January - March 2021

1Forest Khawvel

FROM EDITOR’S DESK

Kan hotu leh kan thawhpui, kawng hrang hranga hnathawh chun-gchanga remhria leh tawnhriat ngah tak takin pension-in min chhuahsan zel a, tunah chuan kan departmentah hian field staff bikah thawktu kan tlem ta em em mai a, thawk tur zat atanga 40% emaw chauh kan awm ta a ni. Chuvangin mahni hmun theuhah tihtak zeta kan tan theuh a ngai lehzual ta. Chutih laiin mipui nena kan inlaichinna pawh siam that a, tihpun zel a tul hle mai. Chuti a nih loh chuan kan ram leh a ch-hunga thil tinrengte enkawl chu tihna mai a ni ta lo.

Kangmei ven tul lai tak hunin min nang leh ta. Hemi chungchangah pawh hian kan awmna theuha khawtlang hruaitu, Village Coun-cil, YMA/YLA/MTP/YCA etc. leh Kohhran pawl hrang hrangte thawhpui kan thiam a tul hle a ni. Kan ramhnuai leh a chhunga thil tinreng hi Forest Department ta ni lovin, a neitu tak chu mipui kan nihzia hi uar lehzuala kan tlan-gaupui loh chuan tihngaihna a awm ta lo a ni ber mai.Hei hi hrereng chungin kan theih bak ti theitu mipui vantlang hi in-laichinna tha I siampui zel ang u. Chumi atan chuan kawng hrang hrangin an rintlaka kan awm pawh a tul hle ang.

Ka lawm e.

FIRE PREVENTION WEEK HAWN A NI

State Level Fire Prevention Committee bul tuma huaihawt Kangmei Ven Hapta chu ni 08.02.2021 khan Pu Lalnun-mawia Chuaungo, IAS, Chief Secretary-in a hawng. He hawnna inkhawm hi ATI Auditorium, MINECO-ah chhun dar 12 khan hman a ni a. Khuallian Pu Lalnunmawia chuan Mizoram chhunga Tlawmngai pawl hrang hrangte kan ramhnuai leh nungcha tin reng humhalh kawnga an hmalakna avanga fa-kin chhunzawm zel turin a ngen a. Sorkar Department hrang hrang pawh tunah chuan ramngaw leh nungchate venna kawngah hian kan thawhho a tul lehzual tak zet tawh a ni, a ti. India ram state zinga ramngaw nei tha ber kan nih laiin kan eizawn danin a zir loh avangin ram tha nasa takin kan tikang thin a, hei vang tak hian kangmei ven hapta hi hman a tulin a pawimawh ta em em a ni, a ti bawk.

He hunah hian Pu Jitendra Kumar, IFS, PCCF chuan he hun hmangtute lawmna thu a sawi a.

Pu Liandawla, Principal Secretary leh PCCF (HoD), State level Fire Prevention Committee-a Member Secretary ni bawk chuan hmalak tawh dan leh hmachhawp engemaw zat a tarlang a. Kum danga tih thin ang bawkin Kangmei Veng tha Lawmman pawh Distrist pual leh Village puala siam leh a nih tur thu a sawi. Tun hma deuh kha chuan kangmei

laka kan fimkhur loh avangin mihring nunna hial chan a nih thu leh in leh huan, lo ram tam tak a kan chhiat tawh thu a sawi a. Tunah chuan tlawmngai pawl leh khaw tina VC te

Editor: Laltlanhlua Zathang

Office Address: Divisional Forest Officer, Forest Extension Division, PCCF’s Office Building, Tuikhuahtlang, Aizawl, 796001, Mizoram.

Phone/Fax: 0389-2323302

E-mail:efextension16@gmail.comforestkhawvel2015@yahoo.com

Jt. Editor: V LaikhumaJANUARY - MARCH 2021 Vol. XXII Issue No. 4

F O R E S T F O R E S T K H A W V E LK H A W V E L

Forest Khawvel 2

hmalakna avangin a ziaawm sawt em em tawh a ni, a ti. Lo hal hun ni hnuhnung ber atan March ni 15 ruat a nih thu leh Lengpui Airport chheh vela khuate phei chu chawhnu dar 3:30 hma lama hal lo tura tih an nih thu a sawi.

He Hapta hian February ni 13 thleng a awh a, kumin a kangmei ven Hapta thupui atan ‘kangmei tichhuak lo turin mi tin i fimkhur ang u’ tih hman a ni.

Chief Minister kaihhruaina hnuaia din State Level Committee on Fire Prevention hi kang-mei ven kawnga hmalatu sang ber niin a hnu-aiah Environment, Forest & Climate Change Minister kaihhruaina a din Sub-Committee on Fire Prevention a awm leh a, District tinah hma latu District Fire Prevention Committee an awm bawk a ni.

Nikum chhung khan Mizoram hmun hrang hrang 1300 chuang-ah kangmei chhuak chhinchhiah a ni a, chung zinga hmun 210 chu ramngaw kang a ni a, a bak 1090 chu lo leh huan kang te leh bawlhhlawh halna hmun te an ni a. Heng kangmei chhuakin ram a tih-chhiat leh nghawng chu hectare 3614 laia zau niin hectare 289 chu ramngaw kang a ni.

He hun kharna a lawmthu sawi pahin Pu Li-ankima Lailung, APCCF(WL) & CWLW pawhin Pathianin thil a siam a, a tichhe ngai lo va, Pathian thilsiam tichhetu ni lova siampuitu

kan nih chuan Pathian hna thawhpuitu kan ni, tiin a sawi.

Fire Prevention Week hi District Capital tinah pawh DFO leh DC te kaihhruaiin hman a ni hlawm bawk.

Champhaiah chuan EF & CC changtu Minis-ter, Pu T.J Lalnuntluanga hovin hman a ni. Pu T.J. Lalnuntluanga chuan zirchiannain a tarlan danin Champhai district chu ram ngaw tichereu chak leh kangmei chhuah tamna dis-trict a nih avangin tha thlah lova kan tant-lan ngai a ni, tiin kangmei chhuak leh ram ngaw tih chereu avanga tawrhna hrang hrang thleng thinte tarlangin, kangmei leh ram ngaw chereu vanga harsatna thleng thinte sutkian a nih theihna turin project tha tak ‘Affores-tation of denuded Hills in Champhai District of Mizoram’ siam a nih thu leh NEC pawhin tunhnaiah a pawmpui thu a sawi a. Project kaltlang hian awmze nei zawka ram enkawl te, ram ngaw hloh tawh siam thar, phaizawl Lei-let chawm tur tuihna siam leh tui thianghlim in tur siam kawnga hmalak tum a ni, a ti a. Project tha zawk pawh siam zel tum a nih thu sawiin, mipuite chu a hlawhtlin theihna tura tanho puiah a sawm a. Kangmei chhuak thinte khawtlang tangrualin chhiatna nasa zawk a thlen hmaa an thelh mit thin chu entawntlak a tih thu pawh sawiin, tlawmngaia kangmei chhuak thelh tura thawkchhak thinte chu fakawm a tih thu a sawi a ni.

NEW YEARS GATHERING WITH ENVIRONMENTAL NGOs

Ni 19.01.2021 chhun dar 12:00 khan PCCF Conference Hall-ah EF&CC Deptt leh Environmen-tal NGOs-te chuan Pu TJ Lalnuntluanga Hon’ble Minister of State EF&CC etc. hovin kumthar thingpui inho paha inkhawmkhawmna an nei a, he hunah hian EF&CC Deptt leh Environ-mental NGOs - ASEP, CEP, GMN, CYMA, BIOCONE leh SENVA atangin mi 13 bakah EF&CC-a Senior Officer 6 an tel a ni.

January - March 2021

3Forest Khawvel

President, ASEP Pu K. Lalmuansanga’n hun-serh a hmang a. Chairman Pu TJ Lalnunt-luanga chuan NGO-te nena inpawh taka inkawmkhawm a tul chhante sawiin Forest Department leh NGO lama mi thahnemngait-en ramngaw leh nungchate humhalh kawngah leh he mi avanga dan leh hrai lekkawh a nih avanga mipuiten Forest Department leh NGO-te an hmuh dan, khingbai leh mantu ang maia an hmuhnate chu siamthat zawk a nih theih nan leh nungcha leh environment humhal-hin rah tha leh hriselna tha a hrin chhuahte mipui hnenah zirtirna tha leh zau zawk pek a, an ngaihdan thlak thleng a tul thu a sawi.

Pu Liandawla IFS Principal Secretary pawhin thu sawiin hetiang programme, a vawikhatna atana duangchhuaktu Minister chungah law-mthu a sawi a. EF&CC Deptt staff pension-a an chhuah nasat avang leh mi thar lak a khat bawk si avangin Field Staff hna thawk tur zat 40% chauh an awm avanga hnathawh a harsat thu a sawi a. Environmental NGO-te puihna leh tawiawmna chuan ramngaw leh nungchate humhalh kawngah nasa taka hma a sawn theih thu sawiin thawhhona tha tak leh hlawk tak neih a beisei thu a sawi a ni.

Pu Jintendra Kumar IFS PCCF (P&D) pawhin PowerPoint presentation hmangin Forest Cov-er kan la neih that thu te, hemi avang hian carbon stock pawh India ram pum atanga chhutin 2.20% kan neih thu bakah ramn-gaw kan neihte tih pun zel a nih theih nan leh ramngaw avanga eizawnna leh hausakna remchang awm thei tur tha tak kan neih thu a sawi a ni.

NGO hrang hrang paruk atang hian ramngaw leh nungcha humhalh kawngah EF&CC Deptt nena thawh hona kan neih that zawkna tur leh hma kan sawn theihna tur thu tha tak tak sawi leh rawt a ni. A tlangpui thuin EF&CC Deptt leh Environmental NGO te thawh hona chu tha thawkhata hriat a ni. NGO-te hian ramngaw leh nungcha humhalh kawngah te, reserve forest hrang hrang humhalh kawngah te tan ho tlat a tul thu leh hemi kaihnawih, dan leh hraite chu khauh zawka kenkawh a tul thu sawi a ni. Ramngaw leh nungcha hum-halh a tulna leh pawimawhna chungchanga inzirtirna chu nasa lehzual a kalpui tul an tih thu an sawi a, hemi atan hian fund pawh tih puna budget-a dah ve tha an tih thu an sawi bakah Ramsate pawi khawih chungchan-ga zangnadawmna (ex-gratia relief for dam-age cause by wild animals) leh the Mizoram Rewards for Detection of Forest and Wildlife Scheme-ah pawh fund hnianghnar zawka dah te an rawt. He hunah hian the Mizoram (Forest) Act, 1955 chu ennawn leh siamthat a tul thu sawi a ni bawk. Hei bakah hian En-vironmental NGO-te tan study tour buatsaih a, India rama Protected Areas pawimawh zual tlawh nise, an ti bawk.

He hun hi Pu H. Lianmawia chuan lawmthu sawiin a khar a. Hetianga NGO te nen rilru in-pawh taka inkawmkhawmna neih a ni chu ril-ru chhungril taka a lawmthu sawi pahin NGO-ten a tak tak leh thahnemngai taka ramngaw leh nungcha humhalh kawnga tha an thawh thin chu lawmthu a hrilh a ni.

Forest Khawvel 4

NANDANKANAN ZOOLOGICAL PARK, BHUBANESWAR LEH GUWAHATI ZOO TE NEN RAMSA IN PEK TAWN A NI

India rama Zoo enkawlna kawnga thuneitu sang ber; Central Zoo Authority of India (CZA) pawmpuiin Aizawl Zoological Park-a Ramsa chi 4, a vaiin 18- te chu Nandankanan Zoological Park, Bhubaneswar Odhisa hnenah pek an ni a, heng Ramsa te la tur hian Nandankanan Zoo-logical Park atangin ACF leh Research Associate hovin mi 8, motor lian 1 leh Car 1 hmanga lo kalin 1.2.2021-ah khan Aizawl Zoological Park an rawn thleng a, ni 3.2.2021 khan an haw thla leh ta a, tluang takin ni 7.2.2021 tlai khan an thleng thla leh ta a ni.

Nandankanan Zoological Park-a Ramsa pekte chu hengte hi an ni.1) Himalayan Black Bear (Savawm) - 1 pair2) Wild dog (Chinghnia) - 1 pair3) Assamese macaque (Zo Zawng) - 1 pair4) Stump tailed macaque (Zawng hmaisen) - 3 pairs5) Asian Brown Tortoise (Telpui) - 3 pairsTichuan, Nandankanan Zoological Park atang hian Arawn (Common Peafowl) 2 pair lakluh a ni ve thung a, amaherawh chu Arawn hian chaw an ei that duh loh avangin kar 1 vel hnu-ah an vaiin an thi ta mai a, a pawi hle a ni.

KUM THAR 2021 ATANA INHLAN THARNA(Rededication for New Year - 2021)

Ni 12.01.2021 Thawhlehni chawhma dar 11:00 khan EF & CC Department chuan PCCF Conference Hall-ah inhlan tharna hun, Minister Pu T J Lalnuntluanga hovin an hmang a. He hunah hian Pu Liandawla, Principal Secretary chu chairman a ni a, Upa C Ngurthantluanga, Khatla chuan hunserh hmangin Pathian thuchah Rome 12:1-2 thu hmangin Pathian leh ram tana inhlan thar a tul thu a sawi.

He hun hmanpuitu, Pu TJ Lalnuntluanga, EF&CC Department changtu Minister chuan fuihna thu a sawi a. Forest Department chu mipui mimirten mantu leh khaptu ang mai nia an hriatna tibo tur leh nasa lehzuala ramngaw leh nungchate humhalhtu mai bakah; sik leh sa inthlak danglam zelin a nghawng chhiat tur venna kawngah tangkai taka inhmang tur leh zau leh nasa zawka midangte zirtirna pe uar turin a fuih a. Sorkar department dangte pawh Environment, Forest & Climate Change Department-in dan leh hrai a kenkawhte hril-hfiah a, zittirna pe thin turin a chah bawk. Hei bakah hian department chhunga officer leh thawktute chu hmasawn tura ke penna kawn-gah phei chheh rualkhai taka kalho turin a fuih a, Department tihmingchhe thei zawnga mahni thu thua hma la mai lo turin a chah bawk.

He inhlan tharna inkhawm hi Pu Liankima Lailung, Chief Wildlife Warden-in lawmthu sawiin a khar a ni.

Heng a hnuia tarlan Aizawl Zoological Park-a Ramsate hi ni 18.6.2018 khan Nandankan-an Zoological Park-ah hian pek an lo ni tawh bawk a ni.

January - March 2021

5Forest Khawvel

Keipui la turin inbuatsaih chhoh zel a ni: Keipui (Royal Bengal Tiger) nupa (1 pair) hi Assam State Zoo, Guwahati atanga lak phal-na Central Zoo Authority of India (CZA) atan-gin hmuh a ni tawh a, amaherawhchu Sakei dahna tur (Enclosure) hi chei that hmasak a tul avangin Sakei hi lak mai theih ala ni lo va, a dahna tur (Enclosure) chei that hna hi tan theih thuai beisei a ni a, a chei that hna thawh zawh veleh Sakei hi lak a ni ang.

Covid-19 hripui leng avangin Aizawl Zoological Park hi mipuite tan tlawh theih loh tura khar chhunzawm zel a la ni.

1) Himalayan Black Bear (Savawm) - A Nu 12) Wild dog (Chinghnia) - 1 pair3) Assamese Macaque (Zo zawng) - 1 pair

Assam State Zoo, Guwahati-ah Hauhuk Nupa (1 pair) pek a ni thung a, an ni hi Veterinary Doctor hova lo kalin ni 5.2.2021 khan Aiza-wl Zoological Park an rawn thleng a, a tuk ni 6.2.2021 khan an haw thla ve leh ta a ni. Nan-dankanan Zoological Park leh Assam State Zoo, Guwahati a Ramsa pek turte hi Aizawl Zoo a thawktute hian bawm (Cage) hrang hrangah an lo dah hrang lawk vek a, Ramsa la turte tan hian a awlsam phah hle a ni.

INDIA HMARCHHAK RUAHTUI TLAK DAN

Kum 119 chhûnga rain gauge stations hrang hrang atanga India hmarchhaka ruahtui tlâk dan an chhinchhiah atanga a lan danin, kum 1973 atang khan ruahtui a tla tlêm tial tial a ni. Ruahtui tlâk tlêm chhan hi Indian Ocean lum leh vawh dan danglam vang leh thlai hmun atana ramngaw thiah nasat vang nia ngaih a ni.

Khawvela ruahtui tlâk tamna ber ni thin Cher-rapunji aiin Mawsynram-ah ruahtui a tla hnem tawh zawk a. Mawsynram hi Meghalaya-ah tho awmin, Cherrapunji atangin 15 km a ni. Zir-chianna neitute hi Centre for Oceans, Rivers, Atmosphere and Land Sciences (CORAL), IIT Kharagpur niin Indian Meteorological Depart-ment (IMD) lamin ruahtui tlâk dan an chhinch-hiah chu an behchhan a ni.

THE WILDLIFE (PROTECTION) ACT, 1972 BAWHCHHIAT PAWIZIA

-K. Lalmuansanga (Zotei Pa), ASEP

Ram a changkang zel a, nunphung tha lo leh khawsak dan phung tha lote chu kan kalsan tial tial zel a. Ramngaw leh nungcha humhalhna lamah pawh kan harhthar chho mek zel a, ram changkang apiangin an ngai pawimawh a, a hnufual apiang kan la hnufual deuh niin a lang. Sapel, ramvah leh sava vehte chu tunah chuan ramhlui zia leh hnufual zia deuh chan a lo chang ve ta viau mai a, Mizoramah erawh chuan tanlak erawh kan la ngai nasa deuh ni chuan a lang. India sawrkar chuan rampum huapa min hrut rualtu turin nungcha humhalhna dan The Wildlife (Protection) Act, 1972 chu a han duang chhuak a, a tul ang zelin ennawna siamthat chhoh zel a ni a. He dan hi mi tinin kan hmelhriat a, dan bawhchhiatna pawizia te

Forest Khawvel 6

hi kan inzirtir tam deuh deuh a tul khawp mai. A kan inzirtir tam deuh deuh a tul khawp mai. A zavaiin en chipchiar hman lo mah ila, kan nung-zavaiin en chipchiar hman lo mah ila, kan nung-chate dinhmun leh dan bawhchhiatna pawizia chate dinhmun leh dan bawhchhiatna pawizia tlema zawng sawi i han tum dawn teh ang.tlema zawng sawi i han tum dawn teh ang.

He dan hnuaiah hian nungchate hi Schedule hrang hranga thendarh thliah thliah an ni a, humhalh an ngaih dan a zirin schedule an awmna pawh a inang lo thluah a, Schedule pakhat chhung ami pawh Part hrang hrangah dah hran a la ni bawk. Schedule I a awmte hi humhalh ngai zual bik leh ramsa/nungcha tlem tawhte an ni deuh bik a. Mizorama kan nungcha neih zinga schedule I a awmte chu – Zamphu, Sangai, Ngau, Saphu, Sahram, Kelral, Ramsial, Keisen, Awrrang, Phivawk, Hauhuk, Sai, Dâwr, Keite, Sanghar, Samang, Saza, Savawm bakbuk, Sahuai, Ngharthin-gawn, Sakei, Satel, Sumsi, Saphai, etc. te an ni a. Sava lam zingah – Vahlah, Vabak, Va-pual, Mute, Kawlhawk, Vahai, Vavu, Mungek, Varihaw, Vanga, Pengleng, Vaiva, Vahrit, etc. te an ni.

Heng Schedule I nungchate chunga dan bawh-chhiatnaah hian thuneihna pek officer tan pawh case hi mahnia chinfel (Compound) mai theih a ni lo va. Hremna hi kum 3 aia tlem lo lung in tan, kum 7 thleng pawhsei theih leh Rs. 10,000/- aia tlem lo chawitir ngei ngei tur a ni. Bawhchhiat nawnnaah phei chuan kum 3 aia tlem lo lung in tan, kum 7 thleng pawh-sei theih leh Rs. 25,000/- aia tlem lo chawitir ngei ngei tur a ni.

Hemi dawtah hian Schedule II nungcha an awm leh a. Mizorama kan neih zinga awmte chu – Part-I ah Zawng chi hrang hrang, Sah-maitha, Sakuh, Kuhsi, Chinghnia, etc. te an ni a; Part - II ah Sihal, Sa-uak, Rulngan, Chawngkawr, Tangkawng/Tangkeu, Sarivait-hun, Sazaw, Tlumpui, etc. te an ni a. Part – I amite chunga dan bawhchhiatnaah hian kum 3 thleng lung in tan emaw, Rs. 25,000/- thleng chawi emaw, a kawpin emaw hrem theih a ni a. Part – II amite chunga dan bawhchhiatnaah hian Schedule I ami ang tho khan hremna hi lekkawh tur a ni thung.

Schedule III ah hian Sakhi, Sathar, Sazuk, Sanghal, etc. tihte an lo awm ve leh a. A bak zawng ramsa leh sava kan neihte hi Schedule IV ah an awm kim vek a. Heng nungchate laka

dan bawhchhiatnaah hian hremna chu kum 3 thleng lung in tan emaw, Rs. 25,000/- thleng chawi emaw, a kawpin emaw hrem theih a ni. He dan hian humhalh ve lem loh nungcha pali a nei a, chungte chu – Phai Choak, Bak, Chai-chim leh Sazu te an ni a, thah kher tur an ni tihna erawh a ni kher lo. An tam deuh pawh a ni ang, an chunga kutthlak an lo awm pawhin hremna dan a awm ve lem lo tihna a nih chu.Hetia Schedule hrang hrangte han en hian kan rama nungcha reng reng hi dan chuan khauh takin a humhalh fai deuh vek a ni tih chu kan hre thei mai awm e. Dan hi bawhch-hiat hma chuan a hlauhawm hauh lo va, thil sual tih loh chuan hlauhna chhan tur pawh a awm hek lo. Amaherawhchu kan pawisak lo-hva, hmachhawn a ngaih meuh chuan rin aiin a tawrhhlelhawm viau zel a ni. Campaign-na hmun hrang hrangah pawh ka sawi tam leh sawi uar fo thin chu, “The Wildlife(Protection) Act hmachhawn ngai lo tur hian awm hram hram ang u, hmachhawn a ngaih meuh ch-uan rin aiin a hremna hi a na a nia,” ka ti thin. Chu chu a dik chiah bawk. Dan hmaa din hma chuan inti pa leh pawr tak tak pawh hi he dan an hmachhawn hun a thlen meuh chuan patling mittui tla zaih zaiha ngaihdam dil lawm lawm hi ka hmu nual tawh reng a ni.

Chhungkaw harsa ve tak leh chhungkaw pa berte tan ngat phei chuan kum 3 lung in tan leh Rs. 10,000/- or 25,000/- chawi hi hautak tham tak leh namai lo tak, Thangkura tawng-kam takin “Kumkhaw chawr lohna” thlen thei hial a ni. Dan hmaa mi an din hian an hmach-huan ve fo tlangpui chu “Heti taka pawi leh dan bawhchhiatna a ni tih ka lo hre lo a ni” tih a ni fo. Mahse dan hmaah hian dan hriat lohna hi thu tling a ni tlat si lo a ni.

Chuvangin hawh u, he dan bawhchhe kher lo hian kan nung thei a, kan khawsa thei reng a. Bawhchhetu ni lo turin i inbuatsaih vek ang u khai.

January - March 2021

7Forest Khawvel

RAM DANG SAVA LEH RAMSA MAN CHUNGCHANG

Ni 22.01.2021 zan dar 12:30 vel khan ram dang Sava leh Ramsa te chu Vairengte R.O. Pu K. Lalrohlua leh a staff-te leh Police O.C. ten Forest Checkgate-ah an man a heng ram dang Sava leh Ramsa (Exotic living Birds and Animals) te hi TATA Sumo MZ-01 J-6087 Myanmar atanga rawn phur thlak niin phailam (Mizoram pawn) a phruh/dah tur a ni. Heng thil mante hi DFO leh ACF Kolasib ten a hmuna kal a, an enfiah hnuin ni 22.01.2021-ah Directorate of Revenue Intelligence (DRI) Regional Unit, Aizawl staff-te hnenah a tul anga action la tur a hlan a ni a, DRI staff te hian CJM Kolasib District hnenah ramdang atanga dan kalh a lakluh a nih angin Custom Act hmangin a tul angte an tih fel hnuin CJM Kolasib thu angin 24.01.2021 (Saturday) khan Pu Lalhriatpuia R.O. Kolasib kaihhruaina in DRI staff-ten Aizawl Zoological Park-ah him leh tha taka enkawl a nih theih nan dah a ni. He thil man hlut zawng hi local market rate-a chhut chuan ` 12,30,000/- lai a ni. Hemi tuma nungcha chi hrang hrang mante hi Mizorama awm ngai lo chi deuh vek an ni nghe nghe a, ina khawi atana zawrh tur a tih a nih a rinawm ber.

Sava leh Ramsa man te chu hetiang hi a ni:

Sl No Sava leh Ramsa man ate Man zat

A hlut zawng (unit value

in Rs)

A vai a thil man hlut

zawng (in Rs)Remarks

1 Sun Conure Parakeets 8 nos 10,000 90,000

All exotic birds

2 Purple Bellied Lory 1 no 20,000 20,000

3 Love Birds (Pappagalli Inspparabili Roseiciollis) 7 nos 10,000 70,000

4 Fischer’s Lovebird (Orange Beak) 3 nos 10,000 30,000

5 Yellow bebbed Lory 4 nos 75,000 3,00,000

6 Twelve wire bird of Paradise (Male & Female) 2 nos 50,000 1,00,000

7 Black wing Lory 2 nos 15,000 30,0008 Red flanked Lorekeet 1 no 15,000 15,0009 Crested Fireback 1 no 75,000 75,000

10 Red eard Guenon cercopan 1 no 5,00,000 5,00,000 Exotic

animalTOTAL 12,30,000

Forest Khawvel 8

VAPUAL CHANCHIN TAWI

-K. Thangchunga, Lawngtlai Chanmari

Vapual hi Sava danglam tak a ni a, Mihring ang maiin Nupain an awm ve thin. Sava dang angin vawikhatah tamtak an nei ve ngai lo a, pakhat hi an neih dan tlangpui a ni. Mihring ang a, phir an neih changte pawh a awm ve mahna.

Vapual hi an Nu leh Pa ten an inneihtir ve thin a, chutia nupa tuak thara an lo insiam takah chuan, an nupa khawsakna tur ram pilril tak an zawng nghal a, Honeymoon hmang turin an pan nghal vang vang thin.Ram pilril mi-hring ten an tlawhpawh phak lohna hmun, thing kung sang tak tak leh lian pui pui awm-na ah chuan a nupui leh fa awm theihna tu-rin a hmui ropui leh mawi tak, lian tak chuan thingkung chu a ker ta ngat ngat a, thapui thawh a thla thum zet a beih hnu chuan, a kerkhuar ta dûk thin a. Chutah nu berin an pa hnathawh chu awmna tlak a ni em, tiin a endik leh phawt a, awmna tlaka a ngaih ch-uan a thla leh a mei te a khawngthla vek a, a hmul chu bu chheh nan a hmang a, tah ch-uan nu ber chu a tui a, chu chu a awp ta a ni.

Pa berin a nupui leh a fa chu ral laka an him theihna turin pawn lam atangin a char phui leh vek a, a hmui leng tawk chauhin kua a siam a, chutatang chuan a nupui leh fa chu a chawm ta ngat ngat thin. Ni tin a nupui leh fan ei tur zawngin a fehchhuak thin a, tawhsual tawk a tute emaw kutpalh tuar a a thi ta hlauh a nih

chuan in lam a lo nghaktu a nupui leh fa tan chuan riltama thih mai loh chu hmabak dang a awm lo.

Vapua l t e hi an thik-thu a chhe em em a, an hriat-loh hlan a a pa dan-gin a nu-pui chaw a lo pe ve a nih vaih chuan, a thin a rim em em mai a, tichuan a chaw pe-kna kua chu thing-hnaiin a charphui a, tichuan sang takah thlawkin a thla a khawkherh tlat a, a tla ta vawn vawn a leiah natak a

Ni 18.5.2020 khan an chawhmeh zawnna la-mah Saza hi kapin a sa thenkhat an hralh a ni. Chu thu hriat a nih veleh Pu Lalbiakchama Chawnthu, DFO leh Lungsen Forest Rang lama R.O. leh Staff ten umzui nghalin, tih tur tul apiang an tih hnuah Judicail Magistrate First Class, Lunglei hnenah thubuai an ziakut ta a ni.

Court-in uluk taka he thubuai hi a ngaihtuah hnuah ni 11.2.2021 khan thu tlukna siamin, a chunga tarlan tak mi pahnih te khi Wild-life (Protection) Act, 1972 U/S 51(1) hnuaiah thiam loh chantir an nih bakah an silai hman

pawh chhuhsak an ni a, District Magistrate, Lunglei hnenah hlan a ni a, a licence pawh cancel nghal a ni.

Hemi thu-ah hian a hun laia Tlabung DFO, Pu Lalbiakchama Chawngthu leh Pu R.L. Chakma R.O., Lungsen leh staff-te an fakawm hle a ni. Hetiang chi leh thil dangah pawh dan bawh-chhiatna hi kan hmachhawn fo lovang tih a sawi theih lova, chuvangin department offi-cers leh staff te pawhin fimkhur leh kimchang taka kan thil man te chhinchhiah leh court a dinpui tlak tura kan inbuatsaih fo thin hi kan mawhphurhna a ni tih i hria ang u.

THIAM LOH CHANTIR

Mizoram State Animal, Saza thah thuah mi 2, Komola Ronjon leh Morotua, Tuichang Zero veng ve ve te chu thiamloh chantir an ni.

January - March 2021

9Forest Khawvel

insawhin a thi ta thin a ni.

Nimahsela, chutiang harsatna tawk lova beisei anga tluang taka thil a kal chuan Pa ber chuan a chawm ngat ngat a, hun engemaw chen hnu-ah an fa pawh chu lo thanglianin, nu ber pawh chu thing kawrawngah khan a thla te pawh a lo chawr leh tawh a, an Fa pawh thlawk chhuak thei a lo ni ve ta a, tichuan Pa ber chuan a charna chu chuk hawngin, chhungkua hlimta-

SAVA THLA LAK

-Dr. C. Lalhmingliana

Then hnihna

1. Camera hriat chian a pawimawh.Tunlai hunah hi chuan digital camera kan hman tak avangin thlalak hrim hrim hi a awlsam tawh em em a. Chut chung chuan thla lak dan hriat chian a tulna a bo chuang lo a. Pho-tograiphy bu chi hrang hrang te, photography journal te chhiar tur a tam ta a, chu bakah internet-ah chhiar tur leh video en tur a tam ta a, intuaihriam a harsa ta lo viau mai.

Tunah hian chipchiarin kan tarlang hman lo va, mahni inzir a pawimawhzia erawh chu tarlang ta ila. A hmasa berah chuan ISO awmzia te, composition awmzia te, framing awmzia te, rule of thirds awmzia te, shutter speed te, aperture te, focussing point-a vertical type, horizontal type leh cross type te hriat hmasak a tul a. Shutter speed leh aperture leh ISO te lungthu pathum anga an inlaichin dan te hriat a ngai bawk a. Heng bakah hian kan camera model neihin thla a lak thleh dante manual-a chhiar a ngai bawk a.

Sava che lai thla lak dawn chuan shutter speed hi 1000-2500 thlenga set lawk hi mithiamte duh dan a ni a; burst mode-a set a tha an ti ber bawk. Aperture hi a zim lam apiang an duh a, ISO hi set sa theih ni mahse, automatic-a dah zawk an tam viau bawk. A theih hram chuan sava level atanga thlalak a tha bera ngaih a ni a. A sir zawnga lakin a lang chiangin a lang kim a, a mit hi chhuah hlim hun lai ni se, ni chu sir lamah emaw, hnung lamah emaw awm se duhthusam a ni. Memory card lian neih loh pawhin extra tal ken theih ni se, extra battery pawh a theih chuan ken ni se, a him ber.

2. Sava chanchin hriat chian a pawimawh.Sava thla kan lak dawn chuan an awmna hmun leh hun te, chulai hmuna sava awmte chanchin tlangpui hriat hmasak a tha a. Kan hriat hmasak theih chuan inbuatsaih lawk dan kan hria ang a, buaina leh beidawnnate kan tawk lo nge nge dawn a ni.

kin an inhmukhawm ta thin a ni.

Chutia an fa pawh thawk thei alo nih chuan an thiante hnena an Fa hmel thar hmuhtir chu an thil nghahhlelh ber a ni a, tichuan thla tamtak an lo khawsak tawhna atang chuan an hrai duhlai chu hruai chhuakin an thiante hnena chhuang tak a entir turin ngawpui chu an chhuahsan a, chhungkaw thar dinin, an thlawk ho delh delh thin a ni.

3. Sava pan hnaih dan.Hei hi ‘sava veh’ kan tih thin kha a ni ber a. Sapho chuan, “Wildlife photography is a game of patience,” an lo ti a. A awmzia chu,”Wildlife photography chu dawhtheih leh nghah peih

Forest Khawvel 10

BIODIVERSITY INRELBAWL DAN

-Dr. Lalneihpuia ChhakchuakMizoram Biodiversity Board

Kan chenna khawvela thilnung chi hrang hrangte hi mihringte tana an pawimawhna leh tang-kaina kan hriat chian hi a tul hle mai. Khuarel duan lawk fel tak angin mihringte kan dam-khawchhuah theihna turin kan mamawh hrang hrang te min pe a ni. “Biodiversity” tih hi thumal pahnih “Bio” leh “diversity” kaihkawp atanga lo awm a ni a, “Bio” chu “life” = Nunna tihna niin, “diversity” chu chi hrang hrang tihna a ni. “Biodiversity” chu nunna nei (Thil-nungte) chi hrang hrang tihna alo ni a. “Biodiversity” hian thilnung- nunna nei, mit lawnga kan hmuh theih loh atanga a lian ber thlengin, khawmual leh tuifinriata cheng zawng zawngte nen a huam vek a ni. Khawvel pumpuiah hian heng thilnung chi hrang hrang leh ramhmul (biodiversity) te tamna/bitna bik hmun (Biodiversity hotspot) 34 awmin, India ramah hian 4 a awm a, chung zinga pakhat Indo-Burma region huam chhungah hian Mizoram pawh telvein heng hotspot-ah hian khawvel hmundanga awm ve lo nungcha leh ramhmul tamtak an awm a, awmze nei tak a humhalh leh hman tangkai thiam a tul hle.

Convention on Biological DiversityKum 1992 khan Rio De Janeiro, Brazil-ah khawvel ram hrang hrang 193 (India telin) te chuan Biodiversity chungchanga Inkhawmpui lian “Convention on Biological Diversity” neiin, thiltum (objectives) pawimawh tak tak pathum an nei a: 1. Thilnung tinrengte humhalh 2. Renchem leh daihzai zawka hman tangkai 3. Heng atanga hlawkna awm thei te, rualkhai zawk a insem

Biodiversity inrelbawlnaHe khawmpui lian thurel leh thiltum te bawh-zui hian India chuan Dan mumal leh fel tak a siam a, chu chu “The Biological Diversity Act 2002” (BD Act 2002) leh “The Biologi-cal Diversity Rules 2004” (BD Rules 2004) te an ni. India ramah hian he inrelbawlna hi chhawng thumin a kal a, rampum huapin Na-tional Biodiversity Authority (NBA) din a ni a, NBA hnuaiah hian State tin te inrelbawlna turin State Biodiversity Board (SBB) din niin, SBB chuan khawtual (Local level) a hma la tu-

rin Biodiversity Management Committee (BMC) a din leh a ni. Mizoram tan bik a hman turin “The Mizoram State Biological Diversity Rules 2010” pawh kan nei bawk.

Mizoram Biodiversity BoardMizoram Biodiversity Board hi kum 2006-ah din niin, Forest department hnuaiah a awm mek a. Biological Diversity Act 2002 Section 41-na tlawhchhan in khaw/VC tinah an ram-chhunga biodiversity riral tur humhalh a tih hmasawn nan te, awmzei neia hmang tangkai a hma la turin BMC din a ni a. Mizoram Bio-diversity Board chuan BMC 893 a din tawh a ni. Biodiversity humhalh tur hian BD Act 2002 leh BD Rules 2004 tlawhchhanin BMC te hian an ram chhungah thuneihna sang tak an nei a. Dan hnuaiah hian heng thilnungte tichereu zawng a hma la reng reng chu, man a hrem theihna turin thuneihna pek an ni. BMC member-te hian an ram chhunga Biodiversity humhalh a, awmze neia hmang tangkai turin thilnung chi hrang hrang awmte chhinchhiah-

tur zawn a, chung phentu hmang chuan pan hnaih tur a ni. Savate hi englai pawha inveng reng mai an ni a, an mit leh beng a fing em em bawk a. Chuvangin, thil phenah awm mah ila, tihtum lo leh ngaihsak lo ni awm takin hman-hmawh lo tak leh thawm dim taka pan hnaih tur a ni. A chang chuan bawkvaka kal a ngai thei a, bawk chunga chan a ngai thei bawk.

(Issue lehah chhunzawm a ni ang)

ngai chi a ni,” ti ila a hriat thiam theih tho awm e. Ualau taka kan pan hnaih chuan an hlauthawng nghal mai a, langsar taka cam-era-a kan tin chuan silaia tin ang thovin an hlau thin bawk. Chuvangin, min hlau lova awmtir chunga pan hnaih dan zawn a ngai ta a ni. Hei hi sava lo veh thin tawhte tan ch-uan sawi zawm vak a ngai awm lo ve, mahse midangte tan sawi lang tho ta ila. Min hlauh lohna khawpa hlaa kan awm lai atangin phen

January - March 2021

11Forest Khawvel

KEIMAHNI

IFS OFFICER SIKSAWIMarch ni 4-a sawrkar thuchhuak chuan a hnuaia tarlan ang hian IFS officer-te hna tur a tidanglam. 1. Pu C. Vanlalena, CF(CC) chuan CF(NC) a kawp rih ang. 2. Pu H. Lallianmawia, CF(WL) chuan CF(R&D) a kawp ang. 3. Pu Laltlanhlua Zathang, WPO(N) chuan DFO Extension a kawp ang.

PENSIONHeng kan thawhpui te hian January - March ch-hungin Superanuation Pension-in min chawlh-san ve leh ta hlawm a, Pension hun hlimawm tak hmang turin duhsakna kan hlan e.

SN Name Designa-

tionPlace of Posting

Date of Superan-

uation

1 Vanlalhruaii UDC WL Div Aizawl 31.1.2021

2 Lalrem-mawia HC Aizawl Div 31.1.2021

3 Lalthankima HC Thenzawl Div 31.1.2021

4 Lianchun-gnunga Driver PCCF

Office 31.1.2021

5 V Lalfala, IFS CF R&D Circle 28.2.2021

6 Kawlhnuna, IFS CF Northern

Circle, Kol. 28.2.2021

7 Lalrinliana, MFS DFO Extension

Div 28.2.2021

8 Lalzuiliana Forest Ranger Mamit Div 28.2.2021

People’s Biodiversity Register (PBR)He chhinchhiahna bu (Register) ah hian BMC ten an ram chhunga thilnung chi hrang awm te dinhmun chiang taka chhinchhiah tur a ni. An dinhmun dik tak hriat a nih chuan hum-halhna kawngah nasa takin a pui thei dawn a, riral mai hlauhthawn awm te an nih chuan awmze nei taka humhalh leh hman tangkai dan ngaihtuah angai dawn a ni. Tin, khaw-tual mite hriatna leh finna, heng kan ram-hmul leh thilnungte, hmanlai atanga kan lo hman tangkai dan pawh chhinchhiah tel tur a ni bawk. Heng bakah hian khawtlang dinh-mun tlangpui (socio-economic profile of village) pawh chhinchhiah tel tur a ni. Tichuan hum-halhna kawnga hmalak dan tur hrang hrang BMC ten ngaihtuahin mipuite hnenah zirtirna leh hriattirna an pe bawk ang. Heng kan bio-resources-te hi keimahni chauh nilo, thangth-ar lo awm zel tur te pawhin an chhawr tangkai theihna turin tun atang hian kan humhalh a, awmze nei taka kan hman tangkai thiam a tul hle a ni.

Kan ram rohlu biodiversity humhalh a aw-mze neia chhawr tangkai tur hian mi tin hian mawhphurhna kan nei theuh a. Sorkar leh a mawhphurtu Department tihtur a dah mai loin keimahni hma zawn theuhah kan ram rohlute vawnghim a humhalh zel turin rilru i siam thar leh theuh ang u.

na bu Register (People’s Biodiversity Register-PBR) an siam ngei ngei tur a ni. Tun dinhmu-nah hian Biodiversity Board chuan National Green Tribunal thupek (OA No 347 of 2016) angin PBR 893 a siam zo tawh a. Heng regis-ter-te hi a tul anga ennawn leh tuaithar (revise and edit) tur a ni.

BMC te mawhphurhnaNational Biodiversity Authority (NBA) in inkai-hhruaina dan mumal tak a duan angin BMC te hian PBR siam bakah an ramchhunga bio-diversity vawnhim hna thawk turin mawh-phurhna hrang hrang an nei a. Mahni ram chhunga thilnung, ramsa leh sumchang thei thlai leh ramhmul te humhalh a, a riral lo za-wnga chhawr tangkai te; rambua siamthat te; heng bio-resources leh a kaihhnawih hriatna chhawr tangkai dan tur mumal siam te; heng atanga hlawkna awm thei apiang rualkhai tak a semzai te; bio-resources lama khawtlang hmasawn theih dan tha zawk duangchhuak tura thil pawimawh leh tul chhinchhiah te; biodiversity pawimawhna, hlutna leh tangkai-na khawtlang mipuite hnena ziritir te; khaw-tual finna leh hriatna PBR hmanga vawnhim bakah hian mawhphurhna dang tamtak an koah a innghat a ni.

Forest Khawvel 12

9 C Lalbiak-thanga

Dy Ranger DTR 28.2.2021

10 Liantluanga Dy Ranger Aizawl Div 28.2.2021

11 R Vanlal-ruata Forester Aizawl

Forest Div 28.2.2021

12 Lallianmawia Forester Kolasib Div 28.2.2021

13 HK Vanlal-chullova Forester Champhai

Div 28.2.2021

14Lalthlamua-na Pachuau, IFS

CCF PCCFOffice 31.3.2021

15 Vanlalruata Forest Ranger Kolasib Div 31.3.2021

16 Lalthantlinga Forest Ranger Aizawl Div 31.3.2021

17 Lalchhana Dy Ranger

Lawngtlai Div 31.3.2021

18 Manliana Dy Ranger

Champhai Div 31.3.2021

19 Sonaram Chakma Forester Tlabung

Div 31.3.2021

20 TC Than-glura Forester WPO(N)

Office 31.3.2021

21 TC Lalrin-dika Forester Champhai

Div 31.3.2021

22 Chalchhingi Forest Guard Lunglei Div 31.3.2021

PROMOTION (UDC to Assistant)SN

Name of GovtServant

Promoted to the post

Date of Pro-motion

1 Lalbiaknungi Co-Op 30.12.20202 Laltlanmawii CWLW 30.12.20203 KC Lalduhawmi PCCF 30.12.2020

4 R Lalrinpuii PCCF 30.12.2020

5 F Lalruatsangi PCCF 30.12.20206 RK Lalbiaksangi WPO(N) 30.12.20207 Lalroreli SCERT 30.12.2020

8 RS Lalsangzuali BDO E Lungdar 30.12.2020 30.12.2020

9 Thangdingliana FCS & CA 30.12.2020

10 Laltlanthangi SDO(C) Karthah 30.12.2020 30.12.2020

11 JC Lalruatkimi CE, I&WR 30.12.2020

PROMOTION (Dy Ranger to Ranger)SN

Name of GovtServant

Promoted to the post

Date of Pro-motion

1 Lalthanzama Sadar 30.12.20202 C Lalbiakthanga Phuldungsei 30.12.20203 F Liankima Retd. 30.12.2020

4 R Vanlalsawma Lunglei 30.12.2020

5 Mamliana Khawhai 30.12.20206 Lalthanzama Sadar 30.12.2020

PROMOTION (Forest Guard to Forester)SN

Name of GovtServant

Promoted to the post

Date of Pro-motion

1 Lalrammuana Lunglei 19.1.2021

2 Isak Lalrochana Aizawl Forest Div 19.1.2021

3 R Vanlalropeka Aizawl Forest Div 19.1.2021

4 HP Lalbiaktluanga Darlawn Forest Div 19.2.2021

q PCCF Office-a kan DD(Adm) thawk lai, Pu Lallianhmuaka chu ni 20.01.2021 khan Ad-ministrative Grade of MSS-ah a kaisang a, Deputy Secretary-in Printing & Stationery leh ICT hna a chelh ang. Kan ui hle rualin kan lawmpui em em e.

Hetih lai hian Pu Lalbiakenga, MSS ch-uan ni 4.3.2021 khan DD(Adm) hna a rawn zawm ve thung. Ani hi DC, Aizawl office atanga lo kal a ni.

q Tuna Honorary Wildlife Warden ni mekte 1. Dr C Lalhmingliana, Durtlang, Aizawl. 2. Pu PC Rosiama, Zuchhip, Khawzawl. 3. Pi Vanlalchhuangi, Project Veng, Kolasib 4. Pu R Lalrochama, Bazar, Lunglei. 5. Pu Lalmuankima Venghlun, Mamit. 6. Pu R L Chhuanawma, Bazar Veng, New Serchhip. 7. Pu Ch Vanlalruata, Bungmual, Salem, Lawngtlai. 8. Pu T A Chhohu, Vaihpi – I, Siaha.

SUNNA

q Pi Lalramhrili, FG, Kolasib Division ami chuan ni 17.01.2021 khan min kalsan ve ta. Pi Hrili hi Kal tha lo a nih bakah zun thlum nei a ni bawk.

q Pu Sangkhuma, Tiger Protection Forece, DTR-a thawk issue hmasaa damdawi ina awm kan tar-lan pawhin ni 29.12.2020 khan min kalsan ta.

q Pu Lalthanzama (Zamtea) RO, Aizawl chu ni 27.01.2021 khan zun thlum natna avangin a boral a, hemi ni vek chhun dar 12-ah vui a ni.

q Nl Lalrinmawii (Atei) hun rei tak Cancer natna a tuar hnuin ni 2.3.2021 tlai khan min peihloh san ta. Ni 3.3.2021 khan an inah vui a ni.