isebe lezolimo, amahlathi kunye nokuloba · pdf fileeminye imikhumbi engaphantsi kweemitha...

ISEBE LEZOLIMO, AMAHLATHI KUNYE NOKULOBA

ULAWULO LWAMASEBE OKULOBA

UMGAQO-NKQUBO OSAYILWAYO WOKUNIKEZELWA KWAMALUNGELO OKULOBA

ITYHUNA: 2013

LO MGAQO-NKQUBO OSAYILWAYO KUFUNEKA UFUNDWE KUNYE NOMGAQO-NKQUBO JIKELELE WOKUNIKEZELWA KWAMALUNGELO OKULOBA: 2013

(Ufumaneka kule dilesi www.daff.gov.za)

This document is also available in Afrikaans, isiXhosa and isiZulu

Hierdie document is ook in Afrikaans, isiXhosa en isiZulu beskikbaar

Lencwadi iyafumaneka nangolwimi lwesiBhulu, lwesiXhosa nolwesiZulu

Lencwadi iyatholakala nangolwimi lwesiBhulu, lwesiXhosa nolwesiZulu

Draft Revised Tuna Pole and Line Policy: 2013 2

ISIQULATHO

1. Intshayelelo ____________________________________________________ 4

2. IBhayoloji kunye neentshukumo zobuncwane baselwandle (obuyityhuna) 4

3. Ibalana elifutshane ngoshishino lokuloba ___________________________ 6 4. Ilungelo lokuloba lexesha elide _________________________________ 6

5. Iinjongo zecandelo eziqulethe konke _______________________________ 6 6. Umbono wecandelo lokuloba ityhuna ________________________________ 7

7. Ixesha lamalungelo _____________________________________________ 8

8. Abalobi abatsha abangena kushishino ______________________________ 8

9. Iinqobo zokuhlalutya ____________________________________________ 8

9.1 Iinqobo zokukhetha _________________________________________ 8 (a) Uxwebhu lokufaka isicelo ______________________________________ 9 (b) Ukuthobela umthetho _________________________________________ 9 (c) Iphepha lobungakanani lobuncwane baselwandle ___________________ 9 (d) Ukufikelela kumkhumbi ofanelekileyo _____________________________ 9 (e) Ukungasetyenziswa __ _______________________________________9

9.2 Iinqobo zokulinganisa ______________________________________ 10 (a) Iinguqu ___________________________________________________ 10 (b) Utyalomali kushishino lokuloba _________________________________ 11 (c) Intsebenzo yokuloba _________________________________________ 11 (d) Ukuthembela kwityhuna ______________________________________ 12 (e) Uphuhliso lwamashishini oluza nexabiso _________________________ 12 (f) Uphuhliso loqoqosho lwasekhaya _______________________________ 16 (g) Imisebenzi _________________________________________________ 13 (h) Ukungahlawulwa kwemirhumo neerhafu zokuloba __________________ 13

(i) Ukuthobela umthetho __________14

9.3 Ukunikezelwa ngeenzame ___________________________________ 18

10. Imikhumbi efanelekileyo ________________________________________ 19

11. Ukubandakanya amacandelo amaninzi __________________________ 19

12. Imirhumo yezicelo kunye neerhafu ______________________________ 20

13. Amanyathelo olawulo _________________________________________ 20

13.1 Indlela yolawulo lokuloba ethathela ingqalelo okusingqongileyo ___ 20

13.2 Ukuhlanganiswa kwabathathi-nxaxheba _______________________ 21

13.3 Imikhumbi kunye neenzame zokuloba ________________________ 21

13.4 Uxhamlo wedwa ___________________________________________ 22


14. Ukulinganiswa kwentsebenzo __________________________________ 22

15. Iinkqubo zabakhimkhanyo ____________________________________ 22

16. Iimeko zemvume ____________________________________________ 23


1. Intshayelelo Lo mgaqo-nkqubo wokunikezelwa kwamalungelo okuloba kushishino lwetyhuna ukhutshwa

nguMphathiswa wezoLimo, amaHlathi nokuLoba (uMphathiswa). Lo mgaqo-nkqubo kufuneka

ufundwe kunye noMgaqo-nkqubo Jikelele wokuNikezelwa kwamaLungelo okuLoba: 2013

(“Umgaqo-nkqubo Jikelele wokuLoba”).

Injongo yalo mgaqo-nkqubo kukucacisa izizathu ezizakusetyenziswa xa kunikezelwa

amalungelo okuloba ituna. Kwezi zizathu, ezininzi azikhontsha. Bezisetyenzisiwe liSebe

leMicimbi yokusiNgqongileyo kunye noKhenketho: iSebe loLawulo lwezaseLwandle

noNxweme xa kunikezelwa amalungelo okuloba kushishino lokuloba ityhuna kwixesha

elidlulileyo. Lo mgaqo-nkqubo uzibhale phantsi ezi zizathu, kodwa uquka neenguqu kunye

namanqaku ongeziweyo.

UMphathiswa uzimisele ukugqithisela amalungelo ecandelo 18 okunikezela amalungelo

etyhuna ngokwemiqathango yecandelo lama-79 loMthetho weMithombo ePhilayo

yaseLwandle ka-1998 (MLRA) kwigosa eliphezulu leSebe lezoLimo, amaHlathi kunye

nokuLoba (ukususela ngoku kubizwa ngokuthi “iSebe”). Lo mgaqo-nkqubo uza kukhokela

igunyabantu labathunywa xa lithatha izigqibo ngezicelo kwisebe lokuloba.

2. IBhayoloji kunye neentshukumo zobuncwane baselwandle (ityhuna)

I-albacore esakhulayo (8-12kg) yeyona kujoliswe kuyo xa kulotywa ityhuna. Kwiminyaka

yakutshanje izixhobo zokuloba ezisetyenziswayo xa kulotywa ityhuna ziye zaguquguquka

ukuquka iintonga neentanjana zokuloba ezijolise ekulobeni ityhuna eyi-yellowfin kufutshane

nakwincam yeKapa (Cape Point). Ukohlukahlukana kwenzeka ukuze kuzuzwe ii-yellowfin

ethe yanda kakhulu kweminye iminyaka, ukwanda kwayo kwathi kwancedisa ukongeza

ingeniso efunyenwe kwi-albacore. I-albacore ithanda amanzi apholileyo kwaye ifumaneka

ikakhulu kunxweme olusentshona lwaseMzantsi Afrika. Ngokuchasene noku, i-yellowfin

ithanda amanzi afudumeleyo kwaye ifumaneka ikakhulu kunxweme olusemazantsi


nakwimpuma yoMzantsi Afrika. Zombini ezi ntlobo zetyhuna zifumaneka kwiindawo

ngeendawo kuninzi lwamazibuko amakhulu. Zisekwa zintlanzi ezithandayo ukuya kwiilwandle

zamanye amazwe, kwaye zilotywa zizizwe ezininzi ezohlukileyo. Isiphumo soko kukuba ezi

ntlanzi zilawulwa kwihlabathi lonke yiMibutho yoLawulo lokuLoba yeeNgingqi. Le mibutho

ngamaqumrhu ahlanganisa oorhulumente abanoxanduva lokulawula ubukho bobuncwane

baselwandle, kuquka ukuhlola ubukho bobuncwane, amazwe anikezela ngelungelo lokuloba

nobungakanani, kunye nokwamkela amanyathelo olondolozo nolawulo. Umbutho

onoxanduva lokulawula ityhuna nezinye iintlanzi ezibutyhuna kulwandle lwe-Atlantiki

yiKomishoni yaMazwe ngaMazwe yoLondolozo lweTyhuna yolwandle lwe-Atlantiki, (ICCAT)

kunye nogxa wayo kulwandle lwase-Indiya ebizwa ngokuthi yiKomishoni yoLwandle lwase-

Indiya yeTyhuna. UMzantsi Afrika lilungu elinexesha elide kule Komishoni yaMazwe

ngaMazwe yoLondolozo lweTyhuna yolwandle lwe-Atlantiki, i-ICCAT kwaye ngoku

usendleleni yokungena kwiKomoshoni yeTyhuna yoLwandle lwase-Indiya (IOTC). I-albacore

elotywa ngabezoshishino lokuloba kucingelwa ukuba yinxalenye ye-albacore ekhoyo

kumazantsi e-Atlantiki, elawulwa yiKomishoni yaMazwe ngaMazwe yoLondolozo lweTyhuna

yolwandle lwe-Atlantiki ize iyellowfin ebanjisiweyo kucingelwe ukuba iphuma kuleyo ikhoyo

kulwandle lwase-Indiya. Le yokugqibela yingcinga ethathwa njengenyaniso

engekaqinisekiswa nesaphandwayo liSebe ngokunje.

Amaqanda e-albacore yasentshona Atlantiki kunye nokuhamba kwayo isiya kwamanye

amazwe kulandela isangqa sasemazantsi e-Atlantiki. Ngeenyanga zasehlotyeni (eyeDwarha

ukuya kuCanzibe) esakhulayo kunye namantshontsho obu buncwane baselwandle enza

izikolo ezidada phezulwana ezihamba zisiya emantla onxweme lwaseMzantsi Afrika. Ifuthe

lamanye amazwe lokuloba kunye neemeko zokusingqongileyo ezifana nokufumaneka

kokutya, imisinga yaselwandle kunye nemozulu kucingelwa ukuba zidlala indima enkulu

ekumiseleni ubuninzi bezikolo nokuhamba kwazo kumanzi onxweme lwaseMzantsi Afrika.

Iyellowfin, ngokuchaseneyo, ibeka amaqanda ayo kumanzi afudumeleyo adibanisa

awolwandle lwe-Atlantiki nolwase-Indiya. Kukho ingcinga ethathwa njengenyaniso

engekaqinisekiswa yokuba iyellowfin ekhule ngokupheleleyo nenkulu ekulwandle lwase-


Indiya isebenzisa umsinga waseMozambique nowe-Aghulhas ukuhamba isiya kufuna ukutya

kwimimandla ekufutshane nencam yeKapa (Cape Point). Njenge-albacore, ubuninzi

bobuncwane baselwandle kumanzi aseMzantsi Afrika kuyohluka kwaye kucingelwa ukuba

kuphenjelelwa ziimeko zokusingqongileyo kunye noxinzelelo lokuloba phakathi elwandle

nakumanzi onxweme lwamazwe aseMpuma Afrika.

Ngenxa yeemeko zokuloba ngamaxesha onyaka athile, ukuloba ityhuna ngoku kunikezelwe

ukuze kongezwe nezinye iintlobo, kuquka usnoek (ngokungemlinganiselo) iyellowtail

(iingxowa ezili-10 ngomntu ngamnye ngohambo ngalunye lokungena elwandle usiya kuloba)

iskwidi (ngokungenamlinganiselo) idorado (ngokungenamlinganiselo) kunye ne-angel fish

(ngokungenamlinganiselo) ngexesha lokunikezelwa kwamalungelo exesha elide lokuloba

ngowama-2005.

3. Ibalana elifutshane ngoshishino lokuloba

Ukuloba ityhuna kwasekwa ngonyaka we-1979 ngenxa yohambo lweyellow fin isiya

kwamanye amazwe, okwakhokelela ekubeni kubanjiswe iitoni ezingama-5 000 kuloo nyaka.

Xa iyellow fin ingazange ibonakale kunyaka olandelayo abezoshishino lokuloba baqala

ukuloba i-albacore. Abezoshishino lokuloba basebenzisa izixhobo zokubambisa ezijolise

ukubambisa uninzi lwe-albacore esencinane kulwandle lwe-Atlantiki elikumazantsi-mpuma,

ikakhulu ukuze ithunyelwe kumazwe angaphandle apho ithi inkonxwe. Iiyellowfin kutshanje

iye yalixhoba ngokwandileyo lokulotywa ngeentonga neentanjana zokuloba. Iyellowfin

ubukhulu becala ithunyelwa kumazwe angaphandle kwiimarike zetyhuna esandul’ ukulotywa,

ize imiyinge enemida ithengiselwe iimarike zasekhaya. Ezinye iintlobo zetyhuna

ezibanjisiweyo ziquka ibigeye neskipjack, kodwa ezintlobo zenza ipesenti nje enye kuphela

yetyhuna ebanjiswa ngonyaka.

Ukubanjwa kwe-albacore eMzantsi Afrika kuhlile kule minyaka ingamashumi amabini

agqithileyo, ukususela malunga neetoni ezingama-8 000 ngonyaka kwiminyaka ye-1990


ukuya kuma-3 000 eetoni ngonyaka kutshanje. Esinye sezizathu ezingundoqo zoku kuhla

zenzeka mhla iNamibia yafumana inkululeko saze isiphumo soko yaba kukufikelela komnye

wemimandla engundoqo yokuloba, ebizwa ngokuthi yiTripp Seamount, kwaye lo mmandla

wawungasafikeleleki kwimikhumbi yaseMzantsi Afirka ukuze ilobe kuwo. Ukususwa kwalo

mmanda wokuloba kwanciphisa amaqithi-qithi kwimikhumbi ukuba ikhangele i-albacore

kunxweme olusentshona eMzantsi Afrika. Ukunyuka kwamaxabiso nako kwabangela

ukuncitshiswa kokuloba kwimimandla ekufutshane namazibuko aseHoutbay naseKapa

ekufumaneka kuwo ityhuna. Kwiminyaka elishumi egqithileyo inani elikhulayo lamashishini

okuloba liye laxuba ushishino lwawo ngokuthi lujolise kwiyellowfin kwakunye nokuxhasa

ingeniso efunyenwe ekubanjisweni kwe-albacore okucuthekileyo. Isiphumo soku,

ukubanjiswa kweyellowfin kunyukile kwaye kuhla kusenyuka phakathi kweetoni ezingama-

500 ukuya kwi-1 000 leetoni ngonyaka.

Zombini iikomishoni, iKomishoni yeTyhuna yoLwandle lwase-Indiya (IOTC) neKomishoni

yaMazwe ngaMazwe yoLondolozo lweTyhuna yolwandle lwe-Atlantiki (ICCAT) zivakalise

inkxalabo malunga nokufumaneka kwe-albacore kunye yellowfin kulwandle lwe-Atlantic

nolwe-India ngokulandelana kwawo. Iingxelo zokuhlola ukufumaneka zakutshanje okwenziwe

yi-ICCAT, kuhlolwa ukufumaneka kwe-albacore yasemazantsi e-atlantiki zibonakalisa ukuba

umthombo uyaxhatshazwa kwaye kubonakala nokuloba okugqithisileyo. Ukuze kwandiswe

ukufumaneka kwe-albacore kumazantsi e-atlantiki i-ICCAT iye yacutha uBungakanani

bokuLoba obuPheleleyo, kwaye ngokwenza njalo kunikezelwa umthamo we-10 000 eetoni

kuMzantsi Afrika neNamibia ukuze zizilawule. Nangona kukho ukuhla ekulotyweni kwe-

albacore, uMzantsi Afrika usemi kwindawo yesibini yokuba ngoyena mvelisi we-albacore

kulwandle oluseMazantsi e-Atlantiki. Amanye amazwe abalulekileyo okuloba i-albacore

kulwandle oluseMazantsi e-Atlantiki yiTaiwan, Namibia, Brazil, kunye Japan. Ngoku,

uMzantsi Afrika awunamda wokuloba kuphela ityhuna iyellowfin kulwandle lwe-Atlantiki

okanye kolwase-Indiya.

Ekuhambeni kweminyaka, kwabakho iintlobo ezimbini zemikhumbi ezathi zavela kolu


shishino, imikhumbi ephakathi kwe10-28 yeemitha ubude kwaye ixabisa izigidi ezimbini

ukuya kwezili-15 zeerandi. Uhlobo lokuqala yimikhumbi emikhulu engaphezulu kwemitha

ezingama-20 ethwele izikhenkcezisi zayo, ekwaziyo ukuhlala elwandle iintsuku ezingama-30

enabasebenzi abangama-20 okanye ngaphezulu. Uhlobo lwesibini yimikhumbi emincinane

ekwaziyo ukuchitha iiintsuku ezi-3 ukuya kwezili-10 elwandle kwaye ithatha abasebenzi

abangaphantsi kwama-20. Imikhumbi emininzi esetyenziswayo ngoku midala, iqikelelwa

kwiminyaka engama-30. Ngoko ke, umgaqo-nkqubo wokwaba kufuneka ubonelele

ngeemeko zotyalomali lokuthenga umkhumbi kwaye kuthathelwe ingqalelo ukuba olu

shishino lufuna inkunzi ebonakalayo kwaye kukho nemfuneko yokubagcina abasebenzi

abanamava. Eminye imikhumbi engaphantsi kweemitha ezili-10 ubude yavunyelwa kolu

shishino kuba yayinamava okuloba ityhuna kwixesha lokwabelwa elifutshane. Kodwa ke, le

mikhumbi ayibonwa njengekufaneleyo ukuloba olu hlobo lwentlanzi ngenxa yemigama emide

efumaneka kuyo ukusuka elunxwemeni, ukhuseleko kunye nokungabikho kakhulu kwetyhuna

nokudala imisebenzi okubangelwa yile mikhumbi.

4. Ixesha lokwabelwa nokunikezelwa kwamalungelo ixesha elide

Ngowama-2005 iSebe labela abezoshishino amalungelo okuloba ityhuna ali-191, livumela

imikhumbi engama-198 kunye nabasebenzi abangaphezulu kwama-2 600 ukuba bajolise

ekulobeni ityhuna besebenzisa indlela yokuloba ngeentonga. Kumalungelo anikezelwayo,

ama-54,06% anikezelwa kwabantsundu okanye kumashishini abantsundu okanye alawulwa

ngabantsundu. Xa kujongwa izabelo zabasetyhini, ngama-29,19 amalungelo anikezelwa

kwabasetyhini okanye kumashishini abasetyhini nalawulwa ngabasetyhini. Amalungelo

exesha elide anikezelwa kuphela kumashishini asemthethweni, oko kukuthi amalungelo kweli

candelo zange anikezelwe ebantwini koko kumashishini. Eli candelo liqhutywa ngamashishini

angachazwa njengamashishini amancinane, aphakathi namancinane kakhulu. Inani lawo

elikhulu elinamalungelo lenza kakubi kakhulu ngeli xesha, aze amanye awo awazifaka izicelo

zemvume yokuloba iminyaka eliqela. Ngaphezulu, iSebe liyazi ukuba inani elithile

lamalungelo liye lagqithiselwa kweli candelo ngokusemthethweni okanye ngokungekho


mthethweni. Ukuzimisa phambi kwabanini abangabona baxhamlayo nako ngumba

oxhalabisayo kwiSebe.

5. Iinjongo zecandelo eziqulethe konke

Iinjongo zokunikezela amalungelo okuloba kushishino lokuloba ityhuna zezi zilandelayo:

� Kukuxhasa iinguqu ezinentsingiselo zoshishino lokuloba ngokunciphisa

‘umkhwa wokuzimisa phambi kwabona banini abangabona baxhamlayo

kushishino’ kunye ‘nabaphethe iphepha elichaza ubungakanani

bobuncwane baselwandle abanokubuloba’;

� Kukuxhasa ukuphila koshishino ngendlela ehlanganisa amacandelo

amaninzi;

� Kukuphucula umgangatho wemisebenzi ngokuxhasa inqqesho esisigxina

kunye nokunikezelwa kobuncinane obungama-70% zamalungelo

amashishini amancinane aphakathi namancinane kakhulu;

� Kukubonelela ngokusingqongileyo ukukhuthaza utyalomali kwimikhumbi

emitsha;

� Kukubonelela ngokufikelela ekulotyweni kwetyhuna luluntu olushishina

ngokuloba kancinane;

� Kukuphucula umthamo wokulotywa kwetyhuna eMzantsi Afrika;

� Kukuqinisekisa ukuzinza kokusingqongileyo kushishino lokuloba;

� Kukuxhasa uphuhliso lolutsha;

� Kukuphucula ukuzibandakanya kweRFMO;

� Kukwandisa ukulotywa kwetyhuna kwimimandla engeyiyo leyo iqhelekileyo

yokuyiloba eMpuma Koloni, eMntla Koloni naKwaZulu-Natal.


6. Umbono wecandelo lokuloba ityhuna

ISebe linombono wokunikezela amalungelo okuloba ubuninzi kwimikhumbi engama-200

kushishino lwetyhuna. Amalungelo aza kunikezelwa kumashishini asemthethweni aseMzantsi

Afrika avela kwiindawo ezingqonge unxweme lwaseMzantsi Afrika, kugxininiswe ikakhulu

eNtshona Koloni. Abasele benawo amalungelo okuloba abasileleyo ekuwasebenziseni

kakuhle okanye abathe bawagqithisela amalungelo abo ngexesha lamalungelo okuloba

ixesha elide abasayi kuvunyelwa ukuba banikezelwe amalungelo amatsha. Kuza kucingelwa

abatsha ingakumbi abaphuma kuluntu oluloba kancinane kunye nabaphuma kwimimandla

engaqhelekanga yokuloba ityhuna. Abafake izicelo baza kuvunyelwa ukuba bafake isicelo

esikhatshwa ngumkhumbi omnye okanye emininzi kuxhomekeke kwindlela yokufikelela

kunye notyalomali kwimikhumbi. Bonke abafake izicelo abaphumeleleyo nabaninizabelo kuza

kufuneka bahlangane neSebe ukuze bonke abaninizabelo baqinisekiswe phambi kokuba

kunikezelwe amalungelo okuloba. Oku kucingelwa njengenyathelo elibalulekileyo ukunqanda

umkhwa wokuzimisa phambi kwabanini abangabona baxhamlayo kushishino nokuxhasa

iinguqu ezinentsingiselo kweli candelo. Olona hlobo lwentlanzi ekujoliswe kulo luza kuba yi-

albacore kunye neyellowfin, kodwa icandelo liza kuvunyelwa ukuba lijolise kwibigeye,

skipjack nebonito. Ezinye iintlobo ekungajoliswanga kuzo ziquka usnoek, igreater amberjack,

five fingers, angel fish, isikwidi saselwandle kunye neyellowtail (iingxowa ezili-10 ngomntu

ngamnye ngohambo ngalunye lokungena elwandle usiya kuloba , kodwa akukho mda xa

uloba esizikithini solwandle). Ukufikelela kwibluefin esemazantsi kungavunyelwa ukuba

uMzantsi Afrika ungavuma uLondolozo lweTyhuna yohlobo lweBluefin efumaneka emaZantsi

uze ufumane isabelo esikhulu selizwe. Ziinjongo zeSebe ukuvumela imikhumbi eloba ityhuna

ukuba ifikelele kule ntlanzi iyilobe njengentlanzi yokubambisa ezinye. Ngaphezulu, ziinjongo

zeSebe ukuxhasa ukuzibandakanya kwamacandelo amaninzi kula macandelo alandelayo

nasebenzisanayo: ihake longline, isikwidi, unamvuna (kwamanye amazwe) ihake longline

neswordfish longline. Le ndlela yamacandelo amaninzi iza kusetyenziswa kwabafake izicelo

zamalungelo okuloba kweli candelo, kunye nokuhlola izicelo iSebe kufuneka licingele

ummandla ahlala kuwo lowo ufake isicelo, kunye nokubakho komthombo wobuncwane


baselwandle lowo kumacandelo asebenzisanayo. Ukuthatha le ndlela iSebe linganikezela

ngamalungelo ambalwa ngokupheleleyo ukuze liqinisekise ukuba wonke onelungelo ufikelela

ngokunentsingiselo kwimithombo ukuze kuxhaswe uphuhliso nokudala imisebenzi. Eli

candelo alizi kuthathwa njengelifanelekileyo ukunikezela amalungelo okuloba kwabo

basebenzisa izikhitshana belobela ukuzonwabisa.

7. Ixesha lamalungelo

Kukuthathela ingqalelo oku –

� Utyalomali lwexesha elide kulowo unomkhumbi omtsha nelungelo

lokuloba,

Amalungelo aza kunikezelwa isithuba seminyaka eli-15 (01 kweyoMdumba (Februwari)

ukuya kumhla wama-31 kweyoMqungu (Januwari) 2029). ISebe liza kubahlola rhoqo abo

banamalungelo lisebenzisa iinqobo zokusebenza ezixeliweyo. (Jonga umhlathi 14 ngezantsi)

8. Abatsha abafaka isicelo samalungelo

Abaninzi abanamalungelo kweli candelo abasebenzi kakuhle, kwaye kukho ithuba

lokubongeza abanokuthatha inxaxheba abatsha, ingakumbi xa kucingelwa uluntu olushishina

kancinane kunye nabafake izicelo abangathanda ukuzama ukuloba ityhuna ngaphandle

kwemida eqhelekileyo kunxweme olusentshona lwaseMzantsi Afrika. Ngaphezu koko,

umgangatho weenguqu kwicandelo lokuloba usezantsi xa uthelekiswa namanye amacandelo

kwaye umkhwa wokuzimisa phambi kwabona banini abangabona baxhamlayo kushishino

ukhangeleka ingumngeni. Ngoko ke, kucingelwa ukuba kuza kunikezelwa amalungelo

okuloba kwiqela labatsha abafake izicelo kolu shishino.

9. Iinqobo zokuhlalutya

Izicelo ziza kuphicothwa ngokweseti “yeenqobo zokukhetha” Abafake izicelo abatsha kunye


nabo sele banamalungelo baza kuhlolwa ngokweseti yeenqobo zokuthelekisa nokulinganisa

ezinikwe ubunzima. Amanqaku ekungadlulwayo kuwo okanye isikhundla siza kumiselwa

ukuze kukhethwe abafake izicelo abaphumeleleyo. Inxalenye yeTAE iza kunikezelwa kofake

isicelo ophumeleleyo ngamnye ngokwemiqathango yeseti yeenqobo zokulinganisa.

9.1 Iinqobo zokukhetha

Ngaphandle kweenqobo ezichazwe kuMgaqo-nkqubo Jikelele ngokuphathelele

kwindlela yokufakwa kwezicelo kunye neziphene kwizixhobo, iSebe liza kuzibekela

ecaleni izicelo ezisileleyo ukuphumeza ezi mfuneko zilandelayo:

(a) Uxwebhu lokufaka isicelo: Izicelo eziza kuthathelwa ingqalelo

zezamashishini aseMzantsi Afrika kuphela ezibhaliswe ngokwemiqathango

yoMthetho weNkampani eNcinane enamaLungu angaphantsi kwama-20,

uMthetho Nombolo 61 we-1973 (oko kukuthi iinkampani, iinkampani

ezinamalungu angamaphantsi kwama-20, PTY (Ltd) kunye

namafelandawonye). Abantu (oko kukuthi (umntu yedwa okanye oyedwa

kusishishini lakhe) akayi kwabelwa amalungelo.

(b) Ukuthobela umthetho: Abafaka izicelo, kuquka amalungu abo, abalawuli

okanye abaninizabelo abalawulayo, abafunyenwe benetyala lokophula

umthetho weMLRA (ngaphandle kokukhetha ukuhlawula isohlwayo) baya

kubekelwa ecaleni. Abafake izicelo kuquka amalungu abo, abalawuli okanye

abaninizabelo abalawulayo abakhe banamalungelo okuloba arhoxisiweyo

okanye ahluthwa ngokwemiqathango yeMLRA baya kubekelwa ecaleni.

Ukongeza koku, abo banamalungelo abathe basilela ukubonelela ngokwazisa

amalunga nokutshintsha kobunini nabo baya kubekelwa ecaleni.

Abanamalungelo nabasilela rhoqo ukufaka ingxelo zokuloba okanye banike

ingxelo engeyonyaniso malunga nokuloba nabo baya kubekelwa ecaleni.


Ukungathotyelwa komthetho weMLRA okungephi kuza kuchaphazela

ngokungalunganga ukuhlolwa kwezicelo njengokuba kubhaliwe ngezantsi:

(c) Abaphethe amaphepha achaza ubungakanani bobuncwane baselwandle

abanokubuloba, njengokuba kuchaziwe kuMgaqo-nkqubo Jikelele, bazya

kubekelwa ecaleni. abaphethe amaphepha achaza ubungakanani bobuncwane

baselwandle abanokubuloba.

(d) Ukufikelela kumkhumbi ofanelekileyo: Abafake izicelo kuza kufuneka

babonise ilungelo lokufikelela kumkhumbi ofanelekileyo (funda umhlathi we-10

ngezantsi).

(e) Ukungasetyenziswa: Abanamalungelo okuloba ixesha elide abasileleyo

ukuwasebenzisa kakuhle ukuloba kushishino lwetyhuna phakathi kweminyaka

yama-2007 -2012 abasayi kuphinda bawafumane amalungelo okuloba ityhuna.

(f) Ukwazi ukunika ingxelo: Ngenxa yoxanduva uMzantsi Afrika ekufuneka

uluthwale ngokwemiqathango yokubandakanyeka kwayo kuMbutho woLawulo

lokuLoba kwiNgingqi kusisinyanzelo ukuba bonke abafake izicelo babonise

ukuba bayakwazi ukufikelela kwii-imeyili zabo ngokusisigxina. Le yiyo kuphela

indlela esebenza kakuhle yokufumana iinkcukacha nolwazi kwabo

banamalungelo, ekufuneka iqokelelwe ize ifakwe kuMbutho woLawulo

lokuLoba kwiNgingqi rhoqo.

9.2 Iinqobo zokulinganisa

Nangona ezi nqobo zilandelayo ziza kusebenza ngokubanzi kwabo bafake izicelo

zelungelo kunye nabatsha abafake izicelo, ukulinganiswa okuza kusetyenziswa

kwicandelo ngalinye kuza kohluka. Ezi nqobo zibhalwe ngezantsi kufuneka zifundwe

neenqobo ezihambelana nazo kuMgaqo-nkqubo Jikelele ukuze kufunyanwe

iinkcukacha ezithe vetshe. Oku kusebenza ingakumbi kwinqobo “zenguqu”.


(a) Iinguqu

Kwinkqubo yokufaka izicelo zexesha elide ama-54,06% abanamalungelo

okuloba yayingabantsundu ize ama-29,19% ibe ngamashishini abasetyhini.

Yinjongo yeSebe ukunikezela amalungelo aza kuthi aphucule iinguqu ezikhoyo

ngoku kweli candelo.

Ngenxa yoko, abafake izicelo baza kuhlolwa banikwe namanqaku kujongwe–

� Iipesenti zabantsundu nabasetyhini abangabanini nabamelweyo kweyona

mivuzo iphakamileyo, kwibhodi yabalawuli kunye namagosa aphezulu

kumanqanaba olawulo;

� Ingaba abaqeshwa (ngaphandle kwabo bahlawulwa imivuzo ephezulu)

bayaxhamla kwiinkqubo yezabelo zabasebenzi;

� Ukuthengwa kweenkonzo kwabo babesaya kuba ngabavinjwe amathuba ;

� Ukuthobela uMthetho wokuLingana ngokweNgqesho, uMthetho Nombolo

55 we-1998 kunye nokumelwa kwabantsundu nabasetyhini kumanqanaba

okuqeshwa asezantsi kwamagosa aphezulu kunye nabalawuli. ISebe

lingaqwalasela nomahluko kwimivuzo phakathi kwabona baqeshwa

bahlawulwa imivuzo ephezulu nabahlawulwa wyona iphantsi;

� Ukuthobela umthetho wophuhliso lwezakhono kunye nezimali ezichithwa

ekuqeqesheni abantsundu nolutsha, kunye nokuthatha inxaxheba

kwiinkqubo zokufunda usemsebenzini; kunye Notyalomali lwamashishini

kwezentlalo.

(b) Utyalomali kushishino lokuloba

Abafake izicelo baza kuhlolwa ngokuqwalasela utyalomali olwenziwe

kushishino lwetyhuna.


Xa kujongwa abanamalungelo abafake izicelo, iSebe liza kucingela:

� Utyalomali kwimikhumbi efanelekileyo kunye nempahla engaphathwayo.

Ngokuphathelele kumkhumbi, abafake izicelo baza kuwongwa ngobunini

kunye nokuba yinxalenye yobunini bomkhumbi. Izivumelwano zokuthutha

nezokuloba ziza kuthathwa njengezityale imali kolu shishino.

� Utyalomali kwiziseko eziluncedo nophuhliso zokugcina imveliso ingonakali.

Kulo mba, iSebe liza kuwonga abanelungelo abafake izicelo ukuba batyale

imali kumalinge okugcina ityhuna ingonakali nokuyithengisa. Abanelungelo

lokuloba abafumene amalungelo ngokusetyenziswa kwenkqubo yecandelo

lama-21 abasayi kuthathwa njengabatyale imali kolu shishino.

Ngokuphathelele kwabatsha abafake izicelo, iSebe liza kucingela utyalomali

olwenziweyo olufana nemikhumbi, ukuba umkhumbi lowo uchongiweyo ubude

bawo kuthe kanti li-10 leemitha. Izicelo zabatsha abafake izicelo kufuneka

zibonakalise ukuba ingaba batyale imali kuwo nawaphi na amalinge okugcina

ityhuna ingonakali kunye nawokuyithengisa, okanye bayafikelela kusini na

kwiindawo zokuthengisa.

(c) Intsebenzo yokuloba

Abanamalungelo abafake izicelo baza kuhlolwa ngokujongwa kwendlela

abasebenze ngayo kwixesha elide (2007 -2012) Abanelungelo abafake izicelo

abajolise kubukho betyhuna ngokuqhelekileyo okanye abaloba eNamibia baza

kohlwaywa.

Abanamalungelo abawafumene ukuze balobe ixesha elide bewafumana

ngokufaka izicelo belandela ukusetyenziswa kwenkqubo yecandelo lama-21

baza kuthi bakwazi ukufaka amabango okuloba ityhuna ukusuka kwixesha


isicelo safakwa ngalo kwiSebe kulandelwa inkqubo yecandelo lama-21.

Abanini mikhumbi abangenalo ilungelo, kodwa ekungoku bafake izicelo

zokunikezelwa amalungelo abakwazi ukufaka ibango lokuloba ixesha elide,

kwaye baza kuthathwa njengabatsha abafake izicelo. Izicelo zabatsha kolu

shishino ziza kuhlolwa ngokuthathela ingqalelo ukuba ingaba bangakwazi

kusini na, ulwazi kunye nezakhono zokujolisa ekulobeni ityhuna.

(d) Ukuthembela kwityhuna

Isebe likhetha abafake izicelo abathembele ekulobeni ityhuna njengeyona

nxalenye yengeniso yabo yonyaka epheleleyo. Abafake izicelo okanye

abaninizabelo abalawulayo abafumana nayiphi na ingeniso evela kwimithombo

engaphandle koshishino lokuloba baya kohlwaywa.

(e) Uphuhliso lwamashishini nokwandisa ixabiso

ISebe lingathathela ingqalelo uphuhliso lwamashishini kunye nendlela ityhuna

elotywe ngabanamalungelo ethi igcinwe ngayo ukuze ingonakali ize

ithengiswe.

Abatsha abafake izicelo kuza kufuneka babonise indlela abazimisele

ukuyithengisa ngayo ityhuna. Baza kunikwa amanqaku, ingakumbi

ngezicwangciso zabo zokuloba

(f) Uphuhliso loqoqosho lwasekhaya

ISebe liza kukhetha abafake izicelo abakhetha ukuzisa umthamo weentlanzi

abazilobileyo bazigcine zingonakali kumaziko angaphandle kommandla


wesixeko esimbaxa saseKapa.

ISebe liza kuthathela ingqalelo abanamalungelo okuloba abafake izicelo

abazimisele ukutyala imali kumazibuko amancinane okuloba nokuzisa

umthamo weentlanzi abazilobileyo kuloo mazibuko mancinane afana

neLamberts Bay.

(g) Imisebenzi

Ushishino lokuloba ityhuna lushishino ekusetyenzwa kakhulu kulo, noluqesha

abasebenzi abangama-2 700. Nangona iSebe likunakana ukuba ukuloba

ityhuna ngumsebenzi wexesha elithile lonyaka kolu shishino, likhuthaza

ukubonelela ngemisebenzi esisigxina okanye ngokhuseleko lokuba abasebenzi

banawo umsebenzi lakufika elo thuba.

Ukudala imisebenzi kunye nokwanda kwemisebenzi njengesiphumo

sokunikezelwa kwamalungelo okuloba ixesha elide kuza kuwongwa, kwaye

ingakumbi, ukuba abafake izicelo babonelele abasebenzi babo ngoku

kulandelayo:–

� Ingqesho esisigxina;

� Inkxaso yezonyango kunye nomhlalaphantsi; kunye

� Neemeko ezikhuselekileyo zokusebenza.

� Ukusekwa kweNgxowa yaBasebenzi njengendlela abathi

babenezabelo kwishishini lalowo unelungelo lokuloba.

(h) Ukungazihlawuli iirhafu zokuloba

ISebe lifuna ukuba wonke onelungelo lokuloba ahlawule irhafu ngeentlanzi

ekujoliswe kuzo azilobileyo. Iqela labanamalungelo okuloba abanye babo


abayihlawulanga irhafu abanetyala layo kwiSebe okanye baphosisile banika

ingxelo engeyiyo inyaniso besithi balobe kancinane, phakathi kwezinto,

ukubalekela ukuhlawula iirhafu.

Kule meko yokugqibela, abanamalungelo okuloba abafunyaniswe ukuba

banike ingxelo engeyiyo inyaniso abasayi kwabelwa amalungelo okuloba,

okanye ukuba bawabelwe amalungelo, loo malungelo aya kurhoxiswa.

Kwimeko engaphambili (ukungahlawuli irhafu elityala kwiSebe )

abanamalungelo okuloba baza kohlwaywa. Kodwa ke, ukuba abanamalungelo

baseselungelweni lokwabelwa amalungelo, imvume ayisayi kukhutshwa lide

libe lihlawulwe lonke ityala lerhafu (kunye nenzala) lihlawulwa kwiSebe.

(i) Ukuthobela umthetho

Abanamalungelo okuloba, kuquka amalungu abo, abalawuli okanye

abaninizabelo abalawulayo, abaphandelwa ukophula imiqathango yeMLRA

bangangawabelwa amalungelo okuloba zide iziphumo zophando zibe ziyaziwa.

Ukungathotyelwa

Ukungathotyelwa komthetho weMLRA okungephi, ngabafake izicelo, abalawuli

okanye abaninizabelo abalawulayo, kuya kunikwa amanqaku asezantsi:

9.3 Ukwabelwa ngeenzame

ISebe liza kunikezela ngamalungelo okuloba kwimikhumbi engama-200. Abafake

izicelo bangonyula umkhumbi omnye okanye imikhumbi emininzi. Abonyule imikhumbi

emininzi kufuneka babe ngabanini bayo okanye babenesabelo esikhulu kwimikhumbi

leyo.


10. Imikhumbi efanelekileyo

Umkhumbi ofanelekileyo kushishino lwetyhuna ngumkhumbi:

� Onobuncinane bobude obuziimitha ezili-10 ngokwabakwaSAMSA.

Imikhumbi emincinane ayisayi kuthathelwa ngqalelo nokuba sele ikhe

yasetyenziswa ukuloba ityhuna kwixesha elidlulileyo.

� Uqinisekisiwe ngabakwaSAMSA ukuba ungakwazi ukungena elwandle

usebenze kumgama weemayile ezingama-40 elwandle (imikhumbi

ekwicandelo B);

� Unesixhobo esisebenzayo esibonisa apho ukhoyo umkhumbi; kwaye

� Unezikhenkcezisi okanye iindawo zokugcina umkhence.

� Ngumkhumbi wokuloba ityhuna uyilobela ushishino ngokuchaseneyo

nomkhumbi onobuyokoyoko wokuzonwabisa, umkhumbi

osetyenziselwa ezolonwabo okanye oqeshelwe ezolonwabo.

�

Ukuze kuqinisekiswe ukuba umkhumbi uyaziphumeza iinqobo zomkhumbi, abafake izicelo

kuza kufuneka bafake iifoto zomkhumbi kwakunye neekopi zeziqinisekiso zobhaliso

zakwaSAMSA.

11. Ukubandakanyeka kumacandelo amaninzi

Abanamalungelo okuloba ityhuna (kuquka abaninizabelo abalawulayo kunye namalungu

eqela labo lesigqeba esilawulayo) abasayi kuvalelwa ukuba babenamalungelo okuloba

kwamanye amacandelo okuloba. Kodwa ke, iSebe likhuthaza abanamalungelo ukuba bafake

izicelo zokwabelwa amalungelo kumacandelo okuloba afana nawokuloba ihake, isword fish,

ilobster, kunye nesikwidi ukuze baphucule ukuphila kwezoqoqosho lokuloba

okuhlanganisiweyo kunye nokuxhasa ukudalwa kwemisebenzi.


12. Imirhumo yokufaka isicelo kunye neerhafu

Umrhumo kolu shishino uza kumiselwa kunikwa ingqalelo koku kulandelayo:

� Ixabiso layo yonke inkqubo yokwabelwa amalungelo, kuquka

uthethathethwano, ukubhalwa phantsi kwezinto ezithengiweyo, ukuhlolwa

kwezicelo, ukuqinisekiswa kwazo, izibheno kunye nokuphononongwa.

� Ixabiso lentlanzi oyabelwayo kwixesha lelungelo lokuloba onalo; kunye;

� Nokufikeleleka.

Imirhumo yonyaka ehlawulwa ukususela kumhla woku-1 kweyoMdumba wama-2014 iza

kumiselwa emva kothethathethwano nabanamalungelo okuloba. Iirhafu ezihlawulwayo ziza

kusetyenziswa liSebe ukunciphisa amaxabiso onyaka olawulo, ukuthobela umthetho kunye

nophando.

13. Amanyathelo olawulo

La manyathelo olawulo achazwe ngezantsi abonisa iqela leenjongo zolawulo ezingundoqo

zeSebe emva kokwabelwa amalungelo kolu shishino.

13.1 Indlela yetyathanga lezendalo kulawulo lwezoshishino lokuloba

Olu shishino luza kulawulwa ngokwemiqathango elandela indlela yetyathanga

lezendalo kushishino lokuloba (EAF) Indlela yetyathanga lezendalo kulawulo lokuloba

yindlela equka konke elungisa okanye ephucula impilo yetyathanga kwaye ilinganise

iimfuneko ezohlukileyo kunye nexabiso loluntu. Le ndlela isekwachaza ityathanga

lendalo ngokubanzi kwaye iquka amatyathanga endalo, oluntu, oqoqosho kunye

nolawulo lwaseburhulumenteni.


13.2 Ukuhlanganiswa kwabathatha inxaxheba

Njengesiphumo sokwabelwa iminyaka esibhozo yamalungelo oshishino lokuloba

ityhuna, iSebe liza kuququzelela ukuhlanganiswa kwabo banamalungelo

nabasebenzayo kolu shishino. Abanamalungelo okuloba banakho ukuhlanganisa

amashishini abo kwezi meko zilandelayo:.

� Apho abanamalungelo okuloba banenani elilinganayo labaninizabelo, ii-ofisi

okanye iqela labalawuli, okanye

� Apho abanamalungelo okuloba ambalwa bakhetha ukuhlanganisa ushishino

lwabo ukuze bakwazi ukwandisa nangaphezulu iinguqu kwicala lezoshishino

lokuloba.

Ukuhlanganiswa kwamalungelo kuxhomekeke kwindlela iSebe elijongana ngayo

nokuxhamla wedwa (funda umhlathi 13.4 ngezantsi). Ukongeza koku, ukuhlanganisa

akuyi kuxhaswa liSebe apho kunokuba nesiphumo sokuncitshiswa kweenguqu

kwicala lokuloba ityhuna.

13.3 Imikhumbi, iinzame zokuloba kunye nomlinganiselo wobungakanani bokuloba ubuncwane baselwandle

ISebe lizimisele ukunikezela amalungelo kwimikhumbi engama-200 ubuninzi. Kodwa

ke, iSebe linganikezela ngaphantsi kweli nani ukuze liphumeze umgaqo walo

wamacandelo amaninzi ize liphucule ukuphila koqoqosho kushishino lokuloba

ngokupheleleyo. Ukunyinwa kobungakanani bobuncwane baselwandle onokubuloba

kungamiselwa kwixesha elizayo ukuba iMibutho yoLawulo loShishino

lokuLobayeNgingqi ibonakalisa ukuhla kwemithombo yetyhuna nakwimeko apho

uMzantsi Afrika unokufumana ukwabelwa okuncitshisiweyo.


13.4 UXhamlo-wedwa

Lo gama iSebe likukhuthaza ukuhlanganiswa kwamalungelo okuloba kolu shishino,

iSebe liyakuchasa ukuxhamla wedwa okungasebenzela ukutshabalalisa abo

banamalungelo okuloba kancinane.

14. Ukulinganisa intsebenzo

ISebe liza kumisela inani lemisebenzi yokulinganisa intsebenzo ngexesha

lamalungelo okuloba. Kukho umbono wokuba ukulinganisa intsebenzo kuza kwenziwa

rhoqo kwiminyaka emithathu.

Nangona iSebe liza kuqoshelisa ngocoselelo iinqobo ezithe ngqo, abaza kulinganiswa

ngazo abo banelungelo lokuloba emva kothethathethwano nabanamalungelo okuloba,

ezi nqobo ziphathelene nokusebenza zingasetyenziswa:

� Iinguqu;

� Utyalomali kwimikhumbi emitsha nezixhobo zokusebenza;

� Ukudala imisebenzi;

� Uphuhliso lolutsha;

� Umthamo olotyiweyo;

� ukuthobela imithetho efanelekileyo nemiqathango.

Injongo yokulinganisa intsebenzo iza kuba kukuqinisekisa ukuba iinjongo zeshishini lokuloba

kuyafikelelwa kuzo kwaye neendlela zokulawula kunye neenkqubo ziyasebenza kwaye

zilufanele ushishino lokuloba.

15. Inkqubo yabakhimkhanyo

ISebe lingacingela ukwandisa inkqubo yalo yabakhimkhanyo abasele besebenza ukuze


iquke ityhuna kwaye abanamalungelo kungafuneka ukuba bajongane neendleko zale nkqubo

yabakhimkhanyo.

16. Iimeko zemvume yokuloba Iimeko zemvume yokuloba kolu shishino ziza kukhutshwa ngonyaka. Ziza kumiselwa emva

kothethathethwano nabanamalungelo okuloba abafanelekileyo kolu shishino, kodwa

kuxhomekeke kwiimfuneko zalo naluphi na ulawulo lokuloba lwengingqi kwaye luza

kuxhomekeka kuhlaziyo xa oko kuyimfuneko.

isebe lezolimo, amahlathi kunye nokuloba · pdf fileeminye imikhumbi engaphantsi kweemitha...

Documents