曾sir!唔夠紙啊!」 曾: 嗯(尋找有冇).......我手頭上冇多一份,一係咁,我依家返教員室影多張,你地自己睇住先.(走)」  (全班即吵) (龍佢地開始整翔,糖企喺門口睇水) (佢地倒翔書包,玩佢頭髮等) (大約一至分半鐘) 糖: 喂......奶媽返黎喇！  (龍等人即刻做返位自己野,翔就執番啲野入書包) (曾入) 曾: 哪,林凱祥,呢張你嘅.. (打鐘) 曾: 各位同學,記住完成佢,今日係咁多.(曾執野走)  (其他學生大部份走,留低龍,跟班,翔,軒,一至兩個正常學生) 龍: 喂,記得做功課呀。如果唔係考唔到全級第一....(一野將隻手狂掃佢個頭)」 祥： 。。。（不作聲，繼續執野） 龍： （拿起佢筆袋）monkey,接住!(扔) Mon: YO! (接)Hey,閃!(扔)」 翔: 唔好啊....個筆袋係...... (祥一直想拿返,但佢地四人不斷扔來扔去) (About 30s) (最後扔到軒手上)  龍: 喂,阿邊個,扔過來啦! 翔: 唔......唔好啊...  軒: 吓..........(望一望龍,再望翔,又望手上嘅筆袋) 龍: 快啲啦! 軒: (俾返翔) 龍: 唓,成個道德超人,都唔好玩嘅,喂,去唱K!(龍等人走) 翔: 唔該..... 軒: 你冇咩事啊嘛? 翔: 冇......... 軒: 係呢,我叫林浩軒,你呢? 翔: 我...我叫林凱祥 軒: 你考全級第一架? 咪好勁? 祥: 哈.一般啦. 軒: 點解佢地成日恰你既? 祥: 下. 軒: (發現問錯問題) 呀,都係冇野喇. 肚唔肚餓呀.不如去食下午茶。 

6 

 

祥： 哦。好呀。 軒： 行囉。      ­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­­   Act3 課後 軒、祥二人在CANTEEN做功課（剪報），HEA，飲野吹水  軒： 哈哈，個次真係抵佢死。 祥： 哈。  一會。  祥： 上次，多謝你。 軒： 邊次？ 祥： 兩個月前。 軒： 講人話唔該。 祥： 三個月前，你第一日入來學校讀，當時龍恰我，將我個橙色筆袋ＤＵＭ落地下踩，你幫我

執左，比返我。 軒： 哇，好小事咋喎。我完全唔記得左。係呢，其實點解佢地成日蝦你？ 祥： 。。。 軒： 哦，你唔想講，由得佢啦。  軒執拾東西，欲離開，突然。  祥： 你覺得，睇人犯罪，算唔算犯罪？ 軒： 咩話？ 祥： 都係冇野喇。 軒： 唔係好知你講咩喎。  祥： 這單新聞（拿起手上報紙）ＸＸＸＸ講一個新聞。 

你自己有能力，可以出手阻止，但最後冇咁做，受害者被害，個個人有冇罪？  軒： 哇，好難講喎。（坐下）唔可以話完全冇罪，但又唔可以所有責任比哂佢。  畫面同時出現三年前課室的景況。  祥： 當時我有個好朋友，叫阿誠，我同佢小學一齊升上來。 誠： 喂！一陣食LUNCH食咩好? 祥： 是旦。 誠： 你不如唔好答。 祥： 。。。 

7 

 

誠： 諗去食咩真係宇宙十大難題，我地落去土瓜灣又勁耐，叫外賣又唔好食。 祥： 日本野。 誠： 咩話？ 祥： 日本野。 誠： 生冷野會肚痛。 祥： 韓國野。 誠： 熱氣會生飛滋同爆瘡。 祥： 自助餐。 誠： 低能架你。 祥： 雲貴。 誠： 食左一千碗了。  龍做一Ｄ衰野。 老師突然望過去。  龍： 呀ＳＩＲ，陳偉誠佢搞屎棍呀！ 老： 你講咩呀！收聲！ 龍： ＳＯＲＬＩ　ＳＯＲＬＩ　ＳＩＲ！ 老： 陳偉誠，企起身。ＸＸＸＸＸ。  陳站著，未能回答老師問題。  龍： 老師，我答。 老： 好 龍： ＸＸＸ 老： 唔。 龍： 老師，陳偉誠上堂又唔専心，訓到Ｄ野都跌哂落地下。比我就唔忍喇。你唔係唔罰佢呀嘛。  龍帶動大家起哄。  老： 收聲！收聲！我睇唔到！ 龍： 哇！！！！好唔公平呀老師！我上次訓覺你就罰我冇得食LUNCH。而家佢訓覺又答唔到老

師問題，佢又唔洗罰既。老師！我心靈好受傷害呀。唉ＹＡ！！！  成班偷笑。  誠： 。。。 老： 陳啟誠，你頭先答唔到我問題，即係你冇聽書啦！我罰你今日留堂冇得出去食ＬＵＮＣ

Ｈ！ 誠： 喂！搞錯呀！咁你擺明屈我者。痴線！低能架你！ 老： 你講咩話？我原本都冇諗住罰你！你咁冇禮貌！ 龍： 哇！公然挑戰老師！比我就唔忍喇老師。係咪應該記缺點先？ 老： 老師做野唔洗你教！陳偉誠，你今日同成個禮拜既LUNCH都去教員室門口罰企。  打鐘。  老師： 落堂！ 

8 

 

 老師氣衝衝地離開。 龍和跟班得意洋洋地離開。  龍： 日本野？ 閃： 生冷野會肚痛。 龍： 韓國野？ ＭＯＮ：熱氣會生飛滋同爆瘡。 龍： 自助餐？ 全： （對誠）低能架你！！！！哈哈哈  龍及跟班離開。 誠和祥一起執野。 畫面一轉，又令一次。 龍倒哂誠書包Ｄ野出來。  誠： 喂！！！ 龍： 哦！你死喇（拿起ＸＸＸ） 誠： 比返我呀！  龍走出走廊大叫！  校長發現佢地帶煙回來, 帶左佢走.  最後久而久之，成班都唔LIKE佢。    祥： 之後，佢讀埋個個學期就走左去第二間學校了。 佢BLOCK哂所有人，包括我。 可能佢覺得我同其他人都一齊玩佢掛。 其實我冇玩佢。我好後悔   ‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐    ACT ４ 祥不在。  壞人三人組故意做比軒睇。  龍： （跟自己跟班說）喂！你做咩偷我野呀！下？我告發你架。睇下你會唔會被人踢出校呀拿？ 跟： 我冇呀！我冇呀！（找袋）咦？我部IPHONE呢？去左邊呀？係咪呀軒你偷左呀？ 軒： （呆）下？ 龍： 深水埗祟潔中學男生見財起貪念，斷送前程。 

9 

 

跟： 唉ＹＡ，不Ｄ名校生咁差架！？我要收埋哂所有既野喇！費時比人偷呀。 龍： 不原來你係賊黎架？ 軒： 。。。 龍： 喂！問你野呀！賊仔軒！ 軒： 我。。。你點知架？ 跟： ＬＥＥ個世界有樣野叫ＦＡＣＥＢＯＯＫ同埋高登架嘛。名校副校長搞女學生單野人地都

係用左四個鐘頭就起到底啦。 軒： 。。。  龍： 你上次幫自閉仔執筆袋。你唔係諗住偷佢Ｄ野呀嘛。 軒： 梗係唔係！ 龍： 咁就好喇！我地一班同學黎架嘛。係咪？老師都有話啦。一班同學，係一個大家庭！ 跟： 爸爸～媽媽～ 軒： 。。。 龍： 拿！下個星期中秋節，我地成班FRIEND諗住一齊去燒野食。咁多人Ｄ好玩Ｄ。你都黎玩

啦！ 軒： 下？ 龍： 你覺得我會玩你？ 軒： 唔係。 龍： 唔係就得喇。下星期，約定你喇。 軒： 哦。 龍： 你叫埋自閉仔黎啦。 軒： 下？ 龍： 一齊玩嘛。唔好咩？ 軒： 下？佢未必來架喎。 龍： （跟自己跟班說）喂！你做咩偷我野呀！下？我告發你架。 軒： 唉，好喇好喇。  ‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐  ACT 5 祥在做功課，軒出現。  軒： （自言自語）玩下者，只係去一齊玩者。冇野既。多一事不如小一事。你唔搞人，人地唔

會搞你。（向祥）喂，搞緊咩呀？ 祥： 做功課。 軒： 喂，下星期中秋節，不如出去玩啦。 祥： 哦。 軒： 燒野食好冇呀？ 祥： 有邊個？ 軒： 我Ｄ　ＦＲＩＥＮＤ囉！ 祥： 哦，都係唔好了。  龍望到。咳了兩聲。  軒： 去啦！難得中秋節。唔係唔去玩呀嘛？ 祥： 但係下星期有測驗。 

10 

 

軒： 咁呀。。。 跟： 好驚呀好驚呀。 軒： 總之會好好玩架！你咪咁自閉啦！（發現）SORRY。 祥： 咁。。。我去啦。  龍跟ＨＩＮ做手勢指下星期幾係邊到等。  軒： 咁星期五六點鐘，黃大仙地鐵站等啦。 祥： 哦。  ‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐ ACT 6 燒烤場另一邊。  跟： 龍爺，佢地黎喇喎。  明顯地，祥不想來。祥望住軒。  軒： 我都唔知架。可能佢地想同我地做朋友呢（亂UP） 龍入。 龍： 喂！黎左喇！一齊食野啦。 跟比野佢地食。 軒接過食物，比另一碟祥。  軒： 都話冇野架啦。 祥： 。。。 龍： 喂！不如一齊玩閃避球啦！ 跟： 好呀好呀！  故意玩弄祥！  之後輸左，要罰佢，如辣個燒熱左既棉花糖。 要諗幾款。 其中要有踩爛佢眼鏡。 之後祥，唔係好睇到。 推撞間祥被推落地。 軒唔敢出聲。 大家推跌祥。 扮搵佢唔到，對佢拳打腳踢。  中途有人在遠處叫： 喂！個邊係咪有人打人呀？ 龍： 唔係呀！玩下咋！（指祥）係咪呀。 跟： 係呀～  龍及跟班繼續打。 軒想出手  

11 

 

跟： 喂喂喂！停！佢塊面紫哂既？ 龍： 唔係呀嘛！？咁大獲！？喂！你冇野呀嘛。  祥郁了兩郁。  龍： 佢郁架！即係冇野啦！（叫跟班）喂！快閃喇！中秋節快樂呀下！？  軒望著祥，呆了。  軒： 祥？ 祥沒動。 軒走近，驚嚇，即報警。  警號聲。    ‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐‐ ACT 7 法： （Ｖ。Ｏ）首被告ＸＸＸ於Ｘ月Ｘ日謀殺十七歲男子ＸＸ祥，本席宣判罪名成立，將會等

候被告心理報告後判刑，現環壓監房，不得保釋。次被告ＸＸＸ及ＸＸＸ於Ｘ月Ｘ日謀殺十七歲男子ＸＸ祥，本席宣判罪名成立，將會等候被告心理報告後判刑。 

 三被告ＸＸ軒由於證據不足，本席宣判罪名成立，當庭釋放。 

 軒獨自走出來，在台中間。  記者： 法官表示童黨行為野蠻且凶殘，難以相像在一極其發達既公民社會裡會發生既

事。 心理學家： 其實現今青少年缺乏大人的愛護，因而引發到今次悲劇。我建議政府可以撥多些資源

去協助這些家庭，關懷佢地既需要。 東張西望： 最近全城關注的童黨謀殺案，教育局長表示十分關注，希望死者既家人能夠盡早走出

陰霾，重過新生活。另外，今次其中一個熱烈討論既話題就係三被告是否有罪，無論點都好，希望今次事件盡快平息。 

教育局長： 拿。我地政府係十分關注今次的事。我地已立即撥備所有三百期關愛基金去學校以及社工團體加強對學生的教導。 

 所有人離開。沒有人看到主角。  祥父： （走出）你係ＸＸ軒，祥仔有同我提及過你。放心，冇野既。我知你冇份。多謝你平

時多多照顧祥仔。（離開）  父： 最緊要，乜都唔好理。你唔搞人，人地唔會搞你。  祥： 阿軒。（死）  軒： 對。。。對不起。（哭崩） 

12 

 

  音樂漸大。突然消失。   全劇完。  

13